رواية هدية الشيخ رضا الفصل السادس عشر 16 بقلم أوتار حزينه
ﺭﺟﻌﺖ ﺭﺍﺳﻲ،،،ﻟﻴﻮﺭﻩ،،ﻭﻏﻤﻀﺖ ﻋﻴﻮﻧﻲ،،،،،ﻻﻥ ﺣﺴﻴﺖ ﺑﺮﻭﺣﻲ ﺑﻌﺪ ﻣﺎﺍﻛﺪﺭ،،،،ﺍﻟﺘﻌﺐ ﻫﺪ ﺟﺴﻤﻲ،،،
ﻭﺯﺭﺩﻭﻣﻲ ﺍحس ﺗﺠﺮﺡ،،،ﻣﻦ
ﺍﻟﺼﻴﺎﺡ،،،،ﺳﻤﻌﺖ ﺭﺿﺎ ﺣﺠﻪ ﻭﻱ
ﺍﻣﻪ ﺑﻘﻠﻖ،،،
« ﻳﻤﻪ ﺧﻠﻨﺎ،،،،،، ﻧﻮﺩﻳﻬﺎ ﻟﻠﻤﺴﺘﺸﻔﻰ
ﺍﺧﺎﻓﻦ ﺑﻴﻬﺎ ﺷﻲ ،،،ﻭﺟﻬﻬﺎ ﺍﺻﻔﺮ
« ﻻ ﺷﻴﺦ ﻣﺎﻳﺤﺘﺎﺝ،،،،،،ﻫﻲ ﻫﺴﻪ
ﺑﺲ ﺗﺮﺗﺎﺡ،،،،،ﻳﺮﺩ ﻟﻮﻧﻬﺎ،،،
ﺍﻣﻬﺎ ﺟﺎﻭﺑﺘﻨﻲ،،،گضيت ﺍﻳﺪﻫﺎ
ﻋﺎﻳﻨﺖ ﺍﻟﻬﺎ بقلق من شفتها غفت
ﻭﻛﻤﺖ ﻭﺭﻩ،،ﺩقائق من سمعت امي كالت
« ﻳﻤﻪ ﺭﺿﺎ،،،،،ﻋﻮﻓﻬﺎ ﻭﺧﻠﻬﺎ ﺗﺮﺗﺎﺡ
ﻫﺰﻳﺖ ﺭﺍﺳﻲ،،،ﺑﺎﻱ ﻃﻠﻌﺖ ﻣﻦ ﻳﻤﻬﺎ،،،،ﻭﺭﺣﺖ ﻟﻠﻬﻮﻝ
ﺟﺎﻧﻮﺍ ﻭﻟﺪﻱ،،،ﻭﺍﺣﺪ ﺑﺎﻳﺪ،،ﺟﺪﺗﻲ
ﻭﻭﺍﺣﺪ ﺑﺎﻳﺪ ﻣﺮﻳﻢ،،،،
ﺭﺣﺖ ﺍﺧﺬﺕ ﺍﻟﻲ ﺑﺎﻳﺪ،،،،،بنتي
ﻭﻋﺎﻳﻨﺖ ﻋﻠﻲ ﻭﺍﺑﺘﺴﻤﺖ،،،ﻭﺣﻤﺪﺕ ﺍﻟﻠﻪ
ﺍﻟﻒ ﻣﺮﻩ ﺑﮕﻠﺒﻲ ﺍﻟﻲ ﺍﻧﻄﺎﻧﻲ ﺍﻟﻮﻟﺪ ﻭﻣﺎﺣﺮﻣﻨﻲ ﻣﻨﻪ،،،
ﺗﻤﺸﻴﺖ ﻟﻴﻢ ﺟﺪﺗﻲ، ،،ﻭﻛﻌﺪﺕ ﻳﻤﻬﺎ
ﻭﻋﺎﻳﻨﺖ ﻻﺧﻮﻩ وكلت
« ﺍﻛﻮﻟﻦ،،،ﻫﺎﻱ ﺷﻠﻮﻥ ﺭﺍﺡ ﻧﻌﺮﻑ
ﺷﺒﻞ ﻣﻦ ﺷﺎﻫﻴﻦ
« ﺍﻧﻪ ﺍﺩﺭﻱ،،،ﻳﺎﻳﻤﻪ،،ﺍﺛﻨﻴﻨﻬﻢ ﻳﺸﺎﺑﻬﻮﻥ،،،ﺑﺲ ﻫﺬﺍ ﺍﺑﻮ ﺍﻟﻜﻤﺎﻁ ﺍﻻﺯﺭﻙ ﺷﺒﻞ،،،ﻭﻫﺬﺍ ﺍﻟﻮﺭﺩﻱ ﺷﺎﻫﻴﻦ
ﺍﻧﻪ ﺍﻋﺮﻑ،،،ﻣﻦ ﺳﻤﻴﺘﻬﻢ،،،
ﺟﺪﻩ ﺭﺍﺯﻗﻴﻪ ﺣﺠﺖ ﻫﻴﺞ،،،ﻭﻛﻤﻠﺖ
« ﻳﻤﻪ ﺯﻫﺎﺀ،،،،ﺟﻴﺒﻠﻲ ﻣﻲ ﺭﻳﮕﻲ
يبس من الخوف عليها هي والولد
زهاء
جاوبت جدتي و
« ﺍﻱ ﺟﺪﻩ ﻫﺴﻪ
ﺭﺣﺖ ﻟﻠﻤﻄﺒﺦ،، طبيت وكفت من شفت
ﺟﺪﺗﻲ ﻧﺒﻌﻪ ﺗﺤﺠﻲ ﻭﻱ ﻭﺍﺣﺪ ﺍﺷﻜﺮ ﻭﻃﻮﻳﻞ
وشكله مو غريب عليه عرفته حسين
اخوه ليله اليدرس
بغداد
« تفضل يمه
حسين
ﺭﻓﻌﺖ ﺭﺍﺳﻲ ﺑﻌﺪ ﻣﺎﺟﻨﺖ منزله
ﺷﻔﺖ ﺑﻨﻴﻪ ﺳﻤﺮﻩ ﺗﺸﺒﻪ
ﺍﻟﻬﻨﺪﻳﺎﺕ،،،ﺣﻠﻮﻩ
ﻭﺍﻟﻌﻴﻮﻥ ﺳﻮﺩ ﻭﻣﺠﺮﻭﺭﻩ،،،ﻭﺍﻟﺤﺎﺟﺐ ﻣﻌﻜﻮﺩ ﺻﻔﻨﺖ ﻋﻠﻴﻬﺎ ﻻﺭﺩﻳﺎ ومااعرف ليش اخذت
عيوني وخلتني صافن عليها
خجلت من نظراتي ونزلت ﺭﺍﺳﻬﺎ ﺑﺨﺠﻞ،،،ﺭﺟﻌﺖ
ﻟﻴﻮﺭﻩ،،ﻭﻃﻠﻌﺖ ﻣﻦ ﺍﻟﻤﻄﺒﺦ
ﻣﺸﻴﺖ ﻭﺭﻩ ﺍﻟﺸﻴﺨﻪ ﻭﺍﻧﻪ ﺍﺣﺲ
ﺑﻮﺿﻌﻲ ﺗﺨﺮﺑﻂ ﻃﺒﻴﺖ
ﻟﻼﺳﺘﻘﺒﺎﻝ،،،،ﻭﻫﻲ ﺭﺍﺣﺖ ﻭﺍﺟﺘﻲ ﻭﺭﻩ
ﺩﻗﺎﺋﻖ ﻭﻭﻳﺎﻫﺎ ﺍﻟﺸﻴﺦ ﻭﻭﻟﺪ ﻟﻴﻠﻪ
ﺍﺑﺘﺴﻤﺖ ﻣﻦ ﺷﻔﺘﻬﻢ ،،،،ﻭﺭﺿﺎ ﺣﺠﻪ
« ﺗﻌﺎﻝ ﺩﻛﺘﻮﺭ ﻭﺷﻮﻑ ﺍﺑﻦ ﺍﺧﺘﻚ
ﺷﺒﻞ
ﻣﺸﻴﺖ ﻟﺮﺿﺎ ﻭﺍﺧﺬﺗﻪ ﻣﻨﻪ ﻭﺑﺴﺘﻪ
ﺣﺠﻴﺖ ﻭﺍﻧﻪ ﻓﺮﺣﺎﻥ ﻻﺧﺘﻲ ﻭﺍﻟﻪ
« ﻳﺘﺮﺑﻮﻥ ﺑﻌﺰﻙ ﺷﻴﺦ،،،ﻭﺍﻟﻠﻪ
ﻳﺤﻔﻈﻬﻢ ﺍﻟﻚ ،،،،ﻭﺗﺸﻮﻑ ﻭﻟﺪ
ﻭﻟﺪﻫﻢ
« ﺍﻣﻴﻦ،،ﻳﻤﻪ،،
ﺍﻡ ﺭﺿﺎ ﺣﺠﺖ ﻫﻴﺞ،،،ﻭﻛﻤﻠﺖ
