رواية الهيصم خطوط سوداء الفصل الواحد والعشرين 21 بقلم بنين احمد
کلـوله وحَقك مَا أستاهل رَوحتك هَاي
وَمو آنه التَخلي بَگلبه لَچمه 😔✨.
********************
حور:- فوفايتيييييييييييييييييييييييييييي
صرخت صرخه طلعتهه من كل كلبي صعدت خاله اساور تركض
وأني وخاله اسندناها وطلعناها من الحمام اخذت تليفوني وخابرت على ذيب
رد عليه بسرعه لئن يعرف انا بايته يمهه
ذيب:- ها حور
حور:- ذيبنه الحك فوفايتي اغمى عليهه تعال عسريع
سده بوجهي غير ناس مامحترمه
رجعت الفوفايتي سوده عليه وجهه تعبان خاله اساور تقرأ قرأن على راسهه
شوي ودخل ذيب خاله اساور وكفت مصدومه وباوعتلي انا بسرعه درت وجهي على الباب
ذيب وجهه لونه مخطوف وقاس حرارتهه مصخنه نارر شالهه وطلع برا
لبست عباتي وكلت الخاله تبقه انا اروح وياها كوه بقت
صعدهه بسياره على كولت فوفايتي البغل يريد يروح ويعوفني فتحت الباب مال السياره وصعدت صحتله
حور:- امشييييييييي
ذيب:- اي اي
يمشي سريع ردنه مراتين نسوي حادث يريد يجرب يطير بينه لو شنو هاذا
وصلنه للمستشفى ونزل يركض شالهه وراح وعافني حتى السياره ما قفلهه
اذا الهل درجه يحبهه ليش خطب الخنزيره منار
رحت اركض وراهم دخلناها طوارئ الدكتوره فحصتهه كالت هبط ضغطهه ونغمى عليهه
سوينه الفحوصات الازمه وخلولهه مغذي وذيب كل شوي يبوس أيدهه
حور:- انهجم بيتك الي شوفك يكول تحبهه مايكول كاسر البنيه وقاهره مو
حجه بصوت مخنوك
:- مو وكتج هسه
:- ليش هيج سويت بيهه وهيه ما صار الهه اربع أيام من عترفتلك بحبه ليش ذيب
:- كتلجج كافي مو وكتج
عفتهه لئن جانت حالته مو زينه ومتوتر بدت فوفايتي تكعد اول ما كعدت شافت ذيب يمهه حطت أديهه على وجهه وكامت تبجي
أويلي شكد تبجي هوه ضل بمكانه انا رحت وحضنتهه
حور:- كافي حبيبتي ليش البجي منو اليستاهل هل دمو من راحولج فدوه كلهم لاتبجين
حضنتني حيل مسدت على شعرهه هدئت شوي خلص المغضي كام ذيب راح للممرضه
اجتي وشالت المغذي منهه وعافت الكانونه بيدهه كالت لباجر لازم تخلوله مغذي ثاني
هز راسه ذيب راحت الدكتوره اجه ذيب بتجاه فوفايتي راد يلزمهه هيه وخرت أيدهه وسندت نفسهه عليه
انا لزمتهه ومشينه طلعت ولكيت حمزة واكف يم سياره ذيب كلبي كام ينبض بسرعه اروحلج فدوه فوفايتي
لو ما فوفايتي جان اني ماشفت حمزاوي جان لابس أبنطرون أسود وبدي زيتوني وشعره طولاً متغير صاير يجنن
عدلت نفسي وشاورت فوفايتي
حور:- لجج حمزة واكف هناك باعي
أيڤانا:- كبغ اني بيا حال وأنتي بيا حال
حور:- تدرين طالع يخبل
ضحكت فرحانه لئن شفته وصلنه أله وهوه باوعلي وبتسم
نزلت راسي بسرعه
حمزة:- عضيدي خير شصاير
ذيب:- بت أبن عم أبوي تخربطت وجبتهه للمستشفى
حمزة:- حيللل بت أبن عم ابوك هاي وين لكيتهه
ذيب:- انجب وصعد انته سوق مابيه حيل
باوعلي وحجه
حمزة:- اسوق ليش ما اسوق
صعدنه بسياره شوي تحسنت فوفايتي وحمزه يحجي
حمزة:- عضيدي هيه هاي الراح تتزوجه بخت
ذيب:- لاتكفرنه أبن النعال مو هيه
حمزة:- لعددد ياهيه
ذيب:- منار بت عمي حسين
حمزة:- تشبهه
يحجي ويأشر على فوفايتي
ذيب:- لاا وين تشبهه سجاد شايفه بس لبسه حجاب
حمزة:- هههههههههههههه
ذيب:- وجعع
حمزة:- وهيه هاي التحبهه
ذيب التفت عليه شافني منتبهه وياهم رجع عدل كعته
ذيب:- أي هيه
حمزة:- اي بعلي انا هم احبهه
ذيب:- شنوووووه
حمزة:- لا شبيك اقصد احبك أنته عضيدييييي بيبييي اهِ
ذيب:- ابن المصموط البنات ورانه
حور:- هههههههههههههههههههههههههههه
ثنينهم التفتو عليه ذيب مخنزر وحمزة يضحك والله شكد حاولت اضم ضحكتي بس ماكدرت
حتى فوفايتي ضحكت خرب صوته يموت ضحك ذيب من شاف فوفايتي ضحكت ماحجه شي البغل هاي لو ما ضحكت هم هيه جان نعل والديه رجعو الاماكنهم
وكملو حجي
حمزة:- ذيبي المعط
ذيب:- هاا
حمزة:- شفت ماعون شسوه كبر انطاني عقوبه
ذيب دار وجهه على حمزه مصدوم من الكاله
ذيب:- ماليش عقوبه
حمزه:- صاحني بالجهز مال مكافحه الارهاب وانا نايم وما رديت عليه
ذيب:- شسويت؟
حمزة:- والله ماعون شايف نفسه علينه
ذيب:- مطي وشنو هيه عقوبتك
حمزة:- شمرني بمحافضه ****
ذيب:- حيلللل وشكد تبقه هناك؟
حمزة:- ست اشهر
ذيب:- وماشوفك؟
حمزة:- والعباس كلبي يوجعني
******************
"أيڤانا "
~ رجعت للبيت واني احس نفسي تعبانه دخلت لكيت أمي كاعده وتفرك بيدهه من شافتني كامت وحضنتني
ماكدرت انطق گلمه عفتهه وصعدت فوك دخلت الغرفتي حور راحت البيتهم لئن دعشه تريدهه
خليت راسي على المخده دكت الباب ميلڤين
أيڤانا:- فوتيي
ميلڤين:- شبيج ليش مغمى عليج
أيڤانا:- عندي هبوط بضغط ليش
ميلڤين:- اي اكول ليش منروح لبيت خاله غدير صار هواي مرايحين ؟
أيڤانا:- تمام أمي قبلت
حجتهه بحماس
ميلڤين:- أي قبلت جهزي نفسج اليوم العصر نروح
طلعت وسدت الباب وراها كمت اسبح دخلت للحمام ونزعت ملابسي وصرت جوه المي
يارب مثل ما خليت حبه بكلبي وامسح حبه من كلبي وكلشي بي أراده من يارب
تنهدت بعد مالازم ابقه بلقوقعه الأني بيهه هوه القرر يروح وهوه اليستحمل
كملت سبح بدلت وطلعت من الحمام شسورت شعري ورحت على لابلازمه ماكو غير هاي الغنيه التشفي جرحي المطرب علاء سعد
جريت شال أسود وشديته على خصري وبدت الغنيه وبديت أني وياها
» يلبرتقاله يلبرتقاله يلبرتقاله شلج على ابن الناس عذبتي حاله عذبتي حاله يلبرتقاله يلبرتقاله يلبرتقاله
اطرب على هاي الغنيه خلصت وماشبعت ركص طلعت اغنيه حسام الرسام مال
» صغير اني وغلط عمري صغير أني وغلط عمري
صغير أني وغلط عمري
عود اخضر مثل عودك اي لادكلي چبير انته قابل هاز كاروكك منك يعمري شيب هاذا شعري مدكول ماريده
اويلييي شكد تتغير نفسيتي من اركص انسى كلشي واذا راح طز بي وبمنار قابل بس هوه بلكون
طفيت البلازمه ورحت احضر ملابس علمود نروح لخالتي غدورر طبعن ميانه وياخالتي زفت عبالك أختي الصغيره هيه متزوجهه من 2016 عدهه ولد ثنين صغار
الجبير اسمه علي ونصيحله بجبج والثاني اسمه عباس ونصيحله عبوسي
احتاريت بين فساتين ثنين واحد احمر على وردي والثاني أسود
فختاريت الاسود خليته على الجربايه ورحت على الميز المرايه أختاريت الاكسسوارات الراح البسهن كلهن كلاس وكذا كملت تحضيرات
نزلت جوه أكل لئن مماكله كلشي نزلت شفت أمي كاعده وميلڤين تاكل
أيڤانا:- سم الهاغي متصيحيني
ميلڤين:- مو مريضه كلت خليهه جوعانه
أيڤانا:- مغيضه بعينج مابيه شي هبط الضغط وغمى عليه
ميلڤين:- اي تعاي تزقنبي اعزمج
ماهتميت الحجيهه سحبت كرسي وكعدت اكل خلصت وكمت غسلت الاماعين والمطبخ
كملت صعدت فوك خابرتني تاليا رديت عليهه
تاليا:- فوفه حبي كالو مريضه سلامتج
أيڤانا:- لااا بس هبط الضغط لا اكثغ
تاليا:- الحمد الله وهسه شلون صرتي
أيڤانا:- مثل الوغد لاتخافين
تاليا:- دومج حبيبتي
ضلينه نحجي شوي وسديته منهه مليت شسوي وبس أصفن اتذكر البغل رحت التليفوني اكلب بي
فتحت الواتساب شفت البغل حاط قصه ضليت محتاره أفوت لو مافوت اخر شي ما فتت خلي يولي البغل الثور
كلبت شوي بي ماعجبني الوضع خليت ونمت
فزيت على صوت أمي تصيح
اساور:- ولجننن كومن مو تريدن تروحن بيت خالتجن كومننن
كمت على حيلي وهيه بعده تصيح
أيڤانا:- ياااابه أيييي فتهمنه
اساور:- أي اي بعد تعاي اخذيلج راجدي لئن اني مو أمج تصيحين بوجهي صياحح حقج عاذرتج اصلاً
دخلت للحمام غسلت وجهي بلغسول وفرشت أسناني وخليت مرطبات
رحت أبدلت ولبست الفستان احبه الفساتين المخصره أموت عليهن
لبسته ورحت اخلي مكياج خليت ترابي خفيف ولبست الاكسسوارات وخليت عطرر من ثلاث انوع
اخر شي لبست الكعب عالي ونزلت شافتني ميلفين جانت لابسه جبه
ميلڤين:- هاي وين رايحه العرس؟
أيڤانا:- لاتدخلين
ميلڤين:- ترا رايحين الغدير مو الاربيل
أيڤانا:- أهووو لادتخلين يومم صيحي بيهه
مدت راسهه أمي من الباب وحجت
أساور:- ولجن كافي عليتن كلبي عل كافي خليهه شتريد تلبس تلبس بس عوفيهه
طنكرت ميلڤين وحجيت أني
أيڤانا:- يوم شكد نبقه يم غديغ
أساور:- اسبوع
أيڤانا:- واووووووو
ميلڤين:- وجعو
أيڤانا:- يوم لعد حغوح أودع حوغ
اساور:- براحتج مامه
طلعت من بيتنه تمشيت لبيت شيخ جبل دخلت وجان اكو حرس ضلو بس يباعون شبيهم الملطلطين كبر دخلت جوه بلبيت
وما شاء الله أمه محمد موجوده سلمت عليهم وهوه هم من الموجودين من سمع صوتي رفع راسه
شافني وعگد حاجبه عشتو عصب البغل عفتهه ورحت للمطبخ اول ما طبيت تلاكتني الخنزيره منار
منار:- أيڤان صار شكد ما شايفينج ياعيني كالو مريضه
أيڤانا:- هلا عيني أي والله صاغ عندي هبوط بلضغط
منار:- امم اشوفج مبدله وين رايحه
خلصت حجي وأجتهه حور حجت وهيه تمشي
حور:- وأنتي شعليج
اجتي يمي ودفرت منار بخصرهه وخرت منار وهيه اجتي حضنتني
حور:- هلا بيج عيوني وسنوني تفضلي
سحبتني من أيدي ورجعتني للستقبال كعدنه وحده بصف وحده وحجت دعشه
دعشه:- ولج ليڤه وين رايحه
أيڤانا:- حنغوح بيت خالتي
شهكت حور والكل باوعلهه
حور:- انا عايفه الماعين عليج ياهوه اليغسلهن
أيڤانا:- انتي تغسليهن
حور:- ماكو لعد لينا مرة حويدر تغسلهن
أيڤانا:- شدخلني أني
هوه بس يباوعلي ضليت اسوي نفسي ممهتمه لحد ما حجه
ذيب:- شكد تبقون هناك
هوه حجه وكلبي يدك ويا كل حروف ينطقه حور بصفي تباوعلي مبتسمه وتغمزلي كرصتهه ورديت عليه
أيڤانا:- اسبوع
حور فتحت عيونهه على وسعهن وحجت
حور:- شالج الله وركعج يمكموعه شلون تخليني سبوععععععععع كامللل منوووو اليغسل أماعين العشه أميي
أيڤانا:- يعني هسه انتي مامهتمه لئن حغيب عنج سبوععععع مهتمه لغسل أماعين
غميتهه الجلبه
حور:- انجبي راح اشتاقلج
حضنتني كدامهم اويلي شكد احب حور خابرت عليه ميلڤين ورديت عليهه حور خلت أذنهه على التليفون
أيڤانا:- الوو
ميلڤين:- وينجججج وينج صار شكد متانينج
أيڤانا:- أي جايه
ميلڤين:- اي أفرشلج البساط الاحمرر
سدته بوجهه
أيڤانا:- شكد سزز
حور:- شبيهه تصيح
أيڤانا:- تأخرنه يلله مغخصتكم
كمت وهوه كام وراي طلعت ولحكني نبتت اضافري بأيدي الثانيه محاوله أهدء من توتري
طلعت بلحديقه جراني من أيدي
أيڤانا:- هاي شدسويي وخغ أيدك
ذيب:- تعايي باعي لج تروحين تنزعين لابسته احسلج
أيڤانا:- وانته منو حتى تدخل
ذيب:- انا المستقبلي
أيڤانا:- باحلامك يبدو اهذك الواهس انته، اتذكغ مغه كلتلي مو ججال اليضحك على بنيه وهسه انته أثبتتلي
جرني صرت قريبه منه كلش خله أيده على حلكي ويحجي معصب
ذيب:- اششششش اششش موبكيفي الصار والله مو بكيفي لج انا ماضاحك عليج انتي رويحتي الما ابدلهه لو انتي تصيريلي مرة لو ماريد
وخرت أيده بقوه وحجيت
أيڤانا:- لعد شسميهه من غحت وخطبت مناغ ليش كسغتني وخيبت أملي بيك جنت كلشي وهسه لاشيء
ذيب:- حقج والخلق هل عيون حقج وانا النذل بس هاي وصيت أبوي
أيڤانا:- شنو وصيت أبوك؟
ذيب:- أي يارويحتي أبوي طالب مني بوصيته اتزوج منار بس والخلق هاي العيون انا ماحبهه
أيڤانا:- جذاب
تقرب مني اكثر وباس طرف شفتي
ذيب:- وحق هاذا الكرز انا ما اعشك غيرج ولا راح اعشك غيرج
حجيت بعتب
أيڤانا:- بس كسغتني؟
ذيب:- انا ما راح ازوجهه بس فتره الخطوبه وطلكهه
باوعت عليه هاذا شنو من بشر
أيڤانا:- انتَ شنو من بشغ تحجي صدُك؟
ذيب:- كوليلي اليرضيج شنو
أيڤانا:- توخر من طغيقي ولا تفكغ بعد بمجغد تفكيغ
أحنه نكون سوه
حجه بعصبيه تحدي
ذيب:- بحلامج أوخر عن طريقج أنتِ صرتي بقاموس حياتي ممنوع أطلعين خوش حُبي
أيڤانا:- مو الشغله بگيفـك انتَ الـختاغيت غيغي وأنتَ تتحمل
ذيب:- تشـوفين فوفه يـجي يوم وأنومج بحضني وأذكرج بكلامج
أيڤانا:- عود ذكـغني
هـز راسهـه عفتـه وطلعت البغل عبالـه اسامحه بسرعه ما انسـى شلون طلـب أيد منار وهوه حاط عينـه بعينـي ويحجيهه بـثقه
رحت لبيتنـه لكيت أمي وميـلڤين وأكفات بلباب متانـياتني
أيڤانا:- احمم أجيت
ميلڤين:- كللللللـــــــيش اهلهل وين جنتي؟
أيڤانا:- جنـت يم حوغ
أساور:- يلـه تأخرنـه
طلعنه ورحنـه علـى الشارع العـام أجرنا تگـسي ورحنه البيـت خالتـي
***************************
"حور "
راحت فوفايتـي وضـطريت أنـي الاغسل أماعين غسلتهـن وكملت طلعـت من المطبـخ كعدت بلاستقـبال
جبل:- بـويه ذيـب أشو سكتـت على سالفـه خطوبتك من بت عمـك منار
ذيب:- لا شيخ ما سكتـت راح اتزوجهه وكلت الجمعه الخطوبه والمهر هم 10 مقدم 15 مؤأخر
دعشه:- يمه يعني هاهـيه قررت تأخـذ بت حياة!
تنهد ذيب والگـل انتبهه الى ممرتاح
ذيب:- أي يمه أي
عافنه وگـام والله مكسـور خاطـري علـى فوفايتـي وذيـبي ثنينهـم يحبـون بعـض وذيـب راح يتزوج الخنزير منار
منـار چانـت كاعده مبتسمه خرب مال أكوم أنوم راسهـه بلحـايط الخنزير
حور:- منار اشوفـج فراحنه؟
منار:- ولـيش ما افـرح حبيبي وراح أتزوجـهه
حور:- هههههههههههههههههـــــــاي ضحكتينيي لج بابه أنتي نـايمه ورجليج بشمس ههههه
منار:- وقزالقرط لـيش تضحكين
تقربت منهه وحجيت بأذنهه
حور:- لئـن حبيبـج يحـب فوفه
هيه عگدت حواجبهه معصبه غميتهه ورحت لغرفتي قفلـت الباب والشبابيك وأخذت تليفونـي وأتصلت بحمزاوي حبيبي دكيت عليهه بسرعه جاوبني
حور:- الوو
حمزة:- هلاً وسهلاً بيـج وأكثر بلويـاج والگـلب گبل العـين فز وتلكاج
حور:- ههه صاير شاعر
حمزة:- انا الخاطـرج أصير دفان
حور:- حمزاوي؟
حمزة:- هااا حبيبي
حور:- ذيب شبي معصب؟
حمزة:- ليـش متدرين يا نور العينين
حور:- لا مادري شكـو
حمزة:- أبو الـهيصَم عايف وصيه الى كاتب بيهه تاخذ أمك سميره وأخواتك ودكعدهم بيت وحدكم يم بيت شيخ جبل وهم كايله بلوصيه يتزوج بن حسيـن منار بت حياة
حور:- يااااااااااااااا يعني من ورى الوصيه
حمزة:- صوتج
حور:- ثواني يعني ذيب خطب منار مو حبن بيهه علمود الوصيه
حمزة:- أي
حور:- خطيه شنو ذنبه يتزوجهه ويعيش ويا وحده ميحبهه
حمزة:- انا الخطيـه غير هوه راح بس يخطبهه يعني بس سيد ورى فتره يطلكهه يكللهم هيه وكحه وتعلي صوتهه عليه
شهكت
حور:- يعني ذيب مخطط لكل هاذا وانا مادري
حمزة:- ولج باعي اذا دكولين الاحد اروح اكتل ذيب بنعال خوش
حور:- لكك لاتغلط على ذيبي خوش
حمزة:- هوه ذيبج انا شنو لعد
حور:- أنتَ حياتيي
حمزة:- اشتعلت روحك ذيب
حور:- حبيبي
حمزة:- خرب يومك ذيب كولي ياعمر حبيبج اروحح فدوه الج والحبيبج
حور:- هههههههههههههههههههـاي
حمزة:- وكرص لهل صوت شبيج مكروصه
حور:- أمداك وأمدا اليضحكلك مره ثانيه
سديته بوجهه بس والله ذيب طلع مو سهل كمت فتحت باب الغرفه ولكيت كبالي تاليا سحبتهه من أيدهه ودخلتهه للغرفه
حور:- ولجج غير ذيب خطب منار علمود الوصيه مال عمو ثابت الله يرحمه
تاليا:- يا وصيه؟
سولفتلهه كلشي وهيه ضلت فاكه حلكهه
تاليا:- يعنييي ذيب ميحب منار يحب فوفه عزاااااااااااااااا لعد ليش مدكولن من أمداجن حيوانات
حور:- دوليي هسه مو زين وكتلج
عفتهه وطلعت برا والله ناس اذا كتلهم يزعلون واذا ماكتلهم هم يزعلون أوييييي گخه
نزلت رحت يم شوشو دعوش
حور:- دعوشه شكاعد تسوين
دعشه:- اسبح شتريدين
حور:- هاا تسبحين موو أي الله يديم ألأيمان النازل عليج
كمت من يمهه وهيه غمتني رحت للمطبخ لكيت زهراء جريتهه وسولفتلهه ذيب يحب فوفايتي وخطب منار على مود الوصيه
ضلت تلطم دخل علي هم جريته وكتله ذيب خطب منار على مود الوصيه مال أبو وهوه يحب فوفايتي
راح وهوه فاك عيونه على وسعهن ممصدك
رحت ركبت التمن أجه أيليا هم كتله على سالفه ذيب أشو ياهوه الاكوله يكلي جذابه
طبهم طوب وتذكرت أني لازم احجي لفوفايتي عفت التمن على النار وصعدت أركض على الدرج وصلت للغرفه
اخذت التليفون وخابرتهه صوت جهال يمهه
حور:- ولجججح مادريتيي
أيڤانا:- شكوو
حور:- غير ذيب يحبج وخطب منارر على مود الوصيه
أيڤانا:- أدغي
شهكت مصدومه
حور:- شنوههههههههههههه ليشششش ماكتيليييييي
أيڤانا:- بطغانه أنتي ورى ما طلعت منكمم لحكني ذيب و••••
سولفتلي كلشي عزاااا عفت الكلام كلهه رگزت وياا "باسني بطرف شفتي"
حور:- هلااااااااا هلااااااا بيناتكم مباوسسسس أي عيني حقكم حقكم معذورين ههههههههههههــــــاي
أيڤانا:- أي
حور:- ثاري شغلتكم طويلههه
أيڤانا:- أممممم
حور:- احجي الصدك هم ماصجج من قبل
أيڤانا:- أممممممممممممممممم
حور:- ماصجججج؟ خرب صار عندي فضول أعرف ﻧـايم بغرفتج
أيڤانا:- أمممممممممم
شهكت هاي عود صدك لو تجذب
حور:- لا دكليلي نايم بحضنج؟
أيڤانا:- أمممممممممممم
حور:- أييي دحجيي شبيج كضيتيهه عليه أممم وأمممم جنج بقره دحجيييييي
أيڤانا:- ههههههههههههههههههههه أي وهاي أمي تسلم عليج وأخالتي وميلڤين أي كاعدات يميي
يااا يعني انا صار ساعه اسولف وأخاله أساور تسمعني وخالتهه وميلڤين
حور:- هاا أي حبيباتي سلميلي عليههن يللـه أنا اروحح
أيڤانا:- لا ليش أبقي شوي
نصت صوتهه وحجت بهمس
:- أذا ما انعل سلفه سلفاجج يا حماغهه ياا ثولهه يااا خنزيغه أني الجج•••••
***************************
"ذيب"
~ جنت كاعد يم دعشه هيه وحور يتعاركن وأنا بالي يمم البربوك من اخر موقف حيل ضجت
ورطت روحي بزواج بت عمي يلي اعتبرها مثل أختي ليش يايابه ورطتني نوب يريد اعيش ويه سميره بيت واحد
قاطع افكاري تليفوني يدك شلته وشفته حمزة صار شكد مامحاجيي مشتاقلهه العار
جاوبته أشرتلي دعشه افتح سبيكر فتحتلهه سبيكرر العار فضحني فضيحه
اول ما حجه
حمزة:- اهَــــــــــــــــــــــــــــــــــــــــــــــــــــــــه
حور:- عزااا
سحبت التليفون وسديت السبيكـر
ذيب:- العارر الساقط اهلييييييي كاعدين يمي انا الك اذا ماااااااا انعللل الخلفوك ابن المصموط
حمزة:- على كيفيكككك بيبييي ليش معصب مشتاقلك وتراجي الحمزه لككككككككككككككك مشتاققققق
ذيب:- اكل خر*
حمزة:- المهم شوكت تلتحق يول
ذيب:- ان شاء الله ألثلاثاء
حمزة:- تدري هاذا محمد الويانه منافق يحجي ويانه شي ويروح يحجي ويا غيرنا شي ثاني
صعدت فوك وعفت حور ودعشه بصدمتهن ماشافن شي من العار ونصدمن
ذيب:- لك لا تحجي عليه وعلي فد أحبه وأحترمه
حمزة:- نعال عليك وعليه
ذيب:- لاچفص
حمزة:- وأذا چفصت شسوي تشتكي عليه يم محمد ويجي يسويلي أوى
ذيب:- على الاقل محمد أحسن منك ميسوي سوالف خايسه وأكله بطلهه يزيد مو
حمزة:- شنوو أحسنن مني تروحلي فدوه أنتي وياا خوش وسوالفي ما ابطلههن لو شيصيررر يلله عاجبك عاجبكك ماعاجبك يمك حياطين هواي
ذيب:- حمزة تاكل خر* عيب عليك ترا الولد ممسوي شي خوش
حمزة:- منافقققق شنو شبييي يحجي حجي كدامنه ويحجي حجي ثاني ورانا عرفت شمسوي
قاطعته بصياح
ذيب:- عادييييي واذا حجه حجي ورانا شي وكدامنه شي عادي وبعدين ماقبل تحجي عليه
حمزة:- عيني أسفين من حضرت جنابك وجناب العمده محمد اذا متقبل نحجي عليه
ذيب:- أيييييييي ما اقبل عليه عندك مانعععع اجي ادوس عليك ومتحجييي افتهمتتت
حمزة:- ذيبببببببب لادوس بلحجي ترا انا صويحبكك حمزة مو انا التدوس عليه خوش واذا على مود محمدددد هيجججججج تحجيييي وياييييي
يعنييييييييي انته ما معتبرنيييييييي اخيكككككككككك وتريدددددددددد فرصهههه على مودددددد تفاركنيييييي خوشششششششش
ذيب:- اييييييي والله حتى نفسي تلعب منكككككككك وماريدككك يالللللله شتحجي
حمزة:- هاهيه ذيب موقصدنه ازعاجك يابه مرخصتك وانسى عندك صويحب
ذيب:- اصلاً انا ماعندي، يلله مع السلامه
سديتهه منه بدون ما اسمع جوابه ضجتتتتت طلعت روحي ليش تعاركت وياا ليش اصلاً حاجيتهه بهاي الطريقه
خرب روحيي هسه زعل بعد شيصالحهه عفت كلشي ونمت
~~~~~~~~~~~~~~~~~
"تاليا "
اليوم غريب كلش غريب حور بس تصفن ودكول شتاقيت لفوفايتي ودعشه تبچي مادري ليش
وذيب موضوع ثانيي اليومم اليگله شلونك يكوم يذبحه
أجه سجاد أبن عمي حسين كعد كدام ذيب وذيب معصب
سجاد:- ياهلا بنسيب هه شلونك
ذيب:- معليك شلوني
سجاد:- لااااا شبيك مشتاق المامه ياحبيبي
يحجي بطريقه وكأنو يحاجي طفل ذيب كاعد على أعصابه وهاذا يتحارش بي
ذيب:- لا والله مشتاق هسه اكوم انعل والديك
سجاد:- ههههه ليش تضوج لعد اذا ما مشتاق المامه مشتاق البابه حسامم موو وللغرفه
يحجي ويغمزله ذيب كام على حيله ركض السجاد كلنه كمنه رحنه السجاد نخلصه من أدين ذيب
يالله ذيب فقد وهوه ضخمممم نزل على سجاد ما خله بجسمه عضم صاحي
ذيب لزم شعر سجاد بأيد والأيد الثانيه ضغط بيهه على ركبته وضل يركع براسه بلكاع الدم ضل ينڤرر من راس سجاد
الصياح عتلل المكان سجاد صار لون وجهه ازركك كام ذيب من فوك سجاد وشال الدولگه كزاز فلشهه على صدر سجاد
اتوسل بي يعوفه ماكو لاحياة لمن تنادي أخر شي طلعت حور تركض بشارع لبست عبايتهه وراحت لعلي ويليا
دائماً يوكفون يم الاسواق راحت صاحتهم وجوي
أجو يركضون دخل علي حضن ذيب من ضهره ويليا سحب سجاد من جوه ذيب
ذيب أيده ترجف من العصبيه دخلو وليد باقر وحيدر وصارو بنص لئن ذيب يريد يرجع السجاد
حجه وليد لئن هوه الجبير وعلي نستمر حاضن ذيب من ضهره
وليد:- كافيييي شبيكمممم جهالللللل العالممم شيحجون علينه
ذيب:- همه والنعالللل شيحجونننننننن يحجوننننن محد يهمنيييييي
وليد:- مو هوه بكيفك حجي الناس مو مهم لك بابه احنهههههه بيتتت شيخ جبل ال *** يعني شيصيررر محسوبه على ابويي
ذيب:- انعل أبوك لابو الطلعك كوادددد
وليد:- انته كافييي استحملنه عليككك هواي مو تخبلت من تعذيب أمك وجاي طلع خبالك علينه
ذيب دفع علي من ورى تحول سواهه مجزره
ذيب:- خرببببب ال** كواويدددددددددددددددد
جاب وليد بوكس كسر سنونه بحلكه وضرب علي على بطنه غليه ما الى أي علاقه بلموضوع خطيه نضرب
ورجع على وليد دفره بطنه ويحجي
ذيب:- هسه أواريككك المخبللللللللل شيسوييييييي
راد يهجم على وليد ركضوو باقر وحيدر ويليا وعلي
كلهم نامو عليهه قيدو حركته وحنه نتصارخخ كلبنه الدنيا كلاب
كام من ذيب أيليا سحب سجاد وطلعه برا وعلي اخذ وليد للدكتور الاسنان لئن ذيب حرفياً
طبق مقوله فلشت اسنونه بحلكه باقر وحيدر بعدهم نايمين على ذيب مقيدين حركته اباوع وراي حور تصور بيهم وتضحك
خرب مال هسه اكل الذيب اخلي يموتهه الصخله هسه احنه بيا حال وهاي تصور
هدء ذيب وكامو من فوكاا وهوه اخذ التليفون وسويجه وطلعع حمدنا الله وشكرنا
مسحنه الكاع من الدم صراحه صار عدنه عادي نشوف دم أو سنون بلكاع مكسره عادي
حور لزمت سن وليد المكسور وشالته من الكاع مگمشه وجهه متقرفه من السن
حور:- عيععععععع هسه مو ذيب الكسر سنونه ما يجي ذيب وينمهن غير شغله هاي
تاليا:- أي من عيوني هسه بس يجي اكله
حور:- لااا وشرف أختي موقصدي
غميتهه ورحنه غسلنه أدينه وصعدنه فوك الكل نايم دخلت بدلت ملابسي ونمت على الفراش اسمع حور
تحجي هيه وأيڤانا
خرطتلهه كلشي صار من أول ما صارت العركه ليهسه كل التفاصيل بدقه
خرب يومهه شكد تحب توصل اخبار وتحب تنطي معلومات
اسمعهن وضحك على سوالفهن
أيڤانا:-عزااااا وضغبو ذيب؟
حور:- لا ولجج بس ذيب كسرهم تكسر ةو تشوفينهم للاااااااااا ولج اني صورتهم
أيڤانا:- دزييييي عسغيععععععع
حور:- دزيته
سكتت شوي أيڤانا نوب شهكتت
أيڤانا:- عزاااا لجج ليش هيج مو أيده تضل توجعههه
حور:- يعني انتي ما همتج سنون وليد همتج أيد ذيب والله بطرانه
تنهدت وحجت
أيڤانا:- بس لا هسه متأذي؟
حور:- ههههه والله عليج سوالف فوفايتي لج غير لعب بيهم جولهه وصار صريخنه مالا والي شبيج
أيڤانا:- شسويلججج باعي بداعتي هسه هوه وين
حور:- طلع مساع ويمكن هسه رجع
أيڤانا:- باعي واول شي غوحي شوفي موجود لو لا واذا موجود سويله عصيغ ليمون وخليله أكل للبغل وكثغييي تبوله لئن هوه يحبهه
حور:- فلككك لفلكج يامكموعه ولج انا بت عمه وعايشه وياا صار شكد من طلگوو أمو وأبوييي وليهسه ما اعرف بي يحب التبوله
أيڤانا:- بلا حجي زايد ولي سويله اكل يلله وانطي لذيبي خوش صحح هوه بغل وخاين بس شسوي كلبي يحبه
حور:- أمداج وأمدا كلبج وأمدا ذيب وياكم على الواهس اروح اسوي الكلتيلي عليه وارجعع
سديته منهه وكعدت انتضرها شوكت تجي
*****************
"حور"
~ نزلت احضر الاكل لذيب لئن فوفايتي كالت حضرتلهه الاكل وكثرتله تبوله خليت الاكل بصينيه
صعدت لغرفه ذيب خليت الصينيه بلكاع ودكيت الباب ورجعت شلت الصينيه ميفتحح
دفرت الباب برجلي ميفتح رجعت دفرته يالله حجه
ذيب:- منوو
حور:- أنااا يعني منو
ذيب:- فوتي مفتوح
لنزمت الصينيه بأيد وحده وفتحت الباب لكيته ماعد على حيله ومورث چكاره
حور:- مو ادك بلباب ليش متفتح
حجه بصوت تعبان
ذيب:- شتريدين
حور:- جبتلك اكل
ذيب:- منو الطلب منج تجيبين اكل
حور:- فوفايتي
رفع راسهه افتح عيونه على وسعهن
ذيب:- منوو؟
حور:- أيڤانا شنو نسيتهه
ذيب:- وشلون عرفت انوو
حور:- مو اني خابرتهه وسولفتلهه وهيه خافت عليك وحلفتني اجيبلك اكل وهااا اجيبلك اسعافات أوليه علمود أيدك لئن تجرحت من ورى سنون وليد
ذيب:- يعني هيه الكلتلج؟
حور:- أي هيه
ذيب:- روحييي چيبي تليفونج وتعايي على السريعع
حور:- بس
ذيب:- علىىىىىىى السريعععع
طلعت منه عزاا هاذا شورطني وياا المشكله محادثات بيني وبين حمزاوي رحت جبت
لمتابعة باقي الرواية زوروا قناتنا على التليجرام من هنا
