رواية انتقامك وانتقامي رد الدين الفصل التاسع عشر 19 بقلم تولين جراح
لي امنيه صعبه ولي حظ منحوس
وانا على بحر الطمحاات عايم
الامنيه تحتاج مارد وفانوس
والحظ مالاقيه الا ونا نايم
كلام مهم بنهايه البارت
........................................................
لتين ......
دخلت لغرفة الشيخة لكيت واحد كاعد يمهم ابتسمت واني اعرف منوو هذا
لتين: هلوو شيخه
الشيخة جمار: هله يمه هله شعجب اليوم ذاكرتني
لتين: اي اريد اشكيج على بابا
الشيخة جمار: هههههه ، تعاي حذاي بعد روحي
تقدمت حضنتها ، باوعت على زعبان الي كاعد مبتسم
لتين: هلوو زعبان شلونك
زعبان: هله جمار ، انه رايح يمه محتاجه شيء
الشيخة جمار: لا يمه اريد سلامتك محروس
راح زعبان واني مصدومه من تصرفه ليش هيج اجاهلني معقول زعلان مني بس اني كلشي ما مسويه
هزيت راسي مطلعه كل الأفكار من راسي
كعدت اسولف ويه الشيخة
الشيخة جمار: جمار يمه احسج موش طويبه
لتين: لا شيخة ما بيه بس ستوني كعدت
الشيخة جمار: جا ليش ما تجينه ولج وابوج شماله ماكو
لتين: شيخة روحي اتعاركي وياه عود انت امه الي تعبتي وسهرت عليه
الشيخة جمار : احووي ولج خلي يجي ابوج اله اغسل اشراعه
لتين: يي بيبي عفيه تعاركي وياه هههههه
دخلو أيسر وأسر ضحكو من شافوني
أيسر: ياا هلاااا بجماررر شعجب اليوم جايتنه
أسر: شلونج جمار
لتين: هلوو بيكم
كعدنه وبدء الكل ينجمع يمنه ضحكنه وسولفنه كلش هواي جاي اكل فواكه حسيت الماعون نسحب من يمي باوعت على الي سحبه وصحت
لتين: حرررامي عوفه
ايسر: بس شوي شبيج
لتين: ايسررر عليك الله عوووف الماعون اشرب جاي
أيسر: ولجج اريد فواكه جاا وحد انه
لتين: كبُر عقلك وانطيني الماعون
أيسر: لا والله فلا اهده
لتين: صخررر صيح بيه موو انتَ الجبير
"رفع ايده بحركه اني معليه "
صخر: منجج اله واحد عقله أصغر من الثاني
"باوعت عليه وانطيته الماعون حجيت بتمسكن "
لتين: هاك أخذه ما أريد بعد شيخه شوفي اخذ الماعون مني ولا عباله اني خطار يمكم ولازم يضيفني
"شالت عليه العصه مالتها وضربته بيده الي شايل بيها الماعون "
أيسر: هاي ليش جده شمسوي
الشيخة جمار: خايب وحمس شمالك ويه اخيتك
أيسر: شمسوي الها
الشيخة جمار: ليش تاخذ منها الماعون شنهي جوعي انتَ يله انطي الها ابو الوصخ ياخذ ماعون غاليتي
إبتهال: شنهي عمه ليش ضربينه على مود ماعون فواكه شنهي ما ماكله بيت راجح
"باوعت عليها بغرور ودرت وجهي وحجيت بزعل مسطنع "
لتين: لا اكيد ماكله بس حبيت اجاكر أيسر ما قصدي غير شيء
الشيخة جمار: خايبه وغسل الج والولدج شمالكم ويه الفرخه هااا
"دنه ماعونه عليه أسر وحجى بحنيه"
أسر: هاج بويه اكلي معليج بهذا الخايس
لتين: يمه فديت الحنين اني فديتك يروحولك ذولاك الناس فدوه
أيسر: ولج هاي عليه طاح حضج
لتين: اني ما حددت منوو الي يروح فدوه ليش اخذتها على نفسك لوو تعرف نفسك انتَ المقصود
الكل ضحك على المناكره الي اصير من نجتمع
على موبايلي شفت وتد مراسلتني شوكت ارجع
لتين: ها وتد صاير شيء ؟
وتد: لا ماكو شيء بس ضوجه شوكت ترجعين
لتين: مو كتلج تعاي وياي ما قبلتي
وتد: تدرين بيه اكره اطلع المهم هسه تعاي
لتين: تمام جايه
باوعت عليهم شفت جراج اجه
باوع عليه بفرحه وحجى
جراح: هله بويه هله شلونج جمار
لتين: هلوو ، اني صار لازم اروح
الشيخة جمار: وين ولج توج اجيتي ضلي على العشاء
لتين: لا حبيبتي تسلمين اروح أني غير مره اجي
طلعت بعد ما ودعتهم دخلت للبيت واني اشوف
البيت مكلوب التخم بالحديقة وايليا بنص المي تلعب
وماما وتد ينضفن
لتين: هااي شكوو شعدنه ليش مطلعات التخم
وتد: يله لتين لبسي شيء مريح وتعاي ساعدينه
لتين: يعني انتِ خليتيني اجي حتى إنضم وياجن والله فلا انضف
ام سائد: لتين مثل الحبابه يله روحي بدلي وتعاي نضفي لشوكت تبقين كلشي ماكو
لتين: اني لتين رافع شغلتي أدله جنائيه موو تنضيف
ام سائد: لتتتتين
لتين: ماما خلي ابدل لبس مريح جايه جايه
رحت بدلت على السريع وصرت عود اساعدهن واني العب ويه إيليا بالمي
نوب عاطت بيه ماما كمت اشتغل وياهن بس بفهاوة
خلصنه جلف التخم والاستقبال بعدين دخلنه للبيت والغرف والمطبخ ما خلينه شيء ما نضفناه
صحت بجزع
لتين: ما يصيرر هيججج والعباس كافيييييي تعبتتت ادري مكاين ما تحسن بتعب
وتد: لوو معلمه نفسج تنضفين ما حسيتي هسه صعب عليج
لتين: اني ما اصلح اكون ربه بيت اني اطيني شغل اي
وتد: لا والله ومن تزوجين شنو تكوليله من يريدج تنضفين والله اني ما أصلح اكون ربه بيت
لتين: اي
شمرت عليه مي وهيه تضحك صار الغروب
رجعو بابا واخواني لان بابا باع السوبر ماركت الي
ببغداد وجاي يدور هنا بعد مده لكه بس بالمدينه شوي
بعيد علينه لان احنه بمناطق زراعيه
لتين: بابا ما بينه حيل نسوي عشاء جيب النه بيزا عليك الله
ابو سائد: تدلل بنياتي هسه ادز واحد من اخوتج
لتين: يمه فديتك شكد احبك
وتد: ايي ايي لتين بنياتك وايليا ضلعك اني شنووو هاا لو ما محسوبه
ابو سائد: خايبه انتِ روحي من الدنيه عزيزتي وجبيرتي
وتد: حبيبي بابا
راح سادن يجيب العشاء واحنه صلينا على السريع بين ما رجع كعدنه نتعشه سوالف وضحك خلص اليوم بسرعه وصار الليل باوعت على الوقت وبعدين طلعت اسحب بهدوء فتحت فلاش الموبايل كمزت واني اشوف سائد كبالي
سائد: ها لتين محتاجه شيء شعندج بهل وقت كاعده
لتين: ها لا مو هوه شوف عطشت اي عطشت ورحت اجيب مي لان ماكو بالغرفه
سائد: ها ديله اشربي مي وروحي نامي
لتين: تمام
رحت شربت مي واني متوتره من نضراته يباوع عليه بشك مسحت حلكي وكتله
لتين: اني رايحه انام محتاج شيء
سائد: لا حبيبتي روحي نامي
لتين: تمام تصبح على خير
سائد: أجمعين
طفرت لغرفتي انتضرت ساعه ونص وبعدين هم طلعت لكيت محد موجود فتحت باب المطبخ بهدوء وطلعت تنفست بارتياح واني اشوفه بعده منتضرني
مشيت بهدوء حجى بدون ما يندار ويشوفني
زعبان: تأخرتي عبالي ما تجين
لتين: اووف شلون تعرفني واني حتى النفس اقطعه
زعبان: لوو بين الف واحد اعرفج
لتين: اممم وليش بالله معقول اني مميزه لهل درجه عندك حتى تعرفني بين الف شخص
زعبان: ببساطة الشيء الي يخصني يكون مميز
لتين: يعني اني شيء خاص بيك
زعبان: ما كلتيلي ليش تأخرتي
عرفته يريد يغلس على سؤالي واني هم غلست بس احس فرحتي ما أكدر اسيطر عليها
لتين: اسكت وخليها غير طلعت واشوف بوجهي سائد
احس كلبي صار بمعدتي ورجعت للغرفة بين ما طمنت صعد ياله طلعت حتى نعست
زعبان: اممم جيد
لتين: اي شنو سويت اليوم
زعبان: ما سويت شيء مثل كل يوم الصبح فتحت المحل للضهر رجعت تغديت ونمت العصر هم بالمحل وبليل رحت للجم رجعت سبحت وكعدت منتضرج هنا وانتِ شنهي يومج
لتين: اسكت وخليها غير اليوم اختك شاده عدها الهمه وكرفتني اغسل وياها البيت كله طحت صفح وبعدين تعال ليش من شفتني يم الشيخة ما عبرتني ولا عبالك اني صديقتك وبنت عمك
زعبان: ما أريد واحد يعرف احنه اصدقاء
لتين: ليش
زعبان: احسن جمار حتى وريد ما اريدها تعرف خوش
لتين: تمام شبيك عصبت
دار وجها وسكت واني هم سكتت وره شوي حجى احس وجها نكلب ١٨٠ درجه ما ادري ليش
زعبان: انه رايح انام ، يله في امان الله
لتين: الله وياك ، بقيت صافنه بمكاني عليه نكلب فرد نوب
دخلت للبيت نمت بضوجه
وهيج مرن كم يوم زعبان تغير عليه كلش احس بي جاي يصارع نفسه واني عشت بصراع ويه عقلي وكلبي
فد يوم كالعاده كاعدة منتضرته بنفس المكان
شفته نزل من سيارتة يمشي برهاوة يفر بسويجة
تقدم باتجاهي وحجى
زعبان: اليوم من وكت جايه
لتين: لا انتَ الي متأخر
زعبان: اممم جان عندي شغل
لتين: وشنوو هذا الشغل الي يأخرك لهل وقت
زعبان: مو شغلج
لتين: زعبان انتَ ليش متغير
دار وجها عليه وبينت ركبته فتحت عيوني على وسعها واني أمد ايده اوخر ياخه قميصة
لتين: زعبان شنوو هاي ......
......
ه..................
ازل ......
رجف كلبي واني اشوف جبل كتله من النار تقدم باتجاهنه بعصبيه لزم مروان من ياخته وعاط بي
جبل: ولككك شعندك وياها كوو***
ازل: جبل حباب عوفه الله يخليك فاهم الموضوع غلط
جبل: شفاهم ولج شفاهم كاعده ويه هل كو** بمكان معزول شفهم بعددد
مروان: جبل عيب عليك شنهي شك بينه عيب عليك
جبل: فهمني يله شسوون هنا تاخذون استخارة
مروان: ما مسوين شيء كاعدين ناكل ازل مثل اختي
افهم
جبل: شووف لك اذا اشوفك وياها بعد اطيح حضك افتهمت لوو لا ، روح منااااا يللله
مروان: جبل فاهم غلط خلي اوضحلك السالفه
جبل : كلتتتت امشي
