رواية فتاة بالنقاب تجملت الفصل الثالث عشر بقلم مريم محمد
محمد: طب الحمدلله قول لي حبيبتي صليت استخاره وفكرتي عايز ردك موافقه علي سلمان ولا لأ
أماني: ايوا يا خالي صليت استخاره انكم تيجوا تعملوا رؤيه شرعية وبعدين اصلي استخاره وقول لحضرتك موافقه ولا لا
محمد: تمام يا حبيبتي هخاليه يجي يطلبك مني بكره بعد العشاء
أماني بخجل: اللي حضرتك تشوفه يا خالو
محمد: ماشي يا حبيبة خالو تصبحي علي جنه السلام عليكم ورحمة الله وبركاته
أماني: وحضرتك من أهلها وعليكم السلام ورحمة الله وبركاته
محمد بص لسلمان وقال: بكره بعد العشاء تجيب ماماتك وأختك وتجي تطلبها مني
سلمان: حاضر
ودخل كل منهم للنوم
بقلم: مريم محمد ♥
💐💐💐💐💐💐💐💐💐💐💐♥.
في الكليه
البنات كانوا داخلين القاعه سامعوا بنوته بتنادي علي سلسبيلا
البنوته: السلام عليكم ورحمة الله وبركاته ممكن اتكلم معاك شويه يا سلسبيلا
سلسبيلا: وعليكم السلام ورحمة الله وبركاته ايوا طبعاً اتفضل والبنات دخلوا المدرج يستنوها
سلسبيلا بإبتسامة: قول يا جميله في ايه
البنوته بتوتر:بصي هوا هوا بصي يعني
سلسبيلا بإطمأنان: اهدي يا وصية رسول الله واحكي لي براحه
البنوته بإرتياح: بصي يا سلسبيلا انا كنت بحب شاب جداً جداً جداً جداً بس فضلت كاتمه في نفسي لحد ما يجي لي في الحلال ويدخل البيت من بابه المهم في يوم لاقيه داخل لي علي الواتس ومعرفش جاب رقمي منين فقولت له مين فلما عرفت ان هوا بنفسه وكدا ضعفت وكنت هكلمه ولكن صحيت لنفسي في اخر لحظه ومسحت اللي كنت هبعته ليه وستغفرت الله وقولت ليه اتقي الله وكدا مش احترام وعملت له بلوك هل كدا انا كسرة مشاعره وظلمته انا حاسه كدا
سلسبيلا: لا حبيبتي انت مش ظلمتيه انت عملتي صح الصح
لانه بيضحك عليك هوا لو بيحبك صح هيطلبك من اهلك وبعدين يا حبيبتي انت غاليه فمترخصيش نفسك تمام يا روحي وبعدين دا الشيطان كان عايز يوقعك فلما صديتي الشاب دا دخل لك الوساوس دي علشان تغضبي ربنا بس انت بطل يا حبيبتي انت قويه ومش هتسيب الشيطان يضحك عليك صح
البنوته بارتياح: صح جزاك الله خيراً يا سلسبيلا مش عارفه اقولك ايه بس بجد حاسه براحه لا توصف
سلسبيلا: وجزاك حبيبتي
(بنوتاتي حبيباتي بجد انا بلاقي المثال اللي فوق دا في بنات كتير مثلا واحده ربنا ابتلها كانت بتكلم ولد ولما عرفت انه حرام وبعدت يدخلها من الباب دا او واحده ولد دخل كلمها وهي بتحبه فصديته علشان دينها فبتلاقي الشيطان داخل لها من الباب دا فانت كل اللي عليك حبيبتي تضربي الشيطان دا بالشبشب ومش تسمع كلامه وتستعيذ بالله منه تمام يا قمرات) البنوته وسلسبيلا شافوا الدكتور اللي عليهم طالع علي السلم فدخلوا القاعه
ـــــــــــــــــــــــــــــــــــــــــ
سلمان كان قاعد في مكتبه مشغول جدا في الورق اللي قدامه الباب خبط
سلمان بدون ما يرفع رأسه: ادخل
أحمد: السلام عليكم ورحمة الله وبركاته
سلمان بفرح لان أحمد اول مره يلقي السلام: وعليكم السلام ورحمة الله وبركاته
أحمد: هدخل في الموضوع عطلول
سلمان بقلق: خير يا أحمد في ايه
أحمد بجديه: مافيش بس عايز اجي اعمل رؤية شرعيه تاني
سلمان بإبتسامة: طب مش لما سلسبيلا ترد الاول تبقي اعمل تاني
أحمد بجديه: يا جدع علي اساس حضرت جنابك مش كنت قاعد وسامع كلمها
سلمان بضحكه خفيفه: ايوا يعم كنت قاعد بس عايز اسالك سؤال
أحمد: اشجني
سلمان: هوا انت تغيرت علشان سلسبيلا
أحمد بإبتسامة معرفش يخفيها: الصراحه انا شوفتها مختلفه غير اللي اعرفهم فلما قالت لي شروطها دي قولت ما فيش مشكله اجرب وكان نفسي اجرب لما جربت من تاني يوم لقيت حالي اتشقلب وانتظمت في الصلاه من يومها ومعتش قادر اضيع فرض معتش قادر اسيب حفظ القرآن ومعتش عارف اكون مغرور زي ما كنت يعني تغيرت جدا ومش علشان اختك لا علشان ربنا اختك دلتني بس
سلمان بفرح: اللهمَّ بارك بجدا انا فرحان جدا شد حيلك بقا علشان تختم القرآن قريب إن شاء الله
أحمد: إن شاء الله هتعمل الرؤية الشرعيه امتي
سلمان: شوفت النهارده هطلبها من ابي إن شاء الله
أحمد: خير إن شاء الله انا هكلم والدك بكره
سلمان: إن شاء الله
بقلم: مريم محمد ♥.
ـــــــــــــــــــــــــــــــــــــــــــ
سلسبيلا والبنات خلصوا وراحوا الكافتيرا وطلبوا عصير لان الجو كام حر موت
نور: سيلا يا قمر ياللي مافيش زيك إتنين
سلسبيلا بمرح: استر يا رب عملت مصيبة ايه
نور ببراءه مصطنعه: تعرف عني كدا
سلسبيلا: لا انا اللي كدا
نور: ما انا عارفه انك انت بتاعة المصايب
سلسبيلا: يا جدع ضحكتني اخلصي يا بت عايزه ايه
نور بضحكه خفيفه: خلاص يا ستي الفضوليه هقول
وبتمثل البراءه: عايزه اسمع اسلام سيدنا خالد بن الوليد منك وعمرو بن العاص مره تانيه بحب طريقتك في الشرح جدا
سلسبيلا بحب: بس كدا انت تؤمري ياحبيبتي هحكي لكم قصة اسلام سيدنا خالد(سيف الله المسلول) وعمرو بن العاص مع بعض لانهم اسلموا مع بعض ومش اقدر افصلهم ودي من اجمل القصص في السيره النبويه بجد بصي يا وصيات رسول الله ﷺ بعد عمرة القضاء اللي عملها رسول الله ﷺ وصحابة بعد صلح الحديبيه بسنه والرسول ﷺ خارج من مكه وهو علي ابوابها التفت وقال اين خالد والله قد تأخر علينااو مازال خالد وعقله عقله يجهل الاسلام (أصل خالد من دهاء العرب خالد داهيه يعني عقله يوزن بلد زي ما بنقول)اين خالد والله قدتأخرعلينا بدأت عيون الوليد بن الوليد بن المغيره استني بس كدا الاسم دا يشبه من هقولك يشبه مين وانت استنتيجي الوليد بن الوليد بن المغيره الاسم اللي شبهه خالد بن الوليد بن المغيره اه والله الوليد اخو خالد فدأت عيون الوليد تدمع فقال الوليد يا رسول الله ياتي الله به يعني ربنا يجيبه يا رب فابتسم النبي ﷺ وقال ليته ياتي والله لو جاءنا لفضلناه عن من سواءه فإنني اعرف قدر خالد ومشي ﷺ فالوليد قلبه بدأ يرفر من الفرحه عايز يجيب اخوه وجاب ورقه وقلم بسرعه قبل ما يسافر وكتب من الوليد بن الوليد بن المغيره الي أخي خالد بن الوليد بن المغيره اما بعد يا أخي يا أخي اين انت لقد تأخرت علينا او تجهل الاسلام يا خالد وعقلك عقلك والله يا خالد لقد فاتتك مواطن عظيمه الحق بنا يا أخيلعلك تدرك ما بقي من الخير ولقد سأل عنك رسول الله وقال اين خالد ليتاه يأتي فوالله لو اتاني لفضلناه عن من سواه فانتي