رواية عشق اولاد النمر (غرام النمر 2) الفصل الثالث3 بقلم جنه ياسر

"نذهب الي حمزه القيصري كان ذاهب الي شركه والده وكان يفكر في الانتقام من النمر كيف ينتقم منه وفجاءه يمسك هاتفه ليرن علي اسد ابن جاسر و رد عليه اسد بعد فتره.... 

اسد : اهلا باللي ناسيني ومش بيكلمني... 

حمزه بلؤم : مين قال كدا ده انا حتي عندي ليك مفاجاءه.. 

اسد : ايه اتجوزت هههه

حمزه : تعرف عني كده لا انا مش بفكر في الجواز دلوقتي..... المفاجاءه اني نزلت مصر... 

اسد : بتهزر ومقولتليش ليه  

حمزه : قولت اعملها ليك مفاجاءه وكمل بخبث : هاااا مش هنتقابل بقي.. 

اسد : اكيد هنتقابل.. بس قولي اجازه زي كل مره وله قررت تستقر.. 

حمزه : لا هستقر مؤقتا... المهم عاوزين نتقابل.. 

اسد : خلاص ماشي هنتقابل انا هقفل دلوقتي وابقي اكلمك تاني... 

حمزه قفل وقال مع نفسه وسرح : مع السلامه يا ابن النمر ععااا المره دي مش هسافر غير لما اجيب حق ماما وجدو وبابا هقضي عليك يا نمر .....

" وفجاءه فاق من سرحانه ونظر امامه رأي سياره تأتي في اتجاهه حاول يبعد ويتفادها بس للاسف السياة التي كانت تأتي امامه اصتدمت في الشجره نزل حمزه بسرعه وتوجه الي السياره بسرعه ليتفقد الموقف وتوجه الي السياره وفتح باب السياره ..... 

"رأي فتاه جميله للغايه كانت فاقدة الوعي هي لم تتأذي ولكن يوجد خدش بسيط في جبينها حاول يوقظها وكان ينظر اليها وقعت عينه علي وجهها الجميل الطفولي وشعرها البني الناعم ...

ثم فاق حمزه من سرحانه ثم خبط علي وجهها خبطه خفيفه وقال : يا انسه فوقي هو انتي اي اللي جابك في وشي.... انتي..... فوقي

" وبعد محولات فاقت اخيرا و فتحت عيونها الزرقاء حمزه انبهر بجمال عيونها ونظر لها باهتمام هو اتشد وانجذب لها كان قريب منها جدا و هي اتخضت من قربه زقته بقوه 

ماسه بصراخ : ابعد عني انت مين ومقرب مني كدا ليه ... 

"اما هو لم يسمع اي كلمه من اللي بتقوله هو كان سرحان في جمالها كان مركز بكل تفاصيل ملامحها... وجهها الصافي وعيونها وشعرها البني وشفتيها الكريزه...

ماسه نزلت من السياره ووقفت امامه

وقالت : انت يا بني ادم مش بكلمك...

ماسه اتعصبت اكثر لما رأته مركز معاها واتعصبت اكثر من عدم رده عليها.... 

حمزه فاق من سرحانه راها منفعله كثيرا... 

قال ببرود : انتي كويسه 

ماسه بانفعال : يا برودك يا اخي لما انت مش بتعرف تسوق اتنيلت تركب عربيات ليه 

حمزه بغضب : صوتك يوطي واحترمي نفسك....وبعدين مانتي كويسه اهو ياريت بطلي دوشه بقي 

ماسه اتغاظت منه قربت وقالت : انت بني ادم قليل الزوق ومش محترم وعديم المسئوليه انت من كام دقيقه كنت هتموتني بس لولا اني عرفت اتفادي الموقف... كان زماني ميته...

رد حمزه ببرود : ما خلاص انتي كويسه ممكن اتنيل اوديكي اي زفت مستشفي ونخلص عشان مش فاضي لساعتك... 

