رواية انتقامك وانتقامي رد الدين الفصل الخامس عشر 15 بقلم تولين جراح
أنسَان ممتلئ بالتناقضات، سعيد بِشكل مُكتئب، ومنعزل بشكل أجتمَاعي!.
........................................................
لتين...
كلشي صار فجأة بدون سابق إنذار الكل واكف يريد يعرف شنو الصار
الشيخ عكَاب: شنهي الصار واحد يكلي لا ضلون ساكتين
_ماكو شيء جدي
لتين: لا اكوو من حفيدك يسحب مني الموبايل شنوو معناتها
ابو سائد: لتين بابا احجي بهدوء وفهمينه شنوو صاير
لتين: بابا جاي اخابر واجه الأخ سحب مني الموبايل
جراح: جبل فهمنه ليش هيج سويت وياها
جبل: يابه خلي نسد الموضوع وعندي كلام ويه البت بس موش هسه على انفراد
لتين: اوووو انتَ ابن جراح
جبل: احترمي نفسج لج
أسر: جبل خويه اهدء هاي جمار اختنه
باوع عليه بصدمه وبعدها رجع ملامح وجها جامده باوع عليه وراح يدخل للبيت بدون كلام
رحت عليه وقطعت طريقه باوعت عليه بتحدي
واني اكله
لتين: اول شيء رجعلي موبايلي واعتذر مني عن تصرفك وبعدها تروح .
جبل: الموبايل ما يرجع لحد ما تأكد من شغله وما اعتذر من مرة انه
لتين: ليش خاف تنزل من قيمتك
ابو سائد: لتين كافي
لتين: بابا ما جاي اكول شيء خارق بس يرجعلي موبايلي ويعتذر
الشيخ عكَاب : امشي دشو داخل فضحتونه الله يفضحكم
الكل دخل للصاله وكعدو يعرفون شنو الموضوع
حجى الشيخ عكَاب
الشيخ عكَاب: وهسه يجبل شنهي الشيء الخلاك تصرف بهل طريقه ويه جمار
جبل: شيخ ماكو شيء
لتين: اذا ماكو شيء ليش سحبت مني الجهاز
جاسر: العفو منك جدي بس جبل ما يسوي شيء إذا ما شاف شيء ما يعجب
الشيخ عكَاب: جمار انتِ احجي شنهي الصار
لتين: جنت اخابر بخالو وهوه دخل بس شافني سحب مني الموبايل
جبل: وخالج تكليله احبك وحبيبي!!!!
لتين: طبعآ وبعدين انتَ شعليك .
الشيخ عكَاب: وشنهي الشيء اليثبت صحه كلامج
لتين: المكالمه شوفو اخر رقم متصل عليه منوو وتعرفون الحقيقه ولو اني ما يهمني نظرتكم عني بس ميخالف امشي وياكم
جراح: يا خال كصدج رهف ما عدها اخ هيه وحيده أهلها
لتين: خالوو حذيفه قصدي
جراح: شنو هذا الحجي راجح من شوكت حذيفه صار كرايب رهف
ابو سائد: جراح هذا الكلام موش وكته ، بابا لتين نطيني موبايلج
تقدمت نطيته اله فتح الموبايل قره الاسم مكتوب على الاسم ضحكتي جنت هيج مسميته لان هوه الوحيد الي يضحكني وكت حزني
باوع عليهم بابا وكال
ابو سائد : لتين ما مجذبه وهذا رقم حذيفه ، وانه ما شاك ببنتي لان تربيتي بس حبيت أوضح سوء الفهم الصار
الشيخ عكَاب: ما صار شيء سدو الموضوع يله
لتين: لا ما ينسد اريد جبل يعتذر منيي
إبتهال: والله عمي خوش تخابر زلم غربه وتريد يعتذر منها حمدي ربج ما كتلج بمكانج
لتين: ليش شنوو سويت ويكتلني بمكاني صار الي يخابر خاله عارر؟!
إبتهال: بس على حسب علمي هوه موش خالج
الشيخة جمار: إبتهال شدي اثمج وكافي ذبين سمج
وانتِ جمار كافي يمه حبيبه
لتين: بسس شيخة ...
الشيخة جمار: انه اخذ حكج مربع بس خليها عليه
وهسه كعدي يله سدو السالفه
سكتت بس السالفه تاكل وتشرب ويايه باوعت عليه بحقد قابلني بنضره برود
دخل صخر سلم باوع عليه وكال
صخر: شلونج جمار
لتين: هلوو صخر بخير انتَ شلونك
صخر : على الله
باوعت عليه وجها عليه بس عيونه على الي وراي
باوعت على اليه وراي شفت ريم بنت عمو خنجر ابتسمت واني اباوع عليه انتبه عليه غير اتجاه انضاره وغلس
صرت ادرس واحد واحد
جراح ونضراته عليه الي كل ما اندار جهتا اشوفه يباوع عليه وعيونه مدمعه أسر مبين عليه كلش طيب وحباب صخر احسه كلش جدي وفارض هيبته اما إبتهال تباوع عليه بحقد وكره اما جبل الموقف الي صار بينه خلاني احقد عليه وايسر الي لحد هسه ما ملتقيه بي لان مسافر ولا حتى شايفته
درت عيني على عمي خنجر الي مستحيل انسه بيوم هوه انقذ ماما وبابا من الموت وما سلمهم الجراح
باوعت على بناته غزل وريم وغيث وليث الي طلعو أولاده وكلش لطيفين وحبابين وامهم اسمها حنان وصدك هيه كُتله من الحنان
اما خالو ناجح الي روحه شبابيه كلش عمره نهايه الثلاثين عنده زين الجبير عمره ١٠ سنوات وشمس وقمر تؤام اعمارهن ٦ سنوات وزوجته فاطمه
وبعدها باوعت على الشيخ والشيخة الي مترأسين الكعده فارضين هيبتهم على الكل
وبالأخير صارت عيني على بابا واخواني الي منطلقين بالسوالف احس بابا هسه ياله ارتاح بين أهله وناسه
قطع شرودي صوت غزل الي تكلي بتردد
غزل: جمار تجين ويانه لغرفتنه اني وريم
لتين بابتسامه: اكيد اجي وياجن يله خلي اتعرف على بنات عمي ، وهمست بخفوت ، وزوجه اخوي
صعدنه للطابق الفوك جان كله غرف والتصميم كلش فخم
دخلنه لغرفه بناتيه كلش بسيطه وحلوه
كعدت وتد وايليا هجمت على الأغراض
تلعب بيهن
لتين: ايييي ريم شكد عمرج؟
ريم: عمري ١٩
لتين: امممم حلوووو ، وانتِ غزوله
غزل: اني ١٨ أصغر منها بسنه
لتين: هااا حلوو
غزل: اي وانتِ وتد شكد اعمارجن
وتد: اني ٢٢ ولتين ٢٠
لتين: ومقبله على ال٢١ تره جبيره اني احترمني هههههه
صرنه نسولف بمواضيع عامه حبيتهن كلش
رجعنه بوقت متأخر من الليل بسرعه كلمن دخل غرفته نام
كعدت على صوت الباب حيل يندك وصياح عالي
خفت صاير شيء ردت انزل من الجربايه وجان ادوس على سياره إيليا واوكع على ركبتي بطريقه السجود
صرخت بوجع وبعدها
ضحكت واني ميزت صوت منوو هذا كمت بسرعه اعرج وبعدين رجعت بدلت ملابسي بملابس مستوره وطلعت اعرج واني اصيح
لتين: اييي شهل هوسه هاييي طفرت بتلفات الدنيه وهم لحكتنه شلون يعني ما نرتاح
حذيفه: نجبي ولج الخايس*** الحكج الحكج واطيح حضج هم
رحت حضنت جدو
لتين: يروح الروح جدو حبيبي شلونك
الجد سامي: يا بعد جدج حبيبتي شلونج
لتين: بخير مشتاقه الك
الجد سامي: واني هم الج وحشه ولجج
ام سائد: لعد واني مو بنتك لوو من لتين تجي الكل ينسي
الجد سامي: هاي العزيزه بنت العزيزه شلون ما احبها
رحت على خالو حذيفه حضنته واني اكله
لتين: يروحي مشتاقه الك هواي
حذيفه: واني هم بابا كلش مشتاق الج عفتيني لوحدي يا ضالمه
لتين: يروح الروح غصب عني والله
حذيفه: اي هسه اريدج تفريني البساتين كلها
لتين: ههههههههه
حذيفه: ومرض شبيج
لتين: هوه اني ما شايفته
حذيفه: لا عليج الله ههههههه
لتين: والله
حذيفه: لعد اليوم نفتر سوه
لتين: اي اكيد
التهينه وياهم للعصر طلعنه للبساتين نفتر
حذيفه: اي لتين شصاير مصاير
لتين: يووو يوميه اكشن كل ما اروح لقصر ال عكَاب تصير دراما شكل واني اكيد سبب هل دراما
حذيفه: لاا لهل درجه
لتين: اي والله
حذيفه: مبين متونسنه هناه
لتين: ههههه كلش كلش
حذيفه: وهسه انتِ شنو اخبارج
لتين: شبيه اجنن كلش حلوو المكان
حذيفه: وجراح
لتين: شبي
حذيفه: شنوو علاقتكم
لتين: ما بينه اي علاقه اكرها كره العمى ، صدوك خالووو البارحه غير صارت مشكله من جنت اخابرك والاكشن يجنن
حذيفه : ليش شصار يا ساتر
لتين: غير من جنت اخابرك شافني جبل ابن جراح عباله اخابر حبيبي هههههه
حذيفه: هههههه لا صدك عود وتالي
لتين: وتالي بابا وكف وياي وخلاهم يشعوطون
حذيفه: ههههه حلوه هاي يشعوطون ، تعاي هناه نكعد حلوو الغروب مناا
لتين: اي يله
كعدنه على چذع شجره خليت راسي على كتفه
لتين: خالوو تعبت شوكت ارتاح
حذيفه : تهون وتصير سوالف
سكتنه وصرنه نباوع بسكوت على غروب الشمس
اجه من بعيد جراح والشرار يطاير من عيونه همس اليه خالو حذيفه
حذيفه: لتين ابقه بمكانج خلي نشوف الاكشن الراح يصير
لتين: ههههه خرب شوف شوف
جراح : جمارررر شسوين ويه هذا
لتين: جاي نشوف غروب الشمس
جراح: امشي روحي للبيت يله ما عدنه بنوات يكعدن ويه الغريب
حذيفه: ههه هاي شنو جراح معقول صرت غريب عن بنتي ، لتين بنتي ما الك حق تحاسبها على كعدتها
وياي
تقدم جراح سحب خالو من قميصه وصاح بوجها
جراح: جنك نسيييت السويته برهف يا حذيفه وهسه جاييييي على جماررررر
لتين: كااافي شكوو عوف خالوو هوه ضيف عدنه
شفت الوضع كل تأزم وثنينهم كتله من النار باوعت على شاب واكف بباب المضيف رحت اركض عليه
انتبه عليه تقدم اليه بتسأول
لتين: عفيه تعال جراح وخالو تعاركو هناك
ركض بدون ما يجاوبني واني ركضت وراه
_خالييي شكووو ، هده خالي هده
جراح: عوووفني عليه هل كو***
حذيفه: ماكووو غيررك كوو***بسببك كلشي صارر
_خالي تعال اغديلك فدوه موش هيج ضيف خالي راجح هذا موش من شيمنه هيج
بدل ماتدور وتبحث علي الروايات خليها علي تليفونك وحمل تطبيقنا
