رواية حظ عاثر الفصل الثامن و العشرون بقلم ليل ادم
اتفضل يا حج
حماده: حج مين اسمه العنتيل ياعم
السواق : اتفضل يا عنتيل
ادهم: لا والله ابدا أنا اللي هدفع
جمال: ادهم عيب والله ما ينفع
حماده: الوجهه بتاعتنا يا جدعان
ادهم: حماده اي منتا كنت تمام
حماده ؛ لسه في الشارع يا قريبي
ادهم: لا من أول هنا خليك حلو
حماده: حصل
بعد الطلوع
جمال : لا هاتوا حماده جمبي هنا
ادهم : يا عم جمال الله يكرمك قبل ما الناس تخرج مينفعش لازم أنا اللي اقعد جمبك أنا العريس
جمال: معلش يا ادهم والله عايز اسأله على حاجه
ادهم: تعالي اقعد مكاني يا حماده
حماده: ماشي
جمال: ( مال على حماده) هيا الحبايه دي بتخلي اللسان يتقل ولا أنا جالي جلطه يخربيت امك
حماده: لا والله يا عنتيل أنا هموت و اشرب
أبو العروسه : مساء الخير أسف لو أتأخرت عليكم
الجميع لا مفيش حاجه اتفضل
الاب : ازيك يا ادهم
ادهم : الحمد لله يا عمي أعرفك عم جمال اللي رباني بعد أبويه الله يرحمه وكبيرنا بعد ربنا
الاب : أهلا يا عم جمال
عم جمال: ( بص وساكت )
ادهم : حماده و سعيد أخوتي و خالاتي الاتنين والده سعيد و ام أيمن بس الظروف مسمحتش أنه يحضر معانا
حماده: اه أصله محبوس تلات ايام ( وبيضحك هو و جمال )
الاب : نعم
ادهم: لا مفيش أصل احنا بنحب الضحك جدا
الأب: تمام ياسيدي ربنا يفرح قلبك وقلوبهم
ادهم: دي امي
الاب : تشرفت بحضرتك وبيكم كلكم والله
جمال: ( في ودن حماده) هموت عايز اشرب يخربيت امك
حماده: وأنا والله برضوه
السكوت دام اكتر من عشر دقائق
ادهم عمال يغمز ل جمال علشان يتكلم
الاب : منورين والله
جمال: ( بيكح)
ادهم :(مال على أمه و بصوت واطي الحمد لله هيتكلم اهو )
والد العروسه: منورين والله
سعيد: ( عمال يغمز ل جمال علشان يتكلم )
جمال: لو سمحت يا استاذ
ادهم : الحمد لله
الأب: تحت امرك اتفضل
جمال: عايز ادخل الحمام بعد اذنك
سعيد: الله يكسفك
الاب : اه تحت امرك ثواني ( وقام ينده حد يفضي الطريق)
أدهم: جمال الله يكسفك حمام اي متتكلم ياعم وتطلب ايد البت
جمال: ارجع من الحمام طيب هو أنا هطير
حماده: ادهم أنا عايز ادخل الحمام أنا كمان
ادهم : هو انتوا جايين تعملوا حمام هنا الله يحرقك امسك نفسك انتا كمان لحد ما نرجع
سعيد: صحيح يا حماده طب ده راجل كبير وعنده السكر
أم أيمن: بعد الشر عليه سكر اي سكر ياخدك انتا وامك
ادهم : اي اي الناس جوه الله يكرمكم مش عايز فضائح
جمال: يابني وكتاب الله لساني لاصق في سقف حلقي هقوم اغسل وشي و اشرب مش هعمل حاجه
الأم: طب وربنا يا جمال انتا وحماده علبه وخدين حاجه
ادهم : حماده أديت جمال اي الله يخربيتك
حماده: ياجدع عيب عليك والله احنا تمام بس الجو حر مش اكتر
الأب: اتفضل يا استاذ جمال
كل الموجودين عينهم على جمال علشان يقوم وجمال قاعد مكانه مش بيتحرك
الاب : يا استاذ جمال
أدهم: عم جمال
جمال: اي اي
سعيد: ياعم مالك في اي هو اتخض كده ليه ده
حماده: بيقولك قوم روح يا عم جمال
جمال: طب وانتوا
حماده: لا احنا قاعدين معاهم شويه
جمال: خلاص أنا قاعد معاكم مش هعرف ارجع لوحدي
الأب: هو في اي يا ادهم
ادهم : ( بيضحك بصوت عالي) لا هو احنا بنحب الهزر بس مش اكتر
سعيد: استاذ حازم احنا جايين علشان نتقدم لحضرتك في بنتك رحاب ل ادهم
جمال : ( مال على حماده) مش المفروض أنا اللي اقول الكلام ده
حماده: مش عارف سعيد مستعجل علي اي
جمال: طب اي كرسي في الكلوب ونمشي
حماده: لا ياعم علي اي لو عملنا كده ادهم مش هيرضا نركب معاه العربيه
جمال: اه فعلا عندك حق
الاب : استاذ جمال حضرتك معانا فى الكلام ده
جمال: أنهي كلام
الاب : أنهي كلام اي بس هو حضرتك تمام
جمال: تمام بس أنا بختبرك بشوفك مركز معانا ولا لا
الاب : ادهم عايز يطلب ايد رحاب بنتي
جمال : جدع انتا كده
الاب : حابب حضرتك تقول حاجه كمان طيب
جمال: مش اخوه سعيد قال خلاص كلنا واحد
دخلت رحاب ومعاها العصير وكانت في قمه الجمال والاناقه
عم جمال بيمد ايده ياخد العصير وقعت عليه الصينيه بالعصير
رحاب: ياخبر معلش حقك عليا والله يا عم جمال
الاب : طب قوم حضرتك كده كده كنت عايز تدخل الحمام قوم ادخل اظبط نفسك
جمال: اظبط اي بس كل ده برتقال
حماده: دنتا بقيت شربه يا عنتيل
جمال: عنتيل اي بس بالمنظر ده
ادهم : استاذ حازم عايز حضرتك شويه بعد اذنك
حازم : اتفضل تعالي يا ادهم
ادهم : أنا آسف على اللي حصل ده كله معلش بس احنا بنحب الهزار في اي وقت ومع كل الناس
الاب: على فكره بنتي رحاب مش بتخفي حاجه عني وانا اعرف واحد واحد فيكم مش عايزك تكون قلقان كل اللي حصل ده احسن عندي من التصنع أنا بحب الوضوح يا ادهم
ادهم: يعني حضرتك موفق
حازم: شوف سبق وقولتلك اني لا املك الموافقة أو الرفض اللي يقدر يقول كلمته وقف وراك اهو أسأله بنفسك
ادهم : ( لف وشه)
رحاب: موفقه طبعاً يا بابا
ادهم : (لف وشه تاني ل والد العروسه ) سمعت صح خدت بالك
حازم :(مبتسم) اهدا اه سمعت سمعت وأنا كمان موفق روح خود عروستك وافرح مع أهلك
رحاب : بس بشرط
ادهم : اي
رحاب : سيب كل يفرح بينا من غير ما تقيد حد
أدهم: بس كده دي هتبقا سلطه
حماده علبه: ( وقف علي باب الحمام مستني جمال يخرج)
حماده: ياله بقا يا عنتيل ارحم امي لساني وقع من العطش
جمال : روح اشرب العصير
حماده: منتا خدته كله على هدومك يا عنتيل
في جانب آخر
كله بره فرحان وبيضحك إلا حماده و جمال عاملين ورديه قصاد بابا الحمام
جمال : رايح فين تاني
حماده: أنا عايز اخد خرطوم احطه في بوقي اي ده ياعم دي حبايه عذاب أليم
جمال: احنا فين
حماده: احنا فين اي يا عنتيل هو انتا مش عارف بجد
جمال: لا والله احنا فين بجد
حماده: والله ما اعرف إحنا فين
جمال: طب نركب منين نرجع المنطقه تاني
حماده: مش عارف بس اكيد من على اول الشارع
جمال: طب اي
حماده: اي
جمال: هات ايدك نخرج من هنا
حماده: اه والنبي ياله نخرج
أول ما خرجوا كان كل الناس بره بتضحك وسعيده
جمال: اي ده ياض يا حماده الخلق دي مش غريبه عليا احنا في المنطقة على فكره
حماده: اه والله أنا عارف الناس دي كلها
جمال : الواد اللي فاشخ بوقه ده أدهم ابن فاتن
حماده: اه اه هو بيعمل اي هنا ده
جمال: طب كويس روح هاته وقوله عمك جمال عايز يروح المستشفى ( و وقع على الأرض)
حماده: عنتيل يا عنتيل الحقووووووووووونا
ادهم : في اي انتم كنتو فين كل ده
حماده: مش وقته يا عم العنتيل فيص مني
رحاب : هاته يا ادهم نروح المستشفى جمبينا كده كده
والد العروسه: أنا كمان جاي معاكم
ادهم : لا على اي يا عمي ولا تتعب نفسك إحنا متعودين على كده
أم أيمن: فوق يا جمال فوق يا حبيبي
أم سعيد: (بتعيط )
سعيد : مالك ياما انتي كمان الله يهديكي
أم سعيد: وقع زاي أبوك نفس الواقعه دي
إم أيمن: يخربيتك هتنبري على الراجل
الأم: بس صحيح يا ايمان اي اللي بتقوليه ده
رحاب: طب ياله نلحق الراجل طيب
بعد الوصول إلى المستشفى
الدكتور: ماله حصل اي
جمال: ( فتح عينه وشد الدكتور من أيده)
الدكتور: اهدا يا حج مالك في اي
جمال: متسمعش كلام حد اعملي غسيل معده على طول وطلع الواد ابن الحراميه ده بره
الدكتور: اه دنتا متعود بقا
جمال: اه بسرعه مش قادر
الدكتور: اشمعنا انتا بالذات عايزك تطلع بره
حماده: عايز ادخل الحمام
الدكتور: شارب اي
حماده: أنا مش انا
الدكتور: مالك طيب
حماده: مفيش عايز اشرب
الدكتور: طب خد اشرب بس قولي شارب اي يابني خليني الحق الراجل
حماده: أنا مش انا
الدكتور: يابني خلاص والله عرفت قولي شارب اي أنجز
حماده: وكتاب الله أنا مش أنا دنتا غبي اوي
الدكتور: دنتا قليل الذوق صحيح (لف وشه ل جمال) يا حج مقدرش اعمل غسيل المعده وأنا مش عارف انتا واخد اي قولي اخدت اي علشان اقدر أفيدك
جمال: أنا مش انا
الدكتور: عارف والله يا حج بس ساعدني معلش
جمال: يادي النيله السوده ياجدع بقولك واخد حبايه أنا مش انا
الدكتور: دخلوا يعمل غسيل معده ايكش يموت جوه حتا
ادهم : ليه بس كده يا دكتور
الدكتور: ياعم اسكت
حماده: ( أقترب من ادهم ) عايز عصير
ادهم : طب وسع كده هتبوسني ولا اي
حماده: بقولك عايز عصير عندي هبوط في الكبوت
ادهم : ياعم طب وسع الناس تقول علينا اي
حماده: طب ياله
أدهم: تعالى انتا خدت اي يا حماده
حماده: أنا مش انا
ادهم : ايوه عبارة عن اي دي يعني
حماده: برشامه بترفع هرمون السعاده بس للاسف
ادهم: للأسف اي
حماده: الاسمنت بتاعها زيادة
ادهم : هيا فيها اسمنت
حماده: ياض لا قصدي النشا كانت زيادة ولعت الدنيا
ادهم : هو أنا مش قولتلك بلاش النهارده يا حماده
حماده: بلاش اي
ادهم : بلاش تاخد زفت خالص
حماده: منا مخدتش حاجه
ادهم : يابني انت مش لسه كنت بتقول انك خدت أنا مش أنا
حماده: أنا قولت كده
ادهم : اه والله
حماده: إحنا اي اللي جبنا هنا
ادهم : يابني مش عمال تقولي عايز عصير عندك هبوط
حماده: ( طلع علبه عصير من جيبه ) منا معايا عصير مالك يا ادهم انتا تعبان ولا اي
أدهم: اه يا حماده أنا تعبان معلش أستحملني شويه علشان خاطر ربنا
حماده: أنا عايز اعمل زاي العنتيل
ادهم : مش فاهم عايز اي
حماده: ( وقع في الأرض) وبيت ربنا انا بموت
ادهم : يخربيت امك مالك ياض فووق
حماده: عايز اغسل
ادهم : انتوا فاكرين الغسيل ده اي الله يحرقك انتا ورا كل مشكله تحصل في البيت كله كفايه اختراعات فاشله بقا يا جدع
حماده: ودا وقته بقولك بموت ياللي ما عندك دم
الدكتور ماشي بالصدفة في الممر
أدهم: دكتور يا دكتور بعد اذنك ثانيه
الدكتور: نعم
ادهم : حماده عايز يغسل
الدكتور: لا دا انتا أن شاء الله تخده البيت تغسله هناك هو انتو فكرني بغسل ذنوب يا شويه مجانين انتوا منين ياعم انت واي رماكم على دماغ اهلي
بدل ماتدور وتبحث علي الروايات خليها علي تليفونك وحمل تطبيقنا
