رواية كشف المستور الفصل الثالث عشر 13 بقلم جمانه السعيدي
محمد...اني نفسي مستغرب منهم مامعقوله بين يوم وليله تغير حالهم بس جنت اغالط نفسي واكول اني اخوهم اكيد مايعوفوني
ولمن تاكدو الناس كله شافت الصلح والمحبه الي بينا
اذا دزو احد يقتلني محد راح يشك بيهم وعندهم بدل الشاهد ميه يثبت برائتهم
اكيد مستعدين يدفعون جم فلس ويقتلوني
ولاينطوني حصتي
فرحت حيل عبالي اهلي رجعولي
اثاري الطمع وصل وياهم يحاولون يتخلصون مني
جمانه السعيدي
محمد اني هذا توقعي ااكيد همه ورا هاي المحاوله
لان اني مو منا ولا احد يعرفني غيرهم
وما كو احد اله مصاحه يقتلني غيرهم
جمانه السعيدي
ابو هبه...لاتضوج وليدي مايصير غير الكاتبه ربك
شوف هم خططو يقتلوك بس الله نجاك
وماتعرف شراح يصير بعد
هبه...اذا بين رقم الدراجه بلتصوير هذا اول خيط
محمد...اكيد هسه يتخلصون منها
هبه...واذا تخلصو منها اكيد مسجله باسم واحد
بس يلزمو ويبسطو بسطه زينه يعترف
محمد ...ولله دنيا غريبه اهلي مني وبيه يردون موتي والناس الغريبه ترحم بحالي
هبه...هاي الدنيا بيها اشكال والوان كل يوم نكتشف شي جديد نام ورتاح وانشاء الله خير
هبه....رحت الغرفتي نزعت الشال وتمددت الصبح عندي دوام
وافكر بمشكلة محمد مدري شلون راح تنحل
غافيه وسمعت طكطه بلمطبخ باوعت الساعه بلسته خليت الشال على راسي وطلعت شفت محمد واكف ومنتجي على العكازه
هبه...صباح الخير
محمد...صباح النور ازعجتج مو
هبه...رايد شي اساعدك
محمد ...اريد ماي اريد اخذ علاجي والدولكه الي يمي فارغه
هبه.....ارجع المكانك خل اساعدك مو كال الدكتور لاتتحرك هواي واني هسه اجيبلك
سندته اني بجه والعكازه من الجه الثانيه ورجعته لمكانه
جمانه السعيدي
هبه...خل اسويلك اكل اكيد جعت الليل طويل وهذا علاجك قوي مايصير تاخذه على معده فارغه
محمد...ولله هواي عليه هذا الدلال ما اعرف شلون اجازيج
هبه لاتكول هيج ماسوينا شي بسيط
رحت على بابا بابا بابا تكعد تصلي اليوم ماصليت مو من عوايدك
ابو هبه...اي كعدت
رحت خليت الخبز بلفرن حتى يحمى وطلعت بيض خليته بجدر زغير على النار لان بابا يحب البيض السلك
ورحت صليت ورجعت خليت اجبان ومربى واخذتهن يمهم
حتى يتريكون
ابو هبه...تعاي اتريكي ويانه
هبه...ما اشتهي اتريك بلمحكمه
بعدين رحت سبحت وجففت شعري ورجعت عليهم شلت الصينيه وجبت مي لمحمد ياخذ علاجه سحبت الابره وضربته بلكانونه
ورحت بدلت وتحضرت للدوام ووصيت بابا لايخلي محمد يتحرك هواي حتى اطيب رجله بسرعه
جمانه السعيدي
بلدوام خابرت اسئل على قضية محمد كالو جايبين رقم الدراجه وجاي يدورون على صاحبها
مختفي ماكو الي عرفته صاحب الدراجه صديق واحد من اخوان محمد
ورايحين يسئلونه اذا يعرف شي عنه
اقصد سائلين اخو محمد عن صديقه صاحب الدراجه
ناكر معرفته بي نهائيا
مع ان الناس تكول قبل ليله جان سهران ويا
رجعت للبيت ورا الدوام دخلت للبيت جان اشم روايح الطبخ الطيب
اباوع يلعبون دومنه اثنيينهم ومنسجمين على الاخر
هبه...سلام شني هاي الريحه الطيبه ريحة سمج شوي
ابو هبه هلو يمعوده متنا من الجوع منتضرينج
هبه...تردون تقنعوني كلشي ما اكلتو من الساعه سته الي هسه
محمد...ليش الجذب بلعشره رجعنا تريكنا مره ثانيه
هبه ....خل ابدل واحضر الغدا
وجود محمد خلق جو بلبيت حتى بابا جنت احسه فرحان بي
كعدنا نتغدا وحجيتلهم الي صار والشرطه عرفت صاحب الدراجه بس بعدهم يدورون علي
محمد مثل ماتوقعت همه ورا هاي الشغله
ابو هبه هسى اكيد يلكونه قابل يطير
جمانه السعيدي
لليل طلب محمد يسبح حضرت الحمام ودفيته ولفيت رجله بجيس نايلون حتى الجرح لايتبلل
دخل يسبح وطلع جبتله الشسوار والصوبه جبت ضماد اغير ضماد الجرح
بابا طلع يغسل
هبه..خل اغيرلك الضماد
محمد...انطينيا اني اغيره تعبتج وياي
مديت ايدي انطي الضماد سحب ايدي وباسه وكال انتي انسانه مميزه
شكد شفت نساء بس ماشفت وحده مثلج قويه
ابوج يستحق جائزة اعظم اب على هاي التربيه
راسا دخل بابا واني مثل الجنت احلم يعني مكابلته وصافنه من شفت بابا رجعلي وعيي
راسا طلعت من الغرفه
جمانه السعيدي
دخلت بغرفتي نزعت الشال
تمددت على فراشي واني افكر بكلامه حيل اثر بيه يمكن لان ما سامعه كلام حلو من زمان
يمكن لان حولت حياتي بس للعمل
بليلته ماكدرت انام اله وجه الصبح يله غفيت وعيت على صوت سوالف
محمد وبابا سحبت الموبايل واني اريد اشوف الساعه بيش من النعاس ما اكدر افتح عيوني
رفعت ايدي وفتحت عيني كوه الساعه بثمانيه اله ثلث
او راح الوكت عليه واليوم عندي مرافعه
نزلت رجليه من الجربايه بلكوه
كله من ورا محمد كلامه طير النوم من عيني
خليت الشال على راسي وطلعت لكيتهم يحضرون بلريوك
هبه...صباح الخير
محمد صباح النور اليوم ايسنا منج وكمنا احنا نحضر الريوك
ابو هبه...اليوم شني هذا النوم ماعندج دوام
هبه...لا ولله عندي مرافعه وراح عليه الوكت
ابو هبه...يله غسلي وتعاي تريكي اليوم محمد الي سوا البيض
غسلت وكعدت اتريك وكلما ارفع عيني الكا يباوع عليه يشوفني ويدنك
لزمت قضية محمد واكدت يستدعون اخو مره ثانيه يحققون ويا بلكت يزل بكلمه ونعرف مكان الولد
وطلبت يحققون وي اهل الولد ابو الدراجه
ويسحبون تليفون اخو محمد ونشوف المكالمات الي مسجلتها الشركه
جمانه السعيدي
علاقة محمد ويه بابا يوم عن يوم تقوا اكثر
رجعت للبيت لكيتهم كالبين المطبخ ولله شنو يطبخون برياني
هبه يمعودين هاي ثوره مو برياني
ابو هبه...شنو ضجتي فوك مانطبخلج صوجنا متعبين نفسنا من الصبح الهسه
هبه...لا مشكوره جهودكم والمطبخ منو ينظفه
اني لو ماكله لفه برا مو احسلي من هاي الهوسه
ابو هبه تعاي من تاكلين وتشوفين طبخنا شكد طيب
راح تكولين الطعم يستاهل
كعدنا نتغدا وحجيتلهم الي صار بقضية محمد
اثنيينهم اتحمسوا للنتائج
لكن صار شي ازعجني على الغدا
وصلتني رساله تهديد على تليفوني يطلبون اعوف قضية محمد وانسحب منها
