رواية بين الحب والأسر الفصل الثالث والعشرين 23 بقلم أمل مهدي

رواية بين الحب والأسر الفصل الثالث والعشرين 23 بقلم أمل مهدي

وسام ....

نرجع

سراب.....خلينه نتمشه اشويه

رغم برودة الجو بس گلبي نار

قلق عملية وسام وامنيته الاخاف

ما تتحقق

وسام.....

شتكولين

....ها

....مثل ما اصورت وين جنت سارحه 

صار ساعه اسولف

سحب ايدي تعاي نكعد

اكو حدايق بين الشوارع وبيه مصاطب رغم الساعه تقريبا وحده والجو بارد

بس تحس محد باقي ابيته كلهه العالم بالشارع

كعدنه على مصطبه ودارني عليه

.....احچيلي شنو براسج ولا تگولين 

عمليتك ومريض

....جرت دموعي خايفه

...من شنو

.....اخاف ما احقق امنيتك

.....اي وحده منهن

....اللتفتت على جهه... الاخيره

....معقوله هذا تفكيرچ خلي ثقتج بالله

...ونعم بالله

....لعد شنو...الله سبحانه وتعالى الطلعني مناك وجنت متوقع اموت واندفن بذيج الكاع هو نفسه مسؤل عن امنيتي وامنيتج

سراب اني يصوروني هواي ناس ضعيف لان شافوني ابچي

واني ما نزلت دموعي بس عليج وعلى ابويه من سمعت ميت

من يوم الشفتج انت صرتي اول واخر امنياتي

شغلة الطفل لا تفكرين بيه احنه هشكل مرتاحين واحلى حياة عايشين

الله انطانه خير وبركه ما انطانه

هم خير وبركه

يله اشو اضحكي وبعد ما ريد ينعاد هذا الموضوع ابد

رفع راسي...ابتسمت

يله نرجع؟

سراب يله

اجرنه تكسي انطه كارت الفندق 

بي العنوان 

اول ما دخلنه بدلنه ملا بسنه هو طلب جاي لان راسه يوجعه

صعدوله ترمز

بدلنه ملابسنه وكعدنه على التلفزيون شرب جاي

جنت شويه بعيده عليه سحبني قربني ابصفه

لا تكعدين بعيده عني ابد دائما صيري ابصفي

.....تدلل

لف ايده وره كتفي...والايد الثانيه لازم الكوب مال الجاي

خلص ..گال بعد اريد جاي

.سراب...لا كافي الوقت متاخر

.....باوعلي وسحب الاسقي من كتفي

وطبع بوسه على كتفي ودخل ايده الثانيه من تحت يلك البجامه الابسته 

وبده يتلمس

احساس ياخذني الغير عالم واخره

من شافني استسلمتله شالني

للسرير

......بعد لا شيلني ثگيله عليك

..... شنو تشوفيني ضعيف عبالج ما اكدر

...... اي انته هوايه ضعفان... 

بس شكلك احله 

وسام.... اغار من الكاع من تلامس رجليج من تمشين

اتمنه دائمااشيلج بكفوفي واضمج بكلبي

يتكلم ويطبع بوساته بهمس

احبج... احبج.... احبج

باجر اروح لعمو خليل انشوفه لان بعد احتمال نلتهي بجلسات العلاج وما نكدر انشوفه

.....نمت على ايده واباوع بعيونه

وسام.....اشبيج تباوعيلي

.....احب تكون اخر صوره بعيني هيه صورتك من انام

واول صوره هيه صورتك من اكعد

وسام.....ضمني على صدره ويشم بيه

ليالي ثكال مرن عليه واني اتخيلج بحضني وهاي ريحتج اغفه عليه

اقنع روحي گوه وانام

رافد....

