رواية يا بعد كل معاناتي الفصل الثاني 2 بقلم زينب ماجد
طولت العمليه 6 ساعات واخيرا طلعوه بعد ما هلكنا اني وماما من البجي وجان ويانه عمامي بس تكول خطار ولا يمهم السالفه
بقينه اني وماما نتراود عليه بالمستشفى يون هيه تبقى ويوم اني لحد ممر 10 ايام طلعناه صار شوي احسن
اخذو عينه للورم طلع خبيث يعني سرطان بس كالو استٲصلناه وصار زين فرحنه ورجعت حياتنه طبيعيه لشهر ورجعت اداوم بالكليه واخذت الدروس الفاتتني
مر شهر وبابا رجع يذبل ويشكي من الم براسه رجعنا اخذناه للمستشفى طلع عنده الورم منتشر بكل انحاء دماغه ولازم ننطيه العلاج الكيمياوي
اتخبلنا كلناله مو سوينه العمليه ونجحت كال لا هوه خبيث يختفي يوم وباجر تلكيه منتشر بكل مكان
بقينه نبجي واندك ونلطم ومتبهذلين ويه بابا بالمستشفى واخوتي ولا يمهم ملتهين بالمخدرات مالتهم عود وهوه هذا اليخلف الولد وميريد البنيه تالي اني النفعته اكثر من ولده الما درو عنه
مر عله بابا اسبوعين بالمستشفى اجانه ابلاغ تم القبض عله همام اخويه الوسطاني بتهمة تعاطي وبيع المخدرات للشباب القاصرين
اتخبلت امي وابويه عرف بالموضوع وانتكست حالته كولش بقينا عله هذا الحال متانين حكم المحكمه بٲخويه
طلع عليه حكم 10 اسنين سجن امي فقدت بقت تصرخ ابويه من سمع هيج كال شبيها امج كتله ما بيها شي
بقى يصيح الا يعرف كتله همام انحكم 10 سنوات سجن خطيه كام يبجي ويكول امداني من خلفت الولد لو الله منطيني خلفتي كلها بنات ولا هلعار الجابولياه
متحمل الصدمه ثاني يوم كعدنه لكيناه ميت بالمستشفى بقيت اعيط واصيح ولك بابا كوم ليش اتخلينا منو النا اني وماما بابا عفيه لتعوفنه
بقيت ادك عله صدر بابا لحد ما اغمى عليه انوب صحيت رحنا سوينا الدفن مالته وشفتهم شلون نزلو بابا للكبر بقيت اصرخ بلا وعي
امي انتهت عليه لان همه جانو ماخذين عن حب كل ساع تتخربط وتوكع شكل وياها سكر بسرعه نقلناها للمستشفى
كال السكر 400 والضغط 19 لازم ابد متنفعل بقيت كاتمه الصرخه بكلبي لا اكدر ابجي عله بابا ولا عله امي ولا عله حالتي بدون اهلي
تركت الكليه وكعدت اهتم ابماما مر عله وفاة بابا 20 يوم وامي ابد ما صحت يوميه بالمستشفى
كمت انام وياها بغرفتها احضنها للصبح واواسي بيها وابجي بدون صوت عله صدرها
جنت نايمه ومرت ماما بالحلم كالتلي شهوده ماما اني تعبت بدون ابوج وما اكدر اصبر لازم اروحله ديري بالج عله نفسج ماما مع السلامه
ومشت واختفت ردت اصيح بالحلم الصوت مكتوم اختنكت بس اريد اكعد ما اكدر الى ان ذكرت الله فزيت وايدي عله كلبي واتنفس قوي والعرك يصب
ركضت للضوه فتحته ورجعت الماما اصحي بيها لزمت جسمها بارد ثلج بقيت اصيح اصحي بيها ولج ماما اكعدي
والله ما اتحمل فراكم فد شهر انتي وبابا ولج ماما المن تعوفيني لخوتي ولج دكعدي اخذيني وياج اكعدي
حرام عليكم والله والله حرام اللي دتسوه بيه حرررررررام ولج ماما الله عليج اكعدي
لتعوفيني ماما والله اضيع بعدكم ولك بابا ولج ماما فقدت التمو الجيران وفصلوني عن امي فقدت بقيت 4 ايام اني ما صاحيه من الصدمه
حته ما ابجي تفرقو الناس بعد العزاء وبقيت وحدي بالبيت بس اخوتي وياي بس ممهتمين لحالتي كولش انتهيت
ولا جني ذيج شهد اللي الضحكه متفارك عيونها بشهر واحد تيتمت بقيت ابجي ليل نهار عليهم مر شهر عله هلحاله
كمت اشوف اخوتي كامو يجيبون اصدقائهم بالبيت ويشربون ويحششون كمت اخاف منهم حيييل
ابقه بغرفتي قافله عليه الباب للصبح اندكت الباب حيل كمزت كلت منو كال
سلام.. تعالي اكعدي خاتون شلون نموت جوع
شهد.. أيٌـ.YESـہٌَ طالعه فتحت الباب وبقه يصيح فتحت الثلاجه كولشي ما بيها كتلها ما عدنه مسواك كال
سلام.. اطلعين اتجيبين مسواك
شهد.. زين انطيني فلوس اتسوك
سلام.. دبري نفسج معليه اليوم اليوم اذا مسويتي غدا ادفنج ويه امي وابوي
شهد.. عساني مدفونه وياهم ولا هلعيشه السوده ضربني راشدي وكال
سلام.. يا ويلج لو ما جبتي نسواك وسويتي اكل والله انهيج
شهد.. بقت بس دموعي بعيني منين اجيب اخذت محبس ذهب من ذهب امي اللي بقتلياه بعته
ورحت اشتريت مسواك مال اسبوع رجعت سويتلهم غدا طلع ناقصه ملح لزمني سلام نهاني كتل لحد مملحت الاكل ورجعت صبيتله هوه وحسام
بس حسام جان احسن من عنده ما يضربني كمت بس اخدم بيهم وهمه چن عدهم خدامه مو اخت واني الوحيده عدهم
بقت الايام كوه تمشي واني كل اسبوع بايعه حاجه من الذهب مال ماما واشتريلهم سم وياخذون الباقي مني يشترون مخدرات
بقيت بس ابجي ليش ماما عفتيني وحدي كل همج ابوي ما كلتي من اروح شيصير بشهد ما اجيت عله بالج
مو حرام عليكم اني هيج يصير بيه المعود علدلال صعب يتحمل الضيم جنت ملكه بجال ابويه وامي
وطلباتي اوامر وما فد يوم بعمري احد منهم مد ايده عليه حته اخوتي لما يصيحون عليه ابويه يلزمهم يلعب بيهم طوبه ويشردهم بالشارع
هســۣۙـۣۛـ❀ـٰٰهہ كامو يكتلوني ولا جني اختهم ومكسوره ربي بقت يمك اخذ امانتك وخلصني تعبت والله…
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
