رواية هدية الشيخ رضا الفصل الخامس عشر 15 بقلم أوتار حزينه
ليله
ﺳﻤﻌﺖ ﻛﺎﻝ ﺭﺍﺡ ﺍﺭﺩ ﺣﻠﻴﻤﻪ،،،
ﻭﻻﺭﺍﺩﻳﺎ ﻭﻛﻌﺖ ﺍﻟﺼﻴﻨﻴﻪ ﻣﻦ ﺍﻳﺪﻱ
ﻭﺟﻤﺪﺕ ﺑﻤﭽﺎﻧﻲ،،،،ﻭﻫﻮ ﻛﺎﻡ ﻣﻦ ﻣﭽﺎﻧﻪ
ﻭﺍﺟﻪ ﻋﻠﻴﻪ،،،
« ﺭﺿﺎ ﺻﺪﻙ ﺗﺮﻳﺪ ﺗﺮﺩ ﺣﻠﻴﻤﻪ ﺑﻌﺪ
ﺍﻟﺴﻮﺗﻪ ،،،،
ﺭﺩﺩﺕ ﺑﺬﻫﻮﻝ ﻭﺍﻧﻲ ﻣﻮ ﻣﺼﺪﻛﻪ
ﺍﻟﺴﻤﻌﺘﻪ
ﻋﺎﻳﻨﺖ ﺍﻟﻬﺎ ﺷﻠﻮﻥ ﻟﻮﻧﻬﺎ ﺍﻧﺨﻄﻒ،،،
ﻭﺻﺎﺭﺕ،،ﺻﻔﺮﻩ،،،ﻭﺣﺠﻴﺖ ﺑﻬﺪﺅ
« ﺗﻌﺎﻟﻲ ﺍﻛﻌﺪﻱ،،،ﻭﺍﻧﻪ ﺍﻓﻬﻤﺞ ﺍﻟﺴﺎﻟﻔﻪ
ﺩﻓﻌﺖ ،،،،،ﺍﻳﺪﻩ ﻣﻦ ﻟﺰﻣﻨﻲ ﻭﺣﺠﻴﺖ
ﺑﻌﺼﺒﻴﻪ،،
« ﻣﺎﺍﺭﻳﺪﻥ ﺍﻛﻌﺪ ﺍﺣﺠﻲ،، ﺻﺪﻙ ﺗﺮﻳﺪ
ﺗﺮﺩﻫﺎ ،،،
ﻣﻦ ﺩﻓﻌﺖ ﺍﻳﺪﻱ ﻭﺻﺎﺣﺖ، ،،ﺻﺮﺧﺖ
ﺑﻴﻬﺎ ،،،،
« ﻟﻴﻠﻪ،،،،،،،ﻻﺗﻌﻠﻴﻦ ﺻﻮﺗﺞ ﻋﻠﻴﻪ
ﻻ،،،،،،،،،، ﺑﺎﻟﻠﻪ ﻫﺴﻪ
ﺍﻃﻠﻊ ﻗﻬﺮ ﮔﻠﺒﻲ ﺑﻴﺞ
ﺣﺠﻴﺖ ﻫﻴﺞ،،،،ﻭﺟﺮﻳﺘﻬﺎ ﻣﻦ ﺍﻳﺪﻫﺎ
ﻟﻴﻢ ﺍﻣﻲ،،،ﺍﻟﻲ ﻟﺰﻣﺘﻬﺎ ﻭﻛﺎﻣﺖ ﺗﺤﺠﻲ
ﻭﻳﺎﻫﺎ ﺑﻬﺪﺅ
« ﻟﻴﻠﻪ،،،،ﺗﻌﺎﻟﻲ ﺍﻛﻌﺪﻱ ﻭﺧﻠﻲ ﻧﻔﺘﻬﻢ شنهي ﺍﻟﺴﺎﻟﻔﻪ،،،
« ﻳﻤﻪ ﺍﻧﻪ ﺳﻤﻌﺖ ﻗﺒﻞ ﺷﻮﻳﻪ
ﻛﺎﻝ ﺭﺍﺡ ﺍﺭﺩ ﺣﻠﻴﻤﻪ،،،
« ﻭﻟﺞ ﻳﻤﻪ ﺧﻠﻴﻨﺎ ﻧﻔﺘﻬﻢ . ﺷﺼﺎﻳﺮ ﻭﻟﻴﺶ ﻳﺮﻳﺪ ﻳﺮﺩ ﻫﺎﻟﻌﻜﺮﺏ،،،ﺗﻌﺎﻟﻲ ﺍﻛﻌﺪﻱ
ﺷﺒﻴﺞ ،،،ﺗﺴﻮﺩﻧﺘﻲ
ﺳﻜﺘﺖ ﻭﻋﺎﻳﻨﺖ ﺑﻘﻬﺮ ﻟﺮﺿﺎ،،،ﺍﻟﻲ ﺟﺎﻥ
ﻭﺍﻛﻒ ﻭﻋﺎﻛﺪ ﺣﻮﺍﺟﺒﻪ،،،ﻭﻣﺒﻴﻦ ﻋﻠﻲ ﺍﻟﻌﺼﺒﻴﻪ ﻭﺍﻟﻀﻮﺟﻪ
« ﺍﺣﺠﻲ ﻳﺎﺷﻴﺦ،،،ﻟﻴﺶ ﺗﺮﻳﺪ ﺗﺮﺩ
ﺣﻠﻴﻤﻪ،،،
« ﺟﺪﻩ،،،،ﺍﻧﻪ ﻣﻦ ﻃﻠﻜﺘﻬﺎ ﻟﺒﻨﺖ ﻋﻤﻲ
ﻭﺍﻡ ﺑﻨﺎﺗﻲ،،،،،،،،ﺍﺷﻜﺎﻝ ﻭﺍﻟﻮﺍﻥ
ﺍﻟﺤﺠﻲ ﺳﻤﻌﺘﻪ
ﻭﺍﻟﮕﺮﻳﺐ ﻗﺒﻞ ﺍﻟﺒﻌﻴﺪ ﺍﻛﻞ ﻭﺟﻬﻲ ﻻﻥ
ﺳﻮﻳﺖ ﻫﻴﺞ،،، ﻭﺧﺎﻳﻒ ﻻﻳﺠﻲ ﻳﻮﻡ
ﻭﺑﻨﺎﺗﻲ ﻳﺘﻌﻴﺮﻥ ﺑﺎﻣﻬﻦ،،،،،،،
ﻭﺫﻳﺞ ﺍﻟﺴﺎﻋﻪ ﻣﻦ ﺻﺪگ ﺍﺗﺴﻮﺩﻥ
ﻭﺍﭼﺘﻠﻲ ﻭﺍﺣﺪ ،،
« ﺍﺳﺘﻐﻔﺮ ﺍﻟﻠﻪ ﻳﺎﺭﺏ
ﻭﺍﻻﻭﺍﺩﻡ،،،ﺷﻮﻛﺖ ﺳﻜﺘﺖ ﻋﻦ
ﺳﻮﺍﻟﻒ ﻏﻴﺮﻫﺎ ،،،ﺣﺘﻰ ﺗﺴﻜﺖ ﻋﻦ
ﺳﺎﻟﻔﺘﻚ ،،،ﻋﻮﻓﻬﻢ ﻳﺤﺠﻮﻥ ﻳﺎﻳﻤﻪ،،،
ﻭﺍﻛﻌﺪ ﻭﺍﺳﻜﺖ ﻭﻻﺗﺮﺟﻌﻬﺎ ﺗﺮﺍﻫﺎ ﺣﻴﻪ
ﻭﻣﺎﻳﺘﺄﻣﻦ ﺍﻟﻬﺎ،،،،ﻭﺍﺫﺍ ﻃﺒﺖ ﺑﻴﺘﻚ
ﺭﺍﺡ ﺗﻬﺠﻤﻪ،،،ﻣﺮﻩ ﺛﺎﻧﻴﻪ
« ﻳﻤﻪ ﺧﻠﻬﺎ ﺗﻮﻟﻲ ﻭﺍﻟﻠﻪ ﺍﻧﻪ ﺍﺧﺎﻓﻦ
ﻻﺗﺴﻮﻱ،،،، ﺷﻲ ﺑﻮﻟﺪﻙ ﻟﻮ ﻟﻴﻠﻪ
ﻣﺜﻞ ﺫﻳﺞ ﺍﻟﻤﺮﻩ
ﺳﻜﺘﺖ ﻭﻋﺎﻳﻨﺖ ﻟﻠﻴﻠﻪ ﺍﻟﻲ
ﺟﺎﻧﺖ ﻛﺎﻋﺪﻩ
ﻭﺗﺒﺠﻲ،،،ﻭﺫﺑﻴﺖ ﺣﺴﺮﻩ ﻣﻦ ﮔﻠﺒﻲ
ﻭﺟﺎﻭﺑﺖ ﺟﺪﺗﻲ
« ﺟﺪﻩ ﺍﻧﻪ ﺍﻧﻄﻴﺖ ﭼﻠﻤﻪ،،،ﻟﺠﺪﻱ ﻃﺎﻟﺐ
ﻭﻫﻮ ﻛﺎﻟﻬﺎ،،،ﻻﺧﻮﺗﻬﺎ،،،،ﺣﻠﻴﻤﻪ ﺭﺍﺡ ﺍﺭﺩﻧﻬﺎ
ﻭﺭﺍﺡ ﺍﺑﻨﻲ ﺑﻴﺖ ﻳﻤﻨﺎ ﻭﺗﻜﻌﺪ ﺑﻲ ﻫﻲ
ﻭﺑﻨﺎﺗﻬﺎ ،،،ﻭﻫﺬﺍ ﺍﻟﺒﻴﺖ ﻳﺤﺮﻡ
ﺗﻄﺒﻪ،،،،،،ﻭﺍﻧﻪ ﻣﻮﺟﻮﺩ
ﻛﻤﺖ ﻣﻦ ﻣﭽﺎﻧﻲ،،،،ﻣﻦ ﺳﻤﻌﺖ ﺟﻮﺍﺑﻪ
ﻭﻫﺰﻳﺖ ﺭﺍﺳﻲ ﺑﻼﺍﺍ ﻭﺻﺤﺖ
« ﺷﺒﻴﻚ ﺍﻧﺘﻪ ﺗﺴﻮﺩﻧﺖ ﺷﻠﻮﻥ
ﺗﺮﺩﻫﺎ ﻭﻫﻲ ﻛﺘﻠﺖ ﺍﺑﻨﺎ،،، ﺷﻠﻮﻥ ﺗﻜﺪﺭ
ﺗﺒﺎﻭﻉ ﺑﻮﺟﻬﻬﺎ ﻭﻫﻲ ﺍﺫﺗﻚ،،،،ﺍﻛﺜﺮ ﻣﻦ ﻣﺮﻩ،،،،ﻭﺍﻟﻠﻪ ﻣﺎﺍﻇﻞ ﺩﻗﻴﻘﻪ ﻳﻤﻚ
ﻟﻮ ﺍﻧﻪ ﻟﻮ ﻫﻲ بهل البيت،،،،ﺣﺠﻴﺖ ﻫﻴﺞ،،،،ﻭﻣﺸﻴﺖ
ﺍﺭﻳﺪﻥ ﺍﻃﻠﻊ
« ﻭﻟﻠﻠﻠﺞ،،،ﻣﻮ ﺍﻧﻪ ﺍﻟﻲ ﻣﺮﻩ ﺗﻤﺸﻲ
ﭼﻠﻤﺘﻬﺎ ﻋﻠﻴﻪ،،،ﺍﺭﺟﻌﻲ ﻟﻤﭽﺎﻧﺞ
ﻭﻻﺗﺨﻠﺒﻴﻨﻲ ﻭﺗﺨﻠﻴﻨﻲ ﺍﺫﻳﺞ
ﺻﺮﺧﺖ ﺑﻴﻬﺎ ﻭﻟﺰﻣﺘﻬﺎ ﻣﻦ ﺯﻧﺪﻫﺎ
« ﺭﺿﺎ ﻳﻤﻪ ﻋﻠﻰ،،،، ﻛﻴﻔﻚ وياها
« ﻋﻮﻑ ﺍﻟﺒﻨﺖ،،،ﻻ ﻳﺼﻴﺮ ﺑﻴﻬﺎ ﺷﻲ
ﺭﺍﺯﻗﻴﻪ ﺣﺠﺖ ﻫﻴﺞ ﻭﻛﺎﻣﺖ،،،،
