رواية غيره قاتله الفصل الثاني عشر 12 والأخير بقلم جمانه السعيدي
فاطمه.....صرت انسانه كئيبه وعازله نفسي
مجاي اكدر أتجاوز هاي الازمه
اما سما وخالتي مارجعن للبيت بيتهم مقفول على طول
وقيصر مابطل يدز رسايل اعتذار
غيرت رقمي واشتريت رقم جديد
لازم اجمع قوتي واجاوز هاي المحنه اني لا اول وحده يخونه زوجه ولا اخر وحده
الله اعلم بلضروف الي خلته يسوي هيج
اني ماادورله عذر بس اني اعرف قيصر زين اكو ضروف جبرته لان تصرفاته كله ادل هو ندمان وجاي يحاول يصلح هذا الغلط
بلاضافه اني شريكه بكلشي صار
شلون أقرب البانزين بصف النار واكول مراح يصير حريق
صحيح اني طيبه ووثقت بت خالتي وهي خانت هاي الثقه بس لازم احاول من جديد
قررت اطلب الطلاك بس ينزل قيصر ادز اسلام علي يتفاوض ويااا علمود موضوع الطلاك
خلي هو وسما يتهنون واحد بلثاني الطفل الجاي ماله اي ذنب يضيع بينه وبينه
اعرف هذا القرار كلش صعب مجرد التفكير بي صعب عليه
بس اني لازم احاول حتلو فشلت مره وثنيين لازم أنجح بلاخير
صحيح قيصر الحب الحقيقي بحياتي بس مامقسوم
من نزل قيصر مجاز دزيت علي اسلام حتى يطلكني
وينطيني كل حقوقي خلي يعيش الحياة الي هو اختاره
بس قيصر رفض يطلكني
كان متوقع ازمه وتعدي وراح نرجع واقبل بلواقع
بس مااكدر اعيش اني وسما على ذمة رجال واحد
وخصوصا اني احس نفسي مضلومه من هاي الناحيه حيل
بعد شهر رجعت الحياتي الطبيعيه
بس ارجع فاطمه القديمه مستحيل انكسر بداخلي شي مايتصلح ابد
رجعت اخذ دروس بلبيت حتى التهي واضيع وقت
وماافكر زايد لان كثرة التفكير خلتني اتمرض
عايشه وماعايشه اكل واشرب والبس بس بدون روح
ومالي خلك الاي شي بهاي الدنيا
رجعت دزيت على قيصر حتى يطلكني بس رفض الطلاك
جمانه السعيدي
بهاي الفتره مدرسه ابتدائيه يمنا محتاجين مدرسة انكليزي
والمديره تخيط يم امي وتعرفه زين
كالت جيبي اوراقج ادزهن للوزاره عسى ولعل يقبلون بلتعيين
شهرين واني انتضر لمن طلع تعييني
وبديت اداوم ماانكر الدوام غير شويه من نفسيتي
لان بديت اطلع واغير جووو
اما قيصر مابطل محاولات يرجعني كل فتره يدز عليه
احد حتى يقنعني ارجع
الي عرفته ام قيصر ماقابله سما تجي تعيش وياها بنفس البيت وقيصر مشلوع كلبه بين امه وبين سما
والمشاكل زايده بينهم حيل
الحد مارجعت يوم من الدوام وسمعت صوت عركه وعياط بيت خالتي والناس مجمعه على صوت العياط
وكفت اتفرج حالي حال الناس وامي هم طلعت لان الصوت جان عالي
طلع قيصر.من بيت خالتي وهو يصيح اله ادمرج حقيره
اني تسويلي سحر
بت الكلب ذرة اخلاق وتربيه ماعندج
واني اكول شبيه مسطور سطر والفلوس وين جاي تروح
كله مخلصه على السحارات
دمرتي حياتي الله لا يوفقج
من باجر تجيج ورقة طلاكج وبعد مااريد اشوف وجهج نهائيا ولله اذا شفتج اشتكي عليج
وعندي دليل ضدج ام السحوره الله يلعنج دنيا واخره
فاطمه....كنت واكفه اتفرج واني حاسه رب العالمين جاي باخذلي حقي منهم ثنيبنهم
طلعت ورا سما للشارع وهي صوته يلعلع
سما....روح الله لا يردك عايشه بلضيم وياك انت شسويتلي
واني الثوله ازوجتك بدون مهر ولا حاضر ولا غايب
عبالي انسان محترم
كانت اتاشر بايدها علي وخالتي واكفه بينه وبينه
باوعت زين السوار مالتي الي انباك لا بسته بيدها
قربت وهي مامنتبهلتي من كميت الناس الواكفه
وهي بحالة عصبيه وتصيح وقيصر يصيح عليه
اي ولله سواري لا ياحقيره من زمان وهي تبوكني
واني ماادري عرفت سواري من الحرف F الي بي
جنت كلش قريبه عليه بس ماانتبهتلي ابد
ولا متوقعه اني واكفه بصفه
مديت ايدي ولزمت ايدها ما انتبهت توقعت وحده جاي
تحايز بيه يعني تحاول تهديه من العصبيه
فتحت السوار وطلعته من ايدها
هنا هي انتبهت التفتت عليه وكالت
سما....هاااا فاطمه
فاطمه....اي فاطمه بت خالتج واختج الي امنتج على حياته
وبكتي منه زوجه وسوارها وحياته هاي حوبتي سماااا
الله جاي ياخذ حوبتي منج
رفعت السوار بايدي سواري بكتي لان ماتحملتي اني انجح وانتي لا
التفتت على قيصر وكلت بعصبيه عساكم بلزايد
انشالله نار كلبي تصير بيكم الله لا يهنيكم ولا يسعدكم ثنيينكم
جمانه السعيدي
اخذت السوار ودخلت البيتنا
والعركه فضت سما دخلت بيت اهله
وقيصر ...صعد السياره ومشا
ثاني يوم سمعنا عياط بيت خالتي امي ماصبرت راحت
دخلت عليهم لكت سما وخالتي يعيطن
قيصر دازله ورقة طلاكه وهي بشهر الثامن
وكل حقوق مااله لان هي لا مسجله حاضر ولا غايب
ولا عدها عقد من المحكمه بس عقد الشيخ
وماتكدر تاخذ اي حق من حقوقها
فاطمه...اني ابد مو شمتانه بيه هاي عدالة رب العالمين
بعد يومين اتصلت ام قيصر علينا امي ردت عليه
ام قيصر...شلونج ام فاطمه
ام فاطمه....الحمد لله شلونج ام قيصر
ام قيصر...الحمد لله اريد فاطمه اريد احجي وياها
ام فاطمه .....صار هسه انطيه التليفون حتى تحجون سويه
فاطمه....هلو خاله
ام قيصر....شلونج زينه
فاطمه....الحمد لله
ام قيصر....اريد احجي وياج بموضوع مهم لازم سمعتي قيصر طلك سما
فاطمه...هذا الموضوع مايخصني ابد اني هم اريد اطلك
ام قيصر...انتي تعرفيني اني احجي الحق ومااقبل بكلمة الباطل ابد
وحتى سما اني ماقبلت تدخل بيتي لان ماحبيته ولا حبيت تصرفاته
قيصر اكتشف سما مزوجته عن طريق السحر جاي تشتغله
سحر من زمان لان هو يكول مااعرف اني شصار وياي
ساعه احبه ساعه اكرها
الله كشفه اخيرا ولوتعرفين شلون كشفه
اول شي الفانيله الي ضاعت منه اول زواجكم فجئه لكها بيت سما هاي الفانيله هو يحبه ومميزه بين الف فانيله
بلبدايه ماأخذ على الموضوع
بعدين...كامت تسحب منه فلوس بشكل مو طبيعي
يعني مو مصرف نفرين جانت اجدد السحر كل فتره
هو شك بموضوع الفلوس لان مبالغ خياليه
ومنع عنه الفلوس كامت تاخذ فلوس بلفايظ حتى تسد الي عليه اتراكمت الفلوس
والبنيه الي جانت تقرضه تعرف كل سوالفه
اجت وحجت كلشي القيصر وطالبته يسد الفلوس الي على سما قيصر بس سمع تخبل
بدا يدور بلبيت وفعلا لكا السحر بلبيت
سما هاي انسانه مريضه اهم شي تسوي الي براسه
مو مهم صح لو غلط
هو هسه طلكه ودزله ورقة الطلاك
ولله حاس بغلطته ارجعيله فدوه يمه سامحي الخاطري
ماكان بوعيه ابد السحر دمر حياته
سما انسانه ملعونه لاحكته هواي لمن ماانطاها وجه
التفتت للسحر حتى تأخذه منج
اني حجيتلج الحقيقه وهو يحبج ومستعد الكل طلباتج
بس لا تعوفينه
اني حبيتج مثل بنتي واكثر وقيصر باقي عليج ويريدج
فاطمه.... مااكدر الي سوا بيه مو قليل
ام قيصر....لا يكون كلبج قاسي ترا انتي طرف بهاي القصه
انتي من البدايه تعرفين اخلاق بت خالتج
وانتن ربيتن سوا شلون دخلينه بحياتج وتسمحيله ادمره
كان لازم توكفينه عد حدها من البدايه
فاطمه...اعذريني مااكدر ارجعله بهاي السهوله اني مريضه بسببه خل افكر وارجعلكم خبر
جمانه السعيدي
ثاني يوم رحت للمدرسه ولكيته واكف باب المدرسه
لابس قاط زيتوني وقميص ماروني وحالق شعرا ومحدد لحيته هو قيصر
بجماله وشخصيته مامتغير ابد
حسيت كلبي من شافه كمز من مكانه
دنكت ومشيت على اساس ماشفته راسا صاح فاطمه
سمعت اسمي بس مو باذني سمعته سمعته بكلبي
مااريد أضعف ابد
قرب عليه ولزم ايدي حتى اوكف
فاطمه...نعم شكووو
قيصر...اسف اعتقد امي حجتلج كلشي صار وياي
فاطمه....شوف حياتك اني وياك كلشي خلص بينا
قيصر...رب العالمين يغفر ويسامح وانتي ماتسامحين
اعرف غلطت بس ماكنت بوعيي ابد
فاطمه...والمطلوب مني شنو
قيصر...نرجع مثل قبل اني احبج ولله العظيم احبج
كنت معمي على عيوني لاتخلين اللوم عليه وحدي
انتي اكبر شريكه بهاي الجريمه جبتي وحدا مثل سما وحشرتيه بحياتنا وانت اكثر وحدا تغرفيه وتعرفين نواياها
فاطمه لا اضيعبن يوم واحد من حياتنا خل نعيش ونعوض الي فات
فاطمه....مااكدر انسى
قيصر...اني راح انسيج كلشي راح ونبدي من جديد
لاتصدكين اني راح اطلكج مستحيل اني احبج
فاطمه...وابنك شنو ذنبه
قيصر....ذنبه امه سما خل يجي للدنيا ولله كريم
فاطمه....اريد وقت افكر
قيصر...اذا مراجعتي اني راح أقدم استقالتي واسافر وبعد ماارجع للعراق ابد اخذ امي واسافر
فكري بسرعه
جمانه السعيدي
فاطمه....عفته ودخلت للمدرسه بس كلبي فرحان بشوفته
وبكلامه واكثر شي فرحانه بتمسكه بيه
من طلعت من الدوام لكيته واكف
فاطمه...بعدك هنا
قيصر...لا رحت ورجعت ...اوصلج للبيت
فاطمه...مايحتاج
قيصر....لا تعاندين
فاطمه...قرب عليه وسحبني من ايدي ودخلني للسياره
وصعد بس حركت السياره كال اشتاقيتلج فاطمه
حسيت الكلمه اخترقت كلبي وستقرت بي
بس ولو لازم اشلع كلبه حتى يتوب وبعد مايكررها ابد
يوميه من اروح للدوام الكا منتضرني يسمعني كلمتين حلوات ويروح ومن يخلص الدوام الكا منتضرني ويوصلني
للبيت شهر كامل واحنا على هذا الحال
تمنيت هاي اللحظات ماتخلص ابد حسيت نفسي رجعت مراهقه
بعدين آخر يوم جاب الجوازات وكال اليوم تقررين لو نبقى سوا لو كلمن يروح بحاله اني جددت الجوازات
وراح اسافر.....هاي كانت حيله لا مجدد الجوازات ولا شي
يريد يخليني كدام الأمر الواقع حتى اقرر ارجعله اكيد هو حس اني
شكد احبه
بيومها نزل وياي البيت اهلي وترخص من امي حتى نرجع البيتنا هلمره امي صارت ويااا بس وصته عليه
رجعت ويااا وكانت ليله احلى من ليلة عرسنا الاولى
ثاني يوم سافرنا اني ويااا للشمال بهذا اليوم كامت تطلك سما وخاصه من سمعت قيصر رجعني البيته
خالتي اخذته للمستشفى وجابت ولد يخبل يشبه قيصر حيل
جمانه السعيدي
من رجعنا وقيصر عرف بولادته دزله فلوس ببد امي مصاريف الولاده وماقبل يوصل ولا يشوف ابنه ابد بعد اربع اشهر من رجعتي البيتي كانت احلئ مفاجئه صارت بحياتي طلعت حامل
ولا اكو وحده بلدنيا سعيده بكدي احساس الامومه يخبل
وقيصر وخالتي اسعد مني
بعد سبع اشهر بلضبط خالتي ام سما جابت الولد واجت
فتحت الباب تفاجئت بيه واكفه بابنا وحاضنه ابن قيصر
دخلت جوا واجا قيصر وخالتي كعدنا كلنا يمه
خالتي....هذا ابنكