رواية غيره قاتله الفصل الثاني 2 بقلم جمانه السعيدي
فاطمه....هاي كانت مرحلة الطفوله ويمكن
جنا زغار والبنات الزغار اغلبهم هيج يتصرفون
واني كنت احبه ومااخذ بعقلي كل تصرفاته لان متوقعه مثل مااني احبه هي تحبني
انتقلنا المرحله المتوسطه وهنا كبرنا وتغيرت شكولنا
باعتبار صرنا بنات ونفتهم
بس هي بهاي المرحله حيل تفرعنت وطغت اكثر
بدت تتحرش بلولد وهم هم يتحرشون بيه
صحيح هي حلوه وملابسه مرتبه وشكله ملفت بس مو هيج
يعني مايفوت اي احد اذا مايسمعه كلام وهي تبادله الابتسامه الاشارات
طبعا اني بلبدايه سكتت وماحجيت
الحد ماشفته تتبادل رسايل هي وولد
لزمته من ايدها حيل وسحبت الرساله وشككته وشمرته قبل لا تقراها
سما...هاي ليش شيويتي
فاطمه.... عيب هذا التصرف شنو هاي الرساله
سما.... وانتي شعليج بعصبيه وتكرمون تفلت عليه
فاطمه....مسحت وجهي وكتله اني راح احجي كلشي الخالتي
سما..... لا ولله خوفتيني روحي وشتريدين تحجين احجي
فاطمه....انتي ماتستحين ولا تخافين
سما...انتي مالج دخل بتصرفاتي انتي لا ابوي ولا امي ولا وصيه عليه
عفته ومشيت وزعلنا كم يوم بس اني ماحجيت اي شي الخالتي ابد
صحيح خالتي ماله اي سلطه عليه بس ماحبيت علاقتنا اني وياها تخرب ابد
عتبرته نزوه وراح تبطل
بس مابطلت ابد وكل يوم تحجي وياا واحد الحد ماشفت ولد لازم ايدها ويمشون
واني صحت عليه سما هاي شنو
سما.. جاي نمشي اني وحبيبي وهاي فاطمه ألبومه لا حكتني اني اعرف هي تغار مني لان اني احلى منه والولد يركضون
وراي
سما....مالج دخل الف مره كتلج مالج دخل بيه ابد
لو كتلتج الغيره لان محد بحالج
فاطمه.. انصدمت من ردها احرجتني كدام البنات شنو اغار منه تصرفاته كله غلط
عفته فتره مااحجي وياها
الحد مااجت يوم وكالت اخو حبيبي يريد يتعرف عليج
فاطمه...انتي بعدج بلبيضه شنو هذا الكلام عيب
سما...مزين اجيبلج واحد يحبج
فاطمه...شكرا مااريد منج شي
تمشي ويااا كدامي وتضحك عود تحرك بكلبي
بس شسوي مااكدرله ابد
استمر الحال هيج منا لمن انتقلنا للاعداديه وهي درجاته بلنازل وخالتي من تكعد وتحجي سما ياسما
ماكو مثله ابد
جمانه السعيدي
بلاعداديه صارت شغلة العلاقات عدها عاديه جدا
اذا ولد يعجبه ومايجي وياها هي تروح تحجي وياااا
اني بطلت انصحه لان الكلام وياها مابي اي فائده
بلعكس يدخل منا ويطلع منا
بيوم واحنا بالرابع اعدادي بنيه نباكت منه ٢٥ جانت جايبتهن سلفه امه مشتركه ويااا ام صديقته
البنيه كامت تبجي
امي تموتني وشراح اسوي وشلون اتصرف واني خالته داخل الكتاب
اولا المدرسه كامت تحجي عليه كالتله بعد لحد اجيب وياها فلوس ابد
ثانيا قررت تفتش الصف كله
التفتيش يشمل حتى الملابس الداخليه
قبل لا يوصل السره النا شفت سما دنكت ورفعت راسه
والفلوس صارن جوا رجليه
ماكدرت ادنك لان المدرسه صارت فوك راسي
راسا المدرسه بس وصلت النا وكالت اطلعي من الرحله حتى افتش شافت الفلوس
ووكعت التهمه براسي
المدرسه...فاطمه ليش هيج انتي خوش بنيه ليس تمدين ايدج
فاطمه...اقسم بلله ماماده ايدي ابد ولا ماخذه اي شي
مااعرف منو خلاهن هنا
المدرسه....كالت اطلعي للمديره
فاطنه....ست ولله مو اني
مدرسه....عود احجي كدام المديره
بيومه بجيت بجي مو طبيعي لان اشوف نفسي انظلمت
بس اني مو متأكده سما الي باكت
معقوله سما هي الي باكت واني لبست القضيه
كنت محرجه حيل بيومه وماكدرت ابرئ نفسي ابد
رجعت للبيت ضايجه وعيوني حمر من البجي
امي بس شافتني تخبلت
امي ...ليش تبجين
فاطمه...مابيه شي
امي...رسبتي بلامتحان
فاطمه...مابيه شي
بقت امي تلح عليه واني مالي خلك حتى احجي
للعصر اجت خالتي وسما علينا
جمانه السعيدي
امي....خاله سما شبيه فاطمه اليوم ضايجه وتبجي
سما....شمدريني بفاطمه تحجي وتعوج حلكه
امي....ليش شصاير
سما....انباكت فلوس بلصف ولكوهن عد فاطمه
امي...شلون مستحيل بنتي ماتسوي هيج فاطمه اني مربيته على الامانه ابد مو فاطمه الي تمد ايده
سما....على كيفج خاله غير لكوهن عدها
امي....لو اشوفه بعيني مااصدك ابد فاطمه ماتمد ايدها
دخلت امي وخالتي وسما عليه واني متمدده ومتغطيه بس مانابمه
امي...شو كومي فاطمه صحيح الكلام الي جاي تكوله سما
انتي ماخذه فلوس من بنيه وياكم
سما... مو اخذه باكت ٢٥
فاطمه...راسا نزلت الغطى وخزرت سما انتي شجاي تحجين اني ابوك
امي...احجي الي صار بلضبط
فاطمه .... بنيه جايبه وياها ٣٥ سلفه وضاعت منه المدرسه بدت ادور ولكتهن جوه رجليه برحلتي
راسا باوعت على سما وكلت مااعرف منو ماخذتهن ومن وصله التفتيش انشمر كلشي براسي
خالتي.....انتي تشكين بااحد
فاطمه...مااشفت احد
امي.. اني باجر اروح وياج واشوف السالفه شنو
فعلا ثاني يوم راحت وياي امي للمدرسه
امي....اني جايه علمود فاطمه فاطمه هاي بنتي واني مربيته من هي زغيره على الامانه وعزت النفس
ومستحيل تمد ايدها وتأخذ شي مو اله
المديره بس ست وفاء تكول لكينا الفلوس برحلته جوا رجليه
امي...ولو هذا مودليل كافي لا لكيتيهن بجيبه ولا بجنطته ولا عدها سوابق
واني مستعده احلف على القراءان فاطمه بريئه
جمانه السعيدي
فاطمه...من شفت امي ادافع عني وهي كله ثقه بتصرفاتي
حسيت نفسي كلش قويه ومحد يكدرلي
مادام امي واكفه بضهري ودافع عني وهي ماشافت اي شي
طلعت امي واخذتني للصف
فاطمه. اني بعد ماابقه بهاي اامدرسه
امي...بس الحرامي والخايف ينهزم وانتي مو حراميه
راح تبقين بصفج وتخلين عيونج بعين كل واحد يحجي عليج
واذا مانكدرين اني واكفه وياج
امي رجعتني للصف
دخلت..وكملت يومي عادي بس بقيت اشك بسما بس مامتاكده منه ابد
خلصنا مرحله الاعداديه ونتقلنا كلية تربيه اني قسم انكليزي وسما جغرافيه
بس سما مابطلت سوالفه ابد مكياج ونفتاح وتصرفات طايشه اي شي يعجبه تسوي ماتخاف ولا تحسب حساب اي واحد
بس اني وياها هلمره مو نفس القسم بس نوصل للكليه سوا وهواي اوقات اشوفه تضرب الدوام وتطلع
بس اني مالي دخل بيه وبتصرفاته
هي جبيره وتعرف شلون أدير امورها
اما اني كنت من البيت للكليه ومن الكليه للبيت لبسي محتشم ومعقول ومالي دخل باي احد
جمانه السعيدي
اول مادخل موديل الخصل الالوان رحت سويت شعري
طلع يخبل عليه لان شعري كيرلي طلع حلوووو
كل الي يشوفه يكووول شني شكد لايك عليج حلووو
الا سما ماتكدر من كد الغيره وماتقبل اني اصير احلى منه
بس شافتني
سما....شني هاي
فاطمه...شنووو
سما...يمعوده عبالك ببغاء طالعه اضحكين
فاطمه...شبيه اضحك كل الي يشوفني يكول تخبل عليج
سما. .يضحكون عليج مو انتي مضحك عمي روحي غيري ابد ما لايك عليج
فاطمه...عاجبني حلووو
سما....شنو حلووو يلعب النفس غيري ابد كل الي شافوج تلعب نفسهم منج
هاي شنووو غيري بسرعه
اني ماغيرته لان خاف شعري يحترك اذا اصبغه وجان عاجبني حيل
ماكووو يومين واجت سما صابغه أطراف شعرها ازرك
واني ضليت مصدومه
يعني اني تلح عليه غيري مو حلووو ليش ترحين تسوين مثله
سكتت وماحجيت اي شي هي حره اني شعليه
بعدين جمعت من مصرفي وجان عاجبني قميص وجنطه يخبلن اشتريتهن طبعا بقيت اجمع فتره بله اشتريتهن
بس رجعت من السوك لكيته عدنا
سما .هااا ليش ماكلتي رابحه للسوك اروح وياج
فاطمه... ماجنت متوقعه اروح امي فجئه كالت اروح ورحت وياها
سما ...جذابه خاف اروح وياج
فاطمه...راسا سما لكفت الجيس الي بايدي وفتحته بله خل اشوف
راسا طلعت القميص وكبل لبسته حتى بدون ما تسألني
سما...اي حلوووييخبل اني اول شي البسه وبعدين ادزه اللج
شو خل اشوف اي هاي الجنطه حلوه جايه ويااا
اول مره ذوقج يطلع حلووو
اخذتهن وطلعت واني بعدني واكفه وفاكه حلكي عليه
وماكدرت اخذهن منه
ثاني يوم اجت كاشخه بيهن وتكول حلوات ملابسي
البارحه اشتريتهن
فاطمه....هاي شبيه شلون ملابسه
بقن ملابسي عدها اسبوع وكوه اخذتهن منه
بس يعني من لبستهن باعتبار ملابسه واني طلبتهن منه
لان محد راح يصدك ذني ملابسي ابد
جمانه السعيدي
دائما كان يوصلني حجي تكول كدام البنات ان هي تنطيني الملابس الي ماتريدهن
على اساس تعطف عليه وتساعدني لان حالتنا الماديه مو تمام
واني بعمري ماخذت منه أي شي
بس هي انانيه ومغروره
نجحت اول مرحله كليه وهي رسبت
واكيد ماتخلي اللوم على نفسه لازم تخلي المسوليه
على كل الي حوله اساتذه وعماده وكليه
وحتى ابو الخط خلة الصوج بي
بس هي لا مابيه اي صوج كلهم مايفتهمون ورسبوها
بينما هي النابغه الذكيه الي ماكو منه ابد
على العموم خالتي ماتجرىء تحجي وياها لو تحاسبه ابد
لان تخاف منه
اي تخاف منه وماتكدر تحاجيه ابد
وهي مستغله الوضع وتسوي اي شي يعجبه
فعلا اذا لمن تستحي ففعل ماشئت
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