ماسه بعصبيه : غور روح شوف انت رايح فين.... انسان سئيل اوووف.... 

وتوجهت الي السياره لكن فجأءه شعرت بدوار امسكت رأسها بتعب ثم ساندت علي السياره..... وكانت هتقع بلحظه كان حمزه قدامها ومسك ذراعها وقربها له. 

وقال : انتي كويسه... 

ماسه نظرت له بتعب : اه ابعد عني... 

حمزه : انا قولت اوديكي المستشفى بس الهانم لازم تبقي عنيده مش فاهمه بتستفادوا ايه لما بتعندو... 

ماسه وضعت يدها رأسها وتذكرت شئ : اوووف نسيت بسببك نسيت المريض اللي مفروض يدخل العمليات دي حالته حرجه ... منك لله يا اخي ايه اليوم الزفت ده ... 

حمزه : هو انتي دكتوره

ماسه بغضب : اه دكتوره اوووف اعمل ايه دلوقتي  اتصرف ازاي  ....و كمان تليفوني مفيش زفت شبكه..... 

حمزه : طيب انا ممكن اوصلك وهبعت عربيتك لمكان صيانه عشان تتصلح....اديني بصلح الموقف اللي حصل.... 

ماسه بقرف : ماشي عشان مفيش حل غير كده لولا ان عربيتي مش هتنفع تمشي مكنتيش ركبت مع الاشكال اللي زيك... 

ثم توجهت الي السياره وركبت... 

وهو ملامحه تغيرت لي غضب وضغط علي كف يده بقوه ثم توجه الي السياره 

ونظر اليها وقال : حطي حزام الامان

نظرت له بكره وامسكت حزام لتوضعه بس كان معلق حاولت كثير بس لم تعرف توضعه..

ماسه بعصبيه : اووووف مش راضي يتعمل ليه...وفجاءه شعرت بوجع في جبينها ووضعت يدها عليها...

وحمزه كان مراقبها وان لم تعرف توضع الحزام....قرب منها وامسك الحزام الامان ووضعه عليها وهي كانت مصدومه من فعلته.....

ماسه بخجل : احم يلا مش هنتحرك مفيش وقت عاوزه اروح المستشفى بسرعه... 

"نظر لماسه ثم بدأ يتحرك بسياره الي اتجه المشفى التي تريدها... 

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

عند اسد الحديدي كان ينتظر صديقه رعد قريب من منزله في منطقه شعبيه اسد نزل من السياره ووقف امام سيارته.. 

وكان يتحدث رعد... ومشغول بالحديث في الهاتف.. 

اسد بخنقه : يا بني انجز انت فين بقالي اكتر من ساعه واقف مستنيك... 

رعد : _____________

اسد : رعد خمس دقائق وتكون قدامي سامع!! 

ثم قفل اسد السكه في وجهه صديقه.. 

اسد : هو انا ايه اللي مصبرني علي واحد زي ده ماشي يا رعد لما تيجي ليا... 

" في نفس المكان ونفس الوقت الذي كان اسد ينتظر صديقه كانت هناك فتاه تجري وراجل يجري خلفها كانت تجري باقصي سرعه وكانت تنظر خلفها بخوف شديد خائفه من ذالك الرجل الذي كان يلحقها خائفه ليصل لها فكان قريب منها... وفجاءه خبطت في شئ صلب وكان اسد الحديدي.. رفعت رأسها بخوف ونظرت لاسد.. 

اسد هاتفه وقع من خبطة الفتاة وكان ينظر اليها ينظر الي عيونها السود وملامحها الهاديه ... 

الفتاه بعدت وقالت بخوف : اسفه مكنش قصدي... 

وفجاءه لاقت الرجل الذي كان يجري خلفها يمسكها بعنف... 

الرجل قال : بقي تهربي مني يا حور... كنتي فاكره ان مش هعرف امسكك

حور بخوف وبتترجي : ابوس ايدك سيبني انت عاوز مني ايه.. 

اسد قرر يدخل شعر بغضب من مسكه ذالك الرجل لهذه الفتاه... 

وضع اسد يده علي يد رجل الذي كان ماسك حور.. 

اسد قال بغضب : نزل ايدك عنها.. 

الرجل : انت مين يا اخينا اطلع انت من الموضوع دي واحده حراميه وسرقتني وانا مش هسبها... 

حور تنظر لاسد بترجي وقالت : والله كداب ده بيتبلي عليا متصدقهوش... 

اسد مره واحده شد حور وراه ظهره ووقف امام الرجل...

اسد قال : انت لو ممشيتش من هنا انت متعرفش ممكن اعمل ايه... خاف مني انت مش قدي.. 

سعيد بخبث وهو ينظر لحور : وياتري انت مين بقي زبون جديد وله ايه

اسد اتغاظ من كلمته هو لسه ميعرفش حور وله يعرف وراها ايه اذا كانت كويسه وله لا... 

حور بعصبيه قربت من الرجل وضربته كف بقوه

وقالت : اخرس يا حيوان واحد حقير وزباله انت ازاي تتجراء وتقول عليا كدا... 

رجل رفع يده هو الاخر ليضربها كف و حور انكشمت وخافت بس قبل ما القلم ينزل علي وجهه كان اسد امسك يده وضربه بوكس 👊 في وجهه الراجل وقع علي الارض من قوه البوكس وكان ينزف من انفه ...

اسد بغضب : انا قولت ليك اتقي شري وانت متعرفش انا مين... بس انت تعديت حدودك اوي... قرب منه مره اخري وضربه فضل اسد يضرب فيه بعصبيه وغل 

حور جريت علي اسد وامسكت ذراعه... 

وقالت بخوف : خلاص كفايه هيموت في ايدك متوديش نفسك في داهيه عشان واحد زي ده

اسد نظر لها ونظر علي يدها التي كانت علي ذراعه شعر بقشعريه اول ما لمسته بعد عن الرجل قام بسرعه وركض بهرب وخوف  ... 

حور بابتسامه : بجد بشكرك انك ساعدتني شكرا بجد 

اسد : انا معملتيش حاجه...احم اتفضلي اركبي العربيه انا... 

قطعته حور بغضب : اركب معاك عربيه ايه هو انت فاكرني ايه انا كنت فكراك غيرهم كنت فاكرك محترم بس طلعت زيهم

اسد : انا مش قاصدي حاجه يا انسه انا قاصدي تركبي العربيه عشان اوصلك.. احم يعني عشان محدش يضيقك تاني.. 

حور بخجل : اااه اسفه مكنتيش اعرف انك قصدك كدا لا شكرا انا متعوده علي كدا مش عاوزع اتعبك معايا اكتر من كدا بعد اذنك.. 

وكانت هتمشي بس اسد وقف امامها وقالت : انا قولت اني انا هوصلك مبحبش اعيد كلامي... 

ثم توجهه الي باب السياره وفتحه لها.. وهي ابتسمت وتوجهت الي السياره وركبت.. واسد توجه الي باب السياره الاخر وركب وفتح هاتفه وبعت رساله لصديقه رعد ان مشي... وتحرك بالسياره... 

اسد : عاوز عنوان بيتك... 

حور : احم امشي وانا هشرحلك الطريق.. 

اسد. نظر لها وقال : هو انا ممكن اعرف الراجل ده ليه كان بيجري وراكي وانت بتكوني مين واي حكيتك... 

حور : كل ده سؤال.. 

اسد بحزم : لو مش حابه تحكي براحتك 

حور : لا هحكي عشان اكيد بتفكر في كلام الراجل اللي قاله عليه واحده حراميه وماشيه علي حل شعرها... 

اسد : لا طبعا مش بفكر كدا خلاص انا مش عاوز اعرف حاجه عنك وانا مصدق انك بريئه والزباله ده كان بيقول اي كلام... 

