رواية حبي الوحيد الفصل الثالث و العشرون بقلم جنا عطيه
ليل مسك مازن من لياقة قميصه وقال بعصبية: أنت أتجننت
مازن بخوف: إيه يا ليل هو انا قلت عايزها في الحرام
ليل بعصبية اكتر: وكمان بتقول انك عايز اختي في الحرام
مازن بخوف: مكانش قصدي والله
سليم وهو بيشد مازن من إيد ليل: في إيه يا ليل إيه اللي انت بتعمله دة
ليل وهو بيعدل هدومه: أحم أحم مش عارف اتعصبت كدا ليه بصراحة
غزل: اهدي يا ليل مش كل حاجة بتتحل كدا الراجل مقالش حاجة غلط قالك عايز يتجوزها
مراد: إيه دة يا ليل الناس بتتفرج علينا مينفعش تعمل كدا
ليل: أنا آسف يا مازن بس أنت عارف إني عصبي شوية وبتعصب بسرعة عارف إنك مقلتش حاجة غلط بس انا محستش بنفسي
مازن وهو بيعدل هدومه وقال بضحك: لا ولا يهمك انا خفت انك تضربني ضربة غبية من بتوعك أموت في إيدك
(هو أنا مقلتلكوش 😀🤐 مش مازن وفريدة حب من الطفولة 😂❤️معلش قلت خليها مفاجأه)
فريدة: في إيه يا جماعة مالكوا تعابير وشكوا متغيرة .... فريدة كانت في الحمام بتظبط الميكب بتاعها..... وكملت لمازن: وانت مال هدومك متبهدلة كدا ليه؟؟
مازن: مافيش حاجة كنت بحضن ليل بس
فريدة بضحك: دة كدا كلنا هتبقي هدومنا متبهدلة
مازن بغيرة: ليه وإنتي تحضني ليل بتاع إيه
فريدة بضحك لانها عارفة غيرة مازن: فيها إيه يعني مش أخويا
ليل وهو بيشد فريدة لحضنه عشان يغيظ مازن: عندك مانع
مازن وهو بيجز علي سنانه: لا مافيييش
سليم: أحم أحم عادي يا جماعة سوء تفاهم بتحصل يلا نكمل فرحنا ... وفعلا الأغاني أشتغلت وكل بدأ يرقص ويرجع للفرح
_______________
"عند مراد وندي"
ندي: في إيه يا مراد إيه اللي حصل عشان ليل يتعصب بسرعة كبيرة كدا ويمسك في مازن كدا؟؟
مراد: مافيش حاجة كل اللي حصل ان مازن عايز يتجوز فريدة وانتي عارفة ليل بيتعصب بسرعة والد"م بيغلي في عروقه مع إن انا مش شايف أن مازن غلط في حاجة
ندي بفرحة: بجددد يعني فريدة هتتجوز اووووه الكل أتجوز ورا بعض
مراد: بصراحة مازن واحد كويس جدا واحنا عارفينه من واحنا صغيرين وطالما فريدة بتحب مازن وهو بيحبها يبقي خلاص
ندي: مراد بس فريدة لسة صغيرة ولسة في جامعة هتجوز دلوقتي؟
مراد: فريدة مش صغيرة أوي لأنها عندها 21 سنة ومازن عنده 24 سنة الفرق بينهم مش كبير
ندي: أيوة انا عارفة كل دة بس من رأيي أن فريدة تتجوز بعد ما تخلص تعليمها لأن لو اتجوزت وهي في جامعة مش هتركز في مذاكرتها أوي
مراد: أنا بأيد رأيك يا ندي المفروض فريدة تتجوز بعد ما تتخرج بعد كدا نشوف موضوع الجواز دة ... سيبك من مازن وفريدة بس إيه الحلاوة دى
ندي بخجل: شكرا يعني بجد شكلي حلو في الميكب
مراد بحب: يا حبيبتي إنتي بميكب من غير ميكب حلوة كفاية عيونك اللي سحرتني من أول يوم شفتك فيه
ندي بخجل وحب: وأنت كمان عيونك سحروني من أول نظرة
وكملت بضحك: بس كنت عاملة نفسي تقيلة
مراد بحب: بجد ربنا رزقني باجمل واحلي واحدة في الدنيا
ندي بحب: وأنا ربنا رزقني باجمل واحلي واحد في الدنيا وكملت بضحك: بس أينعم عصبي وغيور زيادة عن اللزوم بس بحبك بردوا
مراد بخبث: ندي ما تيجي نروح البيت كدا ونعمل شوية حاجات
ندي بخجل: مراد أتلم واحترم نفسك وبعدين هتسيب فرح أخوك وتمشي
مراد بضحك: هو أنا قلت حاجة غلط دة حقي على فكرة وبعدين انا عايز ليل يبقي عم وفري تبقي عمة
ندي بخجل أكتر: قسما بالله يا مراد هقوم وأسيبك أحترم نفسك
مراد بضحك: خلاص خلاص وبعدين هتروحي مني فين يعني
ندي: طيب خلينا في مود الفرح وبطل بقا
مراد بضحك: خلاص خلاص هسكت بس مش هسيبك بردوا ... وهنا دخل علي ونادية لأنهم كانوا معزومين علي الفرح
ندي بفرحة: مااامااا وحشتيني ...وراحت حضنتها وحضنت علي وسلموا علي بعض
نادية بضحك: يابنتي ما أحنا كنا عندك من كام يوم
ندي: بس بردوا وحشتيني يا ماما وانت كمان وحشتني يا بابا
علي بضحك: ياااه يا ندي البيت عندنا هااادي ومافيهوش صويت وصوتك العالي
ندي بغيظ: بقا كدا طيب كلها كام يوم وصوتي يوحشكوا وتقولوا فينك يا ندي
نادية بضحك: لا مش هنقول متخافيش ... وكملت: لا بجد يا ندي البيت من غيرك وحش
علي: احنا هنروح نسلم علي ليل يا مراد ماشي
مراد: طبعا يا عمي أتفضلوا ... ومراد خد علي ونادية وراحوا سلموا على ليل وغزل
_____________
"عند ليل وغزل"
ليل كان حاضن غزل وبيرقصوا على اغنية (يا سبب فرحتي)
ليل: عمري ما كنت اتوقع إني ممكن أقع في حبك وأحبك اوي كدا ونتجوز
غزل: أول مرة شفتك فيها قلت عليك أنك من الرجالة المستهترة وأنها مفكرة نفسها إيه ومن النوع أنهم بيتعاملوا مع الستات ببرود والنوعية دي من الرجالة وحاجات تانية كتييييرة بس مكنتش اعرف انك كدا وانك طبعك كدا أينعم بتتعصب وبتغير بسرعة ومبتفكرش قبل ما تاخد القرار بس شخصية حلوة
ليل: انا بقا كنت مفكرك إنك من البنات العصبية و الدلوعة وأنهم مش بيسمعوا حد وبيتكلموا من غير ما يفهموا الأول بس مكنتش اعرف انك كدا وانك لطيفة كدا وبتحبي الزهور
غزل بضحك: فاكر أول مرة اتقابلنا فيها انا عملت ايه فضلت ازعقلك وانت كنت بتحاول ترد عليا بس مكنتش عطياك فرصة
ليل بضحك: كنت واخد عنك فكرة إنك طبعك صعب وبتتكلمي كتير
غزل: لازم منحكمش علي حد غير لما نتعامل معاه ومنحكمش عليه من أول مقابلة كدا
ليل: عندك حق فعلا منحكمش علي حد غير لما نتعامل معاه
_______________
"عند مازن وفريدة"
مازن: فريدة انا عايز أتجوزك مراد وليل اتجوزوا احنا كمان نتجوز من وأحنا صغيرين عارفين بعض يبقي خلاص نتجوز
فريدة حست بفرحة وضربات قلبها زادت بس كانت تقيلة
فريدة: مازن مش هنتجوز غير لما أتخرج
مازن بصدمة: نععععم هو احنا مش هنتجوز غير لما تتخرجي
فريدة: أيوة لإني مش عايزة أتجوز غير لما أتخرج اخلص تعليمي وأتخرج بعد كدا أشوف موضوع جوازنا
مازن: بس دة لسة سنتين يا فريدة سنتين بحالهم
فريدة: زي ما استنيت كتير أستني كمان سنتين يا مزون
مازن وهو بيجز علي سنانه: ماااشي نستنى كمان سنتين وماله كل عشان خاطر فري
فريدة بضحك: طبعا هتستني
_____________
"عند ثريا وسليم ورامي"
رامي بدموع فرح: شايف يا سليم مبسوطين مع بعض إزاي
سليم: لايقين على بعض والله
ثريا: ربنا يخليهم لبعض ونشوف ونشيل عيالهم يارب
رامي وسليم في صوت واحد: يارب يارب
_____________
"في نهاية الفرح"
رامي وهو بيحضن ليل: خلي بالك كويس من غزل يا ليل حافظ عليها ومتزعلهاش
ليل بإحترام: في عيوني يا عمي متوصنيش عليها
رامي لغزل: وإنتي كمان يا غزل خلي بالك من جوزك ومتزعلهوش
غزل بدموع: حاضر يا بابا
رامي: طيب بتعيطي ليه دلوقتي
غزل بدموع: عشان هسيبك وامشي
ليل بحب: مين اللي قال كدا يا روحي انتي مش هتسيبي باباكي هو كل اللي بيتجوزوا بيسيبوا أهلهم أكيد لا طبعا
سليم: غزل انتي مش هتسيبي باباكي بالعكس دة رامي صديقي من زمان يعني اكيد مش اللي في دماغك لا طبعا إنتي عمرك ما هتسيبي باباكي
غزل حضنت رامي جامد وسلمت عليه وكلهم سلموا على بعض واليوم خلص وكل واحد روّح بيته
_____________
"في فيلا ليل الجرحي"
غزل بحب: بجد يا ليل مش مصدقة نفسي أننا بقينا في بيت واحد
ليل بحب: لا صدّقي يا حبيبتي أننا بقينا في بيت واحد
غزل: يااااه أخيرا أتجوزنا ... أنا هدخل أغير هدومي بقا
ليل بخبث: محتاجة مساعدة؟؟ ... أجي أساعدگ؟؟
غزل: إحترم نفسك يا ليل
ليل: الله هو أنا قلت حاجة غلط إنتي خلاص بقيتي مراتي يا غزولة
غزل: بطل يا ليل أنا هدخل أغيّر الدريس
ليل: ماشي يا روحي
_______________
"في فيلا مراد الجرحي"
ندي وهي بتترمي علي الكنبة: ااااه كان يوم طويل إنهاردة
مراد: أيوة فعلا كان يوم طويل بس والله كان خفيف وكان يوم حلو
ندي: أيوة فعلا ربنا يسعدهم يارب
مراد: ندوشتي في الفرح كنا بنقول حاجة كدا
ندي بتوتر وهي بتصطنع التفكير: إيه هي الحاجة احنا قلنا حاجات كتير مش فاكرة لا كنت بتقول ايه
مراد وهو بيقرب منها: كنت بقول كدا.. وقبّل خدّها
ندي: أحم أحم مش دلوقتي يا مراد لما أغير هدومي الأول
مراد: ماشي غيري هدومك .... وندي دخلت غيرت هدومها وكذلك مراد وكلوا أكل خفيفة (اصل دول ناس صحية مش بيتعشوا محشي زينا كدا😂😂 )
مراد: هاااا أظن مافيش حجة غيرنا هدومنا واكلمنا
ندي بتوتر: مـ مراد أبعد
مراد وهو بيقرب منها: بحبك ... وقبل خدها و..... ذهبوا لعالمهم الخاص
_______________
"في فيلا ليل الجرحي"
ليل: غزل غزل
غزل: نعم يا ليو
ليل: خلصتي ولا لسة؟؟
غزل: أدخل أتا كدا كدا بسرح شعري
ليل بحب: إيه الجمال والقمر اللي قدامي دة
غزل بخجل: والله شكرا لكلامك الحلو دة
ليل وهو بيقرب منها بسرحان: ريحة شعرك تحفهه
غزل بتوتر من قربه: أيوة ما انا بحب الشامبو دة بيخلي ريحة الشعر حلوة
ليل وهو بيقبل عنقها: غزولة أنا بحبك اوي
غزل بتوتر: وانا كمان بحبك بس ممكن تبعد
ليل بسرحان: وأبعد ليه يعني إنتي خلاص بقيتي مراتي
غزل: لـ ليل أ أبعد .... وليل قبّل خدها ونزل لعنقها و ......
(أصبحت غزل زوجة ليل أمام الناس والله)
_____________
"في فيلا الجرحي"
ثريا بحزن: ياااه البيت هادي ومافيهوش خناق ليل ومراد اتجوزوا خلاص مش هنسمع خناقهم
فريدة: مين قال كدا انا هروح بيتهم وأتخانق معاهم ولا تدايقي نفسك
سليم بضحك: إنتي مشكلة يا فريدة بتخلي الواحد يضحك من في سبب
فريدة وهي بتعدل شعرها بتكبر مصطنع: عشان لما أتجوز تفتكروني
ثريا: انا خلاااص هموت وأنام انتوا متعبتوش يلا نطلع ننام
سليم: وانا كمان هروح انام لإنس خلاص تعبت وانتي يا فريدة
فريدة: هنام بردوا بس أخد شاور الأول بعد كدا أنام
سليم: ماشي يا حبيبتي أحنا هنطلع ننام عايزة حاجة؟
فريدة: لا شكرا .... وكلهم طلعوا يناموا وعدا اليوم بسعادة
______________
"بعد مرور 8 شهور"
ليل دخل غرفته لاقي غزل بتعيط جامد
ليل بخوف: مالك يا غزل بتعيطي ليه في إيه يا روحي؟
غزل بعياط: چينك مات يا ليل چينك مات
ليل وهو بياخدها في حضنه: طيب متزعليش ربنا يرحمه بس إنتي معندكيش حد في عيلتك أسمه چينك
غزل بعياط: لا ما چينك دة مش في عيلتي دة في المسلسل التركي بتاعي
ليل بغيظ: إنتي بتتكلمي بجد يا غزل فجعتيني كنت مفكر حد في عيلتك
غزل بعياط: لا لو عرفت مات أزاي في المسلسل هتزعل تخيل أنه مات وساب إبنه لأخوه هو يربيه مات يا ليييل
ليل: قسما بالله انا متجوز طفلة والله فجعتيني
غزل بعياط: طيب تعالي شوفي الحلقة لما كان بيودع أخوه
ليل بغيظ: هتشلللل منك يا غزل والله
___________
طبعا فريدة كانت في فترة إمتحانات وكانت مشغولة جدا في الدراسة والمذاكرة وكانت سنة مهمة جدا بالنسبالها وكدا يبقي فاضلها سنة وتخلص مسيرتها التعليمية وتتخرج
(ونعمل فرح عاااشر لمازن وفريدة أنا تعبت من كتر الافراح يا جماعة والله😂😂)
___________
"في صباح يوم جديد"
مراد صحي علي صوت ندي وهي بترجع
مراد وهو ماسك إيد ندي: في إيه مالك يا ندي
ندي وهي ماسكة بطنها: بطنيي بطنيي بتتـ"ـقطع بطني بتوجعني اوي
مراد: طيب تعالي نروح للدكتور نكشف عليكي
ندي بتعب: لا لا أنا كويسة كويسة مش محتاجة حد ممكن أكون خدت رطوبة لإننا بنعلي التكييف
مراد: طيب أشمعنا أنا ما أنا كمان بنام معاكي مجاليش رطوبة ليه يعني ... ندي دة مش مبرر أنا هكلم الدكتور
ندي بتعب: لا لا أنا كويسة متكلمش حد انا عايزة أشرب حاجات سخنة وهبقي كويسة إن شاء الله
مراد: طيب تعالي ريحي علي السرير لحد ما أروح أعملك حاجة سخنة
ندي: طيب ماشي .... وقعدت على السرير ريحت شوية ومراد دخل يعملها حاجات سخنة
مراد : أتفضلي كوباية الأعشاب دي هتريحك
ندي وهي بتشرب: انت حاطط كل الأعشاب اللي طعمها استغفر الله العلي العظيم
مراد بضحك: معلش هي دي الأعشاب اللي هتريحك استحملي طعمها .... وندي شربت الأعشاب ونامت ومراد أخدها في حضنه لحد ما نامت خالص
(نعم عزيزي القارئ اللي بتفكر فيه صح😂 اللي خفنا منه حصل حصل❤️😂)
بدل ماتدور وتبحث علي الروايات خليها علي تليفونك وحمل تطبيقنا
