رواية حظ عاثر الفصل الواحد و العشرون بقلم ليل ادم
الدكتور: يا استاذ انتا تعالى ثواني معلش
ادهم: نعم يا دكتور
الدكتور: أنا شايفك الي حد ما اعقل ما في العائلة دي علشان كده ياريت كلامي كله يبقا مع حضرتك.
ادهم: اللي تحبه يا دكتور
الدكتور: سيب الراجل ده تحت الملاحظه معايا يومين وخد الراجل ده وانتا ماشي يجي كل اسبوع يعمل الإشاعات لحد ما يفك الجبس من على جتته خلينا نخلص
أدهم: يعني سعيد لسه مع حضرتك هنا اخد عم جمال
الدكتور: مليش في الأسامي أنا بقا ابوس ايدك خود الراجل ده وامشي يا اخي اللهي ما يكتب على حد منكم المرض تاني طول ما انا قاعد في المستشفى هنا
حماده علبه: ياعني عم جمال بقا كويس دلوقتي يا دكتور
الدكتور: اه اه كويس ياله بقا نمشي
عم جمال: لا مش هينفع أنا معنديش حد يخدمني في البيت أنا قاعد معاكم لحد ما الجبس ده يتفك
الدكتور: ياعم انتا فاكرها أوتيل ياله يا استاذ خود الراجل ده بره
جمال: هيا بقيت كده
الدكتور: أنا أول مره اشوف واحد مش عايز يخرج من المستشفى انت اي ياعم
ادهم: معلش يا دكتور أنا هخده و امشي
جمال: تاخد مين يا حبيب عمو جمال أنا مش رايح في حته
حماده علبه: ادهم سيبك من الراجل ده تعالي ناخده بالسرير كده لحد المنطقه
الدكتور: سرير اي ياعم انت لا السرير بتاع المستشفى
جمال: خلاص خليني هنا كده كده مش عايز امشي
الدكتور: يا باشا خد السرير أنا هدفع حقه بس الراجل ده يمشي من هنا مليش في
جمال: يكونش باكل من أكله انتا عره أوي يا اخي
الدكتور: أنا عره
جمال: وناقص كمان بقا تعمل كده في راجل أد أبوك خليك محترم عيب كده
الدكتور: أنا مش متربي يا استاذه هتاخده ولا ابعت للأمن
أدهم: يادكتور خلاص والله ماشي يالله يا حماده هات عمك جمال
جمال: لا محدش ياخدني من هنا مش عايز ارجع البيت انا حر سبني يا حرامي انتا
حماده: دنتا راجل غريب اوي كفايه قله ادب محدش طايق أهلك البرشامه نفسها ولا عملت فيك حاجه يا اخي
جمال: أنا محدش طايق اهلي ياللي محدش قعد معاك خمس دقائق يربيك فيهم
أدهم: ناخده اذاي ده بقا
حماده: ارفعه معايا فوق العربية وشد عليه السلبه
أدهم: لا ياعم ل يقع
حماده: ياعم دا حرز متقلقش عليه ارفع معايا
جمال: بتعمل اي يابن الحراميه انتا
حماده: أبلع ريقك بقا انتا خلينا نخلص منك ها
أدهم: خلي في نص العربية طيب كده على الحرف اوي
جمال: هقع أتكحول ياولاد الجزمه
أدهم: بس كده تمام اركب يا حماده اركب
حماده: ياله بينا
بعد الوصول إلى المنطقة
جمال: اه يا منطقه ------ إلا ما في راجل ولا ست جالي المستشفى
ادهم: معلش يا عم جمال محنا معاك وذي ولادك اهو
جمال : ولا ولادي ولا بناتي أنا لا طايق الواد ده ولا طايقك
حماده: كده طب اللي تشوفه
أدهم: خود يا حماده رايح فين
حماده: وربنا ما هطلع حد خلي مرمي في الشارع لحد الصبح
جمال: سيبه يغور ياض يا ادهم دا واد اصفر أصلا
حماده: ايوه انا اصفر سلام ياعم الأبيض
أدهم: ياعم اي اللي انتا عملته ده بس مين هيطلعك فوق الوقتي
جمال: انتا
ادهم: هرفعك لوحدي اذاي بس ياعم جمال الجبس تقيل اوي
جمال: واد انتا ياض أنا مش ناقص صداع روح على القهوه اللي بقعد عليها هات اي كلب من هناك قول بس حد يجي معايا نرفع عم جمال
أدهم: أنهي واحده دي
جمال: هيا في غيرها بقعد عليها طول عمري
أدهم: ماشي ثواني اشوف حد
وفعلاً راح ادهم القهوه
ادهم : ( بصوت عالي) والنبي يا رجاله عم جمال رجع بالسلامة من المستشفى كنت عايز حد يرفعه معايا فوق
كل الناس بصت ل ادهم لحد ما انتها من كلامه وبعدين كل واحد ولا كأنه سمع حاجه
أدهم: ( بصوت عالي) يا جدعان أنا بتكلم والله الراجل مرمي في الشارع
واحد من ضمن الناس: شوف يا ادهم لو هدخل الجنه بسبب اني طلعت معاك ابو لسان ظفر ده مش همد أيدي معاك
ادهم : يا ساتر طب قوم انتا يا عمر
عمر : والله لو قام من على السرير ونزل من السماء راكب طياره ما امد ايدي ده راجل ياساتر يارب منه
ادهم : عم فكري قوم انتا ده حتا صاحب عمرك
فكري : ياراجل بلا وجع قلب اجري اجري وريح نفسك محدش جاي معاك
أدهم: ياساتر يارب عليكم ناس ( ورجع تاني ل جمال )
جمال : براحه يا شويه بهايم وانتوا بترفعوا جمال الاسطوره
ادهم: ياعم اسكت محدش جه معايا أصلا شكلك فعلاً محبوب ياعم جمال
جمال: عجبت لك يا زمن
ادهم: اقعد أتعجب انتا بقا عبال ما اطلع اشوف حد فوق
جمال: بسرعه طيب
ادهم : منتا لو كنت سبت حماده كان زمانك طلعت دنتا عدو نفسك
جمال: ياض ده شرف مينفعش تدي ل عيل ذاي حماده علبه ده
ادهم: استنا بقا اشوف حد فوق ياخد الشرف ده
طلع ادهم البيت كانت ام ايمن و ايمن و فاتن و ام سعيد فقط في البيت
ادهم: طب اي تيجي طيب يا ايمن
ايمن : (بص ل أمه ) ها
أم أيمن: دي حاجه لله روح مع اخوك ادهم ولو عايزين ننزل معاكم مفيش مانع
أدهم: يالهوي على طيبه قلبك يا حبيبه يا معبوده الجماهير انتي
أم أيمن: ياله ننزل
بعد النزول
ادهم : انتا ترفع من هنا وأنا من هنا يا ايمن
جمال: بالراحة ياد يا ايمن متبقاش عنيف ذاي امك بنت الخنشوره
أم أيمن: تشكر يا عمو جمال
جمال: اي ده هيا نزلت ليه معاكم
أم أيمن: علشان ربنا بس يا عمو جمال
جمال: يقطع الحب و عمايله ياض يا ادهم مش صابره اطلع البيت
ادهم : ياعم اسكت دي هتتجوز كمان شهر
جمال: إلا الكلام ده يا وليه
أم أيمن: انتا مالك مش رميت اليمين وخلاصنا
جمال: لا هترجعي تاني
أم أيمن: لا يا اخويا اعمل بيك اي دنتا عايز تعيش جمب الهلال الأحمر
جمال: يابنت الحافيه كانت بتجري ورايا زاي الدبانه امك دي ياض يا ايمن
ايمن : ياعم اسكت هو انتا حد طايقك
جمال: الحق يا ادهم الواد ايمن بقا بيتكلم اهو مكنش شكاره جبس وقعت فيها دي تعمل معاكم كده يا ناس يا وطيه
ادهم: ابوس دماغك اسكت لو طلعوا وكتاب الله هتبات في الشارع
جمال: لا أصل أنا خيري على الناس دي كلها خلي بالك
أم أيمن: خليك مرمي في الشارع بقا علشان لسانك الظفر ده
جمال: روحي يا بومه يابنت الفقريه دخلتي عليا ب رجلك الشمال كتك البلا
أم أيمن: بلا وكسه كنت فاكر نفسك عماد حمدي
جمال: لأ وانتي الصادقه عماد متعب امشي من وشي يابنت الجزمه
الأم: ليه كده بس يا جمال مين هيساعد ادهم يطلعك الوقتي
جمال: مين دي ياض يا ادهم مش شايف وشها
ادهم : دي امي
جمال: ياله ياختي روحي حصلي صاحبتك ياله
ادهم: تصدق بالله انتا تستاهل تقعد في الشارع ياله ياما
الأم: ياله يا واد يا ادهم يارب الكلاب تنهش جبسك يا بعيد
جمال: ياض يا ادهم انتا ياض شوف العيال اللي متعرفش ربنا ياض أنا بحبك اسمع الكلام كل ده علشان شتمت امك يعني دنتا عجيب اوي
الأم: خلاص بقا يا حبيبه مالك
حبيبه: لا بجد راجل مستفز أنا عارفة كنت حبيت في اي
ادهم: اي ده انتي كنتي بتحبي جمال يا ام ايمن
أم أيمن: تصدق انتا دي
ادهم : هو ده راجل يتحب
أم أيمن: أنا مفيش راجل اتجوزته إلا لما كنت بحبه
ادهم: يخربيتك قلبك كبير
الأم: لأ أصل حبيبه بتحب الحب ياواد يا ادهم
أم أيمن: انتوا بتتريقوا عليا
ادهم: خلاص بقا يا ام سعيد ما الواد كويس الحمد لله أضحكي كده وفكي
أم سعيد: كويس اي بس يا ادهم الواد مبقاش ليه في حاجه
ادهم: لا ياستي بكره يخف ويبقا تمام بس انتي فكي وشك شويه
في جانب آخر
جمال: ( نايم على ضهره على سرير المستشفى تحت البيت ) اه يا منطقة بنت --------- عجبت لك يا زمن (وفجأة سمع صوت رجل جايه ) مين اللي جاي مين
حماده علبه: اي ده عم جمال حمدالله على سلامتك جيت امتا
جمال: من ساعه
حماده: طب قاعد تحت ليه متطلع شقتك
جمال: الجو حر فوق انتا رايح فين
حماده: عند العطار تيجي معايا
جمال: كان نفسي والله بس اديك شايف
حماده : يا راجل يا طيب العمر مجرد رقم قوم معايا
جمال: ابعد عني يابن المتخلفه انتا عمر مجرد رقم اي انتا مش شايف الجبس ده كله
حماده: جبس اي بس منتا حلو اهو تعالي بس ( وشد السرير وخد جمال معاه )
جمال: ( بصوت عالي) الحقوني يا ادهم يا ام ايمن أنا آسف الحقوني
حماده: مالك بس يا قريبي أنا هخطفك
في اليوم التالي
تليفون ادهم رن
ادهم : ألو
رحاب: يابني الساعه بقيت ١١ انتا عايز مني اي
ادهم: ينهار اسود والله راحت عليا نومه عشر دقائق هكون قصادك
وقفل المكالمة
ادهم : ياما يا فاتن هيا راحت فين دي بس ( ودخل لبس بسرعه ونزل الشارع ) اي ده هو جمال راح فين شكله صعب علي حد طلعه البيت احسن ارتحت منه كنت شايل هم أسطباحته
في جانب آخر
جمال: ( قصاد محل العطار) ياض يا هشام حد يروح يقول ل ادهم اني مرمي هنا
هشام العطار : يالهوي انتا لسه هنا من امبارح
جمال: الواد حماده علبه ابن الجزمه نسيني بليل هنا ومشي ندهت عليه علشان ياخدني معاه ولا رد عليا
هشام: منا شوفته الصبح بيعلق يافطه كبيره في الشارع
جمال: ليه داخل الانتخابات ابن الجزمه
هشام: لا مكتوب عليها توفي الي رحمه الله تعالى الحج جمال العنتبلي والعزاء عند ام ولاء ❤️