رواية انتقامك وانتقامي رد الدين الفصل الثامن عشر 18 بقلم تولين جراح
جرب ألا تشمت ولا تكره ولا تحقد ولا تحسد ولا تيأس وسوف تلمس بنفسك النتيجة المذهلة.
........................................................
لتين.....
نكتمت انفاسي واني اشوف اكثر شيء يرهبني بهاي الحياة البزونه صرت ارجف بمكاني باوعت على زعبان الي ما منتبه عليه والبزونه تباوع علينه بعيونها الخضر حجيت برجفه
لتين: ز زععانن حببباب و ووخرها مم مننا
"باوع عليه بنضره استغراب "
زعبان: شبيج جمار
لتين: ااخخ اخخاافف مم منهااا رر راح تعضني
شمر عليها حجر وهيه شردت ياله جريت نفس حسيته ارتبك من الحاله الي صرت بيها حجى بقلق
زعبان: شبيجج تخافين منها معقول
"مسحت وجهي بيدي وكلت والرجفه ما زالت مرافقتني"
لتين: عندي فوبيا منها من جنت صغيره المغرب واكفه بالحديقة وهيه نفخت بوجهي وصرت الليل ما انامه واشوف كوابيس بس هسه خلصت من هل حاله بس من اشوفها احس النفس ضاق بصدري
زعبان: هاج هذا ماي شربي على كيفج لا تخافين راحت اهدي اهدي
لتين: اني رايحه هسه تصبح على خير
زعبان: وانتِ بخير
دخلت للبيت غسلت وجهي بمي بارد مهدئه نفسي
بقيت اتكلب طول الليل حسيت موبايلي يهتز جوه راسي رفعته واني اشوف رقم مراسلني
على الفايبر باوعت باستغراب واني اشوف محتوى الرساله
"شلون صرتي "
جاوبت عليه بتسأول
لتين: منوو ؟
_انه زعبان
لتين: ومنين جبت رقمي ؟
زعبان: مو شغلج
لتين: امممم صح مو شغلي
زعبان: ما كلتي شلون صرتي
لتين: لا احسن ما بيه شيء تره
زعبان: تدري شنو
لتين: شنو
زعبان: اول مره اشوفج بهذا الضعف ، اذكر اول مره التقينه بيوم الي نجمع الكل حتى تكشفين الحقيقه وطالبين بالتحليل شفت انسانه بقمه القوه والصلابه ما يهمها شيء بس اليوم شفت طفله خايفه
لتين: اول شيء هذا موو اول لقاء النه ، ثاني شيء ماكو انسان ما عنده نقطه ضعف
زعبان : شنو قصدج موو اول لقاء وين ملتقين قبل
لتين: من اشوفك اسولفلك
زعبان: خوش ، يله روحي نامي
لتين: تمام بأي
زعبان: هله
نمت والابتسامة على وجهي صرت اسئل نفسي شنوو سر هل ابتسامه وكلبي الفرحان جاهلت شعوري ونمت
كعدت على إيليا وهيه تهلس بشعري وتضربني باوعت عليها وهيه نزلت من الجربايه بسرعه وركضت طلعت من الغرفه نزلت واني اصيح عليها
لتين: وووولللجج ايلياااا انننيييي الججج تتتعاييي اليووم اعضضج
شفتها ضامه نفسها بحضن بابا وتضحك
ابو سائد: شبيج بابا شكوو
لتين: يعني ما انام من وره هاي الوقجه( القصيرة )
ام سائد: شمسويه الج هل فقيره
لتين: عمي اني الفقيرة يعني نايمه بأمان الله وهاي تجي تهلس شعري ليشش هنه شعرتين ضالات لوو اله تخليني كرعه
وتد: عفيه شكد تحجين سكتي
لتين: هاا هسه صرت شكد احجي ومن بنتج كاضيتها عليه دادا وماما وبابا وببان ودادن ما تكولين شكد تحجي
وتد: ترحين فدوه الها هاي حبيبه امها
لتين: بااااابااا
ابو سائد: هاا بابا هااا
لتين: شوو ساكت ما تحجي لوو عاجبك كلامها
ابو سائد بغمزه : ولججج وتد لا ضوجين اختج كافي
لتين: لااااا بعد ما ابقه هنا رايحه للشيخة اسويلي حلل احسن شيء ، وانتَ بابا ليش حابس ضحكتك اضحك عادي اضحك
ابو سائد: هههههه ههههه ههههه هههه
طلعت غسلت واني متحلفه اكتلها سويت نفسي موو يمها خليتها تأمن وتكوم من يم بابا تلعب
واني كمت لزمتها من شعرها بخفه
لتين : لزمتج ليشش ولج تضربيني
إيليا: ولي حكيره
لتين: انتِ حقيره ، تعاي اعضج تعاي
إيليا: تونه حبج
لتين: ليش ضربيني ، كولي التوبه
إيليا: توبه ، بوسه تونه بوسه
لتين : يا عمري تعاي تقربت ابوسها وما احس غير تتفل عليه ونشرد ركضت وراها واني اصيح
لتين: هاااي راح تدخل السنتين مستحيل هااي ام ألسان جنه لسان دلاله ولكم ضحكت عليه ، تكلي تعاي ابوسج وتتفل عليه
الكل يضحك عليه وهيه هم تضحك واني مفرفحه من وراها
اني وايليا نتعارك هواي بس اموت عليها وهيه تموت عليه بس نحب نتكافش موو بدينه
الضهر رحت للشيخة شتاقيت الها
دخلت واني اشوف جبل بالباب باوعت عليه ببرود وكلت
لتين : هلوو
جبل : هله
ازل: هلوو جمار
لتين: هلوو عمري شلونج
ازل: بخير حبيبتي، شوو مختفيات
لتين: بالبيت ليش ما انتِ تجينه
ازل: ضاري ما يقبل نطلع
لتين: امم شسالفه عادي واصلا اخواني ما يكعدون بالبيت
ازل: ان شاء الله على يوم اجي
لتين: هله بيج ، الشيخة كاعده
ازل: اي كاعده
لتين: تمام لعد اروح اشوفها واجي يمجن
ازل: تمام
......................
ازل.....
راحت جمار واني مشيت جم خطوه بس وكفني صوته
جبل: ما الج روحه لبيت عمي راجح
ازل: ليشش بله
جبل: عدهم ولد عيب ترحين
ازل: تره حالهم حالك انتَ هم ابن خالي مثل ما همه ولد خالي
جبل: كلت مالج روحه انتهى النقاش
عافني وكام بدهشتي ضربت رجلي بالكاع وصعدت واني انفخ جني تنين دخلت لغزل الي سارحه بغير عالم
ازل: غزززل شبيييج
غزل: ومرض لهل صوت انتِ شبيج
ازل: تعبت غزل ، نزلن دموعي
غزل بفزع: شبيججج منوو وياجج
ازل: اكوو غيره جبل
غزل: اووي بس اريد اعرف شمالجن تحبن من بيت ال عكَاب تره كلش مقيدين وجامدين
ازل: غيررر كلبي الزمال الحبه وهوه جنه جبل ما يهزه ريح ولو هوه اسم على مسمى
غزل: جا خيه لزمي كلبج وعيشي حياتج لا ضلين موكفه حياتج على جبل تعرفين كلش زين ولدنه شابعين من هل سوالف يعني ما يغريهم حب ولا هل خرابيط هاي
ازل: اووف لوو ما مشكله عمي وابوي جان هسه احنه بالبصره ولا اشوف جبل ولا يحترك كلبي من وراه
غزل: ما نحلت السالفه
ازل: لأ يردون ترتيل تزوج ابنه اكيد بابا ما يقبل تكون الثالثه شنوو ناقصها واخواني متخبلين منهم ما شوفين بابا خلانه هنا
غزل: انتِ اجاهلي ليش مكبره راسه
ازل: ولجج غير احبه
غزل: ضلي بهاي سوالفج تالي تتندمين خلي انزل ماما اصيحلي
نزلت غزل واني اذكر شسويت قبل سنه ونص
جان عمري ١٦ سنه مهووسه بجبل كلش احبه لان دائمن يحجي وياي لوو يبتسم الي واني للأسف فكرت هل شيء حب وبنيت امال هواي بسبب تصرفاته وياي
بيوم الكل كاعد اسحبت على كيف واني اسوف جبل صاعد لغرفته صعدت وراه دكيت الباب ودخلت بسرعه
باوع عليه وعكد حاجبه باستغراب
جبل: ازوله تردين شيء
ازل: جبل اريد اكول شيء
جبل: كولي بابا شبيج ترجفين
ازل: جبل اني احبك
كلت الكلام بسرعه وغمضت عيوني خجلانه على خايفه فتحت عيني ببطء واني اشوفه واكف مصدوم من كلامي بعدها ابتسم بهدوء
جبل: واني هم احبج ازوله شعندي غيرج اختي الصغيره انتِ
ازل : بس جبل اني
جبل: اشششش يله كافي روحي نزلي موو كتلج عيب تصعدين لغرفتي بعد صرتي جبيره
ازل: جبل افهمني اني احبك موو حب اخوي اني احبك كأمراة لرجال
لحضات ونكلب وجها لزمني من كتافي بثنين ايدي بقوه وهوه يكول بعصبيه وصوت ناصي
جبل : ولجججج شنهييي هذذا كلامممج صاحيه على التكولي انتِ
ازل: اي صاحيه اني احبك هواي
جبل: يعني انتِ تحبيني هسه موو
ازل: ايي
لحضه بس واني اشوفه نكلب وحش دفعني بقوه وكعت بالكاع حجى وهوه يفتر بالغرفة
جبل: منوو حاجي براسجج ولج انتِ ورقه بيضه ياهوو الحاجي براسج
"رفعت راسي والدمع مغرك عيوني "
ازل: محد حاجي برأسي بس اني احبك ، افهم اني كبرت موو ازل الي تحسبها طفله وتنومها بحضنك
جبل: روحيييي من كدامي روحيييي ولججج لا امتوتججج ومحمد
كمت واني اتعثر بسبب صيحته فتحت الباب وطلعت متوجها لغرفه البنات قفلتها عليه وكعدت وراه الباب مكممه حلكي بأيدي امنع صوت شهكاتي تنسمع
ترتيل: ااازززل شبيججج صافنه
فززتني ترتيل باوعت على مكاني اني بالغرفه يعني اني اذكر حسيت نفسي كأني عشت هذا الشعور من جديد
هزيت راسي وكلت
ازل: ها توته تردين شيء
ترتيل: اي تعاي الكل مجموع يم بيبي تعاي كعدي ويانه
هزيت راسي نازله وياها دخلنه للغرفة شفته كاعد يشرب جاي نزلت راسي ورحت كعدت يم ذياب باوع عليه وهز راسه بمعنى شبيج
هزيتله راسي بولا شيء
باوعت على جمار الي تتعارك ويه أيسر على ماعون الفواكه
لتين: ايسررر عليك الله عوووف الماعون اشرب جاي
أيسر: ولجج اريد فواكه جاا وحد انه
لتين: كبُر عقلك وانطيني الماعون
أيسر: لا والله فلا اهده
لتين: صخررر صيح بيه موو انتَ الجبير
"رفع ايده بحركه اني معليه "
صخر: منجج اله واحد عقله أصغر من الثاني
رجعو يتناكرون اباوع على جبل يباوع عليهم بابتسامه
صاحت بيهم بيبي
الشيخة جمار: ولكككم بسكككم طايحين الحض شنهي جهاللل خوووما جهال واحدكم لوو مزوج هسه عنده درزن فروخ
شاهين: جا جده ما زوجيهم
الشيخة جمار: انتَ نجب ازوج اول وبعدين احجي
ضحكت ترتيل وبعدين كممت حلكها بيدها باوع عليها بخزره نزلت رأسها بخوف وسكتت
دخل خالو جراح شاف جمار كاعده ضحك بفرح
الها وهيه قابلته بجفاء
جراح: اليوم جمار هنا هله بيج بويه شلون
لتين: هلوو ، اني صار لازم اروح
غزل: بس ما شفناج موو كلتي راح ابقه يمكم لليل
لتين: يروحي غير مره هسه اروح
غزل: براحتج بس نطلبج جيه
لتين: اي اكيد
راحت لتين واني رحت للحديقة حسيت حركه وراي نداريت وانصدم بمروان واكف وراي
ضحكت واني اكله
ازل: عابتلك شبيك خوفتني
مروان: احسن حتى ما تتجاهليني بعد
ازل: اني شوكت
مروان: ذاك اليوم من اجيتي النه
ازل: ياا موو شوف ذياب ما يرضه احجي ويه اي شاب وانتَ تعرف صداقتنه سريه لوو نسيت
مروان: اي اذكر وهذا الي شفعلج ، صدك تعاي شلونج شخبارج
ازل: شلوني زينه شخباري هم زينه
مروان: امم بيها الخير باعي شلون مطعم فتح يمنه يسوي شاورما تحفه شنوو رأيج اروح اجيب واجي
ازل: يله روح شنووو منتظر ميته جوع
راح مروان واني دخلت جبت فراش بسكوت فرشته بمكان معزول وره البيت وكعدت انتظره
مروان هوه اعز صديق اليه محد يدري بي ابد
لان مستحيل يقبلون بصداقتنه لان هوه شاب واني بنت فاستمرت صداقتنا سريه
جان كلش طيب ويحب الكل والكل يحبه
ضحكت واني اشوفه جاي يمشي بهمه وبيده علاكه
مروان: خايبه صايره كتل شبعت دفرات ياله وصلت وجبت لفات
ازل: هههههه يله اختك الجبيره
"باوع عليه وصغر عيونه "
مروان: تره بيناتنه شهرر واحد يا ضالمه انتِ اكبر مني بشهر موو سنه حتى كلساع وكلتي اكبر منك
ازل: شتكول بيبي جمارر الي اكبر منك بيوم افهم منك بسنه
مروان: شوو اكلي واسكتي يله فضيها
كعدنه نأكل ونسولف ونضحك خلصت لفه مروان حسيته بعده جوعان واني شبعت
ازل: مروان هاك كمل لفتي شبعت
مروان: وانه هم شبعت كمليها
ازل: والله شبعت شبيك هاك يله
مروان: ما أريد وداعتج شبيجج
رفعت ايدي واني أقرب الفه يم حلكه ونضحك
فززنه صوته وهوه يصيح بصوت عالي مالي الغضب
جبل: هاااي شجاااي يصيرر هنااااا
......................
ريم.....
باوع عليه بصدمه تركته وركضت اصعد لغرفتي اجه وراح بنص الدرج لزمني من ايدي يريد يفهم شبيه
صخر: بسس اوكفييي شصايرررر شبيج نكلبتي
ريم: روح صخر روح لشجن ليش هيج سويت بيه وخدعتني
صخر بصوت مكتوم: شمسوي ولجج احجي لا ضلين ساكته
"نزلت دموعي وكتله بشهكه"
ريم: شعندك ويه شجن ليش تراسلك
صخر: ياا شجن بابا انتِ شتحجين
ريم: شعدها تراسلك لا تنكر صخر شفت الرسايل
صخر: تعاي راح افتح الرسايل كدامج
ريم: عوفني صخر
صخر: جاااي اكلججج تعاااي
سكتت ونزلت وهوه لازم ايدي فتح الجهاز كدامه وطلع المحادثات
جانت هيه الي تراسله وهوه لوو يجاوبها بكلمه لوو ما يجاوب
نزلت راسي وكعدت ابجي واحجي بشهكه
ريم : شسوي هاا كلي شسوي جاي اموت الف موته باليوم بس لان امك ما تريدني وين ما تشوفني تبسمر بيه تعبت انه تعبت هواي صخر لوو توكف شجن عند حدها لوو تعوفني وتزوجها
صخر: ولج انه احبج ليش ما تفهمين احبج وعلى امي معليج بيها مووش كتلج لا تاخذين كلامها على محمل الجد يو لا
ريم: اي بس تعبت ، صخر اريد انام عوفني
عفته ورحت نمت بقيت اليوم كله بالغرفه ما طلعت منها ومنو الي يسال عن السبب اكله تعبانه اريد ارتاح
بليل ندك الباب
ريم: موو كلت عوفونييي ليشش تلحون
لتين: حتى اني ما ترديني
كمت بسرعه فتحت الها الباب
بس شافتني حضنتني واني بسرعه بجيت
لتين: شبيج يا روحي منوو مزعلج
ريم: تعاي فوتي ، جمار تعبت من اخوج تعبني كلش
لتين: ليش متعبه هل عيون الحلوه منو اليستاهل هاا منوو حتى لوو اني اخت صخر بس انطيج نصيحه
لا تعبين عيونج على بشر ولا تبجين تدرين ليش لان بني آدم ما يستاهل واحد يبجي عليه لان لوو نتبادل الأدوار ما راح يبجون عليه ولا راح يسوون نص الي احنه نسوي احنه بطبيعته كلش طيبات بس همه لا ما يهمهم بس نفسهم ليش نأذي نفسنه على شخص ما راح يقدم النه الي احنه قدمنا من دموع وبجي وحب واهتمام
ريم: بس تعبت والي تعبني امه
لتين: انتِ متأكده من حب صخر الج
ريم: بدون شك اعرف بي يموت عليه بس امه
لتين: لعد معليج بي وراح يخطبج غصبً عليه واني الي راح احجي وياه
ريم : ياا فلك شراح اسوين
لتين: معليج عليج الصافي وبلشي حضري من هسه لخطوبتج من صخر
ريم: جمار على شنو ناويه
لتين: على كلشي يضوج إبتهال ويسبب الها قهر
وهسه روحي غسلي حتى ننزل نتعشه استاذ صخر ما خلاني اتعشه جابني ركض ركض لوو اكلج هسه اخلي صخر يجيب النه من المطعم اكل عربون صلح الجج واني عربون جيتي لهنا بدون عشاء
ضحكت وهيه نزلت واني غسلت وجهي الي صاير ازرك من البجي ونزلت وراها شفتها واكفه ويه صخر باوع عليه ودار وجها
ولتين تحجي وياه وبعدين مدري شنو همست هوه ضحك وهيه دفعته تضحك
رجع وره فتره جايب النه همبرغر وفنكر وببسي باوعت عليه إبتهال وسألت
إبتهال: صخر هذن المن ؟
"نطت لتين وحجت حتى تقهرها "
لتين: الي اني سوده عليه شاف اخته جوعانه راح نص الليل جابلي عشاء رغم اني ما قبلت بس هوه أصر حبيبي تعبتك
باوعت عليها لكيتها راح اطك من القهر طلعت من المطبخ معصبه هز راسه صخر وراح وراها يراضيها
هزت رأسها بغرور وهيه تحجي بمرح
لتين: يحح ضاجت عفيه والله لتون
ضحكت عليها وكعدنه نسولف ونأكل وره مده راحت لبيتهم واني صعدت نص الدرج وتلاكيت ويه صخر
اروح منا وهوه يروح وياي اجي هيج وهوه هم يجي وياي تعصبت باوعت عليه قابلني بنضرات برود
باوع عليه ونزل ورجع صعد تقرب يم اذاني وهمس
صخر: حضري نفسج حبيبه عرسنه قرب ......
................
_كااافي عوووفني شتريد منيي انتَ
_ميت مره كتلج انه احبج يا بنت الناس
_بس انه ما احبك انتَ واحد مخبل مستحيل ارتبط بيك
_سمعيني زين غزل انتَ الي لوو بعد حين ما صيرين لغيري فهمتي على موتي تزوجين غيري
غزل: جا اضل بدون زواج ولا اصير الك يا جاسر
جاسر: لهل درجه كارهتني
غزل: افهمني جاسر انه ما اكرهنك بس انتَ موو فارس أحلامي مستحيل ازوجك موو انتَ الي اتمنى
دفعني على الحياط حيل كلش تأذيت بس باوعت عليه بكره وكتله
غزل: هذا قصدي انه ما أريد أزوج واحد همجي مثلك
باوع عليه بعصبيه وضرب الحايط الي وراي ثلاث ضربات متتاليات باوعت عليه بصدمه نزلن دموعي غصب عني حسيت بخوف مستحيل ينوصف
عافني وراح واني رجعت اركض للبيت ......
يتــبـ؏
.
.
.
.
.
.
.
.
.
.
نشرت هسه منشور مؤقت شفت البنات يردن قسم من البارت وباجر قسم ثاني هذا الي كتبته اليوم وباجر اكو هم بارت
قراءة ممتعة، دمتم برعاية الرحمن وحفظة
في ميزان حسناتكم
﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ»🍃
لمتابعة باقي الرواية زوروا قناتنا على التليجرام من هنا
