رواية حب بعد الطلاق الفصل الثاني 2 بقلم جمانه السعيدي
تحدد موعد العرس وخالي جان كلش مستعجل يعني حركهم حرك وتحدد بعد اسبوعين لان هو مشتري الغرفه
ومجهز كلشي
اني كنت اساعد نورهان بكل شي يعني حجز البدله والصالون اني وياها صرنا صديقات كلوش
حتى رحنا اشترينا المكياج وملابس النوم سوا
بيوم العرس من اجت الزفه البيت جدي من نزلت من السياره شفت ذيج المره نفسها الي شفتها بيت خالي واكفه يم ولد تحجي ويا وتاشر عليه
اني جنت لابسه فستان قصير وبوت طويل وشعري ومكياجي
كلش حلوووو
بس اني ما اهتميت لان جنت فرحانه بلعرس والهوسه
وامي اكثر شي تعتمد عليه
سما تعاي سما روحي
خلص العرس واهلي رجعو للبيت
واني امي وخالي كالو تبقين ايام العرس هنا
خاف تجيهم ناس انتي شاطره وخفيفه بلشغل لان نسوان خوالي كلهن
لو ترضع بجهال لو حامل بعدين كل وحده بيتها
اجن ثاني يوم شويه وراحن كلمن البيتها
طبعا الدوام رجع بس اني صادف جمعه وسبت عطله واحد وثنيين ما داومت
ثاني يوم هاي المره نفسها اجت تبارك
سمعت ام نورهان تسميه ام مصطفى
كعدت وبدت تحجي عن ابنها
ابني مهندس زراعي وعندا سياره حديثه ومكون نفسه
ونريدله بت الحلال
كلما نختارله وحده ماتعجبه يريد وحدا حلوه ومخلصه دراسه وبت ناس
سما..اني بكلبي اكول شكد تحجي خبصتنا بابنها خبص
هاي متعجبه عدها ولد
طبعا مالهم اي صلة قرابه بيت ابو نورهان بس ابو نورهان وابو مصطفى اصدقاء من زمان من ايام الدراسه
ومتعيينين سويه والعائلتين صايرين كلش اصدقاء
بحيث يسافرون سويه والعزايم والطلعات والمناسبات
كلهن سوا
على العموم سئلتني وين اداومين ويا مرحله جاوبتها
بعدين كمت لان الجدر على النار
خلص العرس ورجعت البيتنا بس اني ونورهان صرنا صديقات كلوش يوميه نتخابر مرتين واكثر
جمانه السعيدي
رجعت اداوم ورا اسبوع فد يوم العصر جاي انضف بلطرمه وندكت الباب
اني لابسه تراك ومشلتحه البجامه وكاف الردانات
فتحت الباب جان اشوف ام مصطفى الصراحه تفاجئت
سلمت عليها ودخلتها جوا ورحت اصيح امي
سما...ماما ام مصطفى اجت
ماما...ياا ام مصطفى
سما...ام مصطفى اصدقاء بيت نورهان
ماما....نزلت حواجبها شكو شجابها
سما...يله بدلي واطلعي بين ما اقدملها شي
رحت قدمتلها ماي وعصير وكعدت يمها
بدت تسولفلي رايحه للعمره مرتين والسنه تريد تروح للحج
وتريد ازوج مصطفى حتى تروح وبالها مرتاح
شويه ودخلت ماما
سلمت عليها واني طلعت
بقت اكثر من ساعه عدنا يله طلعت
سما...ماما ام مصطفى شتريد
ماما....جايه تخطبج شايفتج بلعرس وعاجبتها
سما...تحجين صدك
ماما...اي ولله الصراحه ابنها فرصه ما تتعوض مهندس ومتعين وامورهم الماديه زينه
سما...بس اني اريد اكمل
ماما...طبعا تكملين
سما....ماما شلون ازوج واحد مااعرفه
ماما...راح تتعرفين علي بلخطوبه ترا الحب موشرط يجي قبل الزواج يجوز يجي بعدا
يجوز تتعرفين علي وتحبينه
سما...ما ادري احس هذا الموضوع مو وكته ابد
ماما....خل انطي عنوانهم الابوج يسئل عنهم واذا طلعو خوش ناس يصير كلام ثاني
جمانه السعيدي
وفعلا بابا سئل عليهم وتاكد هم ناس زينين والولد كلها تحمد باخلاقه
وامي وصلتلي كل المعلومات عنهم وكالت فكري وقرري احنا مراح نغصبج على شي القرار الاول والاخير الج
لان هاي حياتج وانتي حره
فات اربع ايام وام مصطفى خابرت تريد الرد
واني كلت الماما اريد اسبوع لاخ افكر واقرر
ثاني يوم طلعت من المعهد
انتضر الخط جان توكف سياره حديثه وينزل منها شاب حلو بكامل اناقته عمرا تقريبا ٢٩ او ٣٠سنه
مصطفى...السلام عليكم
سما...عليكم السلام
....ممكن اخذ من وقتج خمس دقايق
سما...اني انت تعرفني
...اني مصطفى الي تقدمتلج
سما...اي تفضل شرايد
...اريد احجي وياج واذا تقبلين اوصلج اكون ممنون
...اسفه ما اصعد ويه احد ما اعرفه
...اي اني اريد نتعرف
اذا ماتقبلين تنطيني مجال احجي وياج هذا رقمي وتصلي
اني اريد احجي وياج
سما.. بس
....لابس ولاشي مجرد تعارف واذا ما اتفقنا كلمن يروح بطريقه
اخذت الرقم واجه الخط وصعدت
وصلت للبيت واني متردده خاف اتصل ويكول شبسرعه ماصدكت
بعدين اني مامفكره بلزواج هسه
راح تبدي الامتحانات ولازم اركز هاي اخر سنه
جمانه السعيدي
لليل قررت اتصل وانهي الموضوع
اتصلت وبعدين ترددت وسديت الخط
شويه وتصل عليه
...الو سما هاي انتي
...اي
..ليش ماتحجين
..اريد اكلك اجل كلشي هسه لان اني مقبله على امتحانات وما اريد شي يشغلني
..اوكي موافق ماعندي مانع اني احترم رائيج
ماباقي شي شهر وتخلص هاي السنه وارجع احجي وياج
واتمنى تقبلين لان الصراحه حيل عجبتيني
اني هواي شايف بنات وياي موضفات بس انتي عجبتيني
هسه راح اعوفج واحفظ الرقم عندي
والنا حديث ثاني من تخلصين
الصراحه عجبتني طريقته حسيته موزون حيل مو طايش
مثل شباب هذا الوكت
امي استغربت ام مصطفى بعد ماتصلت
ولا تلح على موضوع الخطبه
وكامت تحجي عليه طيرتي الرجال من ايدج
خوش قسمه ليش ترفضين
امه ماتصلت اكيد لكت عروسه غيرج شني قحط نسوان
باقين عليج تدللين عليهم
اضطريت احجي الي صار الامي حتى تبطل تحجي عليه
امي كان ردها زين كون يصبر عليج وما يطير من ايدج
سما ما يطير لاتخافين
وبعد التهيت بدراستي
تفاجئت اخر يوم اتصل مصطفى عليه يسئلني عن ردي
استحيت اكول موافقه
كتله تلكه الرد يم امك
وفعلا ثاني يوم اجت امه وحددنا يوم المهر
رحت للصالون وغيرت حواجبي وصبغت شعري اشقر متوسط
وحفافه وتنظيف بشرا
طلعت غير شكل
حتى هوا تفاجى حيل من شافني
اخذنا مهله شهر للزواج يجينا بلاسبوع مرتين ويوميه يخابرني ما اكلكم كلامنا كله غزل وحب
اكثر الكلام عن ترتيبات الزواج بس هو كان دائما يكول
انتي الزوجه الي تخيلتها
انتي المواصفات الي ردتها
عجبني الثكل والاتزان بلكلام عجبني ردج عليه من اجيت للمعهد
حتى من رفضتي تصعدين وياي حيل عجبتيني
حسيتج كد المسوليه وكد الثقه
اما اني جنت مقتنعه بي كلش بس الحب نص ونص مو لان عندي غيره
لان احسه اقتحم حياتي احس محتاجه وقت اكثر احبه واتعلق بي
الكل كان يكول الحب يجي بلعشره
الحب بعد الزواج اصدق واقوا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
