رواية حظ عاثر الفصل السادس عشر بقلم ليل ادم
الممرضه : لو سمحت كلو يطلع بره
أدهم: طب ده يطلع اذاي يعني ( وأشار إلى سعيد)
الممرضه : أنا قصدي حضرتك والناس اللي معاك المريض لا طبعا
سعيد : هو أنا كمان بقيت مريض
حماده علبه: قول الحمد لله انها مقالتش مكان المرض
أدهم: ياله يا جماعه نطلع بره طيب
عم جمال: ياله ياختي ياله يا حلوه روحي ڤويس كيس غني هناك
أم أيمن: عبوك في كيس يا بعيد ما طلع منك حتا سليمه
ادهم: عم جمال اسمه ڤويس كيدز
عم جمال : طب خد امك في ايدك وياله ياعم المثقف
حماده علبه: ( قرب من عم جمال ) معايا حاجه طرش
جمال: معاك دريملي
حماده: معايا نص شريط
جمال : مش هعرف أخده ايدي ذاي ما انتا شايف
حماده: افتح بوقك
جمال : اهو
حماده: قربع يا عمهم يا وحيد القرن ونادي القرن
جمال : بره معاهم ياله يا علبه
حماده: هات ٢٥ جنيه
جمال : خود من سعيد الفلوس جوه البمبز تحت الورده اللي على
سعيد: بس متكملش
جمال: على ضهرك ياض انتا فهمت اي بس
ادهم : انتا أديته اي بدال ما يموت
حماده: يموت اي ده برشام هلوسه علشان الناس تسلم من لسانه
ادهم: ابن حلال بصراحه ويستاهل
الدكتور: بعد اذنك يا استاذ لم الشله بقا وامشي
ادهم : حاضر حاضر ياله
سعيد: ادهم رايح فين
عم جمال: والنبي يا دكتور هاته هنا جمبي عايز اعرف في اي تحت الورده دي
الدكتور: عم جمال اسكت بعد اذنك
عم جمال: يعني اي اسكت دي أنا أد أبوك يابني عيب كده
الدكتور: أديله اربعه سنتي منوم
الممرضه : حاضر
عم جمال: لا مش عايز أنام مش عايز أنام أنا
الدكتور: ( بعد ما نام عم جمال) دنتا راجل حقنه
في جانب آخر
كان ادهم وصل البيت مع أمه وحماده وأم ايمن
أم أيمن: هتقولي ل ام سعيد حاجه
حماده: لالا بلاش حرام هيا دي حاجه تتقال ل أمه دي تموت فيها
الأم: عندك حق يا حماده أنا فعلاً مش هقول حاجه ل ايمان
أم أيمن: ماشي أنا طلعه انام
ادهم : ياله يا اما سلام يا حماده
حماده: طب أنا هروح فين
أدهم: روح المستشفى ل سعيد
حماده: والله فكره ماشي سلام
الأم: ياض ده مجنون ممكن يروح بجد
أدهم: ممكن يروح لا هو فعلاً هيروح أطلعي ياما
في جانب آخر
عم جمال: ياض تعاله جمبي هنا خايف من اي
الدكتور: هو مش خد اربعه سنتي
الممرضه : خمسه كمان والله يا دكتور
عم جمال: أنا واخد دريملي اتنين ملي مش هنام النهارده
الدكتور: اي البتاع اللي قال عليه ده
الممرضه: معرفش
عم جمال: تعبان تعبان
سعيد:( بخوف ) فين ده
عم جمال: على ضهرك اجري يا سعيد
الدكتور: يابني اهدا وربنا ما في حاجه
سعيد: لا أنا حاسس ب حاجه على ضهري
الدكتور: خودي عم جمال بالسرير بتاعه بره قصاد المستشفى علشان ميعملش مشاكل مع حد لحد ما أخلص وانتا كمان اسكت بقا مررتو عيشتي.
الممرضه: عم جمال خليك هنا لحد ما اجي أخدك
عم جمال: كده في الشارع يابنتي انتي يابت روحتي فين يا ولاد الكلب لو المطره أشتغلت الجبس هيبوش
حماده علبه: ( كان وصل المستشفى)
عم جمال: حماده ياض يا حماده يا حرامي
حماده: الصوت ده مش غريب عليا
عم جمال: أنا عمك جمال يا حماده يا بتاع البرشام
حماده: بس اقطم يخربيتك هتحبسني
عم جمال: خدني في اي مكان ليه سقف بدال ما أنا نائم في الطل كده
حماده: هو اي اللي خرجك بره كده
جمال: الدكتور إلا اي علشان مشفش ورده سعيد
حماده: معلش يا راجل يا طيب حقك علينا كلنا
جمال: متربي والله يا ض يا حماده
حماده: تحب تاخد لفه حولين المستشفى
جمال : نفسي والله يا حماده اقوم امشي
حماده: هو بسريرك زاي ما انتا
جمال : ازاي دي
حماده: ( حط ايده علي السرير ذق السرير وخد عم جمال ومشي بيه )
عم جمال: يابني يخربيتك بلاش تطلع البرشام علي دماغي
حماده: اسكت خالص يا راجل يا طيب
عم جمال: انتا ناوي تعمل اي يابن المجنونه رجعني المستشفى بقولك
حماده: والله ل تلاف البلد كلها النهارده يا راجل يا طيب
تاني يوم في المكتب
رحاب : ينهار كل ده حصل امبارح
ادهم : اه والله دي كانت شغلنه طين
رحاب: الحمد لله انها خلصت على كده
تليفون مكتب رحاب
رحاب. : ألو
الأمن: ام الاستاذ ادهم ومعاه وحده ست تانيه عايزين ادهم
رحاب: خليها تدخل
الأمن : أتفضلي يا امي
الأم: تسلم يا عيد
أول ما دخلت الأم تقابلت مع سامي قصاد مكتبه
سامي: أهلا وسهلا نورتي والله يا حجه
الأم: النور نورك أنا دخلت اشوف ابني علشان في مشكله وهمشي على طول
سامي: وده اسمه كلام دا المكتب كله تحت امرك يا ست الكل
الأم: مجنون الراجل ده ولا اي
سامي: نعم
أم أيمن: معلش يا استاذ
سامي: سامي اسمي استاذ سامي
أم أيمن : تشرفت بمعرفتك
سامي: أنا أشرف
الأم: اشرف ولا سامي ارس على بر
أم أيمن: خلاص يا فاتن الراجل قصده أنه مبسوط من وجودنا
الأم: طب خليكي هنا لحد ما ادخل ل ادهم
سامي: ودي تيجي ( فتح باب مكتبه ) أتفضلي يا ام ايمن
أم أيمن: حبيبه
سامي: نعم
أم أيمن: اسمي حبيبه
سامي: طبعاً حبيبه وقريبه كمان
في جانب آخر
رحاب : ادخل
الأم: واد يا ادهم بتعمل اي
ادهم : اي ده في اي انتي بتعملي اي هنا
الأم: مصيبه جديده
أدهم: في اي
الأم: حماده ابن المجنونه خد عمك جمال بالسرير فضل يلاف بي في البلد كلها لحد ما جه قصاد القسم جمال وقع من على السرير الحكومه خدت الاتنين والمستشفي قالت إن جمال وحماده علبه سرقوا السرير وخرجوا بي
ادهم: بتهزري صح
رحاب: ( بتضحك ضحك هستيري) والله بجد الكلام ده يا فاتن
الأم: اه والله
أدهم: طب اعمل اي بقا أنا في دي كمان والنبي
الأم: هو انتا مش محامي أتصرف
رحاب: قوم قوم أنا جايه معاكم
خرج ادهم من المكتب وكان معاه رحاب و أمه
الأم: استنا ثواني
ادهم : ( مسك ايد أمه ) أبوس ايدك رايحه فين ده مكتب سامي
الأم: منا عارفه سيب ايدي يا جزمه
ادهم : لا والله امشي بلاش مشاكل
الأم: (فتحت الباب كان قاعد سامي و ام ايمن نازلين ضحك مع بعض)
ادهم : اي ده هو أنا في المكتب ولا في البيت عندنا
أم أيمن: معلش يا سيمو لينا لقاء تاني
سامي: تحت امرك يا مدام حبيبه
حبيبه: اخس عليك أنا أرمله
ادهم: اه يابنت الأرملة ( وشد ام ايمن امشي قدامي )
حبيبه: باي يا سيمو
سامي: باي يا ملاك الرحمه
ادهم : هتتشلوح انتا حر ياله بينا
قصاد باب القسم
ادهم : السرير ده مش غريب عليا
أم أيمن: ده سرير جمال الله يفحره
ادهم : اي ده أما عم جمال فين ل يكون رجع المستشفى
عم جمال: ادهم ياض يا ادهم
ادهم : مين
عم جمال: على الكنبه ياض بص على الكنبه كتك البلا ده حتا شكلي مميز وأنا شبه صباع الطباشير كده
أدهم: اي ده عم جمال اهو نايم على الكنبه هناك
أم أيمن: اي ده عم جمال مين اللي حطك على الكنبه هنا
جمال : عم جمال يا مقطوعه النسل ياوش الفقر ياخنشوره
ادهم: يا جماعه والله مش وقته
الأم: في اي صحيح يا جمال
جمال: حماده علبه خدني على السرير وقعد يذق فيا من رمسيس ل التحرير ومن التحرير للجيزه مصمم اشوف النيل إبن الهبله وأنا عمال اصوت وهو عمال يجري بيا في الشارع لحد ما وقعنا قصاد قسم الجيزه الظابط الله يكرمه خدني حطني هنا قالي نام انتا يا ولدي
ادهم. : يانهار اسود هو في كده يا جدعان
جمال: قولي انتا والنبي ابن المجنونه
ادهم : هو فين الوقتي
عم جمال: الظابط بيقوله جايب منزل الراجل ده منين قاله من جوجل بلاي هو اي جوجل بلاي ده يا خالتي ام ايمن يابنت الخناشير
ادهم: معلش يا امو ايمن عندي أنا المرادي
حماده علبه: ادهم يا ادهم
الأم: الحق يا ادهم حماده علبه
رحاب: ( وقعت على الأرض من الضحك)
أدهم: اي ده ياض يا حماده مين علقك في الحيطه كده
حماده: الظابط ياعم وكل ما أقوله ابوس ايدك نزلني يقولي النت ضعيف ياروح امك وحيات امك يا ادهم أدخل شوفه ❤️
بدل ماتدور وتبحث علي الروايات خليها علي تليفونك وحمل تطبيقنا