أعلم قدره ليتاه يأتي يا أخي الحق بنا ولا تتأخر والسلام ومضي وبعت الجواب مع مرسال وقال له الجواب دا مش تسلمه لحد إلا خالد وبالفعل استلم خالد الجواب واخده ودخل بيته وقراءه شوفي بقا المفجاءه والكلام سيدنا خالد الي بيقوله بيقول ففتحته فقرأته فلم افهمه يعني مفهمتوش فقعدت الفه يمن شمال فلم افهمه فقرأته مره واتنين وتلاته حتي بدأت افهمه وقولت في نفسي او سأل عني رسول الله فاهتز قلبي وما ادري ما أفعل وكان من ذكاء سيدنا الوليد. كلمه كدا بمعني يقوله دا انت مهم عندنا لدرجة رسولنا ﷺ سأل عنك فيقول خالد ࢪضي الله عنه ما كان لي إلا ان نمت فرأيت رؤيه رأيت وكأنني في أرض ضيقه مظلمه صحراء وموحشه اطلع منها لارض واسعه خضراء جميله يقول فقمت وخرجت وجريت علي احد المسلمين المستضعفين اللي مستخبين في مكه فقولت له الحلم فقال لي ابشر يا خالد سيخرج الله من ضيق الكفر إلي سعة الإسلام فبكي خالد ࢪضي الله عنه وقال ظللت ابكي وعدت الي بيتي وقولت والله لاسلم بين يدي محمد ﷺ فجهز نفسه علشان يمشي قال ياااه دا انا عملت في محمد كتير لا هحاول اخلي حد يسلم معايا واخده علشان سيدنا محمد ﷺ يفرح فقال اروح لصحبي الانتيم فرتح لــ صفوان بن أميه بن خلف فاكرين أميه بن خلف اللي كان بيعذب سيدنا بلال رضي الله عنه
فقال له يا صفوان انت تعلم ان قريش قد انتهت وتعلم ان محمد علي الحق هيا لنسلم بين يدي رسول الله صفوان قال له بين يدي مين انت قولت ايه قال له بين يدي رسول الله قال صفوان والله لن اذهب ولن أسلم بهذا الرجل صلى الله على محمد صلى الله عليه وسلم فقال خالد فعذرته باباه لسه ميت في غزوة بدر( ملحوظه صفوان هيسلم بعد كدا ويكون صحابي ) قال فذهبت إلي صديقي التاني عكرمه بن ابي جهل فقولت له يا عكرمه انت تعلم أن قريش قد انتهت وتعلم ان محمد علي الحق هيا لنسلم بين يدي رسول الله قال فقال لي بين يدي من فال فقولت رسول الله قال فقال لا والله والله لان اسلم لهذا الرجل لباطن الارض أحب إليه قال خالد فعذرته دا بن ابي جهل يعني (ملحوظه عكرمه بردو هيسلم بس وقته لسه مش جه) قال هروح لاخر واحد وتبقي اخر محاوله وهروح لعثمان بن طلحه عثمان دا يا جماعه اللي معاه مفتاح الكعبه يعني مش اي حد قال فذهبت إليه وقولت له يا عثمان انا تعلم أن قريش قد انتهت وتعلم ان محمد علي الحق هيا لنسلم بين يدي رسول الله قال فابتسم عثمان وقال لي والله كنت ذاهب يا خالد يا خالد معي راحلتين انت واحده وانا واحده هيا لنذهب ومشوا الاتنين ورايحن للنبي ﷺ وهما ماشين شافوا مين اتخيلي كدا شافوا مين ايوا هوا دا اللي شافواه سيدنا عمرو بن العاص اللي النبي ﷺ قال عنه اسلم الناس وأمن عمرو بن العاص فقابلوا جاي من طريق الحبشه وماشي علي المدينه فقالوا له انت رايح فين فقال لهم انتم اللي رايحن فين قال له انا رايحن لنسلم لرسول الله ﷺ فقال عمرو وأنا ايضا طب أسلم ازاي عمرو
عمرو رضي
الله عنه كان عند النجاشي ملك الحبشه والنجاشي صاحب عمرو المهم فاكرين هجرة الحبشه لما الصحابه هاجروا عندو والنجاشي اسلم ولكن اخفي اسلامه عن راعيته علشان يحمي أصحاب الرسولﷺ المهم النبي ﷺ ارسل رسول للنحاشي برساله مضمون الرساله من محمد رسول الله ﷺالي النجاشي ملك الحبشه جزاك الله عنا خيراً رد علي أصحابي المهم رسول النبي ﷺخارج وعمرو قاعد جنب النجاشي فقال له يا نجاشي هطلب منك طلب ومش هيضرك في حاجه وممكن تنفذه لي النجاشي قال له قول يا عمرو ولو اقدر
هعملولك قال له اعطني رسول محمد ذاك اقتله وابرد ناري فانت مش عارف عملوا فينا ايه عمرو بيقول بقب يضرب بيده علي فخده وظل يضرب هكذا فقولت له ايها الملك مالك والله لو اعلم ان دا هيزعجك كدا مش طلبت منك فقال له الملك اتريد ان تقتل رسول رسول الله اللي هو الرجل اللي بعته الرسول فقال له عمرو بصدمه ما قولت فقال النجاشي يا عمرو اتريد ان اعطيك رسول رسول الله فقال عمرو اهو حقا رسول الله قال له النجاشي ايوا رسول الله وأنا مؤمن به عمرو اتكلم وهو في صراع جواه بين الكفر والايمان ومتلغبط جداً جداً جداً قال احقا ما تقول اهو رسول الله حقا فقال النجاشي نعم يا عمرو وانت تعلم ذلك وانا علي دينه وانا اشهد ان لا إله إلاّ الله واشهد انه رسول الله ومد كفه وقال يا عمرو بن العاص ابسط يدك وبيعني علي الاسلام فبكي عمرو ومد يده وقال وانا اشهد عليا أيها الملك اشهد ان لا إله إلا الله وان محمدا رسول الله وبكي النجاشي وبكي عمرو بن العاص واخده في حضنه خدي بالك كدا عمرو بن العاص ومصر كلها في ميزان حسنات مين اه والله هوا بنفسه النجاشي اللي الناس فكرتة مات نصراني ولكنه ميت مسلم المهم مشوا الثلاثه (عمرو بن العاص ـ خالد بن الوليد ـ عثمان بن طلحه) وهما خلاص قربوا علي المدينه الناس شافت ثلاث فرسان جاين من بعيد فقلقوا فبدأوا الثلاثه يقربوا فشافهم وعرفهم فجري عمر بن الخطاب بلغ النبي اصل ايه يا جماعه دول مش اي ثلاثه لا دا خالد وعمرو قادة جيوش وعثمان اللي معاه مفتاح الكعبه يعني مش اي حد فابتسم النبي ﷺ لعمر وقال له لا تقلق لان النبي ﷺ كان عارف جاين ليه مين بقا اللي سمع انهم جوم الوليد بن الوليد بن المغيره فطلع جري استقبل اخاه واحتضنه وقال له انت رايحين فين قالوا ريحين نبايع النبي ﷺ علي الاسلام قال لهم لا مش تدخلوا كدا علي النبي ﷺ دا انتوا لسه جاين من سفر وهدمك متبهدله فاخدهم واغتسلوا وغيروا هدمهم ومشوا سيدنا محمد ﷺ كان واقف مستانيهم علي بابا المسجد فاول ما خالد شافو اتراجع لوراء فالنبي ﷺ ابتسم وفتح له ذراعيه وقال له تعالي يا خالد فجري سيدنا خالد واحتضنه فقال له النبي ابسط يدك يا خالد كي ابايعك فبسط يده وبايعه وقال له يا رسول الله ادع الله ليغفر لي فقال النبي اللهم اغفر لخالد فاحتضن النبي ﷺ عمرو ايضا وقال له يا عمرو ابسط يدك لابايعك عمرو قال بشرط قال له قل شرطك يا عمرو قال ان تدع لي كما دعوت لخالد فابتسم النبي ﷺ وقال لا تخف يا عمرو الاسلام يجب ما قبله اللهم اغفر لعمر وفعل هذا مع عثمان بردوا وقال اللهم اغفر لعثمان الله جمال الصحابه وجميله قصصهم اسأل الله العظيم أن يجمعنا بهم في جنه الفردوس الأعلى بجانب رسول الله ﷺ
البنات بدموع تأثر: اللهم آمين يارب العالمين
بقلم: مريم محمد
🌹🌹🌹🌹🌹🌹🌹♥.
عدي اليوم والبنات كلوا راح علي بيته الا اماني وسلسبيلا راحوا عند اماني وروحوا مع السواق مش سلمان ودي كانت اول مره يمشوا من غير سلمان (ما انتوا مش واخدين بالكم سلمان عريس النهارده😂♥ )
سلسبيلا واماني: السلام عليكم ورحمة الله وبركاته
رغد ومحمد: وعليكم السلام ورحمة الله وبركاته
أماني وسلسبيلا بقوا يجروا زي الاطفال يتسابقوا من يدخل حضن محمد الاول
سلسبيلا وهي بطلع لاماني لسانها: أنا الاول
أماني بعند: لا أنا الاول
سلسبيلا بعند أكبر: لا أنا الاول
محمد بصرامه مصطنع: في ايه يا بت انت هي دانتوا كبرتم وهتتجوز ايه كبروا عقلكم شويه
أماني وسلسبيلا بخجل: اسفه
محمد باس راسهم: قوموا اجهزوا العريس زمانوا جاي
أماني طبعا جرت بخجل وسلسبيلا وراها
وصل سلمان وماماته وكان جايب أحمد معاه
قعدوا كلهم
واتكلم سلمان: يشرفني يا ابي اني اطلب من حضرتك يد بنت أختك المصونه أماني
محمد بحب: مش هلاقي افضل منك لها ولا افضل منها لك بس الرأي رايها وانت ايه رايك يا رغوده
الجده رغد: رأي من رايك يا حبيبي
محمد: هقوم اجبها واجي
🌷🌷🌷🌷🌷🌷🌷🩷.
عند أماني وسلسبيلا بعد ما اماني لابس فستان ازرق ونقاب وخمار بنفس اللون وعيناها الجميله اللي لون السماء دي مع الفستان اللهم بارك بعد ما جهزت
سلسبيلا: اللهم بارك بسم الله ماشاء الله ايه القمر دا
أماني بمرح: اعتراف يتسجل في التاريخ سلسبيلا قالت اني قمر واخيييييييييرا يا ناااااس لوووووووووولي
سلسبيلا: انت احسن من القمر نفسه النهارده
أماني نزلت دمعه منها سلسبيلا احتضنتها: ايه بس في ايه مالك
أماني: كان نفسي ماما وبابا يكونوا معايا في يوم زي دا يا ترا كانوا هيقولوا لي ايه
سلسبيلا احتضنتها اكتر: حبيبتي ادع لهم بالرحمة والمغفره هم في مكان احسن من دا انا حاسه بيك والله بس دا قضاء وقدر
أماني مسحت دموعها ربنا يرحمهم ويبارك لي فيكم
سلسبيلا: اللهم آمين
سمعوا صوت الباب وكان محمد
محمد: جهز........ اللهم بارك بسم الله ماشاء الله مين القمر دا
سلسبيلا بمرح: بت عسل كدا لاقتها فخبيت البت اماني وقولت البت دا احلي فتجوزها اخويا احلي من أماني
أماني ضرب ضربه خفيفه
محمد: بس ابت اماني قمر يلا يا حبيبتي
خرجت أماني وسلسبيلا ودخلت اماني وهي تحمل شئ وسرح سلمان في شكلها ونسي غض البصر
اقترب أحمد منه أحمد بسخريه: غض بصرك يا عم العشيق لسه مابقتش مراتك
سلمان فاق لنفسه وغض بصره
محمد: يلا أحنا نخرج ونسبهم شويه خرج أحمد ومحمد وظلوا يتحدث وجلست سلسبيلا بعيد عنهم ولكن تراهم وتسمع وعماله نفسها مشغوله في التليفون ورغد وعائشه في المطبخ
سلمان: احم احم عامله ايه يا أنسه أماني
أماني: مش عارفه ترد وعيناها في الارض وهتعيط
سلمان: طب اخبارك ايه
أماني بتجاهد علشان تتكلم: احم الحمدلله بخير وحضرتك
سلمان: الحمدلله ادام الله حمدك بصي بقا عايزه تسال عن حاجه
أماني بتلقائيه: لا انا عارفه عن حضرتك كل حاجه
سلمان ابتسم: تمام طيب بصي صلي علي النبي
أماني: عليه افضل الصلاة واتم التسليم
سلمان: بما اني ابن خالك وانت بنت عمتي وعارفين عن بعض كل حاجه ايه رايك لو طلع في نصيب نخليها كتب كتاب علي طول والفرح لما تخلص كليه
أماني: .................
🥀🥀🥀🥀🥀🥀💛
يا تري ايه رد أماني وهل هي وسلمان هيتجوزوا ولا في حاجه هتحصل وهل احمد اتغير تماما وبقا الانسان اللي سلسبيلا عايزاه وايه قصه الحلقه اللي جايه دا بإذن الله اللي هنعرفه الحلقه اللي جايه بحبكوا في الله وماتنسوش تصلوا علي النبي والسلام عليكم ورحمة الله وبركاته ❤.
الفصل الرابع عشر من هنا
