رواية فصيلة دمشق الفصل الخامس عشر 15 بقلم احمد
(قبل ما نبدا بالبارت ملاحظة صغيرة البارت بيه احداث ممكن تكون جارحة واضطريت اكتبها لانها جزء مهم من القصة فارجو المعذرة )
ميرا.. راحو هم واني غسلت المواعين ونظفت المطبخ والصالة ورحت لغرفتي اول ما تمددت فورا نمت لان العاجوز الساحرة كعدتني من الصبح
الحجية.. هييييي كومي يلا
ميرا.. بعدها الدنيا ليل
الحجية.. ليل ولا نهار من اكولج كومي تكومين بدون مرادد
ميرا.. تمام كمت كمت
عافتني وراحت جنت اريد ارجع انام بس اذا اخذتني النومة وكعدو واني نامية اتورط على عمري خلي اكوم احسن كلشي
كمت صليت الفجر ورحت للمطبخ حطيت القوري عالطباخ واستوى وبعدهم نايمين جنت كاعدة عالكرسي وحطيت راسي على ايديني
اخذني التفكير لاهلي يا ترا شنو حال ماما هسا وهي بدوني اكيد كلبها محترك علي وعادل يا ترا طلع بواسطة او كفالة لو بعد
اووووف كلبي محترك على شوفتهم بس اهم شي يكونون بخير الباقي كلو سهل بقيت مدنكة ومن كد مو نعسانة اخذتني النومة
ايناس.. طختني بكتفي .. ميرا ميرا
ميرا.. ها ااااخ ركبتني شكو ايناس
ايناس.. ليش نايمة هنا
ميرا.. ماكو شي بس كليلي منو كعد
ايناس.. بس اني اريد اروح للمدرسة
ميرا.. همزين كعدتيني
ايناس.. تمام
ميرا.. جهزتلها الريوك وتريكت وراحت لمدرستها واني بلشت بتنظيف البيت بين ماكعدو وجهزتلهم الريوك وتريكت اني هم
شلون خلصنا ريوك وصارت الساعة 10 دخلو عائلة شفتهم من باب المطبخ جانو زلمة جبير وزوجتو وبنات ثنين وولد ثنين
دخلو داخل واستقبلوهم اهل صهيب ومن خلال اصواتهم عرفت ذول عمامهم ومن خلصت الفاتحة راحو لبيتهم وهسا اجو زيارة
الولد وابوهم طلعو ويا صهيب واخوه وابوه للاستقبال والبنات وامهن دخلن داخل عالصالة واني سويتلهم جاي
صهيب.. وين الجاي
ميرا.. هسا يستوي
صهيب.. استعجلي بسرعة
نيرا.. بكلبي .. هذا شبيه ما يمداهم كعدو
كملت الجاي واجى هو اخذو والنسوان بقيت انتظر نادية تجي لان ما الي نفس اقابلهن سبحان الله عندي احساس انو اذا ابقى احسن
نادية.. ما تجيبين الجاي شبيج صافنة
ميرا.. اخذيه انتي
نادية.. جيبيه انتي شناقصج
ميرا.. اخذيه انتي عندي شغل اريد اسوي الغدا
نادية.. ترا مالي خلكج انتي ولغوتج
ميرا.. لعد ابقو بدون جاي
نادية.. عابتلج اي والله شلون صلافة كبر حتى كبر
ميرا.. عفتها وبكلبي اكول بالله هسا هاي الواحد شنو يجاوبها فوك شينو كواة عينو بدون هالجدال هذا جان هسا مخلصين من الجاي
انتظرت لحد ما اجى صهيب جاب الستكانات سألتو اسوي دجاج لو لحم كال لا راح عيد يجيب لحم كلتلو تمام بس ترا ماعرف اطبخو
كال خلي نادية تطبخو كلتلو تمام ورغم مو طايقة اسمع صوتو بس انجبرت احجي وياه علمود ما ارتكب خطأ واتورط بعدين
من جاب اللحم عيد وصيتو يصيح نادية وصاحها وراح واني طلعت اللحم وجهزتلها الموس بين ما اجت وجانت جايبة الستكانات وياها
نادية.. شتريدين
ميرا.. انتي اطبخي اللحم
نادية.. ليش ما تكعدين حظرة جنابج واني اخدمج
ميرا.. ماعرف اطبخ اللحم
نادية.. تعلمي
ميرا.. والله لا اتعلم ولا شي روحي للصالة واني بالنسبة الي اغسل المواعين واكعد انتظر لحد ما يسألون عالغدا عود كوليلهم اني ما قبلت اتعلم
نادية.. اوك انتظري
سحر.. هي هاي الفصلية
نادية.. باستهزاء .. هه اي هاي هي
ميرا.. الي اسم ترا
سحر.. لا بالنسبة النا انتي فصلية
ميرا.. خوش
سحر.. شبيها هاي الفصلية
نادية.. تتحجج انها ماتعرف تطبخ اللحم
سحر.. عمة (ام صهيب) الفصلية دا تعاند نادية
الحجية.. اجيت
ميرا.. كلت بكلبي خلي تجي وهي تحكم
الحجية.. شكو شبيج ولج
ميرا.. ماكو شي دا اكول لنادية ماعرف اطبخ اللحم تكول تعلمي
الحجية.. لعد شكبرج تصيرين بعد لو اهلج الفكور جانو ما ياكلون لحم
ميرا.. اهلي جانو ياكلون لحم اكثر منكم بس مو حاسبيني خدامة مثلكم
الحجية.. شو صاير لسانج طويل انتي
ميرا.. مو قصة طويل بس هاي الحقيقة
الحجية.. ديلا انجبي عاد .. نادية اطبخي اللحم عيب من الناس
نادية.. تمام عمة .. وباوعتلي بغضب
ميرا.. من راحت الحجية باوعت لسحر وضحكت بخباثة
سحر.. يمة يمة شلون حية
تجاهلتها وكملت شغلي ونادية طلعت روحها بس ماتكدر تسوي شي بالاخص بعد ما كالتلها الحجية ولا كأنها وحدة من اهل هالبيت
سحر انكلعت مادري شصار عنها واني انتظرت لحد ما اجت ايناس خليتها عند امها وكلتلها اروح اصلي وارجع ورحت لغرفتي
مريت من كدام الصالة وجانن اخت سحر وامها بالصالة كالت امها شبيها الفصلية ما تسلم لازم اهلها ما علموها شلون تستقبل الضيوف
سويت نفسي ما سمعتها واسمع الحجية تعيب علي كدامها كلت هاي الناقص فوك قلة احترامهم يريدوني اني اروح اسلم عليهم
فتحت باب الغرفة وانصدمت صدمة عمري جان صهيب حاصر سحر بالزاوية ويبوسون بعض وهو نازع قميصو وهي عريانة من فوك
جان منظرهم مغزز بشكل لا يوصف كل الي كدرت اسويه انو اصرخ بكل ما انطاني الله من صوت بحيث صرختي سمعوها اهل البصرة كلهم
الحجية.. شكو شبيج
ميرا.. بكل صوتي .. باوعي لابنج السكط شيسوي هو وهالك..ة بغرفتي ولكم الله لا يوفقكم جايين تسوون افعالكم الساقطة بغرفتي وكدام قراني
صهيب.. انجبي ولج ك..ة .. وضربني راشدي كل قوتو
بهالاثناء دخلو الزلم لان صراخي مو طبيعي وكل الي كدرت اشوفو من اخوان سحر شافو اختهم تعدل بملابسها وصهيب نازع قميصو
ومن حجيت اني فهمو الموضوع واحد منهم ضرب صهيب وصار يتعارك وياه والثاني استلم سحر بالغرفة وما نسمع بس صراخها
اخت سحر وامها هجمن علي وانهزمت منهن عالمطبخ وقفلت الباب واخذت سجين علمود اذا دخلن ادافع عن نفسي
انتبهت من الشباك على انس واسراء من اجو وانس دخل يركض من سمع الصوت وصار الصوت بعد اعلى بوصول انس
اني من الهبطة والصوت صارت بي رجفة مو طبيعية وبلشن عيوني يغوشن واخير شي وكع السجين من ايدي ووكعت فوكو
ماعرف شكد مر وقت بس من كعدت جان راسي بحضن اسراء من شفتها فورا بجيت كالت لا تبجين يا روحي اهدي اهدي
اسراء.. انسسسس كعدت ميرا
انس.. تمام جهزيها خلي ناخذها
الحجية.. وين تريد تاخذها اذا طلعت من الباب اكسر رجليها
انس.. يمممممممة لا تخلوني احرك البيت على روسكم فوك نكاسة ابنج جاية على البنت الي يفك حلكو منكم اهجم بيت الخلفو يلاااا اسراااااااء
اسراء.. بخوف .. اي اي يلا .. لج كومي البسي العباية قبل ما يطيح حظنا
كمت وياها عالسريع لبست العباية بس احس اطرافي خيوط كوة احركهن وكوة امشي وياها وطلعنا من البيت
وكف تكسي انس واخذنا اني وياها وطول الطريق حاطة راسي بحظن اسراء وابجي بس بدون صوت بسبب انس والسايق
من وصلنا نزلنا واخذتني فورا على غرفة بيها سرير كالت ارتاحي هنا بين ما احجي ويا انس وارجعلج تمددت بالفراش ودفنت وجهي بالمخدة وكملت بجي
جان الشعور كلش صعب فوك ما منظرهم يخزي جانو يسوون جريمتهم بغرفتي وفوكها انضربت واحس باهانة كلش قوية بسبب فعلتهم
وكل هذا لا شي كدام فعلتهم والقران موجود بالغرفة كل هذا ما شافوه وهو واضح وضوح الشمس فوك الجنط
ومستحيل سحر تدخل الغرفة بدون ما تباوع عالجنط واريد بس اعرف شعجبها بهالخايس لدرجة تسوي هيج شي وياه
كل ما اتذكر الموقف احس نفسي تلعب واريد استفرغ الموضوع مقرف الى ابعد الحدود
ممكن البعض يكول صارت هالاشياء عادية بالوقت الحالي اما انا فاحجيلكم شي بال 2014 يعني مو منتشر لهاي الدرجة
وفوكها الي يسمع بالموضوع مو مثل الي تشوفو كدامها وبالاخص وحدة مثلي عاشت بعائلة كلش محافظة وما تعرف هيج اشياء
اسراء.. دخلت للغرفة وكعدت يمي .. خلص يا روحي كافي بجي كومي فهميني شنو صار
ميرا.. فدوة اسراء اخذيني لماما
اسراء.. يا روحي والله لو بايدي اخذج الها وما ارجعج بس ماكدر
ميرا.. ليش
اسراء.. هسا فهميني شنو صار علمود اعرف
ميرا.. شحجيلج ليش الي صار ينحجي
اسراء.. اي احجيلي اني ماطول ماكو احد غريب
ميرا.. فدوة ما اريد والله نفسي تلعب
اسراء.. وعد بس هالمرة تحجيلي وبعدها ما اسألج
ميرا.. لكيتهم يبوسون بعضهم بغرفتي
اسراء.. بس هيج
ميرا.. لا
اسراء.. لعد
ميرا.. صهيب جان نازع القميص مالو واسراء منزلة الفستان لبطنها
اسراء.. بس هيج
ميرا.. اي
اسراء.. شوفي حاولي تتأكدين بس هيج شفتي
ميرا.. شتريدين بعد اكثر من هيج
اسراء.. اريد عزا الي يعزيهم ثنينهم ادري الي سووه ما ينسكت عنو بس غير افهم كلشي
ميرا.. اي بس هذا ومن صرت احجي عليهم ضربني صهيب
اسراء.. عسى ايدو بالكسر هالحيوان
ميرا.. اسراء اني وكعت عالسجين بالمطبخ شلون ما تأذيت
اسراء.. السجين جان تحتج بس مو واكف وكوف علمود يدخل بجسمج والحمدلله انو مو مأذيج
ميرا.. ياريتني ميتة ومخلصة من هالعيشة الكشرة
اسراء.. وعلى شنو تموتين وعلمود منو علمود صهيب الي ما يسوا نعال لو سحر الي بدون اخلاق وبدون حيا
ولكم ما صارلو اخوه كم يوم من توفى لا احترم وفاة اخوه لا فكر ان هو هم ممكن يموت ويسوي هيج شي ويا بنت عمو الي هي عرضو
ميرا.. مو بس سحر
اسراء.. دخيل ربج لا تصدميني بعد
ميرا.. اني ما جنت اريد احجيلج
اسراء.. عن شنو
ميرا.. الدكتورة الي عالجتني
اسراء.. شبيها
ميرا.. قبل ما تطلع هم صار يبوس بيها وكالت هسا يجون اهلك نتقابل بالشقة
اسراء.. غدييييييي صدك تحجين
ميرا.. اي والله
اسراء.. الله لا يشوفو الخير لج هذا حتى الجلب مو مثلو تكول حيوان ويركض ورا غريزتو
ميرا.. اني ما جنت اريد احجي بس ماطول صارت وصارت
اسراء.. لا همزين حجيتي اصلا طاح حظج من بقيتي ساكتة لهسا المهم ابقي مرتاحة واذا تكدرين نامي بين ما يجي الغدا
ميرا.. تمام
طلعت هي واني حتى دموعي نشفن من البجي بس اريد امي تجي يمي اريد افرغلها الي بكلبي هي الوحيدة الي تفهمني
شكد شفت ذل واهانة بس ما يجي 1% مقابل الي شفتو اتمنى حاجين علي مسمعيني كلام عالاقل اكدر اطنش بس هيج موضوع مستحيل يتطنش
من لسان اسراء
اسراء.. حجتلي بس طلع اخوك مخبص تخبيص مو طبيعي
انس.. احجي شكو
اسراء.. حجتلو عن سحر والدكتورة
انس.. اسراء متأكدة من الي دا تحجيه
اسراء.. هذا الي حجتو ميرا وتأكدت منها قبل ما احجيلك
انس.. بعصبية هسا هالخايس هذا نخلص من فضيحتو ويا سحر لو ويا الدكتورة والله يعلم شيخبص ويا غيرهن
اسراء.. ماكو حل غير انكم تجبروه يرجع لدوامو ومن يجي تدبرولكم حل حتى لو تحبسوه بالبيت
انس.. ادري جاهل هو ونحبسو صار بكد البغل والله حتى استحي من نفسي لان اني اخوه
اسراء.. اهدأ انت مو زينة عليك العصبية
انس.. يا اهدأ اسراء يا اهدأ ترا راح اتخبل بسببو
اسراء.. اعرف والله اعرف بس اهدأ علمود تكدر تفكر بحل مناسب اذا تبقى معصب ما تكدر تفكر بحل
انس.. وهاي شصار وياها
اسراء.. هاي حالة الضيم حالتها تكول اخذيني لامي بس كلتلها ماكدر وعفتها ترتاح وتنام
انس.. براء (اخت اسراء) تجي اليوم
اسراء.. ماعرف والله الصبح راحت للبيت على اساس من احتاجها اخابرها
انس.. اوك عوفيها هسا لا تخابريها علمود لا تعرف انو رجعنا بسرعة
اسراء.. واني هم مفكرة هيج بس شراح تسوون ويا صهيب وسحر
انس.. ماعرف هسا
اسراء.. دبر حل لا اخوان سحر يقتلوها
انس.. خلي يقتلوها هاي تالي عار
اسراء.. لا انس لا يصير كلبك قاسي لا تنسى هي بشر ومعرضة للخطأ واذا اكرهها او اخطأت مو معناها اتمنى موتها
انس.. عوفينا منها خوما موجوعة انتي
اسراء.. لا الحمدلله مابي شي
انس.. خوش هسا من يوصل الاكل راح استلمو وتغدي انتي والبنت واني راح اروح لبيت اهلي
اسراء.. شنو مو ناوي تتغدا
انس.. والله يا اسراء مالي نفس احط بحلكي لكمة وحدة
اسراء.. خوش
انس.. مو انتي تبقين بدون اكل ما يحتاج اوصيج
اسراء.. لا توصي اني هم تهمني صحة ابني
انس.. خوش
شوية ودك تيلفونو اجى صاحب الدلفري استلم منو الاكل ودخلو داخل انطاه لاسراء وطلع راح لبيت اهلو واسراء جابت الاكل عالغرفة
اسراء.. ميرا يلا كومي شوفي شنو جبنا
ميرا.. ما اريد
اسراء.. لج صدك تحجين انتي كاتلة نفسج علمود ثنين ما يسوون كشرة بصل
ميرا.. مالي نفس اسراء والله كلبي محترك
اسراء.. تعدلي هسا خلي احجي وياج
ميرا.. شنو
اسراء.. شوفي الي صار بعد ما يرجع واصلا هاي فرصة الج تخلصين من صهيب بلكي يرجع لدوامو وتخلصين من مشاكلو
وبالنسبة لسحر ما توصل بيت عمها مرة ثانية هاي اذا طلعت من بيت اهلها اصلا فلذلك خيولون ولا تحرمين نفسج من الاكل علمودهم
ميرا.. الي صار هواي صعب يا اسراء
اسراء.. اعرف بس خيولون يمعودة والله شنو يكتلني الجوع علمود هيج ثنين
ميرا.. هووووووف
اسراء.. حطت ايدها على بطنها .. كافي يا روحي خالتكم ما تقبل تاكل شنسويلها
ميرا.. جان خالتك شو صار خالتكم
اسراء.. بلكي هم تضبط هالمرة هاي ويصيرون توم هههههه يلا يلا روحي غسلي ايديج وتعالي اكلي علمود تصلين بعد الغدا
ميرا.. تمام
كمت غسلت وجهي وايديني وكلت والله كلامها صحيح ليش ادمر صحتي علمودهم طبهم مرض نارهم تاكل حطبهم
طبعا جنت اقنع نفسي بهالكلام بس بالحقيقة نار مشتعلة بصدري واتمنى الله يسلطني عليهم ساعة وحدة الا اكطعهم بسنوني
ببيت اهل صهيب
انس.. وين صهيب
عيد.. بغرفتو
صهيب.. شرايد
انس.. لك ايمتى تنعدل انت بس فهمني
صهيب.. حط نعال بحلكك ولا تدخل
اول ما كمل كلامو ضربو انس بوكس كل قوتو وهو منا وجهو خريطة بسبب ابن عمو وصار عيد بينهم وهم واحد يهدد بالثاني
انس.. ولك فوك ما متزوج ما صارلك كم يوم تجي تسوي الفاينة بعرضك وفوكها تطلع عندك علاقة بدكتورة يالخايس
صهيب.. شنو من دكتورة لا تجذب
انس.. يخسى شاربك اجذب بسببك عبالك ما اعرف الدكتورة الي عالجت مرتك مو
الاب.. منو هاي انس
انس.. هاي وحدة من الساقطات الي يعرفهن ابنك هذا
الاب.. الله يسود وجهك مثل ما سودت وجهي لك شنو من بشر انت بس فهمني ايمتى تنعدل
انس.. ما ينعدل
عيد.. يابة لازم نلكي حل للموضوع قبل ما تكبر السالفة ماطول محد يعرف لحد الان
الاب.. شوف ولك صهيب من باجر...........
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