ﺻﺮﺧﺖ ﺑﻲ،،،ﻭﺍﻧﻪ ﺍﺩﻓﻊ ﺑﺼﺪﺭﻩ
« ﭼﺎ ﺣﻠﻴﻤﻪ ﻣﻮ ﻣﺮﻩ ﻟﻴﺶ،،، ﺧﻠﺘﻚ
ﺗﺮﺩﻫﺎ،،،،،،ﻟﻴﺶ ﺳﻤﻌﺖ ﭼﻠﻤﺘﻬﺎ،،،،ﻫﺎﺍﺍ
ﻧﺴﻴﺖ ﺷﻠﻮﻥ ﺫﻟﺘﻚ ﻛﺪﺍﻡ ﺍﺧﻮﺗﻬﺎ
ﻧﺴﻴﺖ ﺷﺴﻮﺕ ﺑﻴﻚ
ﻓﻜﻴﺖ ﻋﻴﻮﻧﻲ ﻣﻦ ﺳﻤﻌﺘﻬﺎ ﺷﺤﺠﺖ
ﻭﺭﻓﻌﺖ ﺍﻳﺪﻱ،،،ﺍﺭﻳﺪﻥ ﺍﺿﺮﺑﻬﺎ ﺑﺲ
ﺍﻣﻲ،،،ﻭﺟﺪﺗﻲ ﻟﺰﻣﻨﻲ ﻭﻭﺧﺮﻧﻬﺎ
ﻣﻨﻲ ﺑﺴﺮﻋﻪ ﻭﻫﻲ ﻣﺎﺳﻜﺘﺖ
« ﻭﺍﻟﻠﻪ ﻣﺎﺍﻇﻞ ﻳﻤﻚ،،،،ﺍﻻ ﻻﺭﻭﺣﻦ
ﻻﻫﻠﻲ،،،،،ﻭﺧﻠﻲ ﺍﻟﻲ ﻛﺘﻠﺖ ﺍﺑﻨﻚ
ﺗﻔﻴﺪﻙ،،،ﻭﺗﺤﻠﻢ ﺗﺸﻮﻓﻨﻲ ﺑﻌﺪ
ﺣﺠﻴﺖ ﻫﻴﺞ،،،ﻭﻣﺸﻴﺖ ﺍﺭﻳﺪﻥ
ﺍﻃﻠﻊ،،،ﺧﻄﻮﻩ ﻭﻟﺰﻣﻨﻲ،،،ﻣﻦ
ﺷﺎﻟﻲ ﻭﺷﻌﺮﻱ ﻭﻳﺎ،،،،،ﻭﺻﺎﺡ ﺑﻲ
« ﺗﻌﺎﻟﻲ ﻭﻟﺞ ﻭﻳﻦ ﻣﻮﻟﻴﻪ،،،،
ﺍﻣﺸﻲ ﻟﻐﺮﻓﺘﺞ ﻻ ﺑﻌﻠﻲ، ،،ﻫﺴﻪ
ﺍﺩﻛﺞ ﺩﻛﻪ ﺍﻣﻮﺗﺞ ﺑﻴﻬﺎ،،
« ﺭﺿﺎ ﻋﻠﻰ ﺑﺨﺘﻚ ﻳﻤﻪ ﻋﻮﻓﻬﺎ
ﻭﻟﻚ ﻋﻮﻓﻬﺎ،،،،،،
« ﻭﻟﺞ ﻧﺒﻌﻪ ﻫﺴﻪ ﻳﻄﻴﺤﻮﻥ ﺍﻟﻮﻟﺪ
ﻭﻟﻚ ﺷﺒﻴﻚ ﺗﺴﻮﺩﻧﺖ ﻋﻮﻑ ﺍﻟﺒﻨﺖ
ﻣﺎﺩﺭﺕ ﺑﺎﻝ ﻻﺣﺪ،،،تسودنت من شفتها
تريد تهد البيت وتطلع
ﻣﻦ ﺍﻟﻀﻐﻂ ﺍﻟﻲ ﺻﺎﺭ ﻋﻠﻴﻪ
ﻣﻦ ﺟﺪﻱ ﻃﺎﻟﺐ ﻭﺍﻟﻨﺎﺱ،،،،،
ﻭﻣﻦ ﻭﺭﻩ ﻛﻼﻡ
ﻟﻴﻠﻪ ﻭﺻﻴﺎﺣﻬﺎ ﺗﺨﺒﻠﺖ ﺑﻌﺪ ﺍﻛﺜﺮ
ﻭﺧﻠﻴﺖ ﻗﻬﺮﻱ ﺑﻴﻬﺎ ﺟﺮﻳﺘﻬﺎ ﻣﻦ ﺷﻌﺮﻫﺎ
ﻟﻠﺪﺭﺝ،،،ﻭﻫﻲ ﻟﺰﻣﺖ ﺍﻟﻤﺤﺠﻞ
ﻭﺻﺮﺧﺖ،،،ﻭﻫﻲ ﺗﻀﺮﺏ ﺑﺼﺪﺭﻱ
« ﻋﻮﻓﻨﻲ،،،ﻣﺎﺍﺭﻳﺪﻧﻚ ﺑﻌﺪ ﻭﺩﻳﻨﻲ
ﻟﻬﻠﻲ ،،،،،،ﻃﻠﻜﻨﻲ،،،
ﺩﻓﻌﺖ ﺍﻣﻲ ﻣﻦ ﻟﺰﻣﺘﻨﻲ،،،،ﻭﻓﺮﻛﺖ
ﺣﻠﻚ ﻟﻴﻠﻪ ،،،، ﻣﻦ ﺣﺠﺖ ﻫﻴﺞ
ﻭﺟﺮﻳﺘﻬﺎ ﻣﻦ ﺍﻟﻤﺤﺠﻞ ﺑﻘﻮﻩ،،،
ﻭﺍﻧﻪ ﺍﺻﻴﺢ،،،
« ﻭﻟﺞ ﻟﻴﻠﻪ ﺍﻧﻪ ﺗﻬﺪﺩﻧﻲ
ﻭﺗﻌﻴﺮﻳﻨﻲ،،،،ﺑﺴﻮﺍﻳﻪ ﺣﻠﻴﻤﻪ ﻭﺍﻟﻠﻪ
ﻣﻦ ﺍﻧﻌﻞ ﺍﺑﻮﺝ ﻻﺑﻮ ﺣﻠﻴﻤﻪ ﻭﻳﺎﺝ
« ﺍﺍﺍﺥ ﻳﻤﻪ،،،
ﺻﺮﺧﺖ،،،، ﻣﻦ ﺟﺮﻧﻲ ﺧﺼﺮﻱ،،،
ﻭﻛﻌﺪﺕ،،،ﻭﺍﻧﻪ ﻻﺯﻣﻪ ﺑﻄﻨﻲ،،،،
ﻭﺍﻟﻨﻔﺲ ﺍﻧﻜﻄﻊ، ،،،،
« ﻋﺰﻩ ﺍﻟﻌﺰﺍﺝ،،،،ﻧﺒﻌﻪ،،،ﻭﻟﻚ ﻭﺧﺮ
ﺍﻟﺒﻨﺖ ﻣﺎﺍﺩﺭﻱ ﺷﺒﻴﻬﺎ،،،،،ﻟﻴﻠﻪ ﻳﻤﻪ
ﺷﻤﺎﻟﺞ
« ﻫﻮﻩ ﻳﻤﻪ ﺍﺭﻳﺪﻥ ﻫﻮﻩ
ﺣﺠﻴﺖ ﻛﻮﻩ ﻭﺍﻧﻪ ﺍﺷﻬﻚ،،،ﻭﺍﺑﺠﻲ
ﻭﻟﺰﻣﺘﻬﺎ،،،ﻭﺍﻧﻪ ﺍﺭﺟﻒ،،،،،،ﻭﺍﺣﺲ
ﺑﻮﺟﻊ ﺧﻴﻄﻨﻲ ﺗﺨﻴﻂ،،،،
« ﻭﻟﺞ ﺯﻫﺎﺀ ﺟﻴﺒﻲ ﻣﻲ،،،ﺑﺴﺮﻋﻪ
ﺭﺟﻌﺖ ﻟﻴﻮﺭﻩ ﻣﻦ شفتها ﺗﺨﺮﺑﻄﺖ
ﻭﺷﻬﻜﺎﺗﻬﺎ ﻋﻠﺖ،،،ﻭﺭجعت ﻋﻠﻴﻬﺎ
ﻭﻛﻮﻣﺘﻬﺎ،،،،
« ﻛﻮﻭﻣﻲ،،،
ﻣﺎﺗﺤﻤﻠﺖ،،،ﻟﺰمتي ودفعت ايدي
بقوه
ﻋﺎﻳﻨﺖ ﻋﻠﻴﻬﺎ ﺑﻘﻬﺮ،،،،ﻭﻭﺧﺮﺕ،
ﻣﻨﻬﺎ
ﻭﺭﺣﺖ ﻟﻼﺳﺘﻘﺒﺎﻝ ﻛﻌﺪﺕ ﻭﺣﺪﻱ
ﻭﺍﻧﻪ،،، ﺍﻧﻌﻞ ﺍﻟﺴﺎﻋﻪ
ﺍﻟﻲ ﺍﻧﻄﻴﺖ ﺑﻴﻬﺎ ﺍﻟﭽﻠﻤﻪ ﻟﺠﺪﻱ
ﻃﺎﻟﺐ ﻭﺍﻟﻲ ﺣﺴﻴﺘﻬﺎ
ﺭﺍﺡ ﺗﻬﺠﻢ ﺑﻴﺘﻲ ﻣﺮﻩ ﺛﺎﻧﻴﻪ،،،،،
ﻭﺻﺤﺖ ﺑﻌﺼﺒﻴﻪ
ﺷﺴﻮﻱ ﻳﺎﺭﺑﻲ،،،ﻣﻨﺎ ﺑﻨﺎﺗﻲ
ﻳﺘﻮﺳﻠﻦ ﺑﻲ ﺍﺭﺩ ﺍﻣﻬﻦ
ﻭﻣﻨﺎ ﺍﻻﻭﺍﺩﻡ ،،،،ﺍﻟﻲ ﺍﻛﻠﺖ ﻭﺟﻬﻲ،،،
ﻻﻥ ﻃﻠﻜﺖ، ،،،،ﺑﻨﺖ ﻋﻤﻲ،،،
ﻭﻣﻨﺎ ﻟﻴﻠﻪ،،،،ﺳﻜﺘﺖ ﻣﻦ ﺫﻛﺮﺕ ﺍﺳﻤﻬﺎ
ﻭﺫﺑﻴﺖ ﺣﺴﺮﻩ ﻣﻦ ﮔﻠﺒﻲ،،،،،،،ﻭﻟﺰﻣﺖ
ﺭﺍﺳﻲ ﺑﺘﻌﺐ
ﻭﻋﺎﺗﺒﺘﻬﺎ ﺑﮕﻠﺒﻲ، ،،،
« ﺗﻌﻴﺮﻳﻨﻲ ﻳﺎﻟﻴﻠﻪ
ﺑﺴﻮﺍﻳﺘﻬﺎ،، ﻭﺍﺩﻛﻮﻟﻴﻦ ﺍﻋﻮﻓﻚ ﻭﺍﺭﻭﺣﻦ
ﻟﻬﻠﻲ ﻭﺗﺮﻳﺪﻥ ﺗﻄﻠﻜﻴﻦ،،،،،،،
ﺳﻜﺘﺖ ﻭﺭﻓﻌﺖ ﺭﺍﺳﻲ،،ﻭﻛﻤﻠﺖ ﺑﻘﻬﺮ
« ﻭﺣﮓ ﻫﻮ ﻫﺬﺍ ﺍﻟﻠﻪ ﻟﻮ ﻛﺎﻳﻠﺘﻬﺎ
ﻭﺣﺪﻩ ﻏﻴﺮﺝ،،،ﺟﺎﻥ ﻃﻠﻜﺘﻬﺎ،،،ﺑﻠﺤﻈﺘﻬﺎ
ﻭﺍﻧﻪ ﻣﻮ ﻣﺘﺄﺳﻒ ﻋﻠﻴﻬﺎ،،، ﺑﺲ
ﺳﻜﺘﺖ ﻭﺗﻨﻬﺪﺕ،،،ﻭﺣﺠﻴﺖ
