رواية عشق اولاد النمر (غرام النمر 2) الفصل الثامن8 بقلم جنه ياسر

"عشق اول ما انطلقت الرصاصه من المسدس اللورد صرخت بخوف كانت هتصبها الرصاصه لكن مرت بجاورها واخترقت في الحائط عشق بلعت ريقها ونظرت بجاورها الي مكان الرصاصه التي بالحائط ثم نظرت له بخوف وكانت بتبكي بشده ..

اللورد بحزم : المره دي كانت قرصه ودن  المره الجايه اوعدك أن اقتلك..

عشق توجهت له وانهارت في تلك اللحظه وقفت امامه وكانت بتضربه في صدره وكان تقول عده كلمات ..

عشق بصراخ : انت ايه جنسك اي بسهوله دي كنت هتقتلني عادي كده تقتل ...انا هندمك علي اللي عملته انت متعرفش انا مين وبنت مين ..

"عشق مسكت قلبها وبدءت تتنفس بصعوبه وبعد ذالك فقدت الوعي واللورد لم يلحقها وتركها تقع في الأرض ثم نزل الي مستواها وكان شعرها مغطي ووجهها مد يده الي شعرها و يبعد خصلات شعرها ويري وجهها ويحقق في ملامحها جيدا ومركز فيها ثم قام وكان سيذهب ولكن فجاءه لم يتحمل ان يتركها ويذهب رجع مره اخري وحملها وخرج بها الي سيارته.

وبعد ربع ساعه كان اللورد قد قام بايفاقتها ..ثم فاقت عشق وفتحت عيونها وجدته يقرب عليها جدا فقامت مفزوعة وبعدت عنه ...

عشق بخوف : انا فين ..

اللورد : حمدالله على السلامه مكنتش اعرف انك فرفوره كده اللي اعرفه عن ولاد النمر حاجه تانيه انتي مدلعه اوي ..

عشق بخوف : وانت تعرف بب بابا منين 

اللورد نظر لها نظره جوهريه دابت الرعب فى عيون عشق ثم قال : انا اعرف عيلتك كلهم واحد واحد ...تحبي اقولك كل واحد منهم هما فين دلوقتي. 

عشق بخوف : لو قربت علي حد من عيلتي هقتلك 

اللورد ابتسم ثم نظر لها وقال : طب قولي كلام يكون قدك بقي علي اخر الزمن اتقتل علي ايدك انتي ..طب ازاي ده أخطر ناس معرفوش يعملوها انتي هتعرفي تعمليها يا شاطره ..

عشق : عاااا انت واحد مستفز ومعندكش دم انت من شويه كنت هتقتلني عادي كدا ...

اللورد اخرج سيجار ويضعها داخل فمه وينظر الي عشق 

وقال : انزلي 

عشق : نعم 

اللورد : خمس دقايق لو لاقتك لسه في العربيه صدقيني المره دي هقتلك 

عشق نظرت له بخوف ونزلت بسرعه من السياره وهو تحرك بسيارته وذهب وعشق واقفه وكانت خايفه ...

عشق بدموع : اي البني آدم ده طلع ديما عندها حق واحد مش سهل ...وبيخوف اوي 

ثم نظرت الي المكتبه وجدتها مفتوحه ويوجد  ناس بها ...

عشق : اكيد انا بحلم المكتبه فيها ناس طب ازاي 

عشق ذهبت الي سيارتها وتوجهت الي القصر النمر ..

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

"في المساء في قصر النمر"

كان جاسر واقف يصرخ علي الحراس الذي كانو مع ماسه ...

جاسر بصراخ : ازاي اتخطفت ازاي هو انا مشغل معايا بهايم انتو بتنيلوا اي معاها معرفتوش تحموها اقسم بالله لو حصلها حاجه هقتلكو كلكم ..

واحد من الحراس قال : يا جاسر بيه هي اللي اعترضت اننا نروح معاها المطعم حته اسأل صاحبتها . 

سوزان وقفت امام جاسر وكانت بتبكي وقال : 

ايوه يا عمو انا اللي قولت اننا منروحش بالعربيه وله بالحراس وفعلا هما اعترضوا بس ماسه أصرت عليهم انهم يبقو مكانهم بس والله مكنتيش اعرف ان هيحصل كدا متوقعتش ان هيخطفوها هي قالتلي روحي اندهي علي الحراس مسافه ما روحت ولقتهم شايلنها وخطفوها. 

