رواية حظ عاثر الفصل السابع و العشرون بقلم ليل ادم
الأم: كل الناس جت بره اهو اطلع بقا من الاوضه بتاعتك شوف عايز تقول اي
ادهم: كلو بره
الأم : اه أخلص ياعم بقا
ادهم : ماشي (وفتح باب غرفته وخرج)
عم جمال: ساعه ونص علشان تخرج تقول الكلمتين اي فاكر نفسك السادات
ادهم : اهو أنا بقا طلبت اجتمع بيكم قبل ما نروح نقرأ الفاتحه ب يوم علشان محدش يقولي نسيت كلامك
حماده: طب ما تقول يابني هو انتا غريب
ادهم: طبعاً انتوا عارفين اني بكره أن شاء الله رايح اقرأ فاتحه رحاب وهنقعد مع اهل العروسه وأنا بما اني للأسف مقطوع من شجره ف مليش أهل من يوم ما وعيت على الدنيا غيركم
سعيد: متقلقش يا حبيب اخوك هنخلي راسك فوق السماء
ادهم : لالالا بلاها من الكلام أنا عارف كل واحد مشكلته اي علشان كده هقول لكل واحد منكم عليها وياريت هناك متتعملش
حماده: مش عيب
أدهم: نبتدي مع الحريم الأول ام سعيد
أم سعيد: نعم
ادهم : العقل كله واهدا ما في الحريم بس بالله عليكي ملوش لازوم العياط هناك بلاها نكد أصل ابو سعيد لو كان لسه عايش اكيد يعني مكنش هيحل مشكله سد النهضة مثلاً الله يكرمك بلاش تفتكري ابو سعيد هناك وتسحي عياط
أم سعيد: ( بتعيط ) حاضر يا ادهم ربنا يتمملك بخير
أدهم: انتي بتعيطي من دلوقتي
عم جمال: لا بروح امك اخلص انتا كده هتقعد تتكلم لحد بكره
ادهم: لا دنتا بالذات عايز سهره لوحدك بس اقفل مع الحريم ام ايمن
أم أيمن.: نعم يا حبيب خالتك
ادهم : بلاش تمسكي ام العروسه وتخدي وتدي في الكلام وتعرفي دهاليس الدهاليس عن البيت وسكانه الي يوم يبعثون اتفقنا
أم أيمن: انتا حر أنا بجيب الاخبار ل أمك أصلا
ادهم : امي هو ده مربط الفرس
الأم : عايز اي يا بن العبيطه
ادهم : عايز احترام هناك مش عايزك كل ما تشوفي حاجه تشدي ام ايمن من راسها وتقعدي دب دب دب أنا عارف أن طلبي مستحيل بس حاولي تكتمي جوه منك لحد ما نركب العربية ونرجع البيت ممكن
الأم: هحاول يابن الهبله
ادهم: سعيد
عم جمال: لا أنا الأول
ادهم: هو أنا بوزع عليكم جاتوه ياعم اهدا
سعيد: قول يا اخو
أدهم: بالله عليك بلاش عينك اللي بتسرح في اللي رايحه واللي جايه اديك شوفت ربنا عمل فيك اي بسبب هرموناتك العاليه دي عايزك تهدا كده الله يكرمك
سعيد: ياعم مفيش مانع كده كده خلاص الواحد ربنا هدا الحمد لله
ادهم : الحمد لله ندخل على حماده علبه
حماده علبه: ( بيضحك) مش لما ندخل على العروسه ياعم العنتيل رقم اتنين
جمال: ( بيضحك) جدع ياض يا حماده
حماده: لا ما طول ما العنتيل رقم واحد موجود الموضوع منتهي
ادهم: ( بصوت عالي) بس
حماده: اي يا حبيب اخوك في اي
ادهم : أنا مش عايز منك غير حاجه واحده بس
حماده: حبوب السعاده مش كده
ادهم : لا تسكت تقعد ساكت لحد ما نمشي اتفقنا
حماده: ياعم دي سهله كده كده أبو الهول مش بيتكلم علشان الصمت لغه العظماء ومش اي ساكت عظيم في ناس ساكته
ادهم: ( قطع كلام حماده) شوفت بقولك اسكت ليه اديك خدت مني كلمه بنيت عليها قصه ملهاش ستين الازمه ابوس ايدك هناك تسكت
حماده: ياعم خلصا
ادهم : عم جمال
جمال: نعم يا روح امك
ادهم : للأسف مفيش اكبر منك فينا سن علشان كده للأسف انتا اللي هتبدا الكلام وانتا اللي في أيدك كل حاجه
جمال: عاش ياض يا ادهم عرفت تختار تكبر مين البت دي بتاعتك
أدهم: ينهار اسود على الكلام اللي يوجع البطن المهم ابوس ايدك بلاش الجلابيه البني عندك لبس في الشياكه مش خلاص يعني ثم يا اخي اقسم بالله شكلك في الجلابيه مش حلو البس الطقم بتاع فرح الود يوسف فكره
جمال: الا فاكر دي خالتك أم أيمن كانت بتموت في شبشبي لما البس الحته المسطره وانزل أتغندر
حماده: اه هو فرح يوسف ده يتنسي كنت ساعتها مدي العنتيل واحده من الاخر
جمال: اه يا لهوي على دي حبايه يخربيتها كان اسمها اي ياض يا حماده
حماده: سحراني ليل ونهار
جمال: هيا مين اللي سحرالك
حماده: لا الحبايه كان اسمها كده أصلها بتشتغل ٢٤ ساعه علشان كده أطلقت عليها سحراني ليل ونهار
ادهم. : طبعاً الهري اللي تم ده مفيش كلمه منه تتقال هناك
جمال ؛ ( قام وقف) اسمع يا عار انتا لما يكون عمك جمال بيتكلم تقعد تتعلم لعلك تتعظ ياحتت خرنق
ادهم: نفسي أتعظ منك وربنا
جمال: بكره تشوف ب عينك
ادهم: تمام نتقابل بكره أن شاء الله الساعه اربعه اتفقنا
الجميع: اتفقنا
اليوم التالي الساعه خمسه ونص كان الكل أجتمع
ادهم : اي يا عم جمال كل ده
جمال: معلش يا حبيبي كنت بلبس أنا آسف
ادهم : اي ده الله اكبر انتا لابس الشخصية من بدري بس تمام علشان تطبع معاك عبال ما نوصل
جمال: ياله كله يركب انزل يا حماده لحد ما الحريم تركب واحنا نمشي حتا لو اوبر العربية صعب تاخد كل العدد ده
ادهم: ( نزل حضن عم جمال) ورب الكعبه عايز أبخرك اي العقل والرقي و الرذانه و الجمال لا كده كتير اقسم بالله
حماده علبه: حاضر يا بابا جمال أركبي يا عمتي
سعيد: أن أمكن اجي أنا معاك يا ادهم علشان مش بحب الاوبرا
ادهم: أوبرا اي كتك البلا في و دانك اسمها اوبر بس أنا مبسوط الأداء مبهر
حماده: بابا نمشي إحنا اوبر علشان مفيش مكان اي رأيك
جمال: ياله يا حبيب بابا
الأم: مكنش ينفع تسيب حماده وجمال يمشوا مع بعض انتا عارف انتا عملت اي
أم أيمن: عندك حق يا فاتن
ادهم: وأنا بقولك النهارده مفيش حاجه من اللي في دماغك انتي مش شايفه الأداء
في جانب آخر
علبه : الحته التسع تسطر دي خطفاك يا عنتيل جيلك
جمال: كل دول تسع تسطر يا بن الحراميه
علبه: منا مش فاضي أعد وراك يا كبيرنا
جمال: حبيبي ياض يا ابو العلب
علبه : افتح بوقك يا عنتيل مصر
جمال: اي ده يخربيتك
علبه : حبايه في اللذيذ لازم الشياكه هتخليك تتكلم ولا عمر اديب
جمال: اسمها اي دي
علبه : اسمها أنا مش أنا
جمال: دلعني يا ابو العلب
علبه : دلع كرشك يا عمهم وأنا كمان معاك علشان يبقا انتا عمر اديب وأنا نشأت الديهي
جمال: أديك اي
علبه: اديني اي حاجه منتا مليان سطور اهو
جمال: بس ياسطا عند العربية الخنفسه اللي هناك دي ( وبيضحك )
السواق : اتفضل يا حج
حماده: حج مين اسمه العنتيل ياعم
السواق : اتفضل يا عنتيل
ادهم: لا والله ابدا أنا اللي هدفع
جمال: ادهم عيب والله ما ينفع
حماده: الوجهه بتاعتنا يا جدعان
ادهم: حماده اي منتا كنت تمام
حماده ؛ لسه في الشارع يا قريبي
ادهم: لا من أول هنا خليك حلو
حماده: حصل
بعد الطلوع
جمال : لا هاتوا حماده جمبي هنا
ادهم : يا عم جمال الله يكرمك قبل ما الناس تخرج مينفعش لازم أنا اللي اقعد جمبك أنا العريس
جمال: معلش يا ادهم والله عايز اسأله على حاجه
ادهم: تعالي اقعد مكاني يا حماده
حماده: ماشي
جمال: ( مال على حماده) هيا الحبايه دي بتخلي اللسان يتقل ولا أنا جالي جلطه يخربيت امك
حماده: لا والله يا عنتيل أنا هموت و اشرب
أبو العروسه : مساء الخير أسف لو أتأخرت عليكم
الجميع لا مفيش حاجه اتفضل
الاب : ازيك يا ادهم
ادهم : الحمد لله يا عمي أعرفك عم جمال اللي رباني بعد أبويه الله يرحمه وكبيرنا بعد ربنا
الاب : أهلا يا عم جمال
عم جمال: ( بص وساكت )
ادهم : حماده و سعيد أخوتي و خالاتي الاتنين والده سعيد و ام أيمن بس الظروف مسمحتش أنه يحضر معانا
حماده: اه أصله محبوس تلات ايام ( وبيضحك هو و جمال )
الاب : نعم
ادهم: لا مفيش أصل احنا بنحب الضحك جدا
الأب: تمام ياسيدي ربنا يفرح قلبك وقلوبهم
ادهم: دي امي
الاب : تشرفت بحضرتك وبيكم كلكم والله
جمال: ( في ودن حماده) هموت عايز اشرب يخربيت امك
حماده: وأنا والله برضوه
السكوت دام اكتر من عشر دقائق
ادهم عمال يغمز ل جمال علشان يتكلم
الاب : منورين والله
جمال: ( بيكح)
ادهم :(مال على أمه و بصوت واطي الحمد لله هيتكلم اهو )
بدل ماتدور وتبحث علي الروايات خليها علي تليفونك وحمل تطبيقنا
