رواية انتقامك وانتقامي رد الدين الفصل الواحد والعشرين 21 بقلم تولين جراح
لتين .....
صدمني بكلامه احس نفسي بغيبوبة مستحيل زعبان يحجي هذا الحجي ، اذكرت زواجه كلامه
رفضه اليه كله صار كدامي باوعت عليه بقهر وقرف واني ادفعه بقوه باوع عليه بصدمه
حجيت بقرف واضح على ملامح وجهي
لتين: ديري بالك تتقرب عليه يا زعبان دير بالك عيب عليك اني عرضك حابسني بين ايديك الي يشوفنه راح يفهم غلط ، زعبان ابتعد عني احسن الك فهمت
تركته ودخلت للغرفة ارجف حاولت اسيطر على نفسي
رجعت طلعت اضحك جذب
كعدت يم الشيخة الي بدورها عدلت شعري وتباوع عليه بحنان ، قدمت اليه عصير وهيه تكول
الشيخة جمار : هاج يمه شربي تعبتي اليوم
لتين: عادي شيخة غير اخواني
حجت مرة كاعده شوي مسافه علينه بس نسمعها وتسمعنا
_ هاي الفختيه منهي
"باوعت عليه بفخر وكالت "
الشيخة جمار : هاي جمار بنيه ابني جراح وراجح
_ ما تنطوها اليه عندي شلون حفيد يكول للكمر كوم اكعد بمجانك
الشيخة جمار: احنه ما نريد بس حلا نريد رجال نكون سنع يعيش جمارتنه بجنه
_ وهوه عد عيناج وليد شاغول والمنطقه كلها تحلف بأخلاقه
الشيخة جمار: الي بي صالح الله يقدمه
باوعت عليها بصدمه اجيت أرفض بس الشيخة لزمت ايدي ضاغطه عليها
سكتت واني افور شنوو زواج شنوو عريس الغفله الي ضهر من مصباح علاء الدين.
خلصت الحفله والكل راح يرتاح واحنه رحنه للبيت
فتت سبحت ونمت على جربايتي واني افكر بزعبان
طردت الأفكار من راسي ونمت مرن يومين
كاعدين دخل علينه بابا باوع على ماما بتوتر وكال
ابو سائد: نيفين حبيبتي جهزي نفسج نروح لبغداد
ام سائد: شكوو رافع صاير شيء اهلي بيهم شيء
ابو سائد: لا بس ام حذيفه شوي تعبانه
ضربت على صدرها وكالت بفزع
ام سائد: شبيها امي رافع الله يخليك طمني
ابو سائد: اش بابا اش ما بيها شيء تعبت وحذيفه أخذها للمستشفى واحنه نروح نطمن عليها ونجي
شبيج نخبصتي
لتين: بابا خلي نروح كلنه
ابو سائد: وين اجرجر بيكم
وتد: بابا عاد نداريها كلنه ماما ما تكدر لوحدها الها
لتين: بين ما جهزون نفسكم احنه هم نجهز يله وتد يله
رحنه ركض واحنه خايفين عليها بيبي كلش حنينه علينه جانت تلبسنه وتوكلنا من ماما تحمل وتجيب
ولا مره حسينه هيه غريبه علينه
طلعنه بسرعه جانت سياره بابا ست كراسي وره ثلاثه بثلاثه تكفي النه صعدنه وانطلقنه لبغداد بدون ما ننطي خبر لاحد
وصلنه بوقت متأخر بليل بوجهنا للمستشفى
ما قبلو يدخلونه خابرنه خالو حذيفه نزل مصدوم بينه
حذيفه: هااي شنوو شجابكم بهل وقت
ابو سائد: جايين نشوف الحجيه شلون صارت
حذيفه: اعذرني ابو سائد من شدهتي حتى ما سلمت شلونك خويه
سلم على بابا وعلينه
ام سائد: شلون صارت امي
حذيفه: زينه مة بيها شيء بس بسبب الجهد
ام سائد: كله بسببي ما جان لازم اعوفها
حذيفه: شنوو السالفه غير عندج بيت وجهال
سادن: خالو شباب شباب موو جهال
ضحكت عليه بس الوضع ما جان يناسب للضحك راحت ماما تشوفها واحنه بقينه بالحديقة ننتضر
وره مده نزلت ماما واخذنه مفتاح البيت من خالو حذيفه ورحنه اله كعدنه بي لان بيتنه يراد اله تنضيف لان متروك صاله ست أشهر
اي ست أشهر احنه هناك ما حسينه بالوقت ابد احس كل هذا حلم
دخلنه كلمن اخذ مكان ينام بي رحنه اني وتد فرشنه لبابا وماما بالصالة واخواني دخلو لغرفه خالو حذيفه
واني وتد دخلنه لغرفتنه
جانت النه غرفه وملابس عند بيت جدو لان احنه نبات يمهم دائمن
ثاني يوم طلعو بيبي من المستشفى الضهر
ملتهين بيها واجهزتنه كلها ما ندري بيها بسبب الخطار الي يجون للعصر دك موبايل بابا يمي على الشحن بالغرفه
رفعته شفته الشيخ عكَاب
"فتحت خط عليه واني اسمع صوته الملهوف "
الشيخ عكَاب : بويه وينك انتَ وعويلك ندك الباب عليك ماكوو صاير شيء وياك
لتين: هلوو شيخ اني لتين
الشيخ عكَاب: ها بويه جا ابوج وينه
لتين: البارحه خابرونه بيبي ام ماما بالمستشفى ورحنه بسرعه
الشيخ عكَاب: جان لان تنطونه خبر بويه مو شمندر الصبح ليجاي مشلول حالنه
لتين: حقك علينه شيخ بس والله ما انتبهنا
الشيخ عكَاب: وهسه جدتج شلونها
لتين: لا زينه طلعناها من المستشفى
الشيخ عكَاب: خوش بويه احنه باجر نجيكم نادي الواجب
لتين: لا عليمن تجون الطريق بعيد
الشيخ عكَاب: لا بويه الواجب واجب هاي الأصول
لتين: تمام براحتك شيخ
الشيخ عكَاب: بس يرد ابوج خلي يخابرني
لتين: تمام
الشيخ عكَاب: يله في امان الله
لتين: الله وياك
سديته منه وطلعت اساعد ماما ووتد خلصنه كلشي لليل كعدنه كلنه بالصالة
وتد حاضنه بيبي وتبوس بيها واني حاضنه جدولتين: صدك بابا نسيت اكولك ، خابر الشيخ عكَاب باجر راح يجينه من دره بيبي مريضه ، مخبوصين علينه يدكون علينه الباب ماكو ولا نرد على اجهزتنه ضلو بقلق
ابو سائد:اووو نسيت انطيهم علم ، رايح اخابرة
كان بابا والكل صار يسولف باوعت على جدو وكلت
لتين: هذا كله بسبب الجهد بيبي هيج صعد عدها الضغط لوو عدها جنه جان ارتاحت من هل مسؤليه هاي
الجد سامي: اي والله يا جدوو تعبني خالج كواد
حذيفه: هاا شكو لتين شبيج منو جاي يمج
الجد سامي: نجب لك لوو عندك مره ما جان امك تخربطت علينه
حذيفه: اهووو اني اروح احسلي وانتِ العوبه اله اطيح حضج طااح حضجج
لتين: جدددو شووفه
الجد سامي: خلي يولي شحده يتقرب منج
راح خالو حذيفه وهوه ضايج بس كافي عايش بوهم ماما رهف أريده يستقر ويعيش حياته إلى متى يبقه بدون زواج
بقينه اني وتد نداري بيبي كعدنه ثاني يوم
كومنه بيبي تسبح دخلت وياها سبحتها وطلعنه
ردت امشط الها حجت وتد باعتراض
وتد: هاااا شنووو لتين موو كله انتِ اريد هم إداري بيبي شنيه
لتين: ولي اني اريد امشط الها
وتد: اهوو ولج انطيني يله
هجمت وتد عليه تريد تأخذ مني المشط واني اسحب بي عاطت بينه ماما
ام سائد: كااافي ولجن شبيجن زعاطيط انتن
وتد: ماما اني اريد اشمط شعرها حاجي لتين هيه غير سبحتها
لتين: لا والله تره التمشط من ضمن السبح شوفيلج غير شغله
الجده : كافي ولجن كومي وتد جيبي مشط وتعاي كلمن الها صفحه يله حتى انام تعبت اريد انطرح
راحت وتد جابت مشط واجت كعدت من الصفحه الثانيه كملنه الشعر جمعنا الها بقراصه
اندارت علينه بوستنه ونطرحت
وره فتره اجو بيت الشيخ عكَاب
جنه ماخذين راحتنا بالبس لان خالو حذيفه انسان كلش حباب مستحيل يباوع علينه بنضره غلط
وبابا كلش ثاق بي
جنه لابسات تراكات بيت ونفتر براحه
ندك الباب راح خالو يفتحه
دخلهم للاستقبال جبت مي قدمت بصينيه
لتين: هلوو
تركت الصينيه على الميز ورحت بوست الشيخة دفعتني بيدها واشرت على الشيخ عرفت تريدني اسلم عليه
تقدمت عليه بثكل وخجل بسته باوعت على جراح وذكرت ماما وكلامها الي يكسر ضهري كل ما اذكره
بوسته لوو حسيته طار من الفرح ضل حاضني ويبوس برأسي
دخل خالو حذيفه يباوع غليه بتك عين
جراح: شلونج بنيتي
بعدني ما مجاوبه واني اشوف زعبان دخل وره خالو حذيفه
بقيت مصدومه بس اداركت الوضع وطلعت من الغرفه
صار الغداء والتهينه بي كملنه كل شيء
راحت وتد تودي الجاي الهم واني طلعت انكت وصله المسح بالحوش
شفت زعبان يغسل على المغسلة باوعت عليه بعدم اهتمام ودخلت للمطبخ وره مده حسيت بحركه وراي
باوعت عليه لكيته زعبان حجيت باستغراب
لتين: محتاج شيء؟
زعبان: انه احبنج جماررر..........
....................
وتد .......
احس نفسي عرفته منوو بس عقلي يكلي لا اتأكدي وتد
كتبت
وتد: منوو ؟
_معقول ما عرفتيني
وتد: ما اعتقد اعرف كل الناس اني
_ اني ساهر ابو بنتج
وتد: شتريد
ساهر: ازوجتي ؟
وتد: ما يخصك
ساهر: بنتي ما تتربه عند غربه
وتد: اعتقد انتَ تنازلت عنها ما الك حق بيها الحضانه الي
ساهر: أكدر أخذها منج بالقوة
وتد: ما تكدر الحضانة ملكي شسوي سوي
ساهر: وتددد معقول هاي انتِ وين حبج اليه
وتد: عن أي حب وانتَ تخليت عني بسهوله
ساهر : ما كدرت اكسر كلام اهلي
وتد: بس تكدر تكسر كلبي ، روححح ساهرررر روححح كرهت الساعه الي شفتك بيهااا ما تسوة التنازلات الييي سويتها الككك
حضرته وطلعت واني دموعي تنزل حضنت بنتي لكلبي
وتد: مستحيل انطيج مستحيل
ابتسمت واني اشوفها تمسح دموعي مبرطمه
بعدها صارت روحتنه لبيت جدوو سامي
احس نفسي تحررت مستحيل ارتاح غير ببغداد يمكن لان متعلمين عليها
واليوم اجو بيت جدوو دخلت وزعت الجاي وصلت لخالو حذيفه الي جان اخر واحد باوع عليه وكال بهمس
حذيفه: لتين وين
وتد: جاي تمسح المطبخ شوي وتجي
حذيفه: تمام حضرن نفسجن راح اطلعجن العصر بس يرحون بيت جدج
"ضحكت وكتله بهمس "
وتد: يعيشش خالوو يعيش
حذيفه: هههههه
خليت الصينيه على الطبله وكعدت بصف خالو حذيفه
باوع عليه جدو بعد رضه بس ما يهمني يبقه حذيفه خالي مستحيل بيوم اكول غير هيج
باوعت على الكل افتقدت زعبان
شوي ودخل باوع عليه وابتسم رجعتله الابتسامه
لتين اختفت رحت ادور عليها لكيتها كاعده وتباوع للفراغ حجيت اكثر من مره ياله انتبهت لوجودي
وتد: شبيج لتين ما عاجبتني
لتين: لا ما بيه شيء بس تعبت راح انام
غطت رأسها ومثلت النوم واني اعرف هل حركه اذا سوتها معناها صار وياها شيء خطير وحيل هم
طلعت من الغرفه للعصر قررو يرحون بعد
للعمارة حجت الشيخة جمار
الشيخة جمار: جا وين جمار
وتد: هسه اصيحها بيبي
دخلت صحت
وتد: يله لتين بيبي تريدج راح تروح
طلعت رأسها وكامت وكفت على الجربايه خلت ايدها بحلكها وكالت
لتين: راح زعلان
وتد: اي طلع منتضرهم بالسياره
لتين: جيد جدا ، يله نروح
طفرت من الجربايه للكاع وطلعت بدون شال
بوست بيبي ودعتهم وراحوو
جهزنه نفسنه حتى نطلع وبعدين طلعنه كلنه وكل عاده لتين بالصدر
حذيفه: بنات وين تردن
لتين: اي شيء بس اريد هدوء
حذيفه: من شوكت لتين تحب الهدوء
لتين: دايخه اريد اصفي بالي كلش محتاجه الهدوء
وتد: شبيج لتين وضعج مو طبيعي
لتين: اي اعرف راح اتخبل والله ما اصدك الي صار وياي
حذيفه : بابا شبيج قلقتيني عليج ضامه شيء لتين
لتين: اممم
حذيفه: احجي لجج شكوو شمصخمه من وراي
لتين: اني حبيت زعبان
وتد ، حذيفه: شنووووو
...................
لتين ......
حذيفه: انتِ شجاي تحجين شوكت حبيتي
وتد: انتِ شوكت حجيتي ويا حتى تحبي ولجج عزا زعبان اخوي اني
لتين: ايي
حذيفه: لتين بديت افقد اعصابي احجي كلشي بس اول شيء خلي نكعد بحديقه لان ما جاي اسيطر بالسياقه
سكتت خايفه ما ضنيت هيج راح تكون رد فعلهم حسيت الموضوع كلش جبير
خفت واختفى صوتي
هسه البعض يكول شلون هيج تحجي لخالها بس بالنسبه اليه صديق وبير أسراري ما اضم عليه اي شيء حتى من ردت اثبت نسبي التجئت اله
وشاركتة كل شيء
وصلنه لحديقه كعدنه بمكان معزول
حجى بصوت مبين بالكوة لازم اعصابه
حذيفه: وهاي كعدنه يله اجي
لتين: اول شيء بيوم الي طلبت بلبل ترجع حجيت ويا وووو واليوم اجاني وكال
نرجع لقبل كم ساعه ليوره
زعبان: انه احبنج جماررر
بقيت جامده بمكاني
حجيت بمتمته
لتين: شش شنوو شج شجاا اي تتحج يي
زعبان: انه احبنج جماررر اكوو شيء غلط كلته
لتين: لا بس شوكت ، وانتَ مزوج
زعبان: حبيتج ما اكلج من اول نضره وخل خريط لا انه جنت اكرهج وحيل بس بمرور الايام حبيتج
من صرتي تفتقديني وانه جان محد يفقدني غير الشيخة حبيتج وما ادري شلون بس انه هسه احبنج هواي احسنج سكنتي روحي وكلبي صرتي سكينتي بوكت تعبي وراحتي بوكت مرضي حسيت بحبج من فقدتج ما اريدن افقدج بعد اليوم
لتين: يحجي واني دموعي تنزل بهدوء ، وزوجتك؟
زعبان: طلكتها انه كتلج زوجتها متعه موو دائمي
سكتت وهوه كال
زعبان: القرار الاخير اسمعه من تردين للديره
عافني وراح وخلاني بحيرتي
لتين: وهسه كلولي شسوي واني هم احبه
باوعت عليهم صافنين عليه
حجت باستغراب
لتين: شبيكم
ورث جكارة وكال وهوه يطلع الدخان من حلكه
حذيفه: لا توافقين عليه راح يبجيج صدكي
وتد: هل مره اني ما اتفق وياك ، اذا اعترف الها زعبان معناها يحبها
حذيفه : بس ما ننكر هيه بادرت وجائز هوه حب هل حبُ الي قدمته اله وما حب يخسره وبهل حاله راح تبجي من عدم اهتمامه الها وراح يستنزف طاقتها
وهيه تحاول ترضي .
لتين: بس هوه يهتم بيه ودائمن يفتقدني
حذيفه: شوفي حبيبتي هل حب ما راح يجيب الج بس وجع الكلب والدموع مثل ما امج تعذبت وماتت مضلومه انتِ اسم الله عليج راح تتعذبين مثلها واني مستحيل اخسرج .
نزلت راسي بقهر متت احس رفض خالو حذيفه كسرني
بهل كلام ، حس خالو اني انقهرت باوع عليه بمرح وكال
حذيفه: يله يله عوفن هل سالفه بعدين نتفاهم بيها هسه خلي نروح نتونس
كمنه بالبدايه رحنه للمول اتسوقنه صرنه نفتر ونضحك
كعدنه نأكل بعد ما صار الليل
وافترينه بالسياره من صدك اتونسنه نص الليل مشغلين اغاني بصوت عالي والهواء يضرب بوجهنا وجان نلكه سيطره نصه خالوو الصوت واني كعدنه عدل
وصل السرة النه باوع علينه الضابط وهوه ياخذ السنويه وهويه خالو حذيفه
حجى وعيونه عليه بشك
_منوو الي وياك
حذيفه: بنات اختي
_الهويات
حذيفه: بابا طلعن الهويات
باوعنه عليه بخوف وحجيت بتوتر
لتين: خالوو احنه ما نشيل هوياتنه ويانه
باوع علينه وحجى ويا الضابط
حذيفه: ما شايلات هويات
_لعد ما نكدر نطلعكم
حذيفه: ممكن اعرف ليش ؟
_شمدرينه يجوز موو مثل ما تكول بنات اختك الوكت هذا ما يطمن وهم بهل وقت هذا مطلعهن
جان يباوع علينه بنضره غلط ما اعرف هيج حسيت
حجه خالوو بزمخه
حذيفه: احترم نفسك لككك
هنا ثار الضابط وحجى بصياح
_انزل يله انزل لك كوو***
حذيفه: ماكوو غيرك كوو*** ونكسس شلوون تحجي هيج حجي على بناتي
نزل خالو من السياره وتلازمو ويه الضابط
كلش خفنه ما اجه ببالي غير جبل شلت الموبايل واتصلت بي بقه يرن هواي ياله جاوب
حجيت بخوف
لتين: جبل حباب تعال لزمتنه دوريه وخالو تعارك وياهم
جبل: جمارر ، وين انتم
لتين: ببغداد يم ......
جبل : شكد رقم السيطره
لتين: .......
جبل: جايكم جايكم قريب عليكم اني
سده مني بسرعه واني اباوع على خالوو الي يصايح ويه الضابط اقل الربع ساعه وطبكت سياره جبل نزل منها ويا ضابط ثاني
الي واكفين ضربو اله تحيه باعتبار جبل اكبر منهم بالرتبه
حجه ويا ونفضت السالفه اشكر منه خالو وصعد بالسياره طلعنه من السيطره وكفنه وجبل ورانه
نزل من السياره واني هم نزلت من السياره
رحت حضنته بقوه احسه اشنج وبعدين خله ايده على راسي وحضني
لتين: خفت وما اجه ببالي غيرك
جبل: زين ما سويتي بويه زين ما سويتي
حذيفه: شكرا حبيبي تعبناك
اصافح ويه خالوو واني بعدني بحضنه
جبل: لا ما سويت شيء ، شعدكم بهل وقت بالشارع الوضع ما يطمن تره
حذيفه: طلعت البنات يفترن وما حسينه بالوقت ، يله بنياتي خلي نروح للبيت يله جبل ويانه اليوم انتَ ضيفي
جبل: مشكور بيت العامر بس عدي واجب ، يله في امان الله
لتين: الله وياك
راح جبل واحنه هم رحنه لبيتنه وهيج مرت الايام واين بين صراع عقلي وكلبي ....
....................
ازل .......
جبل : لوو موو تدلعين مستحيل تهزين ذره مني مووش انه التمشي عليه هاي السوالف
دفعني وانطاني ضهره دموعي نزلن انهاريت واني اصيح
ازل: كاااافي كاااافي ليششش هيججج اسووي ويااااي اذا ما تحبني ليش خطبتني هااا ليششش خليتني اتأمل بيك جبل راح اتخبل
جبل: خطبتج حتى اكسر راسج
ازل: وانتَ شعليك هااا شعليك اني الي حياتي ابتليت حبيتك هاا ابتليت عمييي غلطت ماا احبك ولا بيوم حبيتك بس جانت فتره مراهقه اعتقني وافصخ الخطوبه وشوف تلي تناسبك
جبل: مستحيل تعرفين شنوو مستحيل مووش انتِ الي تحددين شوكت اعوفج لاااا انه وهسه يله طلعي منااا ييييلللله
طلعت ابجي شافني البنات وجانن شاهدات على كل كلامه ضلن يواسن بيه
ثاني يوم كعدت واني كل واهس ما عندي
نزلت واني اشوف الشيخة عصبيه وتلوب وتحجي بحركه
الشيخة جمار: هسه من يطلعون غير ينطون خبر شنهي يسموها هايي ولكم ما حصلتوهم
أسر: لا جده هسه صخر راح يجيب الكاميرات ونشوف وين راحو
اجه صخر وره مده ربط الكامرات على اللابتوب واحنه نباوع وياه شفناهم وهمه يصعدون بسرعه ويطلعون بدون اي جنط
حجت إبتهال وهيه تذب سمها
أبتهال: ياا هذول شرددو هههههه شوف شنو سوو وراحوو ، خاف باكو من يمنه فلوس ذهب خلي اروح اشوف ذهباتي
الشيخة جمار: خايبه ام الوصخ باكها هوه موو صرتي مره جبيره واكول ما يصير اغلط عليها بعد بس المطي ما يمشي اذا ما ينساك عليه
طلعت بعصبيه والكل اجاهل كلامها وبدو يتصلون عليهم بس بدون جدوى للعصر حجه جدو
الشيخ عكَاب: هاي اخر محاوله اذا ما ردو باجر ننزل لبغداد ندور عليهم
دك هواي اجه يفصل وجاوب خالوو راجح بعدين عرفنه الي يحجي وياها جمار
اطمنو عليهم وكالت بيبي بعد ما سد الاتصال
الشيخة جمار : هاا بشر وينهم
الشيخ عكَاب: رايحين لبغداد ام سائد امها بالمستشفى وطالعين مستعجلين
الكل سكت بعد ما اطمن عليهم وهيج مرن الايام وبيوم بابا اجه فرحان وكال ان البيت مالنه الي بالبصره مباع وراح يشتري هنا
كلش فرحت انو راح ابتعد عن جبل وهل شيء مريح اليه واله حتى نعرف مشاعرنا لبعض
وره ايام بابا اشتره البيت وبدينه نرتب بي وهيج خلص الهم الي بيه واني انتقل لبيت بدون جبل
قبل لا ننتقل بيوم شفته كاعد يم بيبي انطيت الجاي لبيبي وحجى هوه
جبل: اريد جاي
هزيت راسي واني رحت صبيتله جاي انطيته اله وطلعت للحديقة كعدت على المرجوحة واني اذكر اخر كلام دار بينه
صرت اجنبه قليله الكلام احس شغفي راح واتي اشوف نضرات الكرة بعيون جبل اليه حسيت المرجوحة تتحرك باوعت واني اشوف جبل واكف وراي ويدفع بية
ازل: جبل لا....
جبل: اششش
سكتت وهوه يدفع بيه بهدوء نزل يم اذني همس بخفوت انفاسه على اذاني وترتني كلش بس الصدمه من كال
جبل : انه اسف ازلي........
...............................
ريم .........
واكفه بالباب واعلس باضفري احس بتوتر واني اسمع إبتهال تحجي ويه شجن بالموبايل وتتفق وياها حتى
تخلي صخر يطلكني
انتضرت بليل اجه صخر حضرت اله العشاء مثل كل يوم حس بيه موو بخير حجى وياي بقلق
صخر: بنيتي شبيج صاير وياج شيء ؟
ريم: نزلت دموعي وكل اله ، صخر لا تعوفني الله يخليك
ضخر: شبيج منوو مسمعج كلام احجي امي موو كتلج لا تهتمين هيه تحبنه وتغار اذا وحده اخذت الاهتمام اكثر منها
ريم: صخر اليوم سمعت عمه وهيه تتفق ويه شجن حتى ننفصل
صخر: شسمعتي
ريم: جاي ادخل لغرفه اهلي وسمعت عمه وهيه تحجي ويا شجن وقفني اسمي بالموضوع وكفت اسمع شنو الموضوع لان كلت بلكي تحجي شنوو الي مضوجها مني ونحل الموضوع بس سمعت عمه وهيه تكول الها
لازم ريم وصخر ينفصلون وانه وانتِ راح نسوي هل شيء ما كدرت اسمع شيء لان الصوت ناصي
صخر: ما يكدرن يسون شيء حبنه اقوه من كل شيء وبعدين مستحيل اسمح لبشر يفرقنا
شوو تعاي حبيبه تعاي بحضني مشتاك الج
سحبني وهوه يكعدني بحضنه وحضني بقوه
حجه بتنهيده
صخر: ما يفركنه بس الموت ، ريمه خلي نستعجل بعرسنه
ريم: بس جبل وازل
صخر: معلينه بيهم المهم اريد اضمج بكلبي اريد اوكف الكل عد حده حتى ما يدخل بينه بعد
خليت كصتي على كصته وغمضت عيوني وهوه هم سوه مثلي
حسيت على صوت كحه واحد يكول
_موو هنا موو هنااا ولكم هذا مطبخ
فتحت عيوني وكمت بسرعه واني اشوف أيسر
واكف وكاتم ضحكته
رص صخر على أسنانه وكال
صخر: انتَ احد مسلطك عليه هي كوو**
أيسر: لا خويه بس انه راح اشكيكم للشيخه صرتو فساد كلش هل فتره شمالكم
ركض طلع وصخر ورا يريد يلزمه
شردت للغرفة واني الخجل تارسني ثاني يوم على الريوك حجى أيسر وهوه يباوع على صخر
أيسر: جده اريد اكلج شغله
الشيخة جمار: شنهي يمه كول
صخر: ايسررر
الشيخة جمار: معليك بهذا الكوا*** كول شصاير
أيسر: جده صخر وريم صارو خطر علينه شوكت ما اشوفهم صخر حاصر ريم ءءءءء اقصد يعني يحجي وياها
الشيخة جمار: هذا انتَ العاقل عود وانتِ شمالج ولج من اليوم ريم تنام يمي وما تفاركني منل لحد ما يزوجون
ومنا بدت مراقبه الشيخة جمار طلعت روح صخر وهوه يذب حركته بايسر الي فتن علينه
تحدد موعد العرس وصرت احضر بكل حماس
واني غافله عن الي راح يصير ويدمر فرحتي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