جاسر نظر للحراس : والبهوات مجروش ورا زفت العربيه حابه عيال زي دول مقدرتوش تمشو وراهم ..ماتنطقوا 

جاسر فقد اعصابه وتوجه لهم ولكم كل واحد فيهم بغل اسد واسر شدو ومسكوه ..

اسد : اهدي يا بابا بقي خلينا نعرف نفكر هنتصرف ازاي ...

غرام ببكاء : انا عاوزه بنتي مليش دعوه اتصرفوا ارجوك يا جاسر اتصرف ورجع بنتنا ..

قطع كلامهم دخول عشق وكانت سرحانه وتتذكر الذي صار معاها ..

جاسر توجه الي عشق وقال بصراخ : انتي كنتي فين كل ده و مش بتردي ليه علي موبيلك ..

عشق بخوف : كك كنت مش سامعه يا بابا ..هو في حاجه ثم نظرت الي الحراس ..

جاسر : اختك ماسه اتخطفت انا مش فاهم هتفضلوا تعندوا معايا لحد امتي انتو كل ما بتكبرو الحمل بيزيد مش بيقل هو انا مش قولت ان مفيش خطوه تتحركوها من الغير زفت الحراس ..

عشق بخوف : اييه ماسه اتخطفت ازاي ..

جاسر بغضب : ما هو بسبب تهورها مشيت من غير الزفت الحراس ما هو مبقاش في حد بيسمع كلامي خلاص 

اسر : اهدي يا بابا بقي خلينا نفكر بقي عشان نرجع ماسه .. ثم وجهه كلامه لسوزان وقال : هو انتي مشوفتيش رقم العربيه ..

سوزان : لا مختيش بالي ..

جاسر : بس انتي فاكره شكلهم يا سوزان مش كدا 

سوزان : اه يا عمو 

عشق ذهبت الي ديما وقالت : هو ايه اللي حصل ...ازاي ماسه اتخطفت ..

ديما : معرفش صاحبتها بتقول شباب عكسوها وبعدين خطفوها ...

عشق : هو في ايه انهارده .. يارب رجعها لينا وميحصلش حاجه 

ديما : عشق انتي كويسه حاسه ان وشك اصفر مخطوف هو حصل حاجه ..

عشق نظرت لها وعيونها دمعت ...

ديما : مالك يا عشق فيكي اي  

عشق بدموع  : لا مفيش انا قلقانه علي ماسه بس 

ديما : لا في حاجه انا متأكده حصل حاجه تعالي نطلع فوق ..

عشق : بعدين يا ديما اطمن علي ماسه الاول ..

اسد قال : صح يا بابا هو مش ماسه وعشق وهمس في سلسله تتبع لابسينها احنا ممكن نوصل لماسه من السلسله دي ..

جاسر : ايوه ...

غرام ببكاء : يارب انا مش ناقصه رجعلي بنتي بسلامه رجعهالي يارب ..

جاسر بغضب : اهدي يا غرام هترجع وهندم الكلاب اللي خطفوها ..يلا يا أسر حاول توصل للمكان من خلال السلسله ..

أسر بجديه : بحاول يا بابا متقلقش ..

قطع كلامهم رنه هاتف جاسر برقم ماسه فتح الخط بسرعه ...

جاسر قال: دي ماسه ..

الجميع ركضوا له وغرام قالت : افتح بسرعه وافتح الاسبيكر 

جاسر : ماسه انتي كويسه 

$$: لا يا باشا انا مش ماسه ....انا اللي خاطف ماسه ههه وكمان طلع اسمها حلو ..

جاسر : اسمع يلا انت متعرفش ...انا ممكن اشيلك من علي وش الارض اوعي تلمس شعره من بنتي انت زي الشاطر كده هتقولي مكان بنتي فين والا متلومش الا حالك . 

$$: يعني اخاف انا كدا طيب احنا نتفاهم مش انت عاوز بنتك هديهالك وهقولك العنوان بس وانت جاي تجيب معاك ٥ مليون جنيه عاوزين نشوف بقي يا سيادة البيه بنتك غاليه عندك قد اي ..

جاسر : تمام ابعت اللوكيشن وهجبلك الفلوس ..

$$: لدرجه دي بنتك مهمه اوي عندك تمام بكره الصبح اكون باعت ليك اللوكيشن ...وطبعا لو حصل اي غدر او بلغت الشرطه او تجبها معاك يبقي تقول يارحمان يا رحيم علي بنتك  ..

جاسر : اسمع يلا انت متعرفش انا مين اتقي شري ألوو انت يلا ...

قفل الخط في وجهه جاسر ...وجاسر اتعصب جامد و رمي الهاتف بعصبيه ...

جاسر بغضب وقال :  اسر عرفت توصل لحاجه ..

اسر بجديه : لا يا بابا بحاول ..

غرام : جاسر هو انت فعلا هتديهم ٥ مليون جنيه زي ما قالوا..

جاسر : انا ادفع كنوز الدنيا كلها  بس المهم بنتي ترجعلي بسلامه..انجز يا أسر حاول توصل لحاجه لحد ما انا اعمل مكالمه ...

جاسر نظر لغرام ووضع يده علي وجنتها وقال : متقلقش بنتنا هتكون بخير وهترجع ثقي فيا. 

غرام ابتسمت له وقال : يارب واثقه فيك يا حبيبي ان شاءالله هترجع ومش هيحصلها حاجه ..

ذهب جاسر ليعمل مكالمه واسر يحاول يوصل لأي شئ ..

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

نذهب الي كوخ صغير كان حمزه وماسه نائمين يدهم ورجلها مربوطه كانت ماسه نائمه علي كتف حمزه وهو ساند رأسه علي الحائط وبدأ يفوق وشعر بثقل رأسها نظر الي كتفه ثم نظر الي ماسه وشرد في ملامح ووجهها الابيض الناصع وشفتيها كرزيه بلون الأحمر كانت جميله للغايه ..حمزه كل ما يراها لم يكتفي بالنظر لها ويغوص في أعماق جمالها...ثم فجاءه تذكر انها بنت عدو ملامحه تغيرت ثم عبث ...

ماسه بدأت تفوق ونظرت الي المكان بخوف و  حالها استغربت من وجود حمزه ...

ماسه : احنا فين وايه المكان ده واي اللي حصل..

حمزه : كل دي اسأله طب ابلعي ريقك الاول ..

ماسه بغيظ : انجز يا عم انت قول احنا فين واي اللي حصل ..

حمزه : زي ما نتي شايفه احنا مخطوفين

ماسه : وهما خطفونا ليه هيعملوا بينا اي 

حمزه بخبث : مش عارف بس ممكن يكون دول عصابه تجاره اعضاء اكيد خطفينا عشان هياخدو اعضاءنا ..

ماسه : هو انت مصدق الهبل اللي بتقوله ده..

حمزه بخبث : اه مصدق حته بصي في واحد مقتول هناك شوفي واخدين أعضاءه ازاي ..

ماسه خافت ونظرت الي المكان اللذي شاور عليه حمزه لم تري اي شئ وقالت بغيظ : هو انت قاصد تخوفني يعني ..

حمزه : اه 

ماسه نغزته بكوعها وقال : بني آدم بارد 

حمزه نظر الناحيه اخري ثم ابتسم ...

وبعد دقائق واحد من الشباب التي خطفوهم دخل لهم ..

وماسه رجعت الي الخلف بخوف ..

الشاب : انتو فوقتوا اخير 

حمزه بغضب : انتو هتندموا علي اللي عملتوا ده 

الشاب ابتسم بخبث وقرب لهم ونزل الي مستواهم وكان قريب من ماسه ...ثم رفع يده وكان هيلمس وجهها ...لكن ماسه بعدت بخوف ..

وحمزه اتعصب وقال : اياك تلمسها الا هكسر ليك صابع ..صابع مش هخلي واحد الا لما ا كسرهم كلهم..

كانت ماسه تنظر الي حمزه و شعرت شعور انبساط من داخلها  ..

الشاب قام ثم قال : تمام اهدي مش هلمسها ..

ثم خرج الشاب وماسه قالت : احنا لازم نحاول نفك نفسنا ونهرب ..

حمزه كان بيحاول يفك حاله بس لم يقدر ..

ماسه : هنعمل اي دلوقتي هنفضل هنا لحد امتي ..

حمزه بعصبيه : ممكن تخرسي شويه مش عاوز اسمع صوتك اصلا احنا هنا بسببك وبسبب غباءك 

ماسه : احترم نفسك يا بتاع انت محدش طلب منك المساعده انت اللي عامل فيها الراجل الهيرو وجيت تساعدني وياريتك عرفت تساعدني ....

حمزه: يعني انا غلطان ان جيت اساعدك 

ماسه رفعت حاجبها وقال : اه غلطان ..

حمزه : عارفه يا بت انتي لو مسكتيش هعمل فيكي اي ..

ماسه : هتعمل اي وله هتقدر تعمل حاجه ..

حمزه كان بيحاول يفك يده ونجح وفك الحبل ثم فك رجله وقام وقف ...

حمزه بلؤم : ابقي وريني شطارتك يا حلوه لو عرفتي تفكي نفسك هسيبك هنا وهمشي 

ثم التفت وتوجه الي الباب ثم سمع صوت ماسه ..

ماسه بترجي : لا ارجوك متسبنيش ساعدني وفكني ..

حمزه التفت لها وقال : دلوقتي بتترجيني. ...مش هفكك بردو وهسيبك ..

ماسه : يا استاذ حمزه يعني يرضيك اختك وله مامتك يتحطو في الموقف ده اكيد لا ..فكني بقي خلينا نهرب من ام المكان ده ..

حمزه اول ما ماسه نطقت تلك الجمله وملامحه تغيرت لغضب وغل وتذكر ابيها الذي كان سبب في موت امه وشلل ابيه  ...

حمزه توجه لها ونزل الي مستواها ومسك ذراعها بقوه وضغط عليه بشده وقال وهو يجز اسنانه : انتي ازاي تتجرأي تقولي كدا 

ماسه بوجع : اه سيب دراعي انت بتوجعني هو انا قولت ايه اصلا ..

حمزه كانت عيونه حمرا وضغط علي ذراع ماسه اكتر لدرجه ترك أثر أصابعه علي ذراعها ..

وقال : انا هدفعك التمن غالي انتي اللي هتدفعي التمن يا بنت النمر ..

ثم تركها ووقف ...وماسه مستغربه ومش فاهمه اي شئ ..

ماسه : هو انا قولت اي عشان ادفع التمن انا مش فاهمه حاجه وايه حكايه بنت النمر اللي كل شويه تقولها هو انت تعرف بابا يعني . 

حمزه : مش عاوز اسمع صوتك سامعه ..

ماسه فجاءه برقت وقالت بصراخ : حاااسب  ..

فجأءه حمزه وقع وفقد الوعي بسبب في شخص ضربه علي رأسه بقوه ونزف رأس حمزه واخذوه ماسه وذهبوه ...

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

في اليوم التالي في قصر النمر ..

كان جاسر في ريسبشن كان يذهب ذهابا وايابا واسر كان امام اللاب توب وكان يحاول أن يصل  لأي معلومة ولكن لم يفلح .

جاسر بغضب : وبعدين انا مش هسكت اكتر من كدا من امبارح وانت بتحاول يا أسر وبردو موصلتش لحاجه ..

أسر : بابا اخيرا وصلت للمكان تعالي بص كدا ..

جاسر ذهب اليه وقال : بجد وصلت للمكان ..

أسر بجديه : ايوه يا بابا المكان باين ان في كوخ في ______

جاسر : طيب يلا بسرعه نروح انا مش هستني اكتر من كدا ..

اسر : مش هنصحي اسد عشان يجي معانا.  

جاسر : صحي عقبال ما اطلع فوق اطمن علي غرام..

ثم توجه جاسر الي غرفه النوم الخاصه لهم ودخل رأي غرام كانت جالسه علي سجاده الصلاه وكانت بتدعي وبتبكي ..

جاسر توجه لها وجلس بجانبها وقبل رأسها ..

ثم قال : اهدي يا غرام عرفنا مكان ماسه خلاص.  

غرام نظرت له بفرحه : بجد عرفت مكانها ولقتوها. 

جاسر : اه يا حبيبتي ورايح انا واسر واسد نجيبها...انا عاوزك دلوقتي تنامي وترتاحي لأنك من امبارح منمتيش 

غرام : مش هرتاح غير لما اشوف بنتي 

جاسر : بطلي عناد قومي نامي وانا اول ما هوصل واجيبها هخليها تكلمك اتفقنا..

غرام ابتسمت وقالت اتفقنا ..خلي بالك من نفسك وخلي بالك من الولاد يا جاسر ..

جاسر : متخافيش يلا انا همشي ..لا إله الا الله 

غرام : محمد رسول الله 

ثم خرج جاسر وتوجه الي غرفه المكتب وأخذ السلاح ثم نزل الي خارج القصر وركب السياره ..

جاسر : اتحرك يا أسر يلا 

وتحرك اسر بالسياره الي مكان ...

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

في غرفه عشق كانت عشق واقفه امام الشرفه كانت شاردة الذهن وأخذت تتذكر ماصار معاها ليلة أمس..

قطع شرودها دخول ديما وتوجهت اليها . 

ديما قالت : يا عشق لقوه مكان ماسه وانكل جاسر واسر واسد رايحين يجيبوها ...

عشق توجهت لها بفرحه وقالت : بجد عرفوه يوصلوا لماسه 

ديما : اه لسه انطي غرام شايفاها وقالتلي انهم وصلوا لمكانه ورايحين يجيبوها ..

عشق : الحمد الله يارب رجعها لينا بسلامه 

ديما : مش هتقوليلي بقي كان مالك امبارح كان شكلك غريب ومكنتش في طبيعتك ..

عشق نظرت الي الناحيه اخري وقالت بتوتر : ابدا مفيش حاجه يا ديما انا كنت بس خايفه علي ماسه مش اكتر ..

ديما : لا يا عشق انا متأكده ان حصل حاجه.  

عشق نظرت لديما ودموعها نزلت علي وجنيتها

وقالت : ايوه يا ديما في ..في اني كنت هموت كان هيقتلني ...

ديما بخوف : ايه اللي بتقولي ده بعيد الشر عنك اي كنتي هتموت دي ..

عشق ذهبت الي السرير وجلست عليه ..

ثم قالت : انا امبارح روحت بلغت علي الراجل اللي شفناه في الكافيه ..

ديما : بردو يا عشق 

عشق : يارتني كنت سمعت كلامك يا ديما ..

ديما : كملي طيب اي اللي حصل بعد ما بلغتي ..

عشق : روحت المكتبه اللي علطول بروحها اجيب منها روايات او كتب دخلت و وكنت بشوف الروايه عادي فجأء لاقيته قدامي معرفش ازاي ...

ديما : وبعدين 

عشق ببكاء : انا من خوفي وقعت الكتاب وخوفت وكان معاه سلاح يا ديما كان هيقتلني زي الراجل ...كان هيموتني ..ضرب عليا نار متخيله انا شوفت الرصاصه وهي كانت جايه عليا كنت هموت علي اخر لحظه . 

ديما توجهت لها ثم عنقتها وقالت : اهدي يا عشق انا قولتلك ان ده راجل غير طبيعي ده خطر علي الناس كلها

عشق بخوف كانت ترتجف من الخوف : انتي مشوفتيش كان بيبصلي ازاي انا لاول مره في حياتي اخاف من حد كدا...انا خايفه اوي يا ديما... 

ديما : اهدي يا عشق خلاص انسي اللي حصل معاكي ....اقولك مفيش حد هيقدر عليه غير انكل جاسر احكيله علي كل حاجه . 

عشق قاطعتها بخوف : لااااااااا استحاله انا خايفه ليأذى بابا اوعي يا ديما  تقولي لحد اللي قولته ليكي سامعه.  

ديما : ماش يا عشق مش هقول بس لازم حد يوقف الراجل ده عند حده . 

عشق مسحت دموعها وقامت ثم قالت : انا اللي هوقفه عند حده انا هروح اقدم بلاغ في ان كان عاوز يقتلني ..

ديما بعصبيه : بلاغ ايه تاني هو مش كفايه اللي حصلك مش هتروحي في حته تاني والا لو عرفت انك روحتي هروح أبلغ لانكل جاسر كل حاجه 

عشق : انتي بتهدديني يعني يا ديما ..

ديما افهميها زي ما تفهميها افهمي بقي انا خايفه عليكي يا عشق ...

قطع كلام ديما رنه هاتفها برقم نديم 

ديما : انا هروح ارد علي بابا..زي ما قولتلك لو روحتي عملتي البلاغ هبلغ الكل سامعه ..

ثم خرجت ديما وعشق اتسطحت علي السرير كانت تفكر تعمل ايه مع اللورد ..هل تسمع كلام ديما انها تقول لجاسر كل شئ وهو الوحيد اللذي يقدر يقف امام هذا اللورد..

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

نذهب الي الكوخ كان حمزه من الأمس كان فاقد الوعي ونائم علي الارض بدء يفوق وقام ومسك رأسه بوجع..

حمزه بوجع : اااه هو ايه اللي حصل ثم نظر الي غرفه لم  يجد ماسه في الغرفه قام بخوف ..

حمزه : ايه ده راحت فين ماسه ياولاد الكلب 

ثم ذهب الي الباب وخبط بقوه ويحاول ان يكسره ويصراخ ...

وبعد دقائق كان باب اتفتح ودخل شخص  .

الشخص : في ايه عمال تصرخ زي المجانين كدا ليه .

حمزه مسك الشخص من ياقه قميصه ثم وضع يده علي رقبته وكان بيخنقه بقوه ..

وقال وهو يجز علي اسنانه : فين ماسه ودتوها فين انتو لو عملتوه فيها حاجه هقتلكم انتو متعرفوش انا ممكن اعمل ايه انطق خدتوها فين 

الشخص بخنقه : اااه بتخنق هقولك سيبني ..

حمزه لم تركه الشخص ومازل ماسكه 

ثم قال : فينهم خدوها فين انطق بدل ما اقتلك 

الشخص كان علي وشك يفقد الوعي لكن حمزه علي اخر لحظه تركه والشخص وقع في الأرض وكان يسعال بشده 

حمزه قال : انا سيبتك عايش انطق خدوها علي فين . 

الشخص : كح كح في الاوضه اللي جنبنا 

حمزه نزل الي مستواه الشخص وقال : عارف لو كنت بتكدب هعمل فيك اي ..

الشخص بخوف : لا صدقني هتلاقيها في الاوضه ..

حمزه وقع نظره علي السلاح الذي كان موضوع في خصر ذالك الشخص اخذه ثم خرج الي الخارج وكان في رجال واقفين امام الغرفه اتخبي حمزه كويس ثم لكم حمزه احد منهم من الخلف باحتراف والثاني ذهب ليلكمه لكن حمزه تفادي الضربه ثم مسك رأسه و لكمه في الحائط بقوه من قوه الضربه الرجل وقع بالارض ينزف والتفت لي الاول توجه له وامسك ذراعه وكسره ووقعه بالارض ثم توجه الي الغرفه وكانت مقفوله

ضرب الباب بضربه واحده برجله واتفتح بسهوله عندما دخل رأي احد من الرجال ممسك ماسه ووضع السكينه حوالين رقبتها وماسه كانت ترتجف بخوف وبتبكي ..

حمزه بشر : سيبها 

الرجل بخوف : هتسيبني اعيش ..

حمزه : موعدكش بي ده سيبها بقولك ..

ثم حمزه رفع السلاح في نحو اتجه الرجل...

الرجل خاف بشده ثم قال : نزل المسدس في الأرض و احدفه ناحيتي وانا هسيبها 

حمزه بالفعل نزل السلاح في الأرض ووجه له ...ثم الرجل ترك ماسه زقها لحمزه وهرب  ..

حمزه مسك ماسه من خصرها لان كانت هتقع ونظرو لبعض وكانت ماسه بتبكي بشده وفجاءه ارتمت في حضن حمزه وكانت بتبكي بشده وحمزه لم يشعر بحاله هو كمان بادلها الحضن وكان في شعور جميل لاو مره 

يشعر انه عاوز يقرب من بنت و لم يبعد عنها ...

✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️

"في نفس الوقت وصل النمر واسد واسر الي المكان ودخلوه الي الكوخ لم يوجد أي أحد في الكوخ ذهبوا الي غرفه لم يوجد أحد فيها...

اسر : دي فاضيه تعالي يا بابا نروح نشوف في الاوضه اللي جمبها ..

اسد : بس في حاجه غريبه المكان فاضي مفيش اي حد معقول يكونوا خدوه ماسه علي مكان تاني ..

جاسر بغضب : لا استحاله انا متأكد ان ماسه هنا .. 

ثم خرج وتوجه الي الغرفه الاخري عندما دخل رأي ماسه في حضن حمزه جاسر برق وعيونه احمرت بشده 

ثم قال بصراخ : مااااسه

ماسه اتخضيت بشده ثم نظرت الي جاسر بخوف ..

أسر واسد ركضوه بسرعه الي الغرفه عندما صرخ جاسر بأسم ماسه ..

اسد بخوف : ايه يا بابا ماسه مالها ..

ثم اتصدم عندما رأي حمزه وقال : حمزه انت بتعمل اي هنا ...

جاسر توجه الي ماسه وشدها بقوه له وقال : ايه اللي انا شوفته ده يا استاذه..

ماسه كانت مرعوبه وقالت هي بتقطع بالكلام 

: اااااه ان انت فا..فاهم الموضوع.غغغلط ياا بابا.

اسد توجه الي حمزه بقوه ومسك ياقه القميص يغضب 

ثم قال : يعني انت اللي خطفت اختي ..انت يا حمزه ..

حمزه لم يسمع اي شئ...كان ينظر الي جاسر بغضب وكره وغل وكان يضغط علي يده بقوه لاول مره يري النمر وجه لوجه ملامح حمزه لم تبشر بالخير ابدا 

اسد مازال يصرخ علي حمزه وقال : ما تنطق ان اللي كنت خاطف اختي ..

ماسه توجهت الي اسد وقالت : لا يا اسد مش هو ....احم أستاذ حمزه اللي ساعدني 

جاسر : يعني اي ساعدك واي الوضع اللي شوفتكوا في ده ..

حمزه مد يده لجاسر وقال : حمزه القيصري رجل اعمال وصديق اسد المقرب مش كدا يا اسد ..

اسد  : انا عاوز افهم انت وماسه ازاي مع بعض ما تنطقوا وتفهومنا ..

حمزه بابتسامه : ممكن نخرج وابقي انا والانسه ماسه نشرح ليكم كل الموضوع..

جاسر مسك ذراع ماسه بقوه و ذهبوا الي السياره ..

ماسه بخوف : والله انت فاهم غلط انا ..انا 

جاسر : حسابنا في البيت يا هانم ..

ووصلوا الي السياره وجاسر قال : اتفضلوا فهمونا ايه اللي حصل ..

حمزه بخبث : انا كنت ماشي بالصدفه ولاقيت الانسه ماسه حد بيضايقها ..احنا كنا اتعرفنا علي بعض قبل كده في حادث المهم روحت ليها وفهمت ان شباب بترخم علي الانسه ماسه هما كانوا كتير للأسف تغلبوا عليا وخدروا ماسه الاول وبعدين انا ..

ماسه كملت وقالت : وبعدين فوقنا ولقينا نفسنا في اوضه وربطين ايدينا ورجلينا و الاستاذ حمزه حاول وفك نفسه بس للأسف في واحد ضربه من وراه ووقع فقد الوعي وانا خدوني علي اوضه تانيه 

حمزه كمل وقال : وانا بالاخير وصلت لانسه ماسه والوضع اللي شوفتنا في ده يا استاذ جاسر ورا سبب انها كانت خايفه لان انا لما انا فوقت ملقتش الانسه ماسه معايا اتجننت وخوفت ليعملوا فيها حاجه بقيت اصرخ واحد دخل وعرفني مكانها ولما دخلت لاقيت واحد حاطط سكينه علي رقبتها بس بعد كدا سابها وهرب وهي كانت هتقع لان زقها جامد بس ان مسكتها 

ماسه : وانا من خوفي محسيتش  وانا برمي نفسي في حضنه ثم سكتت ونظرت في الأرض بخجل 

ثم قالت : انا مكنش قصدي ...

أسر: يلهههوي كل ده حصل طيب وهما هربوا ليه مش كانوا عاوزين فديه ...

ماسه : باستغراب : فديه 

أسر: اه كانوا طلبين ٥ مليون جنيه 

اسد قال لحمزه : انا اسف يا حمزه اني اتعصبت عليك فكرت انك يعني اذيت اختي ..

جاسر  : احنا بنشكرك جدا يا بشمهندس .. يلا يا ماسه نمشي ..

ماسه قالت : طيب وحمزه هيروح ازاي 

جاسر نظر لها باستغراب : نعم 

ماسه : اااه قصدي ان هو معهوش عربيه ..

جاسر مسك يد ماسه بقوه وشدها وقال : اسد وصل صاحبك وتعالي علي القصر علطول ...

ركب جاسر وماسه واسر السياره وذهبوا ...واسد توجه الي سيارته ثم نظر لحمزه : يلا تعالي هوصلك 

حمزه بخبث : ماشي ...ثم قال بصوت واطي : اللعبه هتبدأ تحلو هنتقم منك يا نمر أشد انتقام في بنتك وابنك وهتشوف هدفعك التمن غالي ..

ثم توجه الي السياره وركب .وتحرك اسد 

حمزه بلؤم : مقولتش يعني يا اسد انك عندك اخوات بنات ..

اسد : عادي مجتش فرصه اقولك ..

حمزه : ماسه اختك التؤام مش كدا ..

اسد : اه بتسأل ليه ..

حمزه بخبث: مفيش بسأل بس ...بتشبه النمر اوي 

اسد : ايوه فعلا ماسه شبه جدا وبذات شخصيتها ..قولي صحيح هو انت قررت فعلا تستقر في مصر ومش هتسافر تاني . 

حمزه : انا هقعد فتره كبيره هنا واحتمال فعلا استقر وكمل بخبث : وبفكر كمان اعملها واتجوز 

اسد قال : مين سعيده الحظ اللي هتاخد حمزه بيه القيصري ..

حمزه بخبث : اختك 

اسد فرمل وقال : نعم قولت مين ..

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

عند حور في الشقه كانت جالسه هي ويوسف في الريسبش وكانت شارده وتفكر في اسد وانا اشتقيت له 

يوسف : ماما انا جعان 

حور ابتسمت : ويا تري حبيبي عاوز ياكل ايه 

يوسف : اممم كيك بالشوكلت 

حور : حبيبي يأمر هعملك اللي انت عاوزه ...تحب تيجي تساعدني ..

يوسف: اه هاجي اسعدك 

قاموا وتوجه الي المطبخ ثم فجاءه دق الباب...

حور فرحت وظنت انه اسد ذهبت الي الباب وكانت ترسم ابتسامه علي وجها ثم فتحت الباب ولكنها اتصدمت عندما فتحت الباب ووجدت ...

$$: وحشتيني يا اخت مراتي ..

حور بخوف : انت 

$$: ايوه انا صلاح يا حور اكيد منسيتنيش 

حور قفلت الباب بخوف لكن صح وضع رجله و سند الباب ...

حور بخوف : امشي من هنا احسن ما اطلب ليك البوليس ..

صلاح ضحك بخبث وقال : مجنونه وتعمليها

ثم زق الباب بقوه وفتحه وحور رجعت بخوف ثم ركضت بسرعه الي يوسف وذهبت الي الغرفه ووقفت خلف الباب ..

صلاح في الخارج امام الغرفه كان بيحاول يزق الباب ..

حور : امشي من هنا انت عرفت مكاني ازاي ...

صلاح : ده بعينك مش همشي غير لما اخد اللي انا عاوزه افتحي يا حور ..

حور صرخت : يوسف أجري هات التليفون اللي هناك ده بسرعه ..

يوسف ذهب وخذ الهاتف واتجه الي حور ..وأخذت حور الهاتف وقررت تستنجد بأسد وتتصل عليه ..

وبالفعل اتصلت بي وهو فتح الخط ..

حور بصراخ : اسد الحقني ارجوك 

حور صرخت عندما زق صلاح الباب بقوه وفتحه ..والهاتف مازال مفتوح الخط واسد كان يسمع كل شئ ..

حور : اسد 

صلاح بخبث  : مفيش اسد في صلاح .. ده الليله ليلتنا انهارده ..

حور : ابعد عني انا بقولك لو قربت عليا هقتلك ..

صلاح توجه الي يوسف وخرجه الي خارج الغرفه ثم قفل الباب ..

صلاح : وريني هتعملي ايه ههههه

حور كانت ترجع الي الخلف بخوف ثم وقعت الي السرير وكانت بترجع الي الخلف ...وصلاح بدأ يفك ازرار قميصه ثم قرب منها ومسك رجلها وشدها الي عنده ثم قرب عليها وكان يحاول يقرب منها...وحور كانت بتقاوم وبتصرخ 

حور بصراخ : لااااااا يا صلاح ابعد عنننني