رواية حظ عاثر الفصل السادس و العشرون بقلم ليل ادم
باب مكتب سامي بيخبط
سامي : ادخل
حماده: باشا مصر وباشا المكتب كله أسف ليك ودي القهوه من ايدي اعتذار مني ل حضرتك
سامي: ماشي يا سيدي مقبولة بس بعد كده في حاجه اسمها بوفيه يعمل القهوه والكلام ده وانتا شوف شغلك
حماده: حصل يا مدير
سامي: روح شوف شغلك
أدهم: برضوه أديت الراجل القهوه
حماده: يا جدع بقولك كتامين يعني ولا اي حاجه متقلقش شوف شغلك بس انتا
ادهم : طب تعالي
رحاب : ادهم معلش عايزك
ادهم: اي ده انتي لسه هنا
رحاب : العربيه عملتها معايا
أدهم: بس كده من عيوني خودي المفاتيح بتاعتي روحي مكان ما تحبي يا حبيبتي
رحاب: اي الرضا ده كله حبيبتي كمان
ادهم: اه طبعاً
رحاب : لا معلش تعالي معايا مش بعرف اسوق عربيتك
حماده: ( مسك ايد ادهم) هتروح معاها تعمل راجل عشر دقائق تموت ضرب تيجي اشوفك قلبي يوجعني اعمل راجل ربع ساعة اموت ضرب نروح المستشفى الدكتور يطردنا خليك جنبي تاخد اوبر
رحاب : ( بتضحك) ياعم اي كل ده انا رايحه عند بابا
حماده: طب خد عندك يعني اول ما يلمحك هيمرجحك
ادهم: هو ليه قولت أنا أعمل راجل عشر دقائق وانتا ربع ساعة ليه انتا زيادة عني خمس دقائق
حماده: علشان الطريق يا حبيب اخوك
أدهم: ياله بينا سيبك منه
رحاب: ياله
وخرج فعلاً ادهم و رحاب من المكتب
رحاب : اي الصوت ده في اي
أدهم: مش عارف
رحاب : هو سامي بيضحك كده ليه
أدهم: تعالي نشوف ماله ( وفتح باب المكتب)
كان سامي قاعد على مكتبه فاكك القميص وقاعد ب فانله قط وعمال يضحك ضحك هستيري
رحاب: اي ده مالك يا استاذ سامي
سامي: ادخل
ادهم : ادخل اي عبيط ده ولا اي محنا واقفين قصادك
سامي: يابني ادخل الله يحرقك
ادهم : ( ساب ايد رحاب) طب استني كده ثواني
رحاب: هتعمل اي
ادهم : اهدي بس ( وخرج قفل الباب وخبط على باب المكتب من تاني )
سامي: يابني بقولك خش
أدهم: معلش مكنتش سامع حضرتك
سامي: ولا أنا سامع حضرتي
رحاب.: استاذ سامي مالك فيك اي
سامي: خليها تدخل
ادهم : أطلعي اعملي ذاي ما عملت علشان يعترف انك دخلتي
باب المكتب بيخبط
سامي: خش هتجيبك
حماده: أنا يا زميلي مش هسيبك مالك يا زميل
سامي: مش عارف ياض يا صندوق الجو موت اوي
رحاب: صندوق
حماده: صندوق علبه المهم انها حاجه مربعه وخلاص
ادهم: شوف هتتنيل تعمل اي
حماده: لا سيبه معايا روح انتا شوف قصتك دي
ادهم: ياله بينا
رحاب: ياله
سامي: ياله
حماده: لا خليك انتا
سامي: ليه
حماده: علشان لو حد خبط على الباب تقوله خش
سامي: أعملي قهوه تاني يا صندوق
حماده: لا كده تقع مني انتا كده تمام
سامي: أنا حاسس ب سعاده غريبه
حماده: اه انتا هتقولي
في جانب آخر
كان ادهم وصل ل. والد رحاب
رحاب : معلش أتأخرت عليك
الاب : لا عادي ادهم ده صح
رحاب: اه
الاب : ازيك يا ادهم
ادهم. : الحمد لله حضرتك عامل اي
الاب : الحمد لله تمام
ادهم : يارب دايما
رحاب: ( خدت ظرف من الاب ) خلاص أنا راجعه المكتب عايز حاجه
الاب: لا تمام على مهلكم
ادهم : بعد اذنك ثانيه بس يا استاذ حازم
الأب: خير في حاجه
ادهم : اه معلش
رحاب: ( بصت ل ادهم وبصوت واطي) في اي
ادهم : ( بصوت واطي) خليكي في العربيه
الاب : خير يا ادهم
ادهم : أنا مش عارف افتح الموضوع مع حضرتك منين بس أنا بحب اكون في النور وعلى نور
الاب : مش فاهم
ادهم : أنا طالب من حضرتك ايد رحاب
الاب : ( مبتسم) هنا في الشارع ينفع يعني
ادهم : يعني في قبول من حضرتك
الاب : شوف القبول مش مني القبول من عند رحاب هيا اللي هتعيش معاك في بيت واحد مش أنا علشان كده أسأل بنتي واستنا مني مكالمه لو موافقه هقولك تجيب أهلك وتيجي البيت تطلب ايد رحاب براحتك إنما في الشارع هنا تطلب اي حاجه الا رحاب
ادهم : عندك حق
الاب : ياله على شغلك يا استاذ
ادهم : بعد اذنك
في اليوم التالي عند الدكتور
امل : اه فعلا يا دكتور على طول الدوخه دي بقالي شهرين
الدكتور: متزوجين من أد اي
أمل : سبع شهور
الدكتور: أطلعي على السونار
سعيد: تطلعي على الجبار اي أنا مش فاهم حاجه
امل : جبار اي سونار يابني تعالي معايا وهتفهم
سعيد: ماشي
بعد الكشف
الدكتور: طب ما لازم تكون في دوخه يا بنتي مبروك
سعيد: مبروك اي كسبت حاجه ولا اي
الدكتور: كسبت حاجه اي يابني مراتك حامل
سعيد: احلف
الدكتور: احلف اي انتا طبيعي يابني ولا مالك قومي يا مدام امل
امل : ( من الفرحه فاتحه بوقها وساكته )
الدكتور: اه دنتوا على الله باين عليكم
سعيد: ( مره واحده فرح و اتنتطت و مسك الدكتور) احلف بس والنبي احلف
الدكتور: ياض سيب ايدي وربنا حامل خودها والمره الجايه في دكتوره كويسه جدا جدا في الدور اللي فوق مني ده كملوا معاها فترت الحمل
امل: ليه مش حضرتك دكتور
الدكتور: لا أنا بتاع سوبيا ياله ياما خودي جوزك مع السلامه
سعيد: على مهلك يا أموله علي مهلك يا قلب قلبي
في جانب آخر
والد رحاب : ألو
أدهم: ألو
الاب : ازيك يا ادهم
ادهم: الحمد لله مين معايا
إلاب : أنا والد رحاب
ادهم: اه معلش ازيك يا عم حازم عامل اي
الاب : الحمد لله أنا اتصلت بيك علشان اقولك اني منتظرك يوم الجمعه ان شاء الله
ادهم : الجمعه بتاعت بعد بكره دي
الاب : لو مش مناسب
أدهم: هو مين اللي مش مناسب دنتا لو عايز الجمعه اللي فاتت موفق
الاب : ( بيضحك) لا معلش خليها اللي جايه
أدهم: تحت امرك طبعاً
الاب : ياله مع السلامه
ادهم : الله يسلمك
وقفل السكه وفتح باب المكتب وكان في عميل مع رحاب وحماده
ادهم : رحاب أبوكي وافق
رحاب: ( فرحانه وعماله تغمز ل ادهم علشان ياخد باله أن في عميل موجود)
ادهم: بتغمزي ليه قومي زغرطي ولا اعملي حاجه بقولك أبوكي وافق
حماده: ياعم أتقل بس الراجل يمشي وأنا هرقصلك
أدهم: اي ده معلش مخدتش بالي
العميل : ياسيدي ربنا يتمم على خير ونفرح بيكم
ادهم : اوعا تنسا الفرح يوم الجمعة اللي بعد الجايه
رحاب: يابني بتعمل اي انتا كمان حددت الفرح
ادهم : دانا نازل. اطبع الدعاوى حالا
حماده: روح يابا انتا سبنا نشوف الناس الله يخليك
سامي: ( فتح باب المكتب ودخل مسك حماده من رقبته ) انتا عملت اي في القهوه بتاعتي يا حيوان
ادهم : عمو سامي الفرح الجمعه اللي بعد الجايه اوعا تيجي ( وخرج جري )
سامي: فرح مين
حماده: سيب البدله دي تفصيل
سامي: تفصيل اي يا معفن
العميل : هو أنا في سرك اي اللي بيحصل ده مش معقول كده
حماده: ياعم روح اتكل على الله حد قالك تاكل مال الأيتام
العميل: ايتام
ادهم : ( دخل المكتب جري مسك العميل ) أنا عزمتك صح
العميل: أنا عايز صاحب المكتب ده
ادهم : غاده نسيت اعزم غاده
العميل: ( مسك ايد ادهم) غاده دي صاحبه المكتب
ادهم : اه تعالى معايا تعالي
رحاب: يا ادهم سيبه دا رايح يشتكي ( وجريت ورا ادهم والعميل )
سامي: وانتا يا كلب وديني ما انتا قاعد فيها تعالي على مكتب غاده (وشد حماده من البدله )
حماده: ياعم مينفعش كده عيب
باب المكتب اتفتح بكل قوة
غاده: اي ده في اي
رحاب: مفيش مفيش
العميل: أنا عايز حقي
ادهم: الفرح يوم الجمعة اللي بعد اللي جايه اوعي متجيش
حماده: يا استاذه غاده ينفع كده
سامي: الكلب ده عملي القهوه فيها حاجه
غاده: ( بصوت عالي) بببببببس
واحد واحد يتكلم
ادهم: هو أنا لسه هستنا بقولك الفرح الجمعه اللي بعد الجايه
حماده: يا استاذه البدله أتكرمشت
العميل : وربنا ما عايز منكم حاجه شويه مجانين
غاده: أطلعوا بره كلكم
رحاب: طب الفرح اوعي تنسي
بدل ماتدور وتبحث علي الروايات خليها علي تليفونك وحمل تطبيقنا
