رواية بين الحب والأسر الفصل السادس والعشرين 26 بقلم أمل مهدي
طلعت اركض ..
شفت افتخار واكفه مقابيل سيدرا
اقتربت اكثر والخوف اخذ گلبي
صار اسبوعين تسمعه تناغي وتضحك وما تقترب منه ولا حن گلبه
شعجب فايته الغرفتي هسه
اقتربت اكثر
واسمعه...
تناغيه ...وبيده الملهيه
وسيدرا
تحرك اديه وتضحك كانه تكوله
شيليني
ظليت ابمكاني واكفه مبتسمه
واخيرا حن گلبج يا فتخار
حست اني وراهه
اللتفتت.....كانه انحرجت ما رادت اشوفه وهيه تضعف گدام سدوره
افتخار....تعاي شيلي بنتج جانت تبجي
سراب....اي اجيته
هيه طلعت..واني تقدمت شلت سدوره ابوس بيه وابتسم
واخيرا حن كلبج يا افتخار
هاي الاسبوعين هواي تغيير صار
بالبيت
التقارب بينه وبين افتخار وسامر غير
هوايه من تصرفاتهم ويانه
سامر اشوفه عادي يحجي ويايه او
ويه وسام
ومن اقدمله جاي گهوه عادي ياخذ
من ايدي ويشكر
جمعتهم بالبيت
والفراغ دفعهم كم مره يلعبون طوبه بالحديقه ما خذهم الحماس والضحك
واني وسدوره اكعد بالمرجوحه
نتفرج عليهم
وفتخار تفتج الشباك من غرفته وتباوع...احسه تفرح بلمتهم بس
تكابر
رجعو مثل ما كانو ازغار يسترجعون
ذكرياتهم
ويذكرون ابوهم
خصوصا من يكعدون ويه الماما افتخار
ياخذهم الواهس والضحك والتصنيف
اني الى الان ما اكعد وياهم اذا افتخار موجوده... اذا بس وسام واخوانه عادي
اكعد واسولف
حسام....
ام هادي عدنه لحم مال شوي
ام هادي.....اي عدنه
حسام ...لعد حضري بليل نشوي
بالحديقه
ام هادي....اي من هسه راح احضره
سراب.....خاله اني العصر اكصكصه وشيشه
ام هادي.....اي يمه
حسام....
اليوم الجو طيب نكعد بالحديقه نشوي
وسام....اي حتى نحسب الصواريخ
التمر من فوك بيتنه
سامر....اني يمكن باجر اروح لاسيل
والجهال اجيبهم
حسام...الطرق خطره لا تطلع يكلك
معارك الجيش والامريكان على الطرق الخارجيه
سامر....هسه لو عايفهم مو احسن
حسام....لا تستعجل تره بعده الحرب والجيش ديقاوم
اني اعرفه من يشوف وسام هو وزوجته وبنته مجموعين يحس بغيره
سامر عاش طول عمره مدلل من ماما وبابا
وهذا الدلال زرع عنده الانانيه وحب النفس
كهرباء انقطعت من اول يومين والماي بالبدايه اكو وبعدين انكطع
حسام قبل الحرب مشتري تانكي جبير ترسه مي للاحتياط
وحتى بانزين مخزن كم دبه بالحديقه بيتهم جبير ٨٠٠ متر بي حديقه اماميه وحديقه صفح ممتده للركن
حسام حضرت الفحم والمنقله اني اتعمد اجمع العائله بهيج كعده اريد
الزعل والحواجز تنزال ونلتم
سراب.....كصكصت اللحم وبديت
اشيشه
وسام غافلني شاف محد اكو وخر شعري
وباسني من ركبتي يابههه شنو من ريحه والله تردلي روحي
سراب.....ما ادري حسيت لعبت نفسي...بسرعه فزيت
وسام ....شبيج
سراب....يمكن اللحم لعب نفسي
وسام ...باوع عليه امركز وكال عوفي اني اكمله
كمت غسلت ورحت يم سيدرا
هو كمله وحضره
بليل كعدو بالحديقه شوي وجاي
والجو ظلمه والهوه طيب
الكعده اتجنن
كاعده وسيدرا بحضني ووسام
يحط الاكل كدامي اني من هاي الجهه
وعمتي افتخار وام هادي من الجهه الثانيه
اني حتى ضامه روحي وره وسام اخاف اذبله حجايه وتخجلني
وسام
كل اشويه امباوع بوجهي
سراب.....اشبيك تباوعىلي
وسام ...ماكو شي اكلي وكل اشويه يلف وينطيني
عادي عنده كدام اخوانه متعود يوكلني
سراب....كافي عفيه شبعت
وسام...بس هاي اكليها
سراب...احس اريد اتقيأ...وسام اخذ سيدرا يمك
انطيتهيا وكمت للحمام ظل هو يباوع ورايه
حسام....شكو شبيه سراب
وسام......ههههه احتمال راح يجي اخ السيدرا
حسام....بعلو صوته ياالله ياالله
سامر وفتخار وام هادي
كلهم اللتفتو عليه...
دخلنه بالشهر الرابع والاخبار تقهر
ناس اتموت بالشارع محد يشيله
الامريكان اي سياره متوكف يضربوهه حتى لو عائله بيه
صارت فوضى مو طبيعيه الناس هجمت على المخازو والشركات على املاك الدوله والقصور الرئاسيه
تسرقه
وحتى الدوائر الحكوميه ما سلمت من ايدي السراق
الانفلات الامني شجع الجشعين والسراق على سرقه حتى المستشفيات وترك المرضي يفترشون الارض
شكو خزين عند الدوله من مواد احتياطيه اكل دواء كلشي ملك للدوله صار مشروع سرقه او تخريب
وبعض بنايات الدوله احرقت
مو بس نهبت
كلشي نسمع بس مع الاسف اخبار محزنه بلدنه يحتضر
في ٩ نيسان سقطت بغداد وحتلو الامريكان كل بقعه بعراقنه
بجينه ابيوم اعلنو سقوط بغداد
صارت بكلوبنه فواتح حزن
عاصمتنه الجميله
اليتغزل بها الشعراء الابيه الصامده
اصبحت
اسيره..حزينه يغطيها الدخان وتغلفه رائحة الموت
وبدينة ندخل عصر جديد كل شي بي منافي للقيم والاخلاق
افرزت هذه المرحله وجوه جديده
اتبشر بعراق جديد
بس مع الايام نكتشف ما هيه الا اقنعه لنهب البلد وتخريب القيم
والنسيج العراقي المتماسك
اشويه وكف القصف لان خلصت
مقاومة الجيش
وكل واحد راح لاهله والي استشهد والي انفقد
راحو حسام وسامر للحله وجابو عوائلهم دخلو مشتاقين
لمتهم افتخار بحضنه اشكد اتحبهم
وبعدين كابلو سيدرا يلعبوهه
حلوه لمتهم ورواء واسيل كلش حبابات
ردت اروح اشوف اهلي
اتفاجأة
من افتخار حجت وكالت
روحي شوفي اهلج وعوفي سيدرا
تلعب ويه الجهال
حسيت بدت اتلين بمحبة سيدرا
وسام ....باوعلي مبتسم يله عوفيه
سدوره مخبلتهم
خليته بالعربانه مالته ووصيت عليه
وطلعنه
لحد الان اذكر الصوره الرماديه للوضع في شوارع بغداد
الطقس كان عواصف والاوراق والازبال تطاير بالهواء
والشوارع منتشره بيه قوات
غريبه
تفرض النظام
وبطريق هوايه سيارات محترگه وبنايات حكوميه اتفرهدت
ونتركت ابوابه مشرعه
وصلنه لاهلي بعد ساعتين ازدحام
وصيطرات امريكيه
اليفهمهم بجاوبهم والمايفهم يضل حاير
سراب....حضنت امي ابجي
ما ادري مشتاقه لو من الصوره الحزينه الشفتهه
سلمت على شهد وعقيل ورائد
تغدينه يمهم وطمنت على احوالهم
ورجعنه
بقينه يومين وتحضرنه اروح للشقه مالتنه
عدنه الثريا وكل اقاربهم هم متمكنين وعدهم فنتواصل بي
هذا
من بعد شهر بده يتحسن الوضع
وترجع الدوائر تعاود عمله
اصلحت الكهرباء وبده الماء يجري بالحنفيات شيئا فشيئا
بدت الحياة تعود
بس بشكل بطيئ
ولابد من ترجع الناس العمله حتى تعيش
وقررو يرجعون يفتحون المحلات
مال الصياغه بس
شي بسيط يعرضون بيه الى ان يستقر الوضع
ورجع ياسر من الانبار
وفتحو المحل كانو يعرضون الذهب ومن يرجعون للبيت يرجعو وياهم
امان ابد ماكو بدينه نسمع بالسطو المسلح
والعصابات
حسام......نزل الستلايت بكثره بالاسواق والموبايل لان اصلا كان ممنوع استخدامهن سابقا
كاعد اسمع الاخبار على شبكت الاعلام العراقيه
وسمعت سطو مسلح على محلات الصاغه في بغداد الجديده
انتبهت
وسام...كمت اصيح بدون شعور
وسام ...
سامر...شكو ليش اصيح
حسام ...جيب الثريا واطلع بره ماريد امي تسمع
دكيت على وسام
وسام...الو
حسام....انت وين
وسام ....شكو اني بالبيت
حسام...ياسر وينه
وسام...هسه غير يكول شكو
حسام.....صطو مسلح على محل صياغه وقتلو صاحبه ابغداد الجديده
وسام....ياسر لك ياسر
سراب....شكو فدوه اشبيك
وسام....راح ياسر...يدك بالثريا محد يرد
وسام...اخذت السويج وطلعت
واني اسوق ادك عليه ميرد
لك ياسر ..اسوق واحجي معقوله تنغدر وتعوفني
يارب اريده منك اليوم ياسر
هذا اخويه
وصلت...لكيت الدنيه مكلوبه شرطه وامريكان
خمس محلات طابين عليهم بالسلاح لامين الذهب وكاتلين واحد لان مقاومهم وجارحين الثاني
والباقي سلامات
ركضت على المحل معزل اسال
اجماعه اليمي ياسر وين
محد يدري
حسام....بشر
وسام ....لا مو ياسر بس هو وين
محد يعرف
ياسسر....
عزلنه المحلات امريكا بدت العد التنازلي للحرب
اني رجعت يم اهلي اكون بينهم هاي الفتره افضل
هبه شغلت كل تفكيري وتندمت ما
رحت وعرضت عليهم مساعده احتمال حرب ومحتاجين وامه مريضه
اكثر من شهرين وكل تفكيري هيه
اني ووسام نتخابر بين فتره واخرى
من بعد شهرين قررنه نفتح المحل
اليوم اجيت صفيت السياره على الشارع
واجيت افتح المحل واشوف
هبه تمشي ودخلت للسوك لابسه اسود حزينه ومتغيره
ما فتحت ...لحكته...هبه
التفتت عليه ....انت
ياسر....اي اني ياسر الصايغ اشلونج
هبه....الحمد لله
ياسر.....امج اشلونه
هبه.....دنكت امي توفت
ياسر....لا هاي اشوكت
هبه .....بايام الحرب
ياسر ....الله يرحمه...وانت هسه وين
هبه....نفس بيتنه اني واخويه
من رخصتك اريد اسوك وارجع
ياسر....هبه اشلون اشوفج
هبه....ليش شتريد مني
ياسر....ما ادري بس اريد اطمن عليج وعلى اخوج وشتعتبروني اعتبروني
ممكن
انطيني مجال اساعدج مراح تتندمين
هبه....اشكرك ما اكدر
ياسر.....من اليوم اني مسؤل عن مسواك البيت انت لا تطلعين الا المدرستج زين
هبه....اشرت ابراسي
مشيت وياهه بالسوك وتسوكت كلشي
واخذته بالسياره نزلته بالبيت ورجعت
لكيت الدنيه مكلوبه بايگين محلات الصياغ ..
واكف اباوع واسمع واحد
لك ياسر...التفتت الكا وسام وحسام
ياسر....وسام اشجابك
وسام....وين انت الخاطر الاسلام
مو متت حيلي انهد
ياسر.....تبسمت وحضنته اعذرني
ما ادري بيك ادور عليه
وسام....يا اخي وين جنت
ياسر.....شفت هبه ورحت ساعدته يمكن لو امفتح جان جتي بيه
وسام....تبين بت حلال هلهبه نخطبه
الك؟
ياسر....بعد وكت
وسام....همزين رحت وياهه تدري اصار بيه وشلون اجيت
ياسر ...يول لا تكبرهه عجل هذا المن
شايلو بظهري
وطلع مسدس
وسام... حاسب احسابك
حسام.....لازم تنتقلون للكاظميه هنا ماكو امان بعد
ليث....
خلصت فترت الحرب بتكريت شهرين ورجعت اطالب بديوني قدمت كل الاوراق والمستندات
قله اعرفهم الوجوه فجاه كله تغيرت
وعرضو عليه هواي عمل جسور مضرر بالقصف وبنايات وكل الشغل
مع الامريكان
مشت اموري الثلاث شهور الاولى
من مشروع المشروع حتى ولادة
ابني ما حضرته ورائد ويايه
تعرفت على ناس كبار سهلت شغلي دفعولي كل ديوني القديمه
رغم الوضع خطر جنت اتنقل من مكان الى أخر وحدي بس سلاحي الشخصي
ليث....رائد انت اشوكت تزوج
رائد....مبقى شي عن قريب
ليث.....تره اذا على الفلوس اخذ شكد تريد وعتبرهم سلفه
رائد....انشالله ما احتاج كله شهر وعزمك
انشالله يله اني طالع
رائد...طلعت شفت سيارة ليث بعده وهو ماكو جانت الساعه٨ بليل
رحت فارغه السياره لعدهو وينه
رجعت للحارس..
رائد...شنو وين راح ليث سيارته موجوده
الحارس..سمعته يحجي ويه ناس
وصعد وياهم وراحو
رائد...مقتنعت بحجي الحارس
اتصلت عليه مايرد
اجاني الحارس يركض سيارته مفتحه وهذا الثريا مالته لكيته بالسياره
لا ليث بي شي لان لايعوف السياره مفتحه ولا يعوف الثريا
قفلت السياره
وخليت تليفونه يم الحارس اخاف يرجع
واني رجعت للبيت
كل ساعه اتصل على الحارس يكول ما رجع
مانمت ليلتي
الفجر طلعت للشركه من تلفونه اتصلت باهله وخبرتهم
بلكت يم احد يعرفو
صار الظهر وهم ماكو
اخوانه وابو وعمامه كلبوهه كلاب
اجو ٣ سيارات من تكريت
وره يومين ..
دك تلفونه الثريا..
رائد.....نعم.... انطيني ابو عزام
ابو عزام...نعم ...ليث يمنه تنطيني ١٠
دفاتر ابنك يبات يمك اتكول لا اقروله الفاتحه من هسه....وسده
ابو عزام.....الو الو وليدي يابه
كام يصيح ...ويبجي
يابه ليث...يابه وليدي ..راح وليدي
اللتمو عليه ولده واخوانه
ابو عزام....الحكولي ب١٠ دفاتر
خلنخلصو لخوكم...
شويه وتخربط...شالو ولده ونقلو للمستشفى ظلو منقسمين بين
الشركه والمستشفى...اكثر من ٢٠
واحد من زلامهم داخلين انذار
ومتانين اتصال من الخاطف
بعد يومين اتصل عليهم واحد
كاللهم احنه مراقبيكم واحد منكم يجينه وويا التليفون اندلي وين
يسلمنه الفلوس
غيث كال اني رايح وحدي وطلع بالسياره
ويا الفلوس والثريا
وصل مكان خارج بغداد وكل شويه متصل بي الخاطف وينطي التعليمات
الي ان وصل مكان مهجور كالوله اوكف
وطلعوله اربعه ملثمين بيدهم سلاح
الخاطف...انزل من السياره
غيث....اخوي بالاول اريدو وسلمك
الخاطف.... اتقدم عليه فتح باب السياره وين الفلوس
غيث...هاي الفلوس
الخاطف ....انطيني الجنطه
غيث...اخوي بالاول
الخاطف...حط السلاح براسه انزل
لا افرغه براسك
غيث...نزلت
والباقين صعدو بالسياره تاكدو من الدولارات واني اعاينلهم
جتني ضربه على راسي فقدت
جان الوقت ظهر
صحيت الوقت فجريه
بالبيت المهجور الجانو بي
گمت دايخ اتچه على الحايط
اهدومي وصخه وانه وصخ ساحليني من بره الجوه بالتراب
طلعت بس صوت الچلاب
هيمه منطقه مهجوره
ذبوني وخذوالسياره والفلوس والثريا
تلمست راسي اثر الضربه دم يابس
وقميصي هم
اخذت بيدي خشبه اخاف الچلاب يهاجمني عاد احامي بيه على روحي
ورجعت من نفس الطريق الاجيت بي
اعاين ماكو لا سياره لا عرب ولا بشر
ساعتين امشي واني بطني خاوي
ودايخ يالله وصلت الشارع
ليث...
ويه ما فتحت السياره اصعد
طبكت سياره بصفي اللتفتت اعاينلهم ملثمين ويه ما جريت سلاحي
واحد منهم حط المسدس ابراسي
ادافعت وياهم
جتفوني
واحد منهم گال ما رايدين غير
فلوس لا تضطرنه نكتلك
الحجه مو غريب صوته بس ما عرفته
حطو جيس ابراسي ومشت بيه السياره بس مو بعيد دخلوني بسرداب اظلم وشبكوني
اسمع صوت سيارات وطكطكه
بس جوه الكاع
ماحجو وياي ابد
ينطوني ماي واكل سكته
اربع ايام واجوني ٢ مسلحين
فكوني ولبسوني چيس ابراسي واخذوني
بالسياره مشت هم حوالي ساعه
وفتحو الباب ونطوني دفعه
ويه ما وكعت مرغلت روحي حتى لا انسحك
لان جانو يمشون سرعه
ظليت مربط وايدي الوكعت عليه توجعني يمكن انكسرت
اجوني اثنين يركضون فكوني ونقلوني للمستشفى
اتصلت برائد وما اشوف الا العشيره كله بالمستشفى
وفوگ راسي ويسالون عن غيث
طلعوني للشقه مالتي
لكيت ابوي متخربط كدامي
للظهر دخل غيث وصخ امبهذل
راسه مضروب
اخذنا للمستشفى ضمدو
ابو عزام...
اعاين على ولدي واحد مشدود راسه والثاني ايده امجبسه
الحمد لله على حال
يابه حضرو السيارات نطلع على تكريت
ابو سالم...الدنيه غروب خله باجر
ابو عزام ....ما اامن على وليداتي غير ابكاعي
اخذ ولده وعلى تكريت
ياسر....
كل يومين ثلاثه اسوك وودي البيت
هبه وكت ما اخوهه بالمدرسه
بالباب احط المسواك واروح
ظليت شهرين اتواصل وياهه بس مساعده
اليوم قررت افاتحه بالزواج
وديت المسواك
ياسر....هبه من رخصتج اريدج بموضوع
هبه...تفضل گول
ياسر....اذا اتقدملج توافقين اني حتى متوسطه ممكمل اذا على الشهاده
بس زلمه عد عيناج اصيرلج سند
انت واخوج اشيلكم بعيوني
والمحل الاشتغل بي انه شريك ويه صاحبي بي
شتكولين
هبه.....ما ادري فاجأتني
ياسر...فكري وعلى المره الجايه
اريد جواب
رجعت للمحل وسام موجود
وسام....ها خيرك تبين ضايج
ياسر...فاتحت هبه بالزواج
وسام ...اي شبيك لعد
ياسر....خايف متوافق
وسام ....ليش تلكه احسن منك
ياسر....يول مدرسه واني ثالث متوسط ما عندي
وسام....اي وشنو اني اعداديه ما مكمل
وسراب خريجة كليه وموظفه
الشهاده متخلق تكافئ او حب
ذني الاثنين يجن بالمواقف والكلوب الصافيه
وهم من الله توفيق
ياسر... الله كريم
وسام....حسام لكانه محل بالكاظميه
راح اعرض هذا المحل للبيع شتكول
ياسر...بكيفك اني تاركلك الاداره
بعنه المحل وشترينه محل جهة القبله بالكاظميه هناك المنطقه امان
وسادين الشوارع
بس نبقى كل واحد اسلاحه جوه ايده
ياسر...
هبه وافقت
وسام.....
ياالله الف مبروك ضلعي
ياسر....هساع اخبر خواتي يجن
يشوفن العروس ويحجن ويه
مرة خالله
حتى انحدد المشيه
وسام....والله فرحان اني مني
النيشان ذهب وتجهيز العروس
ياسر لا هوايه صاحبك حلو لا تاكله كله
وسام.....منو كلك اني صاحبك
اني خويك يول
ياسر.....ههههههه اي هسه تمام
خابرت على سيف
ياسر....اشلونك خويي شخبارك
سيف...بخير
ياسر....الخميس اريد اجيب كحلاء وشهلاء وتجي
سيف...يا الله اشتم ريحة عرس....
ياسر....گول انشالله يول
سيف....تاخذ بغداديه ياسر
ياسر.....دحگ اصله من غربيتنه بس عايشه ابغداد ... ومدرسه ويتيمه عايشه هيه واخوهه
سيف....بيه الخير موفقين
ياسر.....هسه تجي لا
سيف....اشلون ما اجي هذا يوم فرحنه ياخوي
ياسر ....تسلم
ابيوم الخطبه خذت ياسر للحلاق
طلعه اوكي على كوله الامريكان
واشتريتله قاط
وجبت ويايه تخم ذهب يرفع الراس
وضرف بي فلوس يطيهن العروسته
اني كلتلك ذني عليه
ياسر....حضن وسام...
هوايه عليه
وسام.....ابد خوتنه ماكو اغلى منه
تمت خطبة هبه بحضور خالهه وولد عمه اثنين واخوهه
ووسام وحسام وسيف وهشام
وخواته الياسر
كانت الخطبه بسيطه
عقد السيد ودخل ياسر لبسه الذهب
كان فرحان بشكل
عاين الهبه ...كانت امدنگه وخجلانه
ياسر....اروح فدوه الهلوجه
اضحگي ونوري حياتي تره هاي اول
فرحه بعمري
هبه.....رفعت راسي وبتسمت
ياسر....انشرح گلبي معقوله الله سبحانه وتعلى
قسملي هلگمر
من بعد خطف ليث كمت اقلق اترك
سراب وسيدرا وحدهم بالشقه لان
اكو ذهب وفلوس رصيد المحل
بالكنتور حتى قاصه ما عندي بالشقه
امي بين يوم ويوم تخابر
جيبلي سيدر ا
سراب بدت تنزعج بنته هناك يوميه
واني هم اطلع للمحل
تبقى وحدهه ...الاحظ عليه اضوج بس ابد ما شكت
حمله اماذيه حيل ودائما عصبيه
وسام....اشبي الحلو حزين
سراب.....خايفه
وسام ....منيش ودار وجهي عليه
سراب......الوضع موزين وانتو كل الناس تعرفكم صياغ
من تطلع لمن ترجع التفكير يأذيني
شوف ليث
خسر فلوسه حتى يعيش
وسام.....حسام يريدني ارجع وياهم بالبيت لان هم خايف عليه
بس اخاف انت مترتاحين تعودتي لوحدج بي
هاج هذا مبايل واحد الج واحد الي اسمه الفراشه
سراب....تليفون
وسام اي حتى دائما بينه اتصال
تعالي اعلمچ عليه
سراب....حلو خوش اختراع
ليث من بعد شهر قررت لازم ارجع عندي شغل لازم اكمله
وابويه متخبل ما يريدني اوصل بغداد
اخر شي قنعته الم فلوسي واكو كم مقاوله اكمله وبعد ارجع يمهم
وهم ما رضه الا يدز وياي ٤ ازلام من
اعمومتي مسلحين حمايه وياي
رجعت للشركه وستانفت شغلي ويه الامريكان
صوته ابد ما راح من بالي
ولحد الان بحيره ليش حسيت
اعرفه
وانه ليث مو ابن ابوي اذا ما طلعتك من بين الف...
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
