رواية بين الحب والأسر الفصل الرابع والعشرين 24 بقلم أمل مهدي
ياسر....
رشا ضميلي هاي الامانه يمج
....شنو امانتيش
....صديقي وسام خلاهه يميي
...يول مو تكول صايغ وصايغ ما عنده قاصه يضم افلوسه بيه
ياسر.....رشا هسه هو بالاردن
يتعالج بس يرجع احتمال اروح
البغداد انسوي شغل سويه اني
ويا
.....عجل واهلك وناسك تعوفهم
ورى ظهرك
......يولي ابغداد ما كلت مهاجر
لاوربا
.....ياسر احچيلي الصحيح ليش عايف بيت ابوك
....جريت حصره احس روحي ورقه محتركه رماد كلشي بيه رماد
الفات مات يا بنت ابوي لا تكلبين
بالموته
رشا....ياسر من انت رحت امي
زاد مرضه عمي تكفلنه
واحنه جنه طوع امره اول ناس دكو بابنه خطابه انطه شهلاء وكحلاء
همزين خوش ناس
ومن ماتت امي اخذني اني ورنا
الولده ونطه شهله السيف وزوجهم من عنده
يعني جان يفصلنه واحنه نلبس
ياسر....اني جنت متوقع الگاهه مزوجه
وما همني من شفت جاهل ابحظنه
بس الهدمني تاخذ اخوي
رشا ....لا تلومه يول هيه تكدر تحجي ويه عمك
ياسر...وانت ليش ما حجيتي موجنتي مرسال بينه ليش ما كلتي السيف
رشا.....شهله ما رضت احجي
لا تكبر السالفه ويطيهه عمي
الرحمن
ياسر....رحمن منو
رشا....هذا البنچري البراس فرعنه جان مفتح
ياسر....يعني هيه رضت
رشا....اي ياسر انت طولت والحرب خلصت ظلت تعاند عمي وترفض
تالي رضت بنصيبه وسكتت
ياسر.....لو ماخذه الغريب ولا اخوي
رشا ....يولي انسه والله بس اشر
لجيبلك ست الحسن
ياسر....اني هسه ماريد لا ااشر ولا اتزوج
اسويلي شغل والله كريم
اندكت الباب....
ياسر...
فهد ياهله بزلمتي
....هله بيك عمي ...عجل ماتجينه
اشتاقيتلك والله
ياسر......هههههه والله اشتاقيتلي
يا بعد عمك
فهد.....انه جاي اخذك نرجع للبيت
ياسر.....باوعله... نرجع ابو الفهود
دامك جاي ما اخجلك
رشا....... فدوه لابو الفهود
ياسر رجعت البيت ابوي فهد حبيته واثر بيه
واني اصلا گلبي مات
گمت اتحاشاهه حدي الاستقبال
انام بيه... والتليفون حولته بيه
حتى اعرف اخبار وسام
اخواني شايليني بالصلوات
راجعت على رواتبي ونطونياهن
طلعلي مبلغ خير وبركه
سيف... يول خلينه نزوجك ونفرح بيك
ياسر....مو هسه اريد اسوي شغل
هشام....شنو ابراسك تشتغل تكسي
لو تفتح محل
ياسر.....لا هاي ولا هاي انه امتاني
خويي وسام ونشوف اشنشتغل
سيف....بيه الخير
اشتحتاج احنه بظهرك حتى اذا ردت فلوس عندي جم فلس امجمعهن
ما يغلن عليك
دبر حالك بيهن
ياسر ....تسلم يخوي عجل من احتاج المن اروح الله يحفظكم
سراب.....