« ﻳﻤﻪ ﻣﺎﺗﺸﻮﻓﻬﻢ،،،ﻳﺤﺘﺎﺟﻮﻥ ﻣﺴﺘﺸﻔﻰ حتى
ناخذهم الها
ﻛﻌﺪﺕ ﺧﻠﻴﺖ ﺷﺒﻞ ﺑﺤﻈﻨﻲ ﻓﺤﺼﺘﻪ،،،ﺍﺑﺘﺴﻤﺖ ﻣﻦ ﺷﻔﺘﻪ ﻳﺘﺤﺮﻙ ﻭﻳﺒﺠﻲ،،،،ﻭﻭﻭﺭﺍﻩ ﺍﺧﻮﻩ،،،ﺍﻟﻲ ﺟﺎﻥ ﻫﺎﺩﺀ
ﻭﺑﺠﻰ ﺷﻮﻳﻪ ﻭﺳﻜﺖ
ﻭﺣﺠﻴﺖ
« ﺷﻴﺨﻪ ﻣﺎﺑﻴﻬﻢ ﺷﻲ،،،ﻣﺜﻞ ﺍﻟﻮﺭﺩ
ﺑﺲ ﺧﻠﻴﻬﻢ ﻳﺮﺿﻌﻮﻥ،،،،
« ﺍﻱ ﻳﻤﻪ،،،ﺍﺣﻨﺎ ﻣﺤﻈﺮﻳﻦ ﺍﻟﻬﻢ
ﺍﻟﺤﻠﻴﺐ،،،ﻭﻫﺴﻪ ﻧﻨﻄﻴﻬﻢ
« ﻻ ﺷﻴﺨﻪ ﺧﻠﻲ ﻟﻴﻠﻪ ﺗﺮﺿﻌﻬﻢ ﺍﺣﺴﻦ
ﺣﺘﻰ ﻳﺎﺧﺬﻭﻥ ﻫﺎﻱ ﺍﻟﺼﻤﻐﻪ،،،
ﺍﻟﻲ ﺗﻔﻴﺪﻫﻢ
« ﻫﺎﺍ ﻳﻤﻪ،،،، ﺍﻱ ﺻﺪﻙ ﻛﻼﻣﻚ
« ﻭﻫﺴﻪ ﺍﻧﻪ ﺍﺗﺮﺧﺺ ﻻﺯﻡ ﺍﺭﻭﺣﻦ ﻻﺑﻮﻳﻪ ﻭﺍﻃﻤﻨﻪ ﻋﻠﻰ ﻟﻴﻠﻪ،،،ﻻﻥ ﺍﻟﻜﺎﻉ مالمته من وراها
« ﻣﺮﺧﻮﺹ ﺩﻛﺘﻮﺭ ﻭﺗﺴﻠﻢ ﺗﻌﺒﻨﺎﻙ
ﻭﻳﺎﻧﺎ
ﺍﺑﺘﺴﻤﺖ ﻟﺮﺿﺎ ﻭﺟﺎﻭﺑﺘﻪ
« ﺗﺪﻟﻞ ﺍﺑﻮ ﺷﺒﻞ،،،ﺍﻧﺘﻪ ﻭﻭﻟﺪﻙ
رضا
ﻋﺎﻳﻨﺖ،،،ﻟﺤﺴﻴﻦ،ﻣﻦ مشى ﻭﻱ ﺍﻣﻲ
ﻭﺣﺴﻴﺖ،، ﻻﻭﻝ ﻣﺮﻩ ﺍﻻﺳﻢ
ﺻﺪﻙ،،،ﺍﺳﻤﻲ،،،،ﻭﺻﻔﻨﺖ ﻋﻠﻰ ﺍﺑﻨﻲ ﻭﺍﺑﺘﺴﻤﺖ ﻭﺭﺩﺩﺕ
« ﺍﻟﺤﻤﺪ ﻟﻠﻪ ﻣﻦ ﺍﺟﻴﺖ ﻳﺒﻌﺪ ﺍﺑﻮﻙ
ﻭﻓﺮﺣﺖ ﮔﻠﺒﻲ ،،،ﺍﻟﺤﻤﺪ ﻟﻠﻪ ﺍﻟﻒ ﻣﺮﻩ
ﻣﻦ ﺻﺎﺭ ﺍﺳﻤﻲ ﻣﻦ ﺻﺪﮒ،
،ﺍﺑﻮ ﺷﺒﻞ
،،،،،،
ﺍﻫﻠﻲ ﻭﻧﺎﺳﻲ ﻣﺎﺍﻧﺘﻈﺮﻭ ﻟﻠﺼﺒﺢ ﻻﻥ
ﺍﻟﺨﺒﺮ ﻃﺶ،،،ﻭﻛﻠﻬﺎ ﺍﺟﺘﻲ
ﺍﻟﻲ ﻛﺎﻡ ﻳﺮﻣﻲ،،،،،،،،ﻭﺍﻟﻲ ﺫﺑﺢ،،،
ﺍﻟﺬﺑﺎﻳﺢ،،،،ﺍﻟﺘﻬﻴﺖ ﺑﻴﻬﻢ،،،ﻭﺑﺨﻄﺎﺭﻱ
ﺍﻟﻲ ﻓﻮﺝ ﻳﻄﺐ ﻭﻓﻮﺝ ﻳﻄﻠﻊ،،،
ﻣﻀﻴﻔﻲ ﺍﻧﺘﺮﺱ ﻭﺍﻟﺸﺎﺭﻉ ﺑﻌﺪ ﻣﺎﻳﻜﻔﻲ ﻣﻦ ﺍﻟﺴﻴﺎﺭﺍﺕ ﺍﻟﻲ ﺳﺪﺗﻪ،،ﻓﺮﺣﻪ،،،،ﺑﺒﻴﺖ ﺭﺿﺎ،،،ﻭﺣﺰﻥ ﻭﻗﻬﺮ
ﺟﺎﻥ ﺑﻘﻠﺐ ﺣﻠﻴﻤﻪ،،،ﻭﺍﺧﻮﻫﺎ،،ﺍﻟﻲ ﺗﻜﺪﺭ
ﻭﺟﻬﻪ ﻣﻦ ﺳﻤﻊ ﺑﺮﺿﺎ ﺍﺟﻮﻭﻭ ﻭﻟﺪ
ﻭﺣﺠﻪ ﻭﻱ ﺍﺧﺘﻪ
« ﻭﻫﺬﺍ ﻭﺍﺟﻪ ﺍﻟﻮﻟﺪ ﻭﺑﺪﻝ ﺍﻟﻮﺍﺣﺪ
ﺍﺛﻨﻴﻦ،،،،ﻭﺍﺧﺎﻓﻦ ﺟﺎﻥ ﺷﺎﻳﻞ ﺧﺸﻤﻪ
ﺿﻌﻒ ﻫﺴﻪ ﻳﺸﻴﻠﻪ ﺍﺿﻌﺎﻑ
« ﺍﻳﻲ ﻳﺨﻮﻳﻪ،،،ﻭﺑﻌﺪ ﻣﻨﻮﻭ
ﻳﻜﺪﺭ ﻳﺤﺎﺟﻲ ﻟﻮ ﻳﺤﺎﺟﻲ ﺑﻨﺖ ﻋﻠﻮﺍﻥ
ﺍﻟﻮﻟﺪ ﻭﺟﺎﺑﺘﻪ،،،ﻭﺟﺎﻧﺖ ﻋﺰﻳﺰﻩ ﻭﻏﺎﻟﻴﻪ
ﻭﻫﺴﻪ ﺭﺍﺡ ﺗﺼﻴﺮ
ﺑﻌﺪ ﺍﻛﺜﺮ، ،،ﻭﻣﻨﻬﻮ ﺑﻌﺪ ﺍﻟﻲ ﻳﻜﺪﺭ
ﻳﺤﺎﺟﻴﻬﺎ ﻭﻫﻲ ﺍﻡ ﺍﻟﻮﻟﺪ
ﻧﺎﻫﻲ ﻫﺰ ﺑﺮﺍﺳﻪ،،،،ﻭﺣﻠﻴﻤﻪ
ﻛﻤﻠﺖ ﺑﻘﻬﺮ
« ﻧﺎﻫﻲ ﻳﺎﺧﻮﻳﻪ
ﺭﺿﺎ ﺫﻟﻨﻲ،،،ﻭﻣﺎﺧﻼﻟﻲ ﻗﻴﻤﻪ ﺑﻴﻦ
ﺍﻻﻭﺍﺩﻡ،،،ﺫﻟﻨﻲ ﻣﻦ ﻃﻠﻜﻨﻲ ﻭﻣﻦ ﻛﺎﻝ
ﺍﻛﻌﺪﻫﺎ ﺑﻴﺖ ﻭﺣﺪ،،،ﻭﺑﻴﺘﻪ ﻣﺎﺍﻃﺒﻪ
« ﻋﻮﻓﻲ ﺑﻌﺪ ﺍﺧﻮﺝ ﻳﺠﻲ ﻳﻮﻡ
ﻭﺍﺫﻟﻪ ﻣﺜﻞ ﻣﺎﺫﻟﺞ،،،،،ﻭﺭﻭﺡ ﺍﺑﻮﻱ
ﻫﺬﺍ ﻏﺮﻭﺭﻩ،،،،ﻭﺧﺸﻤﻪ ﺍﻟﺸﺎﻳﻠﻪ ﻋﻠﻴﻨﺎ
ﻳﺠﻲ ﻳﻮﻡ ﻭﺍﻛﺴﺮﻩ،،،ﻭﺍﻟﺸﻴﺨﻪ ﺍﺧﺬﻫﺎ
ﺍﺧﺬﻫﺎ ﻟﻮ ﻋﻤﺮﻱ ﻳﻮﻡ
ﻧﺎﻫﻲ ﺣﺠﻪ ﻫﻴﺞ،،،ﻭﺳﻜﺘﺖ
ﻭﻛﻤﻞ ﻭﺭﻩ ﻟﺤﻈﻪ
« ﺣﻠﻴﻤﻪ ﻣﻦ ﺗﺮﺩﻳﻦ ﻟﺒﻴﺘﺞ،،ﺍﺭﻳﺪﻥ
ﺍﺧﺒﺎﺭ ﺭﺿﺎ ﺗﺼﻠﻨﻲ ﺍﻭﻝ ﺑﺎﻭﻝ، ،،
ﺍﻓﺘﻬﻤﺘﻲ
« ﺍﻱ ﺍﺑﻮ ﺧﻠﻒ ﺍﺩﻟﻞ،،،،،
« ﻭﺑﺎﻟﺞ ﻭﻳﺎﺝ،،،ﺗﻐﻠﻄﻴﻦ ﻭﻱ
ﺑﻨﺖ ﻋﻠﻮﺍﻥ ﻟﻮ ﺟﺪﺗﻲ ﺍﻭ ﺍﻣﻪ ﺍﺑﻘﻲ ﺑﻌﻴﺪﻩ ﻋﻨﻬﻢ
ﺗﺮﺍﻩ ﺍﺫﺍ ﻏﻠﻄﺘﻲ ﻣﺮﻩ ﺛﺎﻧﻴﻪ ﻣﺎﻳﺮﺣﻤﺞ، ،،
ﻋﻮﻓﻲ ﻋﻠﻴﻪ ﺍﻧﻪ ﻛﺎﻋﺪ ﺍﺧﻄﻄﻠﻪ ﺧﻮﺵ ﺗﺨﻄﻴﻂ
ﻫﺰﻳﺖ ﺭﺍﺳﻲ ﺑﺎﻱ ﻻﺧﻮﻳﻪ ﻭﺑﮕﻠﺒﻲ ﻧﺎﺭ
ﻭﻗﻬﺮ ﻻﻥ ﺑﻨﺖ ﻋﻠﻮﺍﻥ ﺟﺎﺑﺖ ﺍﻟﻪ ﺍﻟﻮﻟﺪ ﻣﻮ ﺍﻧﻪ ﻛﻤﺖ ﻣﻦ ﻳﻢ ﺍﺧﻮﻳﻪ ﻭﺍﻧﻪ ﺍﺳﺤﻦ ﺑﺮﻭﺣﻲ،،،ﻃﻠﻌﺖ ﻭﻛﻔﺖ
ﻣﻦ ﺷﻔﺖ ﻧﻈﺮﺍﺕ ﻧﺴﻮﺍﻥ ﺍﺧﻮﻳﻪ
ﻭﺍﻟﺸﻤﺎﺗﻪ ﺑﻴﻬﻦ ﺧﻮﺯﺭﺗﻬﻦ ﺑﻌﻴﻮﻧﻲ
،ﻭﻫﻦ ﻣﺎﺩﺍﺭﻥ
ﺑﺎﻝ ﺍﻟﻲ،،،ﻭﻃﺒﻦ ﻟﻠﻤﻄﺒﺦ ﻭﻫﻦ ﻳﻀﺤﻜﻦ
ﻟﺰﻣﺖ ﺩﺷﺎﺷﺘﻲ ﻭﻋﺼﺮﺗﻬﺎ ﺑﻘﻬﺮ
ﺩﻣﻌﺘﻲ ﻃﻔﺮﺕ ﻣﻦ ﻋﻴﻮﻧﻲ،،،ﻭﻟﻮ
ﻟﻴﻠﻪ ﻫﺴﻪ ﻛﺪﺍﻣﻲ ﺟﺎﻥ ﭼﺘﻠﺘﻬﺎ
ﻫﻲ ﻭﻭﻟﺪﻫﺎ
ﺣﻠﻴﻤﻪ،،،،، ﺣﺠﺖ ﻫﻴﺞ ﻭﺩﺍﺭﺕ
ﺭﺍﺳﻬﺎ،،،،،، ﻣﻦ ﺳﻤﻌﺖ ﺍﻟﺮﻣﻲ
ﻭﺣﺠﺖ ﻭﻱ ﺭﻭﺣﻬﺎ ﺑﻐﻞ ﻭﺣﻘﺪ
« ﺭﻳﺖ،،، ﻓﺮﺣﺘﻚ ﺑﻠﻴﻠﻪ ﻭﻭﻟﺪﻙ ﻳﺎﺭﺿﺎ
ﻳﻨﻜﻠﺐ ﻋﺰﻩ،،،،، ﻭﺭﻳﺘﻚ ﻣﺎﺗﻬﻨﻴﺖ ﻻ
ﺑﻴﻬﺎ ﻭﻻ ﺑﻴﻬﻢ ،،،،
ﺍﻟﺤﻘﺪ ﺍﻟﻲ ﺑﻘﻠﺐ ﺣﻠﻴﻤﻪ ﻭﺍﺧﻮﺗﻬﺎ
ﻋﻠﻰ ﺭﺿﺎ،،،ﺻﺎﺭﻟﻪ ﺩﻫﺮ،،،،ﻭﺣﻘﺪ ﻧﺎﻫﻲ
ﺧﻼﻩ ﻳﺤﺮﻙ ﺯﺭﻉ ﺍﺑﻦ ﻋﻤﻪ ﺑﻠﻴﻠﻪ ﺳﻮﺩﻩ
ﺍﻟﺒﺸﺮ ﻏﺎﻓﻞ ﺑﺲ ﺭﺏ ﺍﻟﻌﺎﻟﻤﻴﻴﻦ
ﻣﻮ ﻏﺎﻓﻞ ﻭﻳﺠﻲ،،،ﻳﻮﻡ ﻭﻳﺎﺧﺬ ﺣﻖ
ﺍﻟﻤﻈﻠﻮﻡ،، ﻣﻦ ﻛﻞ ﻇﺎﻟﻢ ﻇﻠﻤﻪ
،،،،،،،،،،،
ﻋﺸﺮﻳﻦ ﻳﻮﻡ ﻣﺮﻥ،،،،ﻭﺍﻟﻀﻴﻮﻑ
ﻗﻠﺖ،،،ﻋﻠﻴﻨﺎ،،،
ﻭﺍﻟﻬﺪﺍﻳﺎ ،،،،،ﺗﺮﺳﺖ ﺍﻟﺒﻴﺖ
ﻭﺟﺎﻧﺖ ﺍﺣﻠﻰ ﻫﺪﻳﻪ،،،ﺍﺟﺘﻨﻲ ﻣﻦ
ﺍﺑﻦ ﻋﻤﻪ ﻻﺑﻮﻱ ،،،ﺍﻟﺪﻛﺘﻮﺭ ﻣﺎﻟﻚ،،
ﻣﺪﻳﺮ ﻣﺴﺘﺸﻔﻰ ﺑﺒﻐﺪﺍﺩ
ﻣﻦ ﺳﻤﻊ ﺑﻴﻬﻢ ﺗﻮﻡ،،،ﺟﺎﺏ ﺩﻧﺒﻮﺳﻴﻦ
ﺫﻫﺐ ﻭﺍﺣﺪ ﺑﻲ ﺷﺬﺭﻩ ﺯﺭﻛﻪ ﻭﻭﺣﺪﻩ
ﺧﻀﺮﻩ،،
ﻭﻟﻴﻠﻪ ﻣﻦ ﺷﺎﻓﺘﻬﻦ،،،ﺧﻠﺖ ﺍﻟﺰﺭﻛﻪ
ﻟﺸﺒﻞ ﻭﺍﻟﺨﻀﺮﻩ،،،،،،،،ﻟﺸﺎﻫﻴﻦ
ﻭﺣﺠﺖ ﻭﻫﻲ ﻣﺒﺘﺴﻤﻪ،،،
« ﻭﻫﺴﻪ ﺭﺍﺡ ﻧﻜﺪﺭ ﻧﻌﺮﻑ ﻣﻨﻬﻮ ﺷﺒﻞ ﻭﻣﻨﻬﻮ ﺷﺎﻫﻴﻦ
ﺻﻔﻨﺖ عليها ﻭﻋﻴﻮﻧﻲ ﺍﻓﺘﺮﺕ
ﻋﻠﻰ ﻭﺟﻬﻬﺎ ﺍﻟﻲ ﺭﺩ ﻟﻮﻧﻪ،،،ﻭﺣﺠﻴﺖ
ﻭﺍﻧﻪ ﺿﺎﻳﻊ ﺑﻜﻞ ﺗﻔﺎﺻﻠﻴﻬﺎ ﺍﻟﺤﻠﻮﻩ
« ﻣﻮ ﻛﺎﻓﻲ ﻛﺎﻋﺪﻩ ﻳﻢ ﺍﻣﻲ ﺍﺻﻌﺪﻱ
ﻟﻐﺮﻓﺘﻨﺎ
ﺩﻧﻜﺖ ﺭﺍﺳﻲ،،،ﻣﻦ ﺷﻔﺖ ﻧﻈﺮﺍﺗﻪ
ﺍﻟﻲ،،،ﻭﺟﺎﻭﺑﺘﻪ
« ﻗﻨﻊ ﺍﻣﻚ ﻭﺍﻧﻪ ﺍﺻﻌﺪ،،،
« ﭼﺎ ﻫﻲ ﺑﻜﻴﻒ ﺍﻣﻲ،،ﺍﻧﺘﻲ ﻣﺮﻳﺘﻲ ﻭﺍﺭﻳﺪﻧﺞ،،،،ﻳﻤﻲ ﻭﺑﻐﺮﻓﺘﻲ
« ﺭﺿﺎ ﺍﻣﻚ ﻣﺎﺗﻘﺒﻞ ﻻﻥ ﺗﺮﻳﺪ ﺍﻟﻮﻟﺪ
ﻛﺪﺍﻣﻬﺎ ﻫﻲ ﻭﺟﺪﻩ ﺭﺍﺯﻗﻴﻪ
« ﻣﻨﻬﻲ ﺍﻟﻤﺎ ﺗﻘﺒﻞ،،،
ﺍﻡ ﺭﺿﺎ ﻃﺒﺖ ﻭﺣﺠﺖ ﻭﻫﻲ ﺗﺨﺾ
ﺑﺎﻟﻤﻤﻪ ﻟﺸﺒﻞ ﻭﻟﺸﺎﻫﻴﻦ
« ﺗﻌﺎﻟﻲ ﻳﻤﻪ ﺍﻟﻠﻪ ﺟﺎﺑﺞ ﺍﻧﺘﻲ ﻣﺎﺗﻘﺒﻠﻴﻦ
ﻟﻴﻠﻪ ﺗﺼﻌﺪ ﻟﻐﺮﻓﺘﻬﺎ،،
« ﻻ ﻳﻤﻪ ﺍﻧﻪ ﺷﻌﻠﻴﻪ ﺑﻴﻬﺎ ﺍﺫﺍ ﺗﺮﻳﺪ ﻣﺮﻳﺘﻚ ﺍﺧﺬﻫﺎ ﻭﺍﺻﻌﺪ ﺑﺲ ﺧﻠﻮ ﺍﻟﻮﻟﺪ ﻳﻤﻲ
« ﻳﺎﺍﺍ ﺷﻠﻮﻥ ﺍﻋﻮﻓﻬﻢ ﻭﺍﺻﻌﺪ
ﻟﻐﺮﻓﺘﻲ ﻏﻴﺮ ﻫﻢ ﻭﻳﺎﻱ،،،
« ﺍﻛﻮﻟﻦ ﻳﻤﻪ،،،ﺫﻭﻟﻪ ﻭﻟﺪﻱ،،،ﺻﺎﺭﻭﺍ
ﺑﻴﺞ ﺧﻴﺮ ﺭﻭﺣﻲ ﺍﺣﺒﻠﻲ ﻣﺮﻩ ﺛﺎﻧﻴﻪ
ﻭﺟﻴﺒﻠﺞ ﻭﻟﺪ ﺑﻨﺖ ﻭﺍﻟﺘﻬﻲ ﺑﻴﻬﻢ
ﻓﻜﻴﺖ ﻋﻴﻮﻧﻲ،،،ﻭﻋﺎﻳﻨﺖ ﻟﺮﺿﺎ
ﺍﻟﻲ ﻫﻤﺲ،،،ﻭﻫﻮ ﻳﻀﺤﻚ
« ﻭﺍﻧﻪ ﻟﻬﺎ،،،ﻭﺍﻟﻠﻪ ﺑﺲ ﺗﻄﻠﻊ ﺍﻻﺭﺑﻌﻴﻦ
ﻣﺎﻟﺘﺞ ﺍﻻ ﺍﺧﻠﻴﺞ ﺗﺸﻴﻠﻴﻦ ﺗﻮﻡ
ﻣﺮﻩ ﺛﺎﻧﻴﻪ
« ﺗﺤﻠﻢ،،،ﺷﻴﺦ ﺭﺿﺎ،،
« ﻫﻬﻬﻬﻪ ﺍﻧﻪ ﺍﺣﻠﻢ،،ﻧﺸﻮﻑ ﻳﺎﻟﺘﺮﻓﻪ
ﻛﻤﺖ ﻣﻦ ﻳﻤﻪ ﻣﻦ ﺷﻔﺘﻪ ﺗﻮﻛﺢ
ﺑﻜﻼﻣﻪ ﻭﺭﺣﺖ ﺍﺧﺬﺕ ﺷﺎﻫﻴﻦ ﻭﺍﻟﻤﻤﻪ
ﻭﻛﻌﺪﺕ ﺍﺭﺿﻊ ﺑﻲ
« ﻗﺒﺎﻥ ﻗﻠﺒﻮ، ،،ﻟﻠﻬﺎﺩﺀ،،،ﺍﻟﻲ ﻣﺎﻳﺘﻌﺐ
ﺍﻣﻮ
« ﺑﻮﻭﻭﻱ،،،ﻫﻢ ﻗﺒﺎﻥ ﻭﻗﻠﺒﻮ
ﻭﺍﻟﻨﻮﺏ ﺍﻣﻮ
ﺯﻭﻭﺟﻴﻨﻲ ﻳﻤﻪ،،،ﺗﺮﻩ ﮔﻠﺒﻲ ﺑﻌﺪ
ﻣﺎﻳﺘﺤﻤﻞ
ﺿﺠﺖ ﻣﻦ ﻛﺎﻝ ﺯﻭﺟﻴﻨﻲ ﻭﻋﺎﻳﻨﺖ
ﻋﻠﻲ ﺑﻄﺮﻑ ﻋﻴﻮﻧﻲ،،،،،ﻭﺟﺎﻭﺑﺘﻪ
« ﺍﻟﻈﺎﻫﺮ ﺗﻌﻠﻤﺖ ﻳﻮﻣﻴﻪ ﺗﺰﻭﺝ
ﻣﺮﻩ
ﻋﻜﺪﺕ،،،، ﺣﻮﺍﺟﺒﻲ ﻣﻦ ﺳﻤﻌﺖ
ﺭﺩ ﻟﻴﻠﻪ،،،،، ﻭﻛﻤﺖ ﻣﻦ ﻳﻤﻬﺎ ﻭﺍﻧﻪ
ﺿﺎﻳﺞ،،،ﻭﺣﺠﻴﺖ ﻭﺍﻧﻪ ﻣﺮﻛﺰ ﻋﻠﻴﻬﺎ
« ﺍﺭﺟﻊ ﺍﻟﻜﻴﺞ ﺑﻐﺮﻓﺘﺞ،،،،ﻭﺧﻠﻲ ﻭﺍﺣﺪ
ﻳﻤﺞ ﻭﻭﺍﺣﺪ ﻳﻢ ﺍﻣﻲ ،،،ﺍﻓﺘﻬﻤﺘﻲ
ﺳﻜﺘﺖ ﻭﻣﺎﺟﺎﻭﺑﺘﻪ،،،ﻭﻫﻮ ﺣﺠﻪ ﺑﻨﺘﺮﻩ
« ﺍﻓﺘﻬﻤﺘﻲ،،،
« ﺍﻳﻲ،،،
ﺟﺎﻭﺑﺘﻪ ﺑﺪﻭﻥ ﻣﺎﺍﺑﺎﻭﻉ علي،،،
ﺩﻧﻜﺖ ﻭﺍﺧﺬﺕ ﺍﻟﻌﺒﺎﻳﻪ ﻣﻦ ﻳﻤﻬﺎ وكلت بغضب
« ﺩﻻﻟﺞ ﺯﺍﺩ ﻋﻦ ﺣﺪﻩ،،،ﺍﻡ ﺷﺒﻞ
ﻭﻣﻮ ﺍﻧﻪ ﺍﻟﻲ ﺗﺤﺠﻲ ﻭﻳﺎﻱ
ﻣﺮﺗﻪ ﻫﻴﺞ،،،
ﺟﺮﻱ ﻋﺪﻝ ﻻ ﺑﺎﻟﻌﺒﺎﺱ ﺍﺳﻮﻳﻬﺎ ﻭﺍﻛﺴﺮ ﺧﺸﻤﺞ،،،بضره
ﻋﻀﻴﺖ ﺷﻔﺘﻲ ﻣﻦ ﺳﻤﻌﺘﻪ ﺷﺤﺠﻪ
ﻭﺧﻔﺖ ﻣﻦ ﺗﻬﺪﻳﺪﻩ ﺭﺿﺎ ﻭﺍﻋﺮﻓﻨﻪ
ﻟﻮ ﻛﺎﻝ ﻛﻠﻤﻪ ﻳﺴﻮﻳﻬﺎ،،،
ﻭﻣﺎﻳﻬﻤﻪ ﺍﺣﺪ،،،،،
ﻛﻤﻠﺖ ﻛﻼﻣﻲ،،،،،،ﻭﻃﻠﻌﺖ
ﺗﻤﺸﻴﺖ ﻟﻠﻤﻀﻴﻒ،،،ﻣﺎﻟﺘﻲ
ﻭﺍﻧﻪ ﺿﺎﻳﺞ
،،،
« ﻳﻤﻪ ﻣﻮ ﻫﻴﺞ،،،ﺗﺤﺠﻴﻦ ،ﻭﻱ ﺭﺿﺎ
ﺗﺮﻩ ﺑﻌﺪﻳﻦ ﺗﻨﺪﻣﻴﻦ ﺍﺑﻨﻲ ﻭﺍﻋﺮﻓﻨﻪ
ﺭﻭﺣﻪ ﺻﻐﻴﺮﻩ ،،،،،،،ﻭﻣﺎﻳﺘﺤﻤﻞ
ﺣﺠﺎﻳﻪ ﺗﻐﺜﻪ ﻟﻮ ﺍﺣﺪ ﻳﺴﻤﻌﻪ ﭼﻠﻤﻪ
ﻣﺎﺗﻌﺠﺒﻪ
« ﺍﻧﻪ ﻣﺎﻛﻠﺖ ﺷﻲ ،،،ﻫﻮ ﻛﻠﺞ
ﺯﻭﺟﻴﻨﻲ،،،ﻭﺍﻧﻪ ﺭﺩﻳﺘﻪ
« ﻟﻴﻠﻪ،،،ﻫﻮ ﺩﻳﺸﺎﻗﻪ ﻭﻳﺎﻧﺎ ﻣﻮ
ﺻﺪﻙ ﻛﻼﻣﻪ ﻭﺍﻧﺘﻲ ﺭﺩﻳﺘﻲ، ،،ﺭﺩ
ﻣﻮ ﺣﻠﻮ
ﻭﻓﺸﻠﺘﻲ ﻛﺪﺍﻣﻲ ﻭﻫﺬﺍ ﻣﻮ ﻣﻦ ﺻﺎﻟﺤﺞ
ﺍﺭﺟﻌﻲ ﻭﻳﺎﻣﺜﻞ ﺍﻻﻭﻝ
ﻭﻻﺗﻈﻠﻴﻦ ﻣﭽﻠﺒﻪ،،،ﺑﺴﺎﻟﻔﻪ
ﺣﻠﻴﻤﻪ،،،،،، ﺗﺮﺍﺝ ﺭﺍﺡ ﺗﺨﺮﺑﻴﻦ ﺑﻴﺘﺞ
ﻭﺍﻧﺘﻲ ﻣﺎﺗﺪﺭﻳﻦ
ﺳﻜﺘﺖ ﻻﻥ ﻛﻼﻡ ﺍﻡ ﺭﺿﺎ ﻧﻔﺲ
ﻛﻼﻡ ﺍﻣﻲ ،،،،،،ﻭﺟﺎﻭﺑﺘﻬﺎ
« ﺍﻥ ﺷﺎﺀ ﺍﻟﻠﻪ عمه،،ﺣﺠﻴﺖ ﻫﻴﺞ
ﻭﻛﻤﻠﺖ ﺍﻟﻤﻤﻪ ﻟﺸﺎﻫﻴﻦ،،،ﺍﻟﻲ ﻧﺎﻡ
ﺑﺤﻈﻨﻲ،،،ﻭﻛﻤﺖ ﻣﻦ ﻣﭽﺎﻧﻲ،،،،
ﻭﺭﺣﺖ ﺧﻠﻴﺘﻪ ﺑﻔﺮﺍﺷﻪ،،،
« ﺭﻭﺣﻲ ﻳﻤﻪ ﻟﻐﺮﻓﺘﺞ،،،،،ﺍﺭﺗﺎﺣﻲ
ﺷﻮﻳﻪ،،،ﻭﺧﻠﻴﻨﻲ ﺍﻧﻪ ﻳﻤﻬﻢ ﻣﺎﺩﺍﻡ ﻧﺎﻣﻮﺍ
ﻫﺰﻳﺖ ﺑﺮﺍﺳﻲ ﺑﺎﻱ،،،،،،ﻃﻠﻌﺖ
ﺻﻌﺪﺕ ﺍﻟﺪﺭﺝ،،،،،ﻭﻃﺒﻴﺖ ﻟﻐﺮﻓﺘﻲ
ﻭﺷﻔﺖ،،،ﻫﺪﻭﻡ ﺭﺿﺎ ﻋﻠﻰ ﺍﻟﺠﺮﺑﺎﻳﻪ
ﺭﺣﺖ ﻭﻋﺰﻟﺖ،،،ﺍﻟﻮﺻﺨﺎﺕ،،،ﻭﺣﺪ
ﻭﺍﻟﻨﻈﻴﻔﺎﺕ ﻭﺣﺪ،،،،،،ﻭﻏﻴﺮﺕ ﺍﻟﻔﺮﺷﻪ
ﻭﺭﺣﺖ ﻓﺘﺤﺖ ﺍﻟﺸﺒﺎﺑﻴﺞ ﺣﺘﻰ
ﻳﺘﻐﻴﺮ ﺍﻟﻬﻮﻩ،،،
ﺫﺑﻴﺖ ﺍﻟﻬﺪﻭﻡ ﺑﺎﻟﻐﺴﺎﻟﻪ،،،ﻭﺷﻐﻠﺘﻬﺎ
ﻭﻃﻠﻌﺖ ﺭﺗﺒﺖ ﺍﻟﻜﻨﺘﻮﺭ،،،،ﻻﻥ ﺟﺎﻥ
ﻣﻬﻮﺱ،،،،،،،،ﻣﻦ ﻛﻤﻠﺖ،،،ﺧﻠﻴﺖ
ﻛﻢ ﻗﻄﻌﻪ ﻫﺪﻭﻡ ﻭﺣﻔﻈﺎﺕ،،،،،ﺑﺴﻠﻪ
ﻭﻛﻠﺖ ﻣﻦ ﺍﻧﺰﻝ ﺍﺧﺬﻫﻦ ﻭﻳﺎﻱ،،،
ﻧﻈﻔﺖ ﻏﺮﻓﺘﻲ،،،،،،،،،ﻭﻋﻔﺖ ﺍﻟﻤﺴﺢ
ﻋﻠﻰ ﻣﺮﻳﻢ،،،ﻣﻦ ﺗﺼﻌﺪ
ﻭﺍﺧﺬﺕ ﻣﻼﺑﺴﻲ،،،ﻭﻃﺒﻴﺖ
ﻟﻠﺤﻤﺎﻡ،،،،،،ﻭﻛﻠﺖ ﺧﻠﻲ ﺍﻏﺴﻞ
ﻣﺎﺩﺍﻡ ﺍﻟﻮﻟﺪ ﻧﺎﻳﻤﻴﻦ،،،،،ﺍﻧﻪ ﺩﺍﻏﺴﻞ
ﺍﻧﺪﻙ ﺍﻟﺒﺎﺏ،،
« ﻣﻨﻮﻭ
« ﺍﻧﻪ ﻟﻴﻠﻪ،،،
« ﻫﺎﺍ ﻣﺮﻳﻢ، ،،ﺍﻟﻮﻟﺪ ﻛﻌﺪﻭﺍ
« ﻻﺗﺨﺎﻓﻴﻦ ﻋﻠﻴﻬﻢ،،،،ﻫﺴﻪ ﺟﻨﺖ
ﻳﻤﻬﻢ ﻣﺎﺑﻴﻬﻢ ﺷﻲ،،،
ﺟﺪﺗﻲ ﻣﺴﻮﻳﻪ ﺣﺮﺍﺳﻪ ﻋﻠﻴﻬﻢ
ﻭﻳﺎﻫﻮ ﺍﻟﻴﺠﻲ،،،ﻳﺒﻮﺳﻬﻢ ﻣﻦ ﺍﻟﺒﻨﺎﺕ
ﺿﺎﺭﺑﺘﻪ ﺑﺎﻟﻌﺼﻰ
« ﻫﻬﻬﻪ ﺭﺍﺯﻗﻴﻪ ﺑﻌﺪ ،،ﻭﻛﻌﺪﺕ ﻳﻢ
ﻭﻟﺪﻙ،،،ﺣﺘﻰ ﺍﻧﻪ،،ﺑﻌﺪ ﻣﺎﺍﻛﺪﺭ ﺍﻃﺨﻬﻢ
ﺍﻻ ﺑﺸﻮﺭﻫﺎ
مريم اخذت السله ونزلت جوه
طلعت وره دقائق لبست شالي اني
ﺑﻌﺪﻧﻲ ﺑﺎﻟﺼﺎﻟﻪ ﺍﻟﻔﻮﻙ،،،،ﺳﻤﻌﺖ
ﺻﻮﺕ ﺑﺠﻲ
ﻣﺸﻴﺖ،،،ﻟﻐﺮﻓﻪ،،،ﺍﻟﺒﻨﺎﺕ،،،ﻭﻃﺒﻴﺖ
ﻭﻣﺎﺷﻔﺖ ﺍﺣﺪ،،،ﺭﺩﻳﺖ،،،ﻭﻋﺎﻳﻨﺖ
ﻟﻐﺮﻓﻪ،،،ﺍﻛﺒﺎﻝ،،،ﻏﺮﻓﺘﻬﻦ، ،،
ﻣﺤﺪ ﻳﻜﻌﺪ ﺑﻴﻬﺎ،،،،ﻭﺭﺣﺖ ﻭﻓﺘﺤﺖ
ﺍﻟﺒﺎﺏ ﻭﻃﺒﻴﺖ،،،ﺷﻔﺖ ﺯﻫﺎﺀ ﻛﺎﻋﺪﻩ
ﻭﺗﺒﺠﻲ،،،ﻭﻫﻲ ﺍﻭﻝ ﻣﺎﺳﻤﻌﺖ
ﺻﻮﺕ ﺍﻟﺒﺎﺏ،،،ﻭﺷﺎﻓﺘﻨﻲ ﻓﺰﺕ
ﻣﻦ ﻣﻜﺎﻧﻬﺎ
ﻛﺎﻣﺖ،،،ﻭﻫﻲ ﺗﻤﺴﺢ ﺑﺪﻣﻮﻋﻬﺎ
« ﺯﻫﺎﺀ ﺷﻤﺎﻟﺞ،،،ﻟﻴﺶ ﺗﺒﺠﻴﻦ
« ﻣﺎﻛﻮ ﺷﻲ ،،،،ﻟﻴﻠﻪ،،
ﺣﺠﺖ ﻫﻴﺞ ﻭﻣﺸﺖ ﺗﺮﻳﺪ ﺗﻄﻠﻊ
« ﺷﻨﻮﻭ،،، ﻣﺎﺑﻴﺞ ﺷﻲ ﺍﻭﻛﻔﻲ
ﺣﺠﻴﺖ ﻫﻴﺞ گضيت ﺍﻳﺪﻫﺎ
ﻭﺣﺠﻴﺖ ﺑﻘﻠﻖ ﻣﻦ ﺷﻔﺖ ﻋﻴﻮﻧﻬﺎ
ﻭﺍﺭﻣﻪ
« ﺍﺣﺠﻴﻠﻲ ﺍﺣﺪ ﻣﺰﻋﻠﺞ،،،،ﺍﺣﺪ ﻏﺎﺛﺞ بجلمه
ﺍﻧﻪ ﺣﺠﻴﺖ ﻫﻴﺞ،،،،ﻭﻫﻲ ﻃﻜﺘﻬﺎ
ﺑﺒﺠﻴﻪ،،،ﺑﺼﻮﺕ،،ﻭﺷﻬﻜﻪ
ﺧﻨﻜﺘﻬﺎ،،،
« ﺷﻤﺎﻟﺞ گلبي، ﺗﻌﺎﻟﻲ ﺍﻛﻌﺪﻱ،،
ﻭﻓﻬﻤﻴﻨﻲ ﺷﺼﺎﻳﺮ
ﺍﺧﺬﺗﻬﺎ ﻭﻛﻌﺪﺗﻬﺎ ﻋﻠﻰ ﺍﻟﻜﺮﺳﻲ
ﻭﺣﺠﻴﺖ ﺑﻬﺪﺅ ﻭﻳﺎﻫﺎ
« ﻣﻨﻬﻮ ﻭﻳﺎﺝ،،،ﺍﺣﺠﻲ
« ﻟﻴﻠﻪ ﺑﻌﺪ ﻣﺎﺍﺗﺤﻤﻞ ﻻﺯﻡ ﺍﺣﺠﻲ،،،
ﺍﻟﻲ ﺑﮕﻠﺒﻲ،،،،
« ﺍﺣﺠﻲ ﺯﻫﺎﺀ،،،،
ﺍﺧﺬﺕ ﻧﻔﺲ ﻭﺫﺑﻴﺖ ﺑﺤﺴﺮﻩ
ﻭﺣﺠﻴﺖ
« ﻟﻴﻠﻪ،،،ﺍﻧﻪ ﻣﻮ ﻣﺮﺗﺎﺣﻪ،،ﻟﺰﻭﺍﺟﻲ ﻣﻦ
ﻣﺤﻤﺪ،،،،
« ﻳﺎﺍﺍ ﻟﻴﺶ،،،ﺍﻟﻮﻟﺪ ﺧﻮﺵ ﻭﻟﺪ
ﻭﻣﺎﺷﻔﻨﺎ ﻣﻨﻪ ﺍﻟﻌﻴﺒﻪ،،،ﻭﺍﺻﻼ ﻫﻮ
ﻗﻠﻴﻞ ﻳﺠﻲ ﻭﻧﺸﻮﻓﻪ
« ﺍﻳﻲ ﻫﻲ ﻫﺎﻱ ﺍﻟﻘﻠﻴﻞ ﻧﺸﻮﻓﻪ
ﺫﺍﺑﺤﺘﻨﻲ،،،
ﻟﻴﻠﻪ ﻣﺤﻤﺪ ﻣﺠﺒﻮﺭ ﻋﻠﻴﻪ،،،
ﻻﻥ ﺑﺎﺧﺮ ﺟﻴﻪ ﺍﻟﻪ،،،ﻟﻤﺢ ﺍﻟﻲ ﺑﻬﺬﺍ
ﺍﻟﺸﻲ
« ﻳﺎﺩﺍﺩ،،، ﺻﺪﻙ ﺗﺤﺠﻴﻦ
« ﺍﻱ ﻭﺍﻟﻠﻪ ﻭﺩﺍﻋﻪ ﺑﻮﻭﻳﻪ،،،
« ﻟﺞ ﺍﺣﺠﻲ ﺷﻜﺎﻝ ﺍﻟﺞ
« ﻛﺎﻝ ﺍﻧﻪ ﻣﻮ ﻣﻔﻜﺮ ﺑﺎﻟﺰﻭﺍﺝ،،،ﻭﺍﺭﻳﺪﻥ ﺍﺳﺎﻓﺮ ﻭﺭﻩ ﻣﺎﺍﻛﻤﻞ،،،ﻭﺍﻧﺘﻲ ﻣﻮ ﺍﻟﻲ
ﺍﺭﻳﺪﻫﺎ ﺯﻭﺟﻪ ﺍﻟﻲ،،،،ﻻﻥ ﺍﻧﺘﻲ ﻣﻮ
ﻣﻜﻤﻠﻪ ﺩﺭﺍﺳﻪ
ﻭﺳﻤﺮﻩ،،،ﻭﺍﻧﻪ ﺍﺭﻳﺪﻥ ﻭﺣﺪﻩ
ﺑﻴﻀﻪ ﻭﻋﻴﻮﻧﻬﺎ ﻣﻠﻮﻧﻪ ،،،،ﻭﺩﺍﺭﺳﻪ ﻭﻋﻨﺪﻫﺎ ﺷﻬﺎﺩﻩ
« ﻋﺰﻩ ﺍﻟﻌﺰﺍﻩ،،، ﺍﺫﺍ ﺻﺪﻙ ﺣﺠﻪ ﻫﻴﺞ
ﻭﻟﺞ ﻭﺍﻟﻠﻪ ،،،،ﺍﺫﺍ ﺳﻤﻊ ﺍﺑﻮﺝ ﻳﻄﺮﻩ
ﻧﺼﻴﻦ ،،،،،،ﺷﺒﻴﺞ ﻳﺎﺣﻈﻲ ﺗﺨﺒﻠﻴﻦ
ﻣﻦ ﺣﺴﻨﺞ،،،ﺑﺲ ﻫﻮﻭ ﺍﻋﻤﻰ
ﻋﻴﻮﻥ وگلب ،ﻭﻣﺎﻳﺸﻮﻑ ﺍﺧﻼﻗﺞ
ﻭﺣﺴﻨﺞ،،،
ﺯﻫﺎﺀ ﺯﺍﺩﺕ ﺑﺎﻟﺒﺠﻲ ﻭﺟﺎﻭﺑﺖ
ﻟﻴﻠﻪ،،،
« ﺍﻧﻪ ﺑﻌﺪ ﻣﺎﺍﺭﻳﺪﻩ،،،ﻟﻴﻠﻪ ﺍﺣﺠﻲ
ﻭﻱ ﺑﻮﻭﻳﻪ،،،ﺍﻟﻠﻪ ﻳﺨﻠﻴﺞ،،،
ﺍﻟﻲ ﺗﻜﺒﺮ ﻋﻠﻴﻪ،،،ﻣﺎﺍﺭﻳﺪﻧﻪ،،
ﻟﻮ ﻳﺼﻮﻏﻮﺍ ﺑﺎﻟﺬﻫﺐ
ﺳﻜﺘﺖ ﻭﻇﻠﻴﺖ ﺍﻋﺎﻳﻦ،،،ﻋﻠﻴﻬﺎ
ﺷﻠﻮﻥ ﺗﺒﺠﻲ ﺑﻘﻬﺮ،،،ﻭﻛﻮﻣﺘﻬﺎ،،،
ﻭﺣﺠﻴﺖ ﺑﻬﺪﺅ
« ﺍﺳﻜﺘﻲ ﻭﻻﺗﻈﻠﻴﻦ ﺗﺒﺠﻴﻦ
ﻭﺍﻣﺸﻲ،،،ﻏﺴﻠﻲ ﻭﺟﻬﺞ،،،ﻭﺑﺲ ﻳﺮﺩ
ﺍﺑﻮﺝ ﺑﻠﻴﻞ ﺍﺣﺠﻲ ﻭﻳﺎ،،،،،
« ﺻﺪﻙ ﻟﻴﻠﻪ
« ﺍﻱ ﻭﻋﻴﻮﻧﺞ،،،ﻭﺍﺭﻳﺪﻥ ﺍﺷﻮﻑ
ﺷﻠﻮﻥ ﻳﺘﻜﺒﺮ ﻋﻠﻴﺞ،،،ﺍﺑﻦ ﺟﻤﺎﻝ
ﻭﻳﺤﺠﻲ ﻫﻴﺠﻲ ﻭﻳﺎﺝ،،،
ﻣﺴﺤﺖ ﺩﻣﻮﻋﻲ ﻭﺑﺴﺖ،،،ﻟﻴﻠﻪ
ﻭﻣﺸﻴﺖ ﻭﻳﺎﻫﺎ،،،،ﻭﺍﻧﻪ ﻣﺮﺗﺎﺣﻪ،،،ﻻﻥ
ﺭﺍﺡ ﺗﺤﺠﻲ ﻭﻱ ﺑﻮﻭﻳﻪ،،
،،،،،،
ﺑﻴﺖ ﺣﻴﺎﻩ،،،ﺟﺎﻧﺖ ﺩﻋﺎﺀ ﻭﺍﻛﻔﻪ
ﻭﺗﺤﺠﻲ
ﻭﻱ ﺍﺧﺘﻬﺎ،،،ﺯﻳﻨﺐ
« ﻟﻴﺶ ﻣﺎﺍﻛﻮﻝ ﻟﻌﻤﺘﻲ ﺣﻴﺎﻩ
ﻫﻲ ﺗﻮﺩﻳﺞ،،،ﻟﺪﻛﺘﻮﺭﻩ
« ﻻﺍﺍ ﺩﻋﺎﺀ ﺍﺭﻳﺪﻥ ﻟﻴﻠﻪ،،،ﻭﺟﺪﺗﻲ
ﻧﺒﻌﻪ،،،ﺍﺳﺘﺤﻲ ﻣﻦ ﻋﻤﺘﻲ
« ﺍﺫﺍ ﺗﺴﺘﺤﻴﻦ،،،ﻣﻦ ﻧﺮﻭﺡ ﻟﺒﻴﺖ
ﺑﻮﻭﻳﻪ،،،ﺍﻧﻪ ﺍﺣﺠﻲ ﻭﻱ ﺟﺪﺗﻲ ﻭﻟﻴﻠﻪ
ﻭﺍﺧﻠﻴﻬﻦ ﻳﻮﺩﻧﺞ ﻟﻠﺪﻛﺘﻮﺭﻩ
ﺣﺘﻰ ﻧﺸﻮﻑ ﻟﻴﺶ ﺗﺎﺧﺮ ﺍﻟﺤﻤﻞ ﻋﻨﺪﺝ
ﺑﺲ ﻭﺍﻟﻠﻪ ﻳﺎﺯﻳﻨﺐ ﺍﻧﺘﻲ ﻣﺜﻠﻲ
ﻫﻢ ﺍﻧﻪ ﺗﺄﺧﺮ ﻋﻨﺪﻱ ﺍﻟﺤﻤﻞ،،،ﻳﻠﻪ
ﺻﺎﺭ ﻋﻨﺪﻱ ،،،ﺍﺣﻤﺪ
« ﺍﻱ ﺍﻧﻪ ﺍﺩﺭﻱ،،، ﺑﺲ ﻋﻠﻲ
ﻇﻞ ﻳﺴﺎﻟﻨﻲ ﻟﻴﺶ ﺗﺎﺧﺮﺗﻲ،،،ﻭﻣﺎﺷﻠﺘﻲ
ﻭﺍﻧﻪ ﻇﻠﻴﺖ ﻣﺎﺍﻋﺮﻑ ﺷﺮﺩ ﻋﻠﻲ
« ﺍﺣﻨﺎ ﻋﻠﻰ ﺍﻣﻨﺎ،،،ﻫﻲ ﻫﻢ ﺗﺎﺧﺮﺕ
ﻳﻠﻪ ﺷﺎﻟﺖ، ،، ﻣﺎﺗﺬﻛﺮﻳﻦ ﻣﻦ ﺟﺎﻧﺖ
ﺗﺴﻮﻟﻒ ﺍﻟﻨﺎ،،،
« ﺍﻱ،،،ﺍﻧﻪ ﺍﺩﺭﻱ،،ﻭﻋﻠﻰ ﻃﺎﺭﻱ ﺍﻣﻲ
ﻣﺎﺍﻋﺮﻑ ﺷﻮﻛﺖ ﺑﻮﻭﻳﻪ
ﺭﺍﺡ ﻳﺒﻨﻲ ﺍﻟﻬﺎ ﺍﻟﺒﻴﺖ
« ﻭﺍﻟﻠﻪ ﻳﺎﺯﻳﻨﺐ،،،،ﺭﺩﺗﻪ،،،ﺍﻣﺞ،،،ﻣﺎ
ﻣﻦ ﻭﺭﺍﻫﺎ ﺧﻴﺮ ،،،ﻭﻫﺴﻪ ﺗﺸﻮﻓﻴﻦ
« ﺍﻳﻴﻲ ﻻﻥ ﺍﻣﻲ ﺗﻜﺮﻩ ﻟﻴﻠﻪ ﻛﺮﻩ ﺍﻟﻤﻮﺕ
ﻭﺗﻐﺎﺭ ﻣﻨﻬﺎ ،،،
« ﺍﻟﻠﻪ ﺍﻟﻴﺴﺘﺮ ﻣﻦ ﺍﻟﺠﺎﻱ
« ﺍﻛﻮﻝ ﺩﻋﺎﺀ،،،
« ﻛﻮﻟﻲ،،،ﺯﻧﻮﺑﻪ،،،،،
« ﺍﺣﻨﺎ ﺍﺫﺍ ﺭﺣﻨﺎ،،،ﻭﻳﻦ ﻧﻜﻌﺪ ﻳﻢ ﺍﻣﻲ
ﻟﻮ ﻳﻢ ﻟﻴﻠﻪ
« ﻧﺮﻭﺡ ﻧﺸﻮﻑ ﺍﻣﻲ ﻭﻧﺮﺩ ﻟﺒﻴﺖ ﺍﺑﻮﻳﻪ
ﻭﻫﺬﺍ ﻋﮕﻠﺞ،،،ﻣﺎﺍﺭﻳﺪﻥ ﺍﻣﻲ
ﺗﻠﻌﺐ ﺑﻲ ﻭﺍﻱ ﺷﻲ ﺗﺴﻤﻌﻲ ﻣﻨﻬﺎ ﺗﺠﻴﻦ ﻭﺗﺤﺠﻲ ﻟﻲ ﺍﻓﺘﻬﻤﺘﻲ
« ﺍﻱ،،،ﺩﻋﺎﺀ ﺍﺻﻼ ﺍﻧﻪ ﻣﺎﺍﻗﺒﻞ
ﺍﺣﺪ ﻳﺤﺠﻲ
ﻋﻠﻲ ﻟﻴﻠﻪ،،،ﻻﻥ ﻓﺪﺗﻨﻲ ﺑﺮﻭﺣﻬﺎ
ﻣﻦ،،،،،، ﺭﺍﺩ ﺭﻋﺪ ﺍﻟﭽﻠﺐ ﻳﺎﺧﺬﻧﻲ
ﻭﻳﻜﺴﺮ ﺑﻮﻭﻳﻪ ﺑﻴﻪ
« ﺍﻱ ﺍﻟﻠﻪ ﻻﻳﺮﺟﻊ ﺫﻳﺞ ﺍﻻﻳﺎﻡ
« ﻭﻳﻨﺠﻦ ﻳﻤﻪ،،،ﻳﻠﻪ ﺗﻌﺎﻟﻦ،،،ﺍﻟﺘﻨﻮﺭ
ﻣﺸﺘﻌﻞ
« ﺟﻴﺘﺞ،،،ﻋﻤﻪ،،ﺑﺲ ﺍﺷﻴﻠﻦ ﺍﻟﻌﺠﻴﻦ
ﻭﺍﺟﻲ
« ﺍﻧﺘﻲ ﻭﺍﺧﺘﺞ ﺗﻨﻜﺎﻟﻮﺍ،،،،،ﻭﺑﻌﺪﻳﻦ
ﺟﻴﺒﻦ ﺍﻟﺴﻤﺞ ﺧﻠﻨﻲ ﺍﻣﻠﺤﻪ،،،
ﺣﺘﻲ ﻧﺸﻮﻱ ﻭﺭﻩ ﺍﻟﺨﺒﺰ
ﺍﻛﻮﻟﻦ ﻳﻤﻪ،،،ﺯﻧﻮﺑﻪ ﺣﻮﺷﻲ،،ﻧﻌﻨﺎﻉ،،
ﻣﻦ ﺍﻟﺤﺪﻳﻘﻪ،،،ﺍﺣﺴﻦ ﻣﻌﺪﺗﻲ ﺗﻮﺟﻌﻨﻲ
ﻭﺍﺭﻳﺪﻥ ﺍﻛﻠﻪ ﺑﺎﻟﻐﺪﻩ
« ﺍﻱ ﻋﻤﻪ،،،ﺍﺩﻟﻠﻲ،،،
« ﺍﻟﻠﻪ ﻳﺮﺿﻰ ﻋﻠﻴﺠﻦ ﻳﻤﻪ،،ﺍﻟﻠﻪ ﻣﺎﺍﻧﻄﻲ
ﺍﻟﺒﻨﺖ ﻭﻋﻮﺿﻨﻲ ﺑﻴﺠﻦ
ﺍﻡ ﺯﺍﻫﺪ ﺣﺠﺖ ﻫﻴﺞ،،،ﻭﻃﻠﻌﺖ،،،
ﻫﻲ ﻭﺍﻟﺒﻨﺎﺕ،،،ﻟﻠﻮﺭﻩ ﺍﻟﺒﻴﺖ
ﻭﻣﻦ ﺑﺪﻥ ﻳﺨﺒﺰﻥ،،،ﻃﺐ ﺯﺍﻫﺪ ﻭﻋﻠﻲ
ﺍﻟﻲ ﺟﺎﻧﻮ يتشابهون ﺑﺎﻟﻄﻮﻝ
ﻭﺍﻟﺠﺴﻢ، ،،
ﺯﺍﻫﺪ ﺍﺳﻤﺮ،،،ﻭﻋﻴﻮﻭﻧﻪ ﻛﺒﺎﺭ ﻭﻳﺸﺒﻪ ﺭﺿﺎ ﺑﻜﻠﺸﻲ،،ﺛﮕﻴﻞ ﻭﺭﺯﻥ
ﻭﻣﺎﺧﺬ ﺍﻻﻣﻮﺭ ﺑﺠﺪﻳﻪ
ﻭﻋﻠﻲ ﻋﻜﺴﻪ
ﻳﻀﺤﻚ،،،ﻟﻠﻬﻮﻩ ﺍﻟﻄﺎﻳﺮ
ﻭﻳﺤﺐ ﻳﺸﺎﻗﻪ
ﻭﺟﺎﻥ ﻳﺸﺒﻪ،،ﺍﺑﻮﻩ ﺣﻨﻄﺎﻭﻱ ﻭﻋﻴﻮﻧﻪ
ﻋﺴﻠﻴﻪ،،،ﻭﺣﺎﺟﺒﻪ ﻣﻌﻜﻮﺩ
« ﺍﻟﻠﻪ ﻳﺴﺎﻋﺪﺟﻦ،،
« ﻫﻼ ﻳﻤﻪ،،،ﻧﻮﺭﺗﻮ ﺍﻟﺒﻴﺖ
« ﺑﻨﻮﺭﺝ ﺣﺒﻴﺒﻪ،،،
ﺯﺍﻫﺪ ﺣﺠﻪ ﻫﻴﺞ،،،ﻭخزر
ﺩﻋﺎﺀ ﺍﻟﻲ ﺟﺎﻧﺖ ﺭﺍﻓﻌﻪ ﺭﺩﻧﻬﺎ ﻟﻴﻔﻮﻙ
ﻭﻫﻲ ﻧﺰﻟﺘﻬﺎ ﺑﺴﺮﻋﻪ،،ﻣﻦ ﺍﺷﺮ ﺍﻟﻬﺎ
« ﺍﻟﻴﻮﻡ ﻏﺪﺍﻧﺎ ﺳﻤﺞ،،
« ﺍﻱ،،،،،ﻳﻤﻪ ﺍﺑﻮﻙ ﺭﺍﺩﻩ،،،
« ﻭﺍﻟﻠﻪ ﺑﺲ ﻻﻳﻄﻠﻊ ﺑﻮﻭﻳﻪ،،ﺷﺎﻳﻞ
ﻭﺍﺣﻨﺎ ﻣﺎﻧﺪﺭﻱ ﻳﻮﻣﻴﻪ ﻣﺸﺘﻬﻲ ﺷﻲ
ﺍﻟﺒﻨﺎﺕ ﺿﺤﻜﻦ ﻭﺩﺍﺭﻥ ﺭﺍﺳﻬﻦ ﻭﺯﺍﻫﺪ
ﺟﺎﻭﺑﻪ
« ﻋﻠﻲ ﺗﺤﺸﻢ،،،،،الكاعد تحجي علي ﺍﺑﻮﻧﺎ
« ﺷﺒﻴﻚ ﺍﻧﺘﻪ،،،ﻣﺎﺩﻛﻠﻲ، ،،ﺑﺴﻚ
ﻋﺎﻛﺪ ﺍﻟﺤﻮﺍﺟﺐ،،،ﻭﺗﺨﻮﺯﺭ ﻫﺬﺍ ﻭﺫﺍﻙ
ﺍﺿﺤﻚ ﺷﻮﻳﻪ،،،ﻭﻓﻚ،،
ﺭﺍﺡ ﻳﺼﻴﺮ بيه ﺷﻠﻞ ﻣﻦ ﻭﺭﺍﻙ
« ﻳﻤﻪ ﺍﺳﻢ ﺍﻟﻠﻪ ﻋﻠﻴﻚ ﻳﺒﻌﺪ ﮔﻠﺒﻲ
« ﺍﻭﻭﻑ ﻭﻟﺞ ﺍﻧﻄﻴﻨﻲ ﺍﻟﺨﺒﺰﻩ ﺍﻟﻲ
ﺑﺎﻳﺪﺝ ﺍﺭﻳﺪﻧﻬﺎ
« ﺣﺎﺭﻩ ﻋﻠﻴﻚ،،
« ﻭﻟﺞ ﺩﻳﺠﺒﻴﻬﺎ ﻫﻮﻭ ﺍﻧﻪ ﻣﺸﺘﻌﻞ
ﺑﻨﺎﺭ،،،
« ﺍﺳﺘﻐﻔﺮ ﺍﺍﻟﻪ ﻳﺎﺭﺏ ﺍﻧﺘﻪ ﻣﺎﻳﻔﻴﺪ
ﺑﻴﻚ ﺍﻟﺤﺠﻲ ،،،
ﺯﺍﻫﺪ ﺣﺠﻪ ﻫﻴﺞ،،،ﻭﻣﺸﻪ ﻣﻦ ﻳﻤﻬﻢ
ﻭﻋﻠﻲ ﺍﺷﺮ ﻋﻠﻲ ﻭﺣﺠﻪ،ﻭﻱ ﺩﻋﺎﺀ
« ﺍﻛﻮﻟﻦ ﺷﻠﻮﻥ ﻣﺘﺤﻤﻠﺘﻪ ﺍﻧﺘﻲ ﺍﻧﻪ
ﺍﺧﻮﻩ ﻭﻛﻮﻩ ﺑﺎﻟﻌﻪ
« ﻋﻠﻰ ﻗﻠﺒﻲ ﻋﺴﻞ ﺍﻧﺘﻪ ﻣﻌﻠﻴﻚ
« ﻋﺴﻞ ﺍﺳﻮﺩ
ﻋﻠﻲ ﺣﺠﻪ ﻫﻴﺞ ﻭﻏﻢ ﺩﻋﺎﺀ،،،
ﻭﺧﻠﻪ ﺍﻟﻜﻞ ﻳﻀﺤﻚ،،،ﻭﺣﻴﺎﻩ ﺣﺠﺖ
ﻭﺭﻩ ﺩﻗﺎﺋﻖ
« ﻳﻤﻪ ﺧﺎﻟﻚ ﺷﻠﻮﻧﻪ
« ﺍﻟﺤﻤﺪ ﻟﻠﻪ ﺍﻟﺸﻴﺦ ﺭﺟﻊ ﺷﺒﺎﺏ ﻣﻦ ﺍﺟﻮ
ﺍﻟﻮﻟﺪ ﻭﺍﻟﻀﺤﻜﻪ ﻣﺎﺗﻔﺎﺭﻙ ﻭﻭﺟﻬﻪ
ﺍﻛﻮﻟﻦ ﻳﻤﻪ،،،ﺍﺧﻮﺝ ﻟﻴﺶ ﻫﻴﺞ ﺣﻠﻮ
ﻳﻤﻜﻦ ﻻﻥ ﺗﺰﻭﺝ،،،ﻣﺮﻩ ﺛﺎﻟﺜﻪ ﻣﻮﻭ
« ﻋﻠﻲ،،،،
« ﻫﻬﻬﻬﻪ ﺷﺒﻴﺞ،،،،ﻧﻔﺸﺘﻲ ﺭﻳﺸﺎﺗج
ﻋﻠﻴﻪ،،،ﺗﺮﻩ ﻣﺎﺣﺠﻴﺖ ﺷﻲ
« ﻋﺪﺍﻟﻚ ﻣﺎﺍﻋﺮﻑ ﻋﻠﻰ ﺷﻨﻮﻭ ﺗﻘﺼﺪ
ﺍﺳﻜﺖ،،،ﻻ والله ﺍﻫﻠﺴﻚ ﻭﺍﺧﻠﻴﻚ ﺑﻬﻞ
ﺍﻟﺘﻨﻮﺭ
« ﻳﻤﻪ ،،ﻣﺮﺗﻲ ﻃﻠﻌﺖ ﺍﺭﺑﻌﻪ ﺍﺭﻫﺎﺏ
ﻭﺍﻧﻪ ﻣﺎﺍﺩﺭﻱ،،،
« ﻫﻬﻬﻪ ﻭﺍﻧﺘﻪ ﻳﺮﺍﺩﻟﻚ،،،ﻫﻴﺞ
ﻻﻥ ﺍﻟﻔﻘﻴﺮﻩ،،،، ﺗﺎﻛﻠﻬﺎ ﺑﻜﺸﻮﺭﻫﺎ
ﻋﻠﻲ ﻋﺎﻳﻦ،،،ﻟﺰﻳﻨﺐ ﻭﻋﺾ ﺷﻔﺘﻪ ﺍﻟﻬﺎ
ﻣﻦ ﺷﺎﻓﻬﺎ ﺗﺒﺎﻭﻉ ﻋﻠﻴﻪ،،،
ﻭحجه
« ﻭﺍﻧﻪ ﻣﺎﺍﺭﻳﺪﻧﻬﺎ ﻓﻘﻴﺮﻩ،،،
ﺯﻳﻨﺐ ﺍﻓﺘﻬﻤﺖ ﺷﻴﻘﺼﺪ ﻭﺩﺍﺭﺕ ﺭﻭﺣﻬﺎ
ﻭﻫﻲ ﺧﺠﻼﻧﻪ، ،،،
« ﺩﻋﺎﺀ،،،،،
« ﺍﻣﺸﻲ ﻳﻤﻪ ﻭﺷﻮﻓﻲ ﺷﺒﻲ
ﺩﻋﺎﺀ ﻣﺸﺖ ﺑﺴﺮﻋﻪ،،،ﻣﻦ ﺳﻤﻌﺖ ﺻﻮﺕ
ﺯﺍﻫﺪ ﻭﻋﻠﻲ،،ﺣﺠﻪ ﺑﻀﺤﻚ
« ﺧﺎﻳﺒﻪ ﺍﺭﻛﻀﻲ ﺑﺲ ﺗﺘﺎﺧﺮﻳﻦ ﻋﻠﻲ
ﻳﻜﻀﺞ ﺑﺴﻨﻮﻧﻪ ﻣﺜﻞ ﺍﻟﺠﻠﺐ ﺍﻟﻤﺴﻌﻮﺭ
ﺣﻴﺎﻩ ﺿﺮﺑﺘﻪ، ،،ﻋﻠﻲ ﺭﺍﺳﻪ
ﻭﺣﺠﺖ ﻋﻠﻲ ،،،
« ﻭﻟﻚ ﺷﻨﻬﻲ ﻫﺬﺍ ﻟﺴﺎﻧﻚ،،،
ﺑﺮﻧﻮ،،،،،،،
« ﻫﻬﻬﻬﻪ ﻣﻮ ﺑﺮﻧﻮ، ،،ﺣﺒﻴﺒﻪ
ﺍﻧﻪ،،،ﺑﻲ ﻛﻲ ﺳﻲ،،،،،
ﺯﻳﻨﺐ ﺿﺤﻜﺖ،،،ﻭﻛﻤﻠﺖ ﺧﺒﺰ ﻭﻋﻠﻲ
ﻇﻞ ﻳﺤﺠﻲ ﻭﻱ ﺍﻣﻪ،،،
،،،،،،،،،
حسين
ﻛﺎﻋﺪ ﺑﺎﻟﺒﺴﺘﺎﻥ ،،،،ﺍﻓﻜﺮ
ﺑﺒﻨﺖ ﺭﺿﺎ،،،ﺍﻟﻲ ﺷﻔﺘﻬﺎ ﻣﻦ ﺭﺣﺖ
ﻋﻠﻴﻬﻢ،،،،
ﺷﻜﺪ ﺷﺎﻳﻒ ﺑﻨﺎﺕ،،،،،ﻭﺍﺣﻠﻰ ﻣﻨﻬﺎ
ﺑﻬﻮﺍﻳﻪ،،،ﺑﺲ ﻫﻲ ﻣﺎﺍﻋﺮﻑ ﻟﻴﺶ،،
ﻫﺰﺗﻨﻲ،،،ﻭﺷﻐﻠﺖ ﺗﻔﻜﻴﺮﻱ،،
ﻛﻤﺖ ﻭﺗﻤﺸﻴﺖ ﻭﺍﻧﻪ ﺍﻛﺴﺮ ﺑﻌﻮﺩ ﺑﺎﻳﺪﻱ
ﻭﻭﻛﻔﺖ،،،ﻣﻦ ﺷﺮﺩ ﻃﻴﺮ ﻭﻃﺎﺭ ﻣﻦ ﻛﺪﺍﻣﻲ
ﻭﺍﺟﺘﻲ ﻫﻲ،،،ﺑﻌﻴﻮﻧﻲ ﻣﻦ ﺷﺮﺩﺕ
ﺑﺨﺠﻞ،،،
ﺧﺠﻞ ﺣﻠﻮ ﻭﺻﺎﺭ ﻧﺎﺩﺭ ﺑﻬﻞ ﺍﻻﻳﺎﻡ،،،
ﺍﺑﺘﺴﻤﺖ ﻣﻦ ﺗﺬﻛﺮﺕ ﻭﺟﻬﻬﺎ،،،
ﺍﻻﺳﻤﺮ ﻭﻋﻴﻮﻧﻬﺎ ﺍﻟﻤﺠﺮﻭﺭﻩ،،،ﻭﻋﻜﺪﻩ ﺍﻟﺤﻮﺍﺟﺐ ﻭﺣﺠﻴﺖ ﺑﺘﻨﻬﻴﺪﻩ
« ﺍﻭﻭﻑ ﻣﻨﺞ ﻳﺎﻟﻬﻨﺪﻳﻪ،،،ﻣﻨﻴﻦ
ﻃﻠﻌﺘﻲ ﺍﻟﻲ،،،،،،،ﻭﺷﻐﻠﺘﻲ ﻋﮕﻠﻲ
ﺣﺴﻴﻦ،،،،،،ﺣﺐ ﺯﻫﺎﺀ ﻣﻦ ﺍﻭﻝ ﻧﻈﺮﻩ
ﻭﻫﻮ ﻣﺎﻳﺪﺭﻱ ﺑﻴﻬﺎ ﻣﺨﻄﻮﺑﻪ
ﻭﻋﺎﻗﺪﻩ ﻣﻬﺮ ﺳﻴﺪ ﻋﻠﻰ ﺍﺑﻦ ﺟﻤﺎﻝ
ﺍﻟﻲ ﻳﺼﻴﺮ ﺟﺪﻩ ﻃﺎﻟﺐ،،،
ﺣﺐ،،،،ﺑﺪﻩ ﺑﻘﻠﺒﻪ ﻭﺯﻫﺮ،،،،
ﻭﺍﻻﻳﺎﻡ ﺭﺍﺡ ﺗﻜﺘﺐ ﻗﺼﻪ
ﺣﺐ،،،،ﻭﺍﻟﻈﺮﻭﻑ
ﻫﻢ ﺭﺍﺡ ﺗﻜﺘﺐ شي ثاني
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
