رواية الهيصم خطوط سوداء الفصل الثامن عشر 18 بقلم بنين احمد
"أيڤانا "
من الصبح كعدت على صياح حور تجر بيه جر تريدني أكوم
حور:- خايبهه نومت أهل الكهف كومييييييييي
أيڤانا:- كايمه كايمه شدغيدين غحمه للخميلي خليني مطموغه
حور:- نامت عليج بلوكه كومي كومي حيجونه خطارر يلكعبه كومييييييييييييييي
فزيت من عيطتهه كمت اركض ورجلي جلبت بلحاف وكعت على وجهي وقبل لا وكع لزمت أيدهه وكعت فوكاي
صرخت وهيه صرخت وياي اني اضحك عليهه وهيه تضحك عليه جنه صخول بس نضحك اخر شي صعدت أمي
بيدهه الشحاطه وكومتنه ثنينه دك كتلتني وكتلتهه خطيه هيه انصدمت من أمي كتلتهه
حور:- خاله والله هيه متقبل دكوم
أيڤانا:- كمت بس هيه صغخ
اساور:- اشششش اسكتن صوتيش هاذا العالم التمت علينه وجنتن تتمضحكن جنجن بقرات
أيڤانا:- هههههههه
اساور:- وجععع اليوجعج كون كومييي يله بدلي وروحي سادعيهن بشغل لا فود ولازود يله
عافتنه وراحت وحور حاصرتهه الضحكه كوه عفتهه ودخلت للحمام غسلت وجهي وفرشت اسناني وطلعت ما لكيتهن
غيرت ملابسي وطلعت رحت البيت الشيخ جبل كوه عليه أمشي اريد ارجع انام
دخلت ورحت للمطبخ لكيتهن ناس تطبخ وناس تمسح وتغسل الستقبال والكراج دخلت لكيت أميره
أيڤانا:- منو غاح يجينه
أميره:- صباح النور
أيڤانا:- ها العفو صباح الخيغ
أميره:- اليوم يجون كرايب بيبي دعشه
أيڤانا:- هاا تمام
عفتهه دخلت للهول شفت حور كاعده بلكاع وتفرك بالكاشي
أيڤانا:- هاا ولج
حور:- مالي خلكج والحسن
أيڤانا:- لاشافج الحسن كون اساعدج
باوعتلي بطرف عينهه ماعاجبهه وتحجي من ورى خشمهه
حور:- بعديش بعد الكتله الاكلتهه بس يله
أيڤانا:- اليجي من أيده الله يزيده
حور:- انجبي وروحي جيبي الماسحه وتعاي امسحي يله جنج شمعه فكر
رحت جبت الماسحه ومسحت الهول كله وصلت يمهه ودينيت عليهه وحجيت بهمس
أيڤانا:- اكول حبيبتي
حور:- خير
أيڤانا:- احمم هاي ذيب وينه
دارت وجهه عليه مصغره عيونهه
حور:- شعليج بي
أيڤانا:- هاا لا شبيج بس من البارحه من العركه صارت شسمه منضره مال الدم ضال بالي فسألت لا اكثر
حور:- هااا هنا الحجي والله ذيب التحق اليوم لأن اجه أمر ضروري
باوعتلهه بقرف وغميته ورحت ماتجيبلي بس الاخبار الطايح حضه بس ليش ما كلي حروح
كملت مسح ورحت للمطبخ غسلت الاماعين كملت انكسر ضهري كالولي سوي زلاطه والخضره
اشو هذوله اخذو ميانه وياي خرب خلو الشغل نصه عليه كعدت اثرم زلاطه واسوي الخضره كملتههن
وطفرت البيتنه رحت اركض دخلت لكيت أمي مشغله بخور وقرأن رحت الغرفتي دخلت
اخذت التليفون ورحت كعدت على الجربايته رحت ودخلت على الانستا وبحثت على حسابه
ما اعرف بشنو احس بس مشتاقه اشوفه شفته ناشر فرحتت عليمن مادري فتت الحسابه
هم صديقه الناشر هوه مينشر دأيماً كومه استوريات ناشر
اول استوري فيديو هوه وذيب وبعد واحد همه كاعدين وهذاك الولد واكف فوك روسهم
حمزة:- باعن لجن هاذا الكاتلات رواحتجن علموده هههه يخونجن باعن يراسلمن ههههههه
ذيب مبتسم ويشرب جكاير تقرب عليه حمزه يقره الرسأل البتليفون ذيب ويضحك
حمزة:- هااااااااا يخوي وكعت هههههههههههههه وكع يبنات ياريت تشوفن غيره بعد ميفيدجن
الولد الواكف حجه
:- يمعود فضحتنه
ذيب:- العار شلون يصير
حجه صديقهم الواكف..
:- مثل حمزة ههههههههههههه
حمزة:- هه هه هه مضحك انتم العارات
الستوري الثاني هوسه الي أسمه حمزه بس يكمزز
حمزة:- گاللللل الهه احبجججججججج اويلللييي اخوي عاشكك كللللللللللللللللللللللليششششش
ذيب:- زمهرير
:- ههههههههههههههههه
حمزة:- ولكككككك ازفك بيدييي وين السلاححح هسه ارمي طلقتين بجووو اخلي الاأمه العربيه كلهههههه تعرف اخوييييي يحب عضيدييييي يحب بيبيييييييي يحب
ذيب شال الباكيت مال جكاير وشمره على حمزة
حمزة والولد يضحكون حتى هوه يضحك
الستوري الثالث حاط صوره لبوة وأسد وحاط قلب احمر بنص الصوره
انتبهت النفسي طفيت التليفون ورحت امشط شعري وصلت للمرايه واشوف نفسي أبجي بدون ما احس
ليش أبجي اصلاً أني ما احبهه ليش أبجي عليه بس أني ما ابجي عليه
بس لأن تذكرت بابه بجيت أي أي لئن تذكرت بابه
عفت شعري مفتوح ودموعي على خدي ونمت على الجربايه وخليت راسي على المخده وبجيت احس اكو جمره بصدري
كل ما أبجي تزيد يعني هوه يحب غيري زين ليش كالي احبج ليش يسمي روحه المستقبلي ليش
خلاني اعيش بوهم وجان حبه بكل ثانيه يزيد
خلاني أعشقه وأهيم بي ليش
بجيت حيل لليل أني ماطالعه من الغرفه دخلت أمي لغرفتي شغلت الكلوب وضلت تمشي بتجاهي تريد تكعدني
وصلت يمي خلت أيدهه على راسي شهكت رفعت راسي الهه
وحجت بخوف وقلق
اساور:- شبيج مامه مصخنه مامه حبيبتي شبيج
أيڤانا:- أغيد أنامن بس ماكدغ
أساور:- اسم الله عليج مامه لا تنامين تزيد عليج
أيڤانا:- يوم خليني الوحدي
اساور:- بيج شي مامه منو وياج
من كالت هيج ما تحملت حضنتهه وبجيت هيه ضلت تسمي على راسي وتقرأ قرأن
وخرت من حضنهه وضلت تمسح بعيوني وحجت
اساور:- نامي مامه نامي
خليت رأسي على المخده وماحسيت شي بعدهه ستسلمت للنوم....
*************
"ذيب"
~ هستوني خلصت واجب ورجعت للمقر مالتنه دخلت للغرفه هدوء تصوصي
نزعت ملابسي ورحت نمت على ضهري وشغلت التليفون شفت اكثر من مكالمه حمزة مخابر
خابرته بسرعه فتح خط وصوته يرعد رعد
حمزة:- الروحححح وريااااا وكللل الناس عاريه
ذيب:- شلونك
حمزة:- من سمعتتت صوتك صرت بخير
سحبت باكيت الجكاير وسحبتلي وحده وبديت ادخن
ذيب:- شلون صار جتفك
حمزة:- بخير صح من وراك اتصاوبت بس يله عادي
ذيب:- منو كلك تشمر روحك كبالي وتجي الطلقه بيك
حمزة:- افااااا انا الروح أفديلكك انتَ عضيدييي
ذيب:- لا تمسلت
حمزة:- المهم حُب فتحت حسابك مال انستا ونشرت بي فديوهات قديمه
ذيب:- منو سمحلك
حمزة:- متنجب ترا هاذا حسابي وانا نطيتكيه
ذيب:- تعايرني بي؟
حمزة:- اي، المهم نشرته والبنات ضلن يتلاطمن يخوي صدك من كال
- الـهيصَم قاهر قلوب العذاره،
ذيب:- اكول انا اريد انام وانتَ تريد تحجي فا الله وياك خويه
حمزة:- اليوم تنام بدونييييي
سديته بوجهه حيوان هسه يكوم يجفص رحت اشوف الستوريات الناشرهن العار
فديوهات زبايل ناشرهن فتت على المشاهدات وشفت حسابهه
كمت على حيلي وكعدت هاي عده انستا منين الهه
رحت دكيت عليه مترد واتساب مترد على الرقم هم مترد
خابرت دعشه ردت بسرعه
دعشه:- وليدي
ذيب:- شلونج يمه
دعشه:- رحتلك فدوه يابعد أمك وأهلهه يروحولك فدوه سجاد وعلي ويليا وباقر و وليد و حويدر لتراب رجليك يابعد بيتي
ذيب:- احم يمه فوفه اليوم اجتي البيتنه؟؟
دعشه:- مال الكبر طم الزلم ولك ثاري مخابرني مو لسواد عيوني علمود هاي ليڤه مو مال الغسل
ذيب:- هسه جاوبي
دعشه:- لاا ماجت دكول هاي ليڤه الثانيه مريضه بلفراش
ذيب:- شبيهه ليش منو وياها
دعشه:- على كيفك على كيفك لايطكلك عرج
ذيب:- اي زين بعدين اخابرج
سدته بوجهي دعيشه عفتهه ورحت دكيت على حور متجاوب دكيت مره ثانيه جاوبتني
حور:- خيررر منو ويايي
ذيب:- وجع احجي عدل
حور:- هلا بذيبنه كيفاك
ذيب:- انتِ وين
حور:- ليش تريد تخطبني وانا ما ادري؟
ذيب:- بلا حجي زايد بسرعه كولي انتِ وين
حور:- ابيت خاله اساور
ذيب:- فوفه يمج؟
حور:- والعباس بيناتكم شي
ذيب:- راح اغلط
حور:- لاااااا مو يمي نايمه
ذيب:- اها خوش
سديته بوجهه كعدت انتضر ساعه على ما تكعد نص ساعه ما تحملت دكيت عليه مترد أربع مرات ياله ردت بتعب وكوه تحجي
أيڤانا:- الو
ذيب:- فوفه مريضه
أيڤانا:- شدخلك
ذيب:- الستوريات قديمه والكفل زينب
سكتت شويه وبعدين حجت
أيڤانا:- تمام
ذيب:- شبيج مريضه
أيڤانا:- ليشش تدخل غوح لذيج الكاتبلهه احبج ابو النسوان وذيج المغه الكاعده بصفك تتذكرهه ختفيدك بغل ودكول على صدغهه يشك شك مووووووو
تحجي وتنشغ أثر البجي المستمر
ذيب:- تغارين؟
أيڤانا:- على سواد عيونك اغاغغ لو على التحبهه لو على أم صدغ ابوو النسوان
ذيب:- هسه انتِ على هاي مريضه ياروحي بلعباس الفيديو قديم وهاذا حمزة المطي ناشرهن
أيڤانا:- جذاب
ذيب:- وداعتج
أيڤانا:- روح ماغيد اسمع صوتك
ذيب:- تحبيني؟
أيڤانا:- لا
ذيب:- ونور محمد احبجججج الجج خرب روحك حمزة العار هيج تبجين من ورى الفيديوهات وتتمرضين
أيڤانا:- لارد
:- فوفه " أنا الـهيصَم وانتِ لبـوتي " مترهملي غيرج احبنججج بگـد رحمت الله
أيڤانا:- خل تفيدك أم صدغغ غوحححححح من يمي أبو النسوان
سدته بوجهي صفنت هسه هيه متحبني وتغار عليه يلكعبه دخيلج
خابرت حمزة تعاركت وياا وهوه زعل وراح وانا هم نمت لأن تعبان
لمتابعة باقي الرواية زوروا قناتنا على التليجرام من هنا