عمي نفس وضعه راجعنه بي وماتحسن

يوميه قبل ما اطلع اشيله للحمام 

فوزيه تغسله وتبدله وارجعه واطلع على باب الله تكسي ومن ارجع وره الظهر كذلك

البيت اني قايم بي بس عمي مصاريفه

فوزيه مسؤله عنه وبده يطلع المظموم ادزني على محلات مأجره

اللم الايجار

لو اخذه للمصرف عدهه حساب

كل كلمه گاله ابويه الله يرحمه صحيح عن فوزيه وعمو محمد 

بس علمنه على عزة النفس

والطيبه ما نطخ راس الا لله

بس اني قانع بنصيبي

لبنى الورده القطفته من حديقة عمي محمد

خلق واخلاق وتحبني ومتحمله عصبيتي وهوستي

ابعض الاحيان

حياتي مستقره وماشيه خصوصا من الله رزقنه بأمير

واني شكد سختت بحياتي بس احس نفسي ماشي على مسيرة ابويه ما احب اعتمد على احد شايل

بيتي وعائلتي الزغيره بعيوني

رائد....

.....الو سراب اشلونج وشلون وسام

......هلو رائد اشلونكم شخباركم 

....احنه زينين بشريني اسويتو

.....بدينه علاج بالاشعه ووسام

هوايه متاذي صداع عنده يكولون شي طبيعي

ادعيله رائد باجر يرجعون يفحصون بلكت ما يحتاج عمليه

.....الله يشافي كلبي وياج سراب كلنه شايلين همج امي وشيماء ندعيله

.....بچيت ما تحمل اشوفه متاذي

.....سراب صيري قويه اذا يشوفج تبجين هو ما يتحسن

.....مقهوره عليه لان ديتألم

.....انشالله يگوم بالسلامه وصير سوالف

.....الله كريم

ليث....اجيت واسمعه يحجي ويه اخته يكله لا تبجين

من يمي اختنكت ما اتحمل تتاذه

....السلام عليكم

راىد.....عليكم السلام

....شبيك مو على بعضك

.....مقهور ليث خطيه وسام متاذي من العلاج

......اگلك هو اتمرض لوشنو ليش هيج صاربي

.....يكلك لازم واحد مسؤل عنهم وخانكه وملتمين عليه الحرس وضاربي هو وصديقه

الاجه ويا....ومسببتله هاي الشغله

ليث.....لعد شنو شافو هناك

....اوووو لو تدري اشحجالنه حتى الاكل حصره عليهم

......وسراب تبجي متاذايه على موده

ليث....يحجي واني استمعله بكل حواسي كل موضوع بي سراب

اشكد ما يكون تافهه يهمني

مجرد ذكرهه يريحني

والله يبين حاسدينه الوسام

اني وخالد على هلسراب

هل مديشوف العافيه الرجال

شهدخلصت امتحانات وضايجه وحدي بس اني وماما بالبيت

دك التليفون

شهد....الو

ماهر....اشلونج شهد

...هلو ماهر اشلونك...اباوع اخاف امي تجي

.....اني زين ومشتاقلج

.....سكتت