حور : و اي اللي مأكدلك اني بريئه.. 

نظر اسد لها وقال : مش عارف انا حاسس انك كدا بريئه وكويسه.. 

حور ابتسمت له وقالت : انا اسمي حور ارمله ومعايا طفل عنده ٤سنين عايشه مع اختي وجوز اختي و انا علاقتي بجوز اختي مش حلوه مش سايبني في حالي قررت انزل اشتغل واغور من وشه روحت اشتغل عند الراجل الزباله ده في محل ملابس بتاعه مكملتيش شهر كل شويه بيحاول يقرب مني وانا بصده وبردو فضل يتمادي فيها ويطلب مني حاجات استغفرالله العظيم 

اسد نظر لها وقال بغضب : هااا وبعدين عملتي ايه 

حور : فهمته اني مليش في السكه دي بس مفيش فايده. فضل يحاول معايا كتير وانا ابعد لحد انهارده كنت بشتغل عادي ولقيته بيقرب وانا بعدت وخوفت.. قالي انتي خايفه كدا ليه متخافيش انا ربنا هداني وفهمت ان مينفعش اللي بعمله معاكي انا صدقته ان فعلا فهم وهيبعد عني وان ربنا هداه... المهم قال اني عاوز اروح اظبط المخزن وكدا وروحت فعلا وبعد ثواني لاقيته بيدخل ورايا وقفل الباب وحاول... 

اسد شاور لها انها تسكت... لان هو فهم... جز علي اسنانه

وقال : هو انتي اي حد يقولك انا عرفت غلطتي وبقيت كويس تصدقي زي الهبله المفروض من اول ما بدأ يتمادي في الموضوع كنتي سيبتي الشغل ومكملتيش... 

حور : انا لو مش محتاجه الشغل ده مكنتيش اشتغلت بس اعمل ايه حاولت اشوف شغل تاني عند اي حد بس مش بيوافقوا اول ميعرفوا ان ارمله....

اسد : انتي خريجه ايه يا حور 

حور : انا مكملتيش تعليم لان اتجوزت صغيره كنت في كليه تجاره... 

اسد : طيب انا عندي شغل ليكي ووممكن جمب الشغل تكملي تعليمك هشغلك سكرتيره ليا.... ده الكارت بتاعي فيه عنوان الشركه وارقامي كلها... وبكره تيجي الشركه وانا هشغلك... 

حور بفرحه اخذت الكارت وقالت : بجد شكرا انا اول مره في حياتي اقابل حد جدع كدا.. هو انا ممكن اسألك سؤال..

اسد : اتفضلي... 

حور بفضول قالت : هي الشركه دي بتكون بتاعتك اصل شكلك صغير ان يبقي ليك شركه خاصه.. 

اسد بضحك : لا يا ستي مش بتاعتي دي بتاعت والدي بس انا بديرها وبكون مكانه في اي وقت فهمتي.. 

"حور وتشاور لاسد ان يقف بالسياره امام مبني عماره.." 

قال : بس اقف هنا شكرا يا استاذ 

وسكتت لان هي لم تعرف اسمه ..

اسد قال بابتسامه : اسد اسمي اسد وبلاش استاذ دي مش بحب الالقاب ... هستناكي بكره الساعه 8

حور بابتسامه : ان شاءلله.. ثم نزلت من السياره ودخلت العماره وكانت في منطقه شعبيه جدا... 

اسد سرح وقال مع حاله : انا اول مره اشوف واحده في براءتها.... شكلك وقعت وله اي اسد... اي اللي بقوله ده اوووف بس هيا جميله اوي وطفوليه 

"فاجاءه فاق علي رن هاتفه برقم صديقه رعد... فتح الخط عليه "

اسد : يااااه انا نسيتك هو انت لسه فاكر ترن... 

رعد : ____________

اسد : انت عارف يارعد احلي حاجه انك اتأخرت عليا تعالي علي مكان الشقه المفروض استلمها انهارده متتأخرش.. 

وقفل اسد السكه وبدأ يتحرك بالسياره وتوجه الي الشقه الخاصه له... 

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

في المشفي النمر كانت ماسه وحمزه وصلوا وكانوا طول الطريق كان بيتخانقوا ويناقروا في بعض نزلت ماسه بسرعه وتوجهت الي داخل المشفي وحمزه ذهب خلفها... 

ماسه اول ما دخلت والدكاتره والممرضين وتوجهو اليها 

ماسه قالت : انا عارفه اني اتأخرت مكنش بمزاجي انا عملت حادثه وده سبب تأخيري.. 

واحد من الدكاتره : وله يهمك يا دكتوره ماسه دكتور ايمن عمل اللازم وهو دلوقتي في العمليات.. 

ماسه : طيب تمام كويس انه عرف يتصرف انا هروح اعقم نفسي واجهز وادخل لي روحو انتو شوفوا شغلكوا.. 

وماسه تحركت خطويتين شعرت بدوار وكانت هتسقط بس حمزه اسرع لها ووضع يده حوالين خصرها باحكام... 

حمزه : انتي كويسه 

ماسه توضع يدها علي رأسها وقالت : حاسه اني دايخه ... 

حمزه : انتي لازم تعقمي الجرح اللي في راسك ولازم ترتاحي... 

ماسه رفعت رأسها ونظرت له اول مره تركز في ملامحه الجذابه ونظرت لعيونه عيونه البني التي مثل القهوه ..

وحمزه هو الاخر سرح في ملامحها حاسس بشئ غريب لاول مره يحسه حمزه عمره ما اتشد لفتاه بس ماسه شدته وجذبته ملامحها الجميله للغايه وعيونها التي تجنن اي حد لونها زرقاء مثل لون السماء... 

فجاءه قطعهم صوت يقول بغضب : مااااسه 

ماسه بخضه التفت لتري من يناديها اتصدمت لما لاقته والدها جاسر وكان ملامحه لم تبشر بالخير ابدا.. قرب جاسر وش ابنته له وقال : انتي بتعملي ايه عندك 

ماسه بلعت ريقها وقالت بخوف : اااه انا.. ان

قطعها جاسر بلهفه وقرب منها ولمس الخدش التي كانت عند جبينها وقال : حصلك حاجه ايه اللي في رأسك ده.. 

ماسه بوجع : اه يا بابا براحه متخافش انا كويسه والله الحمدلله... 

جاسر بخوف علي ابنته : مخافش ازاى وانتي متعوره كدا ايه اللي حصل ومش بتردي علي تليفونك ليه.. 

ماسه : يا بابا متقلقش انا عملت حادثه بسيطه والحمد الله كويسه.. 

جاسر : حادثه امتي وانتي ازاي مبلغتنيش... 

ماسه : يا حبيبي انا كويسه انا دلوقتي لازم اروح اجهز نفسي عشان ادخل عمليات وهبقي احكيلك بعدين ماتقلقش علي بنتك يا نمر... مش بنت النمر اللي يتخاف عليه ده يتخاف منها هههه... اااه صح نسيت اعرفك بي هو راح فين مش كان هنا من شويه.. 

جاسر : هو مين... 

ماسه : هااا لا مفيش انا همشي اجهز حالي.. 

جاسر : انتي متأكده انك كويسه يا ماسه وبعدين فين عربيتك.. 

ماسه : هو في شخص ساعدني هو كان هنا من شويه هو المفروض بعت السياره للصيانه وهيبعتها ليا علي البيت... 

جاسر : طيب هو فين الشخص ده... 

ماسه : معرفش هو كان هنا من شويه مش عارفه تقريبا مشي... عن اذنك يا بابا لان سايبه دكتور ايمن لوحده في العمليات... 

ثم ذهبت ماسه وجاسر ذهب خلفها ليطمئن عليها اكتر.. 

"اما حمزه كان ذهب وخرج من المشفي وكانت ملامحه تغيرت 180 درجه اول ما رأي النمر هو يعرف شكله لان كان بيتابع صوره بس التي لم يعرفه انه له بنت وده عصبه يعني الفتاه التي قابله واتشد وانجذب لها طلعت ابنة عدو كيف ملامحه كانت لما تبشر باي خير عيونه تحولت لاحمر كاتم وكان يضغط علي كف يده بقوه ووصل لسيارته ومره واحده خبط بيده بقوه علي كبوت السياره.....

حمزه بغضب : عاااااااا يعني ايه طلع لي بنت.... يعني كل خططتي هتبوظ انا كنت بخطط ان اذي ابنه بس ازاي عنده بنت مفيش اي معلومه ان عنده بنات..... وكمل بخبث : ماشي يا نمر انا هوريك هعمل ايه بدل ما اذي ابنك هتبقي بنتك قال تلك الجمله وكانت عيونه بتطق شرار وغضب.... ثم ركب السياره وتوجه الي الفيلا .. 

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

عند حور بعد طلعت الشقه واول ما دخلت زوج اختها وقف امامها وكان يرتدي فانله حامله ... 

زوج اختها قال : تعالي يا حوريه شوفي اختك اهي شرفت اللي راجعه في عربيات شكل... عاوزه الناس تقول عليا اي في المنطقه مين اللي كنتي راكبه معاه العربيه دي يا حور... 

حور بقرف : وانت مالك يا جوز اختي راجعه مع مين انت ملكش كلمه عليا اوعي من وشي 

وكانت هتمشي وقف امامها وامسك يدها بقوه... 

وقال : لا يا روح امك انا ليا ونص كمان مش انا راجل البيت ده من حقي اعرف مين اللي راكبه معاه ده انطقي... 

حور بعدته عنها وقالت : اوعي ابعد عني وانت مالك راكبه مع مين ان شاءلله لو كنت راكبه مع الجن الازرق ملكش دعوه بيا هي فين حوريه تيجي تبعد عني البلوه اللي متجوزها... 

حوريه اتت لهم وقالت لصلاح بزعيق : انت مالك بيها ما تيجي مع مين احنا ملناش دعوه... 

حور : انا داخله اشوف يوسف بلا قرف 

صلاح : ماشي يا حور هعرف بردو كنتي راكبه مع مين... 

حور دخلت غرفتها وتوجهت لابنها وكان جالس علي السرير بخوف وواضع يده علي اذنه بخوف.. 

جريت حور اليه وحضنته وقالت : مالك يا حبيبي قاعد كدا ليه... 

يوسف : انا خايف يا ماما... انا عاوزه امشي من هنا

حور : متخافش يا حبيبي... ياريت يا بني لو القي مكان تاني بس مفيش... 

حوريه دخلت الغرفه وسمعت حور التي قالته.. 

ثم قالت : كدا يا جو عاوز تمشي وتسيب خالتو حبيبتك... 

حور : عجبك اللي جوزك بيعمله ده بجد ده انسان مريض... 

حوريه : معلش يا حور حاولي تستحملي هعمل ايه نصيبي وقسمتي... 

فجاءه سمعوا صوته وهو يقول : اسمعي يا بت يا حور انتي من الليله تشوفي مطرح غير ده انا خلاص مش عاوزك هنا... 

حور وقفت امامه وقالت : نعم يا خويا امشي ليه هو انا كنت قاعده في بيتك... ده بيت ابويا الله يرحمه يا بابا يعني انت اللي تمشي وتغور... 

صلاح وهو ينظر لحوريه وقال : هو انت مقولتيش لاختك وله اي يا حوريه ان البيت ده بقي بأسمي يعني يا حلوه انتي قاعده في بيتي ومطرحي وانا بقي اللي اقول مين يمشي ومين يقعد... 

حور بصدمه : بيت مين اللي بقي بتاعك انت بتقول ايه... 

صلاح : البيت ده اختك كتبته بأسمي ماتقولي حاجه يا حوريه . 

حور نظرت لحوريه اختها وقالت : ايه الكلام اللي بيقوله ده... 

حوريه نظرت بالارض ولم تعرف ترد.. 

صرخت حور وقالت : ردي يا حوريه الكلام اللي بيقوله ده صح كتبتي بيت ابونا الله يرحمه بأسمه رددددددي عليااا

حوريه : اااه يا حور.. 

حور : طب ليه عملت اي عشان تعملي فيا كدا منك لله يا شيخه منك لله انتي ازاي تعملي كدا فيا ازااااي... 

حوريه بحزن : غصب عني يا اختي.. والله مش بايدي.. 

صلاح : واو حلو التمثيليه الهنديه دي اخلصي يا اختي انتي وهيا انا هروح ابات عند امي الليلتي يا حوريه ارجع القي اختك مش في البيت امي هجبها معايا وانا جاي سامعه يا حوريه بكره القي اختك مش في البيت... 

وخرج صلاح ومشي وحور بتوهان توجهت الي السرير بحزن : طب اعمل ايه دلوقتي اروح فين 

حوريه ذهبت الي اختها وجلست في الارض تحت اقدامها وقالت : انا اسفه حقك عليا والله العظيم غصب عني سامحيني يا حور... 

حور : اطلعي بره.. 

حوريه.: طب بصي سافري لجدك في الصعيد هو بيحبك اوي سامحيني يا حور.. 

حور بصراخ : اطلعي بره يا حوريه سيبيني لوحدي... ثم قامت ومسكت اختها بقوه من ذراعها وشدتها خارج الغرفه وقفلت الباب بعنف... 

وجلست خلفه وقالت ببكاء : اسامحك ايه انا عمري ما هسمحك يا حوريه كدا تعملي فيا كدا تكتبي البيت بأسمه وانتي عارفه ان مليش حته اروحها حسبي الله ونعم الوكيل فيك يا بعيد..... الله يرحمك يا عمار تيجي تشوف مراتك بتتبهدل ازاي.... وبكت بشده وابنها ذهب لها وحضنها وكان هو يبكي علي بكاء امه... 

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

في المساء في فيلا إلياس الحديدي كانت تولين في غرفتها واقفه امام المراة لتجهز حالها لان الجميع ذاهب الي قصر النمر يودعوا جاسر وغرام ليسافروا... كانت واقفه وسرحانه وتفتكر مصطفي حركاته ونظراته وجسمه وهي بتفكر تلتقي به مره اخري... فاقت علي ضربه علي قفاها توجعت بشده وكان اخيه يامان... 

يامان بسماجه : هههههه تعيشي وتخدي غيرها خلصتي وله لسه... 

تولين بغيظ : قولت ليك متين مره متضربنيش كدا اوووف اخ سيمج 

يامان : خلاص يا تولي بهزر معاكي نسيتيني اللي كنت جاي عشانه 

تولين امسكت باليت البلاشر وامسكت بيدها الاخري فرشاه وكانت بتضع علي وجهه.. 

قالت : خير 

يامان وهو يمسك ياقه قميصه ويعدلها وقال بحب وهيا 

وقال : اخوكي قرر يتجوز... انا انهارده هتقدم لعشق 

تولين نظرت له بصدمه وقالت : انت عبيط يا يامان يعني جاي اليوم اللي عمو جاسر وخالتو غرام مسافرين فيه وتروح تتقدم ... 

يامان : مش عارف بقي انا اصلا مش عارف هي بتحبني وله لا انا خلاص هتقدم ليها قدام الكل وهشوف هتوافق وله لا.. 

تولين : طيب افرض رفضت هتعمل ايه ساعتها. 

