رواية هدية الشيخ رضا الفصل الثالث عشر 13 بقلم أوتار حزينه
الفرحه طشت بيتنا من وره هالخبر الحلو رضا
حرص عليه مااتحرك هوايه وعمه ويا وجده
ثاني يوم ردت اروح لبيت اهلي
لان صاريلي فترة مو رايحه الصبح من
كعدنا كلت لرضا اريدن اروح الهم
ماقبل ورد
لا بويه ماكو روحه اكعدي اسكتي اخافن
عليج انتي والي بطنج
رضا هو هيانه بيت اهلي شمرة عصا قابل راح اروح لبغداد للو للموصل
رديت علي سكت رحت ليمه خليت ايدي على صدره توسلت
عفيه خليني اروح والله ضايج خلکي
صفن بعيوني ورد
روحي لجن مااريدج تتحركين هوايه وهاا ترجعين
العصر مااريدج تخابرين وادكولين اريدن ابات
يمهم
فرحت كلش وحبيته من خده وكلت
لااا ماابات مااكدر انام الا بحظنك
ابتسم حظن خصري ورد
وانه هم نفس الشي عيوني ماتغفى الا اذا
شفتج يمي وبين ايدي
سألت
رضا ليش تحبني هالكد
عيونه افترت على ملامحي شفت بيهن شوك
وانه بين ايده رد
تصدكين اذا كتلج انتي اول حب واخر حب
عضيت شفتي كمل من ڰض خدي
وكمل بصوت متغير
انتي سلطانه گلبي وشيخته روحيتي انتي
وفرحتي الجتي اخر العمر
عقجت خشمي ورديت
هاي مال اخر العمر مااحبن اسمعها تره
انت شباب ومبين جبير
ابتسم ورد
هاي عيونج تشوفني هيج
وهذا يكفيك شيخ كافي عليك عيوني تشوفك
هيج
هههه مغرور حبيبي
رفعت جتفي وكلت
والغرور يلوك اليه سلطان کلبي
صفن علي ورد
يلوك بويه جا ليش مايلوك
رضا
تريكت اعاين ليله كاعده يم جده تحجي وياها
وتضحك من ثكلت بدت تكعد وياها
جده لمحتني وكالت مبتسمه
اكل يمه واسند فادك الحيل تالي الليل يرادله
لكمه زينه ودسمه
هههههه
ضحكت بصوت ليله غطت وجهها من خجلها
سكتت من ورة بناتي من كامن
كلت
ها جده اشوفنج مركزه ويانا وقصفج اشتغل
علينا
ابتسمت وردت
اداهرك يمه واشاقه وياك
وانه احب سوالفج ياجده من الله لا يحرمني منهن
ولا من كعدتج بنصنا
امين
امي ردت كمت حبيتها من راسها الها ولجدتي
طلعت من يمهم ورحت للمضيف
ليله
كلت لعمه راح اروح لهلي وصتني على نفسي
وشيلتني صوغه الهم طلعت من
غرفتي شايله عباتي
يم باب المطبخ تذكرت البوشيه كلت
مريم جيبها من غرفتي الفوك مانزلتها وي
الغراض
عوفيها يمه هو هيانه بيت اهلج خطف وتوصيلي
ها مو خاف رضا مايقبل ويكوم يحجي
ماايحجي روحي يمه اخوج واكف وينتضرج
ترددت اعرفه مايقبل اطلع بلايها لجن كلت
هيانه بيت اهلي وهسه اوصله بسرعه طلعت
لاخويه واكف بالحديقه شفته
ابتسمت هو هم ضحك
وكال
واخير الشيخ فك عصفورته من القفص
ههه اي انطاها اجازه لجن جم ساعه
نعمه ياخيه شلونج شخبارج يبعد اخوج
بخير ومشتاکه الكم كلكم
ههه حگج يمج احنا ومجاي نشوفج من
ورة حصار الشيخ عليج
ابتسمت سالته
اجه حسين
اي اجه بارحه بليل ههه مسوي مناظر وطالع
من صدك دكتور
مشتاكه اله
ماايخابرج
لاا يخابر على طول خطيه ويسأل عليه
وصلنا بيت اهلي طبيت عباس صاح
ااجتكم ليله
سمعت هوسه الجهال اجوي يرگضون
عليه امي طلعت من المطبخ هي والبنات فرحانات
بيه وبجيتي عليهم
اجن حبني نعيمه كالت
كلوووش اليوم الشيخ هد طيرته
هههه نفس كلام عباس
رديت عليها اخويه ضحك وكال
صدك تره مو جذب
كمل
اروحن وارد وكت الغده
روح يمه الله وياك
الحر موش طبيعي هالسنه
كلت هالكلام وذبيت عباتي انطيت صوغه الجهال
وصوغه اهلي كعدت يمهن بالمطبخ
اشم ريحه يخني سالت
حسين وين
نايم ماكعد لحد هسه
زهره ردت وكملت
هاا هيانه اجه
اخويه طب شافني ابتسم واجه عليه
كمت بوجهه حبني وكال
شلونج ليله وشخبارج
الحمد لله بخير اسال عليك
كعد يمي يعاين عليه من فوك ليجوه بعدين
سال
كاعد تراجعين دكتوره
اي
سويتي تحليل زلال
اي سويت هوايه تحاليل وكلهن زينات
اخويه عكد حواجبه يعاين لبطني خجلت منه
سال
اخذتي سونار
ههه عمه شوفي حسين راح يطبق الدرسه
براس ليله
يمه شبيها اختك تره وكعت کلبي
امي حجت بقلق وخوف
اخويه حك راسه ورد بخجل
ماكو شي يمه بس داشوف بطنها جبيره
هااا موو يعني
رديت بخجل نزلت راسي وكملت
موو هو مو واحد ااثنين بيه
بيج توووم
البنات صرخن اخويه عاين اليه مذهول
امي كالت
صلاااوت على النبي وج شنوو بيج كولي
يمه وفرحي کلبي
ولد يمه
انه رديت هالرد وماشوفها غير تكعد وتكهد بالبجي
كمت ورحت ليمها كعدت وكلت
ليش تبجين يمه
فرحاانه يبعد امج الله جبر خاطرج وعوضج
عن الراح باثنين
ااي الحمد لله والشكر
اخويه رد زهره سالتني بفرح وعيون مغوركه
اكيد ليله شفتيهم ولد
اي الدكتوره اكد هالشي وكالت بيج ولد
اثنين
يالله يارب يطلع صدك وتفرحين يايمه
وتفرحين الشيخ واهله
ولج شكال شسوه من عرف اكيد فرح
وگضج بوس وحظن
امي عضت شفتها انه متت خجل من
اخويه كام وكال
اروحن للهول
ماتريد ريوك
لاا يمه بس جاي خليني جوعان حتى اضرب
ثريد مال يخني وياكم
طلع من يمنه زهره غمت نعيمه وكالت
دهر صابج خجلتي الولد
هههه نسيت هو عازب
انزول عليج نعيمه الولد غده دم وخليتي
يطلع من يمنا بسرعه
شمالج ياعمه تره حسين مو فقير هو مسوي
روحه هيج ومن جوه الله اليستر
لا عيني ابني فقير وماعنده سوالف شباب
هالوكت
اااي عيني منو يشهد للولد غير امه
امي ضحكت زهرة كالت
اامشينا خلي نخبز ونفضه قبل الغده
كمت وكلت
اجي وياجن
وين عيني تجين بالعباس بس يلمحج
الشيخ واكفه تشتغلين ويانا الا يشمرنا انه
وزهره بالتنور
ضحكت کضيت بطني زهره دفعت نعيمه
وكالت بضحك
اامشي ولج هسه تجيب من وكت وتوكع براسنا
هههه
طلعن من يمنا يضحكن بالغده التمينا ابويه من
سمع هو واخوتي فرحو اليه ودعو
اكوم بالسلامه
العصر اجه بسرعه رجعت من بيت اهلي وي
حسين بعدني بالحديقه وشفت رضا جاي ويا
اثنين عيوني صارت بعيونه الخزره
شفتها غطيت وجهي
بعباتي ومشيت
بسرعه
ودعت اخويه وطبيت من المطبخ سلمت
