رواية هدية الشيخ رضا الفصل الخامس والعشرين 25 بقلم أوتار حزينه
« ﺍﻛﻮﻟﻦ ،،،،،ﻳﻤﻪ ﺭﺿﺎ
ﺍﻃﻠﻊ ﺍﻧﻪ ﻭﺍﺧﻠﻴﻜﻢ ﺑﺮﺍﺣﺘﻜﻢ
« ﻫﻬﻬﻬﻪ
ﺿﺤﻜﺖ ﺑﺼﻮﺕ ﻋﺎﻟﻲ ﻣﻦ ﺳﻤﻌﺖ
ﻛﻼﻡ ﺟﺪﺗﻲ ﻭﻟﻴﻠﻪ ﻭﺧﺮﺕ ﺑﺴﺮﻋﻪ
ﻣﻨﻲ ﻭﻫﻲ ﺗﻤﺴﺢ ﺑﺪﻣﻮﻋﻬﺎ
« ﺍﻣﺸﻲ ﺍﺧﺬ ﻣﺮﻳﺘﻚ،،ﻭﺭﻭﺡ
ﻭﺍﻧﺘﻲ ﻳﺒﻌﺪ ﻃﻮﺍﻳﻔﻲ ﻛﻠﻬﻢ،،ﻛﺒﺮﻱ
ﻋﮕﻠﺞ،،،ﻭﺍﻟﺤﺠﻲ ﺍﻟﺴﻤﻌﺘﻲ
ﻣﺎﻳﻄﻠﻊ ﻻﺣﺪ
ﺗﺮﺍﺝ ﺣﻠﻔﺘﻲ ﺑﻜﻼﻡ ﺍﻟﻠﻪ، ،،
ﻭﺣﺘﻰ ﻟﺴﻬﺎﺩ
ﻣﺎﺍﺭﻳﺪﻧﺞ ﺗﻠﻤﺤﻴﻦ ﺍﻟﻬﺎ ﺑﭽﻠﻤﻪ
ﻫﺰﻳﺖ ﺭﺍﺳﻲ ﺑﺄﻱ
ﻭﻫﻲ ﻛﻤﻠﺖ، ،،،
« ﻳﺎﻟﻪ ﺭﻭﺣﻮﺍ ﻣﻦ ﻳﻤﻲ،،،،،،ﺍﺭﻳﺪﻥ ﺍﻧﺎﻡ
ﺭﺍﺳﻲ ﻛﺎﻡ ﻳﻮﺟﻌﻨﻲ،،ﻣﻦ ﺻﻴﺎﺣﻚ
ﻭﺧﺒﻼﺗﻚ،،،، ﺗﺮﻩ ﺍﻧﻪ ﺍﺩﺭﻱ ﺍﻧﺘﻪ ﺗﺴﻮﻱ
ﻫﻴﺞ ﻋﺒﻦ ﻣﺤﺮﻭﻡ ﻣﻦ ﻫﺎﻱ ﺍﻟﺘﺮﻓﻪ
ﻭﺗﺮﻳﺪﻥ،،،، ﺗﻤﻌﻄﻬﺎ ،،،،،ﻣﻌﻄﻪ ﺯﻳﻨﻪ
ﺗﺒﺮﺩ ﻧﺎﺭ ﮔﻠﺒﻚ ﺑﻴﻬﺎ،
« ﻳﺒﻮﻭﻭﻭ،،،
ﺣﺠﻴﺖ ﻫﻴﺞ ،،،،ﻭﺷﺮﺩﺕ ﻣﻦ ﻳﻢ
ﺟﺪﻩ ﺭﺍﺯﻗﻴﻪ ﺍﻟﻲ ﻛﺎﻣﺖ
ﺗﻄﻴﺮ ﺑﻴﻬﻦ،،،ﻭﻃﻠﻌﺖ
ﺳﻜﺘﺖ،،،،ﻭﺍﻧﻪ ﻣﺒﺘﺴﻢ،،ﻭﻋﺎﻳﻨﺖ ﻟﻠﻴﻠﻪ
ﺷﻠﻮﻥ ﺷﺮﺩﺕ ﻭﺑﻌﺪﻳﻦ،،
ﻟﺠﺪﺗﻲ،،،ﺍﻟﻲ ﺟﺎﻧﺖ ﺗﻀﺤﻚ
ﻭﺗﺎﺷﺮ ﺍﻟﻲ ﻋﻠﻰ ﻟﻴﻠﻪ
ﺭﺣﺖ ﺍﻟﻬﺎ ﻭﺑﺴﺘﻬﺎ،،،ﻣﻦ ﺭﺍﺳﻬﺎ
ﻭﻫﻲ ﻛﻀﺘﻨﻲ،،،ﻣﻦ ﺭﺍﺳﻲ
ﻭﺑﺎﺳﺘﻨﻲ ﺑﺸﻤﻪ ﻭﻫﻲ ﺍﺩﻛﻮﻝ
« ﻳﺒﻌﺪ ﻫﻠﻲ ﻭﻧﺎﺳﻲ ﺭﻳﺤﺘﻚ
ﻧﻔﺲ ﺭﻳﺤﻪ ﺍﺑﻮﻙ ﻭﺟﺪﻙ،،،،،
ﺭﻳﺤﺘﻚ،،،ﺭﻳﺤﻪ ﺍﻻﻋﺰﺍﺯ ﺍﻟﺮﺍﺣﻮﺍ،،
ﻭﺧﻠﻮﺍ ﻧﺎﺭ ﺑﺎﻟﮕﻠﺐ،،،
« ﺍﻟﻠﻪ ﻳﺮﺣﻤﻬﻢ ،،،ﻭﻳﺮﺣﻤﻨﺎ ﻭﻳﺎﻫﻢ
« ﺁﻣﻴﻦ ﻳﻤﻪ،،،،،
ﻭﺧﺮﺕ ﻣﻦ ﺟﺪﺗﻲ،،،،ﻭﺗﺮﺧﺼﺖ ﻣﻨﻬﺎ
ﻭﻃﻠﻌﺖ ﻭﺷﻔﺖ،،ﺳﻬﺎﺩ
ﻭﺍﻛﻔﻪ ﻳﻢ ﺍﻟﺒﺎﺏ
ﻋﻜﺪﺕ ﺣﻮﺍﺟﺒﻲ،، ﻭﺳﺎﻟﺘﻬﺎ
« ﻫﺎﺍ ﺷﻤﺎﻟﺞ ﻭﺍﻛﻔﻪ ﻫﻨﺎ
« ﺍﻧﺘﻪ ﻣﻮ ﻛﻠﺖ،،،ﺍﻧﺰﻝ ﻏﺮﺍﺿﻚ
ﻣﻦ ﻓﻮﻭﻙ،،ﺍﻧﻪ ﺭﺩﺕ ﺍﻧﺰﻟﻬﻦ،،،ﺑﺲ
ﺍﻡ ﺷﺒﻞ ﻣﺎﻗﺒﻠﺖ
« ﺍﻱ ﺍﻧﻪ ﻛﺘﻠﻬﺎ ﻻﺗﻨﺰﻟﻬﻦ،،،
ﺳﻬﺎﺩ ﺿﺎﺟﺖ ﻭﺣﺠﺖ ﺑﻨﻔﺮﺯﻩ
« ﭼﺎ ﺷﻨﻬﻲ ﺍﻟﺴﺎﻟﻔﻪ،،،ﺍﻧﺘﻪ ﻣﻮ ﻛﻠﺖ
ﻧﺰﻟﻴﻬﻦ ﺷﺠﺎﻙ ﻭﻏﻴﺮﺕ ﺭﺍﻳﻚ،،
ﺑﺲ ﻃﺒﻴﺖ ﻟﺠﺪﺗﻚ
ﺗﻘﺪﻣﺖ ﻋﻠﻴﻬﺎ ﻭﺍﻧﻲ ﺍﻓﻮﺭﻥ ﻭﺣﺠﻴﺖ
ﻭﺍﻧﻪ ﺍﺷﻮﻣﺮ ﺑﺎﻳﺪﻱ ،،ﺑﻮﺟﻬﻬﺎ
« ﻭﺍﻧﺘﻲ ﺷﻌﻠﻴﺞ ﻫﺎﺍﺍ،،،،ﻟﻴﺶ ﺗﺪﺧﻠﻴﻦ
ﺑﺸﻲ ﻣﺎﻳﺨﺼﺞ
« ﺷﻨﻬﻲ ﻣﺎﻳﺨﺼﻨﻲ ﭼﺎ ﺍﻧﺘﻪ ﻣﻮﺵ
ﺯﻟﻤﺘﻲ،،،ﻭﺍﻧﻪ ﺣﺮﻣﺘﻚ
ﻣﺴﺤﺖ ﻭﺟﻬﻲ،،،ﻭﻛﻤﺖ ﺍﺭﺩﺩ
« ﺍﺳﺘﻐﻔﺮ ﺍﻟﻠﻪ ﻳﺎﺭﺏ ،،،ﺗﻌﺎﻟﻲ ﻭﻟﺞ
ﺣﺠﻴﺖ ﻫﻴﺞ ﻭﺍﺷﺮﺕ ﺍﻟﻬﺎ
ﺗﻄﺐ ﻟﻐﺮﻓﺘﻬﺎ،،،ﻋﺒﻦ ﺍﻟﺒﻨﺎﺕ
ﻇﻞ ﻳﺮﻭﺣﻦ ﻭﻳﺠﻦ ﻭﻫﻨﺎ ﻳﻌﺎﻳﻨﻦ
ﻋﻠﻴﻨﺎ
ﺑﺲ،،،،،،،، ﻃﺒﺖ ﻭﺍﻧﻪ ﻭﺭﺍﻫﺎ
ﺳﺪﻳﺖ ﺍﻟﺒﺎﺏ،،،ﺑﻘﻮﻩ،،
ﻭﺻﺤﺖ ﺑﻴﻬﺎ،،، ،،،،،
« ﺍﺳﻤﻊ ﻭﻟﺞ،،،ﺍﻧﻪ ﺯﻟﻤﺘﺞ ﻋﻠﻰ ﺍﻟﻮﺭﻗﻪ
ﺑﺲ،،،،ﺍﻓﻬﻤﻴﻬﺎ عاد ﻟﻬﺎﻱ الجلمه،،ﻭﺑﻌﺪ
ﻻﺗﺤﺠﻴﻬﺎ ﻟﻬﺎﻱ ﺍﻟﺴﺎﻟﻔﻪ،،،ﻋﺒﻦ
ﺍﺿﻮﺟﻦ ﻣﻨﻬﺎ ﻭﺍﺗﺨﺒﻞ
ﺳﻬﺎﺩ ﺗﻘﺪﻣﺖ ﻋﻠﻰ ﺭﺿﺎ،،ﺍﻟﻲ ﺍﺷﺮ
ﺍﻟﻬﺎ ﻭﺣﺠﻪ،،
« ﺍﻭﻛﻔﻲ ﺑﻤﭽﺎﻧﺞ،،،ﻭﺍﻳﺎﺝ،،
ﺗﻠﺰﻣﻨﻲ،،،
« ﺭﺿﺎ،،ﺗﺮﻩ ﺣﺮﺍﻡ ﺍﻟﺪﺳﻮﻱ،،،ﺍﻧﻪ ﺣﺮﻣﺘﻚ
ﻭﻋﻘﺪﺕ ﻋﻠﻴﻪ،،،ﻭﺍﻟﻲ ﺣﻘﻮﻕ ﻋﻠﻴﻚ
ﻭﻻﺯﻡ ﺗﻌﺎﻣﻠﻨﻲ ﻣﺜﻞ ﻟﻴﻠﻪ،،،
ﺭﻓﻌﺖ ﺣﻮﺍﺟﺒﻲ ﻭﺿﺤﻜﺖ
« ﻫﻬﻬﻬﻬﻪ،،ﺍﻟﺞ ﺣﻘﻮﻕ ﻣﺜﻞ ﻟﻴﻠﻪ
ﻳﺒﻮﻭﻭﻳﻪ ﻭﺍﻟﻠﻪ ﺿﺤﻜﺘﻴﻨﻲ،،،
ﺑﻌﺪ ﺿﻮﺟﺘﻲ،،،
« ﻟﻴﻴﻴﺶ ﺗﻀﺤﻚ،،ﻫﺎﺍﺍ ﺷﺒﻲ ﺍﻧﻪ
ﻭﺭﺍﻓﻀﻨﻲ،،
ﻋﺎﻳﻨﺖ ﺍﻟﻬﺎ ﻣﻦ ﻓﻮﻙ ﻟﻴﺠﻮﻩ
ﺳﻬﺎﺩ ﻃﻮﻳﻠﻪ ،،،،ﺣﻨﻄﺎﻭﻳﻪ
ﺷﻌﺮﻫﺎ ﺍﺳﻮﺩ،،ﻭﺷﻜﻠﻬﺎ ﺣﻠﻮ،،، ﻭﻣﻘﺒﻮﻟﻪ
ﺑﺲ ﺍﻧﻪ ﻣﺎﺍﺷﻮﻓﻦ ﺑﻌﻴﻮﻧﻲ
ﻏﻴﺮ ﻟﻴﻠﻪ،،،ﻭﺣﺠﻴﺖ ﻭﺍﻧﻪ ﻣﺸﻤﺌﺰ ﻣﻦ
ﺻﻼﻓﺘﻬﺎ،،،ﻭﺟﺮﺍﺋﺘﻬﺎ
« ﺑﻌﺪ ﺳﻨﻪ ﺍﻃﻠﻜﺞ،،،ﻭﺭﻭﺣﻲ ﺗﺰﻭﺟﻲ
ﻭﺍﺣﺪ ﻳﻨﻄﻴﺞ ﺣﮕﻮﻛﺞ،،،ﻋﺒﻦ ﺍﻧﻪ
ﻣﺴﺘﺤﻴﻞ ﺍﻟﺰﻣﺞ،،،
ﺳﻬﺎﺩ ﺻﺎﺣﺖ ﺑﺘﻮﺳﻞ ﻭﻫﻲ ﺗﺒﺠﻲ
« ﻟﻴﻴﻴﻴﺶ ،،،،،
ﺭﻓﻌﺖ ﺣﺎﺟﺒﻲ ﻭﺣﺠﻴﺖ ﺑﻀﻮﺟﻪ
« ﻋﺒﻦ ﺍﻧﻪ ﻣﺎﺍﺧﺬ ﻓﻀﻼﺕ ﻏﻴﺮﻱ
ﺍﻧﻪ ﺷﻴﺦ،،،،،،ﻭﺍﺫﺍ ﺍﺭﻳﺪﻥ ﺍﺧﺬ
ﺍﺧﺬ ﻣﻬﺮﻩ ﻣﺎﺭﻛﺒﻬﺎ،،،، احد ﻏﻴﺮﻱ،،،
ﺳﻬﺎﺩ ﺳﻜﺘﺖ،،،،،ﻭﻛﺎﻣﺖ ﺗﻀﺮﺏ
ﻋﻠﻰ ﻭﺟﻬﻬﺎ، ،،،ﻭﺭﺿﺎ
ﻋﺎﻳﻦ ﺍﻟﻬﺎ،،،ﻭﻫﺰ ﺭﺍﺳﻪ ﻭﻃﻠﻊ
،،،،،،
ﺑﻐﺪﺍﺩ ﺑﻨﻔﺲ ﺍﻟﻮﻗﺖ ﺟﺎﻧﺖ
ﺻﻔﺎﺀ ﻣﻠﺘﻬﻴﻪ
ﺗﺤﻈﺮ ﻫﺪﻭﻡ ﻓﻬﺪ ﻭﻏﺮﺍﺿﻪ ﺣﺘﻰ
ﻳﻠﺘﺤﻖ ﺑﺪﻭﺍﻣﻪ،،،ﻭﻫﻲ ﺗﺒﺠﻲ
ﻻﻥ ﺭﺍﺡ ﻳﺪﻭﺍﻡ ﺑﺎﻟﻤﻮﺻﻞ
« ﻓﻬﺪ ﻻﺗﺮﻭﺡ ،،،ﻭﺍﻟﻠﻪ ﻗﻠﺒﻲ
ﺩﻳﻮﺟﻌﻨﻲ،،،،،ﻭﺍﺧﺎﻓﻦ ﻳﺼﻴﺮ
ﺑﻴﻚ ﺷﻲ ﻫﻨﺎﻙ،،،
ﻓﻬﺪ ﺭﺍﺡ ﻳﺘﻤﺸﻰ ﺍﻟﻬﺎ ﻭﺣﻈﻨﻬﺎ
ﻭﺟﺎﻭﺑﻬﺎ
« ﻛﻮﻟﻲ ﺍﻟﻠﻪ ﺍﻡ ﺳﻴﻒ ،،،ﻭﺧﻠﻴﻨﻲ
ﺍﺭﻭﺣﻦ ﺑﻼ ﻋﺮﺿﻪ،،،،
ﺳﻜﺘﺖ ﻭﺩﻣﻮﻋﻲ ﻧﺰﻟﺖ،،،ﻭﺣﻈﻨﺘﻪ
ﻗﻮﻱ،،،ﻭﻫﻮ ﻭﺧﺮﻧﻲ ﻭﻟﺰﻡ ﻭﺟﻬﻲ
ﻭﻛﺎﻝ
« ﺍﻛﻮﻟﻦ ﺍﻟﺠﻬﺎﻝ ﻧﺎﻳﻤﻴﻦ ﻣﻮﻭ
ﻣﺴﺤﺖ ﺩﻣﻮﻋﻲ ﻭﻫﺰﻳﺖ ﺭﺍﺳﻲ
ﺑﺎﻱ،،،ﻭﻫﻮ ﺿﺤﻚ ﻭﻏﻤﺰ
« ﭼﺎ ﺍﺫﺍ ﻧﺎﻣﻮﺍ،، ﺍﻣﺸﻲ
ﺍﻟﺒﺴﻲ ﺍﻟﻲ،،،ﻫﺬﺍ ﺍﻟﺴﻴﺖ ﺍﻟﻲ ﺍﺷﺘﺮﻳﺘﻪ
ﺍﻟﺞ ﻣﻦ ﻣﻮﻝ ﺍﻟﻤﻨﺼﻮﺭ ﺧﻠﻴﻨﻲ
ﺍﻋﻠﻜﻬﺎ ﻟﻬﻞ ﺍﻟﻠﻴﻠﻪ،،ﻭﺍﺷﺒﻊ ﻣﻨﺞ،،
ﻗﺒﻞ ﻻﺍﺍﺭﻭﺣﻦ،،،
« ﺍﻧﻪ ﺑﻴﺎ ﺣﺎﻝ ﻭﺍﻧﺘﻪ ﺑﻴﺎ ﺣﺎﻝ
« ﭼﺎ ﺷﺒﻲ ﺣﺎﻟﺞ،،،ﺣﺒﻴﺒﻪ ﻭﺩﺍﻋﺘﺞ
ﺍﻟﻤﻮﺕ ﻭﺭﺍﻧﺎ ﻭﺭﺍﻧﺎ،،،ﻫﻨﺎ
ﻭﻻ ﻫﻨﺎﻙ ،،،،ﻻﺗﻈﻠﻴﻦ ﺗﻨﻮﺣﻴﻦ ﺑﻮﺟﻬﻲ
ﺍﻧﻪ ﺍﺭﻳﺪﺟﻦ ﺗﻀﺤﻜﻴﻦ ﺍﻟﻲ ﻣﻮش
ﺗﻨﻮﺣﻴﻦ ﺑﻮﺟﻬﻲ
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻪ،،،ﻭﺣﺠﻴﺖ
ﺑﺴﺮﻋﻪ
« ﺍﺳﻢ ﺍﻟﻠﻪ ﻋﻠﻴﻚ ﻓﻬﺪ
ﻻﺗﺤﺠﻲ ﻫﻴﺞ
ﺑﺴﺖ ﺍﻳﺪﻫﺎ،،،ﻭﺿﺤﻜﺖ ﻭﺟﺎﻭﺑﺘﻬﺎ
« ﺍﻣﺸﻲ ﺍﻟﺒﺴﻲ،، ﺍﺭﻳﺪﻥ ﺍﺷﻮﻓﺞ ﺑﻲ
ﻻﺗﺨﻠﻴﻬﺎ ﺣﺴﺮﻩ ﺑﮕﻠﺒﻲ
ﺳﻜﺘﺖ ﻭﻋﺎﻳﻨﺖ ﻋﻠﻲ،،،ﻭﻫﻮ ﻏﻤﺰﻟﻲ
« ﺍﻣﺸﻲ ﮔﻠﺒﻲ،،،ﺍﺭﻳﺪﻧﺞ ﺍﻟﻴﻮﻡ
ﺗﺪﻟﻠﻴﻨﻲ ﺩﻻﻝ ﻣﻮ ﺻﺎﻳﺮ
ﻋﻠﻴﺞ ﺍﻟﻠﻪ،،،ﻣﺜﻞ ﺫﻳﺞ ﺍﻟﻠﻴﻠﻪ ﻣﻦ
ﺧﺒﻠﺘﻴﻨﻲ،،
ﻭﺧﻠﻴﺘﻨﻲ ﻣﺎﺍﻧﺎﻣﻦ ﻟﻠﺼﺒﺢ
« ﺍﻭﻭﻱ ﻛﺎﻓﻲ،،،ﻓﻬﺪ ﻻتخجلني
« ﻭﻟﺞ ﺩﻣﺸﻲ،،،،،،،،عاد مو ﺭﺍﺡ ﺍﻟﻮﻛﺖ
ﻣﻦ ﻭﺭﻩ ﻓﻬﻮﺍﺗﺞ،،،
« ﺍﻳﻲ ﻫﺴﻪ، ،
ﺟﺎﻭﺑﺘﻪ ﻭﺭﺣﺖ،،،ﺍﺧﺬﺕ ﺍﻟﺴﻴﺖ ﻣﻦ
ﺍﻟﻜﻨﺘﻮﺭ ﻭﺭﺣﺖ ﻟﺒﺴﺘﻪ ﺑﺎﻟﺤﻤﺎﻡ،،
« ﻳﺒﻮﻭﻭ ﻳﻔﻬﺪ ﻭﻟﻚ ﻫﺎﻱ ﺷﻨﻮﻭ
ﻓﻀﻴﺤﻪ
ﻣﻦ ﺷﻔﺘﻪ،،ﻣﺎﻳﻀﻢ ﺷﻲ
ﺿﺤﻜﺖ،،،ﻣﻦ ﻭﺭﻩ ﺍﻟﻲ ﻣﺎﻳﺠﻴﺐ
ﻏﻴﺮ ،،،،ﻭﻳﻦ ﻣﺎﻛﻮ ﺷﻐﻠﻪ ﻣﻔﻀﻮﺣﻪ
ﻃﻠﻌﺖ ﻭﺍﻧﻪ ﺍﺳﺪ ﺑﺎﻟﺮﻭﺏ
ﻭﻟﻜﻴﺘﻪ ﺑﺎﻟﻤﻤﺮ ﻭﺍﻛﻒ، ،،،ﻭﺳﺎﻧﺪ ﺭﻭﺣﻪ
ﻋﻠﻰ ﺍﻟﺤﺎﻳﻂ
ﺑﺲ ﺷﺎﻓﻨﻲ ﺻﻮﻓﺮ،،،ﻭﻛﺎﻝ
« ﺍﺍﺍﺍﺥ ﻣﻦ ﺍﺷﺘﻌﻞ ﻋﻤﻲ
« ﻳﺎﻫﻮﻭﻭ ﻣﻨﻬﻢ
ﻣﺸﻴﺖ ﺍﻟﻬﺎ ﻭﺍﻧﻪ ﺍﻋﺎﻳﻦ، ،،ﻟﻜﻠﺸﻲ
ﺑﻴﻬﺎ،،،،ﻭﺟﺮﻳﺘﻬﺎ ﻋﻠﻴﻪ ﻭﺟﺎﻭﺑﺘﻬﺎ
« ﻻﺗﺨﺎﻓﻴﻦ ﻣﻮﺵ ﺍﺑﻮﺝ،،،ﺍﺑﻮ ﻧﺎﻫﻲ
« ﻫﻬﻬﻬﻬﻬﻪ،،،
« ﻭﻟﺞ ﺩﺗﻌﺎﻟﻲ، ،،ﺷﻨﻬﻲ ﻫﻠﻀﺤﻜﻪ
ﺯﻟﺰﻟﺘﻲ ﻟﻠﻀﺎﺑﻂ ﻣﻦ ﺍﺷﺘﻌﻠﻮ
ﻓﻬﺪ ﺑﺬﻳﺞ ﺍﻟﻠﺤﻈﻪ
ﻧﺴﻪ ﻧﻔﺴﻪ،،،،،،ﻭﻧﺴﻰ،،،،
ﺍﻟﻤﻮﺕ ﺍﻟﺮﺍﻳﺢ ﺍﻟﻪ ﺑﺮﺟﻠﻪ،،،
ﺍﻟﻤﺜﻞ ﻓﻬﺪ ﻫﻮﺍﻳﻪ
ﺑﻌﺮﺍﻗﻨﺎ، ،،،،ﻭﺟﺎﻭﻧﻮﺍ،،،،ﻳﺴﺮﻗﻮﻥ
ﻟﺤﻈﺎﺕ ﺣﻠﻮﻩ ﻣﻦ ﺍﻟﺰﻣﻦ،،،،،
ﻭﻳﻌﻴﺸﻮﻥ،،،ﺣﻴﺎﻩ ﻣﺨﺘﻠﻒ ﻋﻦ ﺣﻴﺎﺗﻬﻢ
ﺑﺎﻟﺠﺒﻬﻪ،،،،ﺷﻌﻮﺭ ﺍﻟﻬﺪﺅ،،،ﻭﺍﻟﺴﻜﻴﻨﻪ
ﻭﺍﻟﺮﺍﺣﻪ،،،،ﻭﺟﻮ ﺍﻟﻌﺎﺋﻠﻪ،،،
ﺍﺑﺪ ﻣﺎﻳﺘﻌﻮﺽ،،،،،،ﻭﺟﺎﻥ ﻫﺬﺍ ﺑﻠﺴﻤﻬﻢ
ﺍﻟﻮﺣﻴﺪ،،،،ﻭﺍﻟﺨﻴﻂ ﺍﻟﻲ ﻳﺮﺑﻄﻬﻢ
ﺑﺎﻟﺤﻴﺎﻩ،،،،،،،،
،،،،،،،
ﺑﺲ ﻃﻠﻊ ﺭﺿﺎ،،،،ﻭﺳﺪ ﺍﻟﺒﺎﺏ
ﻛﻤﺖ ﻭﺍﻧﻪ ﺍﻣﺴﺢ،،،ﺑﺪﻣﻮﻋﻲ
ﻭﺭﺣﺖ ﻓﺘﺤﺖ ﺍﻟﺒﺎﺏ،،،ﻭﻋﺎﻳﻨﺖ ﺍﻟﻪ
ﺷﻠﻮﻥ ﺻﻌﺪ ﻟﻠﻴﻠﻪ،،،
ﺳﺪﻳﺖ ﺍﻟﺒﺎﺏ ﻭﺍﻧﻪ ﺍﻋﺾ ﺑﺎﻳﺪﻱ
ﻣﻦ ﺍﻟﻘﻬﺮ،،،،،،،ﻭﻛﻤﺖ ﺍﺭﻭﺣﻦ ﻭﺍﺭﺩ
ﻭﺍﺣﺠﻲ ﻭﻱ ﻧﻔﺴﻲ
« ﺍﻧﻪ ﻓﻀﻼﺕ، ،،ﻳﺎﺷﻴﺦ ﺍﻧﻪ
ﻣﺎﺗﺮﻳﺪﻧﻲ
ﻭﺍﺩﻛﻮﻝ ﻋﻠﻴﻪ ﻣﻬﺮﻩ ﻣﺮﻛﻮﺑﻪ
ﺳﻜﺘﺖ ﻭﻋﻀﻴﺖ ﺍﻳﺪﻱ ﻣﻦ ﺗﺬﻛﺮﺕ
ﺷﻠﻮﻥ ﺍﻧﻪ ﺳﻠﻤﺖ ﺭﻭﺣﻲ ﻟﻤﻨﺘﺼﺮ
ﻣﻦ ﺍﺟﻪ ﻋﻠﻴﻨﺎ،،،،،
ﻫﻮ ﺗﺤﺎﺭﺵ،،،ﺑﻴﻪ ﻭﺍﻧﻪ ﻣﺎﺍﻋﺘﺮﺿﺖ
ﻭﻣﻦ ﺷﺎﻓﻨﻲ ﺳﺎﻛﺘﻪ ﺗﻤﺎﺩﻯ،،،
ﻭﺍﺧﺬ ﺍﻟﻲ ﻳﺮﻳﺪﻩ،،،ﺑﺪﻭﻥ ﺍﻋﺘﺮﺍﺽ
ﻣﻨﻲ،،،،ﻭﻋﺪﺍﻟﻲ ﻣﻦ ﺭﺍﺡ ﺍﺻﻴﺮﻥ
ﻣﻄﻴﻌﻪ،،،،،ﻭﻳﺎ ﻭﻣﺎﺍﺭﻓﻀﻪ،،،
ﺍﻛﺒﺮ ﺑﻌﻴﻨﻪ،،،ﺑﺲ ﻻﺍﺍ ﺍﻟﻨﺬﻝ
ﺷﺮﺩ ﻭﻃﻠﻜﻨﻲ،،،، ﻭﺧﻠﻪ،،،ﺍﻟﻜﻞ
ﻳﺸﻤﺘﻮﻥ
ﺑﻴﻪ،،،،، ﻭﺍﺑﻮﻳﻪ ﺯﻭﺟﻮﻧﻲ ﻟﺮﺿﺎ
ﺣﺘﻰ ﻳﺴﺘﺮ ﻋﻠﻴﻪ
ﺍﻧﻪ ﻣﻦ ﺳﻤﻌﺖ ﻫﻮ ﺭﺍﺡ
ﻳﺎﺧﺬﻧﻲ ﻓﺮﺣﺖ
ﻋﺒﻨﻪ ﺷﻴﺦ ،،ﻣﻌﺮﻭﻑ ﻭﻫﻴﺒﻪ
ﻭﺍﻟﻜﻞ ﺗﺤﻠﻒ ﺑﺮﺍﺳﻪ،،،ﻭﻓﻮﻛﺎﻫﺎ
ﺣﻠﻮ،،،ﻭﻳﺨﻠﻲ ﺍﻟﻮﺣﺪﻩ ﺗﺼﻔﻦ ﻋﻠﻲ
ﻭﺗﺰﻭﺟﻨﺎ،،،ﻭﻣﻦ ﺍﻭﻝ ﻟﻴﻠﻪ،،،ﻋﺮﻓﺖ
ﻫﻮ ﻣﻮ ﻃﺎﻳﻘﻨﻲ،، ﻭﻻ ﻣﺘﺤﻤﻞ ﺷﻮﻓﺘﻲ
ﻭﺍﻟﻜﻼﻡ ﺍﻟﺴﻤﻌﺘﻪ ﻣﻨﻪ،،،
ﺭﺳﻢ ﺑﻴﻬﺎ ﺣﺪﻭﺩ ﺑﻴﻨﺎ
ﻭﺍﻳﺎﻡ ﻭﺍﻧﻪ ﺍﺷﻮﻓﻨﻪ ﻳﺮﻳﺪ ﺭﺿﻰ
ﻟﻴﻠﻪ،،،،،،ﺍﻟﻲ ﺟﺎﻧﺖ ﻣﻮ ﺩﺍﻳﺮﻩ
ﺑﺎﻝ ﺍﻟﻪ
ﻭﺯﻋﻼﻧﻪ ﻋﻠﻴﻪ ﻋﺒﻦ ﺍﺧﺬﻧﻲ
ﺟﻨﺖ ﺍﺷﻮﻓﻨﻪ ﺷﻠﻮﻥ،،،ﻳﻌﺎﻳﻦ
ﻋﻠﻴﻬﺎ،،،،، ﻣﻦ ﺗﻤﺸﻲ ﻭﺗﻜﻌﺪ
ﻭﻋﻴﻮﻧﻪ ﺗﻠﻤﻊ ،،،،،،
ﻏﻴﺮﻩ ﻭﻧﺎﺭ ﺻﺎﺭﻥ ﺑﮕﻠﺒﻲ ﻭﺗﻤﻨﻴﺖ
ﻫﺬﺍ ﺍﻻﻫﺘﻤﺎﻡ ﺍﻟﻲ،،،
ﺗﻤﻨﻴﺖ ﺍﻟﻜﻲ ﻭﺍﺣﺪ ﻳﺤﺒﻨﻲ،،،
ﻣﺜﻞ ﻣﺎﻳﺤﺐ،،،،،، ﺭﺿﺎ ﻟﻴﻠﻪ
ﺑﺲ،،،ﻣﺎﻛﻮ،،،،ﻋﺒﻦ ﺍﻧﻪ ﻛﺒﺮﺕ
ﻭﺍﻟﻌﻴﻦ ﺑﻌﺪ ﻣﺎﺗﺸﻮﻓﻨﻲ ﺣﻠﻮﻩ
ﺣﺠﻴﺖ ﻫﻴﺞ،،،،ﻭﻣﺸﻴﺖ،،،ﻟﻠﻤﺮﺍﻳﻪ
ﻭﻋﺎﻳﻨﺖ ﻟﺮﻭﺣﻲ ﺑﻴﻬﺎ
ﻭﺣﺠﻴﺖ ﺑﻘﻬﺮ ﻭﺍﻧﻪ ﺍﻣﺴﺢ ﺑﺪﻣﻮﻋﻲ ﺑﻌﺼﺒﻴﻪ
« ﺍﻧﻪ ﻭﻳﻦ ﻭﻫﻲ ﻭﻳﻦ،،،
ﻫﻲ ﺻﻐﻴﺮﻩ ﻭﺣﻠﻮﻩ،،،،،ﻭﺗﺨﺒﻞ
ﻣﻦ ﺣﺴﻨﻬﺎ،،،،،،،ﻭﺟﺎﺑﺖ ﺍﻟﻪ ﺍﻟﻮﻟﺪ
ﻭﺣﻘﻪ ﻳﺤﺒﻬﺎ ﻭﻳﻌﺸﮕﻬﺎ،،،،
ﺳﻜﺘﺖ ﻭﺳﺎﻟﺖ ﻧﻔﺴﻲ
« ﺯﻳﻦ ﻭﺍﻧﻪ،،،،ﺍﻧﻪ ﺷﻠﻮﻥ
ﺍﻇﻠﻦ ﻫﻴﺞ،،،،ﻻ ﻃﺎﻳﻠﻪ ﺳﻤﺎ ﻭﻻ ﻛﺎﻉ
ﺍﻇﻠﻦ ﺣﺮﻣﺘﻪ ﺑﺲ ﻋﻠﻰ ﺍﻟﻮﺭﻗﻪ،،،ﻭﺑﻌﺪ ﺳﻨﻪ
ﻳﻄﻠﻜﻨﻲ، ،،
ﻫﺰﻳﺖ ﺭﺍﺳﻲ ﺑﻼﺍﺍﺍﺍ
ﻭﺟﺎﻭﺑﺖ ﺭﻭﺣﻲ
« ﻻﺍﺍﺍ ﺍﻧﻪ ﻻﺯﻡ ﺍﻓﺮﺽ ﻧﻔﺴﻲ ﻋﻠﻲ
ﻻﺯﻡ ﺍﻇﻠﻦ ﭼﺪﺍﻣﻪ،،،ﻭﺍﺧﺪﻣﻪ
ﻭﺍﺗﺤﻤﻞ ﺷﻴﺤﺠﻲ،،،ﺍﻳﻲ ﻣﺎﻛﻮ ﻏﻴﺮﻫﺎ
ﻭﻻﺯﻡ ﺍﻛﺮﻫﺎ ﺑﻠﻴﻠﻪ،،،،،،،،ﻻﺯﻡ ﺍﺳﻮﻱ
ﺷﻲ ﻳﺨﻠﻲ ﻳﻜﺮﻫﺎ،،،،،،،ﻭﻳﻄﻠﻜﻬﺎ
ﻣﻦ ﻭﺭﺍﻩ ،،،
ﺍﺯﺭﻉ ﺧﻴﺮ،، ﺍﺣﺼﺪ ﺷﺮ
ﻭﺭﺿﺎ ﺯﺭﻉ ﺧﻴﺮ،،،،،ﻭﺧﻠﻪ ﺑﻴﺘﻪ
ﺣﻴﻪ،،،،ﺑﺪﺕ ﺗﺨﻄﻂ،،،ﻟﻬﺠﻤﺎﻥ ﺑﻴﺘﻪ
ﻭﻱ ﻟﻴﻠﻪ،،
،
،،،،،،،،
ﺻﻌﺪﺕ ﺍﻟﺪﺭﺝ،،،ﻭﻋﻴﻮﻧﻲ ﻭﮔﻠﺒﻲ
ﻭﺟﺴﻤﻲ ﻛﻠﻪ ﻟﻬﻔﻪ ﻋﻠﻰ ﻟﻴﻠﻪ،،
ﻭﺻﻠﺖ ﻟﻠﻐﺮﻓﻪ،،،ﻭﻓﺘﺤﺖ ﺍﻟﺒﺎﺏ
ﻭﻃﺒﻴﺖ،،،،،ﻭﺷﻔﺘﻬﺎ
ﻟﻠﺴﺎﻛﻨﻪ ﺑﺎﻟﻌﻴﻦ
ﻭﺍﻟﺘﺎﺧﺬ ﺍﻟﻨﻔﺲ ﻭﻣﺎﺗﺮﺩﻩ
ﻭﻧﺪﻫﺖ ﺑﺎﺳﻤﻬﺎ
« ﻟﻴﻠﻪ،،،،،
ﻣﺸﻴﺖ ﻟﺮﺿﺎ ﻣﻦ ﻧﺪﻫﻨﻲ
ﻭﺍﻧﻪ ﺍﻋﺎﻳﻦ ﺍﻟﻪ ﺑﻌﺘﺐ ﻭﺯﻋﻞ
« ﺍﻓﺎﺍﺍ ﻟﻴﺶ ﻫﻠﻨﻈﺮﺍﺕ،،،،
« ﻣﺴﻮﻱ ﻧﻔﺴﻚ ﻣﺎﺗﺪﺭﻱ، ،،
ﻳﺎﺷﻴﺦ
ﺟﺮﻳﺘﻬﺎ ﻟﺤﻈﻨﻲ،،،ﻭﺍﻧﻪ ﺻﺎﻓﻦ
ﻋﻠﻰ ﺍﻟﺸﻔﺎﻳﻒ ﺍﻟﺤﻤﺮ،،،ﻭﺳﺎﻟﺘﻬﺎ
ﺑﻀﺤﻚ
« ﻻﺍﺍ ﻣﺎﺍﺩﺭﻱ،،،ﺷﻨﻬﻲ ﺍﻟﺴﺎﻟﻔﻪ
« ﻻﺗﺴﻮﻱ ﻧﻔﺴﻚ ﻣﺎﺗﺪﺭﻱ،،،
« ﻻ ﺍﻧﻪ ﻣﺎﺍﺩﺭﻱ،، ﺍﺣﺠﻲ،،
ﺭﺩﻳﺘﻬﺎ ﻭﺍﻧﻪ،ﻣﺒﺘﺴﻢ،،،ﻭحضنتها
ﺑﻘﻮﻩ ﻟﺼﺪﺭﻱ ﻣﻦ ﺭﺍﺩﺕ ﺗﻮﺧﺮ
ﻭﻫﻲ ﺣﺠﺖ
« ﺟﻨﺖ ﺗﻜﺪﺭ ﺗﺤﺠﻲ ﺗﻮﺿﺢ ﺍﻟﻲ
ﺍﻧﺘﻪ ﻟﻴﺶ ﺍﺧﺬﺗﻬﺎ ﻟﻬﺎﻱ،، ﺟﻨﺖ ﺗﻜﺪﺭ
ﺗﺒﺮﺩ ﻗﻠﺒﻲ ﺍﻻﺣﺘﺮﻙ،،،ﻭﻣﺎﺗﺨﻴﻠﻨﻲ
ﺍﺗﺨﺒﻞ ﻭﺍﺑﺠﻲ ﻭﺍﻗﻬﺮ ﺑﺮﻭﺣﻲ
ﻭﺍﺣﺠﻲ،، ﺣﺠﻲ ﻣﺨﺮﺑﻂ
« ﺑﻮﻭﻳﻪ ﺍﻧﺘﻲ ﺧﻠﻴﺘﻨﻲ ﺍﺣﺠﻲ
ﻣﺎﺷﻔﺘﻲ ﺑﺮﻭﺣﺞ ﺷﺴﻮﻳﺘﻲ،،،
ﺭﺷﺎﺵ،،ﻭﺍﻧﻔﺘﺢ ﻋﻠﻴﻨﺎ
ﻭﺍﻫﺎﺍﺍ ﺍﻧﺘﻲ ﺣﺠﻴﺘﻬﺎ،،،،ﺑﻠﺴﺎﻧﺞ
ﺗﺴﻮﺩﺗﻨﻲ ،،،ﻭﻛﻤﺘﻲ ﺗﺤﺠﻴﻦ
ﺣﺠﻲ ﻣﺨﺮﺑﻂ
ﺣﺠﻴﺖ ﻫﻴﺞ،،،ﻭﺍﺑﺘﺴﻤﺖ ﻭﻛﻤﻠﺖ
« ﺑﺲ ﺗﺪﺭﻳﻦ ﻋﺠﺒﺘﻨﻲ ﻏﻴﺮﺗﺞ ﻋﻠﻴﻪ
ﻭﺧﻠﺖ ﮔﻠﺒﻲ يتعلق بيج
ﺑﻌﺪ ﺍﻛﺜﺮ،،،
« ﭼﺎ ﻫﺬﺍ ﺍﻟﻬﺎﻣﻚ، ،،ﻏﻴﺮﺗﻲ
ﻭﺍﻧﻪ ﺍﺣﺘﺮﻙ ﺩﻣﻲ ﻣﻦ ﻭﺭﺍﻙ
« ﭼﻢ ﻣﺮﻩ ﺭﺩﺕ ﺍﺣﺠﻲ ﻭﺍﻓﻬﻤﺞ
ﻭﺍﻧﺘﻲ ﺗﺼﻴﺤﻴﻦ ،،،ﺍﺣﺠﻲ
ﻭﻛﻮﻟﻲ ﭼﺬﺏ
ﺳﻜﺘﺖ ﻭﻫﻮ ﻛﻤﻞ
« ﻟﻴﻠﻪ ﺍﻧﻪ ﺑﺲ ﺍﻟﺞ،،،ﻭﻋﻤﺮﻱ ﻣﺮﺍﺡ
ﺍحب غيرج
ﺣﺠﻴﺖ ﻫﻴﺞ،،،ﻭﺩﻧﻜﺖ ﻋﻠﻰ
ﺧﺪﻫﺎ
ﻣﻦ ﺭﺍﺩ ﻳﺒﻮﺳﻨﻲ،،،ﻭﺧﺮﺕ ﻭﺟﻬﻲ
ﻣﻨﻪ ﻭﺍﻧﻪ ﺍﺿﺤﻚ،،،،ﻭﻭﺧﺮﺗﻪ ﻣﺮﻩ ﺛﺎﻧﻴﻪ
ﻣﻦ ﺩﻧﻚ ﻣﺮﻩ ﺍﻟﺦ،،،
ﺍﺑﺘﺴﻤﺖ ﻟﺘﺼﺮﻓﻬﺎ ﻭﻫﻲ ﺣﺠﺖ
« ﺗﺮﻩ ﺑﻌﺪﻧﻲ ﺯﻋﻼﻧﻪ،،،عليك
ﺣﺠﻴﺖ ﻫﻴﺞ،،،ﻭﺷﻔﺖ ﻋﻴﻮﻧﻪ
ﺗﻐﻴﺮﻥ، ﻭﻧﻔﺴﻪ ﺛﻜﻞ ﻭﺣﺠﻪ ﺑﻬﻤﺲ
« ﺍﻟﻮﻟﺪ ﺟﻮﻩ ﻣﻮﻭ
« ﺍﻱ ﻳﻢ ﺍﻣﻚ ﻣﺎﻗﺒﻠﺖ ﺍﺻﻌﺪﻫﻢ
ﻟﻴﻴﺶ
« ﻋﺒﻦ ﺍﺭﻳﺪﻥ ﺍﺭﺿﻴﺞ،،
،،،،
ﻏﻤﻀﺖ ﻋﻴﻮﻧﻲ ﺑﺤﻈﻦ ﺭﺿﺎ
ﻭﺍﻧﻪ ﻣﺒﺘﺴﻤﻪ
ﺣﻈﻨﺘﻪ ﺑﻘﻮﻩ،، ﻭﺭﻓﻌﺖ ﺭﻭﺣﻲ
ﻟﻮﺟﻬﻪ ﻭﺑﺴﺘﻪ،،،ﻣﻦ ﺷﻔﺎﻳﻔﻪ
ﻭﻫﻮ ﺍﻧﺪﺍﺭ ﻋﻠﻴﻪ،،،وصفن بعيوني
ابتسامته خلت قلبي يدك بقوه
دنكت راسي وهو جرني علي وحجه
« ﺍﻭﻭﻑ ﻭﻟﺞ ﺍﻧﻪ ﻟﻴﺶ
ﻣﺎﺍﺷﺒﻊ ﻣﻨﺞ،،،
« ﻋﺒﻦ ﺍﻧﻪ ﺣﻠﻮﻩ،،،ﻭﺍﺳﻮﻳﻠﻚ ﺣﺮﻛﺎﺕ
ﺗﺨﺒﻞ ﺍﻟﺸﻴﺦ ﻭﺗﻄﻴﺮ ﻋﮕﻠﻪ
« ﻭﻃﺎﺭ ﻳﺒﻌﺪ ﺷﻴﺒﻲ ﻭﺭﺍﺡ ﺗﺨﻠﻴﻨﻲ
ﺍﻛﻌﺪ ﺑﻨﺺ ﺍﻟﺰﻟﻢ ﻭﺍﻧﻪ ﺍﺿﺤﻚ ﻭﻱ
ﺭﻭﺣﻲ
« ﻫﻬﻬﻬﻬﻪ،،،
ﻣﺎﻛﻤﻠﺖ ﺿﺤﻜﺘﻲ ﻋﺒﻨﻪ ﻛﺘﻤﻬﺎ
ﺑﺒﻮﺳﻪ ﻃﻮﻳﻠﻪ،،
ﻣﻦ ﻭﺧﺮ ،،،،ﺣﺠﻪ ﻭﺭﻩ ﻟﺤﻈﺎﺕ
« ﺣﻈﺮﻱ ﺭﻭﺣﺞ ﺑﺎﺟﺮ
ﺣﺘﻰ ﻧﺮﻭﺡ ﻟﺒﻐﺪﺍﺩ ﻧﺰﻭﺭ ﺟﺪﻧﺎ ﻣﻮﺳﻰ ﺍﻟﻜﺎﻇﻢ ﻭﻧﺠﻴﺐ ﻭﻳﺎﻧﺎ ،،،،ﺻﻔﺎﺀ،،،
ﻓﺰﻳﺖ ﻣﻦ ﻣﻜﺎﻧﻲ،،،ﺑﻔﺮﺡ،،ﻭﺳﺎﻟﺘﻪ
« ﺻﺪﻙ ﺭﺿﺎ
« ﺍﻳﻲ ،،،،،ﻣﺸﺘﺎﮒ،،،
ﺍﻃﻠﻊ ﺍﻧﻪ ﻭﻳﺎﺝ،،،، ،،ﻭﺑﺎﺟﺮ ﻣﻦ ﺍﻟﺼﺒﺢ
ﻧﺘﻮﻛﻞ
« ﻗﺒﺎﻥ ﻗﻠﺒﻮﺍ،،،،،ﻟﻠﻴﻔﺮﺣﻨﻲ
ﻛﻤﺖ ﻭﺍﻧﻪ ﻣﺒﺘﺴﻢ ﺑﺮﺍﺣﻪ،، ﻭﺣﺠﻴﺖ
« ﻋﺪﻳﻬﺎ ﻟﻬﻞ ﺍﻟﭽﻠﻤﻪ،،،ﻣﺸﺘﺎﮒ ﺍﻟﻬﺎ
ﻋﺎﻳﻨﺖ ﻋﻠﻴﻪ ﻭﺍﻧﻪ ﻣﺒﺘﺴﻤﻪ
ﻭﻏﻨﻴﺘﻠﻪ ﺍﻏﻨﻴﻪ،،،ﺣﺎﻓﻈﺘﻬﺎ
« ﺍﻏﺸﺘﻌﻮ ﻭﺍﺣﺪ ﺣﻠﻮ،،
ﻳﺘﻤﺸﻰ،،،،ﺟﻨﺒﻲ
ﻋﺎﻳﻨﺖ ﻟﻠﻴﻠﻪ،، ﺷﻠﻮﻥ ﺗﻐﻨﻲ
ﻭﺗﻬﺰ ﺑﺎﻳﺪﻫﺎ،،،،ﮔﻠﺒﻲ،، ﺯﺍﺩﺕ ﺩﻛﺎﺗﻪ،،،ﻣﻦ ﻛﻤﻠﺖ
« ﻭﺑﻮﺟﻪ ﺍﻟﺤﻠﻮ ﻛﻞ ﺍﻟﺤﻼ ﺩﺧﻴﻠﻚ
ﻳﺎﺭﺑﻲ
ﻳﻤﺸﻲ ﺭﺷﻴﻖ ﺍﻟﻄﻮﻝ ﻳﺎﻣﺤﻼ ﺣﺴﻨﻮ
ﻗﻠﺒﻲ ﺗﺸﻘﻠﺐ ﻳﻮﻡ،،ﻗﻐﺒﺘﻮﺍ،،ﻣﻨﻮ
ﺩﺣﻘﺖ،،،، ﺍﻧﻪ ﺑﻘﺎﻣﺘﻮﺍ،،،
ﻣﺜﻞ ﺍﻟﺒﺪﺭ ﻃﻠﺘﻮﺍ،،،ﻣﺸﻜﻮﺭﻩ،ﻳﺎﻣﻴﻤﺘﻮ
ﺟﺒﺘﻠﻲ ﺣﺒﻲ
ﻧﻬﻴﺖ ﺍﻻﻏﻨﻴﻪ ﺑﻀﺤﻜﻪ
ﻭﺍﻧﻪ ﺍﻋﺎﻳﻦ، ﻟﺮﺿﺎ،،،،
ﺷﻠﻮﻥ ﻛﺎﻋﺪ ﻭﺳﺎﻛﺖ،،،،ﻭﺻﺎﻓﻦ بنظرات حلوه
ﺣﺮﻛﺖ ﺟﺘﻒ ﻭﺍﺣﺪ،،،ﺍﻟﻪ
من ﺳﻮﻳﺖ ﻫﻴﺞ،،،ﺟﺮﻧﻲ ﻋﻠﻲ
ﻭﺑﺎﺱ ﺷﻔﺘﻲ،،،، ﻭﻫﻮ ﻣﻐﻤﺾ
ﻋﻴﻮﻧﻪ
ﻭﺧﺮﺕ ﻭﺭﻩ ﻟﺤﻈﻪ،، ﻭﻫﻤﺴﺖ
ﻳﻢ ﺍﻟﺸﻔﺎﻳﻒ،،،
« ﻣﻦ ﻓﺪﻭﻩ ﺍﺭﻭﺣﻦ ﻟﻠﻤﻮﺻﻞ ﻭﺍﻫﻠﻬﺎ
ﻭﻟﺞ،،،ﺧﺒﻠﺘﻨﻲ ﻭﺧﻠﻴﺘﻨﻲ ﺑﺲ ﺻﺎﻓﻦ
ﻋﻠﻴﺞ،،،ﺑﻮﻭﻳﻪ ﺑﻌﺪ ﺍﺣﺠﻲ ﻣﻮﺻﻠﻲ
ﺍﺭﻳﺪﻥ ﺍﺳﻤﻌﺞ ﺗﻐﺮﺩﻳﻦ ﺑﻲ
ﺑﺎﻟﺒﻴﺖ
« ﻫﻬﻬﻬﻪ ﺍﻧﻪ ﻣﻮ ﻫﻠﻜﺪ ﺍﻋﺮﻓﻬﺎ
ﺑﺲ ﺍﻟﻲ ﺳﻤﻌﺘﻪ ﻣﻦ ﺍﻣﻲ
سكتنا اثنينه كملت بضحك
ﺷﻴﺦ ﻛﻮﻭﻡ ،،،ﺗﺎﺧﺮﺕ ﻋﻠﻰ
ﻣﻀﻴﻔﻚ
ﻋﺎﻳﻨﺖ ﻟﻠﺴﺎﻋﻪ،،،ﻭﺷﻔﺘﻬﺎ ﺑﺎﻟﺨﻤﺴﻪ
ﻭﻧﺺ،،،ﻭﺣﺠﻴﺖ
ﺛﺎﻧﻲ ﻳﻮﻡ ﻣﻜﺪﺭﺕ ﺍﺭﻭﺡ ﻭﻱ
ﺭﺿﺎ ﻋﺒﻦ،،،،ﺷﺎﻫﻴﻦ ﺻﺨﻦ،،،
ﻭﻇﻞ ﺑﺲ ﻳﺒﺠﻲ،،،
ﻭﻫﻮ ﻣﻦ ﺷﺎﻑ ﺷﺎﻫﻴﻦ،،ﻣﺮﻳﺾ
ﺩﺯ ﺯﺍﻫﺪ،،،،،ﻳﺠﻴﺐ ﺻﻔﺎﺀ
ﻭﻭﻟﺪﻫﺎ،، ،،،،ﻟﻠﻌﺼﺮ ،،،
ﻭﺷﺎﻫﻴﻦ ﻧﻔﺲ ﺣﺮﺍﺭﺗﻪ ﺍﻟﻲ ﻣﺎﻧﺰﻟﺖ
ﻭﺭﺿﺎ ﻣﻦ ﺷﺎﻓﻪ ﻫﻴﺞ،،
ﻛﺎﻝ
« ﻟﻴﻠﻪ ﺣﻈﺮﻱ ﺭﻭﺣﺞ،،،ﺧﻠﻲ ﻋﻠﻲ
ﻳﻮﺩﻳﻜﻢ ﻟﻠﺪﻛﺘﻮﺭ ﺍﺧﺎﻓﻦ ﻳﺼﻴﺮ ﺑﻲ ﺷﻲ
ﻣﻨﺎ ﻟﻠﻴﻞ،،،
ﻫﺰﻳﺖ،،،،ﺭﺍﺳﻲ ﻭﺍﻧﻪ ﻗﻠﻘﻪ ﻋﻠﻲ ﺍﺑﻨﻲ
ﻭﺍﻧﻄﻴﺘﻪ ﻻﻣﻪ ﻭﺭﺣﺖ ﺍﻣﺸﻲ ﺑﺴﺮﻋﻪ
ﺻﻌﺪﺕ ﺍﻟﺪﺭﺝ،،،،،،،، ﻭﺭﺣﺖ ﻟﻐﺮﻓﺘﻲ
ﺑﺪﻟﺖ ﻫﺪﻭﻣﻲ،،،، ﻭﻧﺰﻟﺖ ﺷﺎﻳﻠﻪ ﻋﺒﺎﺗﻲ
ﻭﺍﻟﺒﻮﺷﻴﻪ،،،
« ﻳﺎﻟﻪ ﻳﻤﻪ،،ﺍﻣﺸﻴﻨﺎ،،،
ﻣﺸﻴﺖ ﻭﻱ ﺍﻡ ﺭﺿﺎ،،،ﻭﻭﻫﻮ ﻭﻳﺎﻧﺎ
ﻭﻭﻳﻮﺻﻲ ﺑﻴﻨﺎ ﻋﻠﻲ،،،
ﻟﺒﺴﺖ ﺍﻟﻌﺒﺎﻳﻪ ﻭﺍﻟﺒﻮﺷﻴﻪ،،
ﻭﻃﻠﻌﺖ ﺟﺎﻧﺖ ﺍﻟﺴﻴﺎﺭﻩ ﻭﺍﻛﻔﻪ ﺑﺎﻟﺒﺎﺏ
ﻭﺭﺍﺳﻦ ﺭﻛﺒﻨﺎ
« ﺑﻮﻭﻳﻪ ﻋﻠﻲ ﻭﺩﻳﻨﻬﻦ ﻟﻠﺪﻛﺘﻮﺭ
ﻧﻔﺴﻪ،،،ﻭﺍﻓﺘﻬﻢ ﻣﻨﻪ ﺷﺒﻲ ﺷﺎﻫﻴﻦ
« ﺍﻱ،،ﺷﻴﺦ،،
ﻋﻠﻲ ﺟﺎﻭﺏ،،ﺭﺿﺎ ﻭﺣﺮﻙ ﺍﻟﺴﻴﺎﺭﻩ
ﻭﻃﻠﻊ ﺑﻴﻨﺎ ﻣﻦ ﺍﻟﺒﻴﺖ
ﻃﻮﻝ ﺍﻟﻄﺮﻳﻖ ﺷﺎﻫﻴﻦ ﻳﺒﺠﻲ
ﻭﺭﺍﺳﻪ ﺻﺎﻳﺮ ﻧﺎﺭ،،،ﺍﻧﻪ ﺟﻨﺖ ﺍﺑﺮﺩﻩ
ﺑﻤﻲ ﺟﺒﺘﻪ ﻭﻳﺎﻱ،،،،،،ﻭﺍﺳﻮﻳﻠﻪ
ﻛﻤﺎﺩﺍﺕ،،،
ﻭﺻﻠﻨﺎ،،،ﻭﻃﺒﻴﻨﺎ ﻟﻠﻌﻴﺎﺩﻩ
ﻭﺍﻟﺤﻤﺪ ﻟﻠﻪ،،،ﺟﺎﻥ ﻣﺎﻛﻮ ﻫﻠﻜﺪ ﻣﺮﺍﺟﻌﻴﻴﻦ
ﺍﺛﻨﻴﻴﻦ ﻃﺒﻮﺍ،،،ﻭﺍﺣﻨﺎ ﻭﺭﺍﻫﻢ
ﺑﺲ ﻓﺤﺼﻪ ﺍﻟﺪﻛﺘﻮﺭ ﻛﺎﻝ
« ﺑﻼﻋﻴﻤﻪ ﻣﻠﺘﻬﺒﻪ،،ﻛﻠﺶ
ﻭﻻﺯﻡ ﺍﻻ ﺍﺑﺮ،،،ﻳﺎﻟﻪ ﻳﺼﻴﺮ ﺯﻳﻦ
« ﺍﻧﻄﻲ ﺩﻛﺘﻮﺭ،،،ﺍﺫﺍ ﻳﺼﻴﺮ ﺯﻳﻦ
ﻋﻠﻴﻬﻦ
ﺍﻟﺪﻛﺘﻮﺭ ﻛﺘﺐ،،،ﻭﺍﻧﻪ ﺣﺠﻴﺖ ﻭﻳﺎ
« ﺩﻛﺘﻮﺭ ﻫﻮ ﻋﻨﺪ ﺍﺥ
ﺗﻮﻡ ﻭﻳﺎ ،،ﺧﻮﻣﺎ ﻳﻨﻌﺪﻱ ﻣﻨﻪ،،
« ﺍﻋﺰﻟﻲ ﻋﻦ ﺍﺧﻮﻩ
ﺍﺫﺍ ﺷﻔﺘﻲ،،،ﺻﺎﺭ ﻣﺜﻠﻪ ﺍﻧﻄﻲ
ﻧﻔﺲ ﺍﻟﺪﻭﻩ
ﻫﺰﻳﺖ ﺭﺍﺳﻲ،، ﻭﻋﻠﻲ ﺍﺧﺬ ﺍﻟﻮﺻﻔﻪ
ﻣﻦ ﺍﻟﺪﻛﺘﻮﺭ ﻭﺭﺍﺡ ﺟﺎﺏ ﺍﻟﺪﻭﻩ ﻭﺭﺩ
ﺍﻟﻪ،،،ﺷﻮﻓﻪ ﻭﻋﻠﻤﻪ ﻋﻠﻲ
ﻭﺭﺩﻳﻨﺎ ﻟﺒﻴﺘﻨﺎ،،،
ﺑﺲ ﻭﺻﻠﻨﺎ ﺷﻔﺖ ﺭﺿﺎ ﻭﺍﻛﻒ
ﺑﺮﻩ،،،ﻭﻳﻌﺎﻳﻦ ﻟﻠﺸﺎﺭﻉ
ﻧﺰﻟﻨﺎ ﻳﻢ ﺍﻟﺒﺎﺏ،،،،،،
ﻭﻫﻮ ﺍﺟﻪ ﻳﺘﻤﺸﻰ،،،،ﺍﻟﻨﺎ
ﻃﺒﻴﺖ ﺍﻧﻪ ﻭﺷﺎﻫﻴﻦ ﻭﺍﻣﻪ،ﻭﻫﻮ ﻟﺤﻜﻨﺎ
« ﻫﺎﺍ ﺷﻜﺎﻝ ﺍﻟﺪﻛﺘﻮﺭ
« ﻻﺗﺨﺎﻑ ﻳﻤﻪ،،،ﺑﻼﻋﻴﻤﻪ ﻣﻠﺘﻬﺒﻪ
ﻋﺒﻦ ﺍﻟﺒﻨﺎﺕ ﻳﻨﻄﻨﻪ،،،،ﺍﺯﺑﺮﻱ،،،
« ﭼﺎ ﻫﻮ ﻋﻤﺮﻩ ﻣﺎﻝ ﺍﺯﺑﺮﻱ،،،
ﺑﻌﺪ ﻻﺗﻨﻄﻮﻩ،،،
ﺣﺠﻴﺖ ﻫﻴﺞ،،،ﻭﺍﺧﺬﺗﻪ ﻣﻦ ﻟﻴﻠﻪ
ﻭﻛﻤﺖ ﺍﺑﻮﺱ،ﺑﻲ ﻭﺍﺣﺠﻲ
« ﺗﻌﺎﻝ ﻳﺒﻌﺪ ﺍﺑﻮﻙ،،،ﻣﺮﺿﻮﻙ ﻳﺎﻟﺬﻳﺐ
ﺑﻬﻞ ﺍﻟﺜﻠﺞ،،،ﺍﻟﺒﺎﺭﺩ ﻭﺍﻟﻠﻪ ﻫﺴﻪ
ﺍﺭﻭﺡ ﻋﻠﻴﻬﻢ،،،ﻭﺍﺩﻛﻬﻢ ﺑﻌﺼﺎ
ﺟﺪﺗﻚ ﺭﺍﺯﻗﻴﻪ،،،
« ﺭﺿﺎ ﺟﻴﺒﻪ ﺧﻠﻲ ﺍﺳﺒﺤﻪ
« ﺍﻟﺪﻛﺘﻮﺭ ﻛﺎﻝ
« ﺍﻱ ﻗﻠﺒﻲ ،،،،
ﺍﺧﺬﺕ ﺍﺑﻨﻲ ﻣﻨﻪ،،،ﻭﺭﺣﺖ ﻟﻠﺤﻤﺎﻡ
ﺍﻟﺠﻮﻩ،،،ﺗﻮﻧﻲ ﺍﺭﻳﺪ ﺍﻃﺐ ﻭﺳﻬﺎﺩ
ﺩﻓﻌﺘﻨﻲ ﻭﻛﺎﻟت
« ﺍﺭﻳﺪﻥ ﺍﺳﺒﺢ ﺭﻭﺣﻲ ﻟﺤﻤﺎﻣﺞ
ﺍﻟﻔﻮﻙ،،،، ﻫﺬﺍ ﻣﻮﺵ ﺍﻟﺞ
ﻋﺎﻳﻨﺖ ﺍﻟﻬﺎ ﺷﻠﻮﻥ ﺳﺪﺕ ﺍﻟﺒﺎﺏ ﺑﻘﻮﻩ
ﻭﻏﻤﻴﺘﻬﺎ ﻭﺣﺠﻴﺖ
« ﺍﻟﺒﻴﺖ ﺑﻴﺖ ﺍﺑﻮﻧﺎ
ﻭﻳﺠﻮﻥ ﺍﻟﻐﺮﺏ ﻳﻄﺮﺩﻭﻧﻪ
ﮔﺒﺮ،، ﻳﻜﻮﻥ،،،ﻭﻳﺎﺧﺬﺝ
ﺩﺭﺕ ﻭﺟﻬﻲ ﻭﺻﻌﺪﺕ ﻟﻐﺮﻓﺘﻲ
ﺳﺒﺤﺖ ﺷﺎﻫﻴﻦ،،، ﻭﺧﻠﻴﺖ ﺍﻟﻪ ﺗﺤﻤﻴﻠﻪ ﻭﻧﺰﻟﺖ ﺟﻮﻩ
ﺻﻔﺎﺀ ﺟﺎﻳﻪ ﻭﺗﻌﺒﺎﻧﻪ،،،ﻭﻣﺒﻴﻦ
ﻋﻠﻴﻬﺎ ﺑﺎﺟﻴﻪ
« ﻫﻼ ﻛﻞ ﺍﻟﻬﻼ ﺑﺼﻔﻴﻪ
ﺣﺠﻴﺖ ﻫﻴﺞ ﻭﺑﻮﺳﺘﻬﺎ
« ﻫﻼ ﺑﻴﺞ ﺍﻡ ﺷﺒﻞ ﺷﻠﻮﻧﺞ،،،
ﺍﻧﺘﻲ،،ﺷﺎﻫﻴﻦ ﺷﻠﻮﻥ ﺻﺎﺭ
« ﺧﻠﻴﺖ ﺍﻟﻪ ﺗﺤﻤﻴﻠﻪ،،، ﻭﺑﻠﻜﻲ
ﺗﻨﺰﻝ ﺣﺮﺍﺭﺗﻪ،،،،،
« ﺟﻴﺒﻲ ﻣﺸﺘﺎﻗﻪ ﺍﻟﻪ،،،ﻫﻮ ﻭﺍﺧﻮﻩ
ﺻﻔﺎﺀ ﺣﺠﺖ ﻫﻴﺞ ﻭﺍﺧﺬﺕ ﺷﺎﻫﻴﻦ
ﻣﻦ ﻟﻴﻠﻪ ﻭﻛﻤﻠﺖ
ﻳﻤﻪ ﻣﻦ ﻓﺪﻭﻩ ﺷﻠﻮﻥ ﺻﺎﻳﺮﻳﻴﻦ
ﻳﺨﺒﻠﻮﻥ،،،
ﺿﺤﻜﺖ ﻭﺩﻧﻜﺖ ﺑﺴﺖ ﻳﻮﺳﻒ
ﻭﺳﻨﺎ،،،ﻭﺭﺣﺖ ﻟﻠﻤﻄﺒﺦ ﺍﻧﻪ ﻭﻳﺎﻫﺎ ﺍﺭﻳﺪﻥ
ﺍﺷﻮﻑ ﺷﺴﻮﻱ ﻋﺸﻪ
« ﺍﻛﻮﻟﻦ ﺷﺒﻴﺞ ﺑﺎﺟﻴﻪ
« ﻣﻦ ﻭﺭﻩ ﻓﻬﺪ ﺍﻟﺘﺤﻖ ﺑﺎﻟﻤﻮﺻل
ﺳﻜﺘﺖ،،،،، ،ﻭﺍﻧﺪﺍﺭﻳﺖ ﻋﻠﻴﻬﺎ
ﻭﺷﻔﺘﻬﺎ ﻣﻬﻤﻮﻣﻪ،،،ﻭﺩﻣﻌﺘﻬﺎ ﺑﻌﻴﻮﻧﻬﺎ
ﻭﺭﺣﺖ ﺣﻈﻨﺘﻬﺎ،،،ﻭﺣﺠﻴﺖ ﻭﺍﻧﻪ
ﺍﺭﻳﺪ ﺍﻃﻤﻨﻬﺎ،،
« ﻻﺗﺨﺎﻓﻴﻦ ﻋﻠﻲ ﻭﻭﺩﻋﻲ ﻳﻢ ﺍﻟﻠﻪ
ﻭﻫﻮ ﻳﺤﻔﻈﻪ ﻣﻦ ﻛﻞ ﺷﺮ
« ﺍﻣﻴﻦ ﻟﻴﻠﻪ،،،،،،
ﺳﻤﻌﺖ ﺑﺎﺏ ﺍﻟﻤﻄﺒﺦ،،،ﺍﻧﺪﻙ،،
ﻭﻛﻠﺖ
« ﻣﻨﻮﻭﻭ
« ﺍﻧﻪ ﺍﻡ ﺷﺒﻞ،،،ﺯﺍﻫﺪ
« ﺍﻳﻲ ﺍﺟﻴﺘﻚ،،
ﺭﺣﺖ ﺍﻟﻪ،،،ﻭﻓﺘﺤﺖ ﺍﻟﺒﺎﺏ
ﻭﺷﻔﺘﻪ ﺷﺎﻳﻞ،،،،ﻋﻼﻟﻴﻚ،،،
هوايه،،،ﺍﺧﺬﺕ ﻣﻨﻪ،،،ﭼﻢ ﻭﺣﺪﻩ
ﻭﻭﺧﺮﺕ ﻣﻨﻪ ﻭﻫﻮ ﻃﺐ ﻭﺧﻠﻪ ﺍﻟﺒﺎﻗﻲ،،،
ﻋﻠﻰ ﺍﻟﻤﻴﺰ،،،ﻭﺳﻠﻢ،،،ﻋﻠﻰ
ﺧﺎلته
« ﺷﻠﻮﻧﺞ ﺧﺎﻟﻪ ﺻﻔﺎﺀ
« ﻫﻼ ﺯﺍﻫﺪ
« ﻫﺎﻱ ﺍﻟﺸﻴﺦ ﺩﺯﻫﻦ،،،ﻭﻛﺎﻝ
ﺧﻠﻲ،،،،، ﺍﻡ ﺷﺒﻞ ﻻﺗﺴﻮﻱ ﻋﺸﻪ
ﺍﺑﺘﺴﻤﺖ،،،ﻭﺣﺠﻴﺖ ﻭﻱ ﻧﻔﺴﻲ
« ﻳﻤﻪ ﻗﺒﺎﻥ ﻗﻠﺒﻮﺍ،،،ﻟﻠﻲ ﻳﻔﻜﺮ بيه
وشايل همي
« ﺗﺴﻠﻢ ﺍﻧﺘﻪ ﻭﺍﻟﺸﻴﺦ،،،ﺭﺩﻳﺖ ﻋﻠﻰ
ﺯﺍﻫﺪ ﻭﻛﻤﻠﺖ
« ﺍﻛﻮﻟﻦ،،،ﻟﻴﺶ ﻣﺎﺗﺮﻭﺡ ﻭﺗﺠﻴﺐ
ﺍﻣﻚ،،،ﻭﺍﻟﺒﻨﺎﺕ ﻭﺗﺠﻮﻥ ﺗﺘﻌﺸﻮﻥ ﻳﻤﻨﺎ
« ﺍﻳﻲ ﻭﺍﻟﻠﻪ ﺯﺍﻫﺪ ﺭﻭﺡ ﺟﻴﺒﻬﻢ
ﻣﺸﺘﺎﮔﻪ ﻻﻣﻚ،،،
« ﻫﺴﻪ ﺍﺧﺎﺑﺮﻫﻢ،،،ﻭﺍﻛﻠﻬﻢ
« ﻻﺗﺨﺎﺑﺮ،،،ﻭﺭﻭﺡ ﻛﻠﻬﻢ ﺍﻟﺸﻴﺦ
ﻋﺎﺯﻣﻜﻢ
ﺯﺍﻫﺪ ﺍﺑﺘﺴﻢ ﻭﻫﺰ ﺭﺍﺳﻪ
ﻭﻃﻠﻊ،،،
ﻓﺘﺤﺖ ﺍﻻﻛﻞ،،،،،ﻭﺷﻔﺘﻪ ﺟﺎﻳﺐ
ﻛﺒﺎﺏ ﺷﻮﻱ ﺧﻴﺮ ﻣﻦ ﺍﻟﻠﻪ،،،ﻭﺩﺟﺎﺝ
ﻣﺸﻮﻱ ﻫﻢ،، ،،
« ﻳﺒﻨﺎﺕ ﻭﻳﻨﺠﻦ،،
ﺻﺤﺖ ﺍﻟﺒﻨﺎﺕ،،،،ﻭﺍﺟﺘﻲ،،،ﻣﺮﻳﻢ
ﻭﺳﻜﻴﻨﻪ
ﺯﻫﺎﺀ ﺑﻠﻴﻞ ﺗﺮﻭﺡ ﻳﻢ ﺍﻣﻬﺎ ﻫﻲ ﻭﻧﻮﺭ
ﻭﺳﻜﻴﻨﻪ ﻣﺎﺗﻘﺒﻞ ﺗﺮﻭﺡ ﻋﺒﻦ ﺗﻀﻮﺝ ﻣﻦ ﺳﻮﺍﻟﻒ ﺍﻣﻬﺎ،،،
« ﻭﺭﺩﻩ ﻭﻳﻦ،،،ﻣﺮﻳﻢ
« ﻻﺯﻣﻪ ﺷﺒﻞ،،،ﻭﻳﻤﻬﺎ ﻭﻋﺪ،،،ﺍﺻﻴﺤﻬﺎ
« ﻻ ﺣﺒﻴﺒﻪ ﻋﻮﻓﻴﻬﺎ ﺑﺲ ﺍﻣﺸﻦ
ﺍﺛﺮﻣﻦ ﺯﻻﻃﻪ،،،ﻭﻃﻠﻌﻲ ﺍﻟﺮﻭﺑﻪ،،،
ﻭﺍﻟﺨﻀﺮﻩ،،،،ﻭﻫﺎﺍﺍ ﺳﻜﻴﻨﻪ
ﺑﺲ ﻃﻠﻌﻲ،ﺍﻟﺤﻠﻴﺐ، ،،ﻭﺍﻟﻨﺸﺎ
ﺍﺭﻳﺪﻥ ﺍﺳﻮﻱ ﻣﺤﻠﺒﻲ
« ﺍﻳﻲ ﻭﺍﻟﻠﻪ ﻳﺎﺭﻳﺖ،،،،ﻋﺒﻨﻪ ﻃﻴﺒﻪ
ﺗﺴﻮﻱ ﻭﺍﻧﻪ ﺍﺣﺒﻪ
« ﺍﺩﻟﻠﻲ،،،ﺍﻡ ﺧﺪﻭﺩ ﻭﺭﺍﺡ ﺍﺧﻠﻴﻠﺞ
ﺑﻲ ﻛﺸﻤﺶ،،،ﻋﺒﻨﺞ ﺗﺤﺒﻲ
« ﺗﺴﻠﻤﻴﻦ ﻟﻴﻠﻪ،،،
« ﻫﺎﺍ ﺻﺪﻙ ﻳﺒﻨﺎﺕ ﺭﺍﺡ ﺗﺠﻲ
ﺩﻋﺎﺀ ﻭﺯﻳﻨﺐ
« ﺻﺪﻙ
« ﺍﻳﻲ،،ﻫﺴﻪ ﺯﺍﻫﺪ ﺭﺍﺡ ﻳﺠﻴﺒﻬﻢ
ﺣﺠﻴﺖ ﻫﻴﺞ ﻭﻛﻤﻠﺖ،،،
ﻭﺍﻧﻪ ﻃﺎﻟﻌﻪ،،ﻣﻦ ﺍﻟﻤﻄﺒﺦ،،
« ﺣﻈﺮﻥ ﺍﻟﻐﺮﺍﺽ ﻫﺴﻪ ﺍﺟﻲ
،،،ﺑﺲ ﺍﺭﻭﺡ
ﺍﺷﻮﻑ ﺷﺎﻫﻴﻦ،،،ﺷﻠﻮﻥ ﺣﺮﺍﺭﺗﻪ
ﻭﺍﺭﺩ
« ﺍﻧﻪ ﺟﺎﻳﻪ ﻭﻳﺎﺝ،،،
ﻣﺸﻴﺖ ﺍﻧﻪ ﻭﺻﻔﺎﺀ،،،ﺍﻟﻲ ﻭﻛﻔﺖ
ﻣﻦ ﺍﺟﺘﻲ ﻋﻠﻴﻬﺎ،،،ﺳﻬﺎﺩ
ﻭﺳﻠﻤﺖ
« ﺷﻠﻮﻧﺞ ﺍﻡ ﻳﻮﺳﻒ
« ﻫﻼ ﺑﻴﺞ،،،ﺟﺎﻥ ﺑﻌﺪ ﻭﻛﺖ
ﺻﺎﺭﻟﻲ ﺷﻜﺪ ﻣﻦ ﺍﺟﻴﺖ ﺗﻮﺝ ﺗﺬﻛﺮﺗﻲ
ﺗﺠﻴﻦ ﻭﺗﺴﻠﻤﻴﻦ ﻋﻠﻴﻪ
« ﻫﺎﺍﺍ ﻭﺍﻟﻠﻪ ﺟﻨﺖ ﻧﺎﻳﻤﻪ ﻭﻣﺎﺍﺩﺭﻱ
ﺑﻴﺞ ﺷﻮﻛﺖ ﺍﺟﻴﺘﻲ
ﺍﺑﺘﺴﻤﺖ ﻭﻣﺸﻴﺖ ﻣﻦ ﺷﻔﺖ
ﺻﻔﺎﺀ،،،،،، ﻋﻮﺟﺖ ﺣﻠﻜﻬﺎ ﻭﺭﺩﺕ
« ﻧﻮﻭﻡ ﺍﻟﻌﻮﺍﻓﻲ ﺑﻌﺪ ﻗﻠﺒﻲ ،،،
ﻃﺒﻴﺖ،،،،،،، ﻟﻐﺮﻓﻪ ﺍﻡ ﺭﺿﺎ
ﻭﻭﺭﺍﻱ ﺍﺟﺘﻲ ﺻﻔﺎﺀ
ﻭﺭﺣﺖ ﮔﺒﻞ ﻟﺸﺎﻫﻴﻦ،،،ﻭﻟﺰﻣﺖ
ﻛﺼﺘﻪ،،،ﻭﺷﻔﺘﻪ ﺣﺮﺍﺭﺗﻪ ﻧﺎﺯﻟﻪ،،،
ﺣﻤﺪﺕ ﺍﻟﻠﻪ،،،،ﻭﻭﺧﺮﺕ ﻣﻨﻪ ﻋﺒﻨﻪ ﻧﺎﻳﻢ
ﻭﺍﻡ ﺭﺿﺎ ﺣﺠﺖ
« ﻣﺎﺑﻲ ﺷﻲ ﻳﻤﻪ ﻻﺗﺨﺎﻓﻴﻦ،،،
ﻫﺰﻳﺖ ﺭﺍﺳﻲ ﺑﺎﻱ،،،،،ﻭﺭﺣﺖ ﻟﺸﺒﻞ
ﺷﻠﺘﻪ ﻭﻛﻤﺖ ﺍﺑﻮﺱ ﺑﻲ
ﻭﻫﻮ ﺍﻻﺭﻋﻦ،،،ﻇﻞ ﻳﻜﺮﻛﺮ ﻭﻳﻀﺤﻚ
« ﻗﺒﺎﻧﻲ ﺑﻌﺪ ﻗﻠﺐ ﺍﻣﻮﻭ
« ﺍﻟﻠﻪ ﻳﺴﺎﻋﺪﻫﻢ
ﺍﻧﺪﺍﺭﻳﺖ،،،ﻟﺮﺿﺎ ﻣﻦ ﺳﻤﻌﺖ ﺻﻮﺗﻪ
ﻭﺭﺣﺖ ﻋﻠﻲ،،،ﺍﻧﻪ ﻭﺷﺒﻞ
ﻭﻫﻮ ﺍﺑﺘﺴﻢ،،،ﻭﻣﺪ ﺍﻳﺪﻩ ﻭﺍﺧﺬﻩ ﻣﻨﻲ
ﺍﻧﺪﺍﺭﻳﺖ ﻭﺍﺧﺬﺕ ﻋﺒﺎﻳﺘﻪ،،،
ﻭﻫﻮ ﺳﺎﻟﻨﻲ
« ﻫﺎﺍﺍ ﺷﻠﻮﻥ ﺷﺎﻫﻴﻦ هسه
« ﺍﻟﺤﻤﺪ ﻟﻠﻪ ﺍﺣﺴﻦ،،ﺣﺮﺍﺭﺗﻪ ﻧﺰﻟﺖ
ﺟﺎﻭﺑﺘﻪ ﻭﻫﻮ ﺭﺍﺡ ﺍﻟﻪ،،،،،ﻭﻛﻒ ﻳﻤﻪ
ﻭﻟﺰﻡ ﻭﺟﻬﻪ،،،ﻭﺑﻌﺪﻳﻦ ﺩﻧﻚ ﻋﻠﻲ ﻭﺑﺎﺳﻪ
ﻣﻦ . ﺭﺍﺳﻪ ﻭﻛﺎﻝ
« ﺩﻳﺮﺑﺎﻟﻜﻢ ﻋﻠﻲ،،،ﻭﻋﻴﻮﻧﻜﻢ ﻣﺎﺗﻐﻴﺐ
ﻣﻨﻪ،،،
« ﺍﻱ ﻳﻤﻪ ﺍﻧﻪ ﻳﻤﻪ ﻻﻳﻈﻞ ﺑﺎﻟﻚ
« ﻭﻳﻦ ﺟﺪﺗﻲ،،،
« ﺑﻐﺮﻓﺘﻬﺎ ﻳﻤﻪ،،،ﺭﺟﻠﻴﻬﺎ ﺗﻮﺟﻌﻬﺎ،،،
« ﺍﻓﺎﺍﺍ ﻭﻟﻴﺶ ﻣﺤﺪ ﻛﻠﻲ
ﺣﺠﻴﺖ ﻫﻴﺞ،،،،ﻭﺭﺣﺖ انه
ﻭﺍﺑﻨﻲ ﺍﻟﻬﺎ،،،،
ﻃﺒﻴﺖ،،،ﻭﺷﻔﺘﻬﺎ ﻣﺘﻤﺪﺩﻩ
« ﺍﻟﺴﻼﻡ ﻋﻠﻴﻜﻢ ﻳﺎﺟﺪﻩ
« ﻫﻼ ﻳﺒﻌﺪ ﺟﺪﺗﻚ،،،
« ﻛﺎﻟﻮ ﻣﺎﻟﺞ ﺧﻠﮓ،،،ﻭﺭﺟﻠﺞ ﺗﻮﺟﻌﺞ
« ﺍﻳﻲ ﻭﺍﻟﻠﻪ ﺍﻟﻴﻮﻡ ﻭﺟﻌﻨﻲ ﻭﻣﺎﺧﻠﻨﻲ
ﺍﺗﺤﺮﻙ ﺑﺮﺍﺣﺘﻲ
ﻛﻌﺪﺕ ﺍﻧﻪ ﻭﺷﺒﻞ ﻳﻤﻬﺎ،،،ﻭﻛﻤﻠﺖ
« ﭼﺎ ﻟﻴﺶ ﻣﺎﻛﻠﺘﻲ ﻣﻦ ﺍﻟﻌﺼﺮ ﺟﺎﻥ
ﻭﺩﻳﺘﺞ ﻭﻱ ﺷﺎﻫﻴﻦ،،،
« ﻻ ﻳﻤﻪ ﺍﻟﻤﺎ ﺗﻄﻴﺒﺔ ﻧﻌﻤﺎﻛﺔ ﻣﺎﻳﻄﻴﺒﻪ ﺍﻟﻄﺒﻴﺐ،،
« ﻫﻬﻬﻪ ﻭﻣﻨﻴﻦ ﺍﺟﻴﺒﻠﺞ ﻧﻌﻤﺎﻛﻪ
ﻳﺎﺟﺪﻩ
« ﻭﺍﻟﻠﻪ ﻳﺎﺟﺪﻩ ﺑﻌﺪ ﻣﺎﻳﻔﻴﺪ ﻻﻃﺐ
ﻧﻌﻤﺎﻛﻪ،،،ﻭﻻ ﺩﻭ ﻃﺒﻴﺐ ﻋﺒﻦ
ﺍﻧﻪ ﻛﺒﺮﺕ ﻭﺭﺟﻠﻲ ﮔﺮﺑﺖ ﻟﻠﮕﺒﺮ
« ﺍﺳﻢ ﺍﻟﻠﻪ ﻋﻠﻴﺞ ﻳﺎﺟﺪﻩ ﻻﺗﺤﺠﻴﻦ
ﻫﻴﺞ ﻭﺗﻘﻬﺮﻳﻨﻲ
ﺭﺍﺯﻗﻴﻪ ﻋﺎﻳﻨﺖ ﻟﺮﺿﺎ،،ﻣﻦ ﺣﺠﻪ
ﺑﻀﻮﺟﻪ،،ﻭﺳﺎﻟﺘﻪ ﻭﻫﻲ ﻣﺒﺘﺴﻤﻪ
« ﺗﺤﺒﻨﻲ ﻳﻤﻪ
ﺍﺑﺘﺴﻤﺖ ﻣﻦ ﺳﺎﻟﺘﻨﻲ ﻭﺟﺎﻭﺑﺘﻬﺎ
« ﺍﻳﻲ ﻳﺎﺟﺪﻩ ﺍﺣﺒﻨﺞ،،،
ﻭﻣﻦ ﺍﺭﺩﻥ ﻟﻠﺒﻴﺖ،،ﺍﺭﺩﻥ ﻭﺍﻧﻪ ﺍﺗﻤﻨﻰ
ﺑﺲ ﺷﻮﻓﺘﺞ ﻋﺒﻨﺞ ﺍﻟﺨﻴﺮ ﻭﺍﻟﺒﺮﻛﻪ
ﺍﻧﺘﻲ ﺑﻐﻼﻩ ﺍﻣﻲ ﻭﺍﻛﺜﺮ،،،ﻭﺍﻧﻪ ﺑﻠﻴﺎﺝ
ﻣﺎﺍﺳﻮﻩ،،،
« ﺗﻌﺎﻝ ﻳﺒﻌﺪ ﺟﺪﺗﻚ
ﺩﻧﻜﺖ ﺭﺍﺳﻲ،،،ﻣﻦ ﻣﺪﺕ ﺍﻳﺪﻫﺎ
ﻭﻫﻲ ﺣﺒﺘﻨﻲ ﻣﻨﻪ ﻭﺣﺒﺖ، ،،ﺷﺒﻞ
ﻭﻳﺎﻱ،،ﻭﺣﺠت
« ﺍﻧﻪ ﻣﻦ ﺩﻭﻥ ﻭﻟﺪﻱ ﻭﻭﻟﺪﻫﻢ
ﺍﺣﺒﻨﻚ ﺍﻧﺘﻪ ﻭﺍﻋﺰﻧﻚ،،،،ﻋﺒﻨﻚ،،،،
ﻫﻨﺎ،،،
ﺭﺍﺯﻗﻴﻪ ،،،،ﺣﺠﺖ ﻭﺍﺷﺮﺕ ﻋﻠﻰ ﻗﻠﺒﻬﺎ
ﻭﺭﺿﺎ ﺍﺑﺘﺴﻢ،،،ﻭﺟﺎﻭﺑﻬﺎ
« ﻳﺴﻠﻢ ﮔﻠﺒﺞ ﻳﺎﻟﻐﺎﻟﻴﻪ،،،
ﻭﻫﺴﻪ ﻣﺎﺩﻛﻮﻣﻴﻦ،، ﻭﻳﺎﻳﻪ،،،
ﺍﺭﻳﺪﻥ ﺍﺗﻌﺸﻪ،، ﻭﻻﺯﻡ ﺍﺷﻮﻓﻨﺞ ﻛﺪﺍﻣﻲ
« ﻛﺎﻳﻤﻪ ﻳﻤﻪ ﻋﺒﻦ ﺍﻧﻪ ﻫﻢ ﺿﺠﺖ
ﻣﻦ ﺍﻟﻨﻮﻡ ،،،
ﺳﻨﺪﺕ ﺟﺪﺗﻲ ﻣﻦ ﻛﺎﻣﺖ، ،،،
ﻭﺍﺧﺬﺗﻬﺎ،، ﻟﻠﻬﻮﻝ،،،
ﻛﻌﺪﺗﻬﺎ،،،،، ﻭﺍﻧﻄﻴﺖ،،،ﺷﺒﻞ
ﻟﻮﺭﺩﻩ ﻣﻦ ﺍﺟﺘﻲ ﻋﻠﻴﻪ
« ﺩﻳﺮﺑﺎﻟﺞ ﻋﻠﻴﻪ،
« ﺍﻱ ﺑﻮﻭﻳﻪ ﺍﺩﻟﻞ
« ﺍﻟﻠﻪ ﻳﺮﺿﻰ ﻋﻠﻴﺞ،،،
« ﺍﺑﻮ ﺷﺒﻞ،، ﺍﻟﻌﺸﻪ ﺭﺍﺡ ﻳﺘﺎﺧﺮ
ﺍﻟﻤﺎ ﻳﺠﻮﻥ ﺑﻴﺖ ﺣﻴﺎﻩ
« ﺑﺮﺍﺣﺘﺞ ﺑﻮﻭﻳﻪ،،،،ﻣﺎﻭﺭﺍﻱ ﺷﻲ
ﺟﺎﻭﺑﺖ ﻟﻴﻠﻪ،،،،ﻭﺭﺣﺖ ﺻﻌﺪﺕ
ﺑﺪﻟﺖ ﻭﻧﺰﻟﺖ،،،ﻭﺭﺣﺖ ﻳﻢ ﺭﺟﻞ
ﺟﺪﺗﻲ ﻭﻛﻤﺖ ﺍﻓﺮﻙ ﺑﻴﻬﻦ
« ﻋﻮﻓﻬﻦ ﻳﻤﻪ،،
« ﺧﻠﻲ ﺍﻣﺮﻏﻬﻦ ﺍﻟﺞ،،،ﻫﺴﻪ ﻳﻄﻴﺒﻦ
« ﻳﺒﻌﺪ ﺷﻴﺒﻲ ﺍﻧﻪ ﺑﺲ ﺍﺷﻮﻓﻨﻚ
ﺍﻃﻴﺒﻦ ،،،
ﺍﺑﺘﺴﻤﺖ ﺍﻟﻬﺎ،،،،ﻭﻇﻠﻴﺖ ﺍﻋﺎﻳﻦ
ﻟﻠﺘﻠﻔﺰﻳﻮﻥ،،،،ﺟﺎﻧﺖ ﺍﻻﺧﺒﺎﺭ ﻛﻠﻬﺎ
ﻋﻦ ﻫﺠﻮﻡ ﺍﻟﻤﻮﺻﻞ،،،
ﺫﺑﻴﺖ ﺣﺴﺮﻩ ﻣﻦ ﮔﻠﺒﻲ ﻋﺒﻦ
ﻓﻬﺪ ﺧﺎﺑﺮﻧﻲ،،،ﻭﻭﺻﻰ ﻋﻠﻰ ﺻﻔﺎﺀ
ﻭﻭﻟﺪﻩ،،،
،،،،،،
ﺗﻌﺸﻴﻨﺎ ﺍﺣﻨﺎ ﻭﺑﻴﺖ ﺣﻴﺎﻩ،،
ﻭﺍﻟﺘﻬﻴﻨﺎ ﺑﺎﻟﻀﺤﻚ ﻭﺍﻟﺴﻮﺍﻟﻒ،،
ﻭﺍﻟﺒﻨﺎﺕ ﺍﺳﺘﻠﻤﻦ ﺯﻳﻨﺐ ﺑﺎﻟﺘﺼﻨﻴﻒ
ﻋﺒﻨﻬﺎ ﺟﺎﻧﺖ ﺑﺸﻬﺮﻫﺎ ﻭﺻﺎﻳﺮﻩ ﺑﻄﺮﻳﻖ
ﻭﺗﻤﺸﻲ ﻛﻮﻩ
« ﻭﻟﺞ ﻫﺎﻱ ﺑﻌﺪ ﺷﻮﻳﻪ ﺗﺠﻴﺐ
ﺷﻮﻓﻴﻬﺎ ﺗﺎﺧﺬ ﺍﻟﻨﻔﺲ ﻛﻮﻩ
« ﻻﺍ ﻋﻔﻴﻪ ﻟﻴﻠﻪ ﻻﺗﺤﺠﻴﻦ ﻫﻴﺞ
ﺍﺧﺎﻓﻦ،،،
« ﻛﻮﻟﻲ ﺍﻟﻠﻪ،،،،ﻭﺍﻧﺘﻲ ﺗﺸﻮﻓﻴﻬﺎ
ﺗﺼﻴﺮ ﺳﻬﻠﻪ
« ﺷﻜﻮ ﺧﺎﻳﻔﻪ، ،ﺩﺷﻮﻓﻴﻬﺎ ﻟﻠﻴﻠﻪ
ﺫﺑﺘﻬﻢ ﺗﻮﻡ ﻭﻛﺎﻣﺖ،،،ﻛﻠﺸﻲ
ﻣﺎﺑﻴﻬا
ﻋﺎﻳﻨﺖ ﻟﺴﻬﺎﺩ ﻣﻦ ﺣﺠﺖ
ﻭﺍﻡ ﺭﺿﺎ ﺟﺎﻭﺑﺘﻬﺎ
« ﺻﻠﻲ ﻋﻠﻰ ﻣﺤﻤﺪ ﻳﻤﻪ،،،ﻭﻛﻮﻟﻲ
ﻣﺎﺷﺎﺀ ﺍﻟﻠﻪ ﻣﻮ ﺯﻳﻦ ﻫﻴﺞ ﺗﺤﺠﻴﻦ
ﺳﻬﺎﺩ ﺫﺑﺖ ﺍﻟﺴﻔﺮﻩ،، ﻣﻦ ﺍﻳﺪﻫﺎ
ﻭﺭﺩﺕ ﺍﻡ ﺭﺿﺎ
« ﻭﻟﻴﺶ ﺍﻛﻮﻟﻦ ﻫﻴﺞ ﻗﺎﺑﻞ ﺍﻧﻪ
ﺍﺭﻳﺪﻥ ﺍﺣﺴﺪﻫﺎ،،،،
« ﻻ ﺧﻄﻴﻪ ﺣﺸﺎﺝ ﺍﻧﺘﻲ
ﻣﺎﺣﺴﺪﺗﻴﻬﺎ ﺍﺑﺪﺍ
ﺻﻔﺎﺀ ﺟﺎﻭﺑﺘﻬﺎ ﻭﻫﻲ ﺧﻮﺯﺭﺗﻬﺎ
ﺑﻌﻴﻮﻭﻧﻬﺎ ﻭﺭﺩﺗﻬﺎ
« ﺍﻡ ﻳﻮﺳﻒ،،،ﻻ ﺗﺒﺴﻤﺮﻳﻦ ﺗﺮﺍﻧﻲ
ﺍﻋﺮﻓﺞ ﻗﺼﺪﺝ،،،،
« ﻫﺎﺍﺍ ﺷﻨﻬﻲ ﻣﺎﺳﻤﻌﺘﺞ ﺯﻳﻦ
ﻋﻴﺪﻱ ﺑﻠﻪ ،،، ،،،ﺍﻛﻮﻟﻦ ﺳﻤﻌﺖ ﺍﺣﺪ
ﺣﺠﻪ
ﺻﻔﺎﺀ،،،،،، ﺧﻠﺖ ﺍﻳﺪﻫﺎ ﻋﻠﻰ ﺍﺫﻧﻬﺎ
ﻭﺳﻮﺕ ﻧﻔﺴﻬﺎ ﻣﺎﺗﺴﻤﻊ،،،
ﻭﺍﻟﺒﻨﺎﺕ ﻃﻜﻦ ﻣﻦ ﺍﻟﻀﺤﻚ،،،
ﻭﺳﻬﺎﺩ،،،ﻃﻠﻌﺖ ﻣﻦ ﺍﻟﻤﻄﺒﺦ ﻭﻫﻲ
ﺗﺪﺭﺩﻡ
« ﻋﻮﺫﻩ ﻣﻦ ﻋﻴﻮﻧﺞ،،،،،ﺭﺍﺡ ﻳﺼﻴﺮ
ﺑﻠﻴﻠﻪ ﺷﻲ،،،
« ﻛﻮﻟﻲ ﺍﻟﻠﻪ ﻳﻤﻪ ،،،ﺷﺮﺍﺡ ﻳﺼﻴﺮ
ﺣﺠﻴﺖ ﻫﻴﺞ،،،ﻭﺍﻧﻪ ﺍﺿﺤﻚ ﻭﺍﻟﺘﻬﻴﺖ
ﻭﻱ ﺍﻟﺒﻨﺎﺕ ﺑﺘﻨﻈﻴﻒ ﺍﻟﻤﻄﺒﺦ،،
ﻭﺭﺣﺖ ﺍﺻﺐ ﺟﺎﻱ،،، ﻭﺍﻧﻪ ﺍﺿﺤﻚ ﻭﻱ ﺻﻔﺎﺀ ﻭﺍﻟﺒﻨﺎﺕ، ،،،،،ﺷﻠﺖ ﺍﻟﻘﻮﺭﻱ
ﻭﻣﺎﺣﺴﻴﺖ ﺍﻻ،،، ﺍﻟﻴﺪﻩ ﻣﺎﻟﺘﻪ
ﻓﻠﺘﺖ ﻭﺍﻧﻜﺴﺮﺕ،،،،، ﻭﻭﻛﻊ
ﻋﻠﻰ ﺑﻄﻨﻲ ﻭﺭﺟﻠﻲ
ﻃﻔﺮﺕ ﻣﻦ ﻣﻜﺎﻧﻲ ﻋﺒﻦ ﺍﻟﺠﺎﻱ
ﺟﺎﻥ ﺣﺎﺭ . ﻭﺻﺮﺧﺖ، ،،،،
« ﺍﻭﻳﻠﻲ ﻳﻤﻤﻤﻪ
ﺣﺠﻴﺖ ﻫﻴﺞ،،،ﻭﻣﺎﺣﺴﻴﺖ ﺍﻻ
ﺭﺿﺎ ،،،،ﺍﺟﻪ ﻳﺮﻛﺾ ﻭﻭﺭﺍﻩ ﺍﻣﻪ
« ﻭﻟﺞ ﺷﻤﺎﻟﺞ،،،ﺻﺮﺧﺘﻲ
« ﺑﻮﻭﻳﻪ ﻭﻛﻊ ﺍﻟﺠﺎﻱ ﺍﻟﺤﺎﺭ ﻋﻠﻴﻬ
ﺭﻭﺣﻲ ﻓﺮﻓﺤﺖ ﻭﻭﺧﺮﺕ ﺍﻟﺪﺷﺎﺷﻪ ﻭﺍﻧﻪ
ﺍﻫﺰ ﺑﺎﻳﺪﻱ ﻭﺍﺑﺠﻲ
« ﻳﻤﻪ ﺍﻟﺤﻜﻴﻨﻲ ﻃﺎﺭﺕ ﺭﻭﺣﻲ،،
« ﻭﻟﺞ ﻏﻴﺮ ﺍﺩﻳﺮﻥ ﺑﺎﻟﺞ،،،
« ﻳﻤﻪ ﻣﻮ ﺻﻮﺟﻬﺎ،،،،ﺍﻟﻘﻮﺭﻱ ﺍﻧﻜﺴﺮ
ﺑﺎﻳﺪﻫﺎ ،،،
ﺩﻓﺮﺕ ﺍﻟﻘﻮﺭﻱ ﺑﺮﺟﻠﻲ ﺑﻘﻮﻩ ﻣﻦ ﺷﻔﺘﻬﺎ
ﺗﺒﺠﻲ ﻭﺭﻭﺣﻬﺎ ﻓﺮﻓﺤﺖ ﻭﻛﻮﻣﺘﻬﺎ
ﺍﻧﻪ ﻭﺻﻔﺎﺀ،،،ﻭﻭﺩﻳﺘﻬﺎ ﻟﻠﺤﻤﺎﻡ ﻭﻫﻨﺎﻙ
ﻧﺰﻋﻨﻬﺎ ﻭﺷﻔﺖ ﺍﻟﺤﺮﻙ ﭼﺒﻴﺮ ﻳﻢ ﺑﻄﻨﻬﺎ
ﻭﺭﺟﻠﻴﻬﺎ ﻭﻓﺨﺬﻫﺎ ﻭﻳﺎ
« ﺭﺿﺎ ﻻﺗﻠﺰﻣﻪ ﻳﻮﺟﻌﻨﻲ،، ﺍﺍﺥ ﻳﻤﻪ
ﺭﻭﺣﻲ ﻓﺮﻓﺤﺖ،،،،
« ﺭﺿﺎ ﻫﺎﻱ ﺍﻻ ﻣﺴﺘﺸﻔﻰ
ﻻﺗﺬﺏ ﻣﻲ ﻋﻠﻲ ﺍﺧﺎﻑ ﻳﻠﺘﻬﺐ،،،
ﺍﻣﺸﻲ ﺧﻠﻲ ﻧﻮﺩﻳﻬﺎ ﺍﻟﺤﺮﻙ ﺟﺒﻴﺮ
« ﺷﻤﺎﻟﻜﻢ ﺍﻟﻴﻮﻡ وكعتو
ﻭﺍﺣﺪ ﻭﺭﻩ ﺍﻟﺦ،،،ﺍﻣﺸﻲ ﺟﻴﺒﻠﻴﻬﺎ
ﻏﻴﺮ ﻫﺎﻱ ﺍﻟﺪﺷﺎﺷﻪ ﻭﻧﺰﻟﻲ ﺍﻟﻌﺒﺎﻳﻪ
ﻭﻳﺎﺝ ﻭﺍﻟﺒﻮﺷﻴﻪ
ﺧﻠﻲ ﻧﻮﺩﻳﻬﺎ ﺑﺴﺮﻋﻪ
ﺻﻒﺀ ﻃﻠﻌﺖ ﻭﺍﻧﻪ ﺳﻨﺪﺕ ﺭﻭﺣﻲ ﻋﻠﻲ
ﺭﺿﺎ ﻭﻛﻤﺖ ﺍﺑﺠﻲ ﻭﺍﺷﻬﻚ،،
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
