رواية حظ عاثر الفصل التاسع عشر بقلم ليل ادم
ادهم : بصراحه مفيش فيها حاجه وحشه الست كويسه عايشه وسطنا ليها عمر ولا حد سمع ليها صوت
سامي : يعني اي رايك ادخل البيت من بابه
أدهم: ما بلاش ياعم الموضوع ده
سامي : ليه يابني مش بتقول كويسه
أدهم: اه كويسه بصراحه انا رايح اشوف شغلي عايز حاجه
سامي : لا خلاص روح انتا يا ادهم
ادهم : بعد اذنك
خرج ادهم من مكتب سامي رجع مكتبه تاني
رحاب : كان عايزك في اي سامي
ادهم : ماشاء الله الجروب بتاع أمي خلي الفضول عندك في السماء
رحاب: قول بس
ادهم : عايز يتجوز أم أيمن
رحاب : يالهوي ده بجد
باب المكتب بيخبط
رحاب: ادخل
غاده: لا التجمع ده في ورا حاجه كبيره في اي
ادهم: لا ده فعلا الجروب اثر فيكم جدا
غاده: في اي بقا بجد متبقاش رخم
ادهم : سامي عايز يتجوز أم ايمن
غاده: الله يعني هنحضر فرح تاني عندكم
ادهم : اه وبعد الفرح تيجو علشان ناخد العزاء كلنا في عمو سامي
غاده: مين قالك كده اللي زاي سامي ده هيعمر معاها وبكره تشوف
رحاب: أنا بقول نفس كلامك والله
ادهم : أما نشوف مع أن ام أيمن قفله الكتاب من الجلده للجلده
رحاب: هتشوف
غاده: المهم
رحاب : قولي
غاده: الورق ده بتاع شغل جديد ليكي انتي و أدهم وعلى فكره يا ادهم محامي الخصم زين صاحبك
أدهم: ليه كده هيا كانت ناقصه
غاده: ياريت تتعلم من اللي حصل المره اللي فاتت وبلاش تهور لو كان القاضي طلب منك الكارنيه كان زمانك محبوس والمكتب اتقفل
ادهم : جت سليمه الحمد لله
رحاب : خلاص ماشي يا غاده هشوف الاوراق وهتكلم معاكي تاني بخصوص القضية دي
غاده: تمام يوم سعيد
ادهم : اه يا سعيد الله يشفيك يارب
رحاب: صحيح سعيد عمل اي
ادهم : عمل اي دا عمل مصيبه
رحاب: ليه كده
أدهم: لا عيب مينفعش اقولك
رحاب: منا عرفت ياعم من على الجروب ( وبتضحك)
أدهم: منا عارف انها مش هتعدي مع سعيد الله يحرقك يا حماده
رحاب: حماده مين
أدهم: حماده علبه
رحاب: اه صحيح بقولك اي وربنا مسخره لما كان متعلق في القسم
أدهم: هو كده على طول
رحاب: دا بيشتغل اي ده
ادهم : لا مش بيشتغل حماده خريج حقوق وعلى فكره شاطر جدآ بس الدنيا بقا
رحاب: انتا بتهزر صح
ادهم: والله حقوق بس مقدرش يشتغل بالشهادة في اي مكان اشتغل مع نفسه
رحاب: بيعمل اي يعني
ادهم : عالم كيميائي يا بنتي
رحاب : لا انتا كده والله بتهزر
ادهم : لا والله عالم كبير على فكره حماده علبه مخترع الدريملي اتنين ملي
رحاب: اي البربيلي اتنين ملي ده
أدهم: بريبلي بقولك دريملي وبرضه اخترع البروبوق اتنين بوق ومن يومين نزل ب حاجه جديده اسمها سيتوفل علشان الجرح يقل
رحاب: أنا صدعت من الاسامي بس مش عايزه اعرف حماده بيعمل اي خلاص ( وبتضحك)
ادهم: خودي روحي ل غاده قوليلها بلاش من القضية دي
رحاب: ليه
ادهم : مقفوله
رحاب: انتا عرفت منين بس وريني
ادهم : يابنتي أنا قرأت كل ده خودي
رحاب: ( باستغراب ) امتا إحنا بنتكلم من ساعه ما دخلنا
أدهم: منا بحب اتكلم وأنا شغال
رحاب: دنتا مشكله عايزه اعمل زايك بس عقلي مش مستوعب اعمل الاتنين مع بعض
ادهم: أنا بقا بقولك الف جنيه مني لو ليها حل معاكي
رحاب: وعشره مني لو ملقيتش الحل
ادهم : موفق طبعاً بس هاتي الورق علشان يتصور بس الأول بدال ما يضيع الله يكرمك
رحاب: خود
بعد انتهاء اليوم
رحاب : مالك يابني
ادهم: مستني اوبر
رحاب: اي ده فين الكريزي كار بتاعتك
أدهم: نامت متأخر مردتش اصحيها الصبح بدري
رحاب: ( بتضحك) اركب تعالى
ادهم: لا مش عايز اتعبك معايا
رحاب: ياعم أنا رايحه عند فاتن أصلا
ادهم.: اي ده اشمعنا
رحاب: قالتلي تعالي نتغدا مع بعض
أدهم: قالتلك عامله حسابي معاكم ولا لأ
رحاب: لا مجبتش سيرتك
ادهم : تبقا عامله فراخ طالما ماجبتش سيرتي أنا عارف امي
رحاب: اركب واخد الورق ده معاك ليه
ادهم: يمكن يكون ليها حل وأنا مش واخد بالي
رحاب: ياريت علشان شكلك هتاخد الفلوس
ادهم : لا متقلقيش أن شاء الله مفيش ليها حل
رحاب: حرام عليك مش بحب الخساره أنا
أدهم: أنا بتاجر فيها اركني هنا أحسن
رحاب: هنا
ادهم : اه علشان تبقا قصاد عيني بدال ما تتسرق
رحاب: ماشي
أدهم: اهو حماده اهو اسمعي بنفسك
رحاب: اسمع اي
ادهم : حماده انتا ياض يا حماده
حماده: اخويا ميدو
ادهم : ميدو مين الله يحرقك أنا ادهم
حماده: عارف يا حب عيب عليك
أدهم: انتا خريج اي يا حماده
حماده: رايح اشتري شويه حجات من العطار
أدهم: بقولك انتا خريج اي يا حيوان مش خارج فين
حماده: معلش يا نجم أنا حقوق ليه في حاجه
أدهم: أصل رحاب فكراني بكدب
حماده: لا يا استاذه اخويا ادهم راجل مظبوط مش ملياسي
رحاب: مين ملياسي ده
ادهم: لا متخديش على كلام حماده هو لما بيكون مسطبح بيبقا غريب
رحاب: اه تمام ماشي
ادهم : رايح تجيب اي من عند العطار
حماده: لبان دكر
ادهم : ليه يعني
حماده: بعمل ل اخويا سعيد حبايه تهد البيت فوق دماغك انتا و امك
أدهم: الله يحرقك ليه كده
حماده: منا مش هسكت إلا لما اخويا سعيد يرجع سعيد زاي زمان ياعم ادهم
ادهم: طب أبقا تعاله على البيت اخوك سعيد فوق عندنا
حماده: منا عارف ياسطا هو في خبر يخفا على اخوك علبه ياله سلام أنا
ادهم: سلام
في جانب آخر
فاتن: والله المنطقة كلها نورت يا رحاب
رحاب: ربنا يخليكي يا فاتن
ادهم : عامله أكل اي يا فاتن
فاتن : انتا مالك
أدهم: اي ده هو أنا مش هاكل معاكم
فاتن.: لا أنا مش عامله حسابك
ادهم : لا دي فيها مصيبه دي خلي بالك
أم أيمن: ( خرجه من المطبخ ب الأكل ) بتكدب عليك يا ادهم الأكل جاهز اتفضلوا
رحاب : ازيك يا حبيبه عامله اي
أم أيمن: الحمد لله يا حبيبتي انتي اخبارك اي
رحاب : تمام الحمد لله
ادهم : هو سعيد فين
الام : جوه في الاوضه بتاعتك
ادهم : مش عايز ياكل ولا اي
الأم: ادخل كده اتكلم معاه يا ادهم علشان نفسيته تعبانه اوي
أدهم: لا أنا رايح اشوف ماله طالما نفسياً تعبان
وفعلاً دخل ادهم ل سعيد
ادهم : اي يابني مش هتاكل
سعيد: لا مليش نفس
ادهم : لا ياله قوم معايا
سعيد: بس يا ادهم مش جعان
ادهم: خلاص بقا يا سعيد دي حاجه بتاعت ربنا مالك يا عم
سعيد: مفيش يا ادهم سبني مع نفسي
وفجأة سمع الاتنين صوت حماده علبه جاي من اخر الشارع لقيتها يا سعيد لقيتها يا سعيد
سعيد: قوم شوف ابن الجزمه ده بدال ما يكمل على فضيحتي
ادهم : حاضر حاضر ( وبص من الشباك) اي يابني في اي
حماده: اخويا سعيد فين
ادهم : اهو
حماده: افتح الباب أنا طالع
ادهم: فرجت اهي ياعم سعيد استنا افتح ل حماده
سعيد: روح روح بدال ما يحكي قصتي للناس على السلم
ادهم : ادخل
حماده: الواد فين
أم أيمن: عايز منه أي تاني يا علبه سيب الواد بقا
حماده: سيبي انتي المنطقه يا شيخه بقا
ادهم: بس بس ادخل سعيد جوه
حماده. : اخويا سعيد حسحس اللي مجنن النسوان
سعيد: انتا بستعبط اي اللي عملته امبارح ده يا حماده
حماده: سيبك من امبارح افتح بوقك
ادهم : اي ده
حماده: ده اللي هيخلي اخوك سعيد يبقا حديد ارفع دي يابني ياله
سعيد: يابني طب ده بتاع اي افهم طيب
حماده: يعني هيكون ل عيونك يا سعيد متشغل دماغك شويه
سعيد: حماده اوعا يكون زاي الدريملي و البروبق
حماده: عيب بقا افتح بوقك ياله
سعيد: اهو
حماده: لكي الله يا أمل ❤️