رواية بين الحب والأسر الفصل الخامس والعشرين 25 بقلم أمل مهدي

 

رواية بين الحب والأسر الفصل الخامس والعشرين 25 بقلم أمل مهدي

سراب.....

صار عرس ليث لا اني ولا وسام

رحنه اني كنت بالسادس وخايفه 

على حملي هوايه

والجو حار

ووسام مستحيل يروح مكان اني مو ويا

فكتفيت اشتريت هديه للعروسين

وكانت تخم سوار وگلاده حجر الفيروز غلفته وكتبت تهنأه للعروس

وليث سبحه كهرب هم حجر كريم وغلفته وكتبت كارت وياهه

كنت محتارر بهديتهم لان همه متمكنين وكلشي عدهم حبيت

اتكون هديتي مميزه 

وهاي اختيار وسام اخذني المكان

يشتغلون هاي الحلي التعتبر تحف

راقيه وغاليه

ودزيته ويه اهلي لان كلهم راحو

التكريت

ليث ...

مصباح العرس من عاداتنه كل اهاليتنه ننجمع ونتريك سويه 

عمامي وعمتى ام مهدي واولادهم

دخلت اني وسحر

والكل يهني ويبارك

بوست راس ابوي وايده وامي كذلك

وسحر مثلي

ووفتريت على الكل

ام رائد....يمه ليث شايفين الف

خير انشالله الولد الصالح

ليث...اشكرج خالله تسلمين

وكلهم انطو فلوس السحر ابو عزام وام عزام وعمامهم واني هم 

انطيته

وذكرت هديت سراب...

ام رائد....سراب ورجله يعتذرون

ماكدرو يجون ودزت وياي هديتكم

وشلت الهديه للعروس وهاي الك يمه

ليث....لا مع الاسف جنت اتمنه يجون وعرف وسام على ديرتنه

ام رائد....انشالله يجوكم فد يوم الايام الجايه هوايه

ابو عزام....اشلونهم مرتاحين سمعت مريض ازلمته

ام رائد.....والله ياخويه سافر وتعالج ورجع

الحمد لله

ابو عزام ....الحمد لله

سحر....الله خالله اشكريلي منه كلش عجبتني الهديه

ليث...فتحته لكيت سبحه بس شنو

من ذوق

السبحه بيدي اكلبه وصفنت

كلشي بيج مميز ياسراب حتى ذوقج

فريد ..شنو جان يصير

لو صايره اليه ومكملتني

ابو عزام.....باوعت الليث 

سرح بغير عالم واني ادري وين راح

ليث يابه اشوكت مسافرين

ليث....فزيت على ابويه....يحجي ويباوعلي...فهمت

استغفر الله...

لزمت ايد سحر باجر انشالله طالعين

يابه

ابو عزام....بسلامه يابه

روحو وتونسو

ام رائد....الله يسعدكم ويهنيكم

انشالله

وسام ....

لازم اشتري ارضي للشقه تحتاجيني

احتاجج واني بره 

.....ياريت

اخاف احس بالولاده وانت مو

يمي 

......راح اجيبلج الثريا مال حسام

اخلي يمج واني بالمحل عندي ارضي

سراب ...

كلش ثكيله احس روحي وتعبانه

امي تكول لان حملج بنيه 

هيج ثگيله

ومره تگلي يمه لان عابره ٣٥ ...

واني خايفه

اخذت اجازه بدون راتب سنه 

من بداية حملي

احوالنا عال العال ووسام ميعرف اشلون يدللني 

حتى اكل يوكلني بيده الله يحفظه اليه

سراب...

حسيت ابمغص وره ما طلع للمحل وسام بشويه

ظليت انظف وارتب الشقه ما مهتمه بس المغص زاد وكل اشويه يرجع

اني جبيره واعرف رغم ما ماره بتجربة حمل وولاده

ظليت اللوب اخابر وسام لو مشتبهه

بالوجع

قاومت ٣ ساعات

خلص بعد ما اتحمل

....الو وسام ودموعي نزلت

.....الو سراب شبيج 

......يمكن راح اجيب

.....شنو مو بعد وكت

....ما ادري عندي الم الحكلي

اسمع بس الطكطكه وياسر ما ياسر

انخبص

سراب روحي لام عمر جارتنه خلي تجي يمج

اني راح اطلع ...وسده

وسام.....

ياسر يرحم اهلك خابر رائد يجيب امه ويلحكنه للمستشفى

اني طالع

الطريق جابه طاير بكل سرعته

دفع باب الشقه...

وينج سراب

....اتمشه بالشقه وام عمر لازمتني

من ايدي

وسام.....يله يعمري تكدرين تنزلين الدرج

سراب.....بس ادموعي تنزل ومن يجيني الوجع اعظ ابثوبي واون

وين الجنطه

ام عمر....هيانه يوم لا تنخبص

اخذته وقفلت الشقه

وكوه نزلت سراب نوب اشيله ومن اصيح انزله

كعدته بسياره اليوره

ام عمر...يمه اجي وياك

وسام....لا خاله اشكرج اهلهه واهلي كدامي بالمستشفى راحو

اباوعله بالمرايه....بس اتون

...ياريت اشيل الوجع عنج يا عمري

حتى من تتألمين هادئه

وما يطلع صوتج

وصلت لكيت حسام ورائد وخالتي ام رائد

وياسر

دخلناهه جوه 

الدكتوره بعد الفحص قررت عمليه

گالت اخاف تتعب 

ما ريد اخسرهه او اخسر الطفله

وقعت مضطر خايف عليه

كالو اريد بطل دم

ياسر گال خليك اني اتبرع لخيتي

دخلت العمليات

واني گلبي اشتعل نار

اجيت يم الشباك اباوع للسماء جان شهر التاسع

ربي ارحم بحالهه وبحالي لا بيه اتحمل افراگهه ولا اتحمل تتوجع رجعه اليه بعافيته

ونزلت دمعتي ...اتذكرت حياتي بالأسر والضيم الشفته ...

لا مستحيل ربي الجبر بخاطري

يكسرني من جديد

اتمنيت افتخار اويايه

هسه اكيد عرفت... هم دعت الله يرزقنه لو دعت علينه

بين هاي الافكار والهواجس

انفتحت الباب

وطلعت السستر ...منو زوج سراب

ركضنه كلنه الهه

عيني تتربى بعزكم ومدت ايده تريد الاكراميه

طلعت من جيبي مدري اشكد ونطيته

.....رحمه الاهلج سراب اشلونهه

السستر....يمه بيش تطلب اهلي عايشين بعدهم

ام راىد......يمه الرحمه للميت والعدل

السستر....بس اطمئن زينه

وراح انطلعه هسه

وسام....الحمد لله ...الحمد لله

ام رائد.....

تعال يمه وسام شوف بنتك اشكد حلوه

اللتمو عليه حسام ووسام ورائدوياسر

فصلوهه تفصل

وهيه تثاوب  

ياسر.....دحك بنتك وين جانت سهرانه حتى ما شبعانه نوم

وسام......ههههه بدينه ياسر

شويه وطلعو سراب

بعده بالبنج...

جنت حاجزله بالخاص مال المستشفى

سديت البرده اريد اكعد يمه

جريت ايده بسته

حبيبي گلبي اتوجعتي

حسام.....هاي الناس لتحب من صدك

يتغزل حتى وهو بالمستشفى

بده يفكهه البنج شويه

سراب....

فتحت عيني لكيت وسام يبوس 

بگصتي وبوجهي

هههه اعرفه ما يتحمل يشوفني

اتوجع

.....وين سيدرا

وسام ......ههههه تدرين نسيت حتى اسمه

الحمد لله على سلامتج يا روح روحي

......الله يسلمك حبيبي

...خاله جيبي سيدرا خلي امهه تشوفهه

ام رائد....فدوه السيدرا

الحمد لله ما انطاج يمه تتربى بعزكم ودلالكم

....اشكرج يوم تسلمين

حسام...الحمد لله على سلامتج ام

سيدرا

.....شكرا تسلم حسام تعبناك

...تكومين بالسلامه انشالله

ياسر....نحمد الله على سلامتج

اخيتي وبالخير ما جاكم 

....اشكرك ياسر تسلم

كلهم راحو بس امي ووسام

ظلو يمي

وسام......كعد يمي على السرير

توجعج العمليه

سراب ...اشويه..بس كلشي ايهون

من اشوف

سدوره منوره حياتنه

وسام.....الحمد لله صار اثنين اميرات عندي 

سراب....راح تحتار بينه

لزم وجهي 

وسام....انت راح تبقين اميرة گلبي

للموت

اندكت الباب الدكتوره

صباح الخير

وسام وكف جان حاضني وكاعد يمي

الدكتوره....ما شاء الله زينه يله 

طلعي صدرج ورضعي الزغيره

شنو اسمه

سراب......دكتوره سيدرا

الدكتوره....شنو اول مره اسمع بهذا الاسم بس حلو

حسام....

ماما وسام اجته ابنيه

افتخار....ادري

حسام.... ما حن كلبج منا منا

ماتمنيتيه بحضنج هاي اول ابنيه

تجي بعائلة عزيز

افتخار....الله يخليله امه اني شكو

حسام......ها مع الاسف شكد كلبج قاسي

افتخار....اني كلبي مو قاسي اني

احبكم

اخوك ما طاعني ودخل الغريبه ابنصنه ما جازه دمعي وقهري عليه من تاسر

حسام....ماما وسام يحبه والبنيه ورده خلق واخلاق ونفسه طيبه

ازوجة وسام بالحلقه احنه الصياغ ما قبلت حتى ذهب لو فلوس نيشانه

ننطيهيا

اكلبي صفحه وامشي ويايه واخذي الطفله بحظنج والله ترتاحين

افتخار....ما روح سد الموضوع

حسام ...وانته سامر راح اظل باعد روحك عن اخوك الچبير

امشي وياي انروح انباركله

حلوه من ندخل عليه اثنينه

شتگولين اسيل

اسيل....اللتفتت على سامر كانه

تنتظر منه جواب

سامر......اني ويه امي اذا رادت

اتروح اروح واذا هيه متروح

اني ما اوصل لاخوك

حسام....يعني هو اخويه ومو اخوك

مع الاسف

اخذت رواء واولادي ورحتلهم بالشقه

جانت الهه اسبوع من طلعت من المستشفى

فرح وسام وسراب بجيتنه 

دائما اشوف بعيونه حنين ادري

يتمنه امي تجي

حسام....وينه سدوره جيبوهه

وسام....هاي سدوره اجتكم

جابه وسام وخلاهه بديه...تعالي العمو شوفي اجبتلج

وهديتله كلاده اية الكرسي 

ورواء لبسته تمايم باديهه

سراب....شكرا هيه وينه وين الذهب

حسام....احنه صياغ يعني شنجيب غير ذهب

وسام....تسلمون

زغيره وبيضه وحلوه ومن ايد الايد

متعجبين بيه

وسام...ابوده ما يطلع من الشقه

امكابله ويتلمس بيه

الدنيا ما سايعته....فرحان

اندكت الباب..

فتحته...اريج حبيبتي...

اريج....الحمد لله على السلامه مبروك ما جاكم

سراب...اشكد مشتاقتلج

اريج.....والله اني هم بس تعرفين 

الدوام والبيت

....ولج اشلونج ويه مروان

.....يمه گلبي لا تساليني الحمد لله 

الله مافرقنه وبعد ذاك ابن عمي عني

.....تستاهلون اثنينكم الله يسعدكم

....ادعيلي سراب اريد طفل احس حياتي فارغه

....الله يرزقج حبيبتي لا تيأسين

....وينه بنتج ولج خلاشوفهه

......نايمه تعاي شوفيه.....

.....يمه فدوه شنو هلجمال ولج متشبهج

......احزري تشبهمن

......منو ابوهه

.....لا افتخار..... 

.......حبيبتي حلوه عمتج

......اي كلش حلوه بس كاتلتهه المستويات

.....هههههه وانت اشبيج تنسيتي عليه يحظي

....لا والله ولا شايفته بس يمكن لان خايفه منه ههههه

.......وليش تخافين منه

..... يعني وسام يحبه واني كلشي يحبه وسام احسبله الف حساب حبيبي وروحي وكلشي الي بهاي الدنيا

....الله يحفظه الج

....تدرين قبل يومين رحت للهيئه 

عندي شغله والكه الهيئه مخبوصه

كله اسلم على استاذ خالد

يكولون طلع تقاعد

......صدك ...بعد هواي على التقاعد

.....اشمدريني بس كله مقهوره وتودعه

والله احسن واحد راس الهيئه هو

.....اي خوش انسان

.....شنو اشعجب ما عندج خبر ماكو اتصال ويه اختج

...اكو بس اني ما اسال ما ريد سيرته تنذكر ووسام يتحسس

منه هوايه

.....اي زين اسوين

تغدت اويايه وراحت

اريج صديقتي المقربه الوحيده 

كلشي تعرف عني عشره عمر

ياسر.....

اليوم دخلت المحل ابنيه هيه وامه

تشتري كلاده

السلام عليكم

ياسر...اهلا يوم اتفضلي

....رايده گلاده لاختك

......اي خاله تدللون...هاي اتفضلي

اختاري

......ماما هاي حلوه... وزنه

يابه دحگي هاي ٤ مثاقيل اصير

٧٥٠

....لا هوايه...عبالي ٥٠٠ 

.... اذاتردين اختاري غيرهه

ظلت ادور وترجع عليه 

ياسر...انت عجبتج هاي تكدرين تاخذيه وتبقى يمي ووفيني ٢٥٠ واخذيه

....يعني يصير

...اي ليش لا

.....والله يمه هيه مدرسه وهالامتهن من راتبه

....عجل المن تشتغل اذا ما تلبس روحه ههه شايفه كل الخير

....انت تبين من الغربيه من لهجتك

....اي حجيه

...احنه هم اصلنه مناك وعايشين ابغداد

....اهلاو سهلا بيكم

....يله يمه هبه امشي

اشكد حلوه هاي البنيه ومدرسه واسمه هبه

دخل وسام....هلو ياسر

....هلو ....

...اشبيك طاكه صفنه

.....اكلك اول مره ادحگ على بنيه بغير نظره

....يعني اشلون دحگت

....ما ادري صاحبة هاي الكلاده مدرسه وحلوه واسمه هبه

وسام.....لازم انزوجك صاير مو راحه

.....يازواج يمعود اريد اشتري سياره هسه

....اي شوفلك سياره واذا عوزت اني انطيك

ماشي

مرت اسبوعين

هبه.....مرحبا

ياسر....فزيت من شفته.بس ليش هيج متغيره

اهلا تفضلي

....تذكرني اني وامي...

اي اذكر

....ولو اصير زحمه عليك اريد ارجع الكلاده

.....ليش اذا تردين اخذيه ووفيني ابراحتج

....لا اشكرك بس محتاجه الفلوس

....ردت بس احجيه لان حاله ما عجبني

اذا محتاجه اني اخوج اامريني

....اشكرك تسلم بس محتاجه الفلوس

شويه ضرف صار عندي وما اكدر اشتريه

شوفي هاي ال٥٠٠ وهاي الكلاده ما اعرضه

باقيه الج لو بعد سنه

.......والله حرامات اعرضه ما اكدر اشتريه

.....ابراحتج..بس ارجع واگول اذا

محتاجه مساعده اني اخوج

....انشالله متقصر

راحت

وظلت ابالي شنو ممكن يكون الضرف المغيرهه هيج

اشتريت سياره على كدي وزيدني وسام شي قليل

فرحان بيه رحت للانبار لاهلي

وفتريت على خواتي

وشفت اخواني 

واني كل مره اروح انطي لخواتي ونسوان اخواني واولادهم فلوس هذا طبعي حتى لو عدهم بقىيت ٣ ايام 

ورجعت 

اكثر وقتي اخلصه بالمحل

وين اروح مرات نطلع اني ووسام 

للكهوه بليل

اليوم واني جاي للمحل بالسياره

شفت هبه كايده امه گوه تمشي

مكدرت ما اوكف

......مرحبا حجيه ..تذكريني

....اي يمه 

اتفضلو اوصلكم

....لا يمه زحمه اصير عليك

....فتحت باب السياره صعديه اختي

وين رايحين

هبه....جنه بالعياده ورايحين للبيت

....سلامتج حجيه اعتبريني ابنج

.....الله يسلمك يمه

وصلتهم البيتهم

بيت زغير مشتمل 

فتحت باب السياره

الحجيه كوه تتحرك نزلته وتجيتله ودخلته للبيت

اثاثهم بسيط

نيمته على سرسرهه...وطلعت

طلعت وورايه هبه تشكر

....التفتت.....مرض امج الضرف الكلتيلي عنه

هبه.....اي امي وكعت بساع علينه

....ما عندج اخ خال عم

....اخويه بالاعداديه زغير والباقين كلمن لاهي بحاله

....اكرر اعتبريني اخوج اشتحتاجين ذاك المحل تندلي

وهذا الرقم مال التليفون

......طلعت واني ضايج خطيه حتى 

ضرفهم صعب اخاف انطيه فلوس 

وتخجلني اشلون اساعدهه

ليث....

سافرنه للشمال اني وسحر اسبوعين 

سحر حلوه وهادئه ومثقفه وبيه طبع

ماتتركني حتى افكر املهيتني

ابو عزام.....بيت اختك اسبوع الجاي

مسافرين

جانو يمنه ذاك الاسبوع

ليث.....يعني خلص اجرائات السفر

....اي ونقل ولده وكمل كل شي

....اخذ سحر وروحلهم

انشالله

وسام....

سراب ليث اليوم العصر ايجينه هو وزوجته

......منو كلك

.... اتصل وسلم وباركلي وكال هو ابغداد

راح يجي يباركنه

.....اي اهلا وسهلا

وسام نايم واني نظفت ورتبت الشقه

رجعت سبحت سدوره وبدلتله

واني هم لبست كلبيه كلهه تطريز كلبدون وشال وياهه اخذته من سوگ ابعمان من جنه 

بالاردن

اجيت الوسام

احبك وابوسه...احبك وابوسه

لمن كعد...

.....اشكد حلو حتى المعنويات تصعد

فول من تكعديني

....هههه كوم هو.مز . ك راح يجي خطارك

.....صدك نسيت...دخل سبح وطلع امحضرتله دشداشه بيضه

دارشله عطر

وندكت الباب...

راح وسام فتحه.....ياهله

ليث..... دخل ليث بزي العربي مالتهم

السلام عليكم

وسام.....يا اهلا وسهلا عليكم السلام

ليث ...اشلونج ست سراب

الحمد لله على ما جاكم

سراب....الله يسلمك شكرا

اتفضلو

اعرفكم زوجتي سحر

سراب ...اتقدمت خطوتين مرحبه وبوسته اهلا وسهلا

دخلو كعدو سوالف ومندمجين ليث ووسام

اباوعلهم وذكرت اغنيه قديمه

الناظم الغزالي 

احبك واحب كلمن يحبك

هذا حال ليث حتى وسام كام يحبه

جبت سيدرا اخذته سحر بحضنه 

سحر....شوف الجمال شنو لعابه

اتراويه الليث

وهو يتبسم ... بعدين طلعت علبه بيه گلاده ذهب ولبسته

سراب....

علويش مكلفين نفسكم والله جيتكم كافيه

سحر...هاي السيدرا

ههه هاي ثالث گلاده ذهب تلبسه

ليث... 

يابه الذهب للذهب

تتربه بعزكم الله يحفظه

ظلو حوالي ساعنتين ضيافه وسوالفهم حلوه وبعدين

وگف ليث....

احنه نترخص

وسام...اليوم عشاكم ويانه

ليث.....اعذرني خليه غير مناسبه

اختي وزوجه مسافرين للاردن

واليوم بلليل طالعين

اريد نكعد اشويه وياهم 

سراب...ظليت جامده ابمكاني اخاف ينطق اسم خالد

ووسام...يتحسس من سيرته

ترخصو وراحو

وسام...

احنه الان في الشهر ١٠ من سنة٢٠٠٢

الناس كلهه تحجي عن تهديد امريكي لغزو العراق وما نعرف شمسوين

اعذار واهيه اتخذته الدول الكبرى 

للاطاحه بصدام حسين وادخال البلد بفوضى لا يصحى منها ابدا 

حتى يتسنى لها نهب ثروات البلد

دون رقيب او حسيب

كثر الكلام بس الامور بدت تتضح شيئا فشيئا

وزعت الحكومه حصه لستت اشهرللعراقين

وهذا تامين لغذاء المواطن الفقير

واصدار عفو عام عن جميع السجناء

وبده العد اتنازلي للحرب

وسام....

كلشي توقعنه راح انشوفه بهاي الحرب وما كان كد الشفنى

الامان...اذا الانسان فقد الامان

خلص ما يشعر باي سعاده بكل شي يملكه

لان الخوف راح يسيطر مكان الامان

١/١/٢٠٠٣ كل العالم فرحانه ومحتفله الا العراق ناس اسافر خوف من الحرب وناس اتامن غذاء وناس حفرة بيار بالحدايق لان كلنه نعرف اول ضربه للماء والكهرباء

دخل الجيش بانذار

وتوزع بانحاء العراق

حسام....

وسام الوضع خطر اشراح اتسوي

.....ما ادري بس راح اعزل المحل واجيب الذهب كله هنا 

حسام...والجهال والنسوان مو يطلعون من بغداد افضل

سراب....

باوعت على وسام اني مستحيل اعوفك

وسام.....واني لازم ابقى احرس مالنه وحلالنه 

حسام....اني براي تعوفون الشقه وتجون يمنه

حتى هم حلالك بامان وحلالنه

واحنه نصير ٣ افضل

وسام...وامي

حسام...

دا افكر اطلعهم امي واسيل ورواء

والجهال اوديهم للمزرعه مالت خالي

بالحله

واحنه نبقه بالبيت

وسام....باوع السراب

سراب ....لا تحجي ابد ما افاركك

اني وبنتي وين تكون وياك

حسام....

قبل بدء الحرب بيومين اخذت

عاىلتي وعائلة سامر للحله

وامي دكت رجله ما تروح 

افتخار....اموت ابيتي ولا اطلع منه

كلكم روحو واني باقيه

وسام...غير رايه يخاف على سراب من امي

أخر شي قنعته من باب نحمي الذهب لان العالم كله تعرف احنه صياغ

عدنه خزنه چبيره من زمن الوالد بالبيت

فرغنه محلاتنه وضمينى بالخزنه

وتفاهمت ويه امي ننطيهم غرفه

ووانت تحملي الى ان تخلص الحرب ونشوف تاليه

سراب.....

قفلنه الشقه ورحنه على بيت افتخار 

ما انكر خايفه من عمتى افتخار بس خوفي اكثر على وسام وبنتي

اهلي بقو ابيتهم

رغم خالي اجه وترجه اميتروح ويا

بس ما قبلت

ورافد هم ماطلع لان عمي محمد على كرسي مشلول وين ياخذه ويبهذله

ياسر راح لاهله بالرمادي بعد ما سدو المحل

دخلت بيت افتخار جانت نايمه ابغرفته

اخذنه احنه غرفه جوه ورتبت ملابسنه

وفرشته ورتبت مكان سيدرا

ام هادي عايشه بالبيت وياهم

تاريخ ما انسى ابد

لحد اخر لحظه جنه نصور هاي

مجرداخبار

١٥ /٣ بلليل بدقصف على بغداد

بالصوارخ

وبدت الطائرات الامريكيه تجوب انحاء العراق

وتنخر بالجسد العراقي ضرباته الموجعه

صوت صفارات الانذار

وصوت القصف....رعبني

اني لحكت على حرب ايران وحرب الكويت بس

مو بهذا الشكل المخيف هلمره العدو

اكبر واقسى واعدى

حضنت بنتى وركضت على وسام

الفتح اديه واخذنه ثنينه بحضنه

بوجود اخوانه الحتى نسينه هم

واكفين يباعون للسماء تحترق

بالنيران والدخان ويانه

رغم الجو بره بي بروده بس ابد ما مهتمين

المصير المجهول والعزاء ببلدنه 

اليتالم اثر ضربات العدو الشرس

كان اهتمامنه الاول

اكثر الناس طلعت للمزارع .والبيوت

بقو الرجال يحرسوهه

وشويه اشويه

حتى الرجال بدت تطلع من المدن تاركين بيوتهم

هذا الاسبوع الثاني اني هنا اتحاشى

افتخارواحاول اخليه ما اشوفني احضر الاكل ويه ام هادي

وانظف وياهه خطيه المره جبيره

سيدراصارت ونسة البيت وفرحته تضحك للهوى ابوهه متخبل عليه

اتناغي وصوته بده يعله بالضحك

سامر الجان بعيد عن وسام بده

يتقربويذوب الجفاء بينهم

واشوفه اشلون يتقرب من سدرا ويضحكه

وبيومجنت بالحمام وسدرا نايمه

بالغرفه مالتنه

وام هادي والولد بره

كعدت سيدرى وبجت...كمت احاول

اكمال حتى اطلع بسرعه اله وعله صوته

واني احاجيه وسمعه صوتي

.....اي ماما اجيتج

حبيبتي اجيت....بعدين حسيت

سكتت كانه احد يمه

بسرعه لبست والخاولي على راسي

طلعت...

لكيت افتخار....

              الفصل السادس والعشرين من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال