رواية انتقامك وانتقامي رد الدين الفصل الثاني والعشرين 22 بقلم تولين جراح
لقد كلَّفَني الوصول إليكِ كثيرًا مِن الصَّدقاتِ، وعددًا هائِلاً مِن الدَّعواتِ في جوفِ الليل، ولم يبقَ مسجِدٌ في المدينةِ إلّا وكانَ لي أثرٌ به، كانَ الطريقُ إليكِ صعبًا، ولكن كانَ وعدُ ربي حقًا، ونِلتُ منزِلَتي في قلبِكِ🤍
........................................................
ترتيل....
باوعت عليه برعب واني اشوفه يباوع عليه بغضب حجيت بخوف
ترتيل: شووف والله اني ما احبه هوه اني معليه
_اممم ، جا ليش كاتل روحه عليج
ترتيل: شسويله هوه لزك ، يعني اني مالي دخل
واكفه مثل الطالبه الكسلانه وهوه كاعد كبالي على كرسي منتجي عليه ويشرب جكاير صغر عيونه من طلع الدخان من حلكه ، وكال بعد سكوت دام دقائق
_شنوو الي يثبتلي صحه كلامج
ترتيل: شاهين كافي تعبتني تره عيب عليك ،شة موكفني مثل الطالبه الكسلانه
شاهين: ولججج ترتيل انه يجيني هذا الكوا*** يكلي ابعد عنها هيه تحبني
ترتيل : عزه بعينه كون شيريد مني هذا
شاهين : شيريد يعني يريدج ،ولججج تعبتينيييي
ترتيل: شعليه اني شاهين هوه لزك وبعدين انتَ شعليك بيه تره واكفه هاي
كام بعصبيه وصرخ بوجهي
شاهين : ولجججج شنووو شعليه جااا وحبنه
ترتيل: انتهى كلشي شاهين ومن سنين انتهى ليش باقي بأمل نرجع لبعض
شاهين: بس عيونج يكولن غير هيج
نزلت عيوني وكلت باصرار
ترتيل: غلطان شاهين كلشي انتهى وحبك مات بكلبي
رجاءً لا تدخل بحياتي بعد تعبت واني اكلك هل شيء
شاهين: ترتيل هذا اخر كلام عندج
ترتيل: اي
شاهين : جا اسمعي كلش زين انتِ لوو الي لوو للكبر ماكو غير هيج ضلي بهذا راسج اليابس
عافني وراح بعصبيه باوعت عليه بقهر
حجيت بهمس
ترتيل: كلشي بسببك شاهين انتَ خسرتني بفعلتك
دخلت للبيت بروح رايحه اشتغل على الصامت
باوعت على نفسي من انعكاس الجامه مال الشباك
اعصر عيوني اريد تنزل دمعه ماكوو احس
نشف الدمع بعيني من بعد عمله شاهين بيه
دخلت توضيت فرشت سجادتي وصرت اصلي
وبعدين قريت قرآن وهيج خلص الوقت احس نسمه بروده نزلت على كلبي
هاي اني ترتيل الي نذبحت من الوريد بعد ما شكك بشرفها ابن خالتها وحب طفولتي ومراهقتي
الكل يسميني نسمه الباردة ، الهادئة ، بس محد يعرف
وره هذا الهدوء عاصفه كلش جبيرة بكلبي لوو
تضهر هاي العاصفه تهد جبال
..........................
لتين......
الصراع بين عقلي وكلبي مستمر
احاول افكر بعقلي بس زعبان محتل كل ذرة بيه
احسه مثل اللعنة الحاوطت حياتي بس
لعنه كلش حبيتها ، جنت اضحك على الي يحبن
بس هسه عرفت الي يحب يصير مثل المجنون
مجنون بحبيبه هيج صرت اني بكل ثانية من حياتي افكر بي
رسمت كل شيء حتى اطفالنه سميتهم
صرت اخطط لكل شيء بس!!!
يصحيني من هل حلم خالو حذيفه الي جان رافض، رفض قطعي ارتباطي بزعبان
واني مستحيل اتخطى عن خالو حذيفه
فزيت من صفنتي على صوت موبايل بابا يدك
جاوب عليه وفزت كل ذره بجسمي واني اسمع بابا يحجي ويه زعبان
باوعت عليه وتد بنضره فضحتي نفسج
عدلت نفسي وكعدت عدل بس كل حواسي يم بابا
مشتاقه اله كلش
وصلنه بعد تعب رحنه نمنه ثاني يوم عازمينه ببيت الشيخ عكَاب
الكل حضر نفسه ورحنه بعد سلام وكلام
حجت الشيخة خلت الكل
الشيخة جمار: بخطبه الويلاد اجت مره عليه خطبت مني جمار والبارحة هم اجت هيه ونسوان يشوفن جمار
الشيخ عكَاب: ومنو همه نعرفهم ؟
الشيخة جمار:
