رواية بين الحب والأسر الفصل الثامن والعشرين 28 بقلم أمل مهدي
من فتحت سيرة الورث سامر وامي
كبو ابوجهي وسولي هوسه
على شنو انت َتمشي ورى مرتك
افتخار _ هذا كلام مرتك مو.....!!!!
حتى تعرف شلون تريد تفرقكم انته وخوانك
وسام.... سراب ماله علاقه ... هذا رأيي
انتي السبب حاولت اعيش بسلام وياكم
وانت رافضه
شوفي اشلون تعاملين رواء واسيل
وشلون تعاملين سراب
افتخار..... وانت اجيب بناتنه على
مرتك
حسام..... يوم سراب عاشت ويانه وعرفناهه احسن بنيه شنو فرقه عن نسوانه
وسام.... اني اكلك شنو الفرق التقصده امك
تقصد مو بت ذوات ولا اهلهه صياغ مثلنه
مع الاسف امنه مقياسه للناس على كد افلوسهم
اني رايد حقي ما اريد اكثر وراح اطلع من البيت
سامر.... والوديعه ومحل بغداد الجديده والفلوس التعالجت
وزوجت بيهن
وسام..... الوديعه شي اليه من ابويه مقابيل ال١٦ سنه النحرمت بيهن من خيره
والباقي كله بحسابه
وها سيارتك الاستوردته خاص تدخل
ضمن الحساب
مَع الاسف سامر ما جنت اصور كلبك اسود
ما يذكر اشلون جنت احبك واللعب وياك واعاملك
بس هيه امي نكرتني يعني انته مو فد فرق
افتخار.... تريد تطلع وتعوفني تمشي وره مرتك يا ابن بطني نكرتني
وسام...... باجر عمامي جايين واريد
احله
وصعدت الغرفتي
ثاني يوم حضرو عمامي خليل وجليل
وحسام بيده مفاتيح القاصه وهو يعرف اشعدنه
خليل..... عمو انتو اخوان بدون مشاكل وخليه بالتراضي افضل مو هيج ام وسام .... سكتت
زييين....
بحضور الكل وافقو
طلعلي خير من الله حصتي
اما البيت ردت اخذ من الحديقه
٢٠٠ متر كلهم وافقو الا فتخار
فقررت اشتري بيت حتى لو زغير
بس اريد اجمع عائلتي
وما كان أكدر ابتعد عن اهلي بظل هاي الضروف
لكيت بيت نفس شارع اهلي١٠٠ متر
اشتريته واثثته وكله بمساعدة حسام حتى دايني من احتاجيت للبيت
سراب...
تعبت وفراك وسام تعبني اكثر اجاني
مرتين ما طلعتله
خابر هم ما جاوبته اريد ارتاح احس
راح انجلط من وره افتخار اشلون
عايشه حياته بهذا التكبر ما ادري بس ريحت كلبي اشويه من كسرت
كرستالاته التتباهه بيهن
نايمه فوك واسمع امي تعيط
نزلت اركض حتي نسيت اني حامل
اميره..... يمه وليدي
يمه بعدك عريس
اني بدون ما اساأل كمت اعيط
اخويه اخويه
رافد.....يصيح حتى يسكتنه
بس... بعده عايش امشو اروحله
اخذنه واحنه حالتنه حاله
دخلت امي تعيط رائد يا رائد
جانت ريهام يم اهلهه لكيناهه
كدامنه
سراب... بجي واني اصلا تعبانه وكعت شالوني للدكتوره
كالت حالتج مو زينه اهدئي
انت بالسادس اخاف تفقدين طفلج
شويه واجاني وسام كعد يمي يهديني
واني نار رائد هذا اخويه اشلون اكدر
اسكت واهدا
سراب..... احجيلي فدوه اخويه منو صوبه
وسام... اني بعدني كلشي ما اعرف غير
مسلبجيه مهاجمينه
هو وليث
وليث عنده سلاح امصوبهم
سراب.... اسودت الدنيه بعيني
يعني ما تهنه بزواجه صارله اقل الشهر
خلصته بجي الي ان نمت اشويه
سمعت امطلعي ومستقره حالته
وسام.... ما دام اطمنتي امشي نرجع للبيت
سراب... كلبي ما ينطيني اعوفه
وسام... يا حبيبتي ياعمري استقرت حالته وانت كلشي متفيدي بالعكس
راح تتاذين اكثر
قنعته واخذته للبيت ترتاح
ياسر.....
هلو هبه حبيبتي اشلونج
هبه.... الحمدو لله
ياسر... وين انت
هبه... بالبيت
ياسر..... اني جاي حتى اوصلج للمدرسه
هبه..... اي نتظرك
ياسر... ها جاهزه
هبه..... بعد وكت اتفضل شويه ونروح
ياسر...... تعالي اكعدي خل اتمتع بخلقه الله شويه
هبه..... هههه كلامك ما يطمن
ياسر..... جانت بدون حجاب اول مره اركز بوجه بنيه بدون خجل او تحفظ
عمري راح يدخل الاربعين ما لامس
مره
ما عندي غير ذكرياتي ويه بنت عمي
اكثر من كلمة يا روح ياسر ما
كايلله
وجنت اللهم اكتبله شعر
هلمره غير
بدون شعور تلمست خدهه باصابيعي
بلمسة ايدي حومرت َمدري من ايدي لوخجل لو من الترافه والبياض ما تتحمل
ياسر..... هبه من اول يوم اجيتي المحل انت والمرحومه اخذتي كلبي
هبه.....
يعني من ذاك اليوم حبيتني
ياسر..... تمنيتج
والله حتى من طلبتج من ربي استحيت
كلت هاي بت بغداد ومدرسه لا تباوع فوك ياسر
هبه..... ههههه حجيك حلو وانت صريح كلش
ياسر.... هواي بكلبي حجي اريد
احجيلجيا
اني متعوب ما شفت طفوله ولا
فديوم اللتفتت النفسي وباوعتلها
هسه يالله سفينتي رست يمج
اريد ارتاح
هبه..... واني عيوني الك بوكت
الساعدتني وما شفت منك نظره نكسه
عرفتك انت ابن حلال وطيب
انشالله ترتاح يمي
ياسر.... طلعت من جيبي علبه
وفتحته
هاي الكلاده الرجعتيه متلوك الا الج
ولبستهيا
هبه..... صدك ياسر من ذاك اليوم ضامه
ياسر..... يمكن حسيت راح ترجعين
واشوفج وضميته
دنكت عليه ياربي شنو هذا البياض
طبعت بوسه على خدهه
خجلت
هبه....يله اروح
ياسر..... اروح يا روح ياسر
هبه..... ههههه ااني ما متعوده على
هيج حجي
ياسر..... منا وهيج تعودي
وصلته للمدرسه ورجعت للمحل
وسام..... هلو ابو اليسر اليوم متاخر
ياسر.... خويج خاطب عجل غير
اشوف خطيبتي اروحله
وسام...... هههههه روح يابه منو لازمك الله يهنيك
ياسر..... اكلك شقتك البلاعظميه
ما تاجره الي حتي اصير قريب على المحل
وسام..... بدون ايجار اكعد بيه
ياسر...... اني اشتغل واحوالي زينه انطيك ايجار
وسام..... هسه دخذهه والله كريم
وهاي المفاتيح
ياسر مشكور انت صدك اخو
وسام.... تره الاوضاع موزينه استعجل اثثه واذا تحتاج فلوس اني حاضر
ياسر....... لا يخوي كفيت وفيت
انه مجمعلي عجل بس بلاسم صايغ
وسام..... هههه يله اريد نفرح بيك
شهد.....
خلصت السنه الوعدني بيه ماهر
الله رزقه واموره عدله بس ما خطبني ولا اشوفه هلفتره لو بالمعرض لو بالميناء
هاي السنه نجحت للسادس علمي
اني ونيران صديقات هيه تحب
عقيل وعقيل سنه ثانيه هندسه ويشتغل ويه ماهر
يكول اتخرج يالله ازوج
بس ما هر ما عنده عذر
عرس وهوسه وكل اشويه يدخل البيت على شغله
شافني... ما درتله بال
ماهر.... ظل صافن ونزعج
جنت لابسه ثوب للركبه اريد اروح وياهم للزفه
اشرلي اجي من يم الممر وره المطبخ
اشرتله ما اجي
اشوف عيونه كامت اطاير شرار
ما هتميت
طلعت كدام عينه وصعدت ويه وسام
وسام َ...... ما يعوف سراب ابد
واني وشيماء ونيران ولبنى هم صعدنه ويا
رحنه للزفه ورجعنه وتعشو المعازيم
وزفو رائد
اني يالله رحت بدلت ملابسي
بدت الناس اتروح
واكفه اباب المطبخ
ونجرين من الممر الورى البيت
اباوع
شهد.... هاي شبيك خوفتني ليش هيج اجرني
ماهر.... متعرفين ليش.... مو كلتلج بدلي ثوبج قصير
شهد.... انت معليك مني قصير طويل شعليك بيه
ماهر.... احجي عدل ويايه لا اكسر
راسج
اشبيج اشغيرج
شهد... كول النفسك انت مو عفتني
شكو جاي تحاسبني
ماهر..... منو هذا العافج
شهد... صار شهور ما محاجيني ولا متصل عليه شنو عذرك اشومبايل
وعندك
ماهر.... مو تدرين بيه رايح جاي للبصره
شهد هاي فرصتي لازم انتهزهه
يعني المن اتعب غير دا ابني مستقبلنه
شهد... اني ما اكدر هيج.... حجيته بزعل
ماهر..... شال ايديا وقفلني علي الحايط
ويباوعلي
شنو المتكدرين عليه احجيلي
باوعتله بخجل
ودنكت وطلعت من بين ايديا
ظلو ذاك اليوم باتو يمنه بيت خالي كلهم
وشيماءوولده وسراب سهرنه رغم تعبانين حلوه لمتنه
ثاني يوم الكل كاعدين والعروس ورائد ورافد
ابو ماهر.... خويه اميره احنه اليوم راجعين للديوانيه
اميره.... ما ظلون كم يوم اشعدكم
ابو ماهر..... والله يا خويه اشغال
بس ما دام ملتمين رايدج انت والولد
بموضوع
رائد..... خير خالي
ابو ماهر.... كل الخير انشاالله
اني رايد شهد لابني ماهر وهذا هو ابنكم وتعرفو
اميره.... انطيهيا ووصله الباب بيته
خويه يوم المني هذا
راىد... والله خالي ما نلكه مثل ماهر اخونه وصديقنه بس انطينه مجال نسال شهد لازم موافقته وانشالله خير
ابو ماهر..... اي خالي لازم رايهه
لاتتاخرون علينه احنه نترخص
يله بويه
طلعو واني كلبي يركص من الفرح
اللتفتلي ماهر يبتسم وحرك السياره وراحو
سراب...
نفسيتي تعبانه محتاجه وسام
انام بحضنه وروحي تهدا
اتالم وادري بي يتالم مثلي
ماعندي طاقه تتحمل امه حملي دخلت بالسابع وما اعرف راح تجينه اخت لو اخ السيدرا
شغلة رائد هاي اجتنه صفح والحمدو
لله.... الله ستر وما راح بيه
كل يوم يجينه وسام للعصر يالله يروح يبدل ياسر
يحجيلي عن بيتنه ازغير وشويه عتيك وصلحه
كل تفاصيل يومه يحجيه اليه
يلعب ويه سيدرا
وتعلمت تنطق نانا هيج اسمي افتخار
اول ما يدخل تتلكا تسال عن بيبيته
رائد بالبيت وبده يتعافه
واني كال اسبوع وننتقل البيتنه
خبر وفات ابو عزام احزنه كلنه
مراحو غير ارجالنه وعتذرنه منهم
لان يعرفون ضرفنه
رجع وسام من تكريت وما اجاني يومين
استغربت مو عوايده
خابرته كال مشغول
وسام......
كعدت اكباله وعيني بعينه
بعده مثل ما هو تغير بسيط
الشيب مكبره اشويه
نسيت هو كان السبب باسري وضياع سنيني
شي بيه يحترك كونه كان رايد سراب وحابهه
ربع ساعه ومتحمل نظرتي الحاقده
ترخص وطلع من المضيف
وهو يرفع ايده
يسلم على الحضور
... احنه هم ساعتين ادينه الواجب وترخصنه من ليث واخوانه وعمامه
راجعين البغداد
الطرق مو امان والتسليب بكل مكان
رجعنه من وكت
اشتعلت غيره ليش من شفته ما ادري رجعتني الذاكره من جانت تمشي كدامه اشلون ينظرله
يومين ما رحتلهه
احس اعصابي متوتره واخذني التفكير ١٦ سنه معقوله ما حاول يرجعه اله مره ثانيه
البيت كمل وكان لازم اجيبه هيه وسيدرا
بس عفته اسبوع ما واصل
حسام..... كلش زين البيت تحفه صار
والاثاث راقي حيل
لعد اشوكت اجيبهم
وسام.... جاوب وهو يباوع على البيت واثاثه
بعد...
حسام..... روح جيبهم ما ريدك تطلع من الكاظميه... بعد
اغتيالات عامي شامي
وسام.... لعد اشلون ابياسر
حسام...... اعرف واحد راح اسويله
باج يدخل بي ويطلع
وسام.... والله خايف عليه هوايه
حسام...... يله روح جيبهم اشلون متحمل وحدك بالبيت
وسام... رايح اليوم يباتون يمي
انشالله
سراب.....
اخابره يحاجيني بس امبين تعبان
و ما وصلني صار اسبوع
ليش شنو السبب ما اعرف مو عوايده وسام
فجاه لكيته كدامي
وسام
بسرعه جيبي ملابسج اروح البيتنه
سراب... جان خابرتني اتحضر
وسام.... هسه اشيرادلهم امشي قبل الليل
سراب.. ينتر من يحجي
وصلنه بيتنه بنفس شارع اهله
بالجهه المقابيلهم بعد بيتين
حسام...
جان واكف ابابهم من شافنه شال ايده مسلم وضحك
احسه يتعامل ويه وسام مثل عمو عزيز هشكل حنين وطيب
سراب.... وسام ذوقك يجنن
وسام... عجبج
سراب.... لزمت ايده بسته وخليته على خدي
ما شفت منه اي ردة فعل
مو عوايده..
جنت لو اسوي هاي الحركه يحضني
ويبوس راسي
اجيت يمه.... وسام اشبيك
وسام.... جر حصره اشبيه
سراب... ما ادري انت كولي
وسام..... بالفاتحه شفت خالد
سراب..... جمدت ابمكاني.... ايييي
وسام..... ليش ما كلتيلي هو نسيب
ليث
سراب... وانت على هاي مغثوث
وسام... لا
سراب..... لعد... كول شكو بكلبك
وسام.... دنكت محتار اسال اخاف تكول ما عندك ثقه بيه اسكت الغيره تحرك بكلبي
ليش ما كلتي
سراب... شي مو مهم اشوفه
وسام..... سراب صارحيني طول فترت اسري معقوله خالد ما رجع حاول وياج من جديد
سراب...... انت شتكول اشك بيه وسام
وسام.... ااتحرك بعصبيه احجييي
سراب..... لا طبعا حتي ترتاح
اصلا ما شايفته غير مرتين لو ثلاثه
من خلال الشغل
وما انطي وجه اصلا
وهو ازوج ولا فكر بيه بعد
اجيت يمه لزمت وجه بيدي
اني انتظرتك لان احبك جنت مصره انتظر لو طول عمري خلص انطيتك كلبي
وسام هاي جديده غيرتك من الماضي
وسام..... باوعلي نظرته كانه يتالم
من شفته اشتعلت نار
سراب..... احنه ما النه اي علاقه بي
خلينه فرحانين ابيتنه الجديد
..... باوعلي وجر حصره
من يمي اختنكت ودمعت عيوني
اني ما اتحمل اشوف حزن بعيونك كافي الي شفته
ادنيت عليه حضنته حيل اول مره ما استجاب
بعدين اخذني بحضنه
وسام..... مشتا قلج موت انت الهوى
الاتنفسه
سراب.... وانت روحي الاعيش بيه
وخرته اشويه وخليت ايده على بطني شنو مروح انشوف شنو اهنا
وسام..... ضحك... ياريت مثل سدوره
سراب.... يعني متريد ولد
دنك على سيدرا تلعب بالكاع
شاله هاي عندي تسوه ١٠ ولد
ميهم شنو يجي ميهمني
المهم انت تكومين بالسلامه
ظل مركز بعيني نظرته المعهوده
الذبلانه
سراب.....
احبك وما اتحمل اشوفك مغثوث
او تعبان اعذرني على الصار بيني وبين امك
ادري بيك تحبه بس والله هيج احسن حتى ما نحتك ابعضنه
وسام..... هيه ميته على سدوره
يوميه تكول الحسام جيبوهه اشوفه
سراب.... اي باجر وديه
وسام.... دنك واشر براسه
بمعنى اي
ياسر....
اخذت هبه ورحنه للشقه لازم هيه
تقرر شنو انجيب وشنو نشتري
هبه..... زغيره بس كافيه علينه
ياسر... وسام عايفلنه المطبخ
بلماعين والجدوره
هبه... اي معقوله ما احتاجوهن
ياسر..... جان ويه اهله بس هسه
اشتره بيت جديد وجهزه كله جديد
شوفي هذا الَمخزن اصلا فارخ
هاي الكم حاجه راح نطيهن وافرشه لاخوج احمد
ادنيت عليه.... سحبت ايدهه
لزمته... هبه بس خليت عيني
بعينه...
ضعت ما ادري اصار بيه حسيت
شنو معنى السعاده وانت اتكون مع شخص اتحبه ويبادلك نفس الشعور
دون اي حواجز
انقهرت على عمري الراح
فجاه حسيت فرحان وهيه ابين
اديه تتمناني مثل ما اتمناها
.....
كدامنه شهر ونزوج خلصي كل تحضيراتج
هبه.... والدوام مالتي واحمد
ياسر..... اعتبري انقلتو
يوَمين ونزلنه اني وهبه اشترينه
غرفة النوم
وقنفان للهول
وجهزت غرفة احمد
بقت الاجهزه الكهربائيه
طلعنه اني ووسام اشتريناهن ششتره البيته اشترالي
انتقلت للشقه... وبديت بتحضيرات العرس
اتفقنه ليلةالعرس بالشقه انخلصه وثاني يوم نسافر للانبار
اخواني وولد عمي محضريلي حفله
جوبي امعدله
راح نبقه يمهم كم يوم
هبه...... ياسر امي ما صارله هواي ميته ما اريد فرح تعال اخذني من الصالون
ياسر....
سيف وهشام جايني همه وعوائلهم وخواتي جايبين كوسر وجايين
وسام واخو حسام حجزلي بنفس
المطعم السوو بي زواح وسام
حسام....ابسيارته الزفه
طلعنه للصالون
جانو بيت خاله واخوهه هناك
اخذناهه والفرقه الفرقه ويانه
طول الطريق
وصلنه المطعم
محجوزه الصاله كله انه
كل الاجو معارف وكرايب
دخل ياسر ايده بايد هبه
فرحان ويضحك واخوانه وولد عمه اثنين
شغلو جوبي وركصو ياسر وياهم
وسام.....
هسه ارتاحيت ياسر احسه اكثر من اخو وصديق
انسان بمعنه الكلمه طيبته واخلاقه
ربطتنه روحيا
هواي تمنيت اشوفه هيج فرحان
خواته واخوانه امبينه الفرحه
بعيونهم
زفيناهم للشقه والكل صعد وياهم
من اهله
شويه ونزلو جنت امحضرلهم بيتي
رغم ١٠٠ متر بس طابقين
باتو يمي
سراب...
خوات ياسر ذهب مثله
كحلاء.... واخيرا شفت وسام وسراب
ما توكعون من حلك ياسر
شكثر يحبكم
سراب...... وسام يعتبره اخو
شهلاء..... ياعيني حامل لازم ما نتعبج
سراب... حبيبتي تعبكم راحه
وفرشن فوك الهم ولاولادهم
وثاني يوم هم رتبو البيت يالله طلعنه
وثاني يوم امقررين ياخذو ويرحون للانبار يحتفلون اهناك اخذت ريوك كيمر وكاهي ومربايات وطلعنه كلنه للشقه
كوستر كامله اهله واني وسراب
ياسر...
فتح الباب.. اشعدك من الصبح
جايني
وسام.... ما عندك عمه اتريكك كلت
خطيه اني اريكه بصباحيته
ياسر.....
فوت... فوت بس كون جايب ريوك للجيش الوياك...
وسام.... أفه عجل منو يريكهم غيري
هههههههههه
تريكو بلمه حلو واخذو ياسر اسبوع عسل بين اهله وعمامه
بالغربيه...
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
