رواية حظ عاثر الفصل الثانى و العشرون بقلم ليل ادم
عبال ما وصل ادهم الشغل كانت الساعه ١٢ الضهر أول ما دخل المكتب كان قصاد سامي
ادهم : ( هيا اسطباحه فل من أولها )
سامي: أهلا يا دومه
أدهم: أنا آسف على التاخير والله يا
سامي: ( قطع كلام ادهم) اسكت اسكت تأخير ليه المهم انك جيت على خير تعالي معايا كمان علشان تعرف اني بحبك
ادهم: على فين طيب افهم
سامي: ادخل المكتب بس تعالي
ادهم: ليه طيب
سامي: خد ياعم البصمه الخاصه بتاعتي علشان يومك يتحسب
ادهم: اي الجمال ده الله يفتح عليك يا مستر سامي
سامي: بقولك يا دومه
ادهم: بلاش دومه دي قولي ادهم عادي
سامي: اسمع بس يا حبيب عمك سامي
ادهم : لا ده كده احلوت اوي قول ياعمو سامي يا حلو
سامي: امبارح صليت صلاة الاستخارة بخصوص موضوع مدام حبيبه
أدهم: طبعاً السقف وقع فوق دماغك مش عايزه كلام
سامي: ياض كفايه هزار اسمع بس
ادهم : كمل كمل
سامي : لقيت مدام حبيبه جتلي في المنام لبسه فستان أبيض جميل
أدهم: يا راجل
سامي : اه والله
أدهم: وبعدين
سامي : قالتلي انتا نصيبي وأنا نصيبك
ادهم : استاذ سامي انتا كنت شارب حاجه قبل الصلاه أصل الاستخاره دي لازم تتعاد بصراحه
سامي : يعني اي مش فاهم
ادهم : يعني انت فعلا نصيبها وهيا نصيبك اعتمد يا برنس وليك عندي ليله تحلف بيها
سامي : فين
ادهم : في الشارع عندنا
سامي : لا هو أنا برضوه هعمل فرحي في الشارع
ادهم: لالالا خلي بالك انتا كده ممكن تترفض إحنا عندنا سستم بنمشي كلنا عليه
سامي : يا راجل اي هو
أدهم: كل أفرحنا و أموتنا وكل حاجه في الشارع وغير كده ام ايمن كل شهر ولا بلاش
سامي: ام أيمن مين
ادهم: اي ده انتا مش عارف ان مدام حبيبه تبقا ام ايمن
سامي : اه صحيح قالتلي قبل كده الكلام ده
ادهم: طيب بقا
سامي : خلاص الاسبوع الجاي أن شاء الله قراءه الفاتحه ولا اي رأيك
ادهم : لأ يبقا تعمل زياره لحد البيت تتكلم مع الناس في التفاصيل وأنا ادخل ل استاذه رحاب لحسن تقلب عليا
سامي: خلاص انتا صح حددلي يوم
ادهم: خلاص انتظر مني مكالمه
سامي: اوعا تنساني
ادهم: والله لو نسيتك يبقا ربنا بيحبك سلام
سامي : الواد ده كلامه غريب
في جانب آخر
رحاب : اي يا ادهم عشر سنين علشان تيجي
أدهم: والله راحت عليا نومه
باب المكتب بيخبط
غاده: بصمه حضرتك لسه وصله حالا على جهازي عملتها اذاي
ادهم: حطيت صباعي على الجهاز قالي ياراجل ادخل هو انت غريب
رحاب : ( بتضحك)
غاده: بس يا رحاب علشان ادهم بقا مستفز بجد
ادهم: أنا
غاده: تمام أنا هاخد ورقي وماشي خليكم في المكتب من غيري كده كده مكتبكم دمه سم ومحدش يشتغل في هيا ناقصه
وخد كل أوراقه وفتح باب المكتب ووقف على الباب دقيقه وبعدين رجع قفل الباب ومبتسم طبعاً أنا كنت بهزر هو أنا ليا حد غيركم دنتوا بتقفشوا بسرعه أوي
رحاب: خلصت الشو
ادهم: وربنا لو قومت خرجت ما حد هيعرف يرجعني أنا جالي عرض من مكتب تاني قولت ياض عيب الناس دي انتا واكل معاهم عيش وملح جاي منكم ولا امشي
غاده: المرتب بتاعك نزل
أدهم: يا فرج الله أخيراً هاخد فلوس من مكتبكم
رحاب : شوفت
ادهم: هو أنا ليه مش بيجيلي رساله زاي عندكم كده اني رصيدي في البنك بقا كذا ولا أنا المرتب بتاعي فلوس فضه ولا اي
غاده: انتا عندك حساب في البنك
ادهم : عايزه الجد ولا ابن عمه
غاده: الجد
أدهم: لأ
غاده: لأ اي
أدهم: خودي ابن عمه علي الاقل عينه ملونه وشكله اجنبي ( وحط فنجان القهوه قصاد غاده)
غاده: مين قالك اني عايزه قهوه
أدهم: هو أنا ينفع اعمل قهوه و انتي قاعد معملش ليكي معايا
رحاب : وأنا اي شفاف
أدهم: لأ انتي عندك النهارده الفطار هنهزر
رحاب : لا خلاص الساعه بقت ١٢ ونص
أدهم: حلو اوي يبقا غداء اتصلي على الرقم اللي على مكتبك ده
رحاب : رقم مين ده
ادهم : ده عمك سيد النتن لسه فاتح جديد بيعمل شويه سندوتشات موت
غاده: انتا عارف انا كنت داخله أقولك انتا مفصول من العمل دخلت خدتني شمال ويمين وشمال ويمين خلتني نسيت
أدهم: خليني شغال معاكم هو خلاص يعني جت علي الكام ملطوش اللي بخدهم بلا وكسه
غاده : ( بتضحك ) يابني مش عايز تكبر
أدهم:: لا أنا كده حلو اديني مرمي في المكتب مع استاذه القانون الدولي حوت الكيمياء واستاذه الفيزياء وعالمه الصحراء رحاب الخضراء
رحاب : ( بتضحك جدا)
غاده: دنتا كمان رفعت الألقاب رحاب من غير استاذه
رحاب : لا بعيد عنك رفع الألقاب من تالت يوم شغل ليه تقريباً مش معترف اني الاستاذه بتاعته
أدهم: ياله بقا رني على الراجل والله جعان
رحاب : ياعم اسكت سيد نتانه اي بلا قرف
ادهم: لا والله ده جامد جدا اتصلي بس
غاده: خلاص اتصلي معلش يا رحاب يمكن نخلص
رحاب: طب أخلص علشان عايزينك بجد
ادهم: طب رني بس
رحاب: ألو
صاحب المحل: ألو
رحاب: لو سمحت
ادهم: لو سمحت أي كده هيفتكرنا اجانب ويعلي علينا السعر ( وشد التليفون من ايد رحاب ) ألو
صاحب المحل: قولنا ألو
أدهم : طول بالك يا عم سيد أنا ادهم اللي بركن العربية عندك
صاحب المحل: اه عرفتك عايز اي يا ادهم
ادهم: تأكلي اي
رحاب: مش عايزه أنا
ادهم: وانتي يا غاده
غاده: ده رفع اللقب من عندي أنا كمان
أدهم: هو ده وقته تكلي اي
غاده: لا ياعم مش عايزه
أدهم: ابعتلي الطلب بتاعي على المكتب يا عم سيد
صاحب المحل: ماشي سلام
ادهم : سلام
غاده: يعني حضرتك جاي آخر اليوم وكمان عايز تاكل دنتا بارد جدا
أدهم: بصراحه يا غاده أنا مش عارف اقولك اي ولا اقولك اي علشان كده أنا هجيب من الاخر سلام
رحاب: يابني مالك النهارده كل كلمه عايز تمشي وتسيب المكتب
أدهم: بقولك جالي عرض من مكتب تاني بيموت
غاده: هو اي اللي بيموت المكتب
ادهم: لا العرض
غاده: طب اسمع علشان بكره في مقابله مع العميل اللي مش عارفين تعملوا اي حاجه في الأوراق بتاعته يمكن تقدر توصل ل حاجه
أدهم: ماشي يكون احسن
غاده: أنا عرفت أن زين صاحبك اوي
ادهم: يخربيت الشهره
غاده: أنجز صاحبك فعلاً
ادهم: اه
غاده: كلمه كده حاول تفهم منه أي حاجه
ادهم: رغم اني عارف أنه مش هيريحنا بس اهو ( وطلع تليفونه رن على زين ) بيكنسل
غاده: باين فعلاً أنه صاحبك
ادهم: اهو بيتصل اهو شكلك بقا وحش ألو
زين : اي يا شحات
ادهم: أنا شحات يابن هريدي
زين : طبعاً بتتصل علشان القضية اللي بين مكتبي والمكتب عندكم
ادهم: اكيد طبعا
زين: بحب فيك صراحتك
ادهم: ياعم هو انتا غريب
زين : قول ل استاذه رحاب بلاش تحضر الجلسه احسن
ادهم: للدرجادي
زين : ذمه ودين لقيت في الأوراق غلطه واحده
ادهم: لحد الوقتي بصراحه لأ
زين : يبقا اللي هلمحه همرجحه
ادهم: طب أبقا تعاله النهارده بليل علشان الواد سعيد تعبان اوي
زين : ماله
ادهم: لا منا جمبي حريم مينفعش اقولك
زين : جمبك حريم ليه هو عنده مرض قليل الادب ولا اي
ادهم. : لا لما تيجي اقولك سلام
زين : خلاص بليل جايلك سلام
رحاب: اي
ادهم: منتي سمعتي كل حاجه هو اي اللي اي الواد بيقولك اللي هلمحه همرجحه
غاده: يبقا بكره حضرتك تيجي بدري علشان تقابل العميل مع استاذه رحاب القضية دي مينفعش مكتب زين ياخدها انتو فاهمين ولا اقول تاني
ادهم: أنا فهمت شوفي رحاب
غاده: تمام بعد اذنكم
رحاب: وأنا كمان بعد اذنك
ادهم: ( مسك ايد رحاب ) وحق الأكل اللي جاي ده مين هيدفعه
رحاب: أنا مالي
أدهم: إحنا مش قولنا أنا يوم وانتي يوم هو انتي نصابه ولا اي
رحاب: ولا اقولك استنا علشان تيجي معايا مشوار أصلا بعد الأكل
ادهم: احسن كده كده مش عايز اقعد في المكتب النهارده
وبعد الانتهاء من الاكل راح فعلاً ادهم مع رحاب
أدهم: احنا جينا هنا ليه
رحاب : انزل بس
ادهم : نزلت
رحاب : لو سمحت أنا كنت هنا من يومين بسبب مشكله في العربيه
العامل : اه هو حضرتك تتنسي
رحاب: شكرا بس المشكلة لسه موجوده ممكن حد يشوف الموضوع ده
العامل : اه أتفضلي ادخل يا استاذ بعد اذنك وسع سكه
أدهم: ادخل ياعم انتا غريب
رحاب: تعالى اقعد جمبي هنا
ادهم: في اي مالك
رحاب: أصل بصراحه العيال دي شكلها مش مريح بالذات الولد اللي شغال في العربيه ده علشان كده جبتك معايا لاني خوفت منهم
ادهم: لأ انتي جبتي الراجل المناسب في المكان المناسب
رحاب: منا عارفه والله يا ادهم
بعد عشر دقائق
العامل : يا استاذه تعالي كده جربي العربية
رحاب: ماشي
العامل : اجي معاكي
ادهم : هيا رايحه رحله رايح انتا عبال ما تشوف العربية
العامل: الله انتا بتكلمني كده ليه يا استاذ
ادهم: ياعم هو أنا قولتلك حاجه
العامل: لا منتا متعرفش تقولي
رحاب: ادهم ادهم خلاص أنا استلمت العربية يالا نمشي
العامل : لا خلينا نشوف اخره اي
ادهم: أركبي انتي بقا كده و أطلعي بره بعد اذنك
رحاب: لا استنا هقولك
ادهم: ( بصوت عالي) بقولك أركبي
رحاب: حاضر حاضر ( وخرجت من المحل ل يتفاجئ ادهم أن حد شد باب المحل )
بعد مرور ربع ساعة من صوت التكسير والضرب والصوات اتفتح باب المحل وخرج منه ادهم
رحاب: ينهر اسود اي ده
ادهم: لا أنا كنت بعرف الواد غلطه بس
رحاب: تعالي بس اركب اركب
العامل: ارفع الباب ياض على آخره
ادهم: يارب تفرقع بيكم
رحاب: تحب نروح مستشفى يا ادهم والله ما كنت عايزه يحصل كده
أدهم: لا مستشفى اي بس أنا تمام بس مش عارف ليه دماغي مصدعه الواد ابن الجزمه كان ماسك دماغي عمال يرج فيها تقوليش ازازه حاجه ساقعه
رحاب ؛ حقك عليا والله انا اسفه بجد
ادهم: لا تمام مفيش حاجه رجعيني البيت بس علشان الواد التاني قفل عيني خالص
رحاب: حقك عليا والله
ادهم: الله يكرمك رجعيني البيت مش شايف حاجه
رحاب: حاضر حاضر
بعد الوصول إلى المنطقة
رحاب: هات ايدك انزل على مهلك
ادهم: فين ايدك مش شايفها
رحاب: استنا حماده اهو
ادهم: اندهي عليه
رحاب: حماده يا حماده
حماده: ازيك يا استاذه
ادهم: مش وقته يا حنين
حماده: اي ده مش ده اخويا ادهم
ادهم: هو أنا وشي باظ للدرجادي
حماده: وشك اي بس هو بقا في وش مين عمل فيك كده
ادهم: مش عارف انا اخر حاجه شوفتها عيل كان ماسك شعري حط وشي في الزيت بتاع العربيات
حماده: لالالا مش احنا اللي يتعمل علينا حفله اركب
أدهم: لأ عايز اطلع
حماده: وربنا أبدا حقك يرجع وبعدين تطلع
رحاب: لا لأ علشان خطري بلاش نروح تاني
حماده: وكتاب الله اخويا ادهم حقه يرجع يعني يرجع اركب ياعم ( و ذق ادهم جوه العربية)
وفعلاً خدت رحاب العربية وصلت حماده علبه و ادهم لحد باب المحل تاني
حماده: انزل معايا
ادهم: وربنا أبدا
حماده: ياض انزل قولي مين وامشي
ادهم: اي حد يقابلك جوه تضربه كده كده كلهم ضربوني
حماده: من عيني بس كده ( وفتح باب العربية ونزل دخل المحل قلع الفانله)
حماده علبه: أنا عايز راجل وقف علي رجله يظهر قصاد عيني يقولي أنا اللي عملت في اخوك كده
العامل: أنا
حماده: أنا واخد واحده عكس عكاس يعني مش شايفك أصلا ياض ( وفجأة باب المحل نزل )
رحاب: الحق يا ادهم باب المحل نزل
ادهم: قولتله بلاش خلي البرشام ينفعه
سامعين صوت ضرب وتكسير وحماده جوه عمال يصوت يقول البنطلون لا والنبي يا خويا البنطلون لا عيب كده وربنا وبعد ربع ساعة الباب اتفتح خرج حماده بالشورت بس نام على الارض مقتول ضرب
رحاب: حماد قوم مالك
حماده: أتصلي بالاسعاف بموت
رحاب: إسعاف اي ينهر اسود شوف حماده يا ادهم
ادهم: هو أنا شايف حاجه خالص
رحاب: ينهار اسود اعمل اي أنا الوقتي
ادهم: هو مش قالك اتصلي بالاسعاف بسرعه مستنيه اي الله يحرقك ❤️
بدل ماتدور وتبحث علي الروايات خليها علي تليفونك وحمل تطبيقنا