يامان بتنهيده : مش عارف يا تولين انا خايف اتكسر ومتوافقش بس انا بجد يا تولين بحبها اوي بعشق التراب اللي بتمشي عليه

تولين : يا عيني يا بني ده انت واقع خلاص صعبت عليا ان شاءلله توافق... 

يامان بتنهيده : يارب... يلا خلصي عشان منتأخرش ماما وبابا جاهزين مستنين تحت... 

تولين  :  طيب يلا انا خلصت.. 

ثم توجهوا الي الريسبشن كان إلياس وديلان ينتظروهم 

إلياس يوجهه كلامه ليامان  :  كل ده بتنده اختك يلا هنتأخر 

تولين  :  سوري يا بابا انا اللي اتأخرت.. 

إلياس  :  عادي يا روح بابا اتأخري براحتك... عندي ليكي مفاجاءه.. تعالي يلا و حضن تولين وتوجهوا الي الخارج

يامان قال لديلان  :  لما عرف انها هيا اللي اتأخرت عادي اما لو انا كان زمانه زعق و يتعصب عليا هو انا مش ابنه بردو اوووف .. 

ديلان بحب  : معلش يا حبيبي انت عارف ان إلياس متعلق بتولين وان بيحب يدللها متزعلش يلا نلحقهم عشان منتأخرش.. 

خرجوا و كان تولين بتصرخ بحب وتحضن إلياس... 

تولين  بفرحه  :  بجد يا بابا انا بشكرك اوي اخير بقي عندي عربيه.. 

يامان  :  في ايه يا تولين بتصرخي كدا ليه ومين اللي بقي عنده عربيه.. 

تولين  :  انا بابا جاب ليا عربيه شوف حلوه ازاي... 

يامان ويوجه كلامه لاإلياس  :  بجد يعني جبت ليها العربيه بكل سهول مش كنت رافض.. 

إلياس  :  انا كنت رافض خوفا عليها لانها لسه مكنتش متمكنه في السواقه... بس دلوقتي بتعرف وهنشوف دلوقتي بتعرف وله لا... تولي انتي اللي هتسوقي وورينا شطارتك.. 

تولين : أمرك يا بوص يلا ده انا هبهركم بيا... 

يامان  :  انا هروح بعربيتي اركبوا انتوا معاها. 

وذهب يامان الي سيارته وإلياس وديلان توجه مع تولين  الي سيارتها الجديده

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

وبعد حوالي ساعه كان إلياس وديلان واولادهم و ادهم وتاج و اولادهم في قصر النمر يودعوا جاسر وغرام ليسافروا يعملوا العمره... 

جاسر وهو يوجهه كلامه لاسد وأسر : انا عاوزكم تخلوا بالكم من اخواتكم البنات كويس اتمني تكونوا قد المسؤليه انا سايب رجاله سامعين  !!! 

اسد :  متقلقش يا نمر اطمن المهم انت اللي خلي بالك من غرامي وتسافروا وترجعوا بسلامه.. 

جاسر بغيره  :  هعديها ليك المرادي 

يونس  :  يلا يا جاسر كفايه تأخير كدا متقلقش انا مش هسيبهم عيني هتبقي عليهم... 

جاسر  :  هتعبك يا بابا معايا ثم توجه اليه وحضنه.. 

وبدأو يودعوا جاسر وغرام ويحضنوهم وخلاص خارجين الي خارج الفيلا بس جاسر وقف فجاءه بعد ما سمع صوت يامان ينادي عليه.. 

يامان بتسرع  :  عمو جاسر 

جاسر التفت ونظر له وقال  :  خير يا يامان 

يامان يبلع ريقه وقال  :  انا عاوز اقول حاجه مهمه بما إن الكل العيله هنا... احم عاوز اقول يعني.. 

جاسر  :  ما تخلص يا يامان عاوز ايه 

يامان بتسرع وابتسامه :  عاوز اطلب ايد عشق .. عاوز اتجوزها.