رواية بين الحب والأسر الفصل التاسع والعشرين 29 بقلم أمل مهدي
ليث....
بعد وفات ابوي شهرين انه ما نازل البغداد
اتواصل ويه رائد بالموبايل والطبيب
اخر شي طمنه ميحتاج علاج اتعافى
رائد....
ريهام حامل وخلص قفلت عليه بعد ماكو شغل
ريهام..... انت مو راح اداوم وانيهم وياك عفيه اضوج بالبيت اكعد
رائد.....
شايفه الوضع بره اشلونه اكعدي وستري علينه
اصلا ليث ماكو وحتى شغل متوقفين
ريهام... لعد انته المن اداوم
رائد.... عيب صار ٣شهور يصرف عليه ابتله خوما ابتله بيه الرجال
اسبوعين اداوم بالشركه واني ادري الشغل واكف
اتصلت بليث
رائد.... اكلك الى متي انظل متوقفين
لا نفوت بشغل ولا شي المن تدفع رواتب بعد
ليث..... ما اضمه عليك راح اسدهه
للشركه
رائد.... وشتشتغل
ليث... َاسافر اسس شغل بالامارات
رائد..... بيه الخير
ليث..... لعد ليش تدفع رواتب
نصرف الموظفين ونسدهه
ليث... عن قريب اني جاي واصرف لان المحامي ديجمع فلوسي
مال الشغل
رائد..... ماشي
من بعد ايام اجه ليث وصرف الموظفين وكافئهم وغلق الشركه
وشال ضرف بي ٢ ملايين وانطا
الرائد.....
هاي شنو
ليث.... انت انظريت بسببي هذا مبلغ
سويلك شغل بي
رائد.... ما اخذه مو عيب عليك
ومن بعد حجي ومناهد يالله
وافقت
ليث..... وعد اذا شغلي مشه بالامارات ادز عليك تشتغل وياي
... الله يسهلك
صفه كل شغله ليث ومن بعد ست شهور سافر للامارات
ياسر....
طلعنه للانبار جانو محضريلي
حفله انجمعت بيه كل كرايبنه
ومعارفنه
اول وصلتنه
سيف..... ياهله بمرت اخوي نورتي بيوتنه وذبح خروف
ياسر......يول تهلي بمرتي عجل وانه
سيف...... كاَمله وعاف الخروف هله بخوي وحزام ظهري
هههه اكلك انت مو جيت ويانه لو انه غلطان
سيف...... خرب غيرتك هههه
كحلاء....
اضحك عسى الضحكه ما تفاركك
بليل محضريلي حفله مال جوبي
ياسر.....
كلبي انشرح وانه اشوف الحفله والجوبي والتصوير
واخواني
واللمه الحلوه
سولي زفه من جديد ومحضريلي غرفه هشام اقيم بيه
هبه..... الحفاوه والكرم الشفته
حبيته... طيبين مثل ياسر وبسطاء
اخوهم ومبين متكاتفين ومتحابين ليش بعد عنهم وعايش ابغداد
بقين اسبوع
اول ما وصلنه ذبحو ٢ خرفان وي
دخلتنه
وصعدونه بغرف خصصوهه انه
افراح....
اني زوجة هشام سلفتج
هبه... اهلا وسهلا
افراح...
اخذي راحتج يولي محد يصعد
يمج وهذا الحمام
هبه.... اشكرج ليش ما جيتي وياهم
افراح.... اني وشهله مرت سيف
ظلينه انحضر البيت عجل اشلون
غير عرس عدنه
هبه....لعد ما شفته الشهله
افراح.... ما اجت سلمت عليج...
يله تلكيهه ملتهيه هيه بنت عمهم
واني جيرانهم واخذني هشام
هبه.... حبيبتي تعبتج
افراح..... لا يولي يا تعب.. حجيج بغدادي حلو
نزلت افراح وراحت
واني فتحت الجنطه طلعتلي ملابس
ورحت للحمام
دفعت الباب لكيته مسدود
دكيته ورجعت خفت رجال
بالحمام
سمعت انفتحت الباب باوعت من بابي اشويه مفتوح
طلعت بنيه بالثلاثينات تمسح
بعيونه امبينه جانت تبجي
باوعت ما شافت احد ونزلت
رحت على الحمام واني مستغربه
منو هاي وشبيه
سبحت وورجعت الغرفتي سشورت شعري ومكيجت ولبست بدله ما روني اشتريته ويه النيشان
صعدو البنات يمي
يصفكون ويهوسون
شويه واجه ياسر يباوعلي
مبتسم
اشلونج....
