رواية جريمة قتل الفصل الثاني 2 بقلم جمانه السعيدي
كتبلنا الدكتور خروج من المستشفى بس أكد علينا
على العلاج الطبيعي
والهدوء لان الصوت العالي يزعجه
اقل شي اتلث جلسات بلاسبوع
طلعنا للبيت وصلنا و ودخلناها غرفته
واني قررت اكون طول النهار وياها ومآ اعوفه ابد
واخوي صادق هو الي يطلع ويباشر محلاتنا
امي ماتريد ممرض للعلاج الطبيعي تريد بنيه
يعني ممرضه الي تسويله التمارين
تكول مااريد رجال يلزمني
قررت اتصل على منى واسئلها اذا تعرف وحده ثقه تجي للبيت وتابع حالة امي
اني اكدر اسئل بلعيادات بس ردت حجه حتى احجي وياها
اتصلت اول مره ما ردت تقريبا الساعه تسعه بليل
رجعت اتصلت تسعه ونص وماردت
اخر شي اتصلت بلعشره ردت عليه
شكد فرحت من سمعت صوته
حسام الوووو السلام عليكم
...عليكم السلام منو حضرتك
...اني حسام
...يااا حسام
...حسام الي امس بلمستشفى انطيتني الرقم
....هاااا اي عرفتك اهلا وسهلا
...وبيج اكثر
...شلون صارت الوالده
...الحمد لله
...زين طمنتني
...ردت اسئلج سوال
...اي تفضل
...أكد الدكتور علينا امي لازم تاخذ علاج طبيعي
ورافضه انو اي رجال يسويله العلاج تريد ابنيه
واني احسج ثقه اذا تعرفين وحده بلا زحمه عليج
ممكن تساعدينا
منى.... اكيد اعرف وحده وثقه كولش
حسام......انطيني اسمها وين عيادتها حتى اكدر اروح اله
منى .... اني اعرف بلعلاج الطبيعي واكدر اساعدكم
...صدك تحجين
...اي اكيد صدك
...ولله وفرتي عليه الوقت والجهد
تكدرين تجين اتلث ايام بلاسبوع
...اي اكدر بس الصبح لان العصر عندي دوام وبليل اخوي مايقبل اطلع
...اي عادي بأي وقت يعجبج
...خلاص باجر بس شلون اوصل الكم
...اني اجي واخذج بس انطيني عنوانكم
...خلاص اكتب يمك العنوان الساعه بلعشره الصبح تلكاني متحضره ومنتضرتك
...خلاص اتفقنا
جمانه السعيدي
سديت التليفون واني مامصدك راح تجينا يوميه وراح اعرف عنها هواي معلومات
وبلكت تطور العلاقه ويصير نصيب لان كلش عجبتني
بليل اني ابات يم امي بغرفته خاف تحتاج اي شي
كعدت الصبح الساعه بلسبعه لكيت امي كاعده
حسام هااا امي حبيبتي
...يعيوني انت ليش ماتنام بغرفتك وترتاح
...من اشوفج واسمع صوتج ارتاح
...الله يحفضك اليه
...اليوم راح تجي منى تسويلج جلسة علاج طبيعي
...منى منوووو
...الممرضه هاي البنيه الحبابه الي شدتلج الكانون بلمستشفى
...اي عرفته
...هسه خل اريكج وتاخذين علاج الضغط
...يايمه تعبتك وياي
...ماتعبان بس اني زعلان عليج ليش عندج ضغط وماكلتلي لو ادري جان اخذج الاحسن دكتور
هلمره الله لطف بينا وطلعتي سالمه
يمه الضغط خطر مولعبه
امي.....يايمه ولله ما احس بشي بس مرات راسي يوجعني
...لازم تلتزمين بلاكل والعلاج
...انشاء الله
ريكت امي وبقيت ارتب بغرفته
طبعا زوجة صادق موضفه جانت من تروح للدوام تخلي ابنه يم امي
بس اليوم اخذته تخلي بيت اهله وتحاول تطلب اجازه يومين حتى تبقى بلبيت
تساعدني على العنايه بامي
صارت الساعه بلعشره اله خمس دقايق اتصلت عليها كالت جاهزه وانتضرك
حسام ... امي هسه عشر دقايق وراجع عليج بس اجيب منى اجي
...الله وياك يمه
طلعت شغلت سيارتي وانطلقت للعنوان الي انطتني اياااا
جمانه السعيدي
وصلت منطقه شعبيه وبيوت بسيطه ولان سيارتي حديثه
الناس كله واكفه تباوع عليه
والجهال تركض ورا السياره
اتصلت عليه وطلعتلي من بيت كلش قديم
تقدمت عليه وصعدت بلسياره
طالعه تخبل لابسه بدي اصفر وبنطرون اسود
وفاتحه شعرها
حسام.... اهلا وسهلا
منى.... هلا بيك اعذرني دخلت هاي المنطقه والناس
كلهم راصدينا عبالك مشايفين
حسام ... ولا يهمج علمودج ادخل جهنم
...منى ..... ابتسمت وكالت شكرا
حسام ..... تدللين
منى .... ممكن اسئل سوال
حسام .... اكيد ممكن
منى .... انت شنو تشتغل
حسام ... اني مواليد ٩٣ وخريج اداره واقتصاد
واسمي الثلاثي حسام عبدلله دشر
واني اشتغل بمحل كهربائيات واخوي الجبير الي شفتي بلمستشفى عندا محل اثاث
حالتنه الماديه كلوش زينه
ورثنا هذا الخير كله من ابوي
ابوي جان من تجار بغداد الكبار
وبيتنا ملك بزيونه
وعندي اخ ازغر مني عايش بلخارج ويشتغل والحمد لله
( الدرس الأول بهاي القصه لاتحجي كل اسرارك للغرباء)
منى ... شكرا لانك وثقت بيه وجاي تحجيلي عن حياتك
حسام.... اذا تحبين تحجين عن حياتج شي اني مستعد اسمع
منى .... خليها غير يوم
حسام .... اوكي وصلنا
منى.... وصلنا
حسام.... اي هذا بيتنا
منى .... اباوع بيت ضخم وخالين كامرات والمنطقه اجنن
كلت بكلبي مالت عليه هاي العيشه مو اني عايشه بكبر
هاي الناس العايشه مو اني والنوب حاسبه نفسي بشر
على هذا الخير اني حشره مو بشر
حسام.... فتحت الباب ودخلنا ودخلتها الغرفة امي
منى.... امشي واباوع على الاثاث على الديكور
شني هاي شي خيالي
كلت بكلبي انت خوش صيده
لازم اني اعيش بهذا الخير قابل الي كاعدين بي احسن مني
خيالي راح بعيد الحد مآ قطع تفكيري صوت الحجيه وهي
تسلم عليه
منى.... اهلا وسهلا هله حجيه ودنكت عليه وبسته
وكتله اشتاقيتلج
الحجيه... يابعد كلبي انتي بت حلال وطيبه
منى ....تدللين حجيه
منى .... حسام ساعدني حتى نكعد الحجيه
حسام..... اي صار
حسام..... حضنها من ضهرها واني ساعدته
وبديت جلسات العلاج الطبيعي وياها
حركات الرجليه واديه كانت تتالم
واني اهدي عليه
شكد ما اكدر اعتنيت بيه واسمعه كلام حلوووو
حتى ترجع تطلبني مره ثانيه وثالثه
لازم اعشعش بمخها وعقلها وعقل ابنها
خوش صيده ولازم اتمسك بيها للاخير
كملت وكلت الحسام اريد اغسل
اخذني للمغاسل الداخليه
بيتهم حلووو بشكل
غسلت وبديت انشف اديه
منى.... حسام بيتكم جبير ماشاء الله منو ينضفه الكم
حسام.... اكو وحده امي تعرفها تجي تنضف يومين بلاسبوع
وتطبخ النا الأكلات الي نحبه وتخليهن بلمجمده
وباقي الشغل زوجت اخوي تتكفل بي
منى ... لعد وين زوجت اخوك ماشفته
حسام ... بلدوام
منى... هااا اكول ماشفته
بعدتحتاجوني بشي لو اروح
حسام.... لاشكر تسلمين ماقصرتي بس لازم تشربين عصير
ومشيت وطلعت العصير من الثلاجه
وبديت اصب بلكلاصات
تفضلي هذا العصير اني سويته كوكتيل
منى ... تسلم اديك
جمانه السعيدي
حسام طبعا اني قبل يوم رحت وسئلت على سعر الجلسه ا
الجلسه الوحده ٥٠ الف
اني طلعت ١٠٠ وانطيته
منى... اني ما أخذ فلوس اني حبيتكم وحبيت الحجيه واجيت
حسام .... محبتج النا شي وتعبج شي ثاني اصلا حرام ناكل حقج هاي ١٠٠ واذا تردين اكثر اني بلخدمه
منى .... اخذتهن وكتله شكرا جزيلا ممكن توصلني
حسام .....اكيد ممكن تفضلي
صعدنا بلسياره ومشينا
حسام ودي احجي وياها ودي اعرف عنها معلومات اكثر
بس ماحبيت تاخذ عني نضره
وتضوج مني وخاصتا هاي اول مقابله بينا
انشاء الله اكدر اتقرب منه واخليه تحبني مثل ما اني حبيتها وتعلقت بيها
امي شويه احسن على العلاج ولو التمارين الي تسويهن على العلاج يسببلها الم
بس لازم تتحمل
اليوم الثاني ما اجت لان الجلسات بين يوم ويوم
وزوجت اخوي اخذت اجازه وبقت يم امي واني رحت للمحل
لان صار فتره عايفه بيد العمال
شكد شايف بنات بس ما اعرف ليش هاي عشعشت ابالي
ليش افكر بيها
بقيت انتضر الثاني يوم انتضر موعد الجلسه
بلعشره اله عشره اتصلت عليها كالت اني منتضرتك
رحت عليهم ووصلت جان تطلع لابسه نفنوف زيتوني يخبل عليها وشعرها مسرحته
صعدت وسلمت عليه
منى .... شلونك الحجيه شلونه
حسام .... الحمد لله شويه احسن
منى .... اذا تستمر على هاي الجلسات هواي راح تتحسن
حسام .... انشاء الله بجهودج ولطف رب العالمين راح تصير احسن
منى .... تسلم الله يحفضك
حسام .... ليش تشتغلين هيج شغله متعبه
منى.... الضروف تجبرني اشتغل اني المعيله الوحيده العائلتي
حسام ... ليش ابوج وين
منى .... ابوي متوفي وعندي اخ واحد بس مأمنه اي فائده صاحب مشاكل وبعد عندي اخت زغيره عمرها ١٢ سنه
حسام.... الله يساعدج على ما ابتلاج بي
منى.... حتى هذا العمل اني ما اختاريته جبروني اهلي علي
لان بي تعيين مركزي
الراتب اول ما اقبضه ياخذونه مني
حسام ..... انشاء الله تزوجين وترتاحين
منى .... غير كون يعوفوني اني بلنسبه الهم الدجاجه الي تبيض ذهب مستحيل بعوفوني
وصلنا للبيت وزوجت اخوي استقبلتنا
وسلمت على منى
ودخلنا كولنا بغرفة امي
بدت منى تسوي الامي العلاج
واني افكر بكلامه
معقوله وحده مثله حلوه ومرتبه والحياة واهلها هيج ماذينها
اني لازم اساعدها واحررها من اهلها
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