.....اشو سكتي مشتاقتلي لو لا

....اي

.....اني راح اجيكم واجيب نيران ويايه

.....اي ياريت

.....شهد اني السنه اتخرج واباشر بعملي سنه واتقدملج شتگولين

....ما ادري

.....لا لازم تعرفين...اريدج اتفكرين زين

ومن اجي اريد اعرف تنتظريني لو لا

....اي ماشي

......اريدج تعرفين اني حبيتج

ورايدج على سنة الله ورسوله

.....ببس اني اريد اكمل

.....يجرالج تكملين جامعه

.....اي

....اتفقنه

....اتفقنه

....مع السلامه

......الله وياك

وبعد يومين صدك اجانه ماهر جايب نيران

اميره.....هله ومرحبه بالحبايب

اشلونك ماهر وشلون اهلك

.....بخير عمه كلهم يسلمون عليج

....الله يسلمك يمه 

شهد...مرحبا تلكته نيران تضحك

اشلونج

...زينه وهاي اجيت مثل ما ردتي

شهد ...اي همزين ضايجه والوحدي

طلع ماهر يغسل بره

شهد ...اخذت الخاولي وديته اله

ماهر....هلو شهوده اشلونج 

شهد....زينه...التفت ورى محد

طلع من جيبه ورقه وحطه بيدي

شهد....شنو

ماهر ...اخذيه وبعدين اقريه

شهد.....اخذته وخفت امي تشوفه لان عقيل ما موجود

ورحت بسرعه ضميته بين كتبي

سراب...

العصر غادرنه الفندق للمستشفى

غرفتنه عباره عن سويت كامل

مجهزه بكلشي

رتبت كل المكان واجانه الدكتور ينطينه الارشادات

راح نبدي بالاشعه يوميه جلسه وبعد الجلسه الخامسه انشوف بدت تتقلص

خثرت الدم او لا

اجو المضمدين يجهزون وسام

وزينوله شعره

وبدو ياخذون دم للتحاليل 

اني وعمو جليل واكفين وگوه حابسه الدمعه بعيني

وكل اشويه يباوعلي وسام ويبتسم

حتى لا ابجي ادري بي يطمني

جابولنه العشه تعشينه

وفاتحين التلفزيون انباوع

اجت الممرضه يسموهه ام عايد كالت لازم ينام

حتى يكعد مرتاح 

طفينه التلفزيون وظليت حايره لازم انام بالغرفه الثانيه ممنوع ويا

ظليت احوس وهو هم

بعدين فتحت الباب ورحت لكيته هو هم منايم

وسام

فتح اديه اليه يضحك تعالي يكلبي

....ركضت على حضنه ...كلتله لازم اكعد من الصبح وارجع المكاني 

اخاف يجون وعيب يشوفونه سوه

وسام.....اني اكعدج همزين اجيتي

شينيمني

ظلينه انسولف الى ان غفينه

نايمه على ايده وحاضني بثنين اديه

ثاني يوم

حسيت على ضحكه وكلام بالهمس

فزيت بسرعه

لكيت ام عايد فوك راسنه وتضحك

.....عرفت راح ترجعين حدا

الله يسعدكم يارب

ويشافيلكيا

سراب....شكرا...

كمت خجلانه

كعد وسام وبدو يجهزو 

عمو جليل ما عافنه ابد 

اجو الممرضين واخذو على اول جلسه

مكدرت هنا بجيت لا اله الا الله

وسام....محمد رسول الله

ام عايد....تطمني والله سهله لاتبكي

يابنتي...بدياكي تكوني قويه

راح وسام واني اللوب

انزويت بزاوية الغرفه وابجي

اجاني عمو جليل

...بابا سراب هاي شنو عود انت المفروض اصبري وتقوي اذا هشكل

اشلون تصمدين منا الشهر تقريبا

......لا عمو صدك شهر يظلون ينطو اشعه

......لا بابه هن ٧ جلسات نفعن ترجعون للعراق ما نفعن يسون العمليه

تره حتى العمليه هم سهله غير الطبيب طمني

ونسبة النجاح ميه بالميه

.....الله يطمنك عمو والله بعد گلبي ما يتحمل يصيرله شي

هوايه وسام اتاذه

......عمو انشالله هاي أخره كولي ياالله

....يا الله

وره ساعتين طلعو واعي بس راسه يوجعه

.....حبيبي شتحس

.....ما ادري سراب بس صداع عندي

....ميهم راح اوكلك علمود تاخذ علاج

جابولنه شوربه وكلته واجونه انطو العلاج وراحو

.....كعدت يم راسه اتلمس بوجه

حبيبي يوجعك شي

......راسي اشويه

......اتاذيت بالاشعه

.... ما حسيت بيه بس احس تعبان

ماادري نعسان

.......نام يا روحي ارتاح لزمت ايده وبسته ظل يباوعلي الى ان نام

ثاني يوم نفس الشي والثالث بس العصر يكعد واتمشه بالمستشفى اني ويا

ودائما ساكت احسه تعبان بس اني الاحجي

......وسام ليش ساكت تتالم

.....لا بس ما الي خلك للحجي

حبيبتي عذبتج

....وكفت انته صدك تحجي اني

افديك بعيوني يا عمري بس انته لا ضوج

خلصن ٣ جلسات 

.....كلي الطبيب بعد جلستين وناخذ

اشعه انشوف تحسنت لو لا

وبعد يراد علاج للتليف مال العصب

يعني شغلتي طويله

.....لا تهتم انشالله تشفه وصير سوالف

.........باوعلي اني اريد اطيب  

من اجلج انت

....ومن اجلك هم حبيبي

كعدنه اشويه بالحديقه

....اروح يالله خلي نصعد الغرفتنه

صعدنه ونيمته على سريره

وسام....اليوم نامي يمي

....ماشي..نيمته على ايدي

وسام......هنا راحتي من تحضنين 

راسي احس كلشي براسي يرتاح

شويه ونام واني هم غفيت

اليوم الرابع

اجوي الممرضين اخذو وسام 

واني ما اعرف اصار بيه واكفه احجي ويه 

عمو جليل وفجأه اغمه عليه

ووكعت ما حسيت بنفسي

جليل.....ام عايد الحكيلي 

.......ياستار....اش فيه

......ما اعرف وكعت 

.......يمكن ما ماكله بده تاكل ياعيني 

ظغطه بيهبط

قاستلي الضغط

وشكلتلي مغذي وراحت

ظليت نايمه ودايخه وتعبانه ما ادري اشوكت خلص ورجع وسام

اسمع عمو جليل يحجي ويه حسام

بالتليفون

بهاي الفتره نزل نقال اسمه الثريا 

كان ينحمل بالايد مثل الاسلكي

وعمو جليل عنده واحد منه

جليل....تعال شوف اثنينهم مرضه

هاي مرته متحملت صار اسبوع

هبط الظغط عدهه

ومناك وسام والله عمو ما ادري المن اصير

بله خليل مرته يمه

بس هاي خطيه وكعت من طوله

حسام.....عمو راح افيز واجي لعد

جليل ....لا بابا دنتظر اذا كالو عمليه تعال لان هاي تموت مرته

لا تاكل لا ترتاح الله يستر عليه اشكد اتحبه

حسام.....گول هذا الحجي لامي

الطردت وسام لان ازوجه

جليل.....تحجي صدك امك هيج سوت

مع الاسف ام وسام ياحيف عليج

حسام.....هسه انتظر منك خبر حتى اجي زين

جليل...اي بابا ها هيه

وغلقه للخط

وسام......عمو وين سراب

جليل.....موجوده عمو اشويه مماكله وداخت

وسام......وينه وديني الهه

جليل......ميصير ارتاح هسه تجيك هيه

سراب....اسمعهم وگوه گمت الدوخه لازمتني 

اني هنا حبيبي اجيتك

وسام....يباوع لوجهي اصفر شاحب

انت مو طبيعيه

اصارلج احجيلي

سراب.....والله ما بيه شي هبوط بالظغط يا عمري انت لا تقلق

وسام ....شنو متاكلين

ادري التهيتي بيه وهملتي نفسج

تعالي اليوم تاكلين كدامي

عمو وين الاكل.....

