رواية حظ عاثر الفصل الرابع و العشرون بقلم ليل ادم
أم أيمن: يخربيتك يا حماده عملت اي في الراجل
حماده: فوق يا عنتيل
الأم: ( بصوت عالي) يا ادهم ادهم
أدهم: عايزين اي
الأم: عمك جمال بيموت انزل بسرعه نروح المستشفى
ادهم : طب خلاص نازل
في المستشفى
حماده: فوق يا عنتيل بلاش تقهر قلبي عليك
ادهم : الله يخربيت امك الراجل فصل شحن خالص
حماده: من فرحتي بي والله
الدكتور: ماله تاني
ادهم : خد اكتر من علبه برشام
الدكتور: برشام اي بينتحر يعني
حماده: اه
الدكتور: خلاص ماشي متقلقوش اللي زاي ده لايمكن يموت
أم أيمن: يا اخويا قول الله اكبر
الدكتور: ( بص ل الممرضه ) يدخل يعمل غسيل معده
الممرضه : حاضر
الدكتور: ويخرج يمشي ده ميقعدش هنا يوم واحد انتي فاهمه
الممرضه : فاهمه
جمال: غسيل معده اي بقولك قلبي اللي وجعني يابن الهبله
الدكتور: الله يسامحك ويخدك يا اخي
سعيد : ( خرج من غرفته على صوت الدوشه ) اي ده عم جمال انتا لسه عايش
جمال : أبعد أيدك هتوسخ الجبس يابن الهبله
حماده: ربنا استجاب ل دعائي يا سعيد
سعيد : استجاب اي ما الراجل بيفرفر اهو
أم أيمن: بعد الشر عليه اسكت والله ازعل منك يا سعيد
جمال : ربنا يخليكي ليا ياست الكل انتي يا متأسسه
أدهم: متأسسه دنتا قديم اوي
الممرضه : ( شدت السرير) بعد اذنكم
حماده: قلبي معاك يا عنتيل
رحاب : ( جت على المستشفى مع ام أدهم )
ادهم : كنتي رجعتي البيت الوقت أتأخر اوي يا بنتي
رحاب : لا طبعاً هو أنا هسيبك في موقف ذاي كده
الأم: عمك جمال عمل اي
ادهم : ذاي القرد هيعمل غسيل معده وخارج
الأم: يا فرحه قلبك يا حبيبه
ادهم : هو في اي صحيح أنا شايف حنيه مبالغ فيها اوي من حبيبه
رحاب : شكلها بتحبه والله
الأم: لا مش شكلها ما خلاص أعترفت أنها بتحبه
ادهم : اي ده ام ايمن انتي بتحبي جمال بجد
أم أيمن: بس بقا يا ادهم ادعي يطلع منها على خير
ادهم : يبقا لسه بتحبيه
أم أيمن: سكتت
ادهم : طب وعم سامي يا بنتي
أم أيمن: لا ياعم أنا مش هبعد عن جمال تاني
ادهم : صحيح القط بيحب خناقه
حماده: خود يانجم
ادهم : انتا جبت الورق ده منين انتا كمان أنا كنت قالب عليه الدنيا
رحاب : اي ده مش ده ورق القضيه
حماده: اه هو
رحاب : كان بيعمل معاك يا حماده يخربيت عقلك ل يكون حاجه ضاعت من الملف
حماده: لا لأ كل حاجه معاكم
ادهم : طب خدته ليه يابني
حماده: كنت بسترجع الذكريات بس
ادهم : ولقيت حاجه مفيده
حماده: اه طبعاً يا نجم اصلي كنت مطبق وقاعد مع الورق ده اي خدمه
رحاب : ايوه يعني لقيت اي
حماده: مكتوب عندك علشان أنا نسيت يا نجم
ادهم: نسيت اي انتا اهبل ياض
رحاب: خلاص خلاص المهم أن الأوراق كامله بس
ادهم : ايوه فعلاً
سعيد: هيا امل فين
أم سعيد: الله انتا مش قولت بلاش تخرج من البيت
سعيد: اي ده هيا من ساعتها قاعده في البيت
أم سعيد: اه والله يعيني قاعده تحت رجلي من غير ما اطلب تعملي اللي عايزه ربنا يبارك فيها يارب بت بنت اصول
الأم: سمعت كلام امك علشان تعرف أن محدش بياخد كل حاجه
ادهم : اه والله فعلاً
رحاب: تعالي نشرب حاجه يا ادهم دماغي مصدعه اوي
ادهم : علشان كده قولتلك بلاش تيجي على هنا تعالي ( وخد ايد رحاب ونزل البوفيه )
رحاب: معلش يا ادهم تعباك معايا
أدهم: لا طبعا أنا بحب اكون معاكي أصلا اي اللي بقوله ده في اي ( وبيضحك)
رحاب: ( بتضحك)
أدهم: تشربي قهوه
رحاب: اكيد و يسلام بقا لو تطلع شبه اللي بتعملها في المكتب وانتا رايق أصل وانتا رايق بتبقا حاجه تانيه خالص
ادهم : لا اقفي هنا علشان هسألك في الكلام ده بس استني اعملك القهوه بأيدي كمان
رحاب: اذاي بقا
ادهم : هاتي ايدك
رحاب: ( مدت أيديها ل ادهم)
ادهم : ( دخل على عامل البوفيه اتكلم معاه في ودنه كلمتين )
عامل البوفيه: اتفضل المكان كله تحت امرك اتفضل
ادهم : اقعدي هنا يا رحاب
رحاب : انتا قولتله اي
ادهم : هقولك لما نخرج المهم كملي أصل بحب الكلام الإيجابي عني خودي راحتك
رحاب : مش بهزر والله هقولك سر محدش يعرفه غيرك انتا الوقتي
ادهم: قولي
رحاب : تعرف انك اليوم اللي وصلت في المكتب كان جالي عرض من مكتب تاني وكنت فعلاً ماشيه
ادهم: ده بجد
رحاب: اه والله
ادهم : افهم من كده اني سبب الرجوع في قرارك
رحاب: بصراحه ومش كلامي لوحدي كل المكتب بيقول انك عملت حس و بهجه كده في المكتب من يوم ما دخلت رغم انك بتعمل مشاكل أد كده
ادهم : تعرفي سبب أني أكمل في المكتب أصلا اي
رحاب : اي
ادهم : ( حط القهوه قصاد رحاب )
رحاب : متقول
ادهم: اني بحبك
رحاب : ( بصت ل ادهم مستغربه ) اي ده
ادهم: اه والله ذاي ما سمعتي كده
رحاب : ليه الوقتي قولت كده
ادهم : خلاص مش حابب أني أخفي جوايا اكتر من كده وبيني وبينك مش بحب جلاد الذات
رحاب : مش فاهمه
ادهم : يعني لو فضلت كاتم احساسي بيكي جوه مني لحد ما بعدنا عن بعض ل سبب ما هيفضل دائما يطاردني صوت جوه مني اني كان لازم اعترف وخصوصاً أني شايف انك عندك نفس الشعور
رحاب : ( مبتسمه ) يعني انتا شايف اني عندي نفس الشعور ليك
ادهم : من زمان بس كنت بكدب على نفسي بكلمه أنا فين وانتي فين بس شوفت في عينك الحب ليا كتير اوي علشان كده تشجعت اني أخد خطوه جديا في الموضوع
رحاب : اقولك حاجه
ادهم: قولي
رحاب : أنا بحبك
أدهم: طب اي ارمي القهوة دي ونجيب شربات ولا اي
رحاب : ( بتضحك) بس بقا كفايه هزار
ادهم: تعرفي أنا كنت خايف من الموجهة دي ومتردد منها اوي
رحاب : أنا بقا من غير ما تزعل كنت بقول عليك مش بتحس اتاري حضرتك حاسس وعامل عبيط كمان
ادهم: أنا عبيط
رحاب : لا عامل عبيط بس انتا مش عبيط ولا حاجه انا اسفه انتا زعلت ولا اي
ادهم: لا طبعا مش زعلان بهزر معاكي
رحاب: بس الفرحه كلها أنها كانت في وقت غير متوقع اني مش مصدقه انك أخيراً أتكلمت
ادهم: أصل أنا قولت خلاص بقا أنا اعترف ولو رفضت كده كده مش رايح المكتب تاني
رحاب : اي ده يعني مش جاي المكتب تاني
أدهم: لا طبعا جاي ما انتي قبلتي يابنتي ( وخرج من مكان تقديم الطلبات من البوفيه ومد ايده ل رحاب قامت وقفت ضمها في حضنه )
في اللحظه دي كانت أم أدهم و معاها ام ايمن قصاد باب البوفيه
أم أيمن: ( أول ما شافت ادهم و رحاب ) الحقي يا فاتن
فاتن : ينهار اسود يا قليل الادب
أم أيمن: ( مسكت أيد فاتن) رايحه فين
فاتن : البت ترقع بالصوت الناس تقول على الواد متحرش نروح في داهيه
أم أيمن: متحرش اي يا متخلفه دا كلامي طلع صح والبت بتحبه
الأم: اي ده معقول
أم أيمن: تعالي وانتي تصدقي
الأم : ( أول ما اقتربت وشافت ضحكه رحاب تأكدت من كلام ام ايمن وبدأت في الزغاريد بصوت عالي جدا)
أدهم: اي يا فاتن بتعملي اي
الأم: اسكت يا واد سبني افرح ( وخدت رحاب في حضنها )
رحاب : عارفه أنا قبلت اتجوزه بس علشان تكوني حماتي
الأم: وأنا لو كنت حلمت طول عمري ب عروسه ل ادهم عمري ما كنت هحلم ب عروسه ل ابني اجمل ولا اطعم ولا احسن منك يا رحاب
أم أيمن: وعمك جمال كمان خرج من العمليات وبقا تمام يا عم الحبيب انتا
ادهم : بجد
أم أيمن: أه والله
رحاب : مبروك ربنا يتمم شفاه علي خير يارب
أم أيمن: (ضمت رحاب في حضنها ) وافرح بيكي انتي وادهم يارب يا حبيبتي
ادهم : تعالي نشوف عم جمال عمل اي
رحاب: ياله
في جانب
حماده علبه: (دخل ل جمال الغرفه )
جمال: اطلع بره يا حماده مش عايز منك حاجه
حماده: ياجدع بلاش تزوق ايدي كده عيب أنا بقولك حمدالله على السلامه
جمال : (بصوت عالي) الحقوني يا ناس ياللي بره اااااالحقووووووني
ادهم : اي ده في اي
سعيد : مش عارف انا جيت على الصوت جري برضوه ( فتحو الباب كان حماده مصمم يطلع جمال من جوه الجبس )
ادهم: الله يحرقك اوعا ايدك سيب الراجل
جمال : طلع ابن المجنونه ده بره يا ادهم
أم أيمن: يانهار أبوك اسود بتعمل اي يابن المبرشمه ايدك والراجل
جمال : حبيبه الواد ده يطلع بره خليكي جمبي هنا
حبيبه: عيوني يا حبيبي اطلعوا بره كلكم ياله
الدكتور: ( دخل على صوت الخناق ) اي ده يا شويه أوباش ياولاد الكلب هو أنا اي معنديش غيركم بره
ادهم: يادكتور عي
الدكتور: (قطع كلام ادهم) ياله ياشويه عرار دنا ساكت من أول يوم شوفت خلقتكم في بلا قرف بره كلكم بره
بدل ماتدور وتبحث علي الروايات خليها علي تليفونك وحمل تطبيقنا