انتبهت على الطبيبه
اني ووسام المفاجأه سكتتنه
ابد ما توقعت الخبر
كلشي خطر على بالي اكون مريضه بي بس حمل
وسام....متاكده دكتوره
الطبيبه...اي لكان هادي التحاليل
ثبتت عندا حمل زوجتك
التفتت على سراب
دسمعين شتكول
سراب المفاجاه لجمت اللساني
ما عرفت شكول
بس اذكرت الايه الطلعتلي بالجكليته
قبل اكثر من شهر،
ولسوف يعطيك ربك فترضى
نزلت ادموعي واني اردداللهم اني راضيه
والله راضيه احمدك ربي
حضني وسام الحمد لله...يحجي ويه نفسه
ربي خجلتني ما اعرف اشلون احمدك واشكر فضلك
سراب معقوله تتحقق امنيتي هيج ابسرعه
وخرني من حضنه
شاف بس ادموعي واحمد ربي
وسام.....شوفي العوض من الله اشكد حلو
سراب....الحمد لله
خلص المغذي ...اخذني بايده
وصعدنه الغرفتنه (الردهه)
واحنه شعور الفرح والرضى يغمرنه
سراب...اخذت ملابس اسبح
وسام ....وين
....اسبح
....اني اسبحج منا وهيج انت مسؤليتي
.....هاي شنو بدلنه الادوار
.....من نرجع اريد تاخذين اجازه
ما اريد تتعبين ابد
حتى ابنه هم يطلع مرتاح
.....ويجوز بنتنه
.....ياريت تدرين افتخار جانت تتمنه تجيه ابنيه بس ما صار وهسه حسام وسامر هم ماعدهم بنات
المهم سلامتج وتمام الخلقه
سراب.....وسام ليش هواي اسمعكم تسمون امكم باسمه انته وحسام
وسام.....ههههههه
هاي تعلمناهه من ابويه
جان ما يصيحله باسمه كله عمري حبيبتي
بس لمه يكون زعلان عليه يصيحله
باسمه واحنه تعلمنه من احنه زغار
نفس الطريقه
لان افتخار كلمته وحده وعنوديه
فاذا مزعلتنه اصيحله باسمه واذ لا انصيحله ماما
بس جانت تحب ابويه
وصفن اشويه ...كانه يتذكر
وتحبنه هوايه
من ثاني يوم بدت الجلسات
وحدد الطبيب خمس جلسات اشعه الها فد مصطلح طبي وبعدين
يعيد الفحص
وبده علاج العين الثانيه بيه تلوث
نوع من الجراحه
والحمد لله
خلصت جلسات الخمسه و والفحص اثبت اختفاء بقعة النزف تماما
نظري اتحسن بظرف ١٥ يوم القضيناهن بالمستشفى
وبدو علاج عيوني بيومين أعلن الطبيب شفائي الكامل
ولبسني بيده النظارات الطبيه
الحلو بالأطباء مالتهم ينطون مده الكل علاج مضبوطه يعني واثقين من علاجاتهم
اليوم نغادر المستشفى
كلف مصاريف العلاج حوالي ١٢ الف دولار
ما بين العلاج والجلسات والاقامه بالمستشفى
طلعنه وودعنه الطبيب والممرضين وام عايد المره الطيبه
رجعنه للفندق
البي عمو خليل
كان عدنه عشر ايام قبل رجوعنه البغداد خلصناها بالسوق
مشتريات النه وهدايا اشترينه للكل رغم الاردن غاليه مو مثل العراق
وبدينه نتهيا للرجوع سويه
الى بغداد
وسام....الو حسام اشلونك
حسام......اسال عليك اشلون صرت
....اني عال العال كمت اشوف
فتحت حسام بفضل الله وفضلك
....اني مالي فضل عليك هاي افلوس ابوك وهذا حقك
......ابشرك حسام راح يجيني طفل
......صدك زوجتك حامل الف مبروك
الله يتمملكم على خير فرحتني بهذا الخبر وسام
......لعد كول لفتخار بلكت تطمن
وتفرحلي
........الله كريم لازم يجي يوم والله يهديه عليك المهم افرح لا تفكر
.....حسام جهزلي سيارتي مشتاقله
.....جاهزه وعيونك
سراب ...
بعد يومين نرجع اخذت وسام ورحنه للسوك
اشتريتله ملابس وعطورات
وعمو جليل اخذه للحلاق رتبه
سراب _ باوعتله لايكتلك النظارات راح ترجع غير شكل
وسام.... اي اليشوفني يگول هو وبس
سراب.... انته فعلا ماكو مثلك لا تقلل من شانك كافي الكلب الشايله واني بي
سراب ....
دخلنه صالة الانتظار بمطار بغداد
ولكينه ياسر وحسام
وبعدنه واكفين ودخلو رائد وامي
اشكد فرحت من شفتهم...امي جانت امفرفحه على شوفتي
حضنتني ولزمت بطني الحمد لله
على سلامتكم
نحمد الله ونشكره ردلك نظرك يمه وسام
وسام....
شكرا خاله الله يحفظج
اباوع الحسام وياسر
ذوله الاثنين احسهم اقرب ناس اليه
ما عافوني من جيت لليوم
ياسر......
لك خويي ابو السوم الحمد لله رجعتلنه بالسلامه
لك شنو هاي بعرسك ما طلعت بهشكل
وسام....ههههه حبيبي جنت ادري بيك راح تجيني
....عجل اعوفك وجايب هاي الاخبار التشرح الگلب
....تسلم
اشلونك حسام
حسام ...
امشي وياي للبيت
وسام...ما اكدر خليني اروح البيتي
احسن
خليل ....لا عمو امشي عندي حجي وياكم كلكم
سراب....روح وسام واني رايحه
ويه رائد اشوف اهلي
وسام .....بليل ارجع للشقه
سراب ...
ماشي
خليل...
كاعد بين عمامي وعوائلهم واخواني
رغم فرحانين بيه بس احس نفسي غريب
وهذا البيت العشت بي طفولتي وشبابي
احس متقيد ما ماخذ حريتي بي
ياسر نزل ابنص الطريق وكال نبقى على اتصال
واني اجيت اشوف عمو خليل اشعنده...
عمو حسام سامر ام وسام يابه ما طول الكل منجمع اليوم عندي امانه من عزيز
اريد گدامكم اسلمه الصاحبه
....الكل سكت ولتفت..
افتخار....امانتيش ابو رواء عزيز
ما حجالي شي
خليل....عزيز اخر ايامه ترك وديعه بالبنك المركزي العراقي باسم وسام
وهذا المفتاح والكارت بي الرقم
هاك عمو اني هسه ارتاحيت من تمرضت خفت اموت ولهذا اني بالاردن ووصيت جليل على كل شي بس الحمد لله الله يسر وسلمته
الصاحبه
افتخار...زين ما كلك عزيز شنو هاي الوديعه
خليل......والله يا ام وسام بس عزيز والله يدري ترى ما حاجيلنه الله يرحمه
حسام.....باجر اخذك ونروح انشوف
مو وسام
وسام تمام...
جليل.....عمو اني هم اجي وياكم
ثاني يوم رحنه وفتحنه القاصه
البأسم وسام
ونلكه رساله وسبيكتين ذهب ام الكيلو
وسام ....
طلعنه واني كل ذكريات ابويه
بدن مثل دفتر واكلبه ذكرى ذكرى
هواي سالت نفسي
شسوه ابويه من سمع بيه تاسرت
ولو هو موجود يسوي ويايه مثل ما سوت امي
ما اضن...
وصلنه البيت والكل عرف شنو الوديعه بقت الرساله
اخذته ودخلت الاستقبال... اريد
اكون وحدي...
مكتوب على الضرف اسمي
فتحته لكيت كاتبلي كلمات قليله
بس حسيت من خلاله اشكد جان يتعذب وهو يفكر بيه
(بسم الله الرحمن الرحيم)
وسام...ابني
اتمنه الرساله بين ايدك وانت اول واحد يقراها
هواي اتالم وانت بعيد عني وتعاني واني مااكدر اساعدك
تركتلك رصيد الذهب تعويض وضمان الك
لان ما اعرف اشوكت ترجع لو الوكت الترجع بي اشلون يكون
ابوك عزيز ابراهيم
يخاف اجي ابوكت متغيره بي الكلوب
ولهذا تركلي هذا الذهب
نزلت دموعي واني اقره كانه كان
يعرف بكل معاناتي ويتالم للمصير
الوصلت اله
اسمعهم يحجون
سامر....اله كيلوين ذهب وباجر يشاركنه بذهب المحل
حسام....ابوك وبكيفه شنو انت تحاسبه
خليل....بابا سامر هذا اخوك حزام
ظهرك لا تفرط بي
ابوكم عافلكم خير انتو واولادكم
تاكلون العمر بي وما يخلص
اخوكم اتاذه واجه الوكت يرتاح
افتخار......اي وتالي ابخت سراب
الخ.....مه
جليل.....شنو سالفتج ويه البنيه
والله شفته مثقفه واخلاق وتموت
على وسام
جوزي ام وسام ابنج اسحبي الج
عوضي عمره الفات
وسام.....
اسمعهم يحجون.....واتألم
اي بابا صدق ضنك اني
داحس غريب ابيتي
ليث....