جليل....ام عايد عيني اريد الاكل

حتى ننطي الدوه

ام عايد......بدياكن شي معين لوشوربه

وسام ....اشعدكم اريد آكل ووكل

زوجتي

....اي بتامر امر

جابو الاكل اكلنه اثنينه اشويه فك راسي

وهو هم اخذ الدوه ونام كله مسكنات

سراب....وسام نيمني يمه ما قبل

اگوم 

وين للمغرب كعدنه شفت صحته زينه

كلت ننزل للحديقه

كان قرص الشمس بعده ما مختفي اصفر واشعة الشمس بعده ما غايبه

لاحظت وسام فاتح عينه اليسرى

وناسي

ديباوع بيه عادي

عمدا كعدت على مصطبه گبال الشمس..وملهيته احجي

يباوعلي وما شكه لا من صداع ولا سد عينه

وسام.....اريد اشرب چكاره اشلون

سراب....هههه هسه ادبرلك

ولا يهمك

باوعت اكو ناس بالحديقه

من ضمنهم

اكو عائله جانو ويه ابوهم عمليه عنده بالقلب

كعدوه بالردهه البصفنه

اتمشيت عليهم وسلمت ..وين الكه

جكاير هنا

ابنهم ضحك كال هذا باكيتي

اخذي لان بالمستشفى 

ممنوع

سراب....اشكرت مو كله انطيني ٢

رجعت الوسام واني اضحك

انطيته اله ورثه 

بس جرهه ...الله سومر عراقيه اصيله هاي الچكاره

سراب....غير اخذته من عراقيين

وسام ....

يتنفس الدخان 

وينفخه بعيدعني

بالجهه الثانيه

احنه العراقيين بكل شي مميزين

ودار وجهه عليه

حتى بعشگنه 

مو هيج يا روح الگلب

سراب ...اني خلصته اراقبه واضحك

وهو ناسي

.....شبيج تضحكين

......متلاحظ شي....صفن ابوجهي

.....مثليش

.....مثل عينك ما سديته ابد دشوف 

طبيعي

....ابتسم اصدكين ناسي ...يعني

تصورين مراح احتاج عمليه

.....انشالله حبيبي

خلصت الجكاره الاولى وورث الثانيه

وهو منتعش ومرتاح

يسولف ويايه ويضحك...يقبلون 

نتعشه اهنا والله فوك اختنك احس

روحي منتهي

....سراب اشوف ام عايد هاي خوش ممرضه كله بيدهه

وفعلا بس كلتله علمود نفسيته تتحسن

جابت الاكل واجانه عمو جليل هم

وصارت كعده حلوه

ارتاح بيهه وسام

للساعه ٩ راح عمو واحنه صعدنه فوك بالسويت او الردهه مالتنه

شويه تفرجنه تلفزيون ونطيته الوسام علاجه وبده يغفي

وسام.....سراب وينج تعاي احضنيني

سرير المستشفى متر لان ابو النفر واحنه اثنينه

انام سويه

نيمته على ايدي...وغفينه

اليوم الجلسه الخامسه وللعصر

راح ياخذون اشعه بجهاز ما اعرف اسمه جديد

اخذو للجلسه مال واحنه بدينه

نتفائل بالخير

خلص ومثل كل مره محضره الاكل 

حتى ينطو العلاج

لان من يروح للجلسه مماكل شي

وسام....اوكله ويوكلني رغم تعبان

انت متاكلين وراح هم يهبط ظغطج

سراب

اكلي كدامي اشو اريد اشوفج

.....دااكل ياعمري معليك مني

للعصر..

اجه الطبيب وتكلم ويا وفحصه سريريا

....لا عال انشالله ما بنحتاج للجراحه

خليك گوي

وصل عمو جليل

هذا خطيه احتار بينه وباخو يا النه

يا الخليل

الاتصالات ما بطلت وذكرت فات على اجازتي ٤ ايام واني ناسيه

اتصلت على اريج

سراب.....الو شلونج اريج

اريج.....سراب حبيبتي وين صرتي 

والله انشغلت عليج

....والله بعدنه مستمرين بالعلاج

....الله يكون بعونج وانشالله يشفه

وسام

....شكرا اريد منج خدمه

....كولي عيوني الج

.....تسلمين...اريدتقدميلي اجازه شهر لاخ وكولي للمدير عن وضعي هو يقدر

.....دتعاي شوفي البارحه هو وابو علي 

اكلهم راحو للعلاج

يكولولي راحو شهر عسل اشمدريج انت نايمه

هسه تلكيهم بمنتجع العقبه

يتونسون

...هههههه ماكو غير استاذ كريم يكص بيه

كوليله الله عليج

....انشالله الله وياج

اتصلت على رائد هم طمنتهم

كاعده على نار انتظر يطلع هو والطبيب ويكلنه شنو النتيجه

سراب....مو اتأخرو عمو هوايه صارلهم جوه

......اشبدينه يا بنتي غير ننتظر

انفتحت الباب وصاحولنه 

جنت كلش خايفه....مد ايده وسام

لزم ايدي وبتسم

وسام ....تعالي كعدي يمي

وعمو كعد على التخم

الطبيب....اطمئنو الليزر جاب نتيجه 

والفحص اثبت متقلصه وزغرانه 

بقعة النزف

لاحظو كام ما يهاب من الضوه 

وعينه مفتوحه 

والانحراف قل

احتمال بعد خمس جلسات ويشفه تماما

سراب.....يعني دكتور ماكو جراحه

الطبيب....حاليا لا بس انكمل العلاج

ويجوز يكلفكم بعد اكثر 

جليل....دكتور لا اشيل هم الفلوس

المهم يشفى 

سراب...التفتت على وسام الدمعه بعيني..

باجر ماكو جلسه اذا تريد تطلع تغير جو المستشفى ابراحتك 

واعتبر نفسك من بعد باجر انعاود جلساتنه وهلمره نخلص انشالله

لان حتى عينك الثانيه تحتاج 

علاج

حسام....

من ذاك اليوم الطردتني بي امي

اني اطب اطلع ما احجي لا ويه امي ولا ويه سامر

واتعمد اخابر من البيت واحجي بصوت عالي ويه وسام

الو.....هلو عمو اشلونك شنو الاخبار يمك

جليل.....خير انشالله الطبيب فرحنه ماكو عمليه

حسام....يا الله الحمد لله انطينيا

وسام حبيبي الف مبروك انشالله ترجع معافى

وسام....ما بقى خمس جلسات 

انشالله نرجع اني وعمامي سوه

حسام....منتظريكم

سديت التليفون

رواء انشالله ابوج يجي هم ويه وسام

....انشالله يا رب

لازم احضر سيارته 

حتى من يرجع يسوقه

سامر.... وهم يرجع يريد يكعد بالمحل انشالله

حسام.....حط ابالك اذا ظليتو امحاربي انت وماما اقسم المحل 

والفلوس وانطي نصيبه وكل واحد يحتار بحاله

سامر....من صدكك تحجي

حسام...افهم وسام اخونه الثالث

وهوابن عزيز حاله من حالك وحالي

اذا ازوج طلك هاي حياته وهو حر بيه

مثل ما انت ختاريت اسيل هو هم اختار

انت وماما دتعادو واكفين ابدربه

ابلاش...المفروض تاخذو بلاحضان لان

رجعنه بعد هاي السنين 

سامر...دنگت ساكت ماعندي حجي اگوله فعلا هو ثالثنه بس ليش مدا اتقبله ما ادري

وسام.....

نايمه على ايده ...ونسولف

باجر اونسج احله ونسه هاي فرصه

اخاف منگدر بعد نطلع

سراب...

