 |
رواية من الجاني (حل القضيه الثالث عشر 13)بقلم محمود الامينحل من الجانى؟ بعد التحقيقات والتحريات وشهادة الشهود، وأخر دليل ظهر قلب الدنيا وحول شاهد لمتهم وهو عاطف حارس العقار حققنا معاه وكان رده: أنا هقول اللى أعرفه يباشا، أنا فعلاً كنت على علاقة بمروة وده حصل عشان أنا شاب زي ما حضرتك شايف كده تقدر تقول دخلت دماغها، وأنا كده كده كنت عارف إن مشيها بطال بس انا مقتلتهاش يباشا، أنا فعلاً طلعت الشقة عندها يومها بس لقيتها مقتولة _ بس يا عاطف مروة كانت حامل = حتي لو حامل أنا مالى دي كل يوم مع واحد ما يمكن ابن واحد منهم .... لكن في حد من العمارة بلغ إن سامح بيصرخ في شقته بهيستريا، وإن الجيران كسروا الباب ودخلوا لقيوه عاوز ينتحر وفعلا كان عور نفسه، روحتله المستشفى اللى اتحجز فيها وإتكلمت معاه بس المفاجأة إنى قال _ أنا كنت بحبها يباشا كنت عايز اتجوزها وابعدها عن طريق الحرام هزئتنى ومسحت بيا الأرض وفرجت عليا الناس، وفي يوم الحادثة سمعتها بتزعق مع واحد وبتقوله قولتلك هريح شويه من الشغل عشان انا حامل ومش هقدر أشتغل رد عليها وقال حامل من مين يا مروة، هو إنتى متجوزه؟ ردت عليه وقالت إنت مال أهلك... قولتلك مش هينفع اشتغل دلوقتي واتفضل بقا عشان تعبانه وعاوزة انام ... لما سمعت الكلام ده وأتأكدت من إنه خرج وساب الباب موارب، دخلت لقيتها مولعة سيجارة ومتعصبة قولتلها _ حامل من مين يا مروة؟ = إنت اى اللى دخلك هنا، أه ما اهى نقصاك أصلها _بقولك حامل من مين؟.. بتخونينى بعد كل الحب ده؟ = بخونك.. إنت مريض يبنى هو في بينى وبينك حاجة أطلع بره بدل ما اطلع جنانى عليك _ لا مش هطلع غير لما أعرف كل حاجه = لا هتطلع يلا بره أنا نقصاك ... قربت منى عشان تزوقني لبره، بصيت على الترابيزة لقيت سكينة مسكتها وبمجرد ما حاولت تزوقني مسكتها من شعرها ودبحتها وانا بقولها ليه ليه ده انا كنت بحبك وشاريكى عملتى فيا كده ليه وقعت على الأرض غرقانة في دمها، منظرها وهي ميتة فوقني من حالة الهيستريا اللى كنت فيها خبيت سلاح الجريمة في هدومي وخرجت من الشقة ومن يومها وانا بشوفها قدامى وحاسس بعذاب إني قتلتها إيوة انا اللي قتلتها .... سامح مريض نفسي وده بعد تحريات دقيقة تم إثباته وإنه كان بيتعالج عند دكتور نفسي وتم إيداعه في مستشفى الأمراض النفسية .... الفصل الرابع عشر القضيه الرابع عشر من هنا |
تعليقات