زينه
....يولي خما ضجتي من الهوسه
هبه.... عجل غير عدنه عرس
..... ههههههه حلو لهجتنه راح انصدرهه لاهل بغداد
هبه... ادنيت عليه وين جان حبيبي
..... ناس هواي... جايه رايحه
اتبارك لازم اكون موجود
مد ايده على خدي راح اتعبين
هذا الاسبوع
ربعنه هواي وكله ناطرتني على
العرس
هبه.... حبيبي لا تهتم المهم انت
.... يا حلاته هلكلمه من تكوليه
يولي احبج بكد رحمة الله
هبه...... الله بكد رحمة الله يا عظمة هاي الكلمه
ياسر...... اشلون الله انطاني جمار
واني ما تحمل
هبه... ههههههه
ياسر..... يولي كولي عوف الناس وكابلني
هبه..... غير الصدك... والله اشتاقيتلك
ياسر.... اويلي عليك ياسر وحضني
حيل يشمشم ويبوس
هبه.... اكلك ياسر اجيت اسبح
شفت بنيه طلعت من الحمام
امبين عليه جانت تبجي
بعدني من حضنه اشويه
ياسر...... من خواتي.؟
هبه... لا لا بسه دشداشه بنفسجي
ياسر... لا يظل بالج البيت كلو نسوان
وهسه تعاي ننزل سويه الناس جوه
هواي جايين
هبه... لزمت ايده ونزلنه من الدرج
البيت هوسه
وكله النسوان التفتو علينه وهلهلو
صارت كدامي البنت الشفته بالحمام
هبه..... ياسر هذيج البنت
ياسر... يا بنت
هبه.... الكلتلك تبجي بالحمام
ياسر...... هاي ام فهد
هبه... هيه
ياسر.... التفتت شفته تباوعلنه
انقهرت
ابد ما فكرت ممكن يكون ابكلبه شي
لساع
سكتت وضاعت ضحكتي
يعني دا تتالم.... اني بس اعرف هذا الشعور
أخخخ ياعمي ما اكول غير الله يرحمك
هبه.... اشبيك ياسر كمت تصفن
ياسر.... التفتله يا عيون ياسر
يا روح ياسر
انه ما ادري شمسوي والله جبرني بيج
ههههه
نزلنه اني كعدت بالاستقبال
وهو طلع لبره ويا اهل الجوبي
الطبل
والزلم متلازمه ايد ابايد والجوبي الحلو
هشام كومني وهو لزم اسبحه
ولعبو ويه الطبل
دك مبايلي... باوعت الرائد
عفتهم ورجعت كعدت
ياسر.... الوووو
الرائد...... مبارك شايف كل الخير
حبيبي ياسر اشلونك
ياسر..... عمي والله مشتاقلك ياريتك اوياي اليوم شكول على الوكت
الرائد... ملحوكه امرتبلكم جمعه
ابستانه انتم كلكم ابخير وسلامه
ياسر.... ولو احتفل بيه وسام
بس هم ما كدر يجي وياي
الرائد... ميخالف تعدي وصير سوال
ونلتم من جديد
ياسر.... اشلونك شخبارك يكولون سافرت عليش مريض
الرائد....
لا والله سويتلي رجل صناعيه
كمت امشي بدون عكاز
ياسر.... اي الحمد لله
الرائد.... يله اعوفك الربعك افرح
عوض ضيم السنين الشفناهه
ياسر..... اشكرك سيدي تسلم الله يحفظك
الرائد.... هاي اشلون ما نخلص من
سيدي حتى اهنا هههه
ياسر... واللهَ ما تلوك الا الك ههههه
خلص الاسبوع بين العمام والكرايب والعزايم والدليميه الدسمه
واليوم رجعنه البغداد
شقتنه حلوه وزغيره
احمد اخو هبه بالسادس اعدادي
ويانه ساكن
رجعنه الدوامنه والروتين حياتنه
وسام.... هلو ياسر راح اخذ الاهل واروح ازور الكاظم عليه السلام
اجيك المغرب ممكن
ياسر..... عجل ليش مو ممكن
روح خويي وندعيلي وياك
وسام....... تسلم يا ورده
كاعدين بحضرة الامام اني وسراب
وسدوره تفتر يمنه وعيني عليه
سراب...... وسام ادخل ازور
واجيك حتى نرجع
وسام..... اي يله
كاعد وسيدرا بحضني وباوع على الناس
واشوف واحد اجه تجاهي
...
واكف ليغاد والجهاز بيدي وربعي
يمي
اشوف واحد كاعد وبحضنه بنيته يلاعبه
هو... اضن هو اقتربت اكثر
كاظم.....
انت مو وسام
وسام..... تمعنت بي اي هذا كاظم صاحبنه
انت كاظم صح
كاظم...... صح يا بعد اخوك اشلونك
شخبارك
وسام... وكفت شايل سيدرا
وتحاضنه
كاظم.... اشكد الدنيه زغيره
وسام... شلونك شخبارك
وين صرت
كاظم....... اني قيادي بالحزب****
والحمد لله مسؤلين عن الروضه الكاظميه
وسام.... الحمد لله من رجعت
عائلتك وين اصار عندك
كاظم.....
والله مرتي شهر يمي شهر بايران
تكول حر ما اتحمل شفت الحظ
وسام.....هههه اويلي لعد نسوانه اشكد يتحملن
كاظم.....عندي اثنين بنات شسوي
قسمتي ياخويه
وسام.... الحمد لله على كل حال
كاظم.....وانت لكيت خطيبتك متانيتك لو مزوجه
وسام......لكيته متانيه ومتاذيه مثل حالي
والحمد لله
زوجنه وهاي
سيدرا بنتي
كاظم...... خب سيدرا شني وين لكيته لاسمه
من قلة الاسماء
وسام..... عجبنه بعد هههه
كاظم.....
هذا كارتي بي كل ارقامي
امانه اشتحتاج اني عندك
وسام.... ما تقصر تعالي المحلي
صياغة الاخوين هنا كبال القبله
كاظم..... ها اجيكم انشاالله
وسام.... تعال اصبح تلكه ياسر
كاظم... والله مشتاقلكم هوايه
والرائد هم
وسام..... هذا رقمه خابره راح يفرح
اجت سراب
وكاظم استاذن وراح
باوعت الكارت بي ٣ ارقام ومدير بالعلاقات الامنيه
والله وصرت يا كاظم بس انشالله بعدك بسيط وما تغيرت
سراب...... اني كلش ثكيله وتعبانه
وعندي اوجاع
وسام.... اخذج للدكتوره يله
سراب...... دا احس تعبانه
رحنه للدكتوره وحولتني سونر
الطبيبه....
لازم عمليه باجر والا نفقد الطفل
اكو تغير بالمي المحيط بي
وكتبت دخول ثاني يوم
سراب...... اباوع امي ورائد وحسام ووسام واكفين اكبالي
بجيت....
وسام..... اجه حضني لا تخافين
ياعمري شويه وتطلعين بالسلامه
سراب..... امانتك سيدرا
وسام..... اتمسك اكثر بيه ويمسح بدموعي
اجوي الممرضات واخذوني
سراب.... بديت اسمع همس وسام
وسام.... ليش اتاخرت المره الفاتت صحت بسرعه
ام رائد.... يمه لا تهتم هسه تكعد
دروح للطفله شوفه اخذوهه للخدج
وسام.... راح وياهه حسام
اريد تصحه سراب اشبيه الهسه
سراب... بديت اوعه وكوه احجي
حبيبي ما بيه شي
وسام....... يا عمري ارتاحي لا تحجين
ردت اطمن عليج
امدنك على راسي اني حاسه اسمع
بس جسمي امخدر
وهو يهمسلي ويبوس بوجهي
الحمد لله رجعتيلي يا كلب كلبي
الله لا يحرمني من هذا الوجه
سراب... اني اسمع واتبسم
وسام..... سرابي عشقي البنوته تشبهج....
الطبيبه...... صاحت شدسويله
وسام.... كمز...