من خطبت لليوم ما وصلت اهلي
الاوضاع موزينه ما اشجع على
الاستثمار
هوايه نسمع التهديدات الامريكيه
للعراق
الوضع ما يشجع على الدخول بالمناقصات
واني مثل انتكست بردت حتى الدائره مكمت اروحله
رغم اطلب الدوله ملايين
لان ادري سراب ماخذه اجازه
ابو عزام....الو شلونك يابه ليث
وينك يبوك ما تسال
ما تكول اسال على اهلي بنت عمي
ليث....شغلي هواي
ودا احاول الم فلوسي
ابو عزام ...بيه الخير يابه
انه حددت شهر الثالث زواجك
ليث...ما ادري اشوف وضعي
ابو عزام....وضعك انت رتبه
الموعد ما يتغير يابه
ليث....انزعجت بس ماكو مفر من الوالد كلمته سيف على رگبتي
خلص بكيفك يابه
رائد......السلام عليكم
ليث...عليكم السلام ...وين جنت
رائد....جنت بالمطار اختي وزوجه رجعو من عمان
ليث....وشلون صار زوج اختك
رائد....كلش زين معالجي الاشعه
مدري ما اعرف شسمه
يعني ما محتاج عمليه براسه
ونظره عال العال
ليث....الحمد لله على سلامته
راىد.....الله يسلمك...
اشبيك اشو مو على بعضك
ماكو شي...بس الوضع مو. تمام
اطلب ملايين ودشوف الدوله تاهت
رائد....اگولك صدك اسويه امريكا وتحتلنه
ليث ....كلشي اتوقع
هاي امريكا
مناقصات ميته كلهه تافهه وارباحه قليله
رائد ....هسه لو سراب اداوم جان ساعدتك
بس بعد سنه يمكن ما اداوم
ليث....انتبه ليش راح اتبطل
رائد....لا بس ولي العهد جاي مقرر ابو يكعدهه بالبيت
يريحه
والله سراب هواي تعبت
وعانت خليه ترتاح
ليث....صفن سرح يعني حامل
استلم ليث هاي ثاني كفخه بلكت توعه
رائد....
هسه شنو نزوج لا هبطت معنوياتي
ليث...يله اشوكت اتريد اني حاضر
شهر الاخ اخلصه بتكريت
الوالد حدد موعد الزواج
رائد شنو قصتك اشو تحجي بدون نفس
ليث ....جر حصره
ماكو شي
سراب....
ظليت يم اهلي فرحانين بيه
وفرحانه بيهم
خابرت شيماء
الو....شيماء
..... هلو حبيبتي سراب الحمد لله على سلامة وسام
فرحتلكم هوايه الله يتمملج على خير
اني راح اجي بخطبة رائد ويه ابراهيم واشوفج
....شنو رائد يخطب اشو ما كالي
....هو انتظرج تجين ياله يتقدم
....ومنين هاي وين لكاهه
.....ويا بشركة ليث تشتغل
.... ها الله يسهل
كاعده وكلساعه اباوع للساعه ما اتصل وسام
...دك التليفون
الو....وسام
الو....سراب خلي يجيبج للشقه رائد اني تعبان
....خير يا عمري ليش تعبان
....ما كو شي تجين وتعرفين
سديته التليفون
واني عقلي اتشنج من الخوف والتفكير
سراب.....
عفيه رائد وديني للشقه
يله كومي اخذ ويانه شهد وعقيل
ونيران
وصلت كان هو هستوه واصل
فتحلي الباب
كعدو اشويه رائد وعقيل وشهد ونيران
وبعدين راحو
سراب...
اتحرك بالبيت واباوع على وجه
شنو ممكن صار وهيج حزين
بدلت ملا بسي واجيت يمه
سحبت الجكاره ذبيته...صرخ بيه
سراب...حتى فززني...انهضمت بس ما بينتله
ظل يباوعلي واني ساكته
مديت ايدي على كتفه..
وسام اشبيك احجيلي
طلع من جيبه الرساله ونطانياهه
....اقري.....وورث جگاره لاخ
......قريت الرساله...
يعني عايفلك ذهب ؟
......كيلوين ابويه كان متوقع من ارجع
راح الكه هوايه اشياء متغيره
.....هذا شي لازم يفرحك ليش اشوفك مقهور وحزين
.....اشتاقيت الحنيته ابويه هوايه اتأذه وهو يفكر بيه بمصيري
سراب....گوم كافي تفكير حبيبي التوتر ياثر على نظرك شكال الطبيب
وسام....باوعلي
حبيبي روحي نامي واني اجي وراج
شويه اريد اكعد وحدي
......تمام بس لا تتاخر
رحت للغرفه
سمعته شغل ام كلثون
رائد.....
اليوم الخطبه مالته الكل ملتم بالبيت سوينه غده
شيماء ورجله وخالي وماهر وام ماهر
سراب.....
دخلنه اني ووسام
ايدي بايده
ليث ....اتفاجات من شفته سلمت عليه...وكف امرحب كان بكامل اناقته
......اهلا ليث اشلونك
......اهلا ست سراب اشلونج
......اقدملك زوجي وسام...
وسام اعرفك على استاذ ليث
كرايب ابراهيم ومقاول شغله ويه دائرتنه
اهلا وسهلا
ليث...الحمد لله على السلامه
وسام...الله يسلمك
اني رحت جوه وعفت وسام بين ابراهيم وليث سوالف سياسه وشغل
انطلق حبيبي ابنصهم
ليث....ما دام ملمومين بالخير
احب اعزمكم على زواجي الشهر الجاي
.....انشالله
طلعنه ٤ سيارات البيت ابو سامي
مشايه ترفع الراس
قرينه الفاتحه وعقدلنه السيد
وهلهت ام ما هر امي اكتفت اتبوس ابرائد وطش الجكليت
دخل رائد ولبس ريهام الذهب كلشي نازك مثله
شيماء...
سراب الشهر الجاي عرس ليث تجين
....صدك اشوكت خطب
شيماء.....ههههه ولج يكولون يحب وحده وخالي ما راضي گام دبسه بخطبة سحر ابكعده هو وعمامه
وسكته
سراب.....بس خطيه يجبره
شيماء....لا تخافين عدنه عادي يطيرون ابعيد
ويرجعون البنت العم تگصگص
اجناحاتهم
سراب.....خرب يومج على هلتشبيه
ههههه
بس لا تاليت ابراهيم هيچ
شيماء......لا هذا كصيت جناحه من اول يوم صگطه
سراب......ههههههه لج انت بلوه
بس يمكن ما اجي
شيماء......ليش عفيه تعاي
سراب.....طريق طويل جايزه من روحي ولزمت بطني اخاف يصير شي بالنونو يمعوده
شيماء.....تتشاقه ....لعد اكول اليث
الا يدزلچ طياره
هذا واحد من معجبينج غير
سراب.....يمعوده اسكتي همزين
اجه وسام حتى اخلص من المعجبين ما عدهم سيره غير
مخطوبه اشوكت يجي خطيبج
صارت ١٦ عله بكلبي مو ١٦ سنه
شيماء.....الحمد لله صبرتي والله
عوضج
بوسنه ريهام وهنيناهها ورجعنه
كل واحد على بيته
وسام.....
حسام اريد اشوفلي محل موقعه زين اريد اشتغل
حسام....
اي ليش لا بس بالكاظميه غاليه كلش
....يعني احصل لا
....عندي فكره ...ابوك قبل اشتره محل ابغداد الجديده وفتحه فتره
بال٩٥ وشويه جان امان ماكو سده
وراهه تمرض واجره
اخذه...وفتحه الك
.......يعني بالسوك على الشارع
.....اصلا موقعه يخبل ابسوك الذهب
....ماشي باجر اروح انشوفه
....باجر اجيك ونطلعله اصبح حتى
اذا ترغبه اشيل المؤجر
...تمام
ياسر....
اني ووسام مشابهين بهواي اشياء
ولهذا نفهم على بعضنه خابرني
يفتح محل مال صياغه
ابغداد رغم معارضة اخواني انو اتركهم بس
لازم اسويلي عمل خاص بيه
ووسام اخ وسند مثله واحد كلشي عنده ما محتاجني
بس هو رادني اتعلم واصعد فوك وارتاح
استلمنه المحل وصبخ وديكورات صار توب
وترس المحل ذهب كل رصيده خلاه
تخومه وسوارات ومحابس واشكال
كان هو يشتغل واني اراقبه حتى اتعلم
ودخلني دوره اسبوع
كعدني ابمكانه وهو يشرف عليه
واجه يوم الافتتاح
وذبح خروفين واحد بثواب ابو
وواحد للمحل
ووزعناهن
من اول يوم افتتاحه المحل مرزوق
الحمد لله
على صفاء نيتنه
واتفاقنه
كل اللميته رواتبي وفلوس سيف
صارن ٤ ملايين
خليتهن ويه وسام بالذهب
بقه السكن...
