رواية انتقامك وانتقامي رد الدين الفصل السابع عشر 17 بقلم تولين جراح
يا رب زدني كرهاً في كل شيء لا يُرضيك
........................................................
لتين .....
بقيت واكفه لا راجعه ولا متقدمه حتاريت شسوي تقدمت بثكل وكفت كباله ببعد مسافه جان كاعد بالسياره ومطلع تك رجل والثانيه داخل السياره وبيده جكارة
لتين: اسفه ضوجتك بس
زعبان: عادي بوية رايده شيء ؟
لتين: لا اضوج
باوع عليه بدون ما يحرك راسه
زعبان: ويهمج اذا اضوج ؟
لتين: كتفت ايدي وهزيت راسي بمعنى ما اعرف ، بابا يضوج اذا يشوفك ضايج واني ما احب اشوف بابا حزين
"اخذ نفس من الجكارة وابتسم "
زعبان : المهم احد يفكر بيه موو مهم السبب حتى لوو جان على مود غيري ما يحزن
لتين: تره بابا يحبك
زعبان: لوو يحبني ما يعوفني
لتين: انتَ تعرف كلش زين هوه عافك كأن مطر لان حياته بخطر
زعبان: امممم ، تدرين ، باوع عليه ورجع نضراته اليكدام
لتين : شنووو
زعبان: اني مثل العراق بسرعه انباع
لتين: بس العراق غالي لوو نباع لألف شخص يبقه غالي على كل الشعب وانتَ هيج غالي على اهلك
زعبان: ياريت ارجع طفل ما احس بالدنيا ولا افكر بأي شيء
لتين: كلنه نتمنى نرجع أطفال ما يهمنه بس اللعب
زعبان: اريد ارجع طفل وانام بحضن ابوي بدون حواجز
لتين: موجود حضن بابا روح ونام هوه الي يتمنى يحضنك ما تعرف شكد اشوف نضرات الاشتياق بعيونه
تدري زعبان دائمن اشوف نضرات حسرة واشتياق بعيون بابا كنت جاهله عن سبب نضراته بس هسه عرفت شنو السبب اشتياقه الك ، اي لا تباوع عليه هيج بابا كلش يحبك
زعبان: بس اختار رهف وعافني
لتين: لووو كنت بمكانه شنوو تختار توكف ويه الضلم وشخص بريئ يموت لوو تنقذ حياته
زعبان: انقذ حياته
لتين: لعد انتَ جاوبت نفسك ما اله داعي اجاوبك ، اني رايحه ادخل جوه ، مشيت خطوات ورجعت باوع عليه بمعنى شنوو ، لا ضوج من تصرف امك وهم وتد مقهوره منها لا تأخذ بخاطرك
تركته واني ارجع للصاله الكل يصرف عادي ويضحك كان شيء لم يكن بابا وماما يضحكون عادي الوضع
دخل أيسر باوع على الكل واستقرت نضراته عليه تقدم اتجاهي وحجى بضحكه ممزوجه بحماس
أيسر: السلام عليكم صحيح انتِ اختي
جاوبته بنفس حماسه
لتين: وعليكم السلام يكولون اني اختك
أيسر: حبيتج والله مبينه راح تفهميني
لتين: ههههه والله اني الي حبيتك بالمناسبه اني لتين رافع
ايسر: واني أيسر جراح اخوج
الكل ضحك على حماسنه المبالغ بيه باوعت على جبل الي يباوع علينه بجمود هزيت راسي بدلع وكعدت بصف سائد الي خلى ايده وره ضهري واني نتجيت عليه
لتين: اكولل سوسو
سائد: اممم ، كولي
لتين: ضوجه طلعني
سائد: ويجون نفس الناس يردون يغتالونج حتى يحركون كلب صخر
لتين: حسستني فد شخصيه مهمه
سائد: اكيد لان عرفو انتِ اخت صخر اكيد راح يضغطون عليه من خلالج
لتين: بطلت بطلت اجيب الهم انتَ
سائد: صار الي يخاف على مصلحتج يجيب الهم
لتين: بعدين منين عرفت كل هل معلومات انتَ
سائد: منهم اكيد صخر وزعبان وحتى جبل يتحرون عن هل سالفه ما كاعدين منها
لتين: اممم بس هم ضوجه
سائد: وعد هل يومين اطلعج انتِ وتد وايليا
لتين: فديت الي ما يخلي شيء بنفسي
سائد: شعندي غيرجن شوو بس هل ثنين اذا ما انفذ طلباتجن انفذ طلبات منو
" سحبت ايده وحضنتها ونمت على كتفه "
لتين: يخليك الي ياا روحي انتَ
حجت إبتهال بخبث
إبتهال: اكوول انتِ نايمه على كتف ابن عمج هيج ما تستحين ما يلزمج حرام لا عيب
لتين: اول شيء لا عيب ولا حرام اتكئ على كتف اخوي ثاني شيء موو انتِ الي تحددين شنو العيب وشنو الحرام
إبتهال : بس ولد راجح موش اخوتج اله اذا انتِ بنت راجح
لتين: ومنو كالج اني موو بنت راجح اني بنته هوه الي تعب عليه ورباني احسن تربيه
الشيخة جمار: شنهي يا إبتهال تردين تلحكين بلبل يوو تسكتين
جراح: ابتهاللل
سكتت بس بوجها يذب سم
كلبت عيوني واني ارجع راسي على كتف سائد
للعصر واجت عمتي الثانيه ام ضاري
الكل سلم عليها ونزلن وياها بنات ثنين
سلمنه عليهم ولليل كلش رجعنه
مر كم يوم بليل واكفه على الشباك اباوع شفت زعبان كاعد على كرسي بمكان كلش معزول ويشرب جكاير حسيته مهموم وحيد ، اخذت عهد على نفسي اقوي علاقته ببابا واخواني وبديت من هل خطوة
خليت شالي على راسي بتردد واني اذكر كلام بابا ان زعبان يحب كبه البيت خليت اربعه وحميت الجاي وخبزه بصينيه عدلت شالي وفتحت الباب وطلعت
وصلت قريب عليه باوع عليه ودار وجها
خليت الصينيه قريبه عليه وكعدت على الثيل ببعد مسافه
لتين: بابا كال انتَ تحب كبه البيت
زعبان: ههه همزين يذكر
لتين: اذا انتَ ما مسامحه ليش اجيت وسلمت عليه وبينت اله انتَ مسامحه؟
زعبان: رايد أصلح علاقتنا بس ما أكدر اسامحه
لتين: اتقرب منه تعال عيش ويانه انتَ ابنه الك حق عليه وانتَ راح سامحه من تشوف بعينك حبه الك
زعبان: جا اذا هيج سهله ما سامحتي ابوج جراح
لتين: ما بينه مقارنه بابا عافك مغلوب على أمره اما جراح حاول يقتل ثلاث اروح بسبب عدم ثقته وتهوره
اما هسه هذا الاكل تفضل اكل اني رايحه انام تصبح على خير
زعبان: وانتِ بخير ، جماررر
لتين: هاا
زعبان: راح ترجعين باجر ؟
لتين: وين .
زعبان: احمم اقصد تجين هناه اني يوميه اكعد لوحدي بهل وقت
لتين: انتَ تريدني اجي ؟
زعبان: ما عندي مانع اذا اجيتي حبيت السوالف وياج
لتين: لعد راح اجي
عفته وكملت مشي دخلت للغرفة وتمددت بفراشي بهدوء
ابتسمت واني احس زعبان بده يتجاوب وياي احس راح يسامح بابا واني هذا الاطمح اله ....
................
واكفه كالعاده منتصرته يرجع للبيت وادخل انام
شفت سيارته طبكت ونزل منها يمشي بهيبته ورزانته
شفته راح يدخل للبيت ركضت حتى اصعد لغرفتي
وكفتي صوته
_اوكفيي
_شتريد؟
_احجي عدل
_ لا والله موو انتَ الي تعلمني الحجي
_رييييم كلت احجي عدل
كمزت من عيطته المكتومه يخاف احد يسمعنه
ريم: هاا صخر هاا شتريد منييي
صخر: شبيج اريد افهم شخبلج عليه
ريم : صخر تعبت تعرف شنوو تعبت واني ادري بيك موو اليي ولا انه الك
صخر: لا تحجين حجي زايد انتِ الي فهمتي يو لا ريم ديري بالج اسمع هل حجايه منج بعد
ريم : شتفسر اليه امك من تحجي كدامنه وتكول اني خاطبتله شجن بنت خالك
صخر: امي هيج كالت
ريم : اي
صخر: جا اسمعي زين انتِ الي وما تصير الي حرمه غيرج وهسه روحي نامي وتغطي زين بنيتي
ريم: وكلام امك
صخر : تحجي بكيفها انه زلمه والي حجايتي وابوي يدري انه رايدج
ريم : نزلت راسي بخجل لفكرة ان عمو جراح يعرف بينه ، انه رايحه باي
عفته وركضت للغرفة بخجل هسه ياله رتاحيت
صرت اكمز بين البنات لان نايمات يمنه دست على ايد ترتيل الي رفعت رأسها وغمتني
ترتيل: امداج اي والله ما شوفين
ريم: ما ادري بيج ومرض
ترتيل: ايي صح صح غير ملتهيه بحبيب الكلب منتضرته
ريم: نامي نامي
رجعت نامت واني اضحك عليها ترتيل كانت صديقتي وبير أسراري
كعدنه ثاني يوم على الريوك ودخلت جمار صبحت على الكل وباوعت عليه بابتسامه
لتين: هلوو ريمه
ريم: هلو حبي
لتين: البارحه طلعنه سائد لمكتبه كلش حلوه وشفت هاي الكتب وذكرتج انتِ تحبين الكتب وجبتلج هذاً اكتب اتمنى يعجبنج
باوع عليها بصدمه وفرح
ريم: شكراا يروحي ليش كلفتي نفسج
لتين: لا عادي عمري غير بنت عمي انتِ
أيسر: جا ما ذكرتي اخوج بهديه
لتين: انتَ اخوي الكبير وجيبلي هديه
أيسر: غلطانه انه الصغير صخر الجبير هوه خلي يجيبلج
الشيخة جمار: تعاي اكلي يمه
لتين: الف عافيه شيخة سبقتكم ، امم ريم تعاي اريد اشوفج شغله
صعدنه للغرفة باوعت عليه بغمزه
لتين: هاي الهديه من حبيب الكلب يعني موو مني
ريم : ها ممم و شوفي لا تفهمني غلط والله ما ادري شلون حبيته.
لتين: ولجج ام عطوب اني شعليه تبررين اليه بالعكس انتِ وصخر لايكين لبعض ربي يتممها الكم
حضنتها وكلت
ريم : يا روحي احله حمايه انتِ
ضحكت وبعدها ودعتني وراحت
نزلنه وجمار راحت احسها ما تحب تبقه هناه وخاصه بوجود عمو جراح
العصر كلنه كاعدين نعلعل حجى بيبي
الشيخة جمار: خايبين ما تصيحون بيت راجح شوو مالهم حس
ام ضاري: اكول يمه شوو همه احسهم متكترين ما يخالطون حتى مرة راجح
الشيخة جمار: راجح ما مخليهم يختلطون ويطلعون بغداد عاد همه صار عدهم تعويد كعده البيت
ام ضاري: هوه راجح من يوم يومه هيج
ام شاهين: ما تعرفين طبعه جا ليش بلبل ما رادته بسبب حرصه
الشيخة جمار: وهسه هاي حرمته مبينه خوش مره تسمع جلمته وما تكسرها ، موش مثل بلبل شلت حاله
ام ذياب: جا احنه شرايدين بس يكون بخير
بقن يتناقشن بحياه عموو حجت غزل بترجي
غزل: بيبي حبابه خلي نروح للبستان نكعد والله ضوجه
الشيخة جمار: خايبه هيدي يجي جاسر ويشوفج طالعه غير يغسل شراعج
غزل: اهووو شعلي هوه تره عندي اخوان واب شدخله هوه
الشيخة جمار: خايبه سكتين يوو اكوم انعنع ضلوعج
ترتيل: بيبي حبابه خلي نروح وهم نصيح جمار وريد ويانه نتعرف عليهن نكعد بمكان معزول
ريم : اي بيبي فدوه والله ضوجه
الشيخة جمار: جا اذا هيج شوفن البنيات اذا يقبلن روحن واي واحد يحجي وياجن كولن اله الحجي ويه جدتي خوش يمه
غزل: يمه فديتج احببجججج بيبي
رحنه ركض احنه الاربعه ترتيل وازل وغزل راحن حتى يصيحن لجمار وريد وانه رحت اشوف واحد يشتري النه
لكيت ليث
ريم: ليوثي الحلوو شعجب اليوم هناه
ليث: ريم ولي من يمي عندي طلعه هسه
ريم: حباب حباب
ليث بنفاذ صبر: شتردين
ريم : اشتري النه حباب
ليث: انتِ ومنو
ريم: اني وغزل وازل وجمار وريد وترتيل
تقرب عليه بحماس
ليث: بنات عمي البغدايات وياجن بالكعده
ريم: اي
ليث: جا اكل وياجن
ريم: اي تعاي بس روح اشتري النه حباب
ليث: جيبي لفلوس جا
ريم: شكد فكر كول خليها عليه صخام جحف موو بيدك
ليث: خايبه انه اخذ مصرفي من ابوي اصرفه عليجن
ريم: ابو البنات لوو وحده من صاحباتك
ليث: الله وكيلج انه اخذ منهن فلوس
ضحكت على تعابير فززنه صوت عالي مليان غضب
صخر: شسوون هناه
همس ليث: جاك الموت يا تارك الصلاة ، جاي اشتري للبنات حلويات ماكو شيء
صخر: جا روح بدون كلام زايد
بهل أثناء اجن البنات اباوع على لتين ضحكت
فتح عيونه ليث
ليث: هاااي انتِ
ضحكت لتين وكالت
لتين: اييي انيييي
باوعه عليهم باستغراب
صخر: شكوو
ليث: هاي مره اجت للمحل رادت تجلي عدنه
لتين: اي اني رحت لكل محلاتكم هههههه
الكل ضحك عليها وعلى صدمه ليث
فرشنه وكعدنه نضحك ونسولف لهناك ونشوف شاهين
تقدم باوع علينه وحجى موجه الكلام لغزل
جاسر : غزاله روحي دشي داخل
غزل: الشيخة كالت اذا احد حجى وياج كولي اله روح للشيخة الحجي وياها موو ويانه
"هز رأسه وكال بوعيد "
جاسر : هااا خوش غزالي البري
راح والغضب يطاير من عيونه
صار المغرب لمينه اغراضنه ورجعنه للبيت
بليل الكل دخل ينام واني منتضره صخر يرجع للبيت
شفته دخل سيارته ركضت فتحت الباب دخل باوع عليه ومد ايده يوخر شعري من عيوني
صخر: ريمتي ليش صاحيه لحد هسه
ريم: منتضرتك اسوي الك عشاء
صخر : يله جا روحي صبي بين ما اغسل
ذب جكايره وموبايله وسويجه على الميز وراح
حضرت الاكل لفت انتباهي صوت جهاز صخر
توصله رسايل هواي باوعت على الاسم شجن رجف كلبي نزلت البرده واني اشوف الرسايل
شجن : صخر حبيبي وينك ، اني احبك ليش اسوي هيج بيه ، جاوبني الله يخليك ..
نزلت دمعتي بقهر باوع عليه صخر وكال بقلق
صخر : ريمتي شبيج
ريم : اكرهك......
.............................
لتين .....
شلت كوب الجاي واني متوجها لزعبان
كعدت واني اكله
لتين: اليوم تأخرت غير العاده
زعبان: عندي شغل اليوم استلمنه البضاعه الجديده
لتين: حلوو شعجب ما تشتغلون التصاميم بالمعمل مالتكم
زعبان: ما عدنه الإمكانية بمعملنه استوردنا من أوربا
التصاميم احله وأحدث
لتين: اممم حلووو والتصاميم حلوات ندري اني عندي شغف بالاكسسوارات
زعبان: عندي صور تعاي اشوفج
تقربت عليه اباوع بالموبايل وياه
طلع اليه تصاميم ذهب يخبلن كلش حلوات حجيت بذهول
لتين: واووو شنوو هل تصاميم الحلوة
زعبان: تحبين اجيبلج قطعه
لتين: لا شكرا عيني ما اخذ هدايا اني
زعبان : هاا حتى هدايا ابن عمج وصديقج
لتين: اي
زعبان: طبج مرض موو وجه نعمه
لتين: ياا
زعبان : وعلا
لتين: استاذ زعلان لا تغلط عليه
زعبان: زعلان!!!!
لتين: لااااا انييي قصدي اني زعلانه
زعبان: هااا
لتين: اي ، صدوك زعبان باجر معزوم على الغداء يمنه موو ما تجي
زعبان: وهاي العزيمه منين
لتين: من العائله كلها
زعبان: عندي شغل ما أكدر اجي
لتين: عليك الله تره والله ازعل عليك
زعبان: طبج مرض
لتين: والنبي ضجت موو صوجك صوجي اني يوميه شاتله نفسي هنا وانتظرك تجي وانتَ عزيمه ما تقبل بيها
زعبان ببرود: ما طالب منج تنتظريني انتِ من ذاتج تبقين ناطرتني
عفته بعصبيه وكمت واني اذكر الجهد السويته بهاي الشهرين
بديت اشوفه يوميه بنفس المكان يكعد اشجعت بأحد الايام ورحت احجي وياه اخذت كوبين جاي ورحت كعدت يمه باوع عليه بمعنى شنوو تردين
لتين: اشوفك يوميه تكعد هناه شعجب
زعبان : موو شغلج
لتين: امم هذا المكان اسمه موو شغلج
زعبان: شتردين ؟
لتين: حابه نكون اصدقاء
"ابتسم بسخريه "
زعبان: ماكو صداقه بين الرجال والمره
لتين: ليش ماكوو زين اوكي خلي نكون اخوه اعتبرني مثل وتد
"باوع عليه بنضره لا والله "
زعبان: تره كعدتج وياي غلط
لتين: عادي تره ابن عمي واكعد يمه ، تدري زعبان وتد كلش ضعيفه خطيه جانو متقاوين عليها عيالها وزوجها تخله عنها بسهوله بس اكيد يمنه معززه مكرمه عدها اربع اخوه حزام الها اما سائد فهوو شوي متسرع بس كلش حنين ويحبنه حلمه يكون ضابط سادن متملك يحب كلشي اله ويحب يصير كلش ناجح واحسن من الكل اما اريان فهذا يحب الاكل اهم شيء بطنه وبعدين الدراسه وبابا ......
عافني وكام واني بعدني ما مخلصه كلامي صحت وراه
لتين: بعدني مااا مخلصه كلامي عوود باجر نكمل مبين عليك نعست تصبح على خير
ضحكت واني راجعه ثاني يوم كعدت بنشاط سويت ريوك وكعدت الكل
ابو سائد : هاي شنوو منوو اليوم كاعد نشيط
لتين: صباح الخير باباتي
ابو سائد: صباح الورد يا ورده
ام سائد: حبيبتي شبيج اليوم موو من عوايدج
لتين: هاااي شنووو يعني لان حضرت الريوك صرت مخبله انتم ما ساعدون الواحد يطور من نفسه
ابو سائد: كعدي نيفين كعدي خلي نضوك ريوك لتون
صفكت بمرح وصبيت الهم جاي وهيج مر اليوم وصار الليل بسرعه نام الكل واني اسحبت على كيف باوع عليه موجود شفته موجود اخذت ماعون فواكه
لتين: هلوو زعبان
باوع عليه ببرود ودار وجها
لتين: اي شلونك ، اني زينه بخير
تدري اليوم سويت ريوك والكل فرح بابا ضل يحمد باكلي حمسوني كلش يوميه اسوي ريوك الهم تدري
اني كلش كسوله بشغل البيت عكس وتد الي تحب تنضف وتطبخ ، خلي اسولف الك هذا الموقف من جنت صغيره
جنت كلش دبدوبه المهم مره اجه واحد باسني من خدودي وجعصهن ومنو شافني سائد تخبل لزم الولد طيح حضه خلاه من يشوفني بمكان يدير وجها ويروح لغير طريق وما اكتفى بهيج راح لم أصدقائه وبحله المدرسه لعبو لعب بالولد خلوو يبتلي على عمره لان باسني ونفصل سائد اسبوع ومن رجعنه للبيت وبابا دره تخبل وهيج سائد كلش حريص علينه وتد ما الها صوت اله اني مخبلتهم
ياا صدوك زعبان اخذني الواهس واكلت كل الماعون عود جايبته الك يله ضل عنب تاكل
قدمت اله الماعون دفعه وكام يمشي متوجه للبيت
صحت وره بضحكه ممزوجه بتحدي
لتين : تصبححح على خيرررر زعبان باجر نلتقي
حجيت بهمس
والله لاخليك سامح بابا وتجي تعيش ويانه
ضحكت واني انكث هدومي واكوم راجعه للبيت
راحت ايام واجت ايام ومحاولاتي ان اخلي زعبان يجاوب وياي كلها فاشله بيوم كاعدين واني اخطط شنوو الي يخلي زعبان يسامح بابا
بهاي الفتره يوميه اروح لنفس المكان اضل الغي الغي والغي إلى أن زعبان يعوفني ويكوم..
رفعت راسي على صوت سادن يكول لبابا
سادن: بابا عمي جراح اجه
ابو سائد: ليش واكف دخله دخله
بقيت كاعده دخل جراح باوعت عليه وكلبت عيوني
سلم على بابا وبعدين
"باوع عليه بحنان"
جراح: شلونج بابا
لتين: هلوو ابو صخر ، بابا محتاج شيء اني داخله
جراح: ابقي بابا انه اليوم جاي بموضوع يخصج
لتين: يخصني اني ؟!!
ابو سائد: خير خويه كول صاير شيء
جراح : لا بس انه اليوم جاي حتى احجي ويه لتين بموضوع إثبات النسب
لتين: بس احنه سوينه التحليل شنوو بعدد لازم ما واثق بعدك اني بنتك
جراح: لا بويه موش هيج كصدي بس انه رايد انسبج الي يعني اطلع هويتج على اسمي جمار جراح عكَاب
"وكفت معترضه على كلامه "
لتين: مستحيل انتِ شجاي تحجي لا يمكن اغير هويتي وانسب نفسي الك اني لتين رافع مستحيل بيوم اغير هل شيء هل كلام خلي ببالك فهمت
جراح: جمارر انتِ بنتي مردودج عليه لازم تنتمين اليه
لتين: افهم كلش زين جراح ال عكَاب مستحيل اعترف بيك لوو يكون اخر يوم بعمري فهمت
ابو سائد: لتتتين ، امشي دخلي لغرفتج يللله
"دخلت للغرفة واني كتله من النار "
لتين: اكرهك جراح اكرهك الله ياخذ....
اسكتي لتين اسكتي لا تدعين عنده عائله كااافيييي
غسلت وجهي احاول ابرد ناري صار الليل واني ما طالعه من الغرفه طلعت حتى اشوف زعبان
هل مره طلعت بدون اي شيء ايدي فارغه
كعدت بهدوء خليت ايدي على خدي وسكتت اباوع على النجوم
حجى بعد مده من السكوت
زعبان: شبيج
"باوعت عليه وكتله "
لتين: شيصير لوو ما صاير كل هذا
زعبان: جان هسه انتِ تحت سيطره إبتهال
لتين: اكره جراح
زعبان: موو بكد ما تكرهج إبتهال
لتين: تدري اتمنى يرجع الوكت بيه ما جان ضهرت نفسي ولا خليت جراح يعرف بمكاني
زعبان: انتِ ضهرتي الحقيقه الي مخفيه عشرين سنه بضرف شهرين شلون سويتي هيج
لتين: هاي شغلتي اكيد اكشف الحقائق بأقل وقت
زعبان: شنو شغلتج ما فهمت ؟
لتين: اني ادري أدله جنائيه اقصد يعني بعد اليه سنتين واخذ الشهاده
زعبان: يعني هسه انتِ جاي ادرسين هيج مجال معقول ؟
لتين: ليشش مصدوم
زعبان: اني ادري البنات يحبن يصيرن دكتورات أسنان صيدلانية دكتوره نسائيه موو أدله جنائية
لتين: هذا حلمي احب أحقق وطبعا اختاريت هل مجال من حبي للاشياء الصعبه ، وبعدين اوو تدري شكد عانيت ياله وافق بابا
زعبان: حقه يعني انتَ بنيه تفوتين بنص الزلم لوو المجرمين والبيوت المقتول بيها بشرر هاي واكفه
زين الشيخ عكَاب يدري بهذا شغلج
لتين: ما يهمني
زعبان: امممم بيها كل الخير .
"سكتنه شوي وحجيت "
لتين: زعبان عود ليش الامنيات الصعبه ما تتحقق
زعبان: ماكو شيء يجي بسهولة
لتين: تدري اتمنى شيء بس مستحيل يتحقق
زعبان: كلشي يحقق بالاصرار والعزيمه ماكو شيء يجي بس بالامنيات
لتين: لعد اذا كلشي نكدر نسوي نكدر نرجع شخص ميت للحياة
سكتت وضل يباوع عليه بهدوء طالت نضراتنه لبعض
دك موبايلي فزيت وهوه دار وجها للجها الثانيه
باوعت عليه وضحكت فتحت الخط واني اكول
لتين: شمدريك ضايجه
حذيفه: كلبي كال بنيتك ضايجه شبيج ولج
لتين: جراح يريد ينسبني اله
حذيفه: اممم ولهل سبب ضايجه تدرين المزاج السيء
يسبب الج تجاعيد لان راح تبقين عاقجه وجهج
لتين: يمه تطلعلي تجاعيد اسم الله لا لا بطلت ما اضوج
حذيفه: اي عفيه هيج اريدج حبيبتي بنياتي
لتين: ماا غلطت من سميتك ضحكتي احبك يا قلبوشي حذوف
حذيفه: طاح حضج انشي ولي مني حذوف نوب ولي
سديته منه واني اضحك باوعت لكيت زعبان صافن
زعبان: منو هذااا تحجين وياه نص اليل
لتين: هاا احمم هذا خالوو حذيفه
زعبان: اممم بيها الخير انه رايح انام اليوم كلشي ما جايبه وياج لا جاي لا فواكه
لتين: يعني قصدك اذا اجيب تاكل وياي لان انتَ دائمن مجاهلني وبس تشرب جاي اذا اجيب
زعبان: حسب اذا شيء احبنه ليش لا بس انه الفواكه ما احبها
لتين: لعد شنوو تحب
زعبان: كبه بيت وياها كلاص جاي وجكاره اويلييي تعدل الراس
لتين: تمام لعد باجر اخلي ماما تسوي كبه لان خلصت واسويلك جاي بسسس الجكارة عليك
زعبان: جا خوش متفقين
لتين: يعني هسه احنه اصدقاء
زعبان: لااا
لتين: ليششششش
زعبان: كتلج ماكو صداقه بين المره والرجال
لتين: اي خلي نكسر هاي القاعده ونصير اصدقاء
زعبان: الله كريم هسه روحي اريد اروح انام موو امان كعدتج هنا
لتين: عادي بس وياك اني اكعد هنا انتَ تحميني
باوع عليه ودار وجها كمت وره اسولف
لتين: شكراا زعبان طلعتني من ضوجتي وكأبتي
زعبان: امم يعني موو حذوفج طلعج من ضوجتج
لتين: اني احب احجي وياك سؤال وجواب هيج احس تنطيني اجوبه لكل الي يدور ببالي بس خالوو حذيفه يسحب كل الطاقه السلبيه الي بيه وهم هوه يعرفني من صوتي
زعبان: وصلنه للبيت يله دشي نامي
لتين: تصبح على خير
زعبان: تلاكين الخير
وهيج مرت الايام إلى أن صرنه اصدقاء وبده يسولف اليه عن يومه واني هم اسولف اله عن يومي وكلشي يصير وياي
رجعت بذاكرتي واني كلش مقهوره منه حسيته يستهزئ بيه
نمت ما كعدت غير ثاني يوم الضهر كمت باوعت عليهم يضحكون ويسولفون باوعت عليهم واني مطنكره وضايجه ما اعرف ليش
اريان: ها لتين
لتين: هااا
اريان: وعلا ههههههه ههههههه
الكل ضحك واني بقيت عابسة وجهي
سادن: لتين العوبه اليوم مطنكره
لتين: معليك خوششش
ابو سائد: عوفوها مبين اليوم كلش واصله حدها شبيج بابا
لتين: شبيه يعني ها شبيه ضوجه من اجينه لهناه واحنه ما طالعين ابد واذا نريد نطلع لقصر الشيخ ال عكَاب عبالك مطلعنه زوراء واحنه من نروح هناك اضل هنه يحجن واني احجي واتعارك واجي وهم طلعت مره وياريت ما طالعه اكلت وحل شنيه عمي رجعنه لبغداد راضيه بالحديقة الي يمنه اروح اشمس شوي اشوف ناس ملييييت نفجرت ابجي احس هواي نضغطت هل فتره ومنا زعبان الي تعبني
رفعت راسي واني اشوف الكل يباوع عليه بصدمه
ابو سائد: لا لا لا بابا هاي شنوو معقول تبجين لان ما طالعه
لتين ببجي: بابا تعبت احس نفسي بقفص منا جراح الي جاي يضغط عليه منا بعدني ما متعوده على العيشه هنا
احس جاي استنزف طاقتي هواي
ابو سائد: ولا يهمج اليوم اخذج أفرج العماره كلها واذا حابه نروح نتغدا بمطعم لوو نروح بليل بحديقه عائليه نتعشه
لتين: بكيفك بس طلعني
ابو سائد: ولا يهمج حبيبتي يله مسحي دموعج ان شاء الله يغسلني هل دموع
لتين: اسم الله عليك حبيبي
كمت اغسل وجهي وبعدها ورحت كعدت يمهم طلعنه العصر كلنه بالبدايه نفتر بالسياره ونغني كلساع سائد خازنه اني وتد بس سادن كلش فري
لتين: بابا عليك الله طلع النه هاي الاغنيه
ابو سائد: وينها شوو
لتين: انطيني الفيشه اربط جهازي عليه
بدت الاغنيه
انا لمسيكينه انا وانا لمضيليمه انا
انا لمسيكينه انا وانا لمضليميه انا
انا الي باعوني هلي بدينار باعوني
بدينار باعوني
انا الي زوجوني وعليه غصبوني
واروح للملى علي واكله يا ملى علي
شايب وانا بنيه وانطوني فصليه
شايب وانا بنيه وانطوني فصليه
واركع وابوس ايده ورويحتي بأيده
واركع وابوس ايده ورويحتي بأيده
حسباله ما ريده انه
حسباله ما ريده انه
طول الطريق احنه نغني وياها كلش احب هل اغنيه لان هيه حزينه بس تركص
بعدها صار المغرب دخلنه مطعم عائلي
سادن: لتون عليج الله يوميه ضوجي هيج ضوجه
خلي نطلع هيج طلعه ترد الروح
لتين : والله حسب المزاج وبعدين هل مره رحتو ويانه المره التجي بس اني اروح وتد وماما وايليا يعني بدونكم توجعون الراس انتم
اريان: شكد خبيثه
لتين: بس موو بخباثتك يعيوني
ابو سائد: كافييي فضحوتنه الله يفضحكم
سكته بس واحد يخزر بالثاني
وتد: بابا خلي نروح لمدينه الألعاب خطيه ايلي ضايجه
سائد: ايلي ضايجه لوو انتِ
الكل ضحك عليها ، بعدين رحنه للمدينه ما خلينه لعبه ما لعبنه بيها احنه نصرخ وسائد يخزر بينه وكلساع هامس النه
سائد: صوتجن ، لتين ضمي شعرج ، ما عندج اكصف من هذا ألبس ، وتد الحجل مالتج قلقني ، وتد الكعب صوته عالي خففي
وهيج خلصنه الطلعه ويه تعليقات سائد
اخر شيء كعدنه يم الشط بهدوء اباوع على بابا وماما اخذو زاويه الهم ويتهامسون جنهم عشاق
سادن الي يصور واريان الي كاعد ياكل شاميه وسائد واكف حراسه علينه اني وتد وايلي
لنص الليل رجعنه تعبانين الكل راح لغرفهم طلعت باوعت من شباك المطبخ لكيت زعبان بنفس م