على عمه والبنات ذبيت العبايه ورحت لغرفتي
گلبي يدك بسرعه وخايفه من هالخزره
سديت الباب ورايه رحت
علكت العبايه انفتح
طب هو الوجه
مکلوب والغضب تارس ملامحه
سده بقوه وانهد
« من طلعتي لاهلج ليش مالبستي البوشيه
« ﻛﻠﺖ ﻣﺎﻳﺤﺘﺎﺝ
ﺍﻟﺒﺴﻬﺎ،،،،،،لان المسافه مو بعيده عنهم
کضني من زندي بقوه وصاح بيه
« ﺍاااسمعيني ولج المسافه كصيرة بعيده
تلبسيها وبعد ماااريدج تكسرين جلمتي
لاتشوفين شي مااايسرج
درت وجهي منه دموعي نزلت صاح
« ﺍﻓﺘﻬﻤﺘﻲ ﻛﻼﻣﻲ ﻟﻮ ﺍﻋﻴﺪ ﻣﺮﻩ ﺛﺎﻧﻴﻪ
ﻫﺰﻳﺖ ﺭﺍﺳﻲ باي وکضيت ايده كلت
بخنگه
« ﻋﻮﻓﻨﻲ ﺍﻳﺪﻱ،،ﻛﺎﻣﺖ
ﺗﻮﺟﻌﻨﻲ
رضا
عفتها من شفتها كامت تبجي طلعت من يمها غادي
نار كسرت جلمتي وانه كايل الها
مااريدن احد يشوفج
او يلمح طيفج
وهي اجت تمشي وي اخوها والضحكه تارسه
الوجه وتعرف الحرس بكل مجان
وولدنا يفترون وياهم
امي تلكتني كالت بعتب
« رضا هي نستها ودزت
مريم عليها لجن انه كتلها لاتلبسيها هيانه بيت
اهلج
« ﻳﻤﻪ شلون ادكولين الها هالشي وهي شلون
طلعت بلياها وتعرفني مااقبل
تكشف ووجهها لاي احد
« صارت بعد يايمه شتريد تسوي الها تقهرها
وهي حامل بأثنين ماتخاف عليها يصير
بيها شي من القهر وصياحك
عليها
ﻋﻜﺪﺕ ﺣﻮﺍﺟﺒﻲ ﻭﺟﺎﻭﺑﺘﻬﺎ
ﻭﺭﻩ ﻟﺤﻈﻪ
« ﺍﺳﺘﻐﻔﺮ ﺍﻟﻠﻪ ﻳﺎﺭﺏ،،،،ﻳﻤﻪ ﻣﺮﻩ ﺛﺎﻧﻴﻪ
ﻻﺗﺨﻠﻴﻬﺎ ﺗﻄﻠﻊ،،،ﺑﺪﻭﻥ ﺑﻮﺷﻴﻪ ﻭﺍﻟﻲ ﻳﺮﺣﻢ ﻭﺍﻟﺪﻳﺞ،،،ﺑﻌﺪ ﻻﺩﻛﻮﻟﻴﻦ ﺍﻟﻬﺎ ﻻﺗﻠﺒﺴﻴﻬﺎ ﺍﻧﻪ ﻣﺎﺍﺭﻳﺪﻥ ﺍﺣﺪ ﻳﺸﻮﻓﻬﺎ ﺍﺗﺨﺒﻞ لو شافها نظر غيري
امي ضحكت وردت
« والله يايمه انت عاشكها عشك
ﻣﺴﻮﺩﻥ ﻭﺍﺫﺍ ﻫﻴﺞ ﺗﻐﺎﺭ،، ﻋﻠﻴﻬﺎ ﺍﺷﻮﻓﻦ
ﻟﻮ ﺗﺨﻠﻴﻬﺎ ﺑﻘﻔﺺ ﺍﺣﺴﻨﻠﻚ ﻫﻮﺍﻳﻪ
ﺍﺑﺘﺴﻤﺖ ﻣﻦ ﺳﻤﻌﺖ كلامها رديت
« ﺍﻧﻪ ﻃﺎﻟﻊ ﻳﻤﻪ،،،ﻭﺍﻧﺘﻲ
ﺳﻜﺘﺖ ﻭﺫﺑﻴﺖ ﺣﺴﺮﻩ ﻣﻦ ﮔﻠﺒﻲ
ﺍﻓﺘﻬﻤﺖ ﻋﻠﻴﻪ،،،
« ﺭﻭﺡ ﻳﻤﻪ ﻫﺎﻱ ﺍﻧﺘﻮ ﻭﺍﺣﺪﻛﻢ ﻳﻜﺴﺮ
ﻭﺑﻨﻔﺲ ﺍﻟﻠﺤﻈﻪ ﻳﺠﺒﺮ،،،،،
رحت للمضيف كعدت وي ضيوفي لجن بالي من
يمهم يم الاخذت گلبي وروحي هذا
انه من ﺍﻓﻘﺪ ﻭﺍﺻﻴﺮﻥ ﻋﺼﺒﻲ
ﻣﺎﺍﻋﺮﻑ ﺑﻌﺪ ﻣﻨﻮ ﻭﺍﻛﻒ ﭼﺪﺍﻣﻲ،،،
ﻃﺒﻌﻲ ﻭﺍﻋﺮﻓﻨﻪ ﺻﻌﺐ
ﺯﻳﻦ،،،،،،ﻭﺍﻟﻲ ﻳﺨﻄﺄ
ﻣﺎﺍﻛﺪﺭ ﺍﻟﻪ ﺍﻋﺎﻗﺒﻪ،،،ﻭﻟﻮ ﺟﺎﻥ ﻋﺰﻳﺰ
ﺍﻟﮕﻠﺐ ﻭﺭﻭﺡ ﺍﻟﺮﻭﺡ
ليله
من طلع رضا كعدت ابجي والوم بروحي لان
مالبست البوشيه اعرفه بهل
الشي صعب وموصيني
عليها من اول يوم اخذني بي الباب اندك
طبت عمه مسحت دموعي ابتسمت
وكالت
الصوج مني انه اجت من وجهي يايمه
لا عمه انتي ياهو مالتج انه الغلطت اعرفه
مايقبل اطلع كاشفه وجهي وعدالي
ماراح يشوفني
ههه ربج جان بالمرصاد وكشفني انه وياج
ابتسمت کوه كعدت يمي وكملت
رضا يحبج هوايه ياليله ويغار كلش عليج
سكتت هي كملت
اااي الله يرحمه لابوه جان مثله
الله يرحمه برحمته الواسعه
رديت وسالت
هم جان مثله يغار عليج
اي يمه جان يغار كلش ومجان يخليني
اطلع حتى للنسوان البره
صفنت عليها ام رضا حلوه حنطاويه والعيون
كبار اليشوفها يكول حياه ورضا مو ولدها
اخوتها ابتسمت اليه وكملت
انه بزماني جنت حلوه كلش وعمج شافني مره