شنو شسويله غير مرتي
الطبيبه.... ههههه عبالي تخنكه يمعود
وسام...... هاي صوك تحجين
سراب..... اني مغمضه بس اسمع وابتسم
دخلت ام رائد
...... شكو
وسام..... تكلي عبالي تخنكه
ام رائد..... هههههه
بولادته الاولى وهم دخلت الدكتوره ولكته حاضنه
الطبيبه....... الله يديم محبتهم
وسام طلع بره الغرفه
خجل
اجه حسام ورواء
....... الحمد لله على سلامتج ام سيدرا
سراب... تسلم حسام اشكرك
تسلمين روااء ليش متعبه نفسج
انشالله باجر يطلعوني
رواء.... فرحتلج هوايه شنو اسمه للحلوه
سراب.... باوعت الوسام ابوهه يسميهه
وسام.... شنو رايج بروان
حسام.... كلش حلو الله يحفظه
تشبه امهه
وسام...... اني اتمناهم نسخه من امهم
سراب..... تسلم الله يحفظك الهم
ثاني يوم طلعت للبيت وروان اويايه صحته زينه
رغم خوفونه عليه بالبدايه
وسام......مسؤل عني بالاكل ومرات يكومني للحمام
رغم امي موجوده ظلت اسبوعين
يمي
مرت الايام ونشنشت روانه مرتين
اخذهه وسام لامه تشوفه ودلعته
بليره ذهب محفور اسم روان على وجه والوجه الثاني افتخار نفس
هدية سدوره
شكد تحب تتفاخر وتوثق نفسه
بكل مناسبه
اتوصي عمو جليل يصوغهن لان عنده معمل صياغه مو بس محل
وسيدرا ياخذه حسام يمته ميريد
يوديه البيبيته
سامر.....
اسيل حضري الجوازات انسافر كم يوم السوريا
اسيل.... ياريت والله ضايجه
والجو كلش حلو هم يشجع
ماشي اتحضري الاسبوع الجاي
وحضري الولد ولا تاخذين هواي
ملابس اول وتالي
مناك راح نشتري...
رواء..... حسام
اليوم اتوديني لاهلي .. بس ابات
يمهم
اشو ام ما ادري اصارله صار مده مريضه مدتصحه
حسام.... ماشي تحضري من اطلع للمحل اخذكم
سراب...
وسام طلع للمحل وسيدرا تلعب
وروان بحضني ارضعه اندكت الباب
حيل انخبصت منو هيج يدكه
ياستار
باوعت بالكامره شفت ام هادي
ياستار اشبيه مو طبيعيه
خليت روان بالسرير مالته وطلعت
فتحت الباب
ام هادي ترجف...
..... على كيفج فهميني شكو
.... فدوه يمه الحكي ام وسام
اكعده ماكو مثل الميته
.... ركضت على الموبايل دكيت على
وسام
اسمعه يرن بالبيت اجيت بالمطبخ
لكيت موبايله يعني ناسي من جان يتريك
رجعت دكيت على حسام مغلق
يارب شسويه
لبست عبايه وشال واخذت روانه
وام هادي اخذت سيدرا ورحت على
بيتهم
يصير اكبالنه
وهاي اول مره افوت من بعد الصار
ركضت على غرفته
حركته ذبيت مي على وجهه
حسيت نشغت بس هم بعده بحالة
اغماء
بيدي الموبايل ودكيت على ياسر
ميجاوب احتاريت
سراب.... ام هادي عينج على البنات
واني راح اجيب تكسي واجي
اوديه مستشفى
من طلعت من بابهم شفت ولد شاب
وكفته
سراب.... فدوه الحجيه اتخربطت وصلنه للمستشفى
.... بعيني وينه اختي
سراب.... هذا البيت
... بيت ابو وسام !!! اني صديق سامر
سراب.... الحمد لله تعرفهم ام سامر مريضه
دخل الولد ويايه وشاله بالسياره
خليته بالكشن الوره واني وياهه
وطلع على
مستشفى الكاظميه
ظليت ادك واني بالسياره
على حسام وياسر
رد عليه ياسر...
حسيت نقذني.... الو ياسر
ياسر.... خير ام سيدرا
وسام يمك انطينيا...
وسام.... خير سراب
سراب.... الحك امك وتعال
وسام..... اشبيه امي
سراب.... متخربطه وهسه ماخذته
ورايحه على المستشفى تعال ابسرعه
وسام... ماشي
وصلت شالهه الولد على السديه
وطبك ابصفنه وسام
دخلناهه... تلكوهه فحوصات اتضح
عدهه جلطه
حطو الاجهزه عليه ومغذي وابر
ساعه وصحت
فتحت عينه متحجي بس اتباوع
وصل حسام
سراب.... وينك ليش موبايلك مغلق
حسام مخلص شحن وما ادري نايم يم بيت عمي
اشبيه ماما وسام
جلطه.... لا لا كول غيرهه
دخل الطبيب..... همزين تلاحكتوله
لوباقيه ساعه لاخ
ايجوز الله يستر متلحكولهه
هسه استقرت حالته
يخلص المغذي وطلعوهه وراجعو طبيب اختصاص افضل
وسام..... تشكر من الدكتور
حسام... لازم ايدهه ارتاحي ماما
مابيج الا العافيه
سراب.... واكفه اكبالله وتباوعلي
ما فهمت نظراته....