ﻭﺍﻧﻪ ﺍﺩﮒ ﻋﻠﻰ ﮔﻠﺒﻲ،،،
« ﺑﺲ ﺷﺴﻮﻳﻠﻪ ﻟﻬﺬﺍ ﺍﻟﻌﺸﮕﺞ
ﻋﺸﮓ ﻣﺴﻮﺩﻥ،،،،ﻫﺬﺍ ﺍﻟﻲ ﻣﺎﻳﻜﺪﺭ
ﺑﻠﻴﺎﺝ،،،،،ﺷﺴﻮﻱ ﻟﺮﻭﺣﻲ ﺍﻟﻲ
ﺗﻌﻠﻘﺖ ﺑﻴﺞ
ﺍﺍﺍﺥ،،،ﻣﻨﺞ،،،
ﻭﻟﺞ ﻭﺍﻟﻠﻪ ﺍﻧﻪ ﻣﻮ ﻧﺎﺳﻲ،، ﺍﻟﺴﻮﺗﻪ ﺑﻲ
ﻭﻻ ﻧﺎﺳﻲ ﺍﺑﻨﻲ ﺍﻟﻲ ﭼﺘﻠﺘﻪ،،،،،،
ﻭﺣﻘﺞ ﻣﺎﺗﺮﻳﺪﻳﻬﺎ ﺗﺮﺟﻊ،،،،ﻻﻥ ﺍﻧﻪ
ﻫﻢ ﻣﺎﻛﺪﺭﻥ ﺍﺑﺎﻭﻉ ﺑﻮﺟﻬﻬﺎ،،
ﻭﻟﺞ ﺍﻧﻪ ﻛﺮﻫﺘﻬﺎ ﻟﺤﻠﻴﻤﻪ ﻣﻦ ﺯﻣﺎﻥ
ﻭﺍﻣﻮﺗﻦ ﻣﻨﻬﺎ،،،،،،،ﻭﺣﺘﻰ ﻟﻮ ﺗﺮﺟﻊ
ﺗﺤﺮﻡ ﻋﻠﻴﻪ ﺷﻮﻓﺘﻬﺎ،،،،
ﻻﺑﺖ ﺭﻭﺣﻲ ﻣﻦ ﺍﻟﺤﺠﻲ ﻭﺍﻻﻓﻜﺎﺭ ،،،ﻭﺍﺧﺘﻨﻜﺖ ﻭﻛﻤﺖ
ﻭﻃﻠﻌﺖ ﻟﻠﺤﺪﻳﻘﻪ،،،،،
،،،،،،
ﻭﺭﻩ ﻣﺎﻃﻠﻊ ﺭﺿﺎ ﺍﻣﻪ ﻛﻮﻣﺘﻨﻲ،،،ﻫﻲ
ﻭﻣﺮﻳﻢ
ﻭﺯﻫﺎﺀ،،،ﻭﻭﺩﻭﻧﻲ ﻟﻐﺮﻓﺘﻬﺎ
ﻃﺒﻴﺖ ﻭﺗﻤﺪﺩﺕ،،،،ﻭﺍﻧﻪ ﺍﺷﻬﻚ ﻭﺍﺑﺠﻲ
« ﻳﺒﻨﺎﺕ ﺍﻃﻠﻌﻦ،، ﻭﺧﻠﻨﺎ ﻭﺣﺪﻧﺎ
ﺍﻡ ﺭﺿﺎ ﺣﺠﺖ ﻫﻴﺞ ﻭﺍﻟﺒﻨﺎﺕ ﻃﻠﻌﻦ
ﻭﻫﻦ ﻭﺣﺪﻩ ﺗﺒﺎﻭﻉ ﻟﻠﺦ،،،،
« ﻟﻴﻠﻪ ﻋﺎﻳﻨﻲ ﻋﻠﻴﻪ،،،ﻋﻨﺪﺝ ﻭﺟﻊ
ﻗﻮﻱ ﺑﺒﻄﻨﺞ ﻭﻇﻬﺮﺝ،،،
ﺳﻜﺘﺖ ﻭﻣﺎﺟﺎﻭﺑﺖ،،،ﺟﺪﻩ ﺭﺍﺯﻗﻴﻪ
« ﻭﻟﺞ ﻳﻤﻪ ﺟﺎﻭﺑﻴﻨﺎ،،، ﻭﻻتسكتين
ﻫﺰﻳﺖ ﺑﺮﺍﺳﻲ ﺑﺎﻱ ﻣﻦ ﺣﺠﺖ ﺍﻡ ﺭﺿﺎ
ﻭﺟﺪﻩ ﺻﺎﺣﺖ
« ﻭﻟﺞ،،،،،، ﻧﺒﻌﻪ ﺩﺯﻱ ﻋﻠﻰ ﺍﻣﻬﺎ
ﻫﻲ ﺗﻌﺮﻑ ﺑﻬﺎﻱ ﺍﻟﺴﻮﺍﻟﻒ
ﺧﻠﻲ ﺗﺠﻲ ﻭﺗﺸﻮﻓﻬﺎ ﺍﺧﺎﻓﻦ ﻋﺪﻫﺎ
ﻭﻻﺩﻩ
ﺍﻡ ﺭﺿﺎ ﻃﻠﻌﺖ ﺑﺴﺮﻋﻪ
ﻭﺭﺍﺯﻗﻴﻪ ﻛﻤﻠﺖ
« ﺩﻫﺮ ﺻﺎﺑﻬﺎ ﻟﺤﻠﻴﻤﻪ ﺑﻌﺪﻫﺎ ﻣﺎﻃﺒﺖ
ﻟﻠﺒﻴﺖ ﻭﺳﻮﺩﻧﺖ ﺍﻟﻜﻞ،،،ﻭﻛﻤﻠﺖ
ﻣﻦ ﻃﺒﺖ ﺍﻡ ﺭﺿﺎ،،،
« ﻫﺎﺍﺍ ﻳﻨﺒﻌﻪ ﺩﺯﻳﺘﻲ ﻋﻠﻴﻬﺎ،،،
« ﺍﻳﻲ ﻳﻤﻪ ﺩﺯﻳﺖ ﻃﺎﺭﺵ ﻋﻠﻴﻬﺎ
ﻭﻫﺴﻪ ﺗﺠﻲ،،،،،
ﻇﻠﻴﺖ ﻣﻐﻤﻀﻪ ﻋﻴﻮﻧﻲ ﻭﺍﺑﺠﻲ
ﻭﺍﻧﻪ ﻻﺯﻣﻪ ﺑﻄﻨﻲ،،،ﻭﻛﻞ ﺳﺎﻉ ﻓﺎﺯﻩ
ﻣﻦ ﺍﻻﻟﻢ ﺍﻟﻲ ﻳﺠﻴﻨﻲ،،،،ﺑﻴﻦ ﻓﺘﺮﻩ
ﻭﻓﺘﺮﻩ
،،،،،
ﺭﺟﻌﺖ ﻟﻠﺒﻴﺖ،،،ﻭﺭﻩ ﻧﺺ ﺳﺎﻋﻪ
ﻭﻃﺒﻴﺖ ﻟﻠﻬﻮﻝ ،،،ﻭﺷﻔﺖ ﺑﻨﺎﺗﻲ
ﻛﺎﻋﺪﺍﺕ
ﻋﺎﻳﻨﺖ ﻟﺒﻨﺎﺕ ﺣﻠﻴﻤﻪ
ﺯﻫﺎﺀ ﻭﻧﻮﺭ ﻭﺳﻜﻴﻨﻪ،،،ﻭﺣﺠﻴﺖ ﻭﻱ
ﺭﻭﺣﻲ
« ﺍﺍﺥ ﻣﺤﺪ ﻛﺎﺳﺮ ﻇﻬﺮﻱ ﻏﻴﺮﺟﻦ
ﺍﻧﺘﻦ،،،ﺍﻟﻲ ﺧﻠﻴﺘﻨﻲ،،،ﺍﺗﻨﺎﺯﻝ ﻭﺍﻗﺒﻞ
ﺍﺭﺟﻌﻬﺎ
ﻻﻣﺠﻦ،،،ﻛﻼﻡ ﺍﻟﻨﺎﺱ ﺧﻼﻧﻲ
ﺍﻗﺒﻞ ﺑﺸﻲ ﺍﻧﻪ ﻛﺎﺭﻩ
ﺳﻜﺘﺖ ﻭﺫﺑﻴﺖ ﺣﺴﺮﻩ ﻣﻦ ﻗﻠﺒﻲ،
ﻭﺗﻤﺸﻴﺖ،،،ﻟﻠﺪﺭﺝ ﻭﻣﺮﻳﻢ ﻣﺸﺖ
ﻭﺭﺍﻱ ﻭﺣﺠﺖ
« ﺑﻮﻳﻪ ﻟﻴﻠﻪ،،ﺑﻐﺮﻓﻪ ﺟﺪﺗﻲ
ﻣﻦ ﺗﺨﺮﺑﻄﺖ،،،،،،،، ﻭﺩﻳﻨﻬﺎ ﺑﻴﻬﺎ
ﻫﺰﻳﺖ ﺑﺮﺍﺳﻲ،،،ﻭﻣﺸﻴﺖ
ﻟﻠﻐﺮﻓﻪ ﻭﻭﻛﻔﺖ ﻣﻦ ﺳﻤﻌﺖ ﺑﺠﻴﻬﺎ
ﻭﺻﻮﺕ ﺍﻣﻬﺎ،،،ﻭﻫﻲ ﺗﺤﺠﻲ
ﻭﻳﺎﻫﺎ ﻭﺭﺟﻌﺖ ﻭﺭﺣﺖ ﻟﻐﺮﻓﻪ
ﺟﺪﺗﻲ،،،،
،،،،
« ﺍﺳﻜﺘﻲ ﻟﻴﻠﻪ،،ﻭﺗﺮﺍﻩ ﻋﻴﺐ ﺍﻟﺴﻮﻳﺘﻲ
ﺑﺎﻟﺸﻴﺦ،،،،،ﺷﻠﻮﻥ ﺗﻮﻛﻔﻴﻦ ﺑﻌﻴﻮﻧﻪ
ﻭﺗﺮﺩﻱ،،،ﻭﺗﺤﺠﻴﻦ ﻫﻴﺞ ﻭﻳﺎ
ﻭﺍﻟﻠﻪ ﺍﺫﺍ ﺍﺑﻮﺝ ﺳﻤﻊ ﺍﻻ ﻳﻄﺮﺝ
ﻧﺼﻴﻦ
« ﻳﻤﻪ ﻳﺮﻳﺪ ﻳﺮﺟﻌﻬﺎ،،،ﺑﻌﺪ ﻣﺎﭼﺘﻠﺖ
ﺍﺑﻨﺎ،،،
« ﻋﺎﻳﻨﻲ ﻋﻠﻴﻪ ﻳﻤﻪ،،،ﺍﺫﺍ ﺍﻧﺘﻲ
ﻣﻮ ﻧﺎﺳﻴﻪ ﻫﻮ ﻫﻢ ﻣﻮ ﻧﺎﺳﻲ،،،
ﻭﻫﻮ ﺣﺠﻪ
ﺍﻟﺞ ﺷﻨﻮﻭ ﺍﻟﺴﺒﺐ ﻟﺮﺟﻌﺘﻬﺎ
ﻭﻫﻲ ﺭﺍﺡ ﺗﻜﻌﺪ ﺑﻴﺖ ﻭﺣﺪﻫﺎ
ﻻ ﺍﻧﺘﻲ ﺗﺸﻮﻓﻴﻦ ﻭﺟﻬﻬﺎ ﻭﻻ ﻫﻲ
ﺗﺸﻮﻑ ﻭﺟﻬﻬﺞ،،،ﺑﻌﺪ ﺷﻜﻮ ﻫﻠﺰﻋﻞ
ﻭﺍﻟﺼﻴﺎﺡ،، ﺍﻧﻪ ﻣﺎﺭﺑﻴﺘﺞ ﻫﻴﺞ
ﻳﺎﻟﻴﻠﻪ،،،ﻭﻣﻦ ﻳﺠﻲ ﺯﻟﻤﺘﺞ،،،
ﺗﻌﺘﺬﺭﻳﻦ ﻣﻨﻪ
ﻭﺗﻨﺴﻴﻦ ﻫﺎﻱ ﺍﻟﺴﺎﻟﻔﻪ،،، ﻳﺎﻳﻤﻪ
ﺍﻓﺘﻬﻤﻲ
ﻋﻠﻴﻪ ﻫﺬﺍ ﺷﻴﺦ
ﻳﻤﺸﻲ ﺑﺸﻮﺭ ﺭﺍﺳﻪ ﻣﻮ ﺑﺸﻮﺭ
ﺍﻟﻨﺴﻮﺍﻥ
ﺳﻜﺘﺖ ﻭﺑﻠﻌﺖ ﻏﺼﺘﻲ،،،ﻭﺷﻔﺖ
ﺍﻡ ﺭﺿﺎ ﻭﺟﺪﻩ ﺭﺍﺯﻗﻴﻪ ﻭﺍﻛﻔﺎﺕ ﻭﻳﺎﻱ
ﻋﻜﺲ ﺍﻣﻲ،،،ﻭﻫﻲ ﻛﻤﻠﺖ
« ﻳﻤﻪ ﻻﺗﻬﺠﻤﻴﻦ ﺑﻴﺘﺞ ﺑﺎﻳﺪﺝ
ﻭﺍﺳﻤﻌﻲ ﭼﻠﻤﻪ،،،ﺯﻟﻤﺘﺞ،،،ﺗﺮﺍﻩ ﺷﻴﺦ
ﻭﺻﻌﺒﻪ ﻋﻠﻲ،،ﺣﺮﻣﺘﻪ ﻣﺎﺗﺴﻤﻌﻪ
ﻭﺗﻨﻔﺬ ﺍﻟﻲ ﻳﺮﻳﺪﻩ،،،ﺷﻴﺤﺠﻲ
ﺍﺩﻛﻮﻟﻴﻦ ﺍﻳﻲ ﻣﺎﺍﺭﻳﺪﻧﺞ،،،،،،ﺗﻌﺎﺭﺿﻲ
ﻭﺗﻮﻛﻔﻴﻦ،،،ﺑﻮﺟﻬﻪ ﻋﻴﺐ ﻳﻤﻪ،،،،
ﻭﺍﻥ ﺟﺎﻥ،،،،، ﺍﻡ ﺩﻋﺎﺀ ﺍﺫﺗﺞ ﺑﻴﻮﻡ
ﺍﻛﻮ ﺍﻟﻠﻪ ﻫﻮ ﻳﺎﺧﺬ ﺣﻘﺞ ﻣﻨﻬﺎ،،،،،
ﻭﺩﻳﺮﺑﺎﻟﺞ،،،،ﻋﻠﻲ ﻭﻟﺪﺝ ﻭﻻﺗﻈﻠﻴﻦ
ﺗﻘﻬﺮﻳﻦ ﺑﺮﻭﺣﺞ،،،،ﻭﺗﻘﻬﺮﻳﻦ
ﺯﻟﻤﺘﺞ،،،،،،،،،،ﺗﺮﺍﻩ ﺷﺎﺭﻳﺞ ﺍﻟﺞ،،،
ﻭﺍﻟﻤﺮﻩ ﺍﻟﻌﺎﮔﻠﻪ،،،،ﺗﻠﻢ ﺯﻟﻤﺘﻬﺎ
ﻭﺗﺮﻳﺤﻪ ﻭﻣﺎﺗﺨﻠﻲ ﻳﺪﻭﺭ ﺍﻟﺮﺍﺣﻪ
ﻳﻢ ﻏﻴﺮﻫا
« ﺧﻴﻪ ﺍﻡ ﻋﺒﺎﺱ،،،،،ﻳﻌﻨﻲ ﻣﺎﺑﻴﻬﺎ
ﺷﻲ،،،
« ﻻ ﺍﻡ ﺭﺿﺎ ﺍﻃﻤﻨﻲ،،،ﻣﺎﺑﻴﻬﺎ ﺷﻲ
ﺍﻡ ﻋﺒﺎﺱ ﺣﺠﺖ ﻫﻴﺞ ﻭﻛﺎﻣﺖ
ﻣﻦ ﻳﻢ ﺑﻨﺘﻬﺎ ﻭﺭﺍﺣﺖ ﻟﻴﻢ ﺍﻡ ﺭﺿﺎ
ﻭﺣﺠﺖ ﺑﻬﺪﺅ
« ﻫﻲ ﻫﺴﻪ ﻣﺎﻋﻨﺪﻫﺎ ﻭﻻﺩﻩ
ﻭﻳﻤﻜﻦ ﻫﻼﻳﺎﻡ،،،،ﺗﻮﻟﺪ
ﻻﻥ ﺑﻄﻨﻬﺎ ﻧﺎﺯﻟﻪ ﻫﻮﺍﻳﻪ ﻭﺍﻟﻮﻟﺪ
ﻣﺘﻮﺟﻬﻴﻦ،،،،،
ﺍﻡ ﺭﺿﺎ ﻋﺎﻳﻨﺖ ﻟﻠﻴﻠﻪ ﻭﺭﻓﻌﺖ ﺭﺍﺳﻬﺎ
ﻟﻠﺴﻤﺎ ﻭﻛﺎﻣﺖ ﺗﺪﻋﻲ،،،ﺑﻘﻠﺒﻬﺎ،،
« ﻭﻫﺴﻪ ﺍﻧﻪ ﺍﺭﻭﺣﻦ،،، ﻭﺍﺭﻳﺪﺝ
ﻣﻦ ﻳﺠﻲ ﺍﻟﺸﻴﺦ ﺗﺴﻮﻳﻦ ﻣﺜﻞ
ﻣﺎﻭﺻﻴﺘﺞ
« ﻭﻳﻦ ﺍﻡ ﻋﺒﺎﺱ ﻇﻠﻲ ﻋﻠﻰ
ﺍﻟﻌﺸﻪ،،
« ﺗﺴﻠﻤﻴﻦ،، ﺍﻡ ﺭﺿﺎ ﻣﺎﺍﻛﺪﺭ ﻻﻥ
ﺍﺑﻮ ﻋﺒﺎﺱ،ﻇﻞ ﺑﺎﻟﻪ ﻭﻛﺎﻝ ﺭﺩﻱ
ﺑﺴﺮﻋﻪ ﻭﻃﻤﻨﻴﻨﻲ ﻋﻠﻴﻬﺎ
ﺍﻡ ﺭﺿﺎ ﺳﻜﺘﺖ،،،ﻭﻣﺸﺖ ﻭﻱ ﺍﻡ ﻋﺒﺎﺱ
ﻣﻦ ﻃﻠﻌﺖ،،،ﻭﺭﺟﻌﺖ ﻭﺭﻩ ﺩﻗﺎﺋﻖ
ﻭﺭﺍﺯﻗﻴﻪ ﺣﺠﺖ ﻭﻳﺎﻫا
« ﺷﻮﻓﻲ ﻳﺎﻧﺒﻌﻪ،، ﺍﺑﻨﺞ ﺭﺍﺡ ﻳﺴﻮﻱ ﺍﻟﻲ ﺑﺮﺍﺳﻪ ،،،ﻭﺍﻧﻪ ﻣﻮ ﻣﻮﺍﻓﻘﻪ،،،،
ﺑﺲ ﺭﺍﺡ ﺍﺳﻜﺖ ﻟﺨﺎﻃﺮ ﻫﻠﺒﻨﻮﺍﺕ،،،
ﻭﻟﺨﺎﻃﺮ ﻣﺎﻧﻜﺴﺮ ﭼﻠﻤﺘﻪ ﻛﺪﺍﻡ
ﺍﻻﻭﺍﺩﻡ ﻭﺟﺪﻩ ﻃﺎﻟﺐ،،،
ﻭﺍﻧﺘﻲ ﻫﻢ ﺭﺍﺡ ﺗﺴﻜﺘﻴﻦ،،،ﻭﻟﻴﻠﻪ ﻫﻢ
ﻭﻳﺎﻭﻳﻞ ،،،،ﺣﻠﻴﻤﻪ ﺍﺫﺍ ﻃﺒﺖ ﻟﻬﺬﺍ
ﺍﻟﺒﻴﺖ ﻭﺷﻮﻓﺘﻨﺎ ﻭﺟﻬﻬﺎ،،،،
والله اجتلها بدم
شبل الجتلته
ﺍﻟﻜﻞ ﺍﺩﻛﻮﻝ ﺍﺳﻜﺘﻲ ﻭﺍﻧﻪ ﺍﺣﺲ
ﺑﻨﺎﺭ ﺑﻘﻠﺒﻲ ﻣﻮﺟﺮﻩ،، ﻛﻤﺖ ﻣﻦ ﻣﻜﺎﻧﻲ
ﻭﺍﻧﻪ ﻣﻘﻬﻮﺭﻩ ﺣﻴﻞ ﻻﻥ ﺭﺿﺎ ﺭﺍﺡ ﻳﺮﺟﻌﻬﺎ
ﻭﻻﻥ ﻣﺪ ﺍﻳﺪﻩ ﻋﻠﻴﻪ ،،،،
« ﻭﻳﻦ ﻳﻤﻪ،،،،
« ﺍﺭﻳﺪﻥ ﺍﺭﻭﺡ ﻟﻐﺮﻓﺘﻲ
« ﺍﺑﻘﻲ،،،ﻳﻤﻨﺎ ﺍﺧﺎﻓﻦ ﻳﺼﻴﺮ ﺑﻴﺞ ﺷﻲ
ﻋﻮﻓﻴﻬﺎ ﻳﺎﻧﺒﻌﻪ،، ﻭﺩﺯﻱ ﻛﻞ
ﻣﺸﻮﺍﺭ،،،،،،،، ﻣﺮﻳﻢ ﺗﻄﻤﻦ ﻋﻠﻴﻬﺎ
ﻣﺸﻴﺖ ﻭﺍﻧﻪ ﻻﺯﻣﻪ ﺑﻄﻨﻲ،،،ﻭﻣﺎﺭﺩﺕ
ﺍﺷﻮﻓﻦ ﺍﺣﺪ جم خطوه ﻭﺣﺴﻴﺖ ﺑﺮﺿﺎ ﻭﺭﺍﻱ
ﻭﺳﺎﻧﺪﻧﻲ، ، ﻏﺼﻴﺖ ﺑﺪﻣﻌﺘﻲ
ﻭﻭﺧﺮﺕ ﺍﻳﺪﻩ ﻭﺣﺠﻴﺖ ﺑﺤﺮﻛﻪ ﻗﻠﺐ
« ﻋﻮﻓﻨﻲ ،،،،ﻻﺗﻠﺰﻣﻨﻲ
« ﺍﺵ ﻭامشي،،ﻭﻻﺗﻄﻠﻌﻴﻦ ﺣﺴﻲ
ﺗﺮﺍﺝ ﺍﻟﻴﻮﻡ ﻣﺼﺨﺘﻴﻬﺎ ﻫﻮﺍﻳﻪ
ﺷﻬﻜﺖ ﺑﻐﺼﺘﻲ ﻭﺟﺎﻭﺑﺘﻪ
« ﺍﻧﻪ،،،ﻟﻮﻭﻭ
ﻣﻜﺪﺭﺕ ﺍﻛﻤﻞ ﻛﻼﻣﻲ ﻻﻥ ﺣﺴﻴﺖ
ﺑﺎﻟﻮﺟﻊ ﺍﺟﺎﻧﻲ،،،ﻭﺳﻜﺘﺖ ﻭﻟﺰﻣﺖ
ﺍﻳﺪﻩ ﺑﻘﻮﻩ ،،،ﻭﻋﻀﻴﺖ ﻋﻠﻰ
ﺷﻔﺘﻲ ،،،
« ﺷﻤﺎﻟﺞ،،،ﻳﻮﺟﻌﺞ ﺷﻲ
ﺑﻨﺺ ﻭﺟﻌﻲ ﺑﺠﻴﺖ،،،ﻭﺟﺎﻭﺑﺘﻪ
« ﺍﻱ کلبي ﻳﻮﺟﻌﻨﻲ،،،
ﻣﺎﺗﺤﻤﻠﺖ ﺍﻟﻮﺟﻊ ﻭﺍﻟﺼﺎﺭ ﺑﻴﻪ
ﻭﻭﻛﻔﺖ ﺑﻨﺺ الممر،،،ﻭﻛﻤﺖ ﺍﺷﻬﻚ ﺑﺼﻮﺕ،،،
« ﺍﺳﺘﻐﻔﺮ ﺍﻟﻠﻪ ﻳﺎﺭﺏ،،،ﻭﻟﺞ ﻛﺎﻓﻲ
ﻭﺍﻟﻠﻪ ﺑﺲ ﺑﺎﻻﺳﻢ ﻣﺮﺗﻲ،،،ﻭﺍﻧﺘﻲ ﺗﺪﺭﻳﻦ
ﻫﺬﺍ ﻣﻦ ﺯﻣﺎﻥ،،،،ﻭﺍﻧﻪ ﻣﻮ ﻧﺎﺳﻲ ﻭﺍﻟﻠﻪ ﻭﻏﻼﺗﺞ ﺍﻧﺘﻲ،،ﻣﻮ ﻧﺎﺳﻲ ﺍﻟﺴﻮﺗﻪ
ﻭﺿﺎﻣﻪ ﺑﮕﻠﺒﻲ،،،،ﻟﺨﺎﻃﺮ ﻫﻠﺒﻨﺎﺕ،،
ﻭﺳﻤﻌﺘﻬﻦ ،،،،
« ﻫﺎ ﻳﻤﻪ ﺭﺟﻊ ﺍﻟﻮﺟﻊ،،
ﻫﺰﻳﺖ ﺭﺍﺳﻲ،،،،ﺑﺎﻱ ﻻﻣﻪ، ومشيت
ﻭﺍﻧﻪ ﻛﺎﺗﻤﻪ ﺍﻟﻮﺟﻊ ،،،ﻭﻃﺒﻴﺖ ﻟﻐﺮﻓﺘﻲ،،،ﻭﻭﺧﺮﺕ
ﻣﻨﻪ،،،ﻭﺭﺣﺖ ﻟﺠﺮﺑﺎﻳﺘﻲ
ﻭﺗﻤﺪﺩﺕ،،،،،،ﻭﻏﻤﻀﺖ ﻋﻴﻮﻧﻲ
ﻣﻦ ﺷﻔﺖ ﺭﺿﺎ ﻳﻌﺎﻳﻦ ﻋﻠﻴﻪ،،
ﺳﻤﻌﺘﻪ
ﺫﺏ ﺣﺴﺮﻩ،،،ﻭﻃﻠﻊ ﻭﺳﺪ ﺍﻟﺒﺎﺏ ﻭﺭﺍﻩ
ﺍﻧﻪ ﺷﻜﻮ ﺑﺠﻲ،،،،ﻧﺰﻝ ﻋﻠﻴﻪ ﺑﺬﻳﺞ ﺍﻟﺴﺎﻋﻪ
ﻣﻨﺎ ﺍﺑﻨﻲ ﺍﻟﻲ ﻣﻮ ﻧﺎﺳﻴﺘﻪ ،،،ﻭﻣﻨﺎ ﺭﺿﺎ
ﺍﻟﻲ ﺭﺍﺡ ﻳﺮﺟﻊ ﺣﻠﻴﻤﻪ
ﺍﻟﻜﺘﻠﺘﻪ،،،،ﻭﻣﻨﺎ ﺿﺮﺑﻪ
ﺍﻟﻴﻪ،،،ﺣﺴﻴﺖ ﺑﺸﻲ ﺣﺎﺭ ﺯﺭﻑ ﻗﻠﺒﻲ
ﻭﻟﺰﻣﺖ ﺷﻔﺘﻲ،،،ﺍﻟﺠﺎﻧﺖ ﺗﻮﺟﻌﻨﻲ،،
ﻭﻧﺰﻟﺖ ﺍﻳﺪﻱ،،ﻣﻦ ﺣﺴﻴﺖ
ﺑﻮﺟﻊ ﺑﻄﻨﻲ
ﺍﺟﺎﻧﻲ،،،،،،ﻭﺣﺠﻴﺖ ﺑﻘﻬﺮ
« ﻣﺎﻳﻔﻴﺪ ﺑﻌﺪ ﺍﻟﺤﺠﻲ ﺭﺿﺎ ﻭﺍﻋﺮﻓﻨﻪ
ﻣﻦ ﻳﻜﻮﻝ ﭼﻠﻤﻪ ﻟﻨﺎﺱ ﻳﻮﻓﻲ ﺑﻴﻬﺎ ﻭﻟﻮ
ﻋﻠﻰ ﻛﺺ ﺭﻛﺒﺘﻪ،،،،
،،،،،،
ﻧﺰﻟﺖ ﺟﻮﻩ،،،،،،ﻭﺭﺣﺖ ﻻﻣﻲ ﻭﺟﺪﺗﻲ
ﻛﻌﺪﺕ،،،ﻭﻋﺎﻳﻨﺖ ﻟﺠﺪﻩ ﺭﺍﺯﻗﻴﻪ
ﺍﻟﻲ ﺣﺠﺖ
« ﺍﺣﺠﻲ ﺍﺭﻳﺪﻥ ﺍﺳﻤﻊ،،،،ﺍﻟﺼﺎﺭ
ﺣﺠﻴﺖ ﻟﺠﺪﺗﻲ ﺷﻠﻮﻥ ﺟﺪﻱ ﻃﺎﻟﺐ
ﺣﺎﺟﻨﻲ ﺍﻛﺜﺮ ﻣﻦ ﻣﺮﻩ،،،،ﺣﺘﻰ ﺍﺭﺟﻊ
ﺣﻠﻴﻤﻪ
ﻭﺑﻜﻞ ﻣﺮﻩ،،،ﺍﺭﻓﺾ،،،ﻭﺑﺎﺧﻴﺮ ﻣﺮﻩ ﺯﻋﻞ
ﻣﻨﻲ،،،ﻭﻛﺎﻝ
« ﺗﺮﺍﻫﺎ ﺍﻻﻭﺍﺩﻡ ﺩﺗﺤﺠﻲ ﻋﻠﻴﻚ ﻭﻳﻜﻮﻟﻮﻥ ﻟﻮﻣﺎ ﺷﺎﻑ ﺷﻲ ﻋﻠﻰ ﺑﻨﺖ ﻋﻤﻪ،،،ﺟﺎﻥ
ﻣﺎﻃﻠﻜﻬﺎ،،،
« ﺟﺪﻱ ﺍﻧﺘﻪ ﺗﻌﺮﻑ ﻛﻠﺶ ﺯﻳﻦ ﻫﻲ ﺷﺴﻮﺕ
ﻭﺍﻧﺘﻪ ﺟﻨﺖ ﺣﺎﻇﺮ ﺑﺎﻟﻜﻌﺪﻩ،،،ﺑﻌﺪ ﺷﻜﻮ ﻫﻠﺤﺠﻲ ،،،
« ﺍﻧﻪ ﺍﺩﺭﻱ ﻭﺍﻧﺘﻪ ﻫﻢ ﺑﺲ ﺍﻟﻐﻴﺮ،،،ﻣﺎﻳﺪﺭﻱ
ﻭﻛﺎﻣﻮﺍ ﻳﺤﺠﻮﻥ ﺍﺷﻜﺎﻝ ﻭﺍﻟﻮﺍﻥ،،،،،،ﻭﺍﻧﺘﻪ ﺷﻴﺦ ﻭﺍﻟﻚ ﺳﻤﻌﺘﻚ
ﻭﺑﻨﺎﺗﻚ ﺳﻤﻌﺘﻬﻦ ﻣﻦ ﺳﻤﻌﻪ ﺍﻣﻬﻦ
ﺭﺿﺎ ﺳﻜﺖ ﻭﻛﻤﻞ ﺑﻬﻢ
« ﻛﻠﻴﻠﻲ ﻳﺎﺟﺪﻩ،،،ﺍﻧﻪ ﺷﺴﻮﻱ،
ﻭﺍﻻﻭﺍﺩﻡ ﺍﻛﻠﺖ ﺟﻬﻲ ﻣﻦ ﻭﺭﻩ
ﺑﻨﺖ ﻋﻤﻲ
ﺍﻧﻪ ﺍﺩﺭﻳﻬﺎ ﺟﻠﺒﻪ،،،ﻭﻏﺪﺍﺭﻩ ،،ﻭﻧﻜﺴﻪ
ﺑﺲ ﺷﺴﻮﻱ،،،ﺍﺳﻤﻬﺎ ﺍﻡ ﺑﻨﺎﺗﻲ
ﻭسمعتهن ﻣﻦ ﺳﻤﻌﺘﻬﺎ،،،
ﺑﻨﺎﺗﻚ ﺑﻨﺎﺕ ﺷﻴﻮﺥ ﻭﺳﻤﻌﺘﻬﻦ
ﻣﺜﻞ ﺍﻟﻮﺭﺩ ،،
« ﺍﻱ ﻭﺍﻣﻬﻦ ﻣﻄﻠﮕﻪ،،،،ﺗﻘﺒﻠﻴﻬﺎ
ﻳﻜﻮﻟﻮﻥ،،، ﻋﻠﻴﻬﻦ ﺑﻨﺎﺕ ﺍﻟﻤﻄﻠﻜﻪ،،،
ﻭﺍﺑﻮﻫﻦ ﻟﻮﻣﺎ ﺷﺎﻑ ﺷﻲ ﻋﻠﻴﻬﺎ ﺟﺎﻥ ﻣﺎﻃﻠﻜﻬﺎ
« ﺍﻧﺘﻪ ﺗﺪﺭﻱ ﻭﺍﻧﻪ ﺍﺩﺭﻱ،، ﻟﻴﺶ
ﻃﻠﻜﺘﻬﺎ
« ﺍﻱ ﻭﺍﻟﻨﺎﺱ ﻣﺎﺗﺪﺭﻱ،،،ﻭﻣﺎﺗﺮﺣﻢ ﻭﺍﻧﻪ ﺳﻮﻳﺖ ﻫﻴﺞ ﺣﺘﻲ ﺍﺳﺪ ﺍﻟﺤﻠﻮﻙ
ﺍﻟﻤﻔﺘﻮﺣﻪ
ﻣﻮ ﻻﺟﻠﻬﺎ ﻻ ﻭﺭﻭﺡ ﺍﺑﻮﻳﻪ،،،ﻻﺟﻞ ﻫﺎﻟﻤﺴﻜﻴﻨﺎﺕ،،،،،،ﺍﻟﻜﺎﺳﺮﺕ ﻇﻬﺮﻱ
ﺭﺍﺯﻗﻴﻪ ﺳﻜﺘﺖ ﻭﻋﺎﻳﻨﺖ ﻻﻡ ﺭﺿﺎ
ﻭﺣﺠﺖ
« ﻫﺎﻫﻴﻪ ﻳﺎﻳﻤﻪ،،،ﺳﻮﻱ ﺍﻟﺘﺮﻳﺪﻩ
ﺑﺲ ﻳﺤﺮﻡ ﻋﻠﻰ ﺣﻠﻴﻤﻪ ﺗﻔﻮﺕ
ﻟﻬﺬﺍ ﺍﻟﺒﻴﺖ ،،،
« ﺣﺮﻣﺖ ﻗﺒﻠﺞ،،،ﻳﺎﺟﺪﻩ،،ﻭﺣﻠﻴﻤﻪ
ﺭﺍﺡ ﺍﺭﺩﻫﺎ ﻭﺑﺲ ﻳﻜﻤﻞ ﺑﻴﺘﻬﺎ
ﺗﺠﻲ ﻭﺗﻜﻌﺪ ﺑﻲ ﻭﺗﺼﻴﺮ ﺧﺪﺍﻣﻪ ﻟﺒﻨﺎﺗﻲ ،،،ﻭﻻ ﺍﻧﺘﻮ ﻭﻻ ﻟﻴﻠﻪ ﺭﺍﺡ
ﺗﺸﻮﻓﻨﻬﺎ
« ﻳﻤﻪ ﻋﻴﻨﻚ ﻋﻠﻰ ﻣﺮﻳﺘﻚ ﺗﺮﻩ ﺍﻣﻬﺎ
ﻛﺎﻟﺖ ﻭﻻﺩﺗﻬﺎ ﮔﺮﺑﺖ، ،،ﻭﺍﻧﻪ ﺍﺧﺎﻓﻦ
ﻳﺼﻴﺮ ﺑﻴﻬﺎ ﺷﻲ ،،،،،،ﻣﻦ ﻭﺭﻩ ﺍﻟﻘﻬﺮ
ﻭﺣﺮﻛﻪ ﺍﻟﺪﻡ
ﺗﻔﺎﺟﺎﺕ ﺑﻜﻼﻡ ﺍﻣﻲ كمت مخنوك
ﻣﻦ ﻭﺭﻩ ﺳﻮﺍﻳﺘﻲ بيها،ﻣﺸﻴﺖ للغرفه طبيت
ﻭﻛﻔﺖ ﻭﺻﻔﻨﺖ ﻋﻠﻴﻬﺎ،،،،،ﺷﻠﻮﻥ ﻧﺎﻳﻤﻪ
ﻭﺩﻣﻌﺘﻬﺎ ﻋﻠﻰ ﺧﺪﻫﺎ
ﺫﺑﻴﺖ ﺣﺴﺮﻩ ﻣﻦ ﮔﻠﺒﻲ ﻭﺩﻧﻜﺖ
ﻭﺑﺴﺘﻪ ﻣﻦ ﻛﺼﺘﻬﺎ ﻭﻣﻦ ﻭﺧﺮﺕ ﺷﻔﺘﻬﺎ
ﻓﺘﺤﺖ ﻋﻴﻮﻧﻬﺎ ﻭﻭﺧﺮﺕ ﺭﺍﺳﻬﺎ ﺑﺰﻋﻞ
ﻛﻌﺪﺕ ﻳﻤﻬﺎ،،،ﻭﺳﺎﻟﺘﻬﺎ
« ﺷﻠﻮﻧﺞ ﻫﺴﻪ
ماردت عليه كملت
« ﻳﺒﻨﺖ ﺍﻟﻨﺎﺱ ﻻﺗﻌﺒﻴﻨﻲ ﻓﻮﻭﻙ ﺗﻌﺒﻲ
ﺗﺮﺍﻧﻲ ﻣﺘﻌﻮﺏ،،،ﻭﮔﻠﺒﻲ ﻭﺭﻡ ﻣﻦ ﺍﻟﻘﻬﺮ
« ﻭﺍﻧﻪ ﺭﺿﺎ،،،وکلبي
ﻋﺮﻓﺘﻬﺎ ﻋﻠﻰ ﺷﻨﻮ ﺗﻘﺼﺪ ﻭﺟﺎﻭﺑﺘﻬﺎ
« ﺍﻧﺘﻲ ﺗﺠﺎﻭﺯﺗﻲ ﻋﻠﻴﻪ،،،ﻭﻋﻴﺮﺗﻨﻲ
ﺑﺴﻮﺍﻳﻪ ﺣﻠﻴﻤﻪ،،،،، ﺍﻟﻲ ﺍﻧﻪ ﻣﻮ ﻧﺎﺳﻴﻬﺎ
ﻭﻻ ﻧﺎﺳﻲ ﭼﺘﻠﻬﺎ ﻻﺑﻨﻲ،،
ﺳﻜﺘﺖ ﻟﻠﺤﻈﻪ ﻭﺍﺧﺬﺕ ﻧﻔﺲ ﻭﺫﺑﻴﺘﻪ
ﻣﻦ ﮔﻠﺒﻲ ﻧﺎﺭ ﻭﻛﻤﻠﺖ
ﺑﻘﻬﺮ
« ﺣﻠﻴﻤﻪ ﻭﺍﻟﺴﻮﺗﻪ ﺑﻲ ﻫﻲ ﻭﺍﺧﻮﺗﻪ
ﻣﺎﻭﺟﻌﻨﻲ ،،، ﺑﻜﺜﺮ ﻣﺎﻭﺟﻌﻨﻲ
ﻛﻼﻣﺞ،،،،،،،،ﻗﺒﻞ ﺷﻮﻳﻪ،،،
ﻭﺍﻧﺘﻲ ﺗﻌﺮﻓﻴﻨﻲ ﺯﻳﻦ ﺍﻧﻪ
ﺍﺗﺨﺒﻞ ﻣﻦ ﻫﺎﻱ ﺍﻟﺴﻴﺮﻩ ﻭﺍﺿﻮﺟﻦ
ﻣﻦ ﻣﺮﻩ ﺗﻜﻒ ﺑﻮﺟﻬﻲ
ﻭﺗﻌﻠﻲ ﺻﻮﺗﻬﺎ ﻋﻠﻴﻪ،،،ﻭﺍﻧﺘﻲ ﻛﻠﻬﻦ
ﺳﻮﻳﺘﻴﻬﻦ ﻭﺧﻠﻴﺘﻨﻲ ﺍﺫﻳﺞ
ﺣﺠﻴﺖ ﻫﻴﺞ،،،ﻭﻟﺰﻣﺖ ﺷﻔﺘﻬﺎ
ﻭﻫﻲ ﻭﺧﺮﺕ ﺭﺍﺳﻬﺎ،،،ﻭﺩﻣﻮﻋﻬﺎ ﻧﺰﻟﺖ
ﻣﺪﻳﺖ ﺍﻳﺪﻱ ﻣﺮﻩ ﺛﺎﻧﻴﻪ،،،ﻭﻣﻦ ﻭﺧﺮﺗﻬﺎ
ﻛﻤﺖ ﻣﻦ ﻳﻤﻬﺎ،،،ﻭﻣﺎﺣﺠﻴﺖ ﺷﻲ
ﺻﻔﻨﺖ ﻋﻠﻴﻬﺎ،،،ﺷﻠﻮﻥ ﻛﺎﻣﺖ ﺗﺒﺠﻲ
ﻭﺗﻤﺴﺢ ﺑﺪﻣﻮﻋﻬﺎ
ﻭﺍﺳﺘﻐﻔﺮﺕ ﺭﺑﻲ ﻭﻣﺴﺤﺖ ﻭﺟﻬﻲ
ﻭﻃﻠﻌﺖ،،،ﻣﻦ ﻳﻤﻬﺎ ،،،،
،،،،،،،،
ﺛﺎﻧﻲ،،،ﺭﺣﺖ ﻭﻋﻘﺪﺕ ﻋﻠﻰ ﺣﻠﻴﻤﻪ
ﻭﺑﺲ ﺟﺪﺗﻲ ﻭﺍﻣﻲ،،،ﺩﺭﻭﺍ،،،
ﺟﺎﻧﻮﺍ ﻭﻳﺎﻱ ﻋﻤﺎﻣﻲ ﻭﻭﻟﺪﻫﻢ
ﻭﺟﺪﻱ ﻃﺎﻟﺐ
ﻭﺍﺑﻨﻪ ﺟﻤﺎﻝ ﻭﻭﻟﺪ ﺍﺧﺘﻲ . ﺣﻴﺎﻩ
ﻭﺭﺟﻠﻬﺎ ،،،،ﻭﻣﻦ ﻋﻘﺪ ﺍﻟﺴﻴﺪ
ﻭﻛﻤﻞ،،،ﻭﺍﻟﺒﻴﺖ ﻓﺮﻍ،،،ﺣﺠﻴﺖ
ﻭﻱ ﺍﺑﻮ ﺧﻠﻒ ﻧﺎﻫﻲ،،،،ﻣﻦ ﻛﻤﺖ
ﺍﺑﻮ ﺧﻠﻒ ﺍﺧﺘﻚ ﺧﻠﻴﻬﺎ ﻳﻤﻚ،،ﻣﻦ
ﺍﻛﻤﻞ ﺍﻟﺒﻴﺖ ﻣﺎﻟﺘﻬﺎ ﺍﺩﺯ ﻋﻠﻴﻬﺎ،،،
« ﺟﺎ ﻭﻟﻴﺶ،ﻣﺎﺗﺎﺧﺬﻫﺎ ﻭﻳﺎﻙ ﻫﺴﻪ
ﺑﻴﺘﻚ ﻭﻣﻮﺟﻮﺩ،،،ﺑﻌﺪ ﺷﻜﻮ ﺗﺒﻨﻲ
ﺍﻟﻬﺎ ﺑﻴﺖ
« ﻻ ﺍﺑﻮ ﺧﻠﻒ،،،ﻫﺬﺍ ﺑﻴﺖ ﺍﻡ ﺷﺒﻞ
ﻭﺣﻠﻴﻤﻪ ﻣﺎﺗﺨﻄﻲ،،،،ﻣﺪﺍﻡ ﺧﺸﻤﻲ
ﻳﺸﺘﻢ ﺍﻟﻬﻮﻩ
« ﺍﻓﺎ،،،ﺗﺨﻠﻲ ﺍﻟﺒﻴﺖ ﺍﻟﺠﺒﻴﺮ ﻟﻠﻐﺮﻳﺒﻪ
ﻭﺑﻨﺖ ﻋﻤﻚ،،،ﺗﻜﻌﺪﻫﺎ ﺑﻐﻴﺮ ﺑﻴﺖ
« ﻧﺎﻫﻲ ﻻﺗﺠﻴﺐ ﻃﺎﺭﻱ ﺍﻡ ﺷﺒﻞ ﻋﻠﻲ ﻟﺴﺎﻧﻚ
ﺣﺠﻴﺖ ﺑﻌﺼﺒﻴﻪ ﻭﺟﺪﻱ
ﻃﺎﻟﺐ،،،ﻛﻤﻞ ﺑﺴﺮﻋﻪ
« ﻧﺎﻫﻲ،،،ﺑﺴﻚ ﻋﺎﺩ ﻭﻻﺗﻈﻞ ﺗﺨﺮﺑﻂ
ﺑﺎﻟﺤﺠﻲ،،،ﺍﺧﺘﻚ ﺍﺑﻴﺖ ﻭﺍﻡ ﺷﺒﻞ
ﺑﻴﺘﻬﺎ،،،ﻭﺍﻟﻤﻮﺿﻮﻉ ﺳﺪﻩ،،ﻭﺑﻌﺪ
ﻻﺗﺤﺠﻲ ﺑﻲ
ﻧﺎﻫﻲ ﺳﻜﺖ ﻭﻋﺎﻳﻦ ﻟﺮﺿﺎ،،،ﺍﻟﻲ ﺟﺎﻥ
ﺿﺎﻳﺞ ﻭﻳﺮﻳﺪ ﺑﺲ ﻳﻄﻠﻊ،،،ﻭﺑﺲ ﺍﺷﺮ
ﺍﻟﻪ ﺟﺪﻩ ﻃﺎﻟﺐ،،،ﻃﻠﻌﻮﺍ ﺳﻮﺍ
ﻭﻧﺎﻫﻲ،،،ﻛﻌﺪ ﻭﻛﺎﻡ ﻳﻬﻮﺑﺰ ﺑﻌﺼﺒﻴﻪ،،،
« ﺟﺎﻱ ﻳﺬﻟﻨﺎ ﺑﻴﺘﻨﺎ،،ﺷﻴﺦ ﺭﺿﺎ
« ﺑﻮﻭﻳﻪ،،،ﺍﻧﺘﻪ ﺷﻔﺘﻪ،،،ﺷﻠﻮﻥ ﺿﺎﻳﺞ
ﻭﻳﺤﺠﻲ ﻣﻦ ﻃﺮﻑ ﺧﺸﻤﻪ،،
« ﺍﻱ ﺍﻧﻪ ﺍﺩﺭﻱ ﻫﻮ ﺟﺎﻱ ﻋﻠﻰ
ﻋﻤﻰ ﻋﻴﻮﻧﻪ
ﺣﺘﻰ ﻳﺮﺩ ﻋﻤﺘﻚ،،،،ﻭﻟﻮﻣﺎ،،،ﺟﺪﻧﺎ ﻃﺎﻟﺐ
ﺟﺎﻥ ﻣﺎﺍﺟﻪ ﻭﻻﺭﺩﻫﺎ
« ﺍﻱ ﻭﺍﻟﻠﻪ،،،،،،،،ﺑﺲ ﺗﺪﺭﻱ ﻳﺒﻮﻳﻪ
ﺗﺮﻩ ﺣﻘﻪ ،،،ﻣﺎﻳﻘﺒﻞ ﺗﺠﻴﺐ ﻃﺎﺭﻳﻬﺎ
ﻟﺒﻨﺖ ﻋﻠﻮﺍﻥ ﻣﻦ ﻓﻠﻚ ﻃﺮﻫﺎ
ﺗﺨﺒﻞ ﻣﻦ
ﺣﺴﻨﻬﺎ
ﺳﻜﺘﺖ ﻭﻋﺎﻳﻨﺖ ﻻﺑﻨﻲ،،،ﺷﻠﻮﻥ ﻳﺤﺠﻲ
ﻋﻠﻲ ﻣﺮﺕ ﺭﺿﺎ ﺍﻟﻲ ﻣﺎﺷﺎﻓﺘﻬﺎ ﻋﻴﻮﻧﻲ
ﻭﺟﺎﻭﺑﺘﻪ
« ﺍﻛﻮﻟﻦ ﻟﻴﺶ ﻣﺒﻮﺷﻬﺎ ﺍﺛﺎﺭﻳﻬﺎ ﺣﻠﻮﻩ
ﻭﻳﻐﺎﺭﻥ ﻋﻠﻴﻬﺎ ﻣﻦ ﺍﻟﻌﻴﻮﻥ
ﺧﻠﻒ ﺻﻮﻓﺮ،، ﻭﺣﺠﻪ
« ﺍﻳﻴﻲ ﻳﺒﻮﻳﻪ ﻣﻮ ﻣﺮﻩ ﮔﻤﺮ،،ﻭﺗﺨﻠﻲ
ﺍﻟﻮﺍﺣﺪ ﻳﺼﻔﻦ ﻋﻠﻴﻬﺎ،،،ﺩﻫﺮ
ﻭﻭﻳﻨﻬﺎ ﻭﻳﻦ ﻋﻤﺘﻲ،،،،،ﺻﻔﺮ ﻳﻤﻬﺎ
ﻭﺩﺍﻋﺘﻚ
ﺷﻜﺮﻩ ﻭﺍﻟﺠﺬﻳﻠﻪ ﺷﻄﻮﻟﻬﺎ،،،ﻭﺍﻟﻌﻴﻮﻥ
ﻋﺒﺎﻟﻚ ﺳﺎﻋﻪ،،،ﻭﺑﻴﻀﻪ ﺑﺤﻤﺎﺭ
ﻟﺤﺪ ﻫﺴﻪ ﺻﻮﺭﺗﻬﺎ ﺑﺮﺍﺳﻲ
ﻭماراحت
« ﻃﻠﻌﻬﺎ ﺑﻮﻭﻳﻪ ﻻﺗﻨﭽﺘﻞ ﻣﻨﻪ ﺗﺮﺍﻩ
ﻣﺨﺒﻞ،،،ﻭﻣﺎ ﻳﺮﺣﻤﻚ ﺍﺫﺍ ﺷﺎﻓﻚ ﻣﺮﻩ
ﺛﺎﻧﻴﻪ ﺗﻌﺎﻳﻦ ﻋﻠﻴﻬﺎ،،،
ﺧﻠﻒ ﺳﻜﺖ،،،ﻣﻦ ﺗﺬﻛﺮ ﺷﻠﻮﻥ ﺭﺿﺎ
ﺭﺍﺩ ﻳﭽﺘﻠﻪ،،،ﺑﻜﺎﻋﻪ ﻣﻦ ﺷﺎﻓﻪ ﻳﻌﺎﻳﻦ
ﻟﻠﻴﻠﻪ،،،،،،
،،،،،،،،،
ﺭﺟﻌﺖ ﻟﻠﺒﻴﺖ،،،،،ﻭﻱ ﺍﻟﻤﻐﺮﺏ
ﻃﺒﻴﺖ ﻭﺷﻔﺖ ﺍﻣﻲ ﺑﺎﻟﻤﻄﺒﺦ،،،ﻭﻟﻴﻠﻪ
ﻳﻤﻬﺎ ﺍﻭﻝ ﻣﺎﺷﻔﺘﻨﻲ،،،ﺩﻧﻜﺖ ﺭﺍﺳﻬﺎ
ﻭﻣﺎﺩﺭﺍﺕ،،،ﺑﺎﻝ ﺍﻟﻲ
ﻋﺎﻳﻨﺖ ﻋﻠﻴﻬﺎ،،،،ﻭﺍﺷﺮﺕ ﻻﻣﻲ،،،
ﻭﻣﻦ ﺍﺟﺘﻲ ﻭﺭﺍﻱ ﺧﺒﺮﺗﻬﺎ،،،ﺑﻌﻘﺪﻱ
ﻋﻠﻰ ﺣﻠﻴﻤﻪ،،،ﻣﺎﺣﺠﺖ ﺷﻲ
ﻭﻭﺟﻬﻬﺎ ﺗﻜﺪﺭ
ﻭﻫﺰﺕ ﺑﺮﺍﺳﻬﺎ،،،ﻭﻋﺎﻓﺘﻨﻲ،،،ﻭﺭﺟﻌﺖ
ﻟﻠﻤﻄﺒﺦ،،،،ﻭﺍﻧﻪ ﺭﺩﻳﺖ ﻟﻠﻤﻀﻴﻒ،،،،
ﻋﺮﻓﺖ،،،،ﻣﻦ ﻃﻠﻊ ﺭﺿﺎ،،
ﻫﻮ ﺭﺍﺡ ﻳﻌﻘﺪ،،،ﻋﻠﻰ ﺣﻠﻴﻤﻪ،،،
ﻣﺎﺣﺠﻴﺖ ﺷﻲ،،،،ﻻﻥ ﻛﻠﺸﻲ ﺍﻧﺘﻬﻰ
ﻭﻗﺮﺍﺭﻩ،،،ﻭﺍﺣﺪ،،،
ﻭﻇﻠﻴﺖ ﻻﻳﺒﻪ،،،ﻣﻨﺎ ﺍﻟﻮﺟﻊ،
ﻭﻣﻨﺎ ﺍﻟﺘﻔﻜﻴﺮ ﻭﺍﻟﻘﻬﺮ،،،،،،،ﻭﻣﻜﺪﺭﺕ
ﻛﻠﺸﻲ ﺍﺳﻮﻱ
ﻭﻇﻠﻴﺖ ﻛﺎﻋﺪﻩ ﻳﻢ ﺍﻣﻪ،،،ﺍﻟﻲ ﺟﺎﻧﺖ
ﺗﺤﺠﻲ ﻭﻳﺎﻱ،،،ﻭﺗﻬﺪﻱ ﺑﻴﻪ
ﻭﻫﻮ ﺭﺟﻊ ﻭﺭﻩ ﺳﺎﻋﻪ،،،،ﻭﻣﻦ ﺷﻔﺘﻪ
ﻣﺎﺗﺤﻤﻠﺖ،،،ﺷﻮﻓﺘﻪ ﻭﺩﺭﺕ ﻭﺟﻬﻲ ﻣﻨﻪ
ﻭﺍﻣﻪ ﻛﺎﻣﺖ،،،،ﻭﺭﺍﺣﺖ ﻋﻠﻲ،،،
ﻏﻤﻀﺖ ﻋﻴﻮﻧﻲ،،،ﺑﺘﻌﺐ،،،
ﻭﺍﻟﻮﺟﻊ ﻣﻮﺗﻨﻲ،،،،،،،،،ﻭﻛﻤﺖ ﻣﻦ ﻃﻠﻊ
ﻭﺭﺣﺖ ﻟﻐﺮﻓﻪ،،،ﺍﻣﻪ،،ﺣﺘﻰ ﺍﺭﺗﺎﺡ
ﺷﻮﻳﻪ،،،،،ﻣﻜﺪﺭﺕ ﺍﻧﺎﻡ،،،ﻻﻥ ﺍﻟﻮﺟﻊ ﺯﺍﺩ ﻋﻨﺪﻱ، ،،ﻭﺳﺎﻋﻪ،،،ﻭﻛﻤﺖ
ﻻﻥ ،،ﺑﻌﺪ ﻣﺎﺍﺗﺤﻤﻞ،،،ﻭﺑﺲ
ﻭﻛﻔﺖ ﺣﺴﻴﺖ
ﺑﺸﻲ ﻧﺰﻝ، ،،ﻭﻓﻴﻀﻨﻲ،،ﻭﻭﺟﻊ ﻗﻮﻳﻪ
ﺷﻞ ﺟﺴﻤﻲ ﺷﻞ،،،،
ﺧﻔﺖ ﻭﺻﺤﺖ،،،
« ﻳﻤﻪ،،،،ﺍﻟﺤﻜﻴﻨﻲ،،،
ﻋﻠﻰ ﺻﻴﺎﺣﻲ،،،ﺍﺟﺘﻲ ﺍﻡ ﺭﺿﺎ
ﻭﺟﺪﻩ ﺭﺍﺯﻗﻴﻪ،،،،ﻭﺑﺲ،ﺷﺎﻓﻦ ﺍﻟﺪﻡ
ﻭﺍﻟﻤﻲ ﺻﺎﺣﺖ،،ﺍﻣﻪ،،
« ﻳﻤﻪ ﻟﻴﻠﻪ ﺩﺗﺠﻴﺐ،،،
ﺍﻡ ﺭﺿﺎ ﺣﺠﺖ ﻫﻴﺞ،،،،ﻭﺍﺟﺘﻲ ﻋﻠﻴﻪ
ﺍﻧﻪ ﻣﻦ ﺍﻟﻤﻮﻗﻒ ﻭﺍﻟﻮﺟﻊ ﻛﻤﺖ ﺍﺭﺟﻒ
ﻭﺍﺑﺠﻲ،،،
« ﻳﻤﻪ ﺍﻟﺤﻜﻴﻨﻲ ﺭﺍﺡ ﺍﻣﻮﺕ
« ﺍﺳﻢ ﺍﻟﻠﻪ ﻋﻠﻴﺞ ﻳﻤﻪ،،،،،ﻻﺗﺤﺠﻴﻦ
ﻫﻴﺞ ﺗﻌﺎﻟﻲ ﻭﻳﺎﻱ ﻟﻠﺤﻤﺎﻡ . ﺧﻠﻲ ﺍﻏﺴﻠﺞ
« ﻭﻟﺞ،،،ﺩﻫﺮ ﺻﺎﺑﺞ،،،ﻳﺎﻧﺒﻌﻪ،،،
ﺍﻟﺒﻨﺖ ﺩﺗﻮﻟﺪ، ،،ﻭﻣﻲ ﺍﻟﺮﺍﺱ،ﻃﻚ
ﻭﻟﺞ ﺍﻣﺸﻲ ﺻﻴﺤﻲ ﺍﻣﻬﺎ
« ﻭﻟﺞ ﻣﺮﻳﻢ،،،،،ﺯﻫﺎﺀ ﻭﻳﻨﺠﻦ،،
ﻣﺮﻳﻢ ﺍﺟﺘﻲ ﺗﺮﻛﺾ،،،ﻣﻦ ﺻﺎﺣﺖ ﺍﻡ ﺭﺿﺎ
ﻭﻭﻛﻔﺖ ﻭﺻﻔﻨﺖ ﻋﻠﻲ ﻟﻴﻠﻪ،،،ﺍﻟﻲ ﺟﺎﻧﺖ ﺗﺒﺠﻲ ﻭﺗﻌﺾ ﺑﺸﺎﻟﻬﺎ ﻣﻦ ﺍﻟﻮﺟﻊ
« صيييحي امها بسرعه
ﻣﺮﻳﻢ ﺭﺍﺣﺖ ﺗﺮﻛﺾ،،،،،ﻭﺍﻡ ﺭﺿﺎ
ﻭﺩﺕ ﻟﻴﻠﻪ ﻟﻠﺤﻤﺎﻡ،،،،،،ﺩﻗﺎﺋﻖ،ﻭﺍﺟﺘﻲ
ﺍﻣﻬﺎ ﻭﻧﻌﻴﻤﻪ،،،،ﻭﻳﺎﻩ
ﻭﺑﺲ ﺷﺎﻓﺘﻬﺎ،، ﺣﺠﺖ ﺑﺴﺮﻋﻪ
« ﺍﻡ ﺭﺿﺎ ﻣﺎﻧﻠﺤﻚ ﻧﻮﺩﻳﻬﺎ ﻟﻠﻤﺴﺘﺸﻔﻰ
ﺧﻠﻨﺎ ﻧﻮﻟﺪﻫﺎ ﻫﻨﺎ ،،،
« ﻭﻟﺞ ﻳﻤﻪ ﺍﻟﺤﻜﻴﻨﻲ ﺭﺍﺡ ﺍﻣﻮﺕ،،
« ﺭﺑﻲ ﺭﺣﻤﺘﻚ،،،،ﻭﺳﺎﻋﺪﻧﻲ ﻫﺎﻱ
ﺑﻨﻴﺘﻲ ﻭﺍﺭﻳﺪﻧﻚ ﺍﺩﻛﻮﻣﻬﺎ ﻫﻲ ﻭﻟﺪﻫﺎ
ﺑﺎﻟﺴﻼﻣﻪ،،،، ﻳﻤﻪ ﻟﻴﻠﻪ،،،ﻻﺗﺨﺎﻓﻴﻦ
ﺍﻧﻪ ﻳﻤﺞ،،،،
ﺗﺨﺒﻠﺖ ﻣﻦ ﻭﺭﻩ ﺍﻟﻮﺟﻊ،،،،ﻭﻛﻤﺖ ﺍﻋﻴﻂ
ﻭﺍﻣﻲ ﻭﺍﻡ ﺭﺿﺎ ﻭﺟﺪﻩ ﺭﺍﺯﻗﻴﻪ،،
ﻳﺬﻛﺮﻥ ﺍﻟﻠﻪ،،،ﻭﻳﻬﺪﻥ ﺑﻴﻪ
ﻭﻧﻌﻴﻤﻪ ﻻﺯﻣﺘﻨﻲ ﻣﻦ ﺟﺘﻔﻲ
،،،،،،
ﺍﻧﻪ ﺑﺎﻟﻤﻀﻴﻒ ﻣﺎﻟﺘﻲ ﺍﺟﺎﻧﻲ ﻋﺒﺎﺱ
ﻭﺷﺎﻭﺭﻧﻲ ﺑﺎﺫﻧﻲ ﺑﺲ ﺳﻤﻌﺖ، ،،ﻛﻼﻣﻪ
ﻛﻤﺖ ﺑﺴﺮﻋﻪ ﻭﺗﺮﺧﺼﺖ،،،ﻣﻦ ﺍﻟﻀﻴﻮﻑ
ﻭﻣﺸﻴﺖﻟﻠﺒﻴﺖ،،،
ﻃﺒﻴﺖ ﻭﺍﺷﻮﻓﻦ ﺑﻨﺎﺗﻲ ﻭﺍﻛﻔﺎﺕ
ﻳﻢ ﺑﺎﺏ ﺍﻣﻲ،،،،ﻭﺻﻮﺕ ﻟﻴﻠﻪ ﻭﻫﻲ
ﺗﺼﺮﺥ،، ﮔﻠﺒﻲ ﻭﻛﻊ،،،ﻭﺟﺴﻤﻲ ﺭﺟﻒ،،
ﻭﻭﺑﺲ ﻭﺻﻠﺖ ﺩﻛﻴﺖ ﺍﻟﺒﺎﺏ،،،
ﻭﻣﻦ ﻃﻠﻌﺖ،،،ﺍﻣﻲ،،،ﺣﺠﺖ ﺑﺴﺮﻋﻪ
« ﻳﻤﻪ ﺭﻭﺡ ﺍﺩﻋﻲ ﻭﺻﻠﻲ
ﻣﺮﻳﺘﻚ ﺩﺗﻮﻟﺪ،،،،
« ﻳﻤﻪ،،،ﺷﻨﻮﻭ ﺩﺗﻮﻟﺪ،،،،،ﻭﺷﻮﻛﺖ
ﻭﺷﻠﻮﻥ
ﻭﻟﻴﺶ ﻣﺎﺣﺠﻴﺘﻮ ﺣﺘﻰ
ﻧﻮﺩﻳﻬﺎ ﻟﻠﻤﺴﺘﺸﻔﻰ
« ﺍﻡ ﺭﺿﺎ ﺗﻌﺎﻟﻲ،،،،،ﻋﻠﻰ ﺑﺨﺘﺞ
ﺻﻴﺤﻪ ﺍﻡ ﻟﻴﻠﻪ،،،ﺟﻤﺪﺗﻨﻲ ﺑﻤﭽﺎﻧﻲ،،،
ﻭﺭﺟﻌﺖ ﻟﻴﻮﺭﻩ،،،ﻭﺍﻧﻪ ﺍﺭﺩﺩ
ﻭﻋﻴﻮﻧﻲ ﻋﻠﻰ ﺍﻟﺒﺎﺏ
« ﻳﺎﻟﻠﻪ،،،،ﻛﻮﻣﻬﺎ ﺑﺎﻟﺴﻼﻣﻪ،،،ﻳﺎﺭﺏ
ﺍﺭﻳﺪﻫﻦ ﻣﻨﻚ،،،،،،
ﻣﻜﺪﺭﺕ ﻛﻠﺸﻲ ﺍﺳﻮﻱ،،،ﻭﻇﻠﻴﺖ
ﺍﺭﻭﺣﻦ ﻭﺍﺟﻲ،،،،ﻭﺍﺭﺩﺩ
« ﻳﺎﻟﻠﻪ،،،،ﻳﺎﺭﺏ،،،
ﻭﻭﺭﻩ ﻧﺺ ﺳﺎﻋﻪ،،،ﺳﻤﻌﺖ ﺻﺮﺧﻪ
ﻃﻔﻞ،،،ﮔﻠﺒﻲ ﺯﺍﺩﺕ ﺩﻛﺎﺗﻪ ﻭﻋﺎﻳﻨﺖ
ﻟﺒﻨﺎﺗﻲ ﺍﻟﻲ ﺟﺎﻧﺖ ﻭﺍﻛﻔﺎﺕ ﻭﻳﺒﺠﻦ،،،
ﻭﻭﺭﺍﻩ،،،ﺑﺪﻗﺎﺋﻖ ﻫﻢ ﺳﻤﻌﺖ ﺻﺮﺧﻪ
ﺍﻟﺦ،،،،،،،ﺭﺣﺖ ﻟﻠﺒﺎﺏ ﻭﺧﻠﻴﺖ ﺭﺍﺳﻲ
ﻋﻠﻴﻪ،،،ﻭﻛﻤﺖ ﺍﺭﺩﺩ،،
« ﻳﻤﻪ ﺍﻟﻠﻪ ﻳﺨﻠﻴﺞ
ﺍﻃﻠﻌﻲ ﻭﻃﻤﻨﻨﻲ، ،،ﻋﻠﻴﻬﺎ
ﻭﻋﻠﻰ ﻭﻟﺪﻱ،،،
ﻭﻋﺒﺎﻟﻚ ﺍﻣﻲ ﺳﻤﻌﺘﻨﻲ،،،ﻭﻃﻠﻌﺖ ﻭﺭﻩ
ﺩﻗﺎﺋﻖ ﻭﻫﻲ ﺗﻀﺤﻚ ﻭﺗﺒﺠﻲ
« ﻭﻟﻚ ﻳﻤﻪ ﺍﺟﺎﻙ ﺷﺒﻞ،،،ﻭﺍﺧﻮﻩ
ﻋﺎﻳﻨﺖ ﻻﻣﻲ،،،ﻭﻋﻴﻮﻧﻲ ﻏﻮﺭﻛﺖ
ﻭﺣﺠﻴﺖ، ،،ﻛﻮﻩ
« ﻭﻟﻴﻠﻪ ﻳﻤﻪ،،،
ﺍﻣﻲ ﺑﺎﺳﺘﻨﻲ ﻭﺟﺎﻭﺑﺘﻨﻲ،،
« ﻣﺎﺑﻴﻬﺎ ﺷﻲ ﻳﻤﻪ،،،،،ﻻﻳﻈﻞ ﺑﺎﻟﻚ
ﺑﺬﻳﺞ ﺍﻟﺴﺎﻋﻪ ﻳﻠﻪ ﺍﺧﺬﺕ ﻧﻔﺲ ﻃﻮﻳﻞ
ﻭﺫﺑﻴﺘﻪ ﻭﻛﻤﺖ ﺍﺭﺩﺩ،،
« ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻳﺎﺭﺏ،،،ﺍﻟﻒ
ﺍﻟﺤﻤﺪ ﻟﻠﻪ ﻭﺍﻟﺸﻜﺮ ،،،،،
« ﺑﻮﻳﻪ ﺍﺟﺎﻧﺎ ﺍﺧﻮنا ﻣﻮﻭ
ﻋﺎﻳﻨﺖ ﻟﺴﻜﻴﻨﻪ،،،ﻭﺩﻧﻜﺖ ﻭﺑﺴﺘﻬﺎ
ﻭﺟﺎﻭﺑﺘﻬﺎ ﺑﻔﺮﺡ،،،
« ﺍﻱ ﻳﺒﻌﺪ ﺍﺑﻮﺝ،،،ﺍﺟﺎﺝ ﺑﺪﻝ ﺍﻟﻮﺍﺣﺪ
ﺍﺛﻨﻴﻴﻦ،،،
ﺑﻨﺎﺗﻲ ﺣﻈﻨﻨﻲ ﻭﻛﺎﻣﻦ ﻳﺒﻮﺳﻦ ﺑﻲ
ﻭﻭﺭﻩ،،،ﻧﺺ ﺳﺎﻋﻪ،،ﻃﻠﻌﺖ ﺍﻣﻲ
ﻭﻫﻲ ﺷﺎﻳﻠﻪ،،،ﻭﺍﺣﺪ ﻭﺍﻡ ﻟﻴﻠﻪ ﻭﺍﺣﺪ
ﻋﺎﻳﻨﺖ ﻋﻠﻴﻬﻢ ﺑﻔﺮﺡ،،،،،ﻭﺍﺧﺬﺕ
ﺷﺒﻞ ﻣﻦ ﺍﻣﻲ ﻭﺑﺴﺘﻪ ﻭﻛﺒﺮﺕ ﺑﺎﺫﻧﻪ
ﻭﺣﺠﻴﺖ ﻭﺍﻧﻪ ﻛﺎﺗﻢ غصه
« ﺍﻧﺘﻪ ﺷﺒﻞ ﻳﺒﻌﺪ ﺍﺑﻮﻙ ،،،ﺍﻧﺘﻪ
ﺍﺑﻦ ﺍﻟﺸﻴﺦ ﺭﺿﺎ
ﻭﺭﺟﻌﺘﻪ ﻻﻣﻲ،،،ﻭﺍﺧﺬﺕ،ﺍﻟﺦ ﻣﻦ
ﺍﻡ ﻋﺒﺎﺱ
ﻭﻫﻢ ﺳﻮﻳﺘﻠﻪ ﻣﺜﻞ ﺍﺧﻮﻩ،،،ﻭﺳﻤﻴﺘﻪ
ﺷﺎﻫﻴﻦ،،،،،،
ﻭﻣﻦ ﺷﻔﺖ ﺟﺪﻩ ﺭﺍﺯﻗﻴﻪ،،،ﻭﺩﻣﻮﻋﻬﺎ
ﺩﻧﻜﺖ ﻭﺣﺒﻴﺖ ﺍﻳﺪﻫﺎ،،،ﻭﻫﻲ ﻛﺎﻣﺖ
ﺗﺒﻮﺱ ﺑﻴﻪ،،،،،،ﻭﺗﻬﻠﻬﻞ،،،
ﻭﺑﺬﺍﻙ ﺍﻟﻴﻮﻡ ﺷﻜﺪ ﺟﻨﺖ
ﺿﺎﻳﺞ ﻭﻣﻘﻬﻮﺭ
ﺑﺲ ﻣﻦ ﺍﺟﻮﻧﻲ ﻭﻟﺪﻱ،،،،ﺣﺰﻧﻲ
ﻭﻫﻤﻲ
ﺍﻧﮕﻠﺐ ﻟﻔﺮﺡ،،،،،،
ﻋﻔﺖ ﺍﻟﻜﻞ،،،،ﻭﻃﺒﻴﺖ،،،ﻟﻠﻴﻠﻪ
ﻭﺑﺲ ﺷﻔﺘﻬﺎ،،،،،،ﮔﻠﺒﻲ،،،ﺭﺩﺕ
ﺍﻟﻪ ﺭﻭﺣﻪ،،،،،،ﻭﻣﺸﻴﺖ ﺍﻟﻬﺎ،،،ﻭﺍﻧﻪ
ﺍﺭﻳﺪﻥ ﺍﺧﺬﻫﺎ ﺑﺤﻈﻨﻲ،، ﻭﺻﺪﻛﺖ
ﻧﺴﻴﺖ ﺍﻟﮕﻞ،،،،،،ﻭﺣﻈﻨﺘﻬﺎ ﻭﻛﻤﺖ ﺍﺑﻮﺱ
ﺑﺮﺍﺳﻬﺎ،،،ﻭﺍﺣﺠﻲ،،،ﺑﺼﻮﺕ ﻣﺨﻨﻮﻙ
« ﻣﺒﺮﻭﻙ ﻣﺎﺟﺎﻧﺎ،،،ﺍﻡ ﺷﺒﻞ
ﻣﺎﺭﺩﺕ ﺍﺿﻴﻊ ﻓﺮﺣﺘﻲ ﺑﻮﻟﺪﻱ،،،ﻭﻻ ﺍﺿﻴﻊ ﻓﺮﺣﻪ ﺭﺿﺎ ﻭﺟﺎﻭﺑﺘﻪ،،،
« ﺍﻟﻠﻪ ﻳﺒﺎﺭﻙ ﺑﻴﻚ،،،ﺍﺑﻮ ﺷﺒﻞ،،
ﺩﻛﺎﺕ ﮔﻠﺒﻪ،،،ﺟﺎﻧﺖ ﺳﺮﻳﻌﻪ ﻭﺗﺤﺠﻲ
ﻓﺮﺣﺘﻪ ﻭﻣﻦ ﺟﺎﻭﺑﻨﻲ،،،
« ﻭﺍﺑﻮ ﺷﺎﻫﻴﻦ ﻫﻢ
ﺍﺑﺘﺴﻤﺖ ﺑﺘﻌﺐ ،،،ﻭﻫﺰﻳﺖ ﺭﺍﺳﻲ
ﺍﻟﻪ،،،
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
