رواية هدية الشيخ رضا الفصل الثامن عشر 18 بقلم أوتار حزينه
ليله
ﺑﻠﻴﻞ ﻣﻦ ﺭﺩ ﺭﺿﺎ ،،،،ﺑﺸﺮﺗﻪ ﺑﺤﻤﻞ
ﺯﻳﻨﺐ
« ﺍﻟﺤﻤﺪ ﻟﻠﻪ ﻭﺍﻟﺸﻜﺮ،،،ﺟﻨﺖ ﺷﺎﻳﻞ ﻫﻤﻬﺎ ﻟﻴﺶ ﺗﺄﺧﺮﺕ ﻫﻠﻜﺪ
« ﺍﻱ ﻋﻠﻲ ﻧﻴﺎﺗﻜﻢ ﺗﺮﺯﻗﻮﻥ،،،ﺭﺣﻨﺎ ﻋﻠﻰ ﻭﺟﻬﻨﺎ ﻭﻫﻨﺎﻙ ﺑﺸﺮﺗﻨﺎ،، ﺍﻟﺪﻛﺘﻮﺭﻩ
ﻭﻫﺎ ﻳﺎﺷﻴﺦ ﺭﺍﺡ ﻳﺠﻴﻚ ﺣﻔﻴﺪ ﺍﻟﺦ
ﻭﺭﺍﺡ ﻫﻢ ﻳﺼﻴﺤﻚ ﺟﺪﻱ
ﺫﺑﻴﺖ ﺍﻟﻌﺒﺎﻳﻪ،،،ﻣﻦ ﺟﺘﻔﻲ ﻭﻋﺎﻳﻨﺖ
ﻟﻠﻴﻠﻪ ﺷﻠﻮﻥ ﺗﻔﺘﺮ ﻳﻤﻲ ﻭﺗﺤﺠﻲ
ﻭﺗﻀﺤﻚ،،،،، ﻭﺟﺎﻭﺑﺘﻬﺎ ﻭﺍﻧﻪ ﺍﻣﺸﻲ
ﺍﻟﻬﺎ
« ﺍﻳﻲ ﺍﻟﻠﻪ ﻳﻜﺜﺮﻫﻢ،،،ﻫﻢ
ﻭﻭﻟﺪﻱ ﻭﻳﻤﻠﻮﻥ ﻋﻠﻴﻪ
ﺩﺍﺭﻱ،،ﻭﺍﺷﻮﻑ ﻭﻟﺪ ﻭﻟﺪﻫﻢ
ﻭﻛﻔﺖ ﻣﻦ ﺳﻤﻌﺘﻪ ﺣﺠﻪ ﻫﻴﺞ
ﻭﺍﺑﺘﺴﻤﺖ ﺍﻟﻪ،،،ﻣﺣﻈﻨﻲ ﻣﻦ ﺧﺼﺮﻱ ﻭﺟﺮﻧﻲ ﻋﻠﻲ ﻭﺟﺎﻭﺑﺘﻪ
« ﺍﻣﻴﻦ ﺑﻌﺪ ﻗﻠﺒﻲ ،،،،
ﺳﻜﺘﺖ،،،ﻭﻇﻠﻴﺖ ﺣﺎﺿﻦ،،ﻟﻴﻠﻪ
ﻭﻗﺮﺑﺘﻬﺎ ﻟﺼﺪﺭﻱ ﺑﻌﺪ ﺍﻛﺜﺮ،،،ﻭﺣﺠﻴﺖ
ﻭﺍﻧﻪ ﺻﺎﻓﻦ ﺑﻌﻴﻮﻧﻬﺎ ﻭﺣﺴﻨﻬﺎ
« ﺍﻛﻮﻟﻦ،،،ﺍﻧﺘﻲ ﻟﻴﺶ ﻫﻴﺞ ﺣﻠﻮﻳﺘﻲ
ﻭﺭﻩ ﻣﺎﺟﺒﺘﻲ ﺍﻟﻮﻟﺪ
ﻣﻴﻠﺖ ﺭﺍﺳﻲ ﻋﻠﻰ ﺟﻬﻪ،،ﻭﺿﺤﻜﺖ
ﻭﺟﺎﻭﺑﺘﻪ
« ﻫﺎﻱ ﻋﺒﻦ ﻋﻴﻮﻧﻚ ﺣﻠﻮﺍﺕ ﺗﺸﻮﻓﻨﻲ
ﺣﻠﻮﻩ
« ﻻﺍﺍﺍﺍ ﻳﺒﻮﻭﻭﻭﻳﻪ،،،ﺍﻧﺘﻲ ﺣﻠﻮﻩ
ﻣﻦ ﻳﻮﻣﺞ،،،ﻻ ﻋﻴﻮﻭﻧﻲ ﻭﻻ ﻏﻴﺮ ﺷﻲ
ﺳﻜﺘﺖ ﻟﻠﺤﻈﻪ
ﻭﻛﻤﻠﺖ ،،،ﻭﺍﻧﻪ ﻫﺎﻳﻢ ﺑﻴﻬﺎ
« ﻟﻴﻠﻪ ﺗﺬﻛﺮﻳﻦ ﻣﻦ ﺷﻔﺘﺞ ﺍﻭﻝ ﻣﺮﻩ
ﻫﺰﻳﺖ ﺭﺍﺳﻲ ﺍﻟﻪ،،،ﻭﺷﻔﺖ ﻋﻴﻮﻭﻧﻪ
ﺗﻐﻴﺮﻥ ﻭﻧﻔﺴﻪ ﺻﺎﺭ ﺳﺮﻳﻊ،،
ﺧﻠﻴﺖ ﺍﻳﺪﻱ ﻋﻠﻰ ﺻﺪﺭﻩ،،،
ﻭﺟﺎﻭﺑﺘﻪ
« ﺍﻱ ﺭﺿﺎ،،،ﺍﺗﺬﻛﺮ
« ﺍﻧﻪ ﺑﺬﺍﻙ ﺍﻟﻴﻮﻡ ﺍﻟﺸﻔﺘﺞ ﺑﻲ
ﻣﺎﻧﻤﺖ،،،ﻭﻇﻠﻴﺖ بس افكر بيج
ﺳﻜﺘﺖ ﻣﺒﺘﺴﻤﻪ،،ﻭﻫﻮ ﻛﻤﻞ
« ﻭﻟﻠﺼﺒﺢ،،،ﻳﻠﻪ ﻏﻔﻴﺖ ﺷﻮﻳﻪ،،،ﻭﺣﻠﻤﺖ ﺑﻴﺞ،،،ﻭﺣﻠﻤﻲ ﺧﻼﻧﻲ ﺍﻋﺮﻑ،،ﺍﻧﻪ ﺍﻧﺼﺎﺩﻳﺖ
ﻣﻨﺞ،،ﻭﮔﻠﺒﻲ ﻋﺮﻑ ﺍﻟﺤﺐ ﺍﻟﻲ ﺟﻨﺖ
ﺍﺳﻤﻊ ﻋﻨﻪ ،،،،،
« ﻭﺍﻧﻪ ﻫﻢ ﺣﺒﻴﺘﻚ،،،ﺻﺪﮒ ﺑﺎﻟﺒﺪﺍﻳﻪ
ﻣﺎﺭﺩﺗﻚ
ﻭﺿﺠﺖ ﻻﻥ ﻟﺒﺴﺘﻨﻲ ﺑﻮﺷﻴﻪ ﺑﺲ
ﺑﻌﺪﻳﻦ
ﺣﺒﻴﺘﻚ ﻭﺗﻮﻟﻌﺖ ﺑﻴﻚ، ،ﻭﺻﺮﺕ ﻫﻮﺍﻱ
ﻭﺩﻧﻴﺘﻲ ﻛﻠﻬﺎ
« ﻣﻦ ﻏﻴﺮﺗﻲ ﻋﻠﻴﺞ،،،ﻋﺒﻦ ﻣﺎﺍﺭﻳﺪﻥ ﺍﺣﺪ ﻳﺸﻮﻑ ﺍﻟﺸﻔﺘﻪ،،،،،ﻭﻻﻥ ﺍﻧﺘﻲ ﺣﻠﻮﻩ ﻭﺗﺠﺬﺑﻴﻦ ﺍﻟﻌﻴﻮﻥ ﻏﺼﺒﺎ ﻣﺎﻋﻠﻴﻬﺎ
« ﺭﺿﺎ ﺭﺍﺡ ﺍﺻﻴﺮﻥ ﻣﻐﺮﻭﺭﻩ ﻣﻦ،ﻭﺭﻩ
ﻛﻼﻣﻚ
ﺑﺴﺘﻬﺎ ﻣﻦ ﺧﺪﻫﺎ،،،ﻭﺟﺎﻭﺑﺘﻬﺎ
« ﺻﻴﺮﻱ ﻳﺒﻌﺪ ﮔﻠﺒﻲ ،،،ﻳﻠﻮﻛﻠﺞ،،،
ﺍﻟﻐﺮﻭﺭ ﻭﺍﻟﺪﻻﻝ
ﺣﺎﻭﻃﺖ،،،ﺭﻛﺒﺘﻪ،،،ﻭﺑﺴﺘﻪ ﻣﻦ ﺷﻔﺎﻳﻔﻪ
ﺑﻬﺪﺅ كال بصوت متغير
« ﺑﻠﻴﻠﻪ ﻣﻦ ﺍﺭﺩ ﺍﺭﻳﺪﻥ ﺍﺷﻮﻓﺞ
ﻋﺮﻭﺱ،،،
ﻫﺰﻳﺖ ﺭﺍﺳﻲ ﺍﻟﻪ ﻭﺍﻧﻪ ﺿﺎﻳﻌﻪ ﺑﻌﻴﻮﻧﻪ ﻭﺳﻤﺎﺭﻩ،،، ﻧﺰﻟﻨﻲ ﻭﺩﻧﻚ ﻭﺑﺎﺳﻨﻲ
ﻣﻦ ﺭﻛﺒﺘﻲ،،،ﺑﺸﻤﻪ ﻧﻔﺲ ﻃﻮيل
،،،،،،
ﻧﺰﻟﺖ،،،ﺍﻧﻪ ﻭﻳﺎ ﻭﺷﺒﻞ
ﻭﻫﻮ ﺭﺍﺡ،،، ﻟﻠﻤﻀﻴﻒ،،ﻣﺎﻟﺘﻪ،،،،
ﻛﻌﺪﺕ ﻳﻢ ﺟﺪﺗﻲ،،،،ﻭﺍﻣﻪ،،،ﻭﺍﻟﺒﻨﺎﺕ،،
ﻧﺤﺠﻲ ﻭﻧﺴﻮﻟﻒ،،،
« ﺍﻛﻮﻟﻦ ﻳﻤﻪ ﻳﺎﻧﺒﻌﻪ،،،،،ﻃﻠﻌﺘﻲ
ﻣﻦ ﻣﺎﻝ ﺍﻟﻠﻪ،،،ﻫﺬﺍ ﺍﻟﺸﻬﺮ،،،
« ﺍﻳﻲ ﻳﻤﻪ ﻃﻠﻌﺖ،،،ﻭﺧﻠﻴﺖ ﺍﻟﻮﻟﺪ
ﻳﺬﺑﺤﻮﻥ،،،،ﻭﻭﻳﺰﻋﻮﺍ،،،ﻟﻠﻤﺤﺘﺎﺟﻴﻦ
ﻭﻭﻳﺎ
ﻣﻮﺍﺩ ﻏﺬﺍﺋﻴﻪ،،،
« ﺍﻳﻲ ﻋﻔﻴﻪ،،،ﻻﺗﻨﺴﻴﻦ ﻳﻤﻪ،،،
ﺧﻴﺮﻧﺎ ﭼﺜﻴﺮ،،،،،ﻭﻻﺯﻡ ﻧﻨﻄﻲ ﻟﻼﻭﺍﺩﻡ ﺍﻟﻤﺤﺘﺎﺟﻪ،،،
« ﻻﺗﻮﺻﻴﻨﻲ ﻳﻤﻪ،،ﺍﻧﻪ ﻣﺎﺍﻧﺴﻪ
« ﺍﺩﻳﺮﻳﺞ،،،ﻣﻌﺪﻟﻪ،،،ﻭﺷﻴﺨﻪ
ﻭﻣﺮﺕ ﺷﻴﺦ،،،ﻭﻣﺎﺗﻨﺴﻴﻦ ﺍﻟﻔﻘﻴﺮ
ﻭﺍﻟﻤﺤﺘﺎﺝ
ﺭﺍﺯﻗﻴﻪ ﺳﻜﺘﺖ،،،،ﻟﻠﺤﻈﻪ ﻭﺑﻌﺪﻳﻦ
ﻋﺎﻳﻨﺖ ﻟﻠﺒﻨﺎﺕ،،،ﻭﺣﺠﺖ
« ﻭﻟﺠﻦ ﺧﺎﻳﺒﺎﺕ
ﺗﻌﻠﻤﻦ ﻣﻨﻬﺎ،،،ﻭﺻﻴﺮﻥ ﻣﺜﻠﻬﺎ،،
« ﺑﻌﺪ ﻭﻛﺖ ﺟﺪﻩ ﻣﻦ ﻧﻜﺒﺮ ﻧﺼﻴﺮ
مثل جدتي ﻧﺒﻌﻪ
ﻣﺮﻳﻢ ﺟﺎﻭﺑﺘﻬﺎ،،،ﻭﻫﻲ ﺻﺎﺣﺖ ﺑﻴﻬﺎ
« ﺍﻧﺠﺒﻲ ﻭﻟﺞ،،،ﻭﺗﻌﻠﻤﻲ ﻣﻦ ﻫﺴﻪ
ﺍﻧﺘﻦ ﺑﻨﺎﺕ ﺷﻴﻮﺥ ﻭﻻﺯﻡ ﺗﺼﻴﺮ ﻋﻴﻮﻧﺠﻦ
ﻋﻠﻰ ﺍﻻﻭﺍﺩﻡ ﺍﻟﻤﺤﺘﺎﺟﻪ،،،ﻭﺗﺴﺎﻋﺪﻫﻢ
ﻗﺒﻞ، ،،ﻻﻳﺪﻛﻮﻥ ﺑﺎﺑﻜﻢ
ﺳﻜﺘﻨﺎ،،،،،ﻛﻠﻨﺎ ﻭﻫﻲ ﻛﻤﻠﺖ ﻭﻳﺎﻱ
« ﻭﺍﻧﺘﻲ ﻳﻤﺮﺕ ﺍﻟﺸﻴﺦ،،،،،ﺑﻌﺪ ﺷﺴﻮﻱ
ﺍﻡ ﺭﺿﺎ ﺗﻮﻛﻔﻴﻦ ﻭﻳﺎﻫﺎ ﻭﺗﺸﺎﺭﻛﻴﻬﺎ
ﺍﻧﺘﻲ ﻣﺮﺗﻪ،،،ﻭﻻﺯﻡ ﺍﻟﻜﻞ ﻳﻌﺮﻑ
ﻣﻨﻬﻲ ﻣﺮﺕ ﺍﻟﺸﻴﺦ ﺭﺿﺎ،،،،ﻭﻻﺯﻡ
ﻳﺼﻴﺮ ﺍﻟﺞ ﺻﻴﺖ ﺑﺎﻟﺪﻳﺮﻩ ﻻﺗﻈﻠﻴﻦ
ﺿﺎﻣﻪ ﺭﻭﺣﺞ،،،،،ﻭﻣﻦ ﺗﺠﻲ ﺍﻟﻨﺴﻮﺍﻥ
ﺗﻜﻌﺪﻳﻦ ﻭﻱ ﺍﻡ ﺭﺿﺎ ﻭﺗﻔﺘﻬﻤﻴﻦ
ﺷﻴﺤﺠﻦ،، ﻭﻭﺗﻌﻠﻤﻴﻦ ﻣﻨﻬﺎ
ﻋﺎﻳﻨﺖ،،،ﻻﻡ ﺭﺿﺎ ﺍﻟﻲ ﻫﺰﺕ ﺭﺍﺳﻬﺎ
ﺑﺎﻱ،، ﻭﺟﺎﻭﺑﺖ ﺟﺪﻩ ﺭﺍﺯﻗﻴﻪ
« ﺍﻱ ﺟﺪﻩ ﺍﻥ ﺷﺎﺀ ﺍﻟﻠﻪ،،،ﺍﺳﻮﻱ ﻣﺜﻞ ﻣﺎﻛﻠﺘﻲ
« ﺍﻱ،،،ﻳﺒﻌﺪ ﺷﻴﺒﻲ ﺍﺭﻳﺪﻧﺞ ﻓﺎﻫﻤﻪ ﻭﺭﺍﻛﺰﻩ
ﻭﺗﻤﺸﻴﻦ ﻟﻼﻭﺍﺩﻡ ﻣﻦ ﺗﺤﺘﺎﺟﺞ،،،ﺍﺭﻳﺪﻧﺞ ﺳﺒﻌﻪ ﻭﺫﻳﺒﻪ ﻣﺜﻞ ﺭﺿﺎ،،
ﺍﺑﺘﺴﻤﺖ ﻣﻦ ﻛﺎﻟﺖ ﺫﻳﺒﻪ ﻭﻫﻲ
ﺿﺤﻜﺖ ﻭﻛﻤﻠﺖ
« ﻋﻠﻰ ﺳﺎﻟﻔﻪ ﺍﻟﺬﻳﺐ، ،،،ﺍﺷﻮﻓﻦ
ﺭﺿﺎ ﻣﺎﻛﻀﺞ،،،ﺑﻐﺮﻓﺘﻪ،، ﻣﺜﻞ ﻛﻞ ﻣﺮﻩ
ﻭﻧﺰﻝ ﺑﺴﺮﻋﻪ
ﻋﻀﻴﺖ ﺷﻔﺘﻲ ﻭﺍﻣﻪ،،ﺍﺷﺮﺕ ﻟﻠﺒﻨﺎﺕ
ﻭﻫﻲ ﺭﺩﺗﻬﺎ
« ﺧﺎﻳﺒﻪ ﺍﺳﻜﺘﻲ،،،ﺗﺮﺍﻫﻦ ﺻﺎﺭﻥ
ﺍﻓﻬﻢ ﻣﻨﻲ ﻭﻣﻨﺞ ﺑﻬﺎﻱ ﺍﻟﺴﻮﺍﻟﻒ
ﺿﺤﻜﺖ ﻣﻦ ﺷﻔﺖ ﺍﻟﺒﻨﺎﺕ،،،ﺩﻧﻜﻦ
ﺭﺍﺳﻬﻦ ﻭﻛﺎﻣﻦ ﻳﻀﺤﻜﻦ،،،،ﻭﻫﻲ ﻛﻤﻠﺖ
ﻣﻦ ﺷﺎﻓﺖ،،،ﺍﻟﺒﻄﻞ ﺑﺎﻟﻤﺴﻠﺴﻞ ﺑﺎﺱ
ﺍﻟﺒﻄﻠﻪ
« ﺍﻓﺎﺍﺍ ﺷﻮﻓﻲ ﻳﺎﻧﺒﻌﻪ،،،ﻭﺍﻛﻮﻟﻦ ﻟﻴﺶ ﻣﭽﺎﺑﻠﺘﻪ ﻟﻠﺘﻠﻔﺰﻳﻮﻥ،،،ﺍﺛﺎﺭﻱ،،،ﻛﻠﻪ
ﺑﻮﺳﺎﺕ،،،ﻭﻳﻨﻪ ﺭﺿﺎ ﻋﻨﺠﻦ ﻭﺭﻭﺡ
ﺑﻮﻭﻳﻪ ﺍﻻ ﺍﻛﻠﻪ ﻋﻠﻴﺠﻦ ﻛﺎﻋﺪﺍﺕ ﻭﻓﺎﻛﺎﺕ
ﺣﻠﻜﭽﻦ،،،ﻋﻠﻰ ﻫﺎﻱ ﺍﻟﺴﻮﺍﻟﻒ ﺍﻟﺠﺎﻳﻔﻪ
ﺍﻟﺒﻨﺎﺕ ﻛﻠﻬﻦ ﺻﺎﺣﻦ
« ﻻﺍﺍﺍ ﺟﺪﻩ،، ﺍﻟﻠﻪ ﻳﺨﻠﻴﺞ ﻻﺗﺤﺠﻴﻦ ﺍﻟﻪ ﻭﺍﻟﻠﻪ ﺑﻌﺪ ﻣﺎﻳﺨﻠﻴﻨﺎ ﻧﺸﻮﻑ ﻛﻠﺸﻲ
ﻛﻤﺖ ﻣﻦ ﻣﭽﺎﻧﻲ،،،،ﻭﺭﺣﺖ ﺍﻟﻬﺎ
ﻭﺧﻠﻴﺖ ﺷﺒﻞ ﺑﺤﻈﻨﻬﺎ،،،ﻭﺳﺎﻟﺘﻬﺎ
ﻭﺍﻧﻪ ﺍﺿﺤﻚ،،
« ﺟﺪﻩ ﻣﺎﺗﺮﻳﺪﻳﻦ،،،ﺑﻘﻼﻭﻩ،،
ﻭﺷﺮﺑﺖ،،،،،زبيب،،ﻋﺼﺮﺗﻪ ﻗﺒﻞ
ﺷﻮﻳﻪ،،
ﻋﺎﻳﻨﺖ،،،ﻋﻠﻴﻪ،،،ﺑﻌﻴﻮﻥ ﺗﻀﺤﻚ
ﻭﺟﺎﻭﺑﺘﻨﻲ،،،،
« ﺍﻳﻲ ﺍﻣﺸﻲ،،،ﺟﻴﺒﻠﻲ،،ﻭﻭﻳﺎﺝ ﻛﻼﺹ
ﻣﻲ ﺑﺎﺭﺩ ﮔﻠﺒﻲ ﺍﺣﺴﻨﻪ ﺻﺎﺭ ﺣﺎﺭ
« ﻣﻦ ﻋﻴﻮﻧﻲ،،،،ﺍﺩﻟﻠﻲ
ﺣﺠﻴﺖ ﻫﻴﺞ،،،ﻭﻃﻠﻌﺖ ﻣﻦ ﺍﻟﻬﻮﻝ،،،،
ﻭﺯﻫﺎﺀ ﻭﻳﺎﻱ،،،ﻋﺎﻳﻨﺖ ﺍﻟﻬﺎ ﻣﻦ ﺣﺠﺖ
« ﺣﻘﺞ ﮔﻠﺒﺞ ﺣﺎﺭ ﻏﻴﺮ ﻣﻦ ﻭﺭﻩ ﺍﻟﻘﺼﻒ ﻣﺎﻟﺘﺞ ﻭﺍﻻﻭﺍﻣﺮ، ،،ﺍﻟﻲ ﻣﺎﺗﺨﻠﺺ
« ﻫﺎﺍﺍ ﺯﻫﺎﺀ ﺍﺷﻮﻓﻨﺞ ﺿﺎﻳﺠﻪ ﺷﻤﺎﻟﺞ
ﺣﺠﻴﺖ ﻫﻴﺞ،،،ﻭﻃﻠﻌﺖ ﺷﺮﺑﺖ ﺍﻟﺒﻄﻴﺦ ﻣﻦ ﺍﻟﺜﻼﺟﻪ،،،ﻭﻛﻤﺖ ﺍﺻﺒﻪ،،،ﻟﻠﻜﻞ ﻭﻫﻲ
ﺗﺨﻠﻲ ﺍﻟﺒﻘﻼﻭﻩ ﻭﺍﻟﺠﺒﺲ ﻭﺍﻟﺤﺐ
ﺑﺼﻴﻨﻴﻪ
« ﻟﻴﻠﻪ ﺍﻧﻪ ﻣﻮ ﻣﺮﺗﺎﺣﻪ ﻭﺿﺎﻳﺞ ﺧﻠﮕﻲ
ﺍﺭﻳﺪﻥ ﺍﻃﻠﻊ، ،ﻟﻤﭽﺎﻥ،،،ﺑﻲ ﻫﻮﻩ
ﺍﺭﻳﺪﻥ ﺍﺗﻨﻔﺲ،،،ﻣﻠﻴﺖ،،،ﻣﻦ ﺍﻟﺒﻴﺖ
ﻭﺣﻴﺎﻃﻴﻨﻪ،،،
ﺍﻧﺪﺍﺭﻳﺖ،، ﻋﻠﻴﻬﺎ ﻭﺷﻔﺘﻬﺎ ﺷﻠﻮﻥ ﺗﺤﺠﻲ ﺑﻘﻬﺮ ﻭﺿﻮﺟﻪ،،،ﻭﺟﺎﻭﺑﺘﻬﺎ
« ﻻﺗﻀﻮﺟﻴﻦ،،،ﺑﻌﺪ ﮔﻠﺒﻲ ﺑﺎﺟﺮ ﺍﺧﺬﺟﻦ ﻛﻠﺠﻦ ﻭﻧﺴﻴﺮ ﻋﻠﻰ ﺍﻫﻠﻲ،،،،ﻧﻜﻌﺪ
ﭼﻢ،،،ﺳﺎﻋﻪ ﻭﻧﺮﺩ ﻭﺭﻩ ﺍﺫﺍﻥ ﺍﻟﻤﻐﺮﺏ
« ﺻﺪﻙ ﻟﻴﻠﻪ،،،
« ﺍﻱ ﻭﺍﻟﻠﻪ،،،،،،ﻻﻥ ﺍﻧﻪ ﻫﻢ ﺍﺭﻳﺪﻥ
ﺍﺭﻭﺡ ﺍﺷﻮﻓﻦ ﺍﻣﻲ ﻭﺍﻟﺒﻨﻮﺍﺕ
« ﺑﺲ ﺍﺧﺎﻓﻦ ﺑﻮﻭﻳﻪ ﻣﺎﻳﻘﺒﻞ
« ﻻ ﻳﻘﺒﻞ،،،ﺍﻧﻪ ﺍﻛﻠﻪ،،،ﻭﻫﺴﻪ
ﻳﺎﻟﻪ ﺍﻣﺸﻲ،،،ﺍﺧﺎﻓﻦ ﻧﺤﺼﻞ ﺭﺯﺍﻟﻪ ﻣﻦ ﺟﺪﺗﻲ ﺍﺫﺍ ﺗﻮﺧﺮﻧﻪ ﻋﻠﻴﻬﺎ
ﻫﺰﻳﺖ ﺭﺍﺳﻲ ﺑﺎﻱ ﻭﻃﻠﻌﺖ ﺍﻣﻪ ﻭﻟﻴﻠﻪ ﻣﻦ ﺍﻟﻤﻄﺒﺦ،،،ﻭﺭﺣﻨﺎ ﻟﻠﻬﻮﻝ
ﻛﻌﺪﺕ ﻭﺍﻧﻪ ﺍﻋﺎﻳﻦ،، ﻟﻠﻜﻞ ﺷﻠﻮﻥ ﻳﻀﺤﻚ
ﻭﻳﺤﺠﻲ ﺑﺪﻭﻥ ﻫﻢ،،،ﻭﺫﺑﻴﺖ ﺣﺴﺮﻩ ﻣﻦ ﮔﻠﺒﻲ ،،،،،،ﻭﺗﺬﻛﺮﺕ ﻭﺍﻧﻪ ﻣﻮ ﻧﺎﺳﻴﻪ
ﺗﺬﻛﺮﺕ ﻫﻤﻲ ﺍﻟﻲ ﺳﻜﻦ ﮔﻠﺒﻲ ﻣﻦ ﻭﺭﻩ ﻣﺤﻤﺪ ﻭﻛﻼﻣﻪ ﻭﻳﺎﻳﻪ،،،
ﻛﻢ ﻣﺮﻩ ﻭﻛﻔﺖ ﻛﺪﺍﻡ ﺍﻟﻤﺮﺍﻳﻪ،،،ﻭﺻﻔﻨﺖ ﻋﻠﻰ ﻭﺟﻬﻲ،،،،،،ﻭﺍﻧﻪ ﺍﺭﺩﺩ
ﻫﻮﻭﻭ ﻣﺎﻳﺮﻳﺪﻧﻲ،،،ﻋﺒﻦ ﺍﻧﻪ ﻣﻮ
ﺣﻠﻮﻩ ﻭﻣﻮ ﻣﺜﻘﻔﻪ،،،،،،،،ﻏﺼﻪ
ﺑﮕﻠﺒﻲ ﺻﺎﺭﺕ
ﻭﺧﻠﺘﻨﻲ ﺍﺑﺠﻲ ﻭﺍﺣﺠﻲ ﺑﻘﻬﺮ
ﻟﻮ ﺫﺍﺑﺤﻨﻲ ﺑﺨﻨﺠﺮ ﻭﻻ ﺣﺎﺟﻲ
ﻫﻴﺞ،،،،ﺟﻨﺖ ﺍﻟﺰﻡ ﻭﺟﻬﻲ، ،ﻭﺍﻋﺎﻳﻦ ﻟﺴﻤﺎﺭﻱ ،، ﻭﻟﻌﻴﻮﻧﻲ،
ﺍﻟﻜﻞ ﻳﻜﻮﻟﻮﻥ ﻋﻠﻴﻪ ﺣﻠﻮﻩ،،،،ﻭﺍﺷﺒﻪ
ﺍﻟﻬﻨﺪﻳﺎﺕ،،،ﻭﺍﻧﻪ ﺍﻋﺮﻑ ﺍﻛﺘﺐ ﻭﺍﻗﺮﻩ
ﻋﺒﻦ ﻣﻜﻤﻠﻪ ﺛﺎﻟﺚ ﻣﺘﻮﺳﻂ
ﻭﺑﻮﻭﻳﻪ،،،ﺟﺎﻥ ﻳﺠﻴﺒﻠﻲ ﻗﺼﺺ ﻫﻮﺍﻳﻪ ﻭﺍﻛﻌﺪ ﺍﻗﺮﻫﺎ،،،،،،ﻳﻌﻨﻲ ﺍﻧﻪ ﻣﻮ ﺟﺎﻫﻠﻪ
ﺍﻟﻲ ﺟﺎﻧﺖ ﺍﺷﻮﻓﻪ ﺑﻌﻴﻮﻥ ﺍﻟﻜﻞ
ﻣﺎﺷﻔﺘﻪ ﺑﻌﻴﻮﻥ ﻣﺤﻤﺪ،،،ﻭﻛﻼﻣﻪ ﺍﻟﻲ
ﺧﻼﻧﻲ ﺍﻛﺮﻩ،،،ﻭﻣﺎﺃﻃﻴﻘﻦ ﺷﻮﻓﺘﻪ،،،
ﻭﻋﺪﺍﻟﻲ ﺑﻮﻭﻭﻳﻪ،، ﻳﺨﻠﺼﻨﻲ ﻣﻨﻪ ﻣﻦ ﺣﺠﻴﺖ ﺍﻟﺼﺎﺭ ﺍﻟﻪ،،،ﺑﺲ ﻫﻮﻭ
ﺟﺬﺏ، ،،،ﻭﻧﻜﺮ ﻛﻼﻣﻪ،،،ﻭﺧﻠﻪ ﺑﻮﻭﻳﻪ
ﻳﺰﻋﻞ ﻋﻠﻴﻪ،، ﻛﺮﻫﻲ ﺯﺍﺩ ﺍﻟﻪ،،،،ﺑﺲ
ﻣﻜﺪﺭﺕ ﺍﺳﻮﻱ ﺷﻲ ﻭﺳﻜﺘﺖ،،
ﻻﻥ ﺍﻋﺮﻓﻦ ﺑﻮﻭﻳﻪ
ﻭﻃﺒﻌﻪ،، ﻣﺎﻋﻨﺪﻩ ﻣﺮﻩ ﺗﻮﻛﻒ ﺑﻮﺟﻬﻪ ﻭﺗﻌﺎﻧﺪﻩ،،،،ﺣﺘﻰ ﻭﻟﻮ ﺟﺎﻧﺖ ﻏﺎﻟﻴﻪ
ﻭﻋﺰﻳﺰﻩ ﻭﻫﺎﻱ ﻟﻴﻠﻪ ﺍﺑﺴﻂ ﻣﺜﺎﻝ
ﻗﺴﻰ ﻋﻠﻴﻬﺎ ﻭﺿﺮﺑﻬﺎ ﻣﻦ ﺭﺍﺩ ﻳﺮﺩ ﺍﻣﻲ
ﻭﻫﻲ ﻣﺎﻗﺒﻠﺖ،،
ﻫﺬﺍ ﺍﺣﻨﺎ ﻣﺎﻟﻨﺎ ﭼﻠﻤﻪ ﻣﻦ ﺑﻌﺪ ﺍﻟﺸﻴﺦ
ﻭﻻﺯﻡ ﻧﺴﻤﻊ ﺍﻟﻲ ﻳﻜﻮﻟﻪ ﻭﻧﻨﻔﺬ ﺍﻻﻭﺍﻣﺮ
ﺑﺪﻭﻥ،،،،، ﺍﻋﺘﺮﺍﺽ،،
ﻣﺠﺘﻤﻊ ﻇﺎﻟﻢ،،،،ﻟﻠﻤﺮﺃﻩ،،،
ﻭﻣﺮﺍﺕ ﺍﺣﺠﻲ ﻭﺍﻛﻮﻝ ﻭﻱ ﻧﻔﺴﻲ
ﻟﻮ ﺭﺏ ﺍﻟﻌﺎﻟﻤﻴﻴﻦ ﻣﻮ ﺧﺎﻟﻘﻨﻲ ﻣﺮﻩ
ﻫﻮﺍﻳﻪ ﺍﺣﺴﻨﻠﻲ،،،،،
،،،،،،،،،،،،،،،
ﺣﺮﻳﻪ ﺍﻟﺮﺟﻞ ﺑﻤﺠﺘﻤﻌﻨﺎ ﺍﻟﺸﺮﻗﻲ
ﺣﺮﻳﻪ،،،،،،ﺑﺪﻭﻥ ﻗﻴﻮﺩ ﻋﻜﺲ ﺍﻟﻤﺮﺃﻩ،،،
ﺍﻟﻲ ﺗﻘﻴﺪﺕ ﺑﻘﻴﻮﺩ ﺍﻟﻌﻴﺐ،،،،،ﻭﺍﻟﺤﺮﺍﻡ
ﻗﻴﻮﺩ ﻻ ﺍﻟﺰﻣﻦ ﻭﻻ ﺍﻟﺘﻘﺪﻡ
ﻛﺪﺭﻭﺍ ﻳﻜﺴﺮﻭﻫﺎ،،،ﻭﻻ ﻳﻐﻴﺮﻭﻫﺎ
ﻭﻇﻠﺖ ﺍﻟﻤﺮﺍﻩ ﻣﻨﻘﺒﻪ ﺑﻨﻘﺎﺏ ﺍﺳﻮﺩ
ﺍﺳﻤﻪ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻌﺸﺎﺋﺮﻳﻪ
،،،،،،،،،
ﻛﻤﻠﺖ ﻏﺴﻞ ﺍﻟﻤﻮﺍﻋﻴﻦ،،،،،ﻭﺭﺣﺖ
ﺍﺧﺬﺕ ﺷﺒﻞ،،،ﻣﻦ ﺍﻡ ﺭﺿﺎ
ﺑﻮﺳﺖ ﺷﺎﻫﻴﻦ،،،ﻭﻋﻔﺘﻪ ﻳﻤﻬﺎ،،،ﻻﻥ ﻫﻲ ﻣﺎﺗﻘﺒﻞ ﺍﺧﺬﻩ،،،ﻭﺻﻌﺪﺕ ﻟﻠﻐﺮﻓﺘﻲ
ﻃﺒﻴﺖ،،،ﺭﺣﺖ ﺳﻮﻳﺖ ﻣﻤﻪ ﺍﻟﻪ ﻭﻛﻌﺪﺕ
ﺍﺭﺿﻊ ﺑﻲ،، ﻣﻦ ﺷﻔﺘﻪ ﻣﺎﻧﺎﻡ ﺣﻠﻠﺘﻪ ﻭﺧﻠﻴﺘﻪ
ﻋﻠﻰ ﺍﻟﻔﺮﺍﺵ ﻭﺣﺎﻭﻃﺘﻪ ﺑﻤﺨﺎﺩﻳﺪ،،
لبست دشادش نوم جانت عندي
مضمومه صايره ضيگه
عليه لان سمنت
بهل الشهر
رضا طب شافني صفن وابتسم حجيت
بخجل
هاي صايره ضيگه عليه لان
ﺳﻤﻨﺖ ﺷﻮﻳﻪ،،
اجه ليمي ويعاين عليه باعجاب رد
مبتسم
« ﺷﻮﻳﻪ،،
« ﺭﺿﺎﺍﺍ
ﻧﺪﻫﺖ ﺍﺳﻤﻪ ﺑﺰعل ووخرت کضني من خصري
يضحك بصوت و جابني علي
هههههه شبيج بويه روحج صايرة بخشمج
وماتحبين شويه شقه
« رضا عفيه صدك انه سمنانه هوايه
لا شويه ولايك الج
ابتسمت اله كال
مشتاگ الج
وانه هم
رديت علي وشفت شوگه فعل
ﺍﻟﻌﺼﺮ ﺍﺟﻪ،،، ﺑﺴﺮﻋﻪ ﻭﺍﺧﺬﺕ ﺍﻟﺒﻨﺎﺕ
ﻛﻠﻬﻦ ﻟﺒﻴﺖ ﺍﻫﻠﻲ،،،
ﺑﻌﺪ ﻣﺎﺗﺮﺧﺼﺖ ﻣﻦ،،،ﺭﺿﺎ
ﺗﻤﺸﻴﺖ ﻭﻳﺎﻫﻦ ﻟﻠﺒﺴﺘﺎﻥ،،،ﻭﺑﺲ ﻭﺻﻠﺖ
ﻟﻴﻢ ﺑﻴﺖ ﺍﻫﻠﻲ ﻭﺧﺮﺕ ﺍﻟﺒﻮﺷﻴﻪ
ﺟﻨﺖ ﺷﺎﻳﻠﻪ ﺷﺎﻫﻴﻦ
ﻭﺯﻫﺎﺀ ﺷﺎﻳﻠﻪ،،،ﺷﺒﻞ ﺍﻟﻲ ﺧﺒﺼﻬﺎ
ﺑﺎﻟﺒﺠﻲ ،،،،ﻭﻗﺒﻞ ﻻﻧﻮﺻﻞ ﻻﻫﻠﻲ
ﺷﻔﺖ ﺍﺧﻮﻳﻪ ﺣﺴﻴﻦ ﺟﺎﻱ ﻣﻦ ﻃﺮﻑ ﺍﻟﺒﺴﺘﺎﻥ ﺍﻟﺜﺎﻧﻲ
حسين
ﻭﻛﻔﺖ ﻭﻋﺎﻳﻨﺖ،،،ﻟﺒﻨﺖ ﺭﺿﺎ،،
ﻣﻦ ﺷﻔﺘﻬﺎ ﺟﺎﻳﻪ ﻭﻱ ﻟﻴﻠﻪ ﻋﻠﻰ ﺑﻴﺘﻨﺎ
ﻭﺗﻤﺸﻴﺖ ﺑﻬﺪﺅ ﻭﺍﻟﮕﻠﺐ اختلفت دگاته
ﺳﻠﻤﺖ
« ﺍﻟﺴﻼﻡ عليكم
« ﻫﻼ ﺣﺴﻴﻦ،،،،
ﻟﻴﻠﻪ ﺭﺩﺕ،،،،ﻭﺍﻟﺒﻨﺎﺕ ﻭﻳﺎﻫﻦ،،، ﺭﻓﻌﺖ ﺭﺍﺳﻲ ﻭﺻﻔﻨﺖ ﻋﻠﻴﻬﺎ ﻟﻠﻲ ﺷﻐﻠﺖ
ﺍﻟﻌﮕﻞ ﻭﺍﻟﮕﻠﺐ ﻭﺣﺠﻴﺖ ﻭﺍﻧﻪ ﻣﺮﺗﺒﻚ
« ﻫﺬﺍ ﺷﺒﻲ ﻳﺒﺠﻲ،،،
« ﻭﺍﻟﻠﻪ ﻣﺎﺍﺩﺭﻱ ﻳﻤﻜﻦ ﻋﻨﺪﻩ ﻣﻐﺺ
ﻣﺎﺗﺸﻮﻓﻪ ﺷﺒﻲ ،،،ﻳﺒﻨﺎﺕ ﻃﺒﻦ،،،
ﺟﻮﻩ ،،،
ﻫﺰﻳﺖ ﺭﺍﺳﻲ،،،ﻻﺧﺘﻲ ﻣﻦ ﻃﺒﺖ
ﻭﻣﺸﻴﺖ
ﻟﻠﺴﻤﺮﻩ،،،ﺍﻟﻲ ﺟﺎﻧﺖ ﻣﺪﻧﻜﻪ ﺭﺍﺳﻬﺎ
ﻭﻣﺒﻴﻦ ﻋﻠﻴﻬﺎ ﺍﻟﺨﺠﻞ،،،
ﻣﺪﻳﺖ ﺍﻳﺪﻱ ﻋﻴﻮﻧﻲ ﻋﻠﻴﻬﺎ ﻭﺑﺲ
عاينت ﻋﻠﻴﻪ،، ،، ﺭﻳﻜﻲ ﻣﻜﺪﺭﺕ ﺍﺑﻠﻌﻪ
ﻭﺿﺎﻋﺖ ﻋﻠﻮﻣﻲ،،،،
ﺍﻧﻄﻴﺖ،،،ﺷﺒﻞ ﻻﺧﻮ ﻟﻴﻠﻪ
ﻭﺑﺲ ﻃﺨﺖ ﺍﻳﺪﻱ ﺑﺎﻳﺪﻩ،،،ﺣﺴﻴﺖ
ﺑﻜﻠﺒﻲ ﺭﺟﻒ،،،،،،ﻭﻧﺎﺭ ﺻﻌﺪﺕ ﻟﻠﺨﺪﻭﺩﻱ
ﺍﺣﺴﺎﺱ ﻣﺎﻋﺮﻓﺘﻪ،ﻭﻻ ﺣﺴﻴﺘﻪ
ﺻﻔﻨﺖ ﺑﻌﻴﻮنه باعجاب
ﻣﻦ ﺷﻔﺘﻬﻦ ﺻﻔﺮ ﻭﻟﻮﻧﻬﻦ ﻣﺜﻞ ﺍﻟﺠﺎﻱ ﺍﻟﺨﻔﻴﻒ،،،ﻋﺎﻳﻨﺖ ﻋﻠﻲ،،ﻭﻋﻠﻲ ﺷﻮﺍﺭﺑﻪ ﺍﻟﺸﻜﺮ،،،ﻭﻟﺤﻴﺘﻪ
همس
« ﻭﻛﻌﺖ والله
ﺭﺟﻌﺖ ﻟﻴﻮﺭﻩ ﻭﺩﻧﻜﺖ ﺭﺍﺳﻲ ﻣﺸﻴﺖ
ﺑﺴﺮﻋﻪ،،،ﻭﺍﻧﻪ ﺍﺭﺟﻒ،،
ﻃﺒﻴﺖ ﻭﻛﻌﺪﺕ ﺭﺍﺳﻦ،،،ﻭﻧﺴﻴﺖ ﺍﺳﻠﻢ
ﻋﻠﻰ ﺍﻡ ﻟﻴﻠﻪ ﻭﻧﺴﻮﺍﻥ ﺍﺧﻮﺗﻬﺎ
ﻭﻭﻳﻦ ﻳﻠﻪ ﺣﺴﻴﺖ،،،ﻣﻦ ﺍﺷﺮﺕ
ﻣﺮﻳﻢ ﺍﻟﻲ
ﻛﻤﺖ ﻭﺳﻠﻤﺖ ﻭﺍﻧﻪ ﺍﺣﺲ ﺑﺎﻟﻌﻴﻮﻥ ﻋﻠﻴﻪ
ﻭﻣﻦ ﺳﺎﻟﺘﻨﻲ ﻟﻴﻠﻪ ﻓﺰﻳﺖ
« ﺷﺒﻴﺞ ﺯﻫﺎﺀ،،،ﻟﻴﺶ ﻭﺟﻬﺞ ﺍﺣﻤﺮ
« ﻫﺎﺍﺍ .
ﺣﺠﻴﺖ ﻫﻴﺞ ﻭﺑﻠﻌﺖ ﺭﻳﻜﻲ ﺍﻟﻴﺎﺑﺲ ﻭﺟﺎﻭﺑﺘﻬﺎ ﺑﺠﺬﺏ
« ﻣﻦ ﺍﻟﺤﺮ ﻟﻴﻠﻪ،،،
« ﺍﻱ ﻭﺍﻟﻠﻪ، ، ﺍﻟﺤﺮ ﻫﺎﻱ ﺍﻟﺴﻨﻪ ﻣﻮﺵ ﻃﺒﻴﻌﻲ،
ﻧﻌﻴﻤﻪ ﺣﺠﺖ ﻫﻴﺞ،،،ﻭﻫﻲ ﺗﺼﺐ ﻣﺎﻱ
ﺍﻟﻨﺎ،، ﻛﻌﺪﺕ ﺑﺼﻒ ﺍﻣﻲ،،ﻭﻭﺭﻩ
ﺩﻗﺎﺋﻖ
ﻃﺒﺖ ﺯﻫﻮﺭﻩ،،،ﺷﺎﻳﻠﻪ ﺷﺒﻞ
ﻭﻛﺎﻟﺖ
« ﺣﺴﻴﻦ ﻳﻜﻮﻝ ﺍﺑﻨﺞ ﻋﻨﺪﻩ ﻏﺎﺯﺍﺕ
ﻭﻣﻐﺺ ﻗﻮﻱ،،ﺑﺒﻄﻨﻪ،،،
« ﻭﺍﻛﻮﻟﻦ ﻟﻴﺶ بسه ﻳﺒﺠﻲ،،،
« ﻳﺎﻳﻤﻪ ﺍﺧﺪﺭﻟﻪ،،،ﺣﺒﻪ ﺣﻠﻮﻩ ﻭﺍﻧﻄﻲ ﺍﻟﻪ
ﻭﺍﻟﻠﻪ ﻻﻳﻨﺎﻡ ﻣﺮﺗﺎﺡ ﻭﺑﻌﺪ ﻣﺎﻳﻌﺬﺑﺞ
« ﻣﻦ ﺍﺭﺟﻊ ﺍﺳﻮﻱ ﺍﻟﻪ،،،
« ﺗﻌﺎﻝ ﻳﺒﻌﺪ جدتك ، ﺑﻄﻨﻚ
ﺗﻮﺟﻌﻚ
ﻋﺎﻳﻨﺖ ﻻﻣﻲ ﺷﻠﻮﻥ،،،ﺧﻠﺘﻪ ﻋﻠﻰ
ﺑﻄﻨﻪ ﻭﻛﺎﻣﺖ ﺗﻔﺮﻙ ﺑﻀﻬﺮﻩ ﻭﺗﻘﺮﻩ،،
ﻭﻣﻦ ﻛﺎﻡ ﻳﻄﻠﻊ ﺻﻮﺕ،، ﺿﺤﻜﻨﺎ ﻛﻠﻨﺎ
ﻭﺍﻧﻲ ﻭﻳﺎﻫﻢ
« ﺍﻳﻴﻲ ﺍﺿﺤﻜﻲ ﻳﺎﻟﻔﻄﻴﺮﻩ،،،ﺍﺑﻨﺞ
ﻣﺤﺸﻮﺭ ﻣﻦ ﻭﺭﻩ ﺍﻟﻐﺎﺯﺍﺕ،،، ،،
ﻭﺷﻮﻓﻲ،،،ﺑﺲ ﻃﻠﻌﻬﻦ ﺭﺍﺡ ﻳﺮﺗﺎﺡ
ﻭﻳﻨﺎﻡ
ﺳﻜﺘﺖ ﻭﺍﺧﺬﺕ ﻛﻠﻴﺠﻪ ﻣﻦ ﺍﻟﻤﺎﻋﻮﻥ
ﻭﻛﻌﺪﺕ ﺍﻛﻠﻬﺎ ﻭﻱ ﺍﻟﺠﺎﻱ
« ﻳﻤﻪ ﺻﺪﻙ ﺑﻨﺖ ﺣﺠﻲ ﻃﺎﻟﺐ ﺧﺎﻃﺒﻬﺎ ﻭﺍﺣﺪ ﻣﻮ ﻣﻦ ﺩﻳﺮﺗﻨﺎ،،
« ﻳﺎﻫﻮﻭ ﻣﻨﻬﻦ، ،،
« ﺳﻬﺎﺩ ،،ﻫﻲ ﺑﺲ ﻫﺎﻱ ﺍﻟﻲ ﻇﻠﺖ
« ﻫﺎﺍﺍ ﺍﻳﻲ ﻳﻤﻪ،،ﺻﺪﻙ ﻻﻥ ﺭﺿﺎ ﻛﺎﻝ
ﺍﺳﺒﻮﻉ ﺍﻟﺠﺎﻱ ﻋﻘﺪﻫﺎ
« ﺍﻳﻲ ﻫﻤﺰﻳﻦ ﻻﻥ ﺧﻄﻴﻪ ﻛﺒﺮﺕ ﻭﻣﺤﺪ ﺍﺧﺬﻫﺎ ﺑﺲ ﻳﺎﻳﻤﻪ،،،ﺍﻟﻮﻟﺪ ﺯﻳﻦ ﻳﻌﻨﻲ
ﻳﻌﺮﻓﻮﺍ ﺳﺎﻟﻮﺍ ﻋﻠﻲ
« ﻭﺍﻟﻠﻪ ﻳﺎﻳﻤﻪ ﺭﺿﺎ ﻣﻮ ﺭﺍﺿﻲ ﻋﻠﻲ
ﻻﻥ ﺣﺴﺐ ﻛﻼﻣﻪ،،،ﻳﻜﻮﻝ ﻻﺍﺻﻞ ﻭﻻﻓﺼﻞ
ﻭﻣﺎﻳﻨﻌﺮﻑ ﻣﻨﻴﻴﻦ ﻫﻮﻭﻭ
ﻭﺷﻜﻠﻪ ﻣﺎﻳﻄﻤﻦ
« ﻳﺎﺩﺍﺩﺍ ،،،ﭼﺎ ﺷﻠﻮﻥ ﺍﻧﻄﻬﺎ،،،
ﺍﻟﺤﺠﻲ ﺍﻟﻪ
« ﻭﺍﻟﻠﻪ ﻳﺎﻳﻤﻪ ﻣﻦ ﺣﺠﻪ ﺭﺿﺎ ﺟﺎﻭﺑﻪ
ﻫﻮ ﻣﺎﻳﺮﻳﺪﻥ ﻳﻮﻛﻒ ﺑﻘﺴﻤﺘﻬﺎ ﻻﻥ
ﻫﻲ ﻛﺒﺮﺕ،،،ﻭﻳﺨﺎﻑ ﺍﻟﻠﻪ ﺑﻴﻬﺎ
« ﻫﺎﺍﺍﺍ ﺣﻘﻪ ﻳﻤﻪ،،،،،،،
ﻭﺍﻟﻠﻪ ﻳﻤﺸﻲ ﻗﺴﻤﺘﻬﺎ،،،ﻋﻠﻰ ﺧﻴﺮ
« ﺍﻣﻴﻦ ﻳﻤﻪ،،،
ﺣﺠﻴﺖ ﻫﻴﺞ،،،ﻭﻋﺎﻳﻨﺖ،،،ﻟﺰﻫﺮﻩ ﺷﻠﻮﻥ ﺗﻤﺸﻲ ﺑﺼﻌﻮﺑﻪ،،،،،ﻣﻦ ﻭﺭﻩ ﺑﻄﻨﻬﺎ
ﻭﺣﺠﻴﺖ ﺑﻀﺤﻚ
« ﺑﻌﺪ ﺷﻮﻳﻪ ﻭﺍﻃﻜﻴﻦ ﻋﻠﻴﻨﺎ،،،
« ﻋﺪﺍﻟﺞ ﻣﻮﻭ ﺻﺪﻙ،،،ﻭﺍﻟﻠﻪ ﺍﻧﻪ ﻫﻢ ﻛﻠﺖ ﻻﺧﻮﺝ ﻫﻴﺞ،، ﻭﻫﻮ ﻳﻀﺤﻚ،،،ﻭﻳﻜﻮﻝ
ﻣﻦ ﻳﺸﻮﻓﻨﻲ ﺍﺟﻲ ﺍﻣﺸﻲ،،،
ﻭﺧﺮﻭﺍ ﺍﺟﺘﻲ ﺍﻟﻤﻔﺨﺨﻪ ﻫﺴﻪ
ﺍﻃﻚ ﻋﻠﻴﻨﺎ
ﺿﺤﻜﻨﺎ ﻛﻠﻨﺎ،،،،،ﻭﺯﻫﺮﻩ ﻭﻳﺎﻧﺎ،،
ﻇﻠﻴﻤﺎ ﻧﺤﺠﻲ ﻭﻧﺴﻮﻟﻒ،،،ﺍﻟﻤﺎ
ﺻﺎﺭ ﺍﻟﻤﻐﺮﺏ
ﻛﻤﺖ ﺍﻧﻪ ﻭﺍﻟﺒﻨﺎﺕ،،،،،ﻭﺳﻠﻤﺖ ﻋﻠﻲ ﺍﻣﻲ
ﻭﺍﻟﺒﻨﺎﺕ
« ﻳﺎﻳﻤﻪ ﻫﻲ ﻫﺎﻱ ﻫﻢ ﺟﻴﻪ ﺍﺑﻘﻲ
ﻭﺗﻌﺸﻲ ﻳﻤﻨﺎ،،،ﺍﻧﺘﻲ ﻭﺍﻟﺒﻨﻮﺍﺕ
« ﻻ ﻳﻤﻪ ﺭﺿﺎ ﻣﺎﻳﻘﺒﻞ ﻭﻻﺯﻡ ﺍﺭﺟﻊ
ﻫﺴﻪ ،،،،
ﺍﻡ ﻟﻴﻠﻪ ﺳﻜﺘﺖ ﻭﺑﻮﺳﺖ ﺑﻨﺘﻬﺎ،،
ﻭﻭﺭﺍﻫﺎ ﻧﺴﻮﺍﻥ ﺍﺧﻮﺗﻬﺎ،،،ﻭﻃﻠﻌﺖ
ﻭﻭﺭﺍﻫﺎ ﺍﻟﺒﻨﺎﺕ،،
ﻋﺎﺍﻳﻨﺖ ﻟﻠﺴﻤﺮﻩ ﻣﻦ ﻭﺭﻩ ﺍﻟﻨﺨﻠﻪ،،
ﻭﺷﻔﺘﻬﺎ ﺗﺪﻭﺭ ﺑﻌﻴﻮﻧﻬﺎ ﺑﺎﻟﺒﺴﺘﺎﻥ
،،ﺭﺩﺕ ﺍﻃﻠﻊ
ﺑﺲ ﻣﺎﻛﺪﺭﺕ،،،ﻭﻇﻠﻴﺖ ﺍﺭﺍﻗﺒﻬﺎ ﻣﻦ ﺑﻌﻴﺪ
ﻭﺍﻧﻪ ﻻﺯﻡ ﮔﻠﺒﻲ،،،ﻭﺑﺲ ﺍﺑﺘﻌﺪﻥ
ﻃﻠﻌﺖ ﻭﻣﺸﻴﺖ،،،ﻭﺍﻧﻪ ﺍﺣﺲ ﺑﺮﻭﺣﻲ
ﺭﺍﺣﺖ ﻭﻳﺎﻫﺎ،،
« ﻫﺎ ﻳﻤﻪ ﺷﻤﺎﻟﻚ،،تفر براسك
يمنه ويسرى
ﺍﻧﺘﺒﻬﺖ ﻻﻣﻲ،،،ﻣﻦ ﺣﺠﺖ ﻭﺟﺎﻭﺑﺘﻬﺎ
« ﻣﺎﻛﻮ ﺷﻲ ﻳﻤﻪ،،،ﺣﺴﺒﻪ ﺑﺮﺍﺳﻲ
« ﺗﻌﺎﻝ ﺍﺷﺮﺏ ﺟﺎﻱ
ﺍﺑﺘﺴﻤﺖ ﻻﻣﻲ،،،،، ﻭﺟﺎﻭﺑﺘﻬﺎ
« ﺍﻧﻪ ﺍﺩﺭﻱ ﺷﻠﻮﻥ ﺗﺸﺮﺑﻮﻥ
ﺟﺎﻱ ﺑﻬﻞ ﺍﻟﺤﺮ
ﻭﺍﻟﻠﻪ ﺑﺲ ﺍﺳﻤﻪ ﻳﺨﻠﻲ ﺍﻟﻮﺍﺣﺪ
ﺗﻤﻮﻉ ﺭﻭﺣﻪ
« ﻫﻬﻬﻪ ﻫﺎﻱ ﻳﺎﺑﻦ ﺑﻄﻨﻲ ﺳﻜﻨﺖ ﺑﻐﺪﺍﺩ ﻭﻛﻤﺖ ﺗﺘﺒﻐﺪﺩ ﻋﻠﻴﻨﺎ ﺑﺎﻟﻜﻼﻡ
ﻭﺍﺩﻛﻮﻟﻦ ﺍﻣﻮﻭﻉ
ﺳﻜﺘﺖ ﻭﺍﻧﻪ ﺍﺿﺤﻚ،، ﻭﺭﺩﻳﺖ ﻋﺎﻳﻨﺖ
ﻟﻠﻲ ﻣﺸﻮﺍ ﻭﻋﺎﻓﻮﻩ ﻫﻮﺍﻫﻢ ﺑﺎﻟﮕﻠﺐ
ﻭﺟﻴﺖ ﻭﻱ ﺭﻭﺣﻲ
« ﭼﺎ ﻫﻮﻩ ﺍﻟﻌﺸﻚ ﻣﻮ ﻛﻴﻒ
ﻻﻥ ﻛﻠﺒﻲ ﺍﻋﻠﻴﻚ ﻣﻦ ﺷﺎﻓﻚ ﻛﺎﻡ
ﻳﺘﺮﺍﺟﻒ
،،،،،
ﺭﺟﻌﺖ ﻟﻠﺒﻴﺖ ﻭﺗﻔﺎﺟﺎﺕ ﺑﺼﻔﺎﺀ ﺟﺎﻳﻪ
ﻫﻲ ﻭﺟﻬﺎﻟﻬﺎ،،،،ﻓﺮﺣﺖ ﻟﺸﻮﻓﺘﻬﺎ
ﻭﺑﻮﺳﺘﻬﺎ ﻭﺍﻧﻪ ﺍﻛﻮﻟﻦ
« ﻛﻠﻪ ﺍﻟﻬﻼ ﺑﺎﻟﻐﺎﻟﻴﻪ ﻧﻮﺭﺗﻲ ﺍﻟﺒﻴﺖ
« ﻫﻼ ﺑﻤﺮﺕ ﺍﺧﻮﻳﻪ،،،ﺍﻟﺤﻠﻮﻩ
ﻭﺍﻟﺼﺎﻛﻪ ﻭﻟﺞ ﺻﺎﻳﺮﻩ ﺗﺨﺒﻠﻴﻦ ﻣﻦ
ﺍﻧﺰﻭﻝ ﻋﻠﻴﺞ
« ﻫﻬﻪ ﺍﺣﺒﻨﺞ ﻣﻦ ﺗﺤﺠﻴﻦ ﺑﻐﺪﺍﺩﻱ
ﻋﺒﻨﻪ ﺣﻠﻮ،،،
« ﻭﻟﺞ ﻫﺬﺍ ﻳﺎﻫﻮ ﻣﻨﻬﻢ،،،ﺷﺒﻞ ﻟﻮ
ﺷﺎﻫﻴن
« ﻫﺬﺍ ﺍﺑﻮ ﻋﻜﺪﻩ ﺍﻟﺤﺎﺟﺐ ﺷﺒﻞ
ﺷﻮﻭﻓﻲ ﻳﺸﺒﻪ ﺭﺿﺎ
ﺣﺠﻴﺖ ﻫﻴﺞ،،،ﻭﻋﻜﺪﺕ ﺣﻮﺍﺟﺒﻲ ﻭﺍﻧﻪ ﺍﺿﺤﻚ ﻭﻣﺎﺣﺴﻴﺖ ﺍﻻ ﺑﺮﺿﺎ ﻛﺪﺍﻣﻲ
ﻭﻫﻮ ﻣﺒﺘﺴﻢ،،،ﻟﺤﻈﻪ ﻭﻛﻒ ﻭﻣﺸﻪ
ﻭﺻﺎﺣﻨﻲ،،
« ﻟﻴﻠﻪ،،
« ﺭﻭﺣﻲ ﺍﻟﻪ ﻳﻄﻠﻊ ﺍﻟﻀﺤﻜﻪ ﺑﻴﺞ
ﻣﺮﺑﻊ،،،،
ﺻﻔﺎﺀ ﺣﺠﺖ ﻫﻴﺞ ﻭﻛﻤﺖ ﺗﻤﻄﻚ
ﺑﺸﻔﺎﻳﻔﻬﺎ
« ﻭﻳﻦ ﻣﺎﺍﺭﻭﺡ ﺭﺍﺯﻗﻴﻪ ﻭﺭﺍﻱ ﺷﻤﺎﻟﺠﻦ
« ﻭﺷﺒﻴﻬﺎ ﺭﺍﺯﻗﻴﻪ،،،
« ﻳﻤﻪ ﺍﻟﻴﻮﻡ ﻛﻠﻬﺎ ﻭﺍﻛﻔﻪ ﺍﻟﻲ ﺑﺎﻟﺒﺎﺏ
ﺧﻠﻲ ﺍﺷﺮﺩ
ﺣﺠﻴﺖ ﻫﻴﺞ ﻣﻦ ﻃﺒﺖ ﺟﺪﻩ ﺭﺍﺯﻗﻴﻪ
ﻭﺻﻌﺪﺕ ﺍﻟﺪﺭﺝ،،،ﺑﺴﺮﻋﻪ
ﻭﻃﺒﻴﺖ،، ﻭﺍﻧﻪ ﻣﺒﺘﺴﻤﻪ،،
« ﻃﻠﻌﻠﻲ ﻏﻴﺮ ﻫﺎﻱ ﺍﻟﺪﺷﺎﺷﻪ
ﻭﺍﻏﺴﻠﻴﻬﺎ ﺑﺎﻟﻘﺎﺻﺮ ﻭﻛﻌﺖ ﻋﻠﻴﻬﺎ ﻛﻬﻮﻩ
ﺭﺣﺖ ﻟﻠﻜﻨﺘﻮﺭ، ،،ﻃﻠﻌﺖ ﺩﺷﺎﺷﻪ
ﺑﻴﺠﻲ ،،،،ﻭﺍﻧﻄﺘﻴﻬﺎ،، ﻭﺑﺲ ﻟﺰﻣﻬﺎ ﺷﻤﺮﻫﺎ
ﻋﻠﻰ ﺍﻟﺠﺮﺑﺎﻳﻪ،،، ﻭﺟﺮﻧﻲ ﻋﻠﻲ
ﺻﻔﻨﺖ ﺑﻌﻴﻮﻧﻪ ﺍﻟﻮﻛﺤﻪ،،،ﻭﺿﺤﻜﺖ
ﺍﻟﻪ ﻭﻋﻜﺪﺕ ﺣﻮﺍﺟﺒﻲ ﻭﻫﻮ ﺑﺲ ﺳﻮﻳﺖ ﻫﻴﺞ ﺿﺤﻚ ﻭﺣﺠﻪ
« ﻭﻛﺤﻪ ﻭﺧﺒﻠﺘﻴﻨﻲ
« ﭼﺎ ﺑﻌﺪ ﻣﺎﺍﺗﻮﻛﺢ راح اصيرن عاقله
« هههه لا بويه ظلي وكحه تعجبيني هيج
سكتت مبتسمه ومشيت جبت الدكم
الدكم انطيتهن اله رفعت روحي
وشميته من رگبته كال
« ﺷِﻤﻴﻨﻲ ﺍﻋﻠﻰ ﻛَﻴﻔﺞ ﺷﻤﺔ ﺍﻟﻨﻌﻨﺂﻉّ
ﻭﺿﻤﻴﻨﻲ ﺍﻋﻠﻰ ﺻَﺪﺭﭺ ﻣﺂﺣﺐ ﻉ ﺍﻟﮕﺎﻉ
« ﺍﻭﻭﻭﻱ ﻗﺒﺎﻧﻲ،،،،
« ﺍﺭﻳﺪﻫﻦ ﺑﻠﻴﻞ ﻫﺎﻱ ﺍﻟﭽﻠﻤﻪ،،،
ﺿﺤﻜﺖ ﻭﺍﺧﺬﺕ ﺷﺎﻟﻲ ﻭﺧﻠﻴﺘﻪ
ﻋﻠﻰ ﺭﺍﺳﻲ،، ﻭﺣﺠﻴﺖ،،،ﻣﻦ ﺍﺟﻪ
ﻳﻤﺸﻲ ﺑﺼﻔﻲ ﻭﺍﻧﻪ ﺍﻋﺎﻳﻦ،،
ﻟﻄﻮﻟﻪ ﺍﻟﺤﻠﻮ ﻭﻟﺴﻤﺎﺭﻩ، ،ﻭﻫﻴﺒﺘﻪ
« ﺭﺿﺎ ﺍﻧﻪ ﻣﺎﺍﻟﻮﻙ ﻟﻐﻴﺮﻙ،،
ﺍﻧﺘﻪ ﻭﺑﺲ
ﺍﻟﻲ ﺍﺣﺴﻦ ﺑﺮﻭﺣﻲ ﺗﺤﻦ ﺍﻟﻪ
ﻭﮔﻠﺒﻲ ﻫﺬﺍ ﻣﺎﺣﺐ ﻭﻻ ﺭﺍﺡ ﻳﺤﺐ
ﻏﻴﺮﻙ
« ﺍﻭﻭﻭﻑ ،،،ﻛﻞ ﺍﻟﻜﻼﻡ ﺍﻟﺤﻠﻮ ﺳﻤﻌﺘﻪ
ﻣﻦ ﺭﺩﺕ ﺍﻧﺰﻝ،،،ﺑﻮﻭﻳﻪ ﺧﻠﻴﻬﻦ ﻟﻠﻴﻞ
ﺗﺮﻩ ﺍﻟﺸﻴﺦ ﺣﻤﻪ
« ﻫﻬﻬﻬﻪ،،، ﻳﻤﻪ ﻣﻨﻚ
ﻛﻤﺖ ﺍﺧﺎﻓﻦ ﺍﺣﺠﻲ ﻭﻳﺎﻙ ﻛﻼﻡ ﺣﻠﻮ
غمزلي ورد
احجي وسمعيني استاهل الكلام الحلو موو
هزيت راسي باي وانه اضحك
،،،،،،
رضا
ﻃﺒﻴﺖ ﻟﻠﻤﻀﻴﻒ،،،ﻣﺒﺘﺴﻢ
ﻭﺑﺲ ﺷﻔﺖ ﻧﺎﻫﻲ ﻭﺍﺧﻮﺗﻪ ﻛﺎﻋﺪﻳﻦ،،
ﺍﻟﻀﺤﻜﻪ ﺭﺍﺣﺖ،،،،،ﻭﺳﻠﻤﺖ
« ﺍﻟﺴﻼﻡ ﻋﻠﻴﻜﻢ
« ﻭﻋﻠﻴﻜﻢ ﺍﻟﺴﻼﻡ،،،،ﺷﻴﺦ
ﻛﻌﺪﺕ،،،،ﺍﺟﻪ ﺍﺑﻦ ﻋﻤﻲ ﺣﻴﺪﺭ
ﺍﺧﻮﻭ ﻓﻬﺪ ﻫﺬﺍ ﺣﺰﺍﻡ ﻇﻬﺮﻱ،،،ﻫﻮ ﻭﺯﺍﻫﺪ
ﻭﻣﺎﻳﻔﺎﺭﻛﻮﻧﻲ،،ﺍﺑﺪ
« ﺷﻴﺦ،،،ﻳﻜﻮﻟﻮﻥ ﺭﻣﻀﺎﻥ ﺑﺎﺟﺮ
« ﺍﻱ ﺍﻧﻪ ﻫﻢ ﺳﻤﻌﺖ ﻫﻴﺞ،،،
« ﺍﻧﻪ ﺟﻴﺖ ﺍﺳﺎﻟﻚ ﻣﺜﻞ ﻛﻞ ﻣﺮﻩ ﻧﺴﻮﻱ ﻓﻄﻮﺭ ﻟﻼﻭﺍﺩﻡ،،،ﻭﻧﻮﺯﻉ ﻟﻠﻔﻘﺮﻩ
« ﭼﺎ ﺷﻠﻮﻥ ﻳﺒﻮ ﻛﺮﺍﺭ ﻏﻴﺮ ﻣﺜﻞ ﻛﻞ ﺳﻨﻪ
« ﺍﻧﻪ ﺍﺷﻮﻓﻦ ﻣﺎﻟﻬﺎ ﺩﺍﻋﻲ،،،ﺗﺴﻮﻱ
ﻓﻄﻮﺭ ﻭﺧﻠﻲ ﺍﻻﻭﺍﺩﻡ ﺗﻔﻄﺮ ﺑﺒﻴﻮﺗﻬﺎ،،،،
ﻫﺎﻱ ﻣﺼﺎﺭﻳﻒ ﺯﺍﻳﺪﻩ ﻭﻣﺎﻟﻬﺎ ﺩﺍﻋﻲ
ﻋﺎﻳﻨﺖ ﻟﻨﺎﻫﻲ ﻣﻦ ﺣﺠﻪ ﻭﻭﻳﺎﻱ ﺍﻻﺩﻭﺍﻡ
ﺍﻟﻜﺎﻋﺪﻩ،،،،،،ﻭﺟﺎﻭﺑﺘﻪ ﻭﺍﻧﻪ ﺍﻣﺴﺢ
ﺑﻠﺤﻴﺘﻲ،،،
« ﺍﺑﻮ ﺧﻠﻒ ﺍﺣﻨﺎ ﻣﺘﻌﻠﻤﻴﻦ،،،ﻣﻦ ﺯﻣﻦ ﺟﺪﻱ نمد ﺳﻔﺮﻩ ﻟﻠﻀﻴﻒ ﺍﻟﻴﺠﻴﻨﺎ ﻭﺗﺮﺍﻩ ﻣﻀﻴﻔﻨﺎ،،،ﻋﺎﻣﺮ،،،ﺩﻭﻭﻡ ﺑﺎﻻﻭﺍﺩﻡ
ﻭﺧﺼﻮﺻﺎ ﺑﺮﻣﻀﺎﻥ،،،ﻭﺍﻧﺘﻪ ﺗﺸﻮﻓﻪ
ﺷﻠﻮﻥ ﻳﻨﺘﺮﺱ،،،ﺑﺎﻟﻀﻴﻮﻑ
« ﺍﻧﻪ ﺍﺩﺭﻱ،،،ﺑﺲ ﻳﻌﻨﻲ ﺍﻧﺘﻪ
ﺗﺼﺮﻑ ﺟﺜﻴﺮ
ﻭﺍﻧﻪ ﺍﻛﻮﻟﻦ ﻟﻮ ﻛﻞ ﻭﺍﺣﺪ ﻳﺎﻛﻞ
ﺑﻴﺘﻪ ﺍﺣﺴﻦ
ﻳﺎﺑﻮﻭﻳﻪ ﺷﻜﺪ ﺑﺨﻴﻞ ﻭﻳﻔﺸﻞ
ﺣﺠﻴﺖ ﺑﮕﻠﺒﻲ ﻭﺟﺎﻭﺑﺘﻪ،،،ﺑﻀﻮﺟﻪ
ﻭﺍﻧﻪ ﺍﻋﺎﻳﻦ ﻟﻠﺮﺑﻊ
« ﭼﺎ ﻣﻨﻬﻮ ﺍﻟﺪﻳﺼﺮﻑ ﺍﻧﻪ ﻟﻮ ﺍﻧﺘﻪ
ﻭﺍﻧﻪ ﺣﺴﺐ ﻣﺎﺍﺗﺬﻛﺮ ﻣﺎﺷﻜﻴﺖ ﺍﻟﻚ
ﻭﺍﻟﻲ ﺍﺻﺮﻓﻪ ﺑﺎﻟﻌﺎﻓﻴﻪ،،،ﻋﻠﻰ ﺍﻟﻜﻞ
ﻻﻥ ﺫﻭﻟﻪ ﻧﺎﺳﻲ ﻭﻫﻠﻲ،،،ﻭﺍﺣﻨﺎ ﺗﻌﻠﻤﻨﺎ
ﻧﻜﺮﻡ ﺍﻟﮕﺮﻳﺐ،،،ﻗﺒﻞ ﺍﻟﺒﻌﻴﺪ
« ﻣﻀﻴﻔﻚ ﻋﺎﻣﺮ ﺷﻴﺦ ﻭﺍﻟﻠﻪ يعوضك
عن كل فلس تصرفه بعشر اضعافه
« ﺗﺴﻠﻤﻮﻥ،، ﻳﺎﻟﺮﺑﻊ ﻭﻫﻼ ﺑﻴﻜﻢ ﺑﺎﻱ ﻭﻗﺖ ﻣﻀﻴﻔﻲ ﻣﻔﺘﻮﺡ،،،ﺍﻟﻜﻢ ﻭﺍﻥ ﺷﺎﺀ ﺍﻟﻠﻪ ﻣﺎﺗﺸﻔﻮﻥ ﻣﻨﻲ ﺍﻱ ﺗﻘﺼﻴﺮ
« ﻣﺤﺸﻮﻭﻡ ﻳﺎﺷﻴﺦ،،،،،ﺗﺮﺍﻙ ﻣﺎﻗﺼﺮﺕ
ﻧﺎﻫﻲ،،،ﻣﻦ ﺷﺎﻑ ﺍﻻﻭﺍﺩﻡ ﻣﺎﺩﺭﺕ ﺑﺎﻝ ﺍﻟﻪ
ﻭﻇﻠﺖ ﺗﺤﺠﻲ ﻭﻱ ﺭﺿﺎ ﻛﺎﻡ ﻫﻮ ﻭﺍﺧﻮﻩ
ﻭﺗﺮﺧﺺ ﻭﻃﻠﻊ
ﻋﺎﻳﻨﺖ ﻟﻨﺎﻫﻲ ﻣﻦ ﻃﻠﻊ ﻭﺣﺠﻴﺖ ﻳﻢ
ﺣﻴﺪﺭ،،،
« ﺍﻟﻠﻪ ﻳﺴﻮﺩ ﻭﺟﻬﻪ ﻣﺎﻳﻜﺪﺭ ﻳﺴﻜﺖ ﺍﻻ
ﻳﺠﻔﺺ ﺑﺎﻟﺤﺠﻲ
« ﺍﻳﻲ ﺍﻧﻪ ﺍﺩﺭﻱ ﺷﻤﺎﻟﻪ،،،ﻛﻠﻤﺎ ﻳﺠﻲ
ﻳﺬﺏ ﺣﺠﻲ ﻳﺨﻠﻴﻨﺎ ﻧﻤﺴﺢ ﺑﻮﺟﻬﻨﺎ ﻣﻦ ﺍﻟﻔﺸﻠﻪ
« ﻭﺍﻟﻠﻪ ﻟﻮ ﻋﻴﺐ ﺍﻻ ﺍﻃﺮﺩﻩ،،،ﺑﺲ،
ﺍﺧﺎﻓﻦ ﺍﻻﻭﺍﺩﻡ ﺗﻌﻴﺒﻨﻲ ﻳﺎﺑﻦ ﻋﻤﻲ
« ﺍﻱ ﻭﺍﻟﻠﻪ ﻭﺍﻧﺘﻪ ﺍﻟﺼﺎﺩﻙ
،،،،،،،،،،،،،،
ﺑﻴﺖ ﺭﺿﺎ ﺟﺎﻧﺖ،،،ﻟﻴﻠﻪ ﻣﻠﺘﻬﻴﻪ
ﺑﺎﻟﻌﺸﻪ
« ﻣﺮﻳﻢ،،،ﻃﻠﻌﻲ ﺍﻟﺮﻭﺑﻪ،ﻣﻦ ﺍﻟﺜﻼﺟﻪ
ﻫﺴﻪ ﺑﺮﺩﺕ ،،،
« ﺍﻳﻲ ﻟﻴﻠﻪ ﻫﺴﻪ
« ﺯﻫﺎﺀ ﺭﻭﺣﻲ ﺟﻴﺒﻲ ﻧﻌﻨﺎﻉ ﻭﺧﻀﺮﻩ ﻣﻦ
ﺍﻟﺤﺪﻳﻘﻪ،،،ﺍﻟﻴﻢ ﺍﻟﺴﻴﺎﺝ،،،
ﺯﻫﺎﺀ ﻫﺰﺕ ﺭﺍﺳﻬﺎ،،،ﻭﺭﺍﺣﺖ
ﺗﻤﺸﻴﺖ،، ﻭﺍﻧﻪ ﺍﺑﺎﻭﻉ ﻟﻠﮕﻤﺮ ﺷﻠﻮﻥ
ﻳﻀﻮﻱ ﻭﻭﺻﻠﺖ ﻟﻴﻢ ﺍﻟﺰﺭﻉ،،،
ﻛﻌﺪﺕ ﻭﻛﻤﺖ ﺍﺣﻮﺵ ﺧﻀﺮﻩ،ﻭﺍﺧﻠﻴﻬﺎ
ﺑﺎﻟﻤﺼﻔﻲ،،،،ﺳﻤﻌﺖ ﺻﻮﺕ،،،،
ﺧﻼﻧﻲ ﺍﻓﺰ ﻭﺍﻛﻮﻣﻦ ﺑﺴﺮﻋﻪ
ﺷﻔﺖ ﺣﺴﻴﻦ ،، ،،،ﻭﺍﻛﻒ،،ﻣﺴﺎﻓﻪ ﻋﻨﻲ
ﻭﺣﺠﻴﺖ ﺑﺴﺮﻋﻪ ﻭﺍﻧﻪ ﻻﺯﻣﻪ ﮔﻠﺒﻲ
« ﻫﺎﻱ ﺍﻧﺘﻪ ﻓﺰﺯﺗﻨﻲ،،،،
« ﺍﺳﻢ ﺍﻟﻠﻪ ﻋﻠﻴﺞ،،،ﺍﻧﻪ ماعرفت انتي
ﺍﻫﻨﺎ ﺍﻋﺬﺭﻳﻨﻲ
ﺳﻜﺘﺖ ﻣﻦ ﺍﻋﺘﺬﺭ ﺍﻟﻲ،،،ﻭﻣﻦ ﺗﻘﺪﻡ
ﻋﺎﻳﻨﺖ ﺍﻟﻪ،،،ﻋﻠﻰ ﺿﻮﻩ ﺍﻟﮕﻤﺮ ﻭﺣﺠﻴﺖ
ﻭﻱ ﺭﻭﺣﻲ
« ﺍﻟﻠﻪ ﺷﻜﺪ ﺣﻠﻮ،،،ﺷﻜﻠﻪ ﻳﺨﺒﻞ ﻭﻣﺎﻳﺸﺒﻪ
ﺯﻟﻤﻨﺎ،،،ﺍﺷﻜﺮ ﻭﺍﻟﻌﻴﻮﻥ ﻣﻠﻮﻧﻪ
ﻭﺍﻧﻴﺎﻝ ﺍﻟﺘﺎﺧﺬﻩ ﻭﺗﺼﻴﺮ ﺣﺮﻣﺘﻪ
ﺍﻧﺘﺒﻬﺖ ﻟﺮﻭﺣﻲ،،،ﻣﻦ ﺷﻔﺖ ﻋﻴﻮﻧﻪ ﺻﻔﻨﺖ ﻧﻔﺲ ﺻﻔﻨﺘﻲ ﻭﺣﺠﻴﺖ،،،
ﺑﺨﺠﻞ،،،
« ﺍﻧﻪ ﻻﺯﻡ ﺍﺭﻭﺣﻦ،،،
ﻣﺸﻴﺖ ﺧﻄﻮﻩ ﻭﻭﻛﻔﺖ،،،ﻣﻦ ﺻﺎﺣﻨﻲ
« ﺯﻫﺎﺀ ﺍﻭﻛﻔﻲ
ﻇﻠﻴﺖ ﻭﺍﻛﻔﻪ ﺑﻤﭽﺎﻧﻲ،،،
ﻭﺍﻧﻪ ﺍﺣﺲ ﺑﺪﻛﺎﺕ ﮔﻠﺒﻲ ﺭﺍﺡ
ﻳﻔﻀﺤﻨﻲ ﻳﻤﻪ ﻭﺟﺎﻭﺑﺘﻪ
« ﻫﺎﺍﺍ ﺣﺴﻴﻦ،،ﺭﺍﻳﺪ ﺷﻲ
« ﺍﻳﻲ ﺍﺭﻳﺪﻧﺞ
ﺣﺠﻴﺖ ﺑﺪﻭﻥ ﻭﻋﻲ،،،
« ﻫﺎﺍﺍ،،
ﺗﻤﺎﻟﻜﺖ ﻧﻔﺴﻲ،، ﺑﺴﺮﻋﻪ ﻭﺟﺎﻭﺑﺘﻬﺎ
« ﺍﻳﻲ ﺍﺭﻳﺪﻧﺞ،،،ﺯﻭﺟﻪ ﺍﻟﻲ ﻋﺒﻦ
ﺍﻧﻪ ﺣﺒﻴﺘﺞ،،،ﻣﻦ ﺍﻭﻝ ﻣﺎﺷﻔﺘﺞ
ﻣﺎﺍﻋﺮﻑ ﺷﺼﺎﺭ ﺑﻴﻪ،،،،ﮔﻠﺒﻲ ﻭﺟﻌﻨﻲ
ﻭﺩﻣﻮﻋﻲ ﻧﺰﻟﺖ،، ﺭﺃﺳﻦ
ﻭﺣﺠﻴﺖ ﻭﻱ ﻧﻔﺴﻲ
« ﻳﺤﺒﻨﻲ،،،ﺣﺴﻴﻦ ﺍﺧﻮ ﻟﻴﻠﻪ،،،ﻳﺤﺒﻨﻲ
ﻭﻳﺮﻳﺪﻧﻲ،،،ﭼﺎ ﻣﻮ ﺍﻧﻪ ﻣﻮ ﺣﻠﻮﻩ .
ﻭﻣﻮ ﻣﺜﻘﻔﻪ ﺷﻠﻮﻥ
ﻳﺮﻳﺪﻥ ﻳﺎﺧﺬﻧﻲ ،،،ﺷﻠﻮﻥ ﺣﺒﻨﻲ
ﺭﺩﻳﺖ ﻋﻠﻲ ﺑﺼﻮﺕ ﻣﺨﻨﻮﻙ
« ﭼﺎ ﺷﻠﻮﻥ ﺗﺤﺒﻨﻲ ﻭﺗﺮﻳﺪﻧﻲ ﻭﺍﻧﻪ
ﻣﻮ ﺣﻠﻮﻩ ﻭﻣﺜﻘﻔﻪ ﻣﺜﻠﻚ
« ﺍﻧﺘﻲ ﻣﺤﻠﻮﻩ ،،،ﭼﺎ ﺍﻟﻤﺤﻠﻮ
ﺷﻴﻜﻮﻝ ﻋﻠﻰ ﺭﻭﺣﻪ ،،ﻭﺍﻥ ﺟﺎﻥ ﻋﻠﻰ ﺍﻟﺜﻘﺎﻓﻪ ﺍﻧﻪ ﺍﺩﺭﺳﻨﺞ ﻭﺍﺧﻠﻴﺞ ﺗﺎﺧﺬﻳﻦ
ﺍﻋﻠﻰ ﺍﻟﺸﻬﺎﺩﺍﺕ ،،،،
ﺟﺎﻭﺑﺘﻪ ﺑﺤﺰﻥ ﻭﻗﻬﺮ ﻣﺮﺩ ﮔﻠﺒﻲ
ﻣﺮﺩ
« ﻫﺴﻪ ﺍﺟﻴﺖ،،،،ﻭﺣﺠﻴﺖ
ﻭﻫﺴﻪ ﺷﻔﺘﻚ ﻭﺷﻔﺘﻨﻲ،،،ﻟﻴﺶ
ﻣﻮ ﻣﻦ ﺯﻣﺎﻥ ﻭﻗﺒﻞ ﻻﺍﺻﻴﺮﻥ ﻟﻤﺤﻤﺪ
،،،ﺍﻧﺘﻪ ﻭﻳﻦ ﻭﻭﻫﻮ ﻭﻳﻦ،،،
ﻋﻜﺪﺕ ﺣﻮﺍﺟﺒﻲ ﻭﺳﺎﻟﺘﻬﺎ
« ﻣﻨﻬﻮ ﻣﺤﻤﺪ،،،ﻭﺷﻨﻮ ﺻﺮﺗﻲ ﺍﻟﻪ
ﺩﻣﻮﻋﻲ ﺯﺍﺩﺕ ﻭﻛﻤﺖ ﺍﺷﻬﻚ
ﻭﺟﺎﻭﺑﺘﻪ
« ﺍﻧﻪ ﻣﺨﻄﻮﺑﻪ ﻭﻣﻘﻄﻮﻉ ﻣﻬﺮﻱ
ﻟﻤﺤﻤﺪ ﺍﺑﻦ ﺟﻤﺎﻝ
ﻓﻜﻴﺖ ﻋﻴﻮﻧﻲ،،،ﺑﺼﺪﻣﻪ
ﻭﻋﺎﻳﻨﺖ،،،ﺍﻟﻬﺎ،،،ﺷﻠﻮﻥ ﺷﺮﺩﺕ،ﻣﻦ ﻳﻤﻲ
ﻭﻫﻲ ﺗﺒﺠﻲ ﺑﺼﻮﺕ
ﻭﺣﺠﻴﺖ ﻭﻱ ﻧﻔﺴﻲ
« ﻻ ﻳﺎﺭﺑﻲ ﻋﻠﻰ ﺑﺨﺘﻚ،،،ﺷﻠﻮﻥ
ﺷﻠﻮﻥ ﻣﺨﻄﻮﺑﻪ،،،،ﻭﻟﻴﺶ ﻣﺎﻋﺮﻓﺖ
ﺳﻜﺘﺖ ﺑﻐﺼﻪ،،،،ﻭﻛﻤﻠﺖ ﺑﻘﻬﺮ
ﺑﻮﻭﻳﻪ،،،ﮔﻠﺒﻲ ﻛﺎﻡ ﻳﻮﺟﻌﻨﻲ ﻭﻋﮕﻠﻲ
ﺭﺍﺡ ﻳﻄﻴﺮ،،،ﻣﻨﻲ
ﻟﺰﻣﺖ ﺭﺍﺳﻲ،،ﻭﺍﻧﻪ ﺧﺎﻳﻒ ﻻﻳﺼﻴﺮ ﺑﻴﻪ
ﺷﻲ،،،،سندت روحي على السياج
وعاينت
ﻟﺒﻴﺘﻬﻢ،،عيوني ﻏﻮﺭﻛﺖ ﻭﻇﻠﻴﺖ
ﺍﺭﺩﺩ
« ﺯﻫﺎﺀ ﻣﺨﻄﻮﺑﻪ ﻭﻃﻠﻌﺖ ﻋﺎﻗﺪﻩ ،،،
ﺍﻟﻲ ﺣﺒﻬﺎ ﺍﻟﮕﻠﺐ ﻭﺩﻙ ﺍﻟﻬﺎ،،،،،ﺟﺎﻧﺖ
ﻟﻐﻴﺮﻱ ﻭﻣﻮ ﺍﻟﻲ
وره دقائق ﻛﻤﺖ ﻣﻦ ﻣﭽﺎﻧﻲ مضروب براسي
ﻭﺍﻟﺤﺐ ﺍﻟﻲ ﺑﺪﻩ ﺑﺴﺮﻋﻪ ﺍﻧﺘﻬﻰ
ﺑﺴﺮﻋﻪ ﺍﻛﺒﺮ ،،،،،
بدل ماتدور وتبحث علي الروايات خليها علي تليفونك وحمل تطبيقنا
