رواية فصيلة دمشق الفصل الثالث عشر 13 بقلم احمد
بعدت عنو وكلتلو عوفني مسكني بايدو الضخمة من ركبتي وكال منا ورايح انتي الخدامة مالتي واي اعتراض ادوس راسج بالقندرة
كمل كلامو وسحبني بقوة عليه حاولت اخلص روحي بس جان اقوى مني بهواي اخير شي مسك الدشداشة وشكها على طولها
حسيت برعب اضعاف رعب الرحلة للعراق رعب مو عاشتو بحياتي كلها صرخات ترست اركان المكان وهو ولا همو
جنت احاول استر نفسي امام وحس كاسر ونظرات حقيرة ودناءة نفس لا توصف بس كلشي جان بلا اي فائدة
جان عندي امل انو اهلو يسمعون صرخاتي ويجون يخلصوني منو بس خاب املي لان جانو صم بكم ولا كأنو دا اصرخ
جان يحاول يسيطر على مقاومتي بس جنت استعمل كل قوتي بالمقاومة اخير شي ضربني راشدي كل قوتو وكعني بالكاع
اجى كعد فوك صدري ومسك ايديني ورفعهن فوك راسي وقيدني بايد وحدة والايد الثانية سكر بيها حلكي وباوعلي بعيون مخيفة كلش
صهيب.. لا صرخاتج ولا توسلاتج راح تفيدج لان ماكو شي فاد اخوي من قتلتو ومثل ما اخوج اذاه اني هم راح اذيج
بس طبعا ماراح اذيج لدرجة تموتين لان انتي انكس من انو ارحمج راح اتفنن بتعذيبج واذلالج واخلج تبوسين القنادر بس علمود ارحمج
كمل كلامو وعضني من كتفي كأنو زومبي جنت احس حلكي راح ينفجر من الصراخ المكتوم وهو ويا كل صرخة مكتومة يتفنن بتعذيبي اكثر
اخير شي اغتصبني بوحشية اكبر بالاف المرات من وحشية التعذيب وكان يتلذذ بعذابي وبدموعي وبنفس الوقت كاتم صوتي
فقدت الوعي تحت ايدو وكان هذا احسن شي صار وياي لان فقدت الشعور بالوجع وياه وكعدت على لمسات ايد على جسمي
جنت اريد افتح عيوني ماكدر بس اسمع صوتو هو ووياه وحدة دا يحجون عني واسمعها تكلو انت مدمرها دمار لازم تبتعد عنها لان راح تموت
اني خيطت الجروح بس اي تهور منك راح يرجعن ينفتحن مرة ثانية وتكدر تتخلى عنها لخاطري هالفترة لو ما الي خاطر يمك
بس الغريب انو بنبرة صوتها ضحك كأنها متونسة بالي صارلي كاللها لا تخافين عليها العار ما يموت واني اصلا ما اريدها تموت
فتحت عيني شفتها اتجهت للباب وسحبها هو دفعها للباب وصار كدامها وصار يبوس بيها ويتلمس جسمها وهي تضحك
اخير شي كالتلو هسا يجون اهلك عود بعدين نلتقي بالشقة كاللها تمام وقبل ما تطلع ضربها تحت ضهرها وطلعو ويا بعض
جانو مشكليلي مغذي ومضمدين مكان العضة وملبسيني ملابس غير الدشداشة الي شكها البارحة ومنطيني مخدر للوجع
رفعت ايدي من تحت الزند صايرة زركة وايدي الثانية نفس الحالة شوية شوية بدا يروح مفعول المخدر وصار الوجع قاتل
جنت اصرخ بس صوتي ما يطلع من اتوجع واصرخ يطلع بس هوا من حلكي ودموعي تجري مثل الشلال
لحظات ما اتمناها لعدوي لان حتى اني ماعرف شلون عشتها كلها الم وذل وفوك هاي جايب ك...ة علمود تعالجني من افعالو الحيوانية
امي ما كالت هيج راح يصير وياج كالت راح يصونج وراح يحافظ عليج لان مهما صار انتي زوجتو يعني عرضو وشرفو
بس اريد اعرف وين الحفاظ وين الشرف والعرض وهو جايبها لغرفتي ويشوفها جسمي ومو مبين يكعدون هناك يقارنون بيني وبينها
ويجوز هاي تروح تحجي لغير واحد عني شكد شفت ناس بدون غيرة وماعدهم شرف ونخوة بس مثل صهيب ما شفت ابد
بس هو عندو ذكاء يعرف محد يعالجني لان هذا ما صارلي بالخطأ لا هذا متعمد وراح يتورط بسببي وممكن توصل للشرطة
لذلك جاب هاي تعالجني علمود يطمطمون السالفة ومحد يدري بيها بس ماكو غير حسبي الله عليكم والله ينتقم منكم ثنينكم
شوية ودخلت علي اسراء كالت بضحكة شنو هالكسل هذ....... عزاااااا هذا شصاير هنا واجت ركض وتباوعلي بصدمة
اسراء.. شنو صاير هنا
ميرا.. ببجي .. ابوس ايدج نظفيني من نكاستو
اسراء.. شبيج احجي ليش ساكتة
ميرا.. انتبهت انو لحد الان صوتي ما يطلع بس هوا وهي عافتني وطلعت تركض واسمعها تكول شصاير ويا البنت منو مسوية هيج بيها
من ابتعدت عن الغرفة صار صوتها كلش ضعيف ومو مسموع شوية ورجعت وياها سطلة ماي ونشافة ومنظف ارضيات
واسمعها تحجي بصوت ناصي تكول عزا العزاك وعزا عشيرتك ادري قابل حيوان حتى الحيوان ما يسوي هيج شي
كون الله يسلط عليك واحد يهجم بيتك وياخذ ثار هالمسكينة منك قسم بالله عائلة وحوش مو بشر اكص ايدي اذا ابنكم ما يستحق القتل
شالت الفراش الي صارت فوكو الحادثة لان مليان دم وانتبهت للملابس المشككة باوعت علي ونزلن دموعها كالت اغتصبج هالحيوان مو
هزيتلها راسي وكلامها كأنو رجعلي الموقف وصرت اشهك بقوة وحلكي يوجعني واجت هي ركض حضنتني وسحبت راسي لحضنها
اريد اسكت ماكدر وهي جسمها يهتز وياي يعني دا تبجي على حالتي وبقت حاضنتني الى ان هدأت ورفعت راسي من حضنها
اسراء.. شوفي يا روحي اني راح احاول اساعدج وعد مني بس اصبريلي هالكم يوم بين ما تخلص امور الفاتحة واحجي ويا انس
وانتي ابقي بغرفتج والي يسأل عنج راح اكلو بسبب صهيب تأذت كلش وماتكدر تطلع واذا سألوج كوليلهم نفس الكلام
واهم شي انتبهي لنفسج ترا ذول ما ينكسر كلبهم على احد لا تحاولين تكسبين استعطافهم وهسا حاولي تنامين بين ما اكمل تنظيف
ميرا.. ما فهمت منو انس بس ماجان عندي حتى طاقة احاول احجي بيها وحطت راسي عالمخدة وكامت تكمل شغلها
غمضت عيوني وصارت تنعاد احداث البارحة بتفكيري وكأنو هسا دا تصير وبكل مكان لمسني بيه احسو دا يلمسني هسا
حتى العضة حسيت بوجعها اخير شي فتحت عيوني لكيت الغرفة نظيفة والفراش والملابس مشيولات باقي بس الجنط
عرفت اني جنت غافية وهذا جان مجرد حلم بس شو بسرعة غفيت ما لحكت اغمض فورا نمت وفوكها صرت احلم يا ترا شكد الساعة هسا
دخلت اسراء بايدها صينية وشافتني فاتحة عيوني كالت همزين كعدتي جنت ناوية اكعدج لو باقية نايمة يلا تعادلي
بقيت ساكتة وتجاهلت كلامها مو قلة احترام الها بس ما الي نفس بشي كعدت يمي وحطت الصينية بالكاع ونزعت صوندة المغذي الي خلص
اسراء.. باوعلي هنا صدك ما عرفت اسمج شكد اني غبية اني اسراء زوجة انس انتي شنو اسمج
ميرا.. بقيت ساكتة
اسراء.. احجي وياي ترا السكوت ماراح يفيدج
ميرا.. لا رد
اسراء.. زين هاج اكلي .. ومدتلي خبزة صغيرة بيها لحمة علمود اكلها
ميرا.. تجاهلتها لان ما الي نفس اكل
اسراء.. يعني مو ناوية تاكلين لعد اني هم ماراح اكل ما احب اكل لوحدي وسكتت شوية .. صدك ترا اني حامل وراح ابقى بدون اكل
حطت ايدها على بطنها .. خلص يا روحي اعرف بيك جوعان بس خالة ما تقبل تاكل وانت تعرفني ما احب اكل لحالي
شوفي حتى هو دا يكول خلي تاكل لان كتلني الجوع وبكيفج اذا ما اكلتي راح يبقى هو بدون اكل وممكن يصير بيه شي
ميرا.. باوعتلها بنظرات استهزاء بكلامها
اسراء.. ديلا يلا خلي ناكل متنا جوع اني وابني والله والله اذا ما اكلتي ما اكل وهاي حلفت اني واذا كلبج ينطيج تجوعين طفل وامو بكيفج بعد
من كالت تجوعين طفل حسستني بالذنب لو كايلة بس امو ما اهتم هي اكيد من تروح تاكل بس الطفل هو اثر بي
واجى ببالي مواقف الاطفال من يجوعون ويبجون لان ما يعرفون يشرحون للكبار انهم جوعانين ويريدون اكل
حاولت ارفع جسمي وحسيت بوجع فضيع وعضيت شفتي من الوجع وهي انتبهتلي كالت على كيفج على كيفج وساعدتني علمود ارفع جسمي
حطت ورا ظهري مخدة علمود استند عليها وصارت تسوي لكمات وحدة الي ووحدة الها وتعاملها كلش حلو وياي
اسراء.. اوف بس لو عايفني انس البارحة هنا فلا اخلي هالبغل هذا يوصلج هو من يومو بغل ولا عندو احساس ولا ضمير
ميرا.. استغربت من كلامها بالبداية عبالي هي باقية هنا بس من كالت هيج عرفت انها رايحة لغير بيت وما سمعتني
اكيد انس زوجها وراحو لبيتهم زين شنو تقربلهم يا ترا هي من جانت تسوي نفسها تحجي ويا الطفل كالت علي خالة
زين خالة يعني يا اخت الام او زوجة الخال ايوا يعني اني زوجة صهيب وصهيب يصير خالة الطفل يعني اختو هاي
طبعا استنتجت هذا الاستنتاج بكل غباء وبعدين تفهمون ليش المهم وكلتني وياها وما اكلت هواي كم لكمة اكلت وانسدت نفسي
كملت اكلها هي واخذت الصينية وكالت ماراح ارجع هسا اذا تكدرين نامي لازم اروح اكمل شغلهم تكول خدامة عند الخلفهم
تعدلت بالفراش وغمضت عيوني وهي طلعت ماعرف شكد مر وقت الى ان نمت مرة ثانية وكعدت العصر
فتحت عيوني وجان هو واكف عند باب الغرفة وماسك بايدو جكارة من شفتو فزيت وهو ضحك كال طالعة حلوة بهالمنظر
بقيت متصنمة بمكاني وخايفة منو واحس حتى بطني صارت توجعني من الخوف كمل جكارتو وطفاها بالغرفة وطلع
من طلع احس رجعتلي الحياة عابت هالخلقة استغفر الله ياربي تكول وجه قرد مو بشر الله بلاني بيه هالحيوان
ياربي هسا هذا شلون اكضي حياتي وياه وشلون اتحمل همجيتو وما اتوقع راح يتغير لان مبين الي مثلو مستحيل يتغير ويا مرور الوقت
المغرب اجت اسراء وياها العشى وهم تحايلت علي علمود اتعشى وياها ومن خلصت جابتلي دولكة ماي وكلاص حطتهن يمي
اسراء.. باعي راح اقفل الباب واخذ المفتاح وياي علمود لا يدخل عليج صهيب الجلب وانتي نامي ومعليج بيه اني راح اكوللهم المفتاح يمي
واذا عطشتي هذا ماي يمج وهذا تواليت وحمام بغرفتج يعني ما تحتاجين شي من خارج الغرفة يلا حبيبتي مع السلامة
راح وقفلت الباب وراها وكالتلهم ان هي قفلت الباب علمود ما يحملوني اني المسؤولية وراحت واني بقيت مغمضة الى ان نمت
جنت كل ما اتحرك واني نايمة افز من الوجع اخير شي وقت صلاة الفجر تحركت حركة قوية ومن الوجع الا صرخت وفزيت من النوم
من القهر كمت ابجي فوك الي صار مدا اكدر انام مو عيشة هاي بقيت ابجي الى ان صارن عيوني يحركني وانتفخن
سمعت صوت اذان الفجر وحزت بنفسي من كال الصلاة خير من النوم واني مدا اكدر اكوم اصلي بسبب الوجع الي احس بيه
بقيت متمددة الى ان رجعت نمت والحمدلله هالمرة ما كعدت للصبح حسيت على صوت طكة القفل من انفتح
عبالي راح تدخل اسراء بس محد دخل بس انفتح القفل وما اهتميت كلت يجوز راحت تجيب ريوك لو صار عدها شغل وراحت
مر الوقت ومحد بين اخير شي اجت بنية عمرها 12 سنة كالت عمة اسراء ماكدرت تجي وهذا الغدا وصتني اجيبو الج
نزلتو يمي وراحت ما اكلت بالبداية بس تذكرت كلامها البارحة وكلت هسا اذا ما اكل تزعل علي من تجي بس مو مشتهية
بس اذا زعلت ما يبقى احد يهتم بي يلا خلي اكل شوية بس لخاطرها واكلت كم لكمة وعفتو وبعد شوية اجت نفس البنت اخذتو وراحت
مرن كم يوم على هالحالة تحسنت شوية صرت اكدر اتحرك بس ما اطلع من الغرفة مجرد اروح للحمام وارجع لفراشي وبعدني مو متقبلة موضوع الاغتصاب
وجهي راح منو اثر الراشدي ومكان العضة الي بكتفي طاب بس بقى اثر بعدو ما اختفى صهيب مدا يجي علي ماعرف ليش
الناس بعد ما يجون للعزا والبيت صار فارغ مرة من المرات بعد ما طلعت من الحمام وكعدت بالفراش اريد امشط شعري دخلت العاجوز
الحجية.. ها شلون صرتي
ميرا.. زينة
الحجية.. من اليوم ترجعين لشغل البيت مو جايبينج هنا علمود نخدمج
ميرا.. تمام
عافتني وطلعت كبر اي والله كبر فوك شينهم كواة عينهم فوك ما ابنج الي سوا بي هيج جاية تلوميني طاح حظج وحظ ابنج
من حجت وياي اجى ببالي اتجاهلها بس كلت هسا يلكوها حجة علمود يأذوني لذلك جاوبتها من طلعت هي مشطت شعري وطلعت للمطبخ
جنت امشي على كيفي لان بعدني ماكدر اتحرك حركة قوية جانت بالمطبخ البنية الي تجيبلي اكل دائما ووياها مرة يمكن امها
ميرا.. السلام عليكم
المرة.. عليكم السلام
ميرا.. ما تعرفت عليكن
المرة.. احسن .. باوعت لبنتها .. يلا كومي
ميرا.. صدمتني بردها على اساس سويت شي زين وردت اتعرف عليكن عابت الكن وللي يتعرف عليكن لو سابتهن مو هيج
كعدت على كرسي ماعرف شنو اسوي شوية واجت البنت كالت بيبي تكول خلي تسوي غدا تمن ومرك بطاطة كلتلها تمام
ميرا.. ابقي يمي اذا امج ما تحجي عليج
البنت.. ليش
ميرا.. شنو اسمج انتي
البنت.. اني اسمي ايناس ويكلولي نوسة
ميرا.. شكد عمرج
ايناس.. عمري 12 سنة
ميرا.. زوجي اسمو صهيب مو
ايناس.. اي عمو صهيب عمرو 32
ميرا.. عزااااااا
ايناس.. ليش
ميرا.. لا هيج ماكو شي وابوج وينو
ايناس.. بابا بالشغل
ميرا.. سألتها عن افراد العيلة وكان هذا جوابها
الاب.. عدنان عمرو 60 سنة
الام.. ديالى (على اسم محافظة ديالى) عمرها 59 سنة
بنات ما عندهم
الابناء.. ابو ايناس عيد عمرو 40 سنة وماعندو بس ايناس
زوجتو نادية عمرها 35 سنة
زوجي صهيب عمرو 32 سنة
راحت وعافتني اكمل طبخ واني مصدومة يعني صهيب الحيوان اكبر مني بمرتين اوووف هسا شسوي بحظي الخايس
كملت الغدا وحطيتو الهم وما اكلت اني ما احب مرك البطاطة ومن كملو غسلت المواعين وويا صلاة العصر اجت ايناس كالت بيبي تكول رشي الحديقة
رحت ارشها واني مندمجة سمعت صوت وراي باوعت جان اكو واحد ضخم كلش واكف بس مو صهيب وهو هم كأنة مستغرب مني
عفت الصوندة ودخلت داخل واني احس كلبي يريد ينفجر من سرعة الدكات جنت بالمطبخ وهذا دخل فورا للبيت بدون استأذان
انس.. ها حجية شلونج
الحجية.. هلا بيك شلون صارت اسراء
انس.. الحمدلله زينة بس الدكتورة تكول لازم تبقى مرتاحة
الحجية.. تكوم بالسلامة
انس.. الله يسلمج
الحجية.. كومي ايناس كولي للفصلية خلي تسوي جاي لعمج
انس.. عوفيها ايناس ما يحتاج
الحجية.. بلى خلي تسوي الي هم
انس.. لعد صهيب وين
الحجية.. شعرفني كالعادة يطلع من الصبح ما يرجع لليل
انس.. بس لو اعرف وين يولي
ميرا.. من اجت ايناس سألتها كالت هذا عمو انس اصغر واحد باخوانو عمرو 25 وزوجتو اسراء 24 سنة عازلين ببيت لحالهم
طبعا الاستنتاج الي كلت عليه غباء لان نسيت انو اسراء اول ما اجيت كالت للحجية عمة فلذلك توقعتها بنتهم مو جنتهم
سويتلهم جاي واريد ايناس تجي ماعرف وين راحت اخير شي صاحت الحجية وين الجاي يالفصلية وانجبرت اوديه اني
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