حسام..... رجعناهه للبيت.. سراب ظلي يمه رواء امه مريضه بس اليوم واجيبه
سراب... ابعيني
حجزو على طبيب العصر اخذوهه وسام وحسام
حاول يحجيه الطبيب ماكو سولله
مفراس وتحاليل كامله
كال الطبيب تبقى شهر على هذا العلاج واشوفف
راح تتحسن انشالله
رجعوهه للبيت وحسام ووسام
حالتهم حاله
سراب..... سويتله شوربة دجاج خفيفه
وحسام وكله ورجع شربه الدوه
ونامت
ثاني يوم متخربطه كلش ام رواء
حسام....... عبالي اليوم اجيبه الرواء
خابروني نايمه ويه امه بالمستشفى
سراب... حسام لا تهتم اني ابقه ويه خالتي واداريه
وسام يباوعلي
حسام..... اشكرج اخاف اتعبج
سراب..... شنو القصه غير هيه مثل امي
ظليت يمه اسبوع
وسام لو حسام يشيله للحمام واني
اغسلله وابدلله
اغير فراشهه يوميه واعطره اني ادري بيه اشكد نظيفه وحساسه
والاكل كله شوربات
وسوب
وشوي... هيه حركته بطيئه وقليله
متحجي بس اتون
ظليت اداريه اسبوع ويوم حسام
ويوم وسام ويايه
رجع سامر اول ما عرف بمرضه
وتفاجا من شافني اشلون معتنيه بيه
وقايمه ابواجبه
يوميه ولده
كاعدين يمه ويسولفون وياهه ويفركوله واحد رجليه واحد ايدهه
سامر..... ماما ليش ساكته اشريلي
شتحسين شنو تردين
اني ما اتحمل اظلين هشكل
وحسام.... راح اخذه واطلع للاردن
اشوف بلكت علاجهم احسن هناك
وسام...... اني اجي وياك
افتخار....... لا.... لا ما ريد
مارووووح
كوه تحجي... كلنه ابتسمنه
اسيل.... خاله هيج فرحينه اريد
نسمع صوتج
سامر.... شبكه لامه وظل يبجي
كلنه نعرف مدا تعلقه بامه
شالت ايدهه واشرت بتجاهي
افتخار..... تعاييييي سوووووواب
سراب...... من صاحتلي فاجاتني
اتقدمت قريب عليه وكلنه
نباوعله شتريد....
سامحيني..... حجته كوه ورجعت
عادته.....
سامحيني
سراب..... الموقف وشكلهه وهيه كوه تحجي بجاني
نزلت دموعي ودنكت على راسهه بوسته
تباوعلي وتريد تحجي
خليت اصبعي على شفايفهه
سراب..... لا تحجين انت بمقام امي
ولا تفكرين الراح راح محد يخدمج غيري
ماهر....
يومين اتمرمرت اشو محد ردلي خبر
وهاي شهد تدري بيه اخابر عليه
وما تطلعلي
كل ساعه مخابر بعذر وتطلعلي
لو عمتي لو عقيل
اني اعلمج يا شهد
وره يومين اتصلت....
ماهر..... الو مرحبا
شهد..... الو اهلا
ما هر...... منو يمج
شهد..... محد
ماهر...... شنو ما سالوج موافقه لو لا
هيج صعبه هاي الكلَمه
شهد..... سالوني وكلتلهم افكر
ماهر....... شنو تفكرين دتلعبين باعصابي
شهد انعدلي احسن الج
َشهد...... علي كيفك ليش بسرعهه تعصب
ماهر....... لعد شنو هاي الافكر
شهد...... هههه ما اوافق الا تبطل عصبيه
ماهر..... جر حصره اني هالايام مضغوط بالشغل
وانت فاته كلبي دكولي موافقه عاد
شهد..... موافقه
ماهر....... يا كلبي هيج من البدايه
ايبين راح اشلعين كلبي
شهد..... ها ارجع افكر
ما هر..... اشحدج دزيلي الموافقه بيد رافد خل اجي الخميس اعقد
شهد.... شنو اشو بس تعقد اني ما ارضى الا بحفله
ماهر...... مو يدلل الحلو ليش اكدر أني
شهد.....
اليوم خطوبتي على ماهر من بعد
ثلاث سنوات حب وانتظار
اجه اليوم البي فرحة عمري
ومثل ما وعدني
اجونه من الديوانيه
٤ سيارات وكوستر ولد عمه وعماته
وولد خواله مشايه ترفع الراس ووياهم سيد نعمه معروف بالديوانيه
خوالي معروفين هناك والهم قيمتهم
ماهر...
نصب جادر بره لان البيت ما يكفي
يادوب النسوان الجايه
وجاب مصور فديو صور الكعده وقراية الفاتحه
شهد....
امي عزمت ام مهدي وبيت صلاح لان بناتهم صديقاتي
وشيماء... وولدهالصارو شباب
بالاعداديه
وسراب ومرت حسام ومرت ياسر
وهواي ناس
شهد اخذتني شيماء للصالون حفافه وتسريحه ومكياج
شيماد..... ولج حتى ماهر بعد ما يعرفج
شطلعتي
وصدك اباوع بالمرايه اميره من اميرات القصص
كاعده وماهر كبالي والسيد بيناتنه
وعقدلنه وعلت صوت الهلاهل والفرح
طللع للجادر ماهر والكل يهني ويبارك
يعني هيه خطوبه وهيه مهر
بعدين رجع الشهد وسون خواته وعماته
ردح وركص وهوسات
يباوع خجلان
ماهر.... همس هذا الجمال مالتي
شهد.... وانت هم اليه ومالتي
ماهر.... بعدني ابن ابوي وامي
شهد... اي ادري يخليهم الك
ماهر..... تكملين امتحان نزوج
غير الشهرين ما الج
شهد.... واني حاضره
ماهر..... احبج من اصيرين عاقله
لبسني الذهب
ووكفنه قطعنه الكيكه
وركصنه اشويه
ماهر كال مو مشيه راح اسويلج
حفله... والكل يكعدبيه
وفعلا كانت حفله جبيره وحلوه
طلع ماهر للجادر
واني ما صدكت ويه البنات
ركصت وفرحت هذا يومي التمنيته
وسام......
امي نص جسمه تحسن والنصف الثاني ما زال ثكيل وحركته بطيئه
معتنين بيه
وموفريله كلشي ومستعدين نشتريه
العافيه لو تنباع
الهه..
بدت تتعب نفسيته من اشوف روحه لا حول ولا قوه واللسانه ثكيل
دائما بحضور الكل هيه ساكته
من بعد ما كانت هيه ادير الكعد وترحب
من بعد َما ايسنه من علاجه بالعراق قررنه نسفرهه للاردن
سامر واني ورواء لان امه هم ويانه
وتركت سراب والبنات
حسام يروح ويجي عليهم
صار اسبوعين علاج فيزياوي
وحراري
وادويه اتنشط العصب
حتى جربو علاج النتله الكهربائيه
حتى يرجعون العصب النشاطه
كان التحسن قليل ودائما يطولون بالعلاج ويكولون تتحسن مع الوقت
وسام..... الو سراب اشلونكم
سراب..... زينين محتاجين وجودك ابنصنه
صوتك يردلي روحي وسام
اشوكت ترجعون
وسام.... ما ادري العلاج يراد وقت يالله يبين واكو تحسن بسيط
سراب..... وخاله ام رواء
وسام..... فتحو شريانين بقصطره
وهسه زينه
سراب..... يعني ترجعون سويه
وسام..... اي اكيد لان ما اكدر اخلي رواء ترجع واحنه محتاجيه
سراب.... الله يسهل وخالتي افتخار تتحسن انشالله
وسام..... اشلونهم البنات
سراب..... يبجن عليك مشتاقاتلك
وسام...... يله اني اسده اجاني تلفون
مع السلامه حبيبتي
سراب.... الله وياك
وسام....
الرقم غريب
الو..... انت وسام
وسام.... نعم تفضلي
.... اني زوجة ياسر... تحجي وترجف
وسام.... على كيفج اهدي شكو
..... ياسر ماكو...
الفصل الثلاثون من هنا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