اجرلي شقه قريبه من المحل زغيره
ادبر حالي بيه
واروح لاهلي بالشهر كم يوم
نجح
المحل وصارت عليه رجل وارده خير من الله وامورنه عال العال
وبنفس الوقت
ياسر ارتاحله نطلع نفتر سويه ما نتفارك
رزقي ماشي وارجع بيتي اشوف
سعادتي وراحتي تفتر كدامي
هيه وبطنه جنه بطه
بعد شنو اريد واطلب من الله
بس يديم النعمه عليه
سراب...
وسام خبرني انو ليث عزمه على عرسه
واني ما اريد اروح اخاف يلتقي ويه خالد هناك
وهو لليوم ميعرف خالد زوج اخت ليث
يدري گرايبه بس
سراب.....
يمكن اني ما اروح
وسام ....ليش
.....اخاف حملي ابدايته والطريق
التكريت طويل
....اخذ سيارة حسام ونمشي على كيفنه
....الله كريم الذاك اليوم
وسام...بين فتره والثانيه اروح
البيت اهلي
موبيدي اشتاق لفتخار اكعد اشويه ويه حسام
احب هذا البيت بي كل ذكرياتي
من طفولتي وشبابي
ذكرياتي مع ابويه....مع الاسف جنت هوايه استغل حبه اليه وادلل
ياريت الزمن يرجع وابوس التراب
المشه عليه
وسام....اشلونج ام وسام
افتخار....زينه الحمد لله
وسام.....راح يجيج حفيد جديد مني
اريدج انتي اتسمي
افتخار....عليمن يماما خلي امه تسمي
وسام ....افتخار حرت اشلون اراضيج وتقدمت عليه وكعدت يمه
لشوكت ماما حني عاد شنو اهنا گلب لو صخره
وااشر على گلبه
طلعت كل ما اجي امي نفسه ما تتغير ابد
رحت للمحل ياسر كاعد بي
ياسر...
ذكي ولبق ومرح كسب هوايه زباين للمحل
وصار بارع بعمله
....وسام هواي ناس تسال عن الخليجي
شنو رايك انجيب منه انوع ويه العراقي عجبني لان موديلاته حلوه
وسام...
يحتاج واحد منه يسافر ويلحكه كمرك
ياسر ...اي شكو بيه
وسام.... اسال واشوف .. اشلون
اريد اخذ سراب للدكتوره تبقى انت بالمحل
ياسر...روح اني باقي شعندي
وسام....
رجعت الشقه صنطه خليت المسواك
بالمطبخ
واجيت لكيت عافيتي متمدده
خليت ايدي على بطنه
فزت...اجيت حبيبي
اشو نايمه اشبيج
سراب...مابيه اخذتني الغفوه واني انتظرك...
وسام....تكومين نتغده حتى اروح
للدكتوره
سراب....اي حبيبي كايمه
وكفت وياهه بالمطبخ صبينه الاكل
وكعدنه اكلنه
وسام...
اكلي من ايدي
....لشوكت مترتاح الا توكلني
....لاخر عمري احب ادللج
لبست وكاعده الف حجابي على المرايه
كملنه طلعنه حاجزين
انتظرنه نص ساعه ودخلت
الدكتوره اخذتلي سونر ..ما شاء الله
كله تمام...
سراب....و
اعرف تردين تعرفين الجنس
مبروك راح تجيج احله بنوته
سراب.....
هههه متاكده دكتوره
شوفي هاي الصوره كلش طبيعي
الحمل
انشالله كم شهر وتشرف بالسلامه
سراب يارب
طلعت فرحانه والسونر بيدي
وسام....بشري
....راح تجينه بنوته حلوه
....الحمد لله يارب
...فرحان
....كلش.... امشي نتعشه
اخذني تعشينه بره ورجعنه
اول ما دخلت الشقه
وسام ....
تعاي اكعدي
...كعدت مقابيله
وسام....حط كدامي علبه
....هاي شنو
....فتح العلبه محبس سحب ايدي
ولبسنياه
...كلش حلو...شنو المناسبه
وسام....بمناسبة سيدرا
سراب.....!!!!!!!
وسام بنتنه...
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
