رواية الهيصم خطوط سوداء الفصل الثاني والعشرين 22 بقلم بنين احمد
وجنـت اخاف يصيرلي الصايرلي هـسة .
وهـاذا احلى بارت لعيونكمم::-
********
"تاليـا"
- جنت كاعده بلمطبـخ أسوي غده دخلت عليه ميسم وهيه طگ بعلجهه أجتي وكفت يم الگامنتر وأني أخوط بلفاصوليه
حجت بقرف ومن ورى خشمهه
ميسم:- هييي أنتي وين أخوج المخبل أريد فلوس
تاليا:- أولاً ما اسمه المخبل أسمه ذيب وثاني شي من اطلبين شي من أحد أو تسألين أحد مو بهاذي الطريقه مفهوم عدلي وكفتج وذبي العلج وطلبي بحترام
ضحكت ضحكه الرقاصات وحجت مستهزئه
ميسم:- معرفتج تربيت سميره هههههههههههاي
تاليا:- لا عيني الحمد ألله انا تربيت أخوي ذيب هوه العلمني ورباني
ميسم:- هه أخوج ذيب والله ثم والله الى أخليه يصيح الويل وميلاكي
تاليا:- انتي مره شوفينه بطولاتج
رجعت ضحكت ضحكه الرقاصات
ميسم:- لجج مامه خافي على نفسج لا توكعين هم أنتي هههههههههههههاي
ضربتني على جتفي وعافتني وطلعت ما الومهه ماعرفت شنو يعني تربيه بعمري ما حسيتهه هيه أختي
كملت الفاصوليه وصحت العائله تجي تاكل ذيب البارحه بليل التحق نزلو كلهم حتى أمي سميره
هستونه كعدنه ودخلو علينه بيت عمو حسين كلهم أجوي
دخلت منار للمطبخ ركضت حور صارت مقابيلهه والله هاي البنيه متكعد راحه
حور:- خير ياا طير
منار:- اهووو انتِ وخري غير بيت رجلي وجايه أشوفه
حور:- هههههههههههههههههههههههههه
منار:- دوخريي شبيج واكفه بوجهي
حور:- باعي مامه من دكولين بيت رجلي أفرك حلكجج فرك لأن لوو يجي حصان الحمزه هم ماخلي يتزوجج انتِ الخيخه
منار:- شبيجج عيوني شبيج هيج ضايجه وحتموتين من الغيره على كيفج مامه
حور:- ترا انتي مصدكه نفسج وعايشه الحضه بس يول انا ما الومج عيشيهه لأن هواي راح تفتقديه
منار:- هسا انتي شعليج دوخري
مشت منار ودفعت حور من جتفهه سوت النفسهه طريق ومنار مشت خطوتين وحور اندارت عليهه جرتهه من شعرهه وسطرتهه راجدي
من قوه الراجدي منار وكعت بلكاع
تاليا:- لجج ليش هيج
حور:- مدخلجججججج انتي
عاطت بيه عزاا هاي هم طنكيره اذا طنكر بعد شيفكهه منار كامت وكفت على حيلهه بس مغمضه عينهه من جهه الراجدي وخدهه احمر
منار:- انتيييي شلون تتجرأينن تمدين أيدج عليه
حور:- بكيفي اكو مانعع
منار:- بعد اذا مديتي أيدج عليه اكسرها الجج وما اطلعع بت حياة
حور:- طييييييييييييييييييييييييييط
حور جنهه ولد عفطتلهه وتخصرت وحجت بصوت عالي
حور:- لااااااااا يمه خفتتتتتتتتتت والله خفتتتتتتتت تشوفين تاليا خفت خفت
منار:- انتي البديتي انتي تتحملين
عافتنه وطلعت حور هزت أيدهه وصعدت فوك لغرفتهه
يعني عدها هرمون الرجوله فضيعععع ومنار داخت ماعرفت شنو تحجي عافتهه وطلعت صراحه ضحكت على شكل منار
طلعت بصاله شفت بيبي دعشه كاعده تباوع على تلفزيون اجيت وكعدت يمهه احنه الصاله مالتنه جبيره اول ما تدخل للبيت من بابين واحد من
المطبخ والثاني على الستقبال وراهن تجي الصاله الجبيره هنه صالتين وحده مطله على الثانيه والدرج صاير بنهايه الصاله على الجهه اليمنى
فكعدت يمهه وضليت أباوع وياها شوي ودخلت ميسم هاي وين جانت
تاليا:- وين جنتي؟
ميسم:- بجهنم عندج شيي
حور:- كون يربطوج بضهر ابو لهب
ثلاثتنه درنه راسنه على جهه الصوت حور نازلتلنه بجامتهه الحمره ولابسه بدي اصفر وشعرهه مسويتهه
كعكه ومهلس ولازمه بيدها جزرايه وتاكل بيهه أحجتي كعدت ويانا مكمله كلامهه
حور:- أي ولجج الدايحه دكولين وين جنتي لا اروح اكول لذيبووو عليج احجي يللله
ضحكت ميسم مسهزئه بكلام حور
ميسم:- هههههههه كتيلي ذيبوو قصدج المخبل لا ميدري وبعدين واذا دره هوه ونعال
ويه كلامهه دخل ذيب عزااا العزاني مو جان ملتحق شنزله دخل فاتح عيونه على وسعهن اباوعلهه نار تطلعع من عيونه
التفتت على ميسم اشوفهه تبلع بريگه خايفه وحور ضحكت تشمت بميسم خرب شلون ثلاثه
ذيب أجه بتجاه ميسم وكف مقابيلهه ساكت ما نطق كلمه بس مخنزر وأيده وره ضهره
يخوف وحور النعاله طلعت التليفون مالتهه وخلته ورى المزهريه على مود تصور شيصير بلعركه شلون بيهه انا
الكل ساكت والهدوء سيد المكان بألاخير حجه ذيب وأخيراً
ذيب:- أخـر مره أسمع هاذا الگـلام لا ونـور محمد أنـعل والديـج والـكفل زينب
:- لارد
:- والسكوت علامت الرضه مو
:- لارد
:- خوش
عافهه وصعد فوكك هم زين ماصارت مشكله جان هسه شخلصنه من عصبيه ذيب بس بيبي دعشه ما نطقت حرف
اسمع دردمه وراي انداريت على حور لكيتهه معصبه لئن ما صارت مشكله تموت على المشاكل مو بنيه
[ ذيب ملتحق بس من ياخذ أذن من المسؤل ينزل بس ساعتين او اكثر بهيج حدود ونوب يرجع يالتحق]
"حور"
صار ست أيام فوفايتي ماموجوده اشتاقيتلهه الملعونه وضوجه بلبيت
شوشو نايمه دعيشه وجبولي جبلبل نايم هم وتالـيا تقـرا قرأن وذيب طلع بسرعه شبي مستعجل مادري بس طوززز بهاي العائله
اممم نشتغل شوي دور المحقق كونان
اول شي نجي على الوصيه الي ماندري منين طلعتلنه وليش هسه يالله طلعت
وليش ورى ما مات عمو أياد يالى طلعت الوصيه عمو ثابت اليوم البارحه من مات؟؟
عمو أياد يموت على عمي ثابت الله يرحمه جان يصيح أخوي وأخوي معقول يگتله وعلى مود شنو على مود فلوس
وبعدين عمو ثابت شيسوي بلفلوس وهوه جان لوأء ركن جان هوه الينطي للناس مو ياخذ منهم
امم يعني القصه بيهه أنه
رحت متوجهه للميز المرايه وطلعت بيه دفتر ملاحضات وسجلت بيهه كل السأله الدارت بالي ولازم الكالهن جواب
حور:- كونان فيييي چسداً صغيرررر اتـوارى أتـحدى الخـطيرر بجـساره فـي چسداً صغيرررر اتـوارى أتـحدى الخـطيرر بجـساره
يعنيي لازم نبدأ تحركاتنه يالله لو أني لو هاي الوصيه
نزلت جوه لدعوش ما لكيتهه رايحات للسوك هيه ومنار وحياة على مود يجهزاً لخطوبت الخنزيرة منار
صفنت بيهه شوي ليش ما اروح وافتش غرفه دعشه
رحت اركض لغرفه دعوش دورتهه مالكيت بيهه أي شي
مشيت متوجهه للحمام جان الباب مردود بس ما مسدود لا بس هيج مردود
أمشي ولا هامني فتحت الباب على وسعه وجان اشوف جدو جبلبل عزااااااااااااااااااااااااااااا
واكف يسبحح
جبل:- لجججججج انتييي شسوين هنااااااا
ضليت صافنه عليه لا اخذ ولا انطي عود صدك الجاي أشوفه
ياا بويه خرب ضليت فاكه حلكي الله يعينج دعوش
طبكت الباب بوجهه جبلبل وصعدت فوك اركض هاي انا شصخمت خرب يومي هسه شعندي رايحه للحمام
توازيت ضليت ألوب والفشلهه ماكلتني اكل سمعت صوت منار وحياة
حياة:- يمه هوه مخبل خل يتخبل بيج خوش يبعد أمج
منار:- يمه مامصدكه مامصدكه راح اتزوج حبيبييييي
حياة:- أي راح تاخذين حبيبج بس ثگل شوي الولد ميحب الخفيفه
منار:- صارر
هزيت أيدي ذني مصدكات راح تصير خطوبه انا ما يطلع اسمي حور اذا ما كنسلت الخطوبه خوش ياا الخنزيره منار
ذيب الفوفايتي وفوفايتي لذيب غير هاذا الحجي ماعندي
نزلت جوه بصاله شفت دعشه كاعده تمسح بوجهه من التعب
حور:- دعيشه طبيت على رجلج وهوه بلحمام وشفت مالاته بس سؤال عليج الله
دعشه:- ولجججج حويره شايفه خ*** رجليي ياااا كاع انشكي وبلعينيييييي يبوووووووو
حور:- هنه سود عليمن تصرخين
شالت الباكيت الكلنس وشمرته عليه
دعشه:- روحيي بت رقيه روحييي من يميييييييي أمج عافتجج عله على كلوبنه أمشييييييي
تذكرت كلشي صار من أمي شمرتني على أبوي وراحت وتكفل بتربيتي جبلبل لئن أبوي يدرس دكتورى
وما سأل عليه وحتى أمي ما شايفتهه من صار عمري 9 سنوات ولي هسه ما شايفتهه عفتهه بدون ما احاجيهه ورحت للحديقه
تعبت شنو هاي الحياة الكل يتشمت بيه على شي مو بأيدي ودائماً ميسم دكلي انتي جابج أبوج بلحرام وأمج ما رادتجج وشمرتج علينه وخطيه جبلبل هوه الرباني لئن انكسر خاطره عليه
ليش ما عندي عأئله مثل باقي البنات ربييي دخيلك
بعدني بصفنتيي وصارت أيد على عيوني حجبت عني الروئيه تلمست الأدين
هاي أيد ناعمه أيدددددد فوفايتي
حور:- فوفايتييييييي
أيڤانا:- حبيبتيييييييييييييييييييييييييييييي
حور:- مشتاقتلجج
حضنتهه حيلللل مشتاقتلهه وضلينه نفتر بلحديقه واني حاضنتهه وهيه هم حاضنتني
أيڤانا:- ياااااغوحييييييي
حور:- أم لدغه مشتاققققه الدغتججححجججج
أيڤانا:- هم هيه مشتاقتلججججج
حور:- أحبججججججججج
أيڤانا:- أموتتتت عليج
حياة:- وكرصصصصصصصصصصص للخفه العدجن
وخرت فوفايتي من حضني وأشوف حياة واكفه ومتخوصره وتحجي بصوت عالي
حور:- خيررر يا طيرر شكووو جايه وتعلين صوتج عليه
حياة:- صوتج منا الجيران لو تريدين تسمعيهمم
حور:- بكيفيييي بمزاجيي اسمع استمع هاي الشغله راجعتلي انتي شحارك حمامج؟
حياة:- ما اعتب على احد لأن محد رباج أمج عافتج عله على كلوبنه وأبوج هم طفر وخلاج
صارت ناررر بروحي من ذكرت الموضوع كدام فوفايتي
حور:- والله الرباني عرف شلون ينطي خبز وتربيه بس العتب على الرباج الي انطه خبز ما انطه تربيه
حياة:- احترمينييي مرة عمججج احتراميي احترامه بت الزنا**
أيڤانا:- شنوو؟
كلبي دكاته عتالت أكثر موضوع ما يخليني اسيطر بمشاعري اتعب من احد يشمت بيه
طلع عمو حسين من الباب استقبال وكف ورى مرته وحجه
حسين:- شصاير هناا
حور:- مرتككك الشفيه تعايرنيي بموضوعع مو بأيدي
حسين:- يااا موضوعع التعايرج بي
حياة:- حسين تقبل تغلط عليه واني مرة عمهه الجبير وحترامي من احترامك بس لئن كتلهه نصي صوتجن عيب منى الجيران هيه هلت عليه بلغلط
حسين:- وبعدين وياج احنه نخلص من ذيب اطلعين انتي لو أمج حوتج وعرفت شلون تربيج وكعدت يمج وما راحت دكو** بشوارعع جان مو هاذا اسلوبجج بالحجي ويا مرة عمجج
أيڤانا:- تغا هيه الغلطانه مو حوغ
حسين:- اسكتي عمو اسكتي بعدج متعرفين شي هاي حور ما متربايه
لف السبحه على أيده وطلعع وحياة واكفهه ومبسمه بخبث
حزت بخاطري حيل عفتهن وصعدت فوك الغرفتي وقفلت البابب
حور:- وبعديننننننننننننننن وبعدينننننننن
ابقىىى بهاذااا العذاببببببب اكرهجججججحججج رقيههههههه اكرهكككك هيثممممممممم ليششش صرت ضحيه ليشششششششششششششش
راحت على المرايه امسح دموعي
حور:- لا لا ما نبجي محد يستاهل انزل دمعاتي على موده محد
مسحت ادموعي ورحت للتليفون لكيت حمزاوي مراسلني خابرت عليه ما بيه حيل اكتب
رد عليه بسرعه كل عاده حبيبي ميخليني انتضر
حمزة:- روحيييي وراحتي من الدنيا
حور:- هلا حبيبي
حمزة:- شبي صوتج؟
حور:- ما بي شي
حمزة:- ياهوه الي وياج منو محاجيج انعل والديه
حور:- محد حبيبي بس مريضه
حمزة:- بيه ولا بيج يبعد عيني
حور:- شكو ماكوو
حمزة:- كيييييييييييلشييييي ماكووو انتي شكو ماكو
حور:- والله يااعيوني انا شاگه انو الوصيه
بيها أن
حمزة:- شلون؟
حور:- يعني عمو أياد چان يموت على عمو ثابت حتى من مات عمو ثابت چان ذيب صغير وليش كاتب بلوصيه لازم يتزوج منار
ومنار من مات عمو ثابت جان عمره بس 4 سنوات؟
حمزة:- اناخوكككك وبعد
حور:- وعمو ثابت ليش يطلب فلوس من عمو أياد وهوه جاد لواء
حمزة:- لواءءءء ابو ذيب لواءءء؟
حور:- اي شبيك
حمزة:- اول مرا ادري أي كملي كملي
حور:- أي وتتوقع عمو أياد يكتل عمو ثابت على مود الفلوس وهوه عمو أياد من عمو ثابت اتزوج سميره وطلع بيهه لغير محافضه وقطع التواصل ويانه على مود سميره
جان عمو أياد هوه الي بس هوه ما قطع التواصل ويا ويحبه ويروحله كل جمعه وهمه محافضات لعد شكد عمو أياد يحب عمو ثابت
وتريد تقنعني انو عمو أياد يكتل عمو ثابت
حمزة:- لاااااا امبينه جذبيا هاي الوصيه بس معقولل ذيب عبرت عليه لو هيه يعرف شي ومشي السالفه بمزاجه شدكولين
حور:- اي والله يمكن ذيب مو غبي على مود يخطي خطوه بدون ميدرسهه عدل مو
حمزة:- اممم باعي انا راح اروح للقاضي الي اخذ الوصيه وقراها وأشوف الوصيه بعيوني وانتي اتأكدي من افراد العائله اذا واحد الى دخل بلموضوع وخاصتن الولد خوش حُب
حور:- من عيوني حبيبي
حمزة:- اشتعل حبيبج ياا
سديته بوجهه الذوق سزز راح يحجي حجي عيب اخذت ملابسي ودخلت اسبح
********************
"أيڤانا"
حيلل ضجت من عمو حسين هوه ومرته ليش هيج يحاجون حور طلعت من بيت شيخ جبل رحت البيتنه دخلت لكيت نايا وميلڤين واكفات يسولفن بس شافني سكتن
ما اهتميت بيهن صعدت فوك الغرفتي وقفلت البابب حيل تعبانه اخذت ملابسي ودخلت اسبح
من رحت الي هسه ماتواصلت ويا ذيب حتى مسأل
عليه اليوم شافني وما حجه وياي كلمه اصلاً عافني وراح حيل انزعجت من تصرفه فوك شينه كوات عينه
تنهدت مخلصه سبح طلعت من الحمام شسورت شعري ونزلت جوه ما لكيت لا ميلڤين ولا نايا
ميلڤين حيل متغيره من مات بابه الله يرحمه وهيه متغيره عليه أمي من اجيت الي هسه نايمه صدك جذب بس خطيه تعبانه فـما ازعجتهه
رحت سويت الغده بين ميكعدون كملت الغده بليل صار هوه غده وهوه عشه
خابرت ميلڤين تجي لئن راحت بيت عمو حسين كالت راح تجي
رحت الغرفت أمي حتى اكعدهه لكيتهه نايمه على بطنهه
أمي متحب تنام على بطنهه دكول نومه الشيطان كعدتهه ماكعدت يعني الهل درجه تعبانه كلت خطيه اعوفهه
أجتي ميلڤين كتلهه أمي بعده ما كاعده من تكعد نتغده وهيه وافقت بسرعه
ضليت متانيه أمي مكعدات ضليت العب بتليفون للعشره هيه ما كعدت
رحتلهه كعدت متكعد
أيڤانا:- يومممم يوم أكعدي كملت الغده صارت الساعه بالعشره يلله اكعدي
:- لارد
أيڤانا:- يومم صدكك جذب كومي يله هاي ميلڤين جوعانه يلله
:- لارد
خفت ليش مترد عليه بس لا صار الهه شي هزيتهه حيلل وكعت أيدها على الجربايه مثل المغمى عليهه رأساً أجتي أفكار براسي
أيڤانا:- يومممم اكعدييييييييييييييييي يومممممم كملت الغده كوميييييييييييييييييييييييي
أجتي ميلڤين تركض على أثر صريخي نزلت من شافتني اصرخ فوك أمي وكفت على الباب وضلت جامده متتحرك
أيڤانا:- يوممم كوميي الله يخليج والله أموت بدونججج والله
ميلڤين:- لا لا لا متروحححححححححححححححح ممنوع تروححح لججججججج يمههههههههههههههههههههههههههههههههههههههه سوده بوجهييييي
صرخت وضلت تلطم على وجهه أجتي تركض يم رجلين أميي وتلطم على وجهه
ميلڤين:- ربييييي أخذذ روحييييي بس هيه بقيههههههههههههههههههههههههههه