خلي ناخذ اكل جاهز وروح نتغده

يم عمو خليل وبعدين نطلع

وسام ..هو هم هيج ..اكلج شنو بس نواشف صار خمس ايام

صار عندي جفاف

سراب.....ههههه لعد شتريد غير احنه بمستشفى

وسام.....نعلعلا كومي بدلي بسرعه

احنه هنا مراقبين

وين انروح

بعدين اكلج

كانت الساعه حوالي ١٠

بدلنه طلعنه

كان اكو فندق قريب على المستشفى

طلعنه اتمشينه

ودخلنه...حجز وسام غرفه

سراب....غير اتكول للفندق جايين

حتى اجيب ملابس شي

وسام اقترب مني

وهو ينزع قمصلته

ملابس فهمته.....الشي شنو وغمزلي

سراب..... ههههه ضحكت بدلع

وسام......اي بعد اريد اغراءت

مثل هاي الضحكه

سراب.... حتى بجامه مال نوم مجبتلي

وسام....وشسوين بيه اصلا

سراب.....لعد انام بهدومنه

وسام....لزم وجهي وبده يطبع بوساته ويهمس

احنه اصلا ما نحتاج الهدوم 

لعد ليش اجيت هنا

غير حتى اخلص من ام عايد

كل ساعه چافته علينه

تگول شرطي

سراب .....حرام عليك خوش مره مداريتنه

وسام....بعد وجهي اشويه بس ظل حاضني

شوفي هيه خوش مره بس اهنا 

كلشي بفلوس يعني لوما امدريه

بالكراميات

جان ما شفناهه هههه

ظل يسمعني كلام حلو جان فرحان 

ومرتاح

مره يغنيلي

ومره يبوسني

ومره يسمعني شعر

عيشني احله ليله بعمري

كعدنه ثاني يوم اظهر اخذنه غده ورحنه للفندق شفنه عمو خليل

وتغدينه وياهم

بعده طلعنه للسينما 

شفنه فلم حلو

وسام الله صار عمر ابكامله ما داخل سينما

شنو ابغداد جنت اتروح للسينما

....وسام عشقي سينما النصر

وسينما سمير اميس وغرناطه

وين الكه فلم حلو جنت اني والشله

يوميه بالسينما

ايام....وراحت

 ايده حاضنه كتفي وحط الشاميه ابحضني ونتفرج

بعده اخذني مطعم وهنا اجرمت بنفس من اختاريت اكله فلسطينيه

كالولي 

اسمها محشي بالبن يعني بضبط دولمه ملفوفه بس بكاسه لبن حامظ جانت كلش طيبه

ونزل كباب عراقي

اكلنه لمن شبعنه 

طلعنه خلص لازم نرجع للمستشفى

سراب....خلينه نتمشه اشويه

الاكل كبس على صدري

الشوارع حلوه والمحلات والحدايق

نتمشه ونتفرج

وفجاه لعبت نفسي

كانت اكو حديقه ...سحبني الهه وسام

وبديت اتقيا...اختنكت احس روحي

طلعت

حتى كعدت على الثيل تعبت

وسام.....انخبص اشبيج سراب

سراب....خلي ارتاح اشويه يمكن خربطت بالاكل

لا يجوز عندج تسمم من الاكل امشي بسرعه نرجع للمستشفى

لا هذا الحجي ميوكل 

گومي نرجع للمستشفى خلي الطبيب يشوفج

.... خبصني وگفت اشو دخت كمت اترنح

وسام.....اصارلج ياعمري

ليش وجهج شاحب 

لزمنى وكوه واكفه اجر تكسي للمستشفى

دخلني للطوارء

وحجالهم حالتي ...قاسو الظغط

لكو هابط كلش

شكلولي مغذي وخلولي بي ابره

واخذو دم للتحليل اخاف تسمم مثل ما گال وسام

وسام....جر كرسي وكعد يم راسي

يلعب ابشعري

ويباوعلي بتركيز

اصدكين سراب...كل انسان عنده شي ثمين يخاف عليه

الي عنده فلوس 

والعنده سياره غاليه

والعنده نفسه يحبه ويخاف عليه

اني انت عندي اغلى واثمن ما بالوجود

اخاف عليج من هذا الهوى

الطبيبه....

المريضه سراب

التفتله وسام....نعم

مبروك حامل

              الفصل الرابع والعشرين من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال