رواية انتقامك وانتقامي رد الدين الفصل العشرين 20 بقلم تولين جراح
والله لو كسرو روحي الف كسر لن يرو مني الا البريق ✨
كلام مهم بنهايه البارت
........................................................
لتين ......
احس اكو شيء بداخلي نكسر واني اشوف أثر بركبه زعبان باوعت عليه بعيون دامعه
لتين: زعبان شش شنوو هذذا الي بركتبك
باوع عليه بصفنه وبعدين عدل نفسه وبلع ريكه
بقيت صافنه بكل تحركاته وارتباكه
زعبان: احمم ، ماكو شيء هاي حساسيه
لتين: زعبان اني موو طفله تضحك عليه بهذا كلامك ما توقعتها مناك انتَ زاني ؟!!
زعبان: اششش لتين اششش الشيء الما تعرفينه لا تحجين بي انه موش زاني فهمتي يوو لا
لتين: صرت اصيح بحركه كلب ، شفهم هااا شفهمممم زعباااان رقبتك مطكعه تعرففففف شنوووو هذااا معناااا غيرررر انك زانييييي
زعبان: افهميني زين لتين ما يخصج بكل شيء انتِ هواي تعديتي حدودج ازني ما ازني معليج
لتين: ههههه ولك شكد مخدوعه بيك طلعت مستحيل تكون انتَ ابن بابا راجح مستحيل
زعبان: ولا انه الاشرف اكون ابنه
لتين: اصلا هوه الي ما يشرف يكون عنده ابن زاني
ليشش بس فهمني
سحبني من ايدي بقوه نضربت بصدره باوع عليه بعصبيه وصرخ بوجهي
زعبان: مااا زانيييي افهميييي مااا زانيييي مررررتي على سنه الله ورسوله مااا مسوي شيء غلط
وكفت الدنيا بعيني ما اصدك الجاي اسمعه احس صدى صوته بس الي اسمعه وشفايفه تتحرك
نزلت دموعي بخذلان
حجيت من بين شهكاتي
لتين: زين ليشش ما تعلن زواجك منها
زعبان: اني مزوجها بس موو زواج دائمي
لتين: شلون يعني
زعبان: اني مزوجها زواج متعه
باوعت عليه بصدمه وخذلان
لتين: صار الك شكد مزوجها
زعبان بهدوء: صار اسبوع
لتين: يع يعني من تغيرت عليه انتَ مزوج؟!
زعبان: ما تغيرت
ابتعدت منه وحجيت ببجي
لتين: لاااا تغيرررت تأخيرك عليه واذا تحجي وياي ربع ساعه وتروح بعد ما جنت نكعد ساعات سوه بدون ملل
هذا شنوو يسمونه هااا شنووو جاوبني لا تبقه ساكت
زعبان: لتين اهدي
لتين: ههههه هسه صرت لتين بعد ما جنت جمارر
زعبان: هسه يا جمار انتِ ليش هيج منفعله تره صح احنه اصدقاء بس مستحيل ندخل بخصوصيات بعض
لتين: لا انتَ انطيتني هل حق خليتني جزء من يومك وخليتك جزء من يومي مستحيل هسه تنسحب
زعبان: لا مووو من حقج فهمتي موو من حقج دخلتج بحياتي اي بس موش بخصوصياتي
لتين: ليششش هسه حجيت لعد ونضراتك الي زعبان مستحيل اكذب عيوني واني اشوفك تنضر الي بحب
لك انيييييي حبيتكككك تعععرررف شنووو حبيتك زعبان ليش املتني بحبك
زعبان: انه ما حبيتج ولا راح احبج بيوم جنتِ تسليك وقت
لتين: شنووو تسليك وقت زعببان شجاي تحجي
زعبان: هاي الحقيقه جنت بس امضي وكت وياج بس عمري ما عشمتج بحبي ولا اعترفت الج ولا لمحت انه احبنج على اي اساس عرفتي انه عندي مشاعر اتجاهج
لتين: يكفي انك تنتظرني يوميه وتفتقدني كل يوم هذا موو حب زعبان اذا بالنسبه الك موو حب بس اني بالنسبه اليه حبيتك
زعبان: افهمي زين لتين مستحيل احبج لوو بعد حين
لتين: ليشش فهمني ليششش
زعبان: يكفي انج باسم ابوي هذا الشيء مستحيل اتقبله نفسي ما تتقبل ازوجج وانتِ باسم ابوي
لتين: بسسس انيي مووو اختك افهم هل كلام
"تقرب عليه يحاول يحجي بهدوء "
زعبان: شوفي لتين خلينه نبقه اصدقاء وأخوه ليش نخرب هل علاقه الحلوه بسوالف الحب والخربطه
"صرت ابجي بانهيار حجيت بغصه واني امسح دموعي وحجيت بقوه مصطنعه "
لتين: تذكر من كلت اليه مستحيل تصير صداقه بين المره والرجال
زعبان بحذر: اي
لتين: طلع كلامك صح واني ما أكدر اسيطر على نفسي وحبيتك والى هنا تنتهى هل صداقه
زعبان: مستحيل جمارررر مستحيل تعوفيني بعد هل صداقه انتِ وعدتيني ما تعوفيني مستحيل اقبل بهذا الشيء
لتين: لازم تتقبل هل موضوع اني وانتَ انتهت صداقتنه
تركته ومشيت لحكني ولأول مره يكون بهذا القرب مني لزم وجهي بين ايدي وحجى بترجي
زعبان: جمارر الكل عافني لا تعوفيني انتِ هم
لتين: ما أكدر الله يخليك عوفني بعد ما أكدر استمر بهل صداقه لان مشاعري تغيرت موو نفسها
خلا كصته على كصتي وصار يتنفس انفاسي نزلت دموعي مره ثانيه رفعت ايدي خليتها فوك ايده ونزلتها ابتعدت كم خطوه وحجيت بقهر
لتين: إلى هنا وتنتهي صداقتنه زعبان
تركته ومشيت دخلت للبيت ردت انعزل لوحدي صعدت للسطح كعدت بزويه ورجيت راسي على الحايط بجيت بقهر رفعت راسي للسماء وكلت بقهر
لتين: ليشششش ياااا ربييييي ليشششش تعبت وانييي اخسر كل الي احبهم تعبتتتت يااا رب التفت على حالي وقويني اني يتيمه يااا علي اني من ايتامك التفت عليه وبرد كلبي ، مااامااا اخذيني الججج ليششش عفتيني ورحتي اريد انام بحضنج اشم عطرج النحرمت منه الله يخليج اخذيني الجججج
نهاريت ابجي غمضت عيني اريحها ما حسيت نفسي واني كاعده بنفس مكاني تقدمت
وحده تمشي لابسه ابيض ما ميزت منو هيه بدت تقترب عليه وبينت الرؤيه عندي شفت ماما رهف كمت ركضت عليها ابجي
حضنتها بقوه شميت عطرها الي مستحيل انسى كان كلشي حقيقي حتى ملمس ايدها خلت ايدها على خدي تمسح دموعي
لتين ببجي: ماما اخذيني وياج تعبت
رهف : وجراح منوو يبقه يمه اذا اخذتج وياي
لتين: بس هوه عنده ولد وزوجه اني منو الي محد الي اريد يمج اجي
رهف: جمارتي يروحي ابوج جاي يتعذب روحي يمه ديري بالج عليه حتى ارتاح
شوي شوي صارت سراب واختفت فزيت شاهكه واني اشوف سادن واكف يمي يحاول يصحيني
فركت وجهي واني ادور عليها
لتين: وينها وينها سادن شفتها مووو جانت يمي كاعده هنا
سادن: اسم الله اسم الله على كيفج عن منو تحجين
لتين: ماما هنا ماما جانت يمي كاعده
سادن: شبيج يروحي شبيج ماما جوه نايمه
لتين: لا لا لا اني قصدي ماما رهف جانت يمي
سادن: حلم يروحي حلم جنتي نايمه
حضني بقوه واني مصدومه كانو حقيقه مستحيل يكون الي عشته حلووو نزلني جوه وهوه حاضني
احسه خايف عليه بسبب حالتي الي جنت بيها
دخلني للغرفة نومني وراح جابلي مي شربني واني ارجف نمت
مرن يومين حالتي من سيء إلى اسوء اجه جراح يزورني بعد ما عرف بيه مريضه جنت نايمه على الجربايه دخل خلا ايده على راسي باوعت عليه واني اخلي ايدي الي بيها كانونا على ايده وابتسمت بتعب
جراح: شلون صرتي باباتي بيه ولا بيج
لتين: بخير لا يضل بالك عليه
جراح: نروح للدكتور نطمن على حالتج
لتين: لا رحنه كالو عندي نقص فيتامينات
جراح: خوش بويه اخوتج هم ضل بالهم عليج
لتين: بخير لا يضل بالهم عليه صدكني
دخل اريان وهوه يكول
اريان: لتون اجو اخوانج
لتين: خليهم يدخلون
عدلت كعدتي واني اشوفهم اربعتهم يدخلون عليه
تقدم صخر باسني من راسي وكال
صخر: ما يمج بس العافيه روح اخوج
لتين: الله يعافيك حبيبي
أيسر: الحمد لله على السلامة هذا كله من ماعون الفواكه كتلج لا تاكلي عندتي
لتين: هههههه اي غير منفوس
أسر: حبيبتي ما يمج بس العافيه
لتين: حبيبي ابو الحنيه تسلم
باوعت على جبل الي يباوع علينه بجمود كالعاده
ضربه صخر بعكسه حجى بدون نفس
جبل : الحمد على السلامة
لتين : شكرا الله يسلمك
الكل كاعد حواليه حجى صخر بضحكه
صخر : ما عرفتي تتمرضين غير بخطبتي
لتين: خطبت ريم شوكت ؟؟
أيسر: يعني تقنعيني ما تدرين ومو انتم الي مسويها سوه
لتين: ههههه اي اعرف راح يخطبها بس موو بهل سرعه ما توقعت
جراح: ههههه شدي حيلج بويه خطبه اخيج نريدج معزبه وياهم ما يلوكلج المرض
لتين: هههه اكيد اصلا طبت على هاي الاخبار الحلوه باجر نروح نشتري ملابس ونحجز بالمركز وهم نشتري ذهب
صخر : حبيبتي وجودج كافي لا تعبين نفسج
لتين: شلون ما اتعب نفسي وانتَ اخوي
احس جراح حيل فرحان لان جاوبت وياه وحجيت
واني باقي ببالي كلام ماما رهف
دعيت بسري تكون مرتاحه بقبرها
ثاني يوم كعدت واني احاول أبين طبيعيه بقدر الإمكان طلعت شافوني اهلي كلش فرحو يحتارون شيسوون اليه حتى افرح
حجيت واني اخلي لكمه بحلكي
لتين: بابا اني اليوم راح اروح ويه صخر وعروسته نختار الذهب
ابو سائد: روحي بابا بس موو تتعاركين ويه إبتهال معليج بيها
لتين: الله كريم نشوف شنو الوضع
هز راسه بيأس وسكت لان يعرفني ما اسمع الكلام
طلعت لبيت الشيخ لكيت الشيخة كاعده بالصالة
حجيت واني ادعي الضحكه
لتين: هلووو شيخة الشيخات شلونج حبيبتي
الشيخة جمار: هله يمه هله بغاليتي شلونج يا بعد جدتج
بوستها وحجيت
لتين: زينه الحمدلله
الشيخة جمار: يستاهل الحمد حبيبه ، جدة شمالكم انتِ وزعبان طحتو فرد طيحه
رجف كلبي واني اسمع بطاري نزلت راسي بتوتر
حسيتها حجت هيج بغايه
لتين: اممم ، صدك وين العروس ، مرررة اخييييي اييين انتتتتتتتِ ، نزلت بسرعه تضحك بخجل باوعت عليها وهلهلت بكل صوتي على عناد إبتهال
لتين: كللللللووووووش ، عروستنا يااا جكليته حامض حلووو باكيته كلللللووووشششش
ريم: هلوو حبي شلونج
لتين: هله بعروستنه هله يا عمري
الشيخة جمار: طلعي ندارتج بخطبه صخر موش هسه
لتين: ولا يهمج غير اكسر الكاشيه ، هايييي الججج ريمه كللللوووووش ، اباوع على ابتهال واهلهل واحضن بريم
الكل التم على صوتي
لتين: يله يله حضري نفسج ناخذج نشتري الج ذهب يا ذهب انتِ
الشيخة جمار: ها يمه راح ترحين وياهم
لتين: اكيد شيخة اروح غير العريس اخوي ، تقربت عليها وهمست بخفوت ، اعرف عمه حنان وريم فقيرات ما يحجن وراح اسوك عليهن إبتهال كلت اروح وياهن هم اضوجها وهم اخلي ريم تختار على راحتها
الشيخة جمار: خايبه اروح فدوه لهل وجه الحلوو جنج انه بشبابي تعاي احبنج بعد جدتج
لتين: تقربت عليها وهيه تبوس بيه حجى ليث
ليث: هاا جده هااا جا كدامنه لازم جدي ما منطيج حقج وكاعده تمطكين بالفرخه
الشيخة جمار: خايب ابن المطي تميل مني لا العب النعال على راسك
ليث: جده انه كبرت بعد ما يفيد النعال تعودت عليه
الشيخة جمار: اي عبنك مطي امشي ميل مني لا بارك الله بيك يا خايس
طلع يضحك واني ميته ضحك عليهم
اختفت ضحكتي واني اشوف زعبان نازل من غرفته
على اخر حبايه اللبس والعطر يسبقه ولا ثغره بي كالعاده اباوع على نفسي وجهي اصفر والكانونه بيدي
ولابسه بشت وبنطلون وحزام بالنص هزيت راسي واني أدير وجهي منه ضحكت واني اشوف صخر دخل للبيت
هلهلت بقوه وضحكت
لتين: كللللللووووووش انزعو القوط ياهل القوط صخوري لبسسسس قاطه
الشيخة جمار: كلللللووووشششش كلللللووووشششش
ضحك صخر وباسني من راسي التقت انضارنه واني اشوفه يباوع عليه بصدمه شلت عيني منه بغرور
حجيت واني أوجه كلامي لريم
لتين: يله ريمه روحي بدلي ، صخر جهز نفسك تاخذنه نروح نجيب ذهب
إبتهال: انه اروح اجيبن باجر ماله داعي نروح كلنه
اجيت احجي بس سبقتني الشيخة وهيه تكول
الشيخة جمار: جا اذا هيج بت اخوج ليش خذت وياها عشيره من راحت يوو حفيده ال عكَاب ما يصير تروح تختار ذهبها بس بت جاسم الها حك تروح ويه اهليتها
إبتهال: شنهي عمه تعيرين بينه جي رحنه ويها غير نفرح الها
الشيخة جمار: جا احنه هم نريد نفرح ببنيتنه جا وحد لوو يعينني رجليه جا رحت وياكم بس جمار الصغيره تكفي وتوفي هيه بمكاني
باوعت عليها بغرور احسها احتركت
الكل راح يجهز نفسه حتى نروح رحت كعدت يم الشيخة باوعت عليه وكالت
الشيخة جمار: شنهي لمضيج خلكج يمه لا تكولين ماكو شيء احجيلي انه بحسبه امج
نزلت دمعتي وكلت بغصه
لتين: محتاجه امي رهف تدرين حلمت بيها توصيني على جراح بعد كل الي سواه وياها وهيه توصيني عليه
تكلي ديري بالج عليه ابقي وياه
الشيخة جمار: الله يرحمها جانت خوش بت حسبي الله ونعم الوكيل على الي جان السبب
لتين: ما يبرد كلبي اله اعرف منوو سوه هيج بيها وابقى ادعي عليه ويه كل صلاه على حرماني لأمي رهف
هزت رأسها وسكتت بقهر اجه صخر كعد يمي باوع عليه وكال
صخر: شبيج جمار احسج مهضومه
لتين: يا روحي ما بيه شيء بس محتاجه ماما رهف وياي احس مشتاقه الها
صخر: وعد يا خويه بس يخلص هل اسبوع ونعقد انه وريم اخذج نروح نزورها
لتين: صدك يعني تندل قبرها
صخر: هاي سهله نسأل عمي راجح هوه يدلينه ونروح ولا يهمج
لتين: شكرا صخر
هز راسه وسكتت طلعنه كلنه باوعت على ابتهال كعدت بالصدر حجيت باعتراض
لتين: هاي شنووو غير العروس تكعد يم خطيبها ما يصير والله
ابتهال: لا والله وانه اكعد وره
لتين: اي ام اخواني
أبتهال : هذا كدري وره بعدها ما مزوجه وخذته مني صخر راضي بهذا الكلام
صخر: جمار خويه سكتي خلي تفض على خير
لتين: بس
ريم: عادي جمار عمه تكعد بالصدر اصلا اني استحي
هزيت راسي وسكتت طلعنه للصايغ
سوو صخر ما نزل ويانه باوعت عليه
لتين: ها خير غير تنزل ويانه تختار الذهب
صخر: انه ما اعرف بهل سوالف هنه اعرف
لتين: ميخالف شارك كلشي يصير وياها راح تبقه ذكرى حلوه
هز راسه موافق كلامي
نزلنه نختار الذهب باوعت على ابتهال تأخذ ويه القطعه الصغيره والي تصميمها قديم
باوعت عليها وحجيت بضوجه
لتين: ام اخواني شنوو انتِ العروس لو ريم خليها تختار بكيفها
أبتهال: جا غير جنتي وانه اختار الذهب
لتين: هل سالفه جانت بجيلج اما هسه همه يختارون الذهب يله يله احنه نروح نكعد هناك معلينه بيهم الشيخة وصت هيج ، وبعدين شنوو خايفه على السعر شوو المحل محلنه ناخذ ونطلع بدون ما ندفع ربع دينار
سكتت ضايجه بعدين طلعنه لمحل الفساتين شفت فستان كلش عجبني لون ماروني نارر يصير الكتف نازل وطويل والمسرح مالته يسحل وراي كلش عجبني
رحت عاملت عليه
لتين: هذا شكد سعره
العامل: *
لتين: اممم تمام ، فتحت جنطتي الفلوس ما يكفن لان اشتريت احتياجاتي
صخر: جمار اخذي على حسابي
لتين: لا صخر شكرا ما عجبني
صخر : خلي النه هل فستان هم
راح العامل يجهز الفستان حجيت باعتراض
لتين: صخر كتلك ما أريده ليش كلفت نفسك
صخر: شوو اسكتي غير اختي انتِ
لتين: بس ما يصير
صخر: لا يصير يله سكتي
سكتت وبعدها طلعنه نشتري باقي الأغراض
رجعنه للبيت دخلت لبيتهه مباشر صررت افتح الأغراض واشوفها لماما وتد
وتد: الله يجنن لتين تتهنين بي
لتين: فديتج يا روحي تستاهلي
وتد: بالعافيه حبيبي
شلت اغراضي ودخلت للغرفة مر هذا الأسبوع بلمح البصر واني احضر بعد ما عرفت ازل خطبها جبل يعني راح اصير خطوبه مشتركه
كعدت من الصبح بدلت وتوجهت على بيت الشيخ حتى اخذهن للمركز اني
دخلت لكيت الكل كاعد يتريك حجيت بضحكه مزيفه واني اشوفه كدامي يشرب جاي
لتين: صباح الخير على الجميع
الشيخ عكَاب: هله بويه تعاي اكلي ويانه
لتين: ما اكلك لا لان ميته جوع على غداء البارحه
الشيخة جمار: جا تعاي اكلي ليش ما ماكله
لتين:سوتلي مكان بينها وبين الشيخ كعدت اكل واحجي ، غير البارحه التهيت اتفق ويه ام الديكور والمركز وبعدين نمت من وكت ونسيت اكل هههههه
الشيخة جمار: اكو واحد ينسه ياكل
لتين: اي اني هههههه ، بنات خوما عدجن نقص اني البارحه شفت كلشي جاهز
حنان: عاشت ايدج عمه كلشي جاهز نجازيج بعرسج
لتين: شنو السالفه عمه غير عروسات اخواني اكيد اهتم بيهن بس هاا تره هسه اشوفهن الوجه السمح بعدين اصير الحمايه الصارمه هههههه
حنان: هنيالهن اذا انتِ حماتهن
كملنه كلشي وطلعنه متوجهين للمركز بدن يجهزن بالعروسات واني هم بديت اجهز نفسي كعدت على الكرسي وهيه بدت تتفنن بشكلي
باوعت على نفسي بعد مده طلعت غير شكل
عيوني الخضر الي حبيت البس عدسات حتى احس نفسي أشبه امي لوو المكياج الي ركزت بي على عيوني والحمره المارونيه القاتم شعري ما حبيت العب بي خليته نازل على اكتافي
لبست الفستان واني اشوف البنات طالعات أميرات بلبسهن ومكياجهن
حجت وحده من الماكيرات
_ صدك انتن من بيت الشيخ عكَاب
لتين: اي صح حفيداته احنه والعروسات زوجات اخواني
_ صلاوات تخبلن هم شيخات وهم راح تاخذن شيوخ
هزيت راسي واني اشوف نضره الحسد بعيونها على عيشتنه مع اني اشوفها لا شيء عاديين
دك عليه رقم غريب فتحت خط عليه واني اكول
لتين: الوو منوو
_انتِ ياهو الي يدك عليج تفتحين خط
كلبت عيوني بملل وحجيت
لتين: اكيد عرفت واحد منكم دك حتى نطلع
_لفلفيهن زين
لتين: تمام اعرف لا تخاف على ازل من هسه استاذ جبل اكيد راح ألفها مثل الدولمه
جبل: أحسنتي
سدى يوجهي همست بصوت ناصي
لتين: ياا حقير سدى بوجهي شكد مكروه ايع الله يساعد ازل عليه
حجيت وياهن بسرعه
لتين: يله يله جبل اجه هم ياله نروح
كومتهن وطلعنه جانت الفساتين ناعمات ما عذبنه ابد
طلعنه شفنا واكف يم المركز كعدن البنات وره واني كعدت بالصدر
حجيت من وره خشمي
لتين: هلووو
جبل: هله
الطريق كله ساكتين وصلنه بعد معاناه بسبب الجو المتكهرب وصله بسرعه دخلنه ركض فتحنه الباب وكبت الهلاهل ضحكت واني اعدلهن على الكوشه
ورحت لغرفه الشيخة نزعت البشت والشال عدلت نفسي وطلعت شهكت الشيخة وهيه تكول
الشيخة جمار: الله مصلي على محمد وآل محمد ولج اسم على مسمى صدك جمار هسه النسوان يحسدنج
لتين: هههههه شنو السالفه شيخة موو لهل درجه
الشيخة جمار: تعاي وياي يمه تعاي
اخذتني للغرفة فتحت كنتورها طلعت كلاده عين زركه كلش حلوة انطتها الي وكالت
الشيخة جمار: هاج يمه لبسي هاي من العين
لتين: بس شيخة
الشيخة جمار: اش جده اش مني الج
حضنتها وبستها من خدها طلعنه بعد ما لبستها
الكل كاعد منتضر يعقدون حتى يطلعون اغاني ويحتفلون بقينه منتضرين إلى أن سمعنه كالو راح يعقدون بقيت انتضر صخر بس اختفى كلش قلقنه عليه والشيخ راد يعقد
اجه أيسر كالت وبين القلق والتوتر عليه
أيسر: جمار صخر ماكو اختفى
لتين: شنوو شجاي تحجي ما معقول ، يجوز بالحلاق
أيسر: كلنه رحنه حلقنه بس هوه اجا اتصال وراح كال بعدين ارجع وراكم
لتين: تمام لل تكول لاحد خلي تمر الخطبه على خير لا نوتر الجو
هز راسه وطلع صرت احاول اوصل اله بس بدون جدوى وره ساعه تقريبا
شفته دخل يمشي برهاوة ضحكت بفرح رحت
كومت ريم اول وحده تعقد
ورحت لازا احضر بيها بهل يوم سويت واجبي كأخت بأكمل وجه
خلص العقد وصارت ريم زوجه صخر وبعدين ازل وجبل هم عقدو
كامت ازل طلعت حتى يدخل صخر وبعدين يدخل جبل لأزل
الكل بده يستر نفسه اله اني لان اختهم بقيت بلبسي شفته دخل بهيبته وضحكته ورزانته هلهلت بكل صوتي واني اضحك واهوس ويه الشيخة
باوع عليه وضحك تقدوم باسني وبعدين راح كعد يمها
وره ما خلصت المراسيم طلعت ريم ودخلت ازل وهم جبل دخل لبسها الذهب باوعت عليه وكتله
لتين:الف مبروك جبل ان شاء الله زواجه الدهر
جبل: الله يخليج مشكوره
طلع بسرعه وهنا بده العب الكل كام يركص ويغني اله اني اتمايل بهدوء احس تعبت من التمثيل طاقتي خلصت واني اضحك جذب امثل إلا مبالاه
طلعت اتبختر بمشيتي واني احجي على سائد الي يريدني اكوي قميصه لان تلف الي لابسه نصدمت واني اشوفه كبالي يشرب مي باوع عليه بصدمه
طلعت بسرعه بس هوه جان اسرع مني سحبني من ايدي وحجى بعد مده سكوت
زعبان: ما ضنيتج هيج بفراكي تحلين........
................
ريم : نزلت دموعي واني اشوف الشماته بعيون شجن وابتهال
اشرت لجمار اجت حجت بضحكه ممزوجه بقلق
لتين: ها ريمه شبيج
ريم : صخر وين
لتين: هسه يجي صار عنده شغل
ريم: بسس
لتين: لا بس ولا شيء هسه اجي يصيحولي
راحت ركض واني بقيت منزله راسي وافكر وره مده
رجعت تضحك
لتين: يله ريمه كومي الشيخ راح يعقد الكم
ضحكت بفرح واني اشوف إبتهال وشجن اختفت ضحكتهن
كعدت على الكرسي وره الباب وصرت اردد وره الشيخ
اخذ موافقتي وبعدين اخذ موافقه صخر الي جاوبه بصوت كله هيبه ورزانه
دخل يلبسني الذهب واني اشوف الضحكه تارسه وجهابعد العقد رحنه نمنه وبعدين ثاني يوم كعدت كلي حماس وفرح
نزلت واني ادور بعيوني عليه
شفته يشرب جاي ضحكت واني اشوفه يأشرلي
على الكراج
طلع واني طلعت وراه
حجى وهوه يقدم الشال على راسي
صخر : وينج من البارحه
ريم: تعبانه ونمت ، انتضرتك هواي ما اجيت
صخر: الولد تأخرو بالحفله رجعت بوكت متأخر ردت اشوفج ماكو كلبي طاك عليج مريتي
ريم: هاي شنوو صرت مريتك بعد ماكو بنيتي
صخر : مريتي وبنيتي وروحي وكل حياتي
اجانه صوت من وره فززنه ثنينه
أيسر: جا شبقيت لأهلك هذول الربوك وتعبو عليه هذا لحم اكتافك كله منهم اتبريت منهم على مود هل زقجه
صخر: طيح الله حضك يا كووو*** شعدك هنا
أيسر: جا غير اريد اروح لشغلي بس واكفين بطريقي
الوادم من الصبح تفتح عينها على قرأن الصلاه على محمد
انه اشوف مناظر استغفر الله
طفرت جوه واني الخجل كاتلني احس راح اموع
ومنا بدت معاناتنا ويه أيسر الي ويه ما نلتقي اني وصخر يشوفنه ويضل يحجي ويلمح
اخر شيء صرخ بيه
صخر: الله واكككبر وين اولي منكككك
.............
ازل .......
كلشي مر كانو حلم كلش مر بسرعه مثل الكابوس
كاعده على الكوشه اباوع على فستاني النيلي
ومكياجي وتسريحتي
تم العقد واني فاصله عن كلشي ما حسيت غير جبل كاعد بصفي نزلت دمعتي بقهر
باوع عليه وهمس
جبل: موو هسه تبجين ضمي دموعج لبعدين
ازل : جبل ليش هيج سويت
جبل: اريد ائدبج من جديد اعيد تربيتج
ازل: اني مربايه احسن تربيه فهمت دير بالك تجيب طاري تربيتي على لسانك
هز راسه وسكت بتوعد
طلع بسرعه بعد ما رفض يلبسني الحلقه
حزت بداخلي وسكتت بعدين جمار علكت الجوو خلتني انسى كلشي ركصت وضحكت لليل صعدت بدلت ونزلت اتعشى
صعدت نمت وجبل ثاني يوم التحق
ما حسيت حياتي تغيرت غير بس زينت ايدي الحلقة مال جبل اما ريم وصخر اشوفهم طيور الحب
بعد اسبوع نزل جبل واني لزمت كلبي بيدي كلش خفت منه
جان يصرف عادي ولا كان اكو شيء
جاي امشي بالمرر اروح وارجع واني متوتره احجي ويه نفسي
ازل: يله ازوله روحي قابل راح ياكلج شوو هوه نفسج بشر ، لا والله مو بشر حشى طابوكه صدك ما غلط خالو من سمى جبل ، جبل ما يهزه ريح موو اني جني فاره
امداني ردته يحبني وهسه من خطبني تندمت
اوووف ربي خايفه ، كمزت على صيحت وهوه يكول
جبل: يلله دشيييي شعدج واكفه بالباب تاخذين خيره
ازل: بسم الله الرحمن الرحيم ، هذا منين عرفني بالباب واكفه يمه جني موو رجال
دخلت برجلي اليمنه وبلعت ريكي
همست بصوت ناصي
ازل: غزل كالت تريدني تفضل محتاج شيء
جبل : اول شيء تعاي كعدي جدامي
سويت مثل ما كال بعدين حجى
جبل : من شوكت علاقتج بمروان
ازل : اني ومروان اصدقاء
جبل : ههع اصدقاء امممم والاصدقاء يوكلون بعض لوو يكعدون بمكان معزول
ازل: جبل اني جاي احجي الصدق والله اني ومروان اصدقاء وبعدين شدخلك انتَ
جبل: انتِ حرمتي لازم اعرف دل شارده وارده عليج
ازل: لأ والله شوف جبل المفروض تعرف اني تربيتك ومستحيل اغلط بيوم بس الضاهر ما ثاق بتربيتك
جبل: لا بنيتي ثاق وكلش بس الي ما ثاق بي تربيه غيري
ازل: شنوو قصدك
جبل: شيء ما يستوعب عقلج بنيتي وهسه المهم علاقتج بمروان من شوكت
ازل: من الطفوله
جبل: اممم زين زين عاشت ايدج وبعدين شنوو نوع العلاقه
ازل: كتلك اصدقاء والله ، وحتى يعرف بيه احبك
باوع عليه بنضرات ما عرفت افسرها بعدين رجع وجها بارد خالي من التعابير
رفع ايده مئاشر على الباب
جبل ببرود: تفضلي طعلي
ازل: جبل حباب افسخ الخطبه انتَ ما تحبني ليش تخرب حياتك
جبل: طلعي ازل
طلعت ركض واني احس كلبي راح يطلع
وراي
دخلت واني اشوف ريم وترتيل وغزل كاعدت ياكلت صحت بيهن
ازل: هاااي شنووو خيييانه ليششش تاكلن بدوني
غزل بغمزه: كلنه خلي نأكل ازل راح خوش تاكل ويه جبل
ازل: نجبي نجبي ادني خلي اكعد اكل
كعدت بينهن صرت اكل واني احجي بقهر
ازل: خايبات جبل كعد يستوجبني
غزل: ليش شيريد عليمن
ازل: على السالفه الصارت اكيد موتني عبالجن متهم عنده وكعد يحقق وياي موتني
ترتيل: اتفاهمي وياه تره ميصير هيج
ازل: هوه ينطي مجال
ريم : حاجي برومانسيه
ازل: باع هاي ولج اسم على مسمى جبل ما يهزه ريح
موو عاد كلامي الفاهي
ريم: جربي صدكي راح تفيدج
ترتيل: يجوز صدك راح يتجاوب وياج ولج
ازل: تكولن هيج
غزل: بلكي يفيد وياه جربي شخسرانه يحضي
ازل : تمام اجرب
وره نزلنه نكعد جوه صار الليل
رجع جبل من بره باوعن عليه البنات وهنه ياشرن
اروح وره جبل
هزيت راسي برفض جرني للمطبخ
راحت ترتيل تحضر الجاي وريم وغزل يقنعني حتى اروح
غزل: باعي انتِ من اشوفي سوي ن
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
