رواية الهيصم خطوط سوداء الفصل السابع عشر 17 بقلم بنين احمد
بس انته حبيبي
وماكلت بذات
يا مفتاح روحي
والسوالف بيك تحلى
والهوا يمرني
ويرطبني ههبوبك يا ندى الغبشه✨🖤
********************
"أيڤانا"
- جنت اقرا بسطح عادي واسمع صوت صريخ انتبهت الصريخ اجه من بيت شيخ جبل نزلت اركض لأمي .
أمي جانت كاعده تابع مسلسل تركي هيه وميلڤين
أيڤانا:- يوم يوم أكو صغيخ بيت شيخ جبل
اساور:- شنو صريخ شكو .
ميلڤين:- أي والله صحيح اكو صريخ .
ركضت أمي لبست عبايتهه وطلعت تركض اني بهيج مواقف ماكدر اسيطر على نفسي اضل اضحك ويجيني حماس ..
طلعت ميلڤين واني ركضت وراها دخلت لبيت شيخ جبل .
دخلت واني اطرش بزفه شهكت من شفت ذيب واكف ودمه بطوله صارت رجفه بيدي وهوه عيونه حمر ..
يباوعلي ومخنزر معصب .
دعشه:- صلِّ على محمد ابني أهدء يمه بداعتي عليك
هوه ميحجي حور جرت اخت ذيب وأمه وطببتهن للغرفه أما ذيب ضل واكف ودم يجري منه .
حجيت والخوف مسيطر عليه
أيڤانا:- خلينه ناخذه للمستشفى ....
ذيب:- ماكو داعي .
دعشه:- يمه حبيب خلص دمك أمشي يبعد أمي روح للمستشفى
ذيب:- كلتتتتتتت ماكوووو داعييي .
تاليا:- ميصير تموت اذا ضليت على هاذا النزيف لو تدخل غيبوبه
بعده تحجي ودخل علينه شيخ جبل اول ما شاف ذيب بهل حاله فتح عيونه على وسعهن وصاح بعصبيه
جبل:- هايييي شصاير هناااا ؟
وكفت حور مقابيله وكالتله كلشي ..
حور:- شيخ هاي ميسم دكول لذيب مخبل ويطلع خبالاته علينه وهوه معصب
جبل:- شنييي هل حجيي وانتِ تعايي نمي الكزاز لا واحد يتعور
ركضت تاليا جابت الماسحات وأني رحت وياهه كومه كزاز
وكف شيخ جبل يقنع ذيب يروح للمستشفى ماقبل وعاند دعشه حلفته بمعزتهه عنده يالله رضه يروح وصدك راحو وهم زين
أمي كالت خل يجي ذيب نطمن عليه يالله نروح للبيت واني ضليت مثل المره الحامل وبشهرهه تريد تطلك
بالي وعقلي وروحي وكلبي يمه افرك بأيدي اجتي حور وكفت تعلج وتمطك بحلكهه لعبان نفس
حور:- هاا ياا حلو منتضر الحبيب
أيڤانا:- وانتي شعليج؟
حور:- مجرد سؤال وبعدين هل كد خايفه على العزيز ابو طي*
أيڤانا:- ههههههههههههههه كبغ لفج
حور:- اي عيني لعد هيه حبه ولبط غير انتو الثنين واحد يحب الثاني ومن أمداكم على هل حب
أيڤانا:- حبيش يمه حبيش غيغ هوه مثل اخويه
حور:- زموووو وربعج التموو علينه يمه علينه
تحجي وتغمز
أيڤانا:- اكره الي يدخل عصه بل مايخصه
حور:- اممم حقج يابه حقج خصوصيات مو
أيڤانا:- ليش احس دا احجي ويا غجال
حور:- انا انثى بمعنى الكلمه
أيڤانا:- شلون بللا
حور:- كلي انوثه ورقه وجمال ورشاقه
تحجي وصاحتهه تاليا ما ردت عليه صاحتهه مره ثانيه وثالثه ماترد الرابعه صاحت بصوت عالي يوصل السابع جار
حور:- هاااااااااااااااااااااااااااااااااااااااااااا وعمه شتريدين مو جاي ناكل خر* ونحجييييييييي
أيڤانا:- كلتيلي غقه ونوثه
غميتهه ومشيت مخبله وراح تخبلني طبيت جوه اسمع اخر الاخبار اجتي تاليا وكعدت بصفي
سألتهه على يلي صار وسولفتلي كلشي
أيڤانا:- يااااا وشلون دكله المخبل متستحي مو اخوهه
تاليا:- بعدج ما شايفه شي جنه مرتاحين منهه
أيڤانا:- انتِ مو اختهه؟
تنهدت بصوت عالي وحجت وعيونه تلمع بدموع
تاليا:- اختي من أمي تشبهه أبوهه بكلشي ومتحبنه لا اني ولا ذيب ولا حتى كايلا
بعدني اريد احجي ودخلو ذيب وشيخ جبل ودعشه
لافين راس ذيب وأيده ومخيطين وجهه من شفت حالته هيج
نزلت دمعتي ردت اسيطر على نفسي الرجفه البأيدي عتلت ودموعي تنزل وامسحن اخاف واحد ينتبه هوه
حاط عينه بلكاع وعيونه حمر كام وكف على حيله وصعد الغرفته بدون مينطق كلمه
حجه شيخ جبل
جبل:- هاييي ميسم هواي مستهترا انا ماعندي نسوان تغلط على رجال ادوسهه وكسر ضهرهه وانا متشرفني هيج وحده بيتي مو هيج حجيه دعشه
دعشه:- انا وياك بكل كلمه دكولهه هيه بس مستهترا ذاك اليوم تعلي صوته بوجهي هل ما متربيه
جبل:- لعد انطلعهم بيت بحدهم تعرفون بيت ابو حسن شالو منه أشتري الهم واخليهم بيه وفضت ياعرب
دعشه:- عاشت أيدك أبو ثابت عين العقل
كامت أمي وسترخصت منهم حتى نرجع لبيتنه رحنه لبيتنه اني أول ما دخلت ركضت لغرفتي
دخلت وقفلت الباب وراي وفتحت تليفوني شفت رقم ذيب بساع دكيت عليه ميجاوب دكيت مره ثانيه جاوبني بصوت تعبان وكوه يحجي
ذيب:- الوو
أيڤانا:- شلونك؟
ردف بصوت مبحوح
ذيب:- هسه صرت بخير ..
أيڤانا:- متأذي ؟
ذيب:- لاا ..
أيڤانا:- ليش هيج تأذي نفسك هسه شنو ستفاديت من انشك غاسك وجهك وأيدك بس أنته تأذيت محد تأذه او حس بأذيتك ليش هيج عندك سهله تجغح نفسك وفوك هاذا متغضه تغوح للمستشفى لو صايغ بيك شي هاا؟
تنهد وحجه
ذيب:- خايفه عليه؟
أيڤانا:- اني وين وأنتَ وين .
ذيب:- حبيبي والله همه يعصبوني
أيڤانا:- اخي لازم تتحكم بعصبيتك ياعيني
ذيب:- مو اغلط شنو اخي؟
أيڤانا:- اي يا أخي ليش دتأذي نفسك مو والله خطيه
ذيب:- فوفه لا دكولين أخي .
أيڤانا:- أخي ليش معصب .
ذيب:- ربيييي صبرك .
أيڤانا:- اخي .
:- لارد
:- ياخي تغه اني مخابغته علمود أتحمدلك على السلامه .
:- الله لا يسلمج اذا صحتيلي أخي .
:- ليش أخي
:- لأن انا مو أخوج انا حبيب الگلب والمستقبلي .
:- انتَ مو مجغوح متغوح تنام أخي .
1
سداه بوجهي صدك ميستحي ليش يزعل واذا كتله أخي ليش يزعللل حطيت التليفون على الشحن ورحت للكنتور طلعت ملابس وفتت سبحت سويت روتيني وطلعت شسورت شعري وسويته على شكل
كعكه ونزلت جوه البيت يصوصي مابي حس عبالك موته اني صعدت عندي النضافه
رحت اول شي للمطبخ طلعت الماعين الوسخه ونضيفه وكعدت اغسلل من گلب ورب والله بعده حركت كلبي لمن شفت ذيب
دمه بطوله كملت غسل الماعين طلعت الجدوره هم جلفتهن بسيم ماخليت على حالهن حال كملتهن مسحت السنگ والكامنتر
وغسلت الكاع ورحت للثلاجه نضفتهه ومسحتهه وهم البراد مسحته وغيرت الدبه المي أرو كملت من المطبخ
طلعت على الستقبال نضفته الجوه التخم كنسته ومسحته وعطرته وشغلت قرأن كريم ورحت غسلت الطرمه صار البيت يضوي
صار المغرب وأذن أذان المغرب رحت صليت ووقريت سوره النور ودعاء الكساء وراها كمت لغرفتي عزلت ملابسي وجربايتي ومكياجي صارت نضيفه
من التعب بعد مكدرت أوكف على رجلي نمت على الجربايه وأجتي رساله من حور كاتبه
" فوفه تعاي ساعديني بتنضيف لأت راح يجونه خطار "
مارديت عليهه بطرانه انكسر ضهري هسه وين اكو خطار بليل
حضنت المخده ونمت بعد كل حيل ما بيه غمضت عيني وأجه
خيال ذيب وتذكرت من ضحك وبينت أنياب اسنانه حيل حلوه ضحكته لو من هوه معصب ويصيح ويضرب ومنفعل
ضحكت واني اتذكر تفاصيله بدقه بعد ارهاق من التفگير نمت
****************
~ بيني وبين نفسي
شگد افكر بيك اگول شمعنى انت شاغل ضنونيي ؟ مو اول عشك خاطر
تشل الحال
ولا اول جمال تشوفك عيوني
شجاها الـ روح يمك
ذبت الاسرار ولــيش؟! ❤💫
توقعاتتت🥹✨💙
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