وكال لو هاي لو ماازوج ابويه الله
يرحمه سيد وجان يريد
يزوجني لسيد مثله
ااي وتالي شلون قبل بعمي
قبل من شافه ذبح روحه عليه وجاب شيوخ
كبار يتوسطون اله
جنتي مدلله يم اهلج موو عمه
اي جنت هالوحده ومن تزوجت امي بجت عليه
دم هي وابويه الله يرحمهم لجن عمج
ماقصر وياهم ظلي يودي
ويجيب بيه ومن وكعو
ظليت اداري بيهم
وهو وياي
الما الله اخذ امانتهم
كالت هالكلام ووجهها انطعن کضيت ايدها
ذبت حسرة وكملت
ماكو اغلى من الام والاب شما نسوي الهم ماراح
نجازيهم ابدا
اي والله وخص الام ياعمه جنه ووجودها
بالبيت بركه
هاي عندج يمه وعندي هسه مااعرف شكاعد
يصير العقوق ياساتر يارب انتشر
بهل الدنيا وكمنا نسمع
ونشوف شي يشيب
الراس
هزيت راسي بأي باب اندك مريم طبت
كالت
يمه بويه دز وكال لاتسون عشه راح نشوي
سمج
زين ماسوه مالنا خلك نكف ولا ننخلي طاوه
على الطباخ
عمه ردت وكامت كملت وياي
« ﻟ ﺍﺫﺍ ﺗﻌﺒﺎﻧﻪ ﺭﻭﺣﻲ ﺍﺭﺗﺎﺣﻲ
ﻭﻣﻦ ﻳﺼﻴﺮﻥ ﺍﻟﻌﺸﻪ ﻧﻨﺪﻩ ﻋﻠﻴﺞ
« ﻻ ﻳﻤﻪ مااريدن اظل وحدي هسه اغسل واجي
اطبخ تمن احمر
انه اطبخ كلشي لاتسوين
ردت علي وكملت وي مريم
امشي يمه اغسلي ست اكواب خلي يتنگع
اي هسه
طلعن من يمي غسلت ورحت للمطبخ سويت
زلاطه وطلعنا طرشي الخبزات انخبزن
وخلو وراهن السمج
ﺟﺎﻥ ﻣﺎﻛﻮ ﺍﺣﺪ ﺑﺎﻟﻤﻀﻴﻒ،،،،، ﺻﺎﺭ ﺍﻟﻌﺸﻪ ﻓﺮﺷﻨﺎ ﺍﻟﺴﻔﺮﻩ،،،،ﻭﺍﻟﺒﻨﺎﺕ،،،ﻛﺎﻣﻦ ﻳﺸﻴﻠﻦ ﺑﺎﻻﻛﻞ
مشوار طب رضا وراح للغرفه
ماكمت وراه زعلانه
عليه وضايجه من عصبيته وياي
ﺟﻨﺖ ﻛﺎﻋﺪﻩ ﻳﻢ ﺟﺪﻩ ﺭﺍﺯﻗﻴﻪ،،،ﻻﻥ ﻣﺎﺍﻛﺪﺭ ﺍﻛﻌﺪ ﺑﺎﻟﻜﺎﻉ
اجه كعد عاكد الحواجب كال بلهجه
امر
« ﻟﻴﻠﻪ ﺗﻌﺎﻟﻲ ﺍﻛﻌﺪﻱ ﻳﻤﻲ،،،
عمه ردت
« ﻳﻤﻪ ﻋﻮﻓﻬﺎ ﻣﺎﺗﻜﺪﺭ ﺗﻜﻌﺪ ﺑﺎﻟﻜﺎﻉ
« ﻳﻤﻤﻤﻪ،،،
من نبره صوته كلت الاعصاب فول جفيت
الشر وكمت رحت كعدت يمه واحس
العيون كلها عليه
ﺑﻠﻌﺖ ﻏﺼﺘﻲ ﻭﺍﺧﺬﺕ ﻣﻨﻪ ﺍﻟﺨﺒﺰﻩ ﻣﻦ ﺍﻧﻄﺎﻧﻴﻬﺎ ﻭﻫﻮ ﺳﺎﻛﺖ
ﻣﺎﺍﻛﻠﺖ ﻛﻠﺸﻲ،،،،ﻻﻥ ﻣﺎﻟﻲ ﻧﻔﺲ
ﻭﻛﻤﺖ ﻭﺭﻩ ﺭﺑﻊ ﺳﺎﻋﻪ ﺑﺼﻌﻮﺑﻪ،، مشيت
گاضه بطني جده
تعاين اله بضوجه لجن ماحجت شي
طبيت غرفتي غسلت بالحمام مالتها طلعت
رضا طب سد الباب عاين
عليه وسال
« ليش كمتي وانتي مو ماكله شي
ﻣﺎﺭﺩﻳﺖ كعدت قرب وكمل بغضب
« ﻣﻦ ﺍﺣﺎﺟﻴﺞ ﺟﺎﻭﺑﻨﻲ،،،
« ماااتعشيت لان انت عشيتني خوش
عشه
رضا
ابتسمت من سمعت ردها وشفتها مغندبه
رديت
« ﺍﻓﺎﺍﺍ ﻣﻨﻮ ﻋﺸﺎﺝ،،،،،
عاينت عليه بضوجه ،،،وردت
« ﺍﺳﺎﻝ ﻧﻔﺴﻚ انت مو غثني بدل المره
اثنين وعدالك حن لزعلي وجفاي
وكفت يمها دارت وجهها مني کضيت خدها
وخرت ايدي ضحكت وكلت
«اذا تزعلين عليه اذبحج والله
فگت عيونها وعاينت اليه سالت
« ﺗﺬﺑﺤﻨﻲ من صدك
« ﺍﻱ ﻟﻴﻠﻪ،،،ﺍﺫﺑﺤﺞ بهاي
اخذتها لحظني وحبيتها بقوه ضعت وضيعتني
وکربها مني جانو اكبر سلاح يخليني
انسى غضبي منها كلت
بهمس يم خدها
« ﻟﻴﻠﻪ افهمي انه اغار عليج واموت لو احد
لمحج او شاف طرف ثوبج ووج
والله اتمنى اكدر
اخليج بنص گلبي واخفيج عن عيون
الناس
« ﻭﻋﺪ ﻣﺎﺍﺧﻠﻲ ﺍﺣﺪ ﻳﺸﻮﻓﻨﻲ ﻭﻫﺎﻱ
ﺍﺧﺮ ﻣﺮﻩ ﺍﻧﺰﻉ ﺍﻟﺒﻮﺷﻴﻪ،،،
ابتسمت لها وكلت
مااريدج تزعلين عليه يأذيني جفاج
ام شبل
ابتسمت بوجهي كملت
« ﻳﺎﻟﻪ ﻛﻮﻣﻲ ﺍﻧﺰﻟﻲ ﻭﻳﺎﻱ ﻭﺗﻌﺸﻲ
ﻣﻮﺯﻳﻦ ﻋﻠﻴﺞ ﻭﻋﻠﻰ ﺍﻟﻮﻟﺪ ﺗﻀﻠﻴﻦ
ﺟﻮﻋﺎﻧﻪ
« ﻣﺎﺍﺷﺘﻬﻲ،،،، ،،ﺍﻧﻪ ﺍﺫﺍ ﺍﺟﻮﻉ ﺍﻛﻞ
ﻏﻴﺮ ﺷﻲ
« ﻟﻴﻠﻪ ﻛﻮﻣﻲ،،،ﻭﻻﺗﻌﺎﻧﺪﻳﻦ،،،ﻫﺴﻪ ﺑﺲ ﺍﻋﻮﻓﺞ ﺗﻨﺎﻣﻴﻦ ﺑﻼ ﻋﺸﻪ
هزيت راسي باي وكمت ويا من كام ﺭﺍﺡ ﻟﻠﻤﻀﻴﻒ ﻭﺍﻧﻪ ﺭﺣﺖ ﻟﻠﻤﻄﺒﺦ،،ﻃﻠﻌﺖ ﺧﺒﺰ ﻋﺮﻭﻙ،
اخذته للغرفه ،،،
ﻣﻦ ﻃﺒﻴﺖ ﺭﺣﺖ ﻟﻠﺜﻼﺟﻪ ﻣﺎﻟﺘﻲ،،،
ﻭﺍﺧﺬﺕ ﺑﻄﻞ ﺍﻭﺭﺟﻴﻨﺎﻝ ،،،ﻭﻛﻼﺹ،،،ﻭﺭﺣﺖ
ﻛﻌﺪﺕ ﻋﻠﻰ ﺍﻟﻘﻨﻔﻪ،، ،،،ﺍﻛﻠﺖ ﻣﻨﻬﺎ ﻧﺺ
ﻭﺷﺮﺑﺖ ﻛﻼﺹ،،،ﻭﺧﻠﻴﺖ ﺍﻟﺒﺎﻗﻲ
ﺑﺎﻟﺜﻼﺟﻪ،،،ﻭ
ﻭﺭﻩ ﺷﻮﻳﻪ ﺣﺴﻴﺖ ﺑﺘﻌﺐ،،،ﻭﺗﻤﺪﺩﺕ ﻭﻏﻔﻴﺖ ﺑﺪﻭﻥ ﻣﺎﺍﺩﺭﻱ،،حسيت ايد حظتني فتحت
ﻋﺎﻳﻨﺖ ﺍﻟﻪ،،،ﻭﺍﺑﺘﺴﻤﺖ ﻣﻦ ﺷﻔﺖ ﻋﻜﺪﻩ ﺣﺎﺟﺒﻪ ﺍﻟﻲ ،،،،ﺍﺑﺪ ﻣﺎﺗﻨﻔﻚ ﺍﺑﺪ ﻻ ﺑﻨﻮﻡ
ﻭﻻ ﺑﺼﺤﻮﻩ مديت ايدي
الها ڰضها وحبها كال
« ﻫﺴﻪ ﻳﺎﻟﻪ ﻛﻌﺪﺗﻲ، ،،ﺷﻴﺨﻪ ﻟﻴﻠﻪ
ﺍﺑﺘﺴﻤﺖ ﻭﻋﺮﻓﺘﻪ ﻋﻠﻰ ﺷﻨﻮ ﻳﻘﺼﺪ
ﻭﺭﻓﻌﺖ ﺭﻭﺣﻲ ﻭﺑﺴﺘﻪ ﻣﻦ ﺧﺪﻩ
ﻭﺟﺎﻭﺑﺘﻪ
ﺣﻘﻚ ﻗﻠﺒﻲ ﺑﺲ ﻭﺍﻟﻠﻪ ﻣﻦ ﺍﻟﺘﻌﺐ
ﻣﺎﺣﺴﻴﺖ ﺑﺮﻭﺣﻲ ﺍﻻ غافيه ورايحه بسابع نومه
« ﺣﻜﺞ ﺑﻮﻳﻪ،،،ﺍﺛﻨﻴﻴﻦ ﺑﻄﻨﺞ،،
ﻭﻣﺘﻌﺒﻴﺞ،،،ﺑﺲ ﺍﻧﻪ ﻫﻢ ﺧﻄﻴﻪ،،،ﻭﺻﺎﺭﻟﻲ ﺩﻫﺮ ﻣﺤﺮﻭﻡ
« ﻫﻬﻬﻪ ﺍﻭﻳﻠﻲ ﻣﻦ ﺍﻟﻤﺤﺮﻭﻡ،،،ﻭﻳﺪﻭﺭ
ﺣﻜﻮﻙ ﻣﻨﻲ،،،،،،
لمني بحظنه وحبني من رگبتي الباب اندك
بقوه ويا صياح امه
رضااا االحك يمه حركو زرعك
فز من يمي بسرعه لبس كلابيته وطلع
كمت وراه مرعوبه من السمعته طلعت وراه
البيت مكلوب امه تبجي والبنات يمها
تصيح
ولجن ضاااع التعب وراح الزرع
عمه شصاااير
سالت بخوف سمعت صياح رضا بره سالت
مره اللخ
« ﺷﺼﺎﻳﺮ ﻭﻣﻨﻬﻮ ﺍﻟﻲ ﺣﺮﻙ ﻛﺎﻋﻨﺎ
« ﻣﺎﺍﺩﺭﻱ ﻟﻴﻠﻪ ولج طارش ااجه
ﻭﻛﺎﻝ ﺷﻔﻨﺎ ﺍﻟﻨﺎﺭ ﻣﺸﺘﻌﻠﻪ ﺑﺎﻃﺮﺍﻑ
ﺍﻟﻜﺎﻉ ﻭﺷﺎﻳﻔﻴﻦ ﻛﻢ ﻭﺍﺣﺪ ﺷﺮﺩﻭﺍ
ﻣﻦ ﺍﻟﻤﻜﺎﻥ،،،،
« ﻭﻟﺞ ﻧﺒﻌﻪ ﻫﺬﺍ ﺍﺫﺍ ﻣﻄﻠﻊ ﻣﻨﺎ ﻭﺑﻴﻨﺎ ﺍﻟﺴﻮﺍﻫﺎ ﺍﻧﻪ
ﻛﻠﺸﻲ ﻣﺎﺍﻋﺮﻑ،،،
جده انهظت بغضب ردت عليها بقهر
« ﻣﺎﺍﺩﺭﻱ،،،ﻳﻤﻪ ﺍﻧﻪ ﻫﺴﻪ ﺑﺎﻟﻲ ﻇﻞ
ﻳﻢ ﺭﺿﺎ،،،ﺍﺧﺎﻓﻦ ﻳﺼﻴﺮ ﺑﻲ ﺷﻲ
« ﻻﺗﺨﺎﻓﻴﻦ ﻋﻠﻴﻪ ﺍﺑﻨﺞ ﺫﻳﺐ،،
ﻭﻣﺎﻳﻨﺨﺎﻑ ﻋﻠﻲ
ﺟﻨﺖ ﻭﺍﻛﻔﻪ ﻭﺍﺳﻤﻊ ﺣﺠﻴﻬﻦ روحي لابت وهيست
بالشر رحت لوره البيت طلعت من باب المنور
اعاين للكاع من بعيد لاحت لي النار
مشتعله بالسما
يارب الطف بينا وابعد الشر عن رضا
والويا
البنات اجن يمي خايفات ومرعوبات
يحجن ويكولن
منهو الحرك كاع ابويه
وج زهاء شوفي اللهبه شلون صاعده للسما
ااي مريم كاعد اشوفها
وين التليفون خلي اخابر ابوجن ماظل عندي
صبر
ورد راحت تركض لجوه جابته اليه دكيت
علي ماكو مايرد رجعت لجوه حجيت
بخوف
«عمه اخابر رضا مايرد خاف صار علي
شي
« ااسكتي يمه ولاتفاولين علي بالشر
هو يجي
سكتت من حجت جده السالفه طولت دكينا
علي هوايه مايرد كامت وكالت
« ﺍﺭﻭﺣﻦ ﺍﺷﻮﻑ ﺍﻟﻮﻟﺪ ﻣﺎﺍﺟﺎﻫﻢ ﺧﺒﺮ
ﻣﻦ ﺭﺿﺎ،،
بعدها يمنا حياه بت تحجي
« ياهو الحرك كاع اخويه من عساها بحظه
وبخته السواها
ﻛﻤﺖ ﺑﻮﺟﻬﻬﺎ ﻣﻦ ،،،،،ﻃﺒﺖ ﻟﻠﻬﻮﻝ ﻫﻲ
ﻭﺩﻋﺎﺀ ﻭﺯينب من ﺷﺎﻓﺘﻨﻲ ﺍبجي
وخايفه كالت
ﻻﺗﺒﺠﻴﻦ ﻟﻴﻠﻪ ﺍﺑﻮ ﺯﺍﻫﺪ ﺭﺍﺡ ﻋﻠﻲ ﻫﻮ ﻭﺍﻟﻮﻟﺪ، ،،
« ﺍﻡ ﺯﺍﻫﺪ ﻣﺎﻳﺮﺩ ﻋﻠﻴﻪ،،،ﺧﺎﺑﺮﺗﻪ
ﻭﻣﺎﻳﺮﺩ ﺍﺧﺎﻓﻦ ﺻﺎﺭ ﺑﻲ ﺷﻲ
« ﻻﺗﺨﺎﻓﻴﻦ،،، ﻭﺗﻌﺎﻟﻲ ﺍﻛﻌﺪﻱ
ﻻﻳﺼﻴﺮ ﺑﻴﺞ ﺷﻲ
ﻛﻌﺪﺕ ﻛﻮﻩ ﻭﺍﻧﻪ ﺍﻋﺎﻳﻦ ﺑﺎﻟﻮﺟﻮﻩ ﺍﻟﺨﺎﻳﻔﻪ
ﺩﻋﺎﺀ ﻋﺎﻓﺖ ﺍﺑﻨﻬﺎ ﻳﻢ اختها ﻭﺭﺍﺣﺖ
ﺟﺎﺑﺖ ﻣﻲ ﺍﻟﻲ،،،ﺷﺮﺑﺖ ﺷﻮﻳﻪ ﻭﺣﺠﻴﺖ
ﻭياها
« ﺯﻳﻨﺐ ﺣﺒﻴﺒﻪ ﻣﺎﺗﺸﻮﻓﻴﻦ ﺟﻬﺎﺯ ابوج
خاف ناسي بغرفتنا
« ﺍﻱ ﻟﻴﻠﻪ ﻫﺴﻪ،،،
ﺯﻳﻨﺐ ﺭﺍﺣﺖ،،،،ﻭﺟﺪﻩ ﺭﺍﺯﻗﻴﻪ ﺣﺠﺖ
ﻣﻦ ﺭﺟﻌﺖ ﻣﻦ ﺑﺮﻩ
« ﻛﻠﻬﺎ ﺭﺍﻳﺤﻪ ﻟﻜﺎﻋﻨﺎ ،،،ﻭﻣﺎﺑﺎﻗﻲ ﺑﺲ
ﺍﺑﻮ ﻋﺒﺎﺱ ﻭﻧﺎصر
ﺯﻳﻨﺐ اجت ﻛﺎﻟﺖ ﺟﻬﺎﺯﻩ هيانه مو ماخذه
ﺳﺎﻋﻪ ﻭﺳﺎﻋﺘﻴﻦ،،،،ﻭﺍﺣﻨﺎ ﻧﺮﻳﺪ ﺧﺒﺮ
ﻣﻨﻪ ﻣﺎﻛﻮ ﻣﺎﺗﺤﻤﻠﺖ ﻭﻛﻤﺖ،،،،ﻭﻟﺒﺴﺖ ﻋﺒﺎﺗﻲ
ﻭﻃﻠﻌﺖ ﺑﺮﻩ ﻧﺪﻫﺖ ﺍﺧﻮﻳﻪ ﺍﻟﻲ ﺍﺟﻪ
ﺑﺴﺮﻋﻪ ﻭﺣﺠﻪ
« ﻫﺎﺍﺍ ﺧﻮﻳﻪ ﺑﻴﺞ ﺷﻲ
« ﻧﺎﺻﺮ ﺭﺍﺡ ﺍﻣﻮﺕ ﻇﻞ ﺑﺎﻟﻲ ﻋﻠﻰ ﺭﺿﺎ
ﻭﻳﻦ ﺻﺎﺭ
« ﺍﺭﺟﻌﻲ لجوة
ﻭﻻﻳﻈﻞ ﺑﺎﻟﺞ،،،ﻫﺴﺎﻉ ﺧﺎﺑﺮﺕ
ﺣﻴﺪﺭ، ،،،ﻭﻛﺎﻝ ﻃﻤﻦ ﺍﻻﻫﻞ،،،ﺍﺣﻨﺎ ﺭﺍﺩﻳﻦ
ﺑﻌﺪ ﺷﻮﻳﻪ،،،
« ﻫﺎﺍﺍ ﻳﻌﻨﻲ ﻣﺎﺑﻴﻬﻢ ﺷﻲ
« ﺍﻳﻴﻲ ﻟﻴﻠﻪ، ،،ﻣﺎﺑﻴﻬﻢ ﺷﻲ ﻭﻫﺴﻪ ﺑﺲ
ﻳﺠﻮﻥ ﻧﻔﺘﻬﻢ ﻣﻨﻬﻢ،،،ﺷﺼﺎﺭ
رجعت لجوه وبشرت الكل ،،ﻭﺭﻩ ﺭﺑﻊ ﺳﺎﻋﻪ
ﺳﻤﻌﺖ،،،ﻫﻮﺳﻪ ﺍﻟﺰﻟﻢ ﺑﺮﻩ،،،،ﺍﻟﺒﻨﺎﺕ ﺭﺍﺣﻦ
للشباج وانه ﻭﻳﺎﻫﻦ
ﺷﻔﺖ ﺭﺿﺎ ﻭﺍﻛﻒ،،،ﻭﻻﻑ ﺍﻟﻴﺸﻤﺎﻍ
ﻋﻠﻰ ﺭﺍﺳﻪ ﻭﻳﺤﺠﻲ ﻭﻱ ﺍﺑﻮﻳﻪ
گلبي ﺍﺭﺗﺎﺡ،،،ﻭﺭﺟﻌﺖ ﺑﺴﺮﻋﻪ ﻟﻴﻮﺭﻩ
ﻣﻦ ﺷﻔﺘﻪ ﻋﺎﻳﻦ ﻟﻠﺒﻴﺖ
ﻇﻠﻴﺖ ﺍﺭﻭﺣﻦ ﻭﺍﺟﻲ ﻭﺍﻧﻪ،،،ﺍﻋﺎﻳﻦ
ﻟﻠﺒﺎﺏ ﺻﺎﺭ وجع
ﺑﺒﻄﻨﻲ ﻗﻮﻱ
ﻛﻌﺪﺕ ﻻﻥ ﺧﻔﺖ ﻋﻠﻰ ﻭﻟﺪﻱ
ﺩﻗﺎﺋﻖ،،،ﻭﻃﺐ ﺭﺿﺎ،،
ﺍﻣﻪ ﺭﺍﺣﺖ ﺑﺴﺮﻋﻪ ﻋﻠﻴﻪ،،،كالت
« ﻫﻼ ﻳﻤﻪ ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ
« ﺍﻟﻠﻪ ﻳﺴﻠﻤﺞ ﻳﻤﻪ
الكل تحمد اله بالسلامه كال اليه
« ﻟﻴﻠﻪ ﺣﻈﺮﻟﻲ ﻫﺪﻭﻡ ﻏﻴﺮ ﻫﺎﻱ ﺣﺘﻰ
ﺍﺑﺪﻝ ﻭﺍﺭﻭﺣﻦ ﻟﻠﻤﻀﻴﻒ،،،
ﻫﺰﻳﺖ ﺭﺍﺳﻲ ﺍﻟﻪ،،،ﻭﻣﺸﻴﺖ ﻗﺒﻠﻪ
ﻭﻫﻮ ﻭﺭﺍيه رحت،،،ﻟﻐﺮﻓﺘﻲ ﻭﺍﻭﻝ ﻣﺎﻃﺒﻴﻨﺎ ﻭﺳﺪ ﺍﻟﺒﺎﺏ ﻭﺭﺍﻧﺎ حظنته ريحته دخان هدومه
كلها صايره سوده
الحمد لله على سلامتك ظل بالي عليك
ومااعرف شصار بيه
حجيت هالكلام وعاينت اله ضايج وجهه
مكدر ومبين علي التوتر سالت
« ﺷﺼﺎﺭ ﻭﻣﻨﻬﻮ ﺫﻭﻟﻪ ﺍﻟﻲ ﺣﺮﻛﻮﺍ
ﺯﺭﻋﻚ
ﺫب ﺣﺴﺮﻩ رد
«ﻣﺎﻋﺮﻓﻨﺎﻫﻢ،،،،ﻻﻥ ﺣﺮﻛﻮﺍ ﺍﻟﺰﺭﻉ
ﻭﺷﺮﺩﻭﺍ،،،،ﻭﺍﻟﺤﻤﺪ ﻟﻠﻪ ﺍﻟﺨﺴﺎﻳﺮ ﻣﻮ
هوايه ﻭﻛﺪﺭﻧﺎ ﻧﻄﻔﻲ ﺍﻟﻨﺎﺭ،،،،ﺑﺴﺮﻋﻪ
« ﻓﺪﻭﻩ ﺍﻟﻚ ،،،ﺑﺲ ﺍﻧﺘﻪ ﺳﺎﻟﻢ
« ﻟﻴﻠﻪ ﻫﺪﻭﻣﻲ ﺑﺴﺮﻋﻪ ﺍﺭﻳﺪﻥ ﺍﺳﺒﺢ
ﻭﺍﻧﺰﻝ ﻟﻼﻭﺍﺩﻡ،،،
« ﺍﻱ ﻫﺴﻪ،،،
ﺣﺠﻴﺖ ﻫﻴﺞ ﻭﺭﺣﺖ ﻃﻠﻌﺖ ﻫﺪﻭﻡ
ﻭﺭﺣﺖ ﻭﺭﺍﻩ ﻟﻠﺤﻤﺎﻡ ﻋﻠﻜﺘﻬﻦ
ﻭﻃﻠﻌﺖ،،ﻣﻦ ﻳﻤﻪ ﻭﺍﻧﻪ ﺍﺣﺲ ﺑﺘﻌﺐ
ﻭﻭﺟﻊ ﺑﻄﻨﻲ ﺯﺍﺩ
ﻛﻌﺪﺕ ﻋﻠﻰ ﺍﻟﺠﺮﺑﺎﻳﻪ ﻭﺭﺟﻌﺖ ﻇﻬﺮﻱ
ﻟﻴﻮﺭﻩ ،،،،ﺍﺭﻳﺪﻥ ﺍﺭﻳﺤﻪ ﺩﻗﺎﻳﻖ
ﺍﻻﻟﻢ ﺧﻼﻧﻲ ﺍﻃﻠﻊ ﺩﻭﺍﻳﻪ ﻭﺍﺷﺮﺑﻪ ﻋﻠﻰ ﺭﻳﻜﻲ ﻻﻥ ﻣﺤﺪ ﺗﺮﻳﻚ ﻭﻻ ﺧﻠﻪ ﻟﻜﻤﻪ ﺑﺤﻠﻜﻪ ﻣﻦ ﻭﺭﻩ ﺍﻟﺼﺎﺭ ،،،
« ﺣﺒﻴﺒﻪ،،، ﺍﻧﺰﻟﻲ. ﺟﻮﻩ ﻭﺳﻮﻭﻩ ﺭﻳﻮﻙ
ﻟﻼﻭﺍﺩﻡ،،
« ﺍﻱ ﻫﺴﻪ ﺍﻧﺰﻝ، ،،
ﻛﻤﺖ ﻣﻦ ﻣﻜﺎﻧﻲ،،
ﻭﻭﻛﻔﺖ ﻣﻦ ﺣﺴﻴﺖ ﺑﺎﻟﻢ ﺧﻴﻂ ﻇﻬﺮﻱ
ﻭﺑﺪﻭﻥ ﺷﻌﻮﺭ ﺻﺤﺖ
« ﺍﺍﺍﺥ ﻳﻤﻪ،،،
رضا
ﺩﺭﺕ ﺭﻭﺣﻲ ﺑﺴﺮﻋﻪ،ﻣﻦ ﺷﻔﺖ ﻟﻴﻠﻪ
کضت ﺑﻄﻨﻬﺎ ﻭﺻﺎﺣﺖ ﻭﺭﺣﺖ ﻋﻠﻴﻬﺎ
ﻭﺣﺠﻴﺖ بخوف
« ﺷﻤﺎﻟﺞ ﻳﺎﻟﻴﻠﻪ،،،،
« ﺭﺟﻌﻨﻲ،،،ﻟﻠﻔﺮﺍﺵ ﺑﻄﻨﻲ ﺗﻮﺟﻌﻨﻲ
رجعتها للفراش اشوف وجهها اصفر كلت
اروح اصيح امي
لااا رﺿﺎ ﻣﺎﺑﻲ ﺷﻲ ،،،ﺷﺮﺑﺖ ﺩﻭﺍﻱ
ﻫﺎﻱ ﻳﺠﻮﺯ ﻣﻦ ﺍﻟﻬﺒﻄﻪ، ،،ﺻﺎﺭ ﺑﻲ
ﻫﻴﺞ
« ﻇﻠﻲ ﻧﺎﻳﻤﻪ لاتتحركين ،،،ﺍ
ﻫﺴﻪ ﺭﺍﺡ ﺍطلع،،،ﻭﺍﺩﺯ ﻋﻠﻴﺞ ﻣﺮﻳﻢ
ﺗﻜﻌﺪ ﻳﻤﺞ،،،
« ﻣﺎﻳﺤﺘﺎﺝ گلبي ،،ﻫﺴﻪ اصير زينه
ﻫﺎﻱ ﺗﻘﻠﺼﺎﺕ ﺗﺮﻭﺡ ﻭتجي من
اشرب دواي تروح
ارتاحي بويه ولاتشغلين بالج بالصار فدوة
الراح بس انتي مايصير بيج شي
اي رضا
ردت علي طلعت من يمها اريدن امي
اوصيها عليها جدة صاحتني
« ﺗﻌﺎﻝ ﻳﻤﻪ ﻭﺍﺣﺠﻠﻲ شصار. منهو دك هالدكه
الناقصه بيك
« ﻳﺎﺟﺪﻩ ﺍﻧﻪ ﻟﻮ ﺍﻋﺮﻓﻪ،،،ﺟﺎﻥ ﺍﺟﺎﺝ
ﺧﺒﺮﻩ ﻗﺒﻞ ﻻﺗﺴﺎليني
« ﺷﻴﺦ،،،ﻋﻴﻨﻚ ﻋﻠﻰ ﻛﺎﻋﻚ،ﻭﺣﻼﻟﻚ،،،
ﻭﺟﺜﺮ ﺍﻟﺤﺮﺍﺳﻪ،،،ﺩﺍﻳﺮ ﻣﺪﺍﻳﺮ ﺍﻟﺒﻴﺖ
ﻫﺬﺍ ﻋﺪﻭ ﻭﺣﺎﻗﺪ ﻭﺭﺍﺡ ﻳﻌﻴﺪﻫﺎ
ﻣﺮﻩ ﺛﺎﻧﻴﻪ،،،
« ﺍﻓﺎ ﻳﺎﺟﺪﻩ،،،ﺑﺪﻭﻥ ﻣﺎﺗﻮﺻﻴﻦ ﺍﻧﻪ
ﺍﻋﺮﻑ ﻫﺬﺍ ﻭﺭﺍﺡ ﺍﺳﻮﻱ ﻣﺜﻞ ﻣﺎﻛﻠﺘﻲ
جده اشرت اليه قربت حجت بصوت
ناصي
« ﻋﻴﻮﻧﻚ ﻋﻠﻰ ﺍﻟﮕﺮﻳﺐ ﻭﺍﻟﺼﺪﻳق ﻗﺒﻞ
ﻋﺪﻭﻙ،،،ﻳﺒﻌﺪ ﺟﺪﺗﻚ،،،،،،ﻭﺳﻼﺣﻚ
ﻻﻳﻔﺎﺭﮒ ﺣﺰﺍﻣﻚ،،،،ﺗﺮﻩ ﺍﻟﻐﺪﺍﺭ
ﻣﺎﻣﻨﻪ ﺍﻣﺎﻥ
ﻋﻜﺪﺕ ﺣﻮﺍﺟﺒﻲ،،،،ﻭﺣﺠﻴﺖ
« ﺳﺎﻣﻌﻪ ﺷﻲ ﺗﻌﺮﻓﻴﻦ ﺷﻲ ﻳﺎﺟﺪﻩ
ﺳﻜﺘﺖ ﻭﻋﺎﻳﻨﺖ بتركيز اليه ردت
لا يمه مو سامعه شي لجن احنا نعرف اوادمنا
وتعرف من اليحبنا ومنهو اليكرهنا
اﻓﺘﻬﻤﺖ،،،،،شنهي قصدها لميت
ﺍﻳﺪﻱ ﺑﻐﻀﺐ ﻣﻦ ﺗﺬﻛﺮﺕﻻﻧﺎﻫﻲ ﻭﻻ ﺍﺧﻮﺗﻪ ﻭﻭﻟﺪﻫﻢ ﺍﺟﻮﻱ،،،
ﻭﻃﻔﻮﺍ ﺍﻟﻨﺎﺭ ﺍﻟﻲ ﺍﺷﺘﻌﻠﺖ ﺑﻜﺎﻋﻲ
ﻫﺰﻳﺖ ﺭﺍﺳﻲ،،،،،ﻭﻃﻠﻌﺖ
ﺑﻌﺪ ﻣﺎﻭﺻﻴﺖ ﺍﻣﻲ ﻭﺍﻟﺒﻨﺎﺕ،،،ﻳﺴﻮﻥ
ﺭﻳﻮﻙ ﻭﻳﺠﻬﺰﻥ ﺍﻟﻐﺪﻩ،،،،
اخذت الحجيه علئ صفحه وكلت
« ﻳﻤﻪ ﻟﻴﻠﻪ،،،ﻣﺎﺍﺩﺭﻱ ﺷﺒﻴﻬﺎ ﺑﻠﻜﻲ ﺗﺸﻮﻓﻴﻬﺎ
« ااسم االله شجاها يمه وشبيها
« ﺑﻄﻨﻬﺎ ﺗﻮﺟﻌﻬﺎ ﻭﺷﻜﻠﻬﺎ ﻣﺎﻳﻄﻤﻦ
ﺭﻭﺣﻲ ﺷﻮﻓﻴﻬﺎ،،،ﺍﻧﻪ ﻃﺎﻟﻊ،،،ﻭﺑﻌﺪ
ﺷﻮﻳﻪ ﺭﺍﺩ ﺍﻃﻤﻦ ﻋﻠﻴﻬﺎ
« ﺭﻭﺡ ﻳﻤﻪ ﻭﻻﺗﺸﻴﻞ ﻫﻢ،،،،،ﻫﺴﻪ
ﺍﺭﻭﺣﻦ ﻋﻠﻴﻬﺎ ،،،
ليله
عمه اجت عليه سالت
« ﻫﺎ ﻳﻤﻪ ﺷﻤﺎﻟﺞ،،،ﺭﺿﺎ ﻛﺎﻝ ﺑﻄﻨﺞ
ﺗﻮﺟﻌﺞ،،،،،
ﻋﺪﻟﺖ ﻧﻔﺴﻲ،،،ﻭﺟﺎﻭﺑﺘﻬﺎ
« ﻣﺎﺑﻲ ﺷﻲ ﻳﻤﻪ ﻳﺠﻮﺯ ﻣﻦ ﺍﻟﻬﺒﻄﻪ
ﻭﺍلخوف ،،،وجعتني
« ﺍﺧﺬﺗﻲ ﺩﻭﻩ،،،
« ﺍﻱ اﺧﺬته ﻗﺒﻞ ﺷﻮﻳﻪ
« ﺍﺭﺗﺎﺣﻲ ﺍﻟﻴﻮﻡ ﻭﻻﺗﻨﺰﻟﻴﻦ ،،،ﻭﻫﺴﻪ اخلي
البنوات يسون ريوك،،، ويجيبنه الج
ﻭﺭﻩ ﻟﺤﻈﺎﺕ ﺍﺟﺘﻲ ﻣﺮﻳﻢ ،،،،ﻭﺟﺎﻳﺒﻪ
ﺻﻴﻨﻴﻪ ﺭﻳﻮﻙ،،،ﻭﺧﻠﺘﻬﺎ ﻛﺪﺍﻣﻲ
« ﺗﻌﺎﻟﻲ ﺍﺗﺮﻳﻜﻲ ﻭﻳﺎﻱ ﺍﺿﻮﺟﻦ
ﺍﻛﻞ ﻭﺣﺪﻱ
« ﺍﻱ ﻟﻴﻠﻪ،،،ﻫﺴﻪ
كعدت وياي وعد هم طبت تريكت ويانه كلت
من كامن من يمي وغسلت
« ﻣﺮﻳﻮﻣﻪ گلبي،،،،ﺭﺍﺡ ﺍﺗﻤﺪﺩ
ﺷﻮﻳﻪ،،،،،ﻗﺒﻞ ﺍﻟﻐﺪﻩ ﻛﻌﺪﻳﻨﻲ،،
« ﺍﺩﻟﻠﻲ،،،ﻟﻴﻠﻪةﺭﺍﻳﺪﻩ ﺷﻲ ﻗﺒﻞ ﻻﺃروح
« ﻻ ﺭﻭﺣﻲ ﻭﺳﺪﻱ ﺍﻟﺒﺎﺏ ﻭﺭﺍﺝ،،،
طلعن من يمي تمددت ﻭﻏﻔﻴﺖ،،،ﻭﻣﺎﺣﺴﻴﺖ ﺑﺎﻟﻮﻛﺖ
،،،
رضا
كاعد ﺑﻤﻀﻴﻔﻲ ﻭﺍﺳﻤﻊ ﻭﻟﺪ ﻋﻤﺎﻣﻲ ﻭﻋﻤﺎﻣﻲ
ﻳﺤﺠﻮﻥ ﺑﺎﻟﺼﺎﺭ،،،،ﻭﺷﻠﻮﻥ
ﺍﻟﻨﺎﺭ ﺭﺍﺩﺕ ﺗﺎﻛﻞ ﺯﺭﻋﻨﺎ ﻭﺣﻼﻟﻨﺎ،،،لجن الله ستر
علينا ومااراح غير شي قليل
عم ﻃﺎﻟﺐ طب ﻫﻮ ﻭﺍﺑﻨﻪ ﺟﻤﺎﻝ
ﻛﻤﻨﺎ ﻛﻠﻨﺎ ﺑﻮﺟﻬﻪ ﺍﺟﻪ ﻋﻠﻴﻪ،،،ﻭﺣﻈﻨﻲ ﻭﻛﺎﻝ
« ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ ﻳﺒﻌﺪ ﺍﺑﻮﻙ
هسه سمعت بااصاير واجيتك
بسرعه
« ﺍﻟﻠﻪ يسلمك عم قدر ولطف والراح قليل
ﺣﺠﻴﺖ ﻫﻴﺞ ﻭﻛﻌﺪﺗﻪ ﺑﺼﻔﻲ، ،،ﻫﻮ
ﻭﻭﻟﺪﻩ ﻭﺻﺤﺖ ﻋﻠﻰ ﺍﻟﻜﻬﻮﻩ،،،ﻣﺎﻛﻮ ﺩﻗﺎﺋﻖ
ﻭﻃﺐ ﻧﺎﻫﻲ ﻭﺍﺧﻮﺗﻪ ﻣﻄﺸﺮ،،،ﻭﻛﺎﻇﻢ
بعد ماطلكت حليمه مااجوي ولا شفتهم كلت
اكيد جابتهم الشماته ﻛﻤﺖ ﺑﺜﮕﻞ ﺍﻟﻬﻢ،،،ﻭﻭﻛﻔﺖ ﺑﻤﭽﺎﻧﻲ ﻣﻦ ﺷﻔﺖ ﻧﻈﺮﺍﺕ ﺍﻟﺸﻤﺎﺗﻪ ﺑﻌﻴﻮﻧﻬﻢ
ﻭﻋﺎﻳﻨﺖ ﻟﻨﺎﻫﻲ ﻣﻦ ﻣﺪ ﺍﻳﺪﻩ ﺍﻟﻲ
ﻣﺪﻳﺘﻬﺎ ﻭﺭﻩ ﻟﺤﻈﻪ
« ﺍﻟﺤﻤﺪ ﻋﻠﻰ ﺍﻟﺴﻼﻣﻪ،،ﺍﺑﻮﻭ
ﺳﻜﺖ ﻭﺍﺑﺘﺴﻢ،،،ﻭﻛﻤﻞ
ﻳﺎﺷﻴﺦ،،،ﻟﺰﻣﺖ ﺍﻳﺪﻩ ﺑﻘﻮﻩ رديت
« ﺍﻟﻠﻪ ﻳﺴﻠﻤﻚ،،،ﻧﺎﻫﻲ،،،
ﻭﻋﻔﺖ ﺍﻳﺪﻩ،،،
ﻭﺍﺷﺮﺕ ﺍﻟﻬﻢ ﺍﻛﻌﺪﻭ،،،
ﺭﺟﻌﺖ ﺑﻤﭽﺎﻧﻲ،،،ﻭﺍﻟﺘﻬﻴﺖ ﺑﺎﻟﺤﺠﻲ
ﻭﻱ ﺟﺪﻱ ﻃﺎﻟﺐ،،
« ﻣﺎﻋﺮﻓﺘﻮﺍ ﻣﻨﻬﻮ ﺍﻟﺤﺮﻙ ﺯﺭﻋﻚ
ﻳﺎﺭﺿﺎ
ﺍﻧﺪﺍﺭﻳﺖ،،،،ﻟﻨﺎﻫﻲ ﻣﻦ ﺣﺠﻪ،،
،ﻭﺟﺎﻭﺑﺘﻪ
« ﻻ ﻣﺎﻋﺮﻓﻨﺎ،،،،،ﻻﻥ ﺍﻟﺴﻮﻩ ﻫﻴﺞ عمله مبين علي
واحد ﺟﺒﺎﻥ،، ﻭﻣﺎﻛﺪﺭ ﻳﻮﺍﺟﻬﻨﻲ،،، ﻭﺭﺍﺡ
ﻣﺜﻞ ﺍﻟﺤﺮﺍﻣﻴﻪ،،،ﺣﺮﻙ ﺯﺭﻋﻲ،،،ﺑﻠﻴﻠﻪ
ﺳﻮﺩﻩ،،،وشرد بروحه
لان يعرفني لو اگضه ماارحمه
« ﺍﻱ ﻭﺍﻟﻠﻪ ﻳﺎﺷﻴﺦ،،،ﻫﺎﻱ ﺍﻟﺪﻛﻪ ﻣﺎﻳﺪﻛﻬﺎ
ﻏﻴﺮ ﺍﻟﻨﺎﻗﺺ،،،،
ﺍﻧﺘﺒﻬﺖ ﻟﻨﺎﻫﻲ ﺗﻐﻴﺮ ﺷﻜﻠﻪ،،،ﻭﺩﻧﻚ
ﺭﺍﺳﻪ ﻭﻫﻮ ﻳﻔﺮ ﺑﺴﺤﺒﺘﻪ ﺑﺴﺮﻋﻪ
ﺷﮕﻲ ﺑﻲ ﺗﺎﻛﺪ،،،ﺑﺲ ﻣﺎﺣﺠﻴﺖ
ﻭﺧﻠﻴﺘﻬﺎ ﻟﻠﻮﻛﺖ،،،،ﻻﻥ ﻳﺠﻲ ﻳﻮﻡ ﻭﻳﻐﻠﻂ
ﻏﻠﻄﻪ ﺟﺒﻴﺮﻩ ﻭﻳﻔﻀﺢ ﺭﻭﺣﻪ
« ﻭﺣﻼﻟﻚ ﺑﻮﻭﻳﻪ،،،ﺧﻮﻣﺎ ﺻﺎﺑﻬﻦ ﺷﻲ
« ﻻ ﺟﺪﻱ ﻣﺎﺑﻴﻬﻦ ﺷﻲ ﻭﻟﻠﻪ ﺍﻟﺤﻤﺪ
ﻭﺯﺭﻋﻲ ﻣﺮﺍﺡ ﻣﻨﻪ ﻏﻴﺮ ﺍﻟﻘﻠﻴﻞ ﻻﻥ ﺍﻟﻮﻟﺪ
ﺣﺴﻮﺍ ﺑﻴﻬﻢ ﻭﺭﻣﻮﺍ ﻋﻠﻴﻬﻢ،،
« ﺍﻓﺎ ﻫﺎﻱ ﻭﻳﻦ ﺻﺎﻳﺮ ﻋﻤﺮﻧﺎ ﻛﻠﻨﺎ
ﻣﺎﺍﺣﺘﺮﻙ ﺯﺭﻉ ﻋﺪﻧﺎ،،،
« ﺗﺼﻴﺮ ﺟﺪﻱ،،،ﻣﺎﺩﺍﻡ ﺍﻛﻮ ﻧﻔﻮﺱ
ﺿﻌﻴﻔﻪ ﻭﺣﺎﻗﺪﻩ
ﺣﺠﻴﺖ،،،ﻫﻴﺞ ﻭﻛﻤﻠﺖ،،،
ﺍﻟﺮﺑﻊ ﻛﻠﻬﺎ ﻣﻌﺰﻭﻡ،،،،ﻋﻠﻰ ﺍﻟﻐﺪﻩ،،،
ﻻﺍﺣﺪ ﻳﻄﻠﻊ،،،،
« ﺗﺴﻠﻢ ﻳﺎﺷﻴﺦ،،،ﻣﻀﻴﻔﻚ ﻋﺎﻣﺮ،،
ﻧﺎﻫﻲ ﻭﻭﺍﺧﻮﺗﻪ ماظلو ﺗﺮﺧﺼﻮﺍ ﻭﻃﻠﻌﻮﺍ
ﻭﻭﺟﻮﻫﻢ ﻣﮕﻠﺒﻪ،،،،،ﻗﺒﻞ ﺍﻟﻐﺪﻩ ﺑﻨﺺ ﺳﺎﻋﻪ
ﺗﺮﺧﺼﺖ ﻭﻛﻤﺖ،،،ﻭﻃﻠﻌﺖ ﻣﻦ ﻣﻀﻴﻔﻲ
ﻭﺗﻤﺸﻴﺖ،،،ﻟﻠﺒﻴﺖ ،،،
ﺑﻨﺺ ﺍﻟﻄﺮﻳق ،،،ﺧﺎﺑﺮﻧﻲ ﻓﻬﺪ
« ﺍﻟﻮ ﺷﻠﻮﻧﻚ ﻳﺎﺷﻴﺦ
« ﻫﻼ ﻓﻬﻴﺪﺍﻥ،،،ﺷﻠﻮﻧﻚ ﺍﻧﺘﻪ
« ﺍﻟﺤﻤﺪ ﻟﻠﻪ ﺍﻧﻪ ﺯﻳﻦ،،،ﺷﺼﺎﻳﺮ ﻳﻤﻜﻢ
ﺻﻔﺎﺀ ﺧﺎﺑﺮﺗﻨﻲ،،،ﻭﻛﺎﻟﺖ ﺣﺎﺭﻛﻴﻦ ﺯﺭﻋﻚ
ﻣﻨﻬﻮ ﻫﺬﺍ ﺍﻟﻲ ﺗﺠﺮﺍ ﻭﺳﻮﻩ ﻫﻴﺞ ﻭالله
ﺍﺟﻲ ﺍﺣﺮﻛﻪ ﻫﻮ ﻭﻋﺸﻴﺮﺗﻪ
ﺑﺲ ﻛﻮﻝ ﺍﺳﻤﻪ
« ﻫﺪﻱ ﺑﻌﺪ ﺍﺧﻮﻙ ﺍﺣﻨﺎ ﻟﻮ نعرفه منهو هو
ﺟﺎﻥ هسه ماخذين ثارنا منه
« ﻭﻳﻦ ﺍﻟﻔﻠﺢ،،،ﻭﺍﻟﺤﺮﺱ
من صار الصار
« ﺍﻟﺤﺮﺱ لحگوهم لجن،،ﺷﺮﺩﻭ ﻣﻨﻬﻢ
ﺑﺴﺮﻋﻪ،،،
« ﺭﺿﺎ ﺩﻳﺮﺑﺎﻟﻚ،،،ﺗﺮﻩ ﺍﻥ ﺳﻮﻫﺎ ﻣﺮﻩ ﺭﺍﺡ ﻳﻌﻴﺪﻭﻫﺎ ﻣﺮﻩ ﺛﺎﻧﻴﻪ
« ﺍﻭﻛﻒ ﻓﻬد
ﺣﺠﻴﺖ ﻫﻴﺞ،،،ﻭﻛﻤﻠﺖ ﻭﻱ ﺍﻣﻲ من طبيت
« ﻳﻤﻪ ﺯﻫﺒﺘﻮ الغده
« ﺍﻳﻲ ﻛﻠﺸﻲ ﺣﺎﻇﺮ
« ﺻﺒﻮﺍ ﻭﺩﺯﻭ ﺑﺎﻳﺪ ﺍﻟﻮﻟﺪ،،،ﻟﻠﻤﻀﻴﻒ
« ﺍﻱ ﻳﻤﻪ ﺍﺩﻟﻞ ﺍﻧﺘﻪ ﻭﺿﻴﻮﻓﻚ
« ﺍﻟﻠﻪ ﻳﺨﻠﻴﺞ ﺍﻟﻲ، ،،
ﺣﺠﻴﺖ ﻫﻴﺞ،،،ﻭﻛﻤﻠﺖ ﻭﻱ ﻓﻬﺪ
« ﺷﻮﻛﺖ ﺗﺠﻲ،،،ﻟﺪﻳﺮﺗﻨﺎ،،،
« ﺑﺎﺟﺮ ﺍﻥ ﺷﺎﺀ ﺍﻟﻠﻪ اجيب صفيه والجهال
لان راح التحق عکبه
« ﻫﻼ ﺑﻴﻚ،،،انت وياهم
« تسلم يبن العم اترخص اگضي جم شغله
الله وياك اخويه
سديت الخط ومشيت لغرفه ليله طبيت
نايمه رحت ليمها غافيه
ابتسمت وگضيت
خدها كعدت كالت
« ها ﺭﺿﺎﺍﺍ اجيت
« اااي ﺷﻠﻮﻧﺞ ﻫﺴﻪ،،،
« ﺍﻟﺤﻤﺪ ﻟﻠﻪ ﺍﺣﺴﻦ،،،ﺗﻐﺪﻳﺖ
« ﻻ ﺍﺟﻴﺖ ﺍﺷﻮﻓﺞ ﻭﺍﻃﻤﻦ ﻋﻠﻴﺞ،،،
ﺑﺎﻻﻭﻝ،،،
« ﻣﺎﺑﻲ ﺷﻲ صرت احسن لايظل بالك
كامت کضيتها وكلت
لااتتحركين ارتاحي اليوم
« ﻻﺍﺍﺍﺍ،،،ﺍﺭﻳﺪﻥ ﺍﻛﻮﻡ ﺗﻌﺒﺖ ﻣﻦ ﺍﻟﻨﻮﻡ
براحتج لجن لاتسوين شي ارتاحي بويه واستري
عليه منا الما اجيبين
صار ادلل شيخي
ابتسمت عاينت اليه بدلال والدلال بس يلوك الها
جهازي دك طلعته هي عاينت
للشاشه فكت عيونها
وسالت
شعدها حليمه داكه عليك
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
