رواية حظ عاثر الفصل العشرون بقلم ليل ادم
بعد مرور نص ساعه من تناول سعيد الحبايه من حماده علبه
سعيد : ادهم أنا عايز اروح البيت
ادهم : اي يابني ما الدنيا حلوه اهو وضحك وهزار انتا قفيل ليه كده
سعيد : قرب تعاله اقولك حاجه
الأم: مالك صحيح يا سعيد
ادهم : اي مالك
سعيد : هات ودنك ياعم هو أنا هكلك
ادهم : اي يابني خضتني
سعيد : الحبايه اشتغلت ياسطا حاسس اني عايز ارجع البيت ب صاروخ ابوس ايدك وصلني البيت يابني اللحظه دي ممكن متحصلش تاني طول عمري
ادهم : لأ ياله ياله هات ايدك
سعيد : ياله سلام ياما
الأم: يابني منتا قاعد
أدهم: لا ياما سعيد ورا مشوار
حماده علبه: مشوار اي ب البمبز اللي لبسه ده
ادهم : اي يا غباوه انت
حماده: بتغمز ليه منا مش فاهم
سعيد : سيبك منه دا غبي
حماده: تشكر ياعم سعيد
سعيد : سلام يا أجمل مخترع في الدنيا
حماده: اه فهمت أنا كده لكي الله يا أمل هسد ودني أنا بقا ها
سعيد: ياعم امشي هيفضحني
ادهم : ياله
بعد وصول سعيد المنزل
ادهم : خلاص أنا هرجع البيت لو في اي حاجه اتصل بيا
سعيد : ماشي سلام
فتح سعيد باب الشقه بكل فرحه و شغف
سعيد : امل أموله امل انتي يابت هيا فين البت دي ينهار أبوكي اسود جايه تسيبي البيت وتمشي في يوم زاي ده يخربيتك
في جانب آخر
حماده علبه: اي ياعم وصل
أدهم: اه ياعم
حماده: تسع شهور ويكون سعيد الصغير اخو سعد الصغير بيلعب وسطنا
أدهم: ياعم بطل نبر على الواد سيبه يعيش
حماده: بتعمل اي
ادهم : عندي شغل
حماده: شغل يعني اي شغل دي يابني أنا نسيت الشغل ده شكله اي
أدهم: تيجي ياض يا حماده تقدم ورقك في المكتب عندنا يمكن تتقبل
حماده: أنا منفعش يا اخويا ادهم
ادهم : ليه يعني دنتا طول عمرك زكي نص الفرقة كانت بتغش منك
حماده: يا اخويا ادهم أنا لو كنت صبرت اكتر من كده كنت هتعب نفسياً تعرف يا اخويا ادهم الجيل بتاعنا ده مدعوك في الاخر تيجي تكلم راجل كبير يقولك انتوا جيل فاشل ببقا عايز اقوله أسند ضهرك انتا يا خالي علشان احنا أستلمنا نهايه العالم والله
ادهم : اي ده ياض يا حماده اول مره اشوفك بتتكلم جد كده
حماده: يا اخويا ادهم أنا عارف اني عندي ربع طاير بس عندي حته كده بتطلع للحبايب
ادهم: قول يا علبه قول
حماده: تعرف كنت بتكلم مع واحد من الناس الكبيرة قالي اي أحسن حاجه البلد كلها عماله تقول حارب حارب وعايزه تنط ل فلسطين ولو جت الحرب كلها هتعمل عندها شغل
ادهم : اي يابني العك ده
حماده: منا والراجل شبه بعض بنتكلم باللغه وكنت رافع بروبق أنا وعمك سيد
ادهم: اه المهم قولتله اي
حماده: قولتله يا عم سيد إحنا فعلاً عايزين نحارب بس مش علشان فلسطين
أدهم: أما عايزين نحارب ليه يا علبه
حماده: الدنيا مش جايه معانا سكه يا اخويا ادهم اديك شايف كل يوم تدخل زاي العبيط تسأل في السوبر ماركت عن سعر نفس الحاجة اللي انت مشتريها من ساعه لا في شغل ولا فلوس ولا تعليم والرجاله مش عارفه تعمل فلوس والفلوس مش بتعمل رجاله وكلها تائهة بتدور على بعض علشان كده الطبقه بتاعتنا عايزه تحارب أصل اموت شهيد احسن ما اموت فقير مصدي فوق للكلام يا اخويا ادهم الناس دي سرقت الماضي علشان تبيعه بره البلد وسرقوا الحاضر والمستقبل
أدهم: اي ده ياض يا حماده دنتا طلعت ثوراجي
حماده: ياعم ثوراجي اي انتا عايز تكبلني
أدهم: خود كده الورق ده يا حماده
حماده: أنا معايا ورق اهم منه يا حبيب اخوك
أدهم: ورق اي
حماده: وربنا معايا ورق يوديك في داهيه شوف ( وطلع ورقه بفره )
ادهم : ( بيضحك) وصلت يا حماده الرساله
حماده: الواد سعيد ملوش حس تيجي نطلع نشوف ماله
ادهم : لا ياعم طالما مفيش منه رنه يبقا الدنيا في التمام
باب غرفه ادهم بيخبط
ادهم: ادخل
رحاب: أنا ماشيه أنا عايز حاجه
ادهم : ليه منتي قاعدة شويه
رحاب: لا الوقت أتأخر قعدت كتير و بابا رن كتير اوي
ادهم : طب استني اجي اوصلك
رحاب: لا لأ خليك مع حماده عايز حاجه يا حماده
رحاب: حماده يابني
ادهم: انتا يازفت
حماده: اي أنا
رحاب: دا كان نايم أصلا
حماده: لا لأ كنت بفكر
رحاب: عايز حاجه
حماده: مش عارف
رحاب: اي ده في اي
ادهم: سيبك منه هو كده
رحاب: طب سلام
ادهم : استني هاجي معاكي لحد العربية حتا
رحاب: لا عادي والله خليك
ادهم: لا طبعا ياله
حماده: أنا خارج اقعد معاهم بره
ادهم: ماشي عبال ما ارجع
حماده: ماشي
الأم: اي ده هو حماده لسه هنا
حماده: اه
الأم: تعالي اتنيل اقعد معانا
حماده: منا قاعد معاكم هقعد اي تاني اجي اقعد على حجرك
الأم: وماله منتا زاي ادهم يا جربوع
حماده: يعني اي جربوع يامو ايمن
أم أيمن: يعني جمال
حماده: الله يرحمه
أم أيمن: الله يرحمنا منك يا اخي
الأم: ياض يا حماده اطلع شق على اخوك سعيد ل يكون في حاجه
حماده: سعيد مين
الأم: يابني مالك بقا فوق شويه لله
حماده: سعيد اه سعيد ماشي
طلع فعلاً حماده عند سعيد خبط على الباب
سعيد: مين
حماده: أنا يا عنتيل المنطقة البيت هيقع علينا ياعم
سعيد: ( فتح الباب) انا بموت يابن الجزمه
حماده: في اي
سعيد: طلعت البيت ملقيتش البت بكلمها تقولي معلش روحت ل امي و جايه
حماده: طب خلاص كويس علشان يكون الشغل اشتغل
باب الشقه بيخبط
سعيد: مين
امل: أنا يا سعيد
سعيد: حماده ياله غور في داهيه انتا
حماده: ياجدع عيب مش كده
سعيد: ياعم غوى بقولك خليها حلوه
امل : حماده عامل اي
حماده. : الحمد لله تمام عايزه حاجه
امل : ربنا يخليك رايح فين
حماده: نازل
أمل : طب اشرب الشاي الأول
حماده: خلاص ماشي
سعيد: شاي اي ياله ياعم أبوس ايدك الشاي هيتعوض بس اللي أنا في ده مش هيتعوض
حماده: اه صحيح سلام سلام
أمل : مالك يا سعيد أنا مش فاهمه حاجه
سعيد: تعالي بس وبعدين نتفاهم
امل. : حاضر حاضر اهدا
في جانب آخر
ادهم : هو حماده راح فين
الأم: طلع يشق على اخوك سعيد
ادهم : ليه كده بس يا جماعه ما الراجل طالع ينام ساعه
حماده: ياعم أنا جيت أهو شوفت السرعه
ادهم : تعالى عايزك
حماده: تعالي
ادهم: اي سبع ولا كلب
حماده: ده مش سبع وبس ده طلع ديب
صوت صوات جاي من شقه سعيد
ادهم : اي ده
حماده: في اي
ادهم : يابني مش سامع صوت الصويت
حماده: خليك شواف بقا اخوك سعيد على قديمة
ادهم : يابني ده صوت صويت سعيد مش اللي في دماغك
حماده: ياعم لا هيا البت أمل صوتها تخين كده
سعيد: ( من فوق بصوت عالي) يخربيت امك يا حماده
ادهم : امل هتقولك يخربيت امك يا حماده ( وطلع جري على شقه سعيد خبط على الباب)
ادهم: في اي
امل: سعيد عمال يتلوا على الأرض جوه مش عارفه ليه
حماده: دي لسه ب هدومها يا سعيد اي اللي بتعمله ده اوعا كده ادخل اشوف ماله
ادهم : تعالي
حماده: مالك يابني
سعيد: بطني بتتقطع يابن الجزمه انتا أدتني اي
ادهم : طب اي مفيش جديد
سعيد: ولا قديم طول ما الكلب ده في حياتي وديني المستشفى وحيات امك يا شيخ بطني مش قادر
ادهم: ايدك معايا يا حماده قوم قوم يا سعيد
وفعلاً خد أدهم سعيد على المستشفى
الدكتور: في اي يابني تاني انتا كل ساعه عندي
ادهم : بطنه بتوجعه اوي
الدكتور: انتا بعد كده تيجي تدخل على غرفه عم جمال على طول
أدهم: يعني اخدو و ادخل
الدكتور: ادخل هو انت غريب دنتوا بقيتوا أصحاب المستشفى
فتح باب الغرفه ودخل على عم جمال
عم جمال: مين
ادهم : إحنا يا عم جمال
عم جمال: خمسه عليكوا من العين سعيد اللي معاك ده صح
ادهم : اه
عم جمال: جاي المستشفى تانيه انتا اهبل ياض هيخدوا منك اي تاني
سعيد: اسكت انتا بقا
حماده: عم جمال هو انتا امتا هتغير عنوان البطاقة وتكتب العنوان الجديد
جمال: مش فاهم
حماده: أصل انتا بقيت خلاص من أصحاب المستشفى
جمال: مفيش معاك حاجه حلوه ياض يا حماده يا حرامي
حماده: افتح بوقك
جمال: اهو
حماده: بالشفاء العاجل أن شاء الله ياعم جمال
جمال: اي ده ياض يا حماده
حماده: دي حبايه أسمها سبوني وارجعوا
جمال: طب ما تسبوني وتمشوا
حماده: الحبايه دي تحب الهدوء والعقل
جمال: مفيش اكتر منهم عند عمك جمال بس أسند ضهري اشوف ابو ورده جاي يشيل اي المرادي الواد شكله حب الموضوع ياض يا حماده
حماده: اه والله مع اني أديته واحده بتموت
سعيد: منا فعلاً بموت يابن الجزمه
حماده: ياعم لأ أنا بس زودت فيها حاجه
ادهم : انتا لازم المعمل بتاعك ده ينفجر يخربيتك
عم جمال: بعد الشر ليه كده يا استاذ ادهم
أدهم: استاذ ادهم
حماده: اه ما الحبايه دي مش بتحب قله الأدب في احترام هيحصل اصبر بس
ادهم : لو على كده يبقا أعمله علبه
الدكتور: ها بتشتكي من اي يا سعيد
سعيد: بطني وجعاني اوي
الدكتور: آخر حاجه أكلتها كانت اي
حماده: حبايه تهد البيت
الدكتور: مش فاهم
سعيد: بص يا دكتور أنا مش هكدب عليك بس أنا اخدت برشامه
الدكتور: برشامه ل اي بالظبط
حماده: جرا اي يا دكتور الراجل لسه مدخلش دنيا ومش عارف يدخل
الدكتور: طب يا بني ليه كده
ادهم : معلش يا دكتور اللي حصل بقا
الدكتور: اسمها اي الحبايه دي
حماده: لا بصراحه لسه مخدتش لقب
الدكتور: ليه هيا شكلها اي
سعيد: يا دكتور اللي عامل البرشامه قاعد قصادك اهو
الدكتور: انتا
حماده: اه
عم جمال: استاذ حماده عايز واحده من الحبايه دي
الدكتور: ياعم الشفاط انتا اسكت
جمال: هات برشامه عدله يابن الجزمه مش طايق نفسي وانا محترم كده
ادهم: وربنا ولا احنا مصدقين انك بتتكلم كده أصلا
الدكتور: هو ماله صحيح
حماده: اديته واحده سبوني وارجعوا
عم جمال: رجعني تاني بقا يابن الجزمه ابوس راسك يا استاذ حماده يا حرامي
بدل ماتدور وتبحث علي الروايات خليها علي تليفونك وحمل تطبيقنا
