رواية عشق اولاد النمر (غرام النمر 2) الفصل الرابع بقلم جنه ياسر
"في الصباح المشرق نذهب الي غرفه همس ابنة جاسر كانت جالسه علي السرير وكانت تبكي بشده وتتذكر ما صار معها في الليله الماضيه فكان يامان طلب يد اختها عشق لزواج ....
"ثم تنهدت بحزن و قالت ببكاء : يامان طلع بيحب عشق اختي... وكمان اتقدم ليها.. هو انتي كنتي منتظره ايه انه يقع في حب واحده زيك ...اه عشق احلي مني دايما الكل بيحبوها وانا لا... اهئ اهئ 😪 ليه يا يامان تعمل فيا كدا ليه مش بتحبني انا وتتقدم ليا انا مش عشق انا مش قادره اصدق بجد طب امتي حبها ....
وتذكرت عندما سألها عن عشق وان لو في احد في حياتها ام لا ...
"ثم وقفت همس وقالت : اااه عشان كدا كنت بتسألني عليها وان بتحب حد وله لا ..غبيه انا ازاي مفهمتش أنه بيحبها ..
فجاءه همس رأت عشق تدخل داخل الغرفه وتتوجهه الي همس....
عشق بتلقائى : بقولك يا سوسو مشفتيش البلوزه الحمرا اللي اشترينا.... ولم تكمل جملتها بعد ما رأت همس بتبكي ...
عشق قربت اليها وقالت بحنان : همس انتي بتعيطي ...
همس بعدت عنها و بتمسح دموعها ..
وقالت وهي تصنع ابتسامه : لا يا حبيبتي مش بعيط دي حاجه دخلت في عيني ..
عشق بحب : لا يا همس انتي بتعيطي وعينك منفوخين...يعني باين انك بتعيطي من امبارح ....صدقيني يا همس بالنسبه اللي حصل امبارح انا مكنتيش اعرف ان..
قاطعتها همس بحزن : تعرفي او متعرفيش خلاص ياعشق يامان طلع بيحبك ا... اه نسيت اقولك مبروك ..يا تري حددتوا ميعاد الخطوبه وله لا معلش انا مكملتش القعده بسبب اني تعبت فجأءه ...
عشق : خطوبه ايه و مبروك ايه انا رفضت يا همس
همس بصدمه وفرحه : رفضتي ..
عشق : اه طبعا رفضت انا استحاله احب شخص اختي بتحبه وله حته اقرب عليه انتي عبيطه يا همس فكراني معرفش انك بتحبي يامان... انا عارفه كل حاجه كنت بسمعك لما كنتي بتقعدي لوحدك وبتعترفي لحبك لي..
همس بحزن : اه بحبه وبعدين اهو طلع بيحبك انتي وعاوزك انتي وعمر ما يامان هيحبني... وافقي يا عشق هو بيحبك انتي وعاوزك انتي ...
عشق : اوافق هههههه ازاي لا شكلك عبيطه وهبله اول مره اشوف حد بيحب حد ويتخلي عن حبه بسهوله يا عبيطه انا قولتلك اني استحاله احب حد او اقرب عليه طول ما انا عارفه ان اختي وتوأمتي بتحبه.... اسمعي يا همس لو بتحبي يامان بجد خليكي متمسكه بحبك لي وانتي اللي بأيدك تخلي يحبك...
همس : ازاي بس وهو بيحبك انتي ..
عشق كانت هتكمل حديثها بس قاطعهم دخول جاسر عليهم..
وقف جاسر امامهم وقال ونظر لعشق : انتي هنا وانا قالب عليكي الدنيا...
عشق :احمم ليه في حاجه يا بابا ...
جاسر بغيره وقرب منها وقال : اه انا هسألك سؤال دلوقتي وتجاوبي عليا بصراحه...
عشق بتوتر : خير يا بابا لو حضرتك جاي تتكلم علي رفضي ليامان وليه رفضته والكلام زي ده .... احب اوضح لحضرتك اني مكنتيش اعرف خالص بالموضوع وانا اتفاجئت...
جاسر قرب منها وقال بغيره : عارفه يا بت انتي لو كنتي وافقتي كنت هعمل فيكي ايه.. بس غريبه ده حته إلياس وديلان اتفاجئوا نفسي اعرف ازاي يامان جاب الجراءه ان يقول حاجه زي كدا...
عشق : سيبك يا بابا المهم قولي هو انت وماما مش هتسافروا
"دخلت غرام عليهم فاجاءه وقالت : هنسافر ازاي بعد ما النيله اللي نيلتيها بقي انتي يا عشق ترفضي ابن خالتك انا عاوزه اعرف رفضتي ليه..
عشق استخبت خلف جاسر وقالت بخوف : ما انا قولت امبارح يا ماما اني مش بفكر في الكلام ده انا بفكر في دراستي وبس...
غرام : عااااا هو انا هلاقيها منك وله من ابوكي هتعامل ازاي مع ديلان بعد الاحراج اللي سببتي لابنها اكيد زمانهم مضايقين..
جاسر : خلاص يا غرام بقي كفايه كلام اللي حصل حصل هي عملت ايه يعني عادي هي ادري بمستقبلها البنت لسه صغيره ومش بتفكر في الكلام ده .. وبعدين مجهزتيش نفسك ليه احنا المفروض هنسافر بعد ساعه...
غرام : لا مش هسافر مش عاوزه خلاص هو انت اي ياخي انت مش همك زعل اخوك اكيد زمانه مضايق..
جاسر : هو اصلا مكانش يعرف... يامان هو اللي اتسرع وحرج نفسه وكمل ببراءه : طب كان يجي يقولي انا الاول وانا كنت...
غرام قاطعته بعصبيه : اه كان يجي يقولك عشان تطفشه بردو زي العرسان اللي بيجو لماسه وبتطفشهم من بره بره اااااه صبرني يارب وخرجت وتركتهم..
جاسر وهو ذاهب خلفها وكان ينده عليها وقال : يا غرام استني يا رورووو...
وذهب وترك همس وعشق لحالهم...
همس قالت : عشق
عشق نظرت لها وقالت : نعم
همس ارتمت في حضنها وقالت وهي مازلت في حضنها
: انا بحبك اوي يا اجمل اخت انا مش عارفه اقولك ايه..
عشق بعدتها عن حضنها وقالت بحنان : انتي تؤامتي يا بت يعني مش هقدر احب حد اكتر منك وبيني وبينك انتي اكتر حد في اخواتك بحبه... متقوليش لحد بقي ههههه.
همس : وانا بموت فيكي
عشق : المهم زي ما قولت اتمسكي يا همس بحبك وانا هساعدك ازاي توقعي الواد يامان الاهبل... ده اهبل مش فاهمه بتحبي في ايه..
همس ضربتها ضربه خفيفه وقالت : متشتمهوش اهو بحبه اعمل ايه بس نفسي يحس بيا..
عشق : هيحس بيكي ازاي وانتي حته مش بتلمحي لي بحاجه...
همس : مش عارفه يا عشق..
عشق : بصي سيبي الموضوع ده عليا انا هفكر واتكتك ان ازاي توقعي يا قمر والله الواد يامان خساره فيكي وغمزت لهمس وخرجت...
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نذهب الي فيلا إلياس الحديدي كانوا الكل جالس في الريسبشن ما عدا يامان ......
إلياس يوجه كلامه لي ديلان : هو البيه لسه نايم.... انا سكت امبارح ومرضيتش اتكلم معاه علي الاحراج الزفت اللي سببهولي مع اخويا ....
ديلان : خلاص يا إلياس اهدي زمانه نازل وهنفهم منه الموضوع كله...
قطع كلامهم دخول يامان عليهم وكان باين علي ملامحه الحزن.... ثم قال : صباح الخير...
إلياس قام ووقف امامه : اهلا بالبيه اخيرا الباشا صحي...
يامان بضيق : لو سمحت يا بابا انا تعبان ومش عاوز اسمع اي كلام دلوقتي.. انا عندي شغل دلوقتي بعدين نبقي نتكلم... بعد اذنكم
ويامان التفت ليذهب الي الخارج... إلياس غضب من ابنه كثير ذهب اليه و امسك ذراعه بقوه ثم قال
إلياس بعصبيه : هو ايه اللي ماشي.... هو ايه كميه البرود اللي عندك دي وله كأن عملت حاجه..... انا عاوز اعرف انت ازاي مترجعش ليا الاول هو لعب عيال انت احرجتني واحرجت نفسك قدام الكل....
يامان : خلصت بعد اذنك عشان عندي شغل وانا مش عاوز اتأخر ..
التفت ليذهب بس إلياس اتعصب اكثر ...
قال إلياس بغضب : اقف عندك هو انا خلصت كلامي عشان تمشي وتسيبني... هو انت يابني ليه بارد كده واحد عديم المسؤليه وفاشل انا لما كنت قدك كنت ماسك شركه لوحدي وكنت بطيع والدي واحترمه وارجع لي قبل اي شئ اما انت وله محترمني وله محترم والدتك عجبك الموقف الزباله اللي حطتنا في ده... ماتفضلش واقف ساكت كدا ماتتكلم...
يامان بوجع : عاوزني اتكلم اقول ايه... مفيش حد حاسس بالي حسه دلوقتي ... هو انا لو كنت لقيت اب في ضهري و يشجعني و يكبرني قدام الكل و ينصحني ويقف جمبي مكنتش زماني عملت كدا......انت جاي دلوقتى تعاتبني انت السبب انت علي طول مخليني ولا حاجه دايما شايفني فاشل وعديم المسؤليه دايما بتقلل مني ... انت اصلا مش معترف بيا بحاجه فاكر انا من فتره جيت و قولتلك ان عاوز اتقدم لبنت فاكر عملت ايه ساعتها قعدت تتريق عليا وتقلل مني وقولتلي ساعتها هو انت عارف تشيل مسؤليه في بيتنا عشان تفتح بيت وتبقي مسؤل عن عيله .... هاااا فاكر يا إلياس بيه... شوف كدا الفرق بينك وبين عمو شوف بيعامل ابنه اسد دايما في ضهره وبيشجعه ومكبره قدام اي حد .. انا عارف انك مش همك وجعي وكسرتي لا انت بس همك شكلك قدام عمو وجدو... متقلقش يا بابا انا بكره هروح لعمو واعتذره لي...رغم إني أنا شايف ان معملتش حاجه انا مجرد زي اي شاب حب بنت بس انا عشان بفهم في الأصول و عشان اكبر عمو اتقدمت ليها ....كمل بخنقه والدموع بعيونه: سيبني بالله عليك انا مش ناقص
وذهب يامان من أمامهم....
ديلان وجهت كلامها لتولين : أجري شوفي اخوكي ...
ثم ديلان توجهت الي إلياس وقالت بغضب : انت ايه اللي عملته ده ...
إلياس بعصبيه : شوفي من كتر دلعك في ابنك ...نسي نفسه وبيعلي صوته عليا ......انا بعمل معاه كدا انا بقلل منه ...
ديلان : اه يا إلياس هو مغلطش في الكلام اللي قاله انت بتعمل معاه كده وبتفرق في معاملتك مع الولاد ...دايما مقرب من تولين وسايب يامان ....وتعالي هنا لما يامان جه واعترف ليك أن بيحب بنت وعاوز يتقدم ليها مجتيش وبلغتني ليه ....
إلياس : معرفش محتطش في دماغي انا قولت ان بيهزر معرفش أن كان بيتكلم بجد ...
ديلان : انت لازم تقعد مع نفسك يا إلياس وتراجع نفسك من تاني انت اتغيرت اوي انت مبقتش إلياس بتاع زمان ...قرب من ابنك يا إلياس بدل ما يضيع مننا ...
إلياس : تمام انا معترف ان غلطت بس انا مش اب وحش يا ديلان انا كنت بشد عليه عشان يطلع حاجه كويسه عاوز يكون راجل مسؤل انتي شايفه كل يوم بيسهر وطايش ومش شايل معايا اي مسؤوليه.... فطبيعي لما يجي يقولي ان عاوز يتقدم لبنت قولت بيتسلي و بيلعب مقولتش ان بيتكلم بجد ...
ديلان : اهو كان بيتكلم بجد و...قطع كلامها رنه هاتفها برقم غرام ....قالت : غرام بتتصل نبقي نكمل كلامنا بعدين ..اقعد كدا مع نفسك يا إلياس زي ما قولت وراجع نفسك....
ثم ذهبت ديلان لتتحدث مع اختها غرام ....
"اما في الخارج كان يامان في السياره وكانت تولين معه ..
يامان بخنقه : لو سمحتي انزلي يا تولين وسيبيني انا عاوز اكون لوحدي وكمان هروح علي الشغل ..
تولين باصرار : لا مش هسيبك هاجي معاك ..
يامان بوجع : ابوس ايدك انا مش قادر اتكلم انزلي يا تولين ...
تولين بغضب : هو انت ايه اللي عمله في نفسك ده هي متسحقكش انت خساره فيها ....انا لو كنت اعرف ان هيحصل كدا مكنتش شجاعتك انك تتقدم..
قاطعها وقال يامان بغضب : انزلي يا تولين انا مش عاوز افتكر حاجه من اللي حصلي انزلي مش هكرر كلامي تاني ...
تولين : انا مش عاوزاك تزعل انا متأكده ان ربنا هيبعت ليك واحده تستحقك بجد وكملت بهزار : وبعدين انا مش فاهمه انت عاجبك ايه في ست عشق هي مش حلوه اوي يعني ...
يامان : هو انتي قاصده تخليني افتكر انزلي يا تولين ...
تولين : مش قصدي خلاص نازله اوف ...خلي بالك من نفسك ....
يامان اول ما تولين نزلت وهو تحرك بسياره الي خارج الفيلا ... وبعد ساعات كان وقف بسياره ورجع رأسه لورا وقال بحزن ووجع : ليه يا عشق كدا ليه موافقتيش ده انا بحبك اوي مش مصدق لحد دلوقتي انك رفضتيني ...
ثم تذكر التي صار في الليله الماضيه في قصر النمر ..
""فلااااااش بااااااااااك ""
جاسر وغرام كانو ذاهبون ليسافروا ...بس وقفوا اول ما سمعوه صوت يامان ينادي علي جاسر ...
يامان : عمو جاسر
جاسر التفت ونظر له وقال : نعم يا يامان عاوز حاجه ..
يامان يبلع ريقه وقال : انا عاوز اقول حاجه مهمه بما إن كل العيله هنا... احم عاوز اقول يعني..
جاسر : ما تخلص يا يامان عاوز ايه ...عشان منتأخرش اكتر من كدا
يامان بتسرع وابتسامه : عاوز اطلب ايد عشق .. عاوز اتجوزها....انا بحبها وعاوزها ...
الجميع اتصدم وبالاخص جاسر وعشق ...
إلياس : انت بتقول ايه يا يامان ايه الكلام ده ...
يامان : ايه يا بابا هو انا بقول ايه انا بطلب ايد بنت عمي للجواز علي سنه ألله ورسوله انا بحبها وثم نظر لها وقرب لها بهيام وحب وقال : صدقيني يا عشق انا بحبك اوي لا انا بعشقك وادمنتك كمان ...
همس كانت تنظر الي يامان بصدمه وعيونها دمعت وتركتهم و ركضت علي غرفتها وكانت موجوعه كثيرا لم تتوقع أن يامان يحب اختها عشق ..
جاسر توجه اليه و بعده وقال بغيره : احنا معندناش بنات لجواز ....وروح شوف انت رايح فين ...
غرام بغضب : جاااسر
جاسر : هو انا قولت حاجه .....انا مش موافق انا بنتي لسه صغيره علي الكلام ده.....
غرام بتجز علي أسنانها وتوجهت الي جاسر وقالت : لا مش صغيره وله حاجه احنا نسمع رأي البنت الاول يا جاسر ..
جاسر توجه الي يامان وقال : لا طبعآ مش موافق انا بنتي لسه صغيره علي الكلام ده.....
غرام بتجز علي أسنانها وتوجهت الي جاسر وقالت : لا مش صغيره وله حاجه احنا نسمع رأي البنت الاول يا جاسر ..
إلياس همس لديلان وقال : هو ايه اللي ابنك بيعمله ده هو انتي عارفه بالموضوع .
ديلان : لا خالص مقاليش حاجه خالص ...
غرام : ردي يا عشق موافقه علي يامان ابن عمك قولي رأيك يا حبيبتي ...
جاسر ينظر لعشق كان يبرق لها ويهز رأسه بمعني انها ترفض...
عشق : انا مش موافقه يا يامان سوري علي الكلام اللي هقوله ليك اولا انا مش بفكر في الجواز خالص دلوقتي انا دراستي اهم من ايه حاجه وثانيا انت فجأتني انا استحاله اتجوز بالطريقه دي بذات اني انا كمان مش حاسه بي إي مشاعر اتجاهك .. سوري انا مش هوافق ....انا بعتبرك زي اسد بظبط عمري ماحسيت بحاجه من ناحيتك انا اسفه جدا ...
جاسر ضحك وفرح وقال ببراءه : بنتي حبيبتي ....طيب يامان مش عاوزك تزعل ان شاءالله ربنا هيرزقك ببنت الحلال بعيد عن بناتي ...اصل انا معنديش بنات للجواز ...
غرام بتجز علي سنانها وقالت بغيظ : جااااااااااااسر
جاسر ببراءه : انا مالي بنتي هي اللي قالت مش موافقه هنغصبها يعني ..
كان يامان في حياة تانيه لم يصدق ان عشق رفضته وان لم تحبه هي تعتبره مثل أسد أخيها فقط ....لم يكن يتوقع ان يصير هكذا لم يتوقع انها ترفضه ...
إلياس وهو يشد يامان بقوه : طيب احنا لازم نمشي ....يلا يا يامان ..
وإلياس شد يامان بقوه وكان عيونه علي عشق كان ينظر لها بوجع وحزن ...
""بااااااااك"""
ذهب يامان بسيارته الي الجامعه ليعمل وينسي الليله الماضيه ...
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
""في مدرسه النمر الانترناشونال ""
كان اوس ابن جاسر و شغف ابنه عمه ادهم كانو واقفين مع بعض ....
اوس : بت يا شغف يلهوى على الجمال الفرنسي اللي واقف هناك ...بت ..انتي روحي جيبلي رقمها بسرعه ...
شغف كانت ماسكه مرأه كان تظبط شعرها ...
شغف نظرت لي اوس وقالت : فين دي ...يا بني ارحم نفسك هو انت كل يوم بنت شكل وكملت بتهديد وقالت : علفكره انا مش بفتن عليك بس ممكن اروح مثلا اقول لانكل جاسر ولا انطي غرام كل حاجه هااااا يا اوس ...
اوس قرب منها جامد وفجاءه ماسكها من قفاها ...
وقال : عارفه يا شبر ونص انتي لو قولتي حاجه هعمل فيكي ايه ....مش اوس ابن النمر اللي يتهدد يا حلوه
ويلا روحي هتيلي رقم البنت بسرعه ..
شغف بعصبيه وزقته وقالت : مش جايبه حاجه ومش هتقدر تعمل ليا حاجه ومن انهارده مش عاوزه اعرفك تاني واحد اناني ورخم وبتاع مصلحته ..
ثم ركضت مسرعا و كانت تنظر له ثم تخرج لسانها لتغيظه بس فجاءه حد وقعها قصد ..وكوعها اتعور ..
كان زميل لهم بالمدرسه واسمه ياسين ..
ياسين بخبث : مش تحاسبي يا قمر خدي بالك بعد كدا ...
شغف كانت موجوعه لان كوعها اتعور وضعت يدها عليه ..
اوس رأي الموقف واتعصب ذهب الي ياسين بغضب ثم ضربه علي صدره بقوه لدرجه كان هيقع ياسين من قوه الضربه ...
اوس بغضب : مش تحاسب يا حيوان انت ..
ياسين بلؤم : مكنش قصدي هي اللي كانت بتجري بسرعه وابتسم بمكر ثم توجه الي شغف مد يده لها ..
وقال : اسف يا شغف مكنش قصدي ...اوووه اتعورتي ثم نزل لمستواها ولسه هيلمس كوعها ..لاقه التي يضربه بالشلوط بوجهه ...ثم اوس توجه اليه ونزل لمستواه مسك ياقه قميصه وقال بغضب : اياك تلمسها ....هو انت مش بتحرم لازم اعلم عليك كل مره ابعد عن طريقي يا ياسين عشان مش عاوز ازعلك لحد دلوقتي ...وخاف مني لان بخوف انت عارف انا ابن مين وممكن اعمل اي ...
ثم قام وتوجه الي شغف وساندها وتوجه الي كافتريا المدرسه ...
اما ياسين كان واضع يده علي مكان الضربه
وقال بغل : ماشي يا اوس هتشوف انا هعمل فيك ايه مش هسيبك في حالك ...يا انا يا انت هنشوف مين اللي هيعلم علي التاني ...
"" في الكافتيريا المدرسه "
كان اوس بيعقم الجرح لشغف وتأوهت بألم وفالت : ااه ...براحه يا اوس
اوس بغضب : ماشي يا ياسين الكلب انا هوريك هعمل فيك ايه
شغف : يا بني بطل بقي مشاكل ...ده أنت عامل مشاكل مع المدرسه كلها ..وبعدين يا اوس اللي يشوفك وانت بدافع عني وقال بتقوله إياك تقربلها اللي يسمعك كدا هيقول انك بتحبني غيران عليا وكملت بغمزه ...هو انت بتغير عليا بجد يا بيبي ...
اوس : هههههه اغير عليكي واحبك والله ضحكتيني ....انا عملت كدا بس عشان انتي بنت عمي مش اكتر ....يا حبيبتي اوس جاسر الحديدي لما يجي يحب مش هيحب اي واحده وخلاص لازم كدا تكون لايقه عليا وتكون ملكه جمال العالم ....مش طفله زيك ...
شغف : هو انت شايفني طفله
اوس : اه طفله بضفاير كمان ..ثم شدها من ضفيرتها
شغف بغيظ : قوم غور من هنا يا اوس ...وله اقولك انا اللي هقوم ...
ثم قامت بغيظ وذهبت ..
اوس قال بضحك : ههههههه يا بنتي اصبري بهزر معاكي ..يا بت يا شغف ..
ثم جري خلفها ليلحقها وكان ينادي عليها وهي لم ترد عليه ...
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في المساء ...في القصر الحديدي
"في غرفه جاسر وغرام الخاصه "
كانت غرام جالسه امام التسريحه وتمشت شعرها ..
وجاسر كان يجلس علي فراشه وكان عاري الصدر وعضلاته مازالت بارزه ....
جاسر بضيق : غرام هو انتي هتفضلي زعلانه كدا كتير وبعدين ليه مش عاوزنا نسافر ...
غرام لم ترد عليه ومازالت تمشت شعرها
جاسر : غرام ردي عليا انتي عارفه اني بكره اللي بيتجاهلني هو ايه اللي حصل لكل ده ...
غرام قامت ووقفت امامه وقال : نعم عاوز ايه خيير ..
جاسر : عاوز افهم ليه مش عاوزنا نسافر ..
غرام : مش عاوزه خلاص نبقي نطلع بعدين نعمل عمره بعد ما الأمور تهدي ...
جاسر : طيب ماشي براحتك انا كنت عاوز اطلعك من اللي كنتي فيه ..
غرام : كتر خيرك يا استاذ جاسر ...انا هروح اشوف حضروا العشاء وله لسه ...
كانت غرام ذاهبه بس جاسر مسك ذراعها وقربها منه
وقال بغيظ : هي حصلت بتقولي ليا انا استاذ جاسر هو في ايه يا غرام ..
غرام زقته وقالت بعصبيه : متعصبه منك ومن البنت عديمه الذوق نفسي اعرف ليه رفضت ...كان باين جدا أن يامان بيحبها نظراته وكلامه مش عارفه البت دي طالعه لمين ...
جاسر بغرور : اكيد طالعه لابوها ...وبعدين هي لسه صغيره علي الكلام ده ...هي دلوقتي مركزه علي دراستها وبس ...وبعدين انا مش بحب جواز القرايب اه عندك حق يامان كويس وكان باين ان بيحبها بس شخص مش مسئول وبيلعب بالبنات غير السهر اللي كل يوم
غرام : الله يرحمك يا بابا كنت اتمني يكون عايش اللحظه دي نفس كلامه عليك بظبط واحد بتاع بنات هو انت يا جاسر نسيت انت كنت ازاي زمان لو نسيت احب افكرك انك كنت اكتر منه بمراحل ..
جاسر ينظر الي السقف وقال : هو الكلام ده ليا ..
غرام : لا يا حبيبي والله انا غلطانه اني واقفه اتكلم معاك ..ثم التفتت لتذهب ..
جاسر : استني يا غرام ..يخربيت كدا هو انا هفضل طول النهار والليل هجري وراكي
غرام نظرات له وقالت : ولو مش عجبك طلقني معنديش مشكله ...
ثم ذهبت خارج الغرفه وجاسر خرج خلفها ...
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
"في النادي كان اوس فيه في ملعب كره السله كان بيلعب مع صديقه وكان هو اللي فايز ...
مغيث صديق اوس قده في العمر قال بتعب : اه انا تعبت خلاص كفايه كده ...انا اللي فوزت..
اوس بغرور : طبعا انا اللي فايز مش اوس الحديدي اللي يخسر...
مغيث : يخربيت غرورك جاحد مفيش كلام ..
اوس : اتصدق اني انا تعبت هو الساعه كام ..ثم نظر علي الساعه وكانت في تمام 10 مساء ...
صرخ فجاءه : يلهوى اتأخرت غرام هتعمل مني بطاطس محمره منك لله قولتك مش عاوز اتأخر
مغيث : يابني اهدي ده انا لسه بقول انك جاحد ..فجاءه قلبت قطه مغمضه كدا ليه
اوس : لا يا بابا انا مش بخاف من اي حد الا غرام والنمر ده يعلقوني علي باب القصر ...
مغيث : هههههه بصراحه عندك حق انا لو ابويا النمر مكنتيش خرجت من البيت ...ده عليه شخطه بنت لذينه بتتعاملوا ازاي معاه
اوس : طب انت عارف بيعاقبنا ازاي اصلا
مغيث بفضول : ازاي ..
اوس : تخيل ..بي ماتش ملاكمه نلعب قصاده تخيل انت بقي تكون واقف قدام النمر وتلعب قصاده انا تقريبا كل اسبوع بلعب معاه وضرب ضرب مش عاوز اقولك ..
مغيث : يلهوى الله يكون في عونكم ده انت وانت بتحكيلي جسمي اترعش وخاف اما بقي لو كنت مثلا واقف قصاده وبلعب ماتش ده انا هعمل بيبي علي نفسي هههههههه
ضحك اوس علي صديقه بشده وقال : طيب يلا يا خويا نمشي عشان مانتأخرش اكتر من كدا ...
والتفتوا ليذهبوا اتفاجئوا بياسين..
(اللي معاهم بالمدرسه) كان خلفه شباب كتير كان في اللي ماسك بيده جنزير حديد واللي ماسك كلب شرس واللي ماسك عصي لدفاع عن النفس ...
مغيث خاف من المنظر هم لم يقدروا عليهم همس لي اوس وقال بخوف : يلهوى اتصلنا علي النمر بسرعه مين دول ...
اوس كان ينظر لياسين بتحدي وملامحه جامده وقال لمغيث : اسد يلا في ايه ...
مغيث : الله يخربيتك يا اوس الكلب يعني كان لازم تضربه الصبح في المدرسه ...
ياسين بصوت عالي : مش ياسين التهامي اللي يتعلم عليه يا اوس الحديدي ..
اوس : لما نشوف بس مش المفروض لو عاوز تعلم عليا تيجي لوحدك مش تتحما في رجاله ...وله اي يا راجل ..
ياسين بغضب وغل قال لي الرجاله : هجوم عليه ..
وبالفعل الشباب بدؤا يتحركوا الي اوس ...اوس كان بيتفادي الضرب باحترافية وكان يضرب باحترافيه ...
(انه يا ساده تربيه النمر اه صغير في السن لكن متعلم الدفاع علي النفس كويس جدا )
فجاءه راي اوس ..مغيث صديقه وقع علي الارض ويضربه بقوه كان رايح نحوه لينقذه بس لاقه التي كان مسك ذراعه وقال : رايح فين ده في حساب لازم يتصفي دلوقتي ..
اوس بغضب نظر لياسين : مش هرحمك يا ياسين انت متعرفش انا ممكن اعمل ايه ...
ياسين بغل : طب وريني هتعمل اي وفجاءه ضربه بالجنزير الحديد علي جسمه ...بس اوس مسك الجنزير بقوه ولفه علي يده عدة لفات وضرب ياسين بالشلوط في بطنه بقوه من قوة الضربه وقع ياسين بالارض وكان اوس لسه هيتوجه اليه ..بس الشباب كلهم مسكه بقوه واتكتروا عليه وضربه لم يقدر عليهم للأسف هم كان اكتر من ٦ أشخاص عليه كانوا بيضربوا بالعصي وبالشلوط ...استسلم اوس لضرب وتأهو بألم ...
اوس فقد الوعي من كثره الضرب ...
صرخ مغيث علي صديقه : ابعدوا عنوا ياولاد الكلب اوووووس قوم يا اووووووس ....