رواية حظ عاثر الفصل الثامن عشر بقلم ليل ادم
بعد وصول ادهم و سعيد الي المنطقه
سعيد: ادهم اوعا حد يعرف حاجه دي منطقه خباصه كلها بالذات جمال
ادهم: المشكله مش في الناس يا سعيد الموضوع اكبر من كده
سعيد: مش فاهم
ادهم : امل هتعرف هتعرف
سعيد: اه منا خايف منها
أدهم: تمنع عليها انتا بقا لحد ما ربنا يكرمك كده وتموت منتا خلاص الموضوع بالنسبة ليك انتهى أصل أنا سألت الدكتور قالي مش بيطلع تاني
سعيد: انتا بتعايرني ولا اي
ادهم: لا بفهمك الوضع بس
سعيد: فاهم يا عم فاهم
حماده علبه: حمدالله على السلامه يا سعيد
سعيد: اكتم اكتم
ادهم: ياعم ماشي
سعيد: الله يسلمك يا حماده اي اللي في أيدك ده
حماده: سيتوفل
أدهم: بيعمل اي ده
حماده: سيتوفل بيخلي الجرح يقل تاخد
أدهم: لا ياعم أنا معنديش جرح اخوك سعيد هو اللي
سعيد: ادهم اي اي اكتم
حماده: عاملني غريب وأنا عارف كل حاجه وعامل عبيط
سعيد: عارف اي
حماده: يابني المستشفى كلها بتتكلم عنك صعبان علي الكبير والصغير هناك بس اخوك حماده علبه حط سرك في العلبه وقفل عليه
أدهم: ابن أصوول ياض يا حماده
حماده: افتح بوقك يا سعيد ياللي مش سعيد
سعيد: هو انتا أصلا جايب السيتوفل ده علشاني
حماده: بس يارب الجرح يقل حاكم جرح اخويا حماده غويط أبلع ريقك واطلع البيت في رعاية الله يا سعسع
سعيد: سعسع يا هفاف
أدهم: ياعم سعسع سعسع هو حد لاقي
سعيد: ياله ياعم امشي الحمد لله أن محدش عرف حاجه من المنطقه غير حماده
واحد من سكان المنطقة: ازيك يا سعيد عملت اي يابني قلبي عندك وربنا
سعيد : استنا يا ادهم اشوف المصيبه دي أنا كويس يا عم فضل
فضل : كويس ازاي بس ربنا يجبر بخاطرك يابني معلش يا سعيد ربك كبير
ادهم : استنا يا سعيد نفهم قصده اي أصل محدش يعرف غيري انا وانتا وحماده
فضل : وحماده اه يبقا كلامه صح أصله كان عايز مني حبايه سيتوفل وحكالي حوار سعيد
سعيد : يانيبتي السوده يا ادهم
أدهم: عم فضل اقفل الموضوع ده علشان خطري إحنا مش معرفين حد
فضل : ياعم عيب الله يشفيك يا سعيد ياله اطلع ارتاح يابني اطلع
سعيد: شوفت الواد مش خد الحبايه يمشي ساكت لأ لازم يحكي قصه حياتي بقيت مقطوع النسل يا سعيد بقيت مقطوع النسل
ادهم: خير والله يابني خير
واحد من سكان المنطقة: اي ياسعيد عملت اي
سعيد: الحمد لله ياعم فايز
فايز : يابني اوعا تشغل بالك كل حاجه بتاعت ربنا
ادهم : لا استنا يا سعيد نفهم أصل محدش يعرف غير أنا وانتا وحماده
فايز : يبقا حماده صح طالما أدهم قال كده
سعيد: قالك اي ابن الكدابه
فايز: كان جاي عايز حبايه سيتوفل قالي علشان سعيد وحكالي الحوار
سعيد: يخربيت دي حبايه هو خدها من كام واحد
فايز: لا والله للأسف يا سعيد مش معايا سيوفل
أدهم: ينهار اسود يبقا راح ل حد تاني يا سعيد
سعيد: عم فايز الكلام ده
فايز: ياجدع عيب في اي اجري اطلع ارتاح
سعيد: اتفضحت يا ادهم ابن الجزمه ماشي ب ربابه
أدهم: ياعم هو عم فايز ولا عم فضل غرب دول مننا
واحد من سكان المنطقة: قلبي عندك يا سعيد
سعيد: ( بصوت عالي) يالهوي يخربيت امك يا حماده
أدهم: اهدا بس أصل
سعيد: اسكت خالص كمل انتا ياعم ناجح كمل الله يكرمك
ناجح : أصل حماده
ادهم : كان عايز حبايه سيتوفل وحكالي حوار سعيد المهم الوقتي اديته الحبايه
ناجح: لا بصراحه أصل مش معايا
سعيد: يادين النبي يا دين النبي يا راجل دنتا مدوخ الحكومه بقالك أربعين سنة كنت اديته الحبايه الله يحرقك
ناجح: مكنتش اعرف انك على اخرك اوي كده ليك في رقبتي شريط
سعيد: وبيت ربنا ما عايز بس بالله عليك الكلام ده
ناجح: ( قطع كلام سعيد) عيب عليك بقا في اي اطلع ريح جسمك انتا بس
سعيد: ادهم سبني أنا هطلع روح انت سكت ابن ________
ادهم: ياعم والله متقلق هحل أنا القصه دي بس اطلع بس
سعيد: اي صوت القران اللي جاي من عند امي ده روح والنبي يا ادهم بسرعه لتكون امي ماتت ولا فيها حاجه وتعالي طمني
أدهم: طب أسند على العمود عبال ما أجي
سعيد: ( حط ايده أتكهرب صوت بصوت عالي جدا)
ادهم: استنا العمود بيكهرب
سعيد: هو في كده وكتاب الله ل أطلق البت دي
ادهم : ( بيضحك) استنا بس
طلع ادهم بيت ام سعيد لقي قرآن شغال وكراسي كتير وحريم كتير قاعده تصوت وتعيط
ادهم : امي في اي مين مات
فاتن : اهدا بس انتا. الوقتي مفيش حاجه سعيد فين
أم سعيد: هو فين هو فين يا ادهم ( وبتعيط ب حرقه وكل الحريم نازله عياط )
ادهم : هو مين
أم سعيد: ابني سعيد عملوا في اي يا ادهم خلاص مبقاش سعيد
أدهم: يادين النبي يا سعيد أنا نازل سلام
أم سعيد: يا ادهم يا ادهم شوفتي ابنك يا فاتن
فاتن : اهدي بس يا ايمان
في جانب آخر
سعيد : في اي
ادهم : لا مفيش
سعيد : امي تمام
أدهم: اه الحمد لله ياله ياله
سعيد: لا ياعم أنا طالع عند امي أنا متشائم من البت دي
أدهم: معلش خليك النهارده في بيتك بس
سعيد: وربنا أبدا
فجأة شباك شقه ام سعيد اتفتح بكل قوه طلعت منه ام سعيد ومعاها شويه حريم صويت جامد جدا
أم سعيد: امتحان من ربنا ياحبيبي ربنا يصبر قلبك يا سعيد
سعيد: يادين النبي وديني البيت بسرعه يا ادهم وديني لبنت المنكوبه امي جرستني
أدهم: منا بقولك امشي
سعيد : امشي اي اجري اجري.
في جانب آخر
أم أيمن: فاتن عايزه اقولك حاجه مهما
فاتن : نعم يا حبيبه
أم أيمن: ابنك ابو لسان فالت ده بالله عليكي اتكلمي معاه. علشان اكيد سامي هيتكلم معاه عني
فاتن: اي ده هو انتي ناويه على سامي بجد يخربيتك
أم أيمن: هو اللي ناوي ياختي أنا مالي
فاتن: خلاص براحته طالما شيطانه راكب دماغه
أم أيمن: اي كلامك ده يا فاتن تصدقي والله ازعل منك
فاتن: لا ياستي على اي. أنا هسكت خالص
بعد انتهاء اليوم
ادهم: اي ياما اللي عاملينه ده الواد اتفضح
الأم: أنا مالي يا اخويا أمه هيا اللي عملت الصوان على روح الواد
أدهم: لك الله يا سعيد
الأم: صحيح يا دومتي طبعاً انتا عارف أن اللي يستر مؤمنه عند ربنا كبيره
ادهم: طبعاً يا فاتن ربنا يجعلنا منهم يارب
الأم: جعلك منهم يابن الموكسه
ادهم: طب الحمد لله تصبحي على خير ولا صحيح أنا جعان
الأم: مش تفهم كلامي الأول طيب
ادهم: كلام اي بس ياما هو أنا فاضي للهزار
الأم: يا واد وربنا ما هزار اسمع بس اسمع
ادهم: قولي
الأم: بقا الوقتي سامي بيرمي في الكلام على ام ايمن
أدهم: اي يعني ياما هو في حد في مصر مش بيرمي الكلام على ام ايمن بعدين هيا بصراحه مستفزه مبيحلش تنشر لبس ايمن إلا فوق عربيه الكبده بتاعته وأنا واحد من الناس بقرف أكل من عنده بسبب بكسرات ايمن
الأم: يواد افهم انتا قصدك سامي مين أنا بقولك سامي المدير بتاعك ده
أدهم: نعم
الأم: اه والله
ادهم: ياله هو ابن خلال ويستاهل بس واكل معاه عيش وملح
الأم: ملناش دعوه يابخت من ستر مسلمه
أدهم: بس برضوه ياما من أحياها كأنما احيا الناس جميعاً
الأم: يحي العظام وهيا رميم يابني ملكش في واسمع الكلام لو فتح معاك عن ام أيمن قوله ست الحته وست المنطقه وست الكوكب تمام
أدهم: لا يمكن اعمل كده
الأم: وريني يا ادهم وادخل أتخمد معنديش أكل
ادهم: لا والله مفيش اكل
الأم: استنا علشان حرام في جبنه قريش في التلاجه
أدهم: ايوه يعني اعمل فيها اي
الأم: مش حبه تريقه علينا ادخل نام
أدهم: احسن برضوه أصل الجبنه القريش رجيم و النوم خفيف رجيم يبقا خفيف احسن تصبحي على خير يا فاتن
فاتن: وانتا من أهله
تاني يوم في المكتب
رحاب : ادخل
سامي: عامله اي يا رحاب
رحاب: دي سبع مراه تقولي عامله اي يا رحاب مالك يا استاذ سامي
سامي: الواد لسه مجاش اصلي عايزه في شغل
رحاب: لسه والله اديك شايف قاعده لوحدي
ادهم: صباح الخير
سامي: يا صباح الورد يا صباح الهنا يا صباح الفل عليك يا دومه
ادهم : دومه مين
سامي: انتا طبعاً تعالي تعالي عايزك
أدهم: ( بص ل رحاب ) اروح
رحاب: بس بسرعه علشان عايزاك
أدهم : سمعت
سامي: تعالي بس
ادهم: مش مرتحلك مش عارف ليه
سامي: ياض امشي
وخد ادهم على مكتبه
سامي: ادخل
أدهم: هيا مي فين
سامي: سيبك منها خليك مع عمو سامي
أدهم: لا ياعم انتا بتزعل
سامي: أنا ازعل منك انتا يا دومه تصدق عيب عليك
أدهم: لا مش واخد منك على كده هو اي الحوار حاكم أنا شايف عزرائيل بيدور حواليك
سامي: بعد الشر ليه كده
أدهم: بكره تعرف كلو قالك لا وانتا رايح برضوه
سامي : أنا ولا فاهم حاجه المهم بقا بجد
ادهم: قول
سامي : اي رايك في الست حبيبه
أدهم: ام أيمن
سامي : ياجدع اسمها حبيبه
أدهم: هيا هيا نفس الجلابيه يا استاذ سامي مالها يعني
سامي : عايز أتجوزها
ادهم : لا دنتا تسمع بقا
في جانب آخر
امل : طب تحب اعملك حاجه
سعيد: ( بصوت عالي) أنا محدش يقدر يعملي حاجه أنا لسه عندى كرامه هو اي انتوا فاكرين أن حياتي راحت مع اللي راح أنا حلو اوي بالصلاة على النبي
امل : يا سعيد أنا قولت حاجه أنا بسألك تشرب تاكل
سعيد : ماشي هاتي أكل
امل : ثواني ويكون الأكل جاهز
سعيد : العزاء اللي أمي عامله خلص
امل : لا أنا زهقت قومت مشيت وسبتهم لسه هناك
سعيد : زهقتي من عزاء جوزك أما هتعملي اي لو كملنا مع بعض عشره عشرين سنه على وضعي ده
بدل ماتدور وتبحث علي الروايات خليها علي تليفونك وحمل تطبيقنا
