رواية فصيلة دمشق الفصل السابع عشر 17 بقلم احمد

رواية فصيلة دمشق الفصل السابع عشر 17 بقلم احمد 

سعيد.. خلص انس لخاطرك انت وعيد وعمي راح نعوفها بس اكيد تبقى عايشة بالغرفة لحد ما تتزوج 

انس.. يسلم خاطرك يلا احنا نتوكل 

سعيد.. تتغدون يمنا 

انس.. كفو منكم ما تقصرون بس مجبورين نروح ومثل ما كلتلكم ننتظر الموافقة 

سعيد وابوه .. إن شاء الله 

بعد ما خلصو رجعو للبيت انطو خبر لاهلهم ولصهيب بالتحديد وانس عافهم واجى جان مو باقي هواي للغدا 

براء.. اسراااااء اجى ابو صماخ 

ميرا.. كأنج نسيتي انو ابو صماخ اكبر منج 

انس.. هسا مادري اني اشكرج لان تدافعين عني لو اعاتبج لان تكليلي ابو صماخ 

براء.. ههههههههه ما حجت غير الحقيقة 

اسراء.. اروح فدوة لصماخو اني 

انس.. اجت تكحلها هجمت بيتها مو بس عمتها 

براء.. ههههههههههههههه 

اسراء.. شصار وياكم 

انس.. خطبنا طايحة الحظ لطايح الحظ 

اسراء.. اي والله صدك 

انس.. كأني جفصت (يقصد حجى كدام براء) 

اسراء.. صار عدها علم براء 

انس.. باستغراب .. شلووون 

اسراء.. جنا نحجي اني وميرا وهي اجت تسألني عالغدا وسمعتنا 

انس.. براء ما اوصيج ما اريد احد يعرف 

براء.. لا توصي حريص سرك بجريدة 

انس.. قسم بالله هالخبلة الا تفضحنا 

ميرا.. انس انت مو اصغر واحد باخوانك 

انس.. اي يابة 

ميرا.. شو انت اضخم واحد بيهم 

انس.. اول شي هرمونات تختلف ثاني شي ما صرت ضابط الا اني شايف الويل بالتدريب فهذا كلو ساعد على انو جسمي يصير ضخم 

ميرا.. زين شعجب عشتو بنفس البيئة ونفس البيت واخلاقك وتعاملك يختلف عنهم 

انس.. شوفي كل شخص تكون الو نظرة خاصة للحياة بالنسبة الي ما احب اتكبر او احقد على احد الا اذا يكون اكو سبب لهالشي 

اما اخواني لا عكسي تماما واني متأكد اخوج ما قتل اخوي عبث لان اعرف اخوي ولسانو الطويل وياما حذرت اهلي من لسانو 

ولو احد هسا يخيرني بين انو تموتين انتي او هو راح اختارو هو لان انتي برائتج تشفعلج 

اسراء.. المهم انس اريد اروح للدكتورة العصر وراح تجي وياي ميرا صفحتها دا توجعها يمكن عدها رمل .. وغمزتلي 

انس.. لازم ننطي خبر لصهيب 

اسراء.. ماراح نتأخر 

انس.. مع ذلك ما يصير لازم ننطي خبر لصهيب يبقى هو زوجها وما يصير تطلع بدون علمو 

اسراء.. طيب خابرو 

انس.. تمام بعد الغدا اخابرو 

انس.. تمام 

ميرا.. رحنا اني واسراء للغرفة انطتني من ملابسها وجانن زينات علي مو كبار واخذتلي دوش وبين ما جهزت نفسي كمل الغدا 

تغدينا وخلصنا واتصل انس بصهيب اسمعو كال دا انطيك خبر اني مو اخذ رايك وسكر منو كالت اسراء بضحكة فديت الله اني 

باوعلها انس وضحك كال تالي عمري انفذ كلام صهيب وطلعنا ركبنا بالتكسي اخذنا براء لبيت اهلها ومن هناك طلعنا للدكتورة 

براء راحت تجهز كتبها وملابسها لان ما جابتهن وياها ومن نرجع ناخذها بطريقنا وتبقى هناك عند اسراء علمود من تداوم ترجع لبيت انس 

حجزنا عند الدكتورة وجان باقي هواي لموعدنا واخذنا انس تمشينا بالسوك لان العيادة جانت بمجمع بالسوك 

من تعبت اسراء رجعنا للمجمع وبقينا ننتظر بس طلعت روحي من الانتظار اكثر شي اكرهو الانتظار اخيرا وبعد طول انتظار اجى دورنا 

اول شي دور اسراء جيكت وضعها واخذتلها سونار وكالتلها وضعج انتي والجنين زين بس ابقي مرتاحة مو زين عليج التعب 

خطية اسراء اشوفها ضاجت لان ماتكدر تاخذ راحتها وتتحرك من خوفها على الجنين وبعدها اجى دوري اني 

من كملنا كلنا لانس مابينا شي واخذنا عشى من المطعم سفري ورجعنا بالتكسي مرينا براء وطلع اخوها كال لانس عالعشى بس انس رفض بسببي 

واجت براء ركبت ويانا ورجعنا للبيت جنت مستغربة انو شلون اهل اسراء يقبلون تبقى براء يم اسراء بس من فكرت بالوضع ماكو غير حل 

اهل انس ما يهتمون باسراء لو تخرب الدنيا وهي ما الها غير اهلها فجان الموضوع اجباري انها تجي عدها بفترة الحمل 

رجعنا تعشينا وتعللنا خوش تعليلة كضيناها ضحك على انس وبراء وتصنيفهم على بعض والي يشوفهم يكول اخوان مو نسيب واخت زوجة 

وبهاليومين عرفت ان هالثلاثة كلهم مجرد لسان وكلوبهم ماكو اطيب منها شكد ما يعصبون وهاي بس بالاخير بسرعة يرضون 

انس رغم عصبيتو المخيفة بس مجرد يهدئ يتغير تماما وينسى كأنو طفل وهذا الشي الي جان يخلي براء تصنف عليه براحتها 

بعدها نمنا وثاني يوم انجبرت ارجع لبيت اهل صهيب وقبل ما ارجع وصتني اسراء اتبع نصايحها واتجاهل اهل صهيب وكلامهم 

من رجعت جانو عيد وابوه طالعين وايناس بالمدرسة وكاعدين صهيب وامو ونادية بالصالو دا يحجون ويا بعض 

الحجية.. عوفها ختولي هي مجرد فصلية انت راح تتزوج سحر رغم غلطها بس تسوا راس هالحية هاي وترتاح وياها اكيد 

انس.. ها ام عيد خلصتي تحريض لو بعد 

الحجية.. لا تدخل يا انس واني دا احجي الحقيقة 

انس.. يا حقيقة لخاطر ربج وانتي جاية تقارنين ميرا بسحر الي كبستوها بالغرفة ويا صهيب 

الحجية.. تبقى بنت عمك 

انس.. بنت عمي ولا بنت خالي ما يهمني لو كانت اختي قسم بالله هسا شبعانة ماي ورد بس حظها حلو مو اختي 

ميرا.. عفتهم يحجون ورحت للغرفة نزعت العباية وحطيت القران بالجنطة وتأكدت ان محد متقرب للجنط ورجعت للمطبخ 

جان المطبخ نظيف ومابيه مواعين بس بعدهم مو مسوين الغدا بلشت بالغدا وانس راح وصهيب لحد الان ممنوع انو يطلع من البيت 

الغريب انو ما اجاني للمطبخ جنت متوقعة بس يطلع انس يجي عالمطبخ يحجي علي او يضربني بس ما اجى والحمدلله انو ما اجى 

كملت الغدا بين ما اجو عيد وابوه وايناس وبعد صلاة الضهر حطيتلهم الغدا وبعد ما خلصت تنظيف المطبخ اجاني صهيب 

صهيب.. تعالي وراي للغرفة 

ميرا.. بخوف .. ليش 

صهيب.. مزاجي يلا مالي خلكج ترا 

ميرا.. تمام .. ورحت وياه .. شرايد 

صهيب.. تدرين انو انتي ورطتيني وورطتي نفسج 

ميرا.. بشنو 

صهيب.. بالك..ة سحر 

ميرا.. اني ما دخلني انت الي ورطت نفسك بيها قابل اني جبرتك 

صهيب.. اي بسببج انجبرت اتزوجها 

ميرا.. صهيب اريد تكون صريح وياي تكدر لو لا 

صهيب.. بشنو 

ميرا.. اني شنو معتبرني 

صهيب.. فصلية 

ميرا.. مو هذا قصدي 

صهيب.. لعد 

ميرا.. معتبرني مجرد خدامة لاهلك لو شنو 

صهيب.. ماعرف بس الي اعرفو الي حقوق عليج 

ميرا.. (بكلبي .. طبعا ماتعرف غير السوالف الطايح حظها) يعني معتبرني زوجتك 

صهيب.. اي نكدر نكول زوجتي 

ميرا.. تريد نفتح صفحة جديدة وحتى اذا تزوجت ما الي دخل بيك 

صهيب.. شلون يعني 

ميرا.. يعني مثل ما الك حق علي اني هم الي حق عليك 

صهيب.. الفصلية ما الها حقوق 

ميرا.. رحت طلعت القران .. الحقوق الي شرعها ربنا مو عشائرنا 

صهيب.. وشنو حقوقج 

ميرا.. ما اريد كلشي مجرد تحترمني وما تهيني كدام اهلك وبنفس الوقت ما تأذيني وما تخوني بالحرام لان سحر راح تصير زوجتك بالحلال 

صهيب.. اني ما هاينج كدام احد وما اذيج اذا ما تجبريني 

ميرا.. خيانتك الي وبغرفتي هاي اكبر اهانة الي بحياتي 

صهيب.. هاي هي بعد ما اعيدها اذا انتي تنطيني حقي 

ميرا.. اني ما رفضت بس بشرط ما تأذيني 

صهيب.. تمام موافق 

ميرا.. وهسا رايد غير شي لو ارجع للمطبخ 

صهيب.. لا ما اريد شي 

ميرا.. رجعت القران لمكانو ورجعت للمطبخ وافكر بيه حسيتو استجاب لكلامي بس يا ترا راح يكون كد كلمتو ويطبقها لو لا 

بس فعلا كلام اسراء لازم احاول اكسبو قبل ما يتزوج لان اذا تزوج اكيد سحر راح تحرضو علي ووقتها اذا مو كاسبتو اشوف الويل 

هي اكيد صعبة كلش انو بعد كل الي صار اني ادور رضاه بس بالنسبة لوضعي مجبورة اني اتنازل علمود ارتاح مو مثل باقي البنات اروح لاهلي 

مر اليوم طبيعي بالليل بعد ما خلصت شغلي رحت للغرفة اخذتلي دوش ورتبت نفسي قبل ما يجي بس جنت كارهة نفسي بسبب الي دا اسويه 

من اجى هو وشافني طار من الفرح تقرب علي وكال ابقي سوي هيج لان طالعة كلش حلوة اني بقيت ساكتة ومتوترة بنفس الوقت 

حط راسو بركبتي واجت عيني على مكانو هو وسحر وتذكرت منظرهم ولعبت نفسي ودفعتو بقوة وركضت عالحمام واستفرغت كلشي بمعدتي 

صهيب.. شبيج 

ميرا.. عوفني لحالي 

صهيب.. احجي شبيج 

ميرا.. كلتلك عوفني لحالي 

صهيب.. شنو اني جاهل يمج اروح وارجع بكيفج 

ميرا.. كل هذا بسببك انت 

صهيب.. هسا بس خليني افهم شكو 

ميرا.. كل ما اباوع لذيج الزاوية اتذكركم انت وسحر 

صهيب.. تريدين نروح لغرفتي 

ميرا.. لا 

صهيب.. بلى امشي لغرفتي وهم اعلمج على ملابسي علمود تحظريهن الي 

ميرا.. غير مرة 

صهيب.. ميرا كافي عناد تدرين بي ما احب العناد 

ميرا.. تمام تمام 

اخذني للغرفة مالتو جانت بيها غرفة نوم بسيطة مو كلش فخمة بس ملابسو مرتبة كل شي لحالو وفهمني شنو يحب يلبس 

وفهمني شنو ياخذ عالعسكرية لان راح يرجع لدوامو وبعدها اخذ حقو وتركتو بغرفتو ورجعت لغرفتي الساعة 12 بالليل 

اخذتلي دوش ونمت وجانت مشاعري متلخبطة هواي من جهة اكول لازم اتحمل ومن جهة دا اكره نفسي واشوف نفسي بدون كرامة 

جانت بالنسبة الي حرب نفسي وياريت اسراء موجودة واحجي وياها واخليها تنصحني شنو اسوي لان راح اتخبل هيج 

كعدت ثاني يوم الفجر على صوت الحجية ورجعت لروتيني القديم بس قررت استمر ويا صهيب اشوف نهاية الموضوع وبعدها اقرر 

واستمرت علاقتي ويا صهيب بدون مشاكل وجان من يريد يسبح يوصيني اني احظرلو ملابسو والحمام واهلو لاحظو تغيرو تجاهي 

وجانت دائما امو تزيد بتحريضها كدامو لدرجة مرات يباوعلي بغضب بس من يجي للغرفة ويشوفني مجهزة نفسي الو ينسى كلشي 

اني صرت اعتبرو تجهيز نفسي مجرد خلاص من تحريض امو والي مصبرني انو هو زوجي يعني مدا اسوي شي عيب او حرام 

صحيح دا انزل من كرامتي بس وقت الخوف من نتائج كلام امو جان يجبرني اسوي اي شي بس علمود ما يفكر بكلامها ويأذيني 

انس راح لدوامو لذلك انقطع هو واسراء ما يجون وصهيب شوية انرفع عنو الحضر ومرة جان يريد يطلع وقررت اجرب نصيحة اسراء وصحتو 

صهيب.. ها 

ميرا.. وين رايح 

صهيب.. اضربلي فرة وارجع 

ميرا.. تمر للسوك 

صهيب.. ليش شمحتاجة 

ميرا.. جيبلي وياك حمرة لون وردي فاتح 

صهيب.. واني شعرفني بالحمرة 

ميرا.. مو علمود احط منها 

صهيب.. ها تمام راح اشوف 

ميرا.. تمام 

رجعت للمطبخ كلت بكلبي بسرعة غيرت رايك بس فعلا كلام اسراء بسرعة وافق بلكي الله يهديه ويتعدل بلكي ارتاح بتالي عمري 

الحجية.. يالفصلييييية 

ميرا.. ما رديت عليها 

الحجية.. كررت الكلمة اكثر من مرة واني مطنشة رغم اسمعها 

ايناس.. ميرا بيبي تصيحج 

ميرا.. بنفاذ صبر .. اجيت .. ها عمة 

الحجية.. عمة اليعمي عيونج مو صار ساعة اصيحج 

ميرا.. ما سمعتج 

الحجية.. عساج بالطرش إن شاء الله ما سمعتي لو تطنشين 

ميرا.. ما سمعت 

الحجية.. روحي اغسلي الملابس الي بالحمام 

ميرا.. ماكو ملابس اليوم الصبح غسلتهن 

الحجية.. اكو ملابس لنادية وعيد 

ميرا.. وما تغسلهن نادية 

الحجية.. اني مزاجي يكولي تاكلين نعال وتغسليهن 

ميرا.. ما اغسلهن 

الحجية.. شنو كلتي 

ميرا.. ما اغسلهن تكوم نادية تغسلهن مو صايرة شيخة براسي 

نادية.. انتي فصلية وتشتغلين غصب عنج 

ميرا.. دطيري انتي وعمتج 

عفتهن ورحت للمطبخ ما حسيت الا هجمن علي ثنينهن جنت احاول احمي نفسي بس كل ما ابعد وحدة تضربني الثانية 

اخير شي دفعتني نادية وكعتني بالكاع وصارن فوكي ثنينهن نادية قيدت حركتي والحجية استلمتني راشديات 

ميرا.. عوفيني اااخ عوفيني يا حقيرة عوفيينييي مامااااااا مامااااااا 

الحجية.. اليوم اخلي امج تبجي عليج حيوانة انعل ابوج لابو امج 

ميرا.. عوفينييييي 

جنت احاول افك نفسي بس جانن مسيطرات علي وبقت الحجية تضرب بي راشديات لحد ما تعبت واني وجهي احس مشتعلة بيه نار 

تركني بالمطبخ واني مو كادرة اتحرك من الضرب الي اكلتو ودموعي مثل الشلال تنزل كوة سندت نفسي وكمت وكفت 

جانت جامة الكاونتر كدامي وصايرة مثل المراية جانن خدودي منتفخات وصايرات حمر وايديني عليهن علامة ايد نادية 

رحت للمغسلة وغسلت وجهي وباوعت عالطباخ جانت اكو جدرية بيها مرك جنت مقررة اشيلو بالثلاجة واخذتو وزتيت عالباب 

وكمت اطلع بالغراض واشمر ما خليت لا ماعون ولا كلاص ولا اكل بحيث شكو كدامي اسحبو واذبو عالباب وهن خايفات يدخلن واضربهن بشي 

كل الي جنت اسمعو صوت الحجية وهي تصيح علي وكل ما تسمع صوت شي ينكسر تتخبل بعد اكثر واني اشيل بالغراض واشمر 

اخير شي اخذت الجفجير وصرت اضرب بالكاونتر وافلش الجام مالتو ولان اللمنيوم جان يتكسر ويا الجام سويت المطبخ خريطة 

وكلبت الثلاجة وكسرتها ما حسيت الا صهيب وراي مسكني وكتف حركتي وهو معصب كال شبيج تخبلتي دمرتي الدنيا 

انداريت عليه اريد احجي هو سكت من شاف وجهي واني شفت علامة بوسة بحمرة على قميصو وهنا جن جنوني 

ميرا.. ابعد عني يا ساقط يا فاشل يا خسيس 

صهيب.. ضبي لسانج لا اهينج 

ميرا.. الله ياخذك هم رجعت للسافلة مالتك وين وعدك ها وين 

صهيب.. انجبي ولججججج 

ميرا.. ما انجب انت وامك تنجبون يا حيوانات 

اول ما كملت كلمتي انضربت راشدي ووكعت على كلاص مكسور وانجرحت ايدي وهو سحبني من شعري كال اني اعرف شلون اربيج 

سحلني من شعري واني ماسكة ايدو اريدو يعوفني وهو ولا مهتم من صدك جان فاقد وعيو من العصبية دخلني للغرفة وسكر الباب 

سحبت نفسي لزاوية الغرفة وحضنت رجليني وكلتلو عوفني ما سويت شي اني اتركني لحالي لا تقرب علي عوفني 

صهيب.. اي اعوفج بعيني اعوفج بس مو بعد ما انعل والد والديج اني اعلمج شيسوي الخسيس والسافل 

            الفصل الثامن عشر من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال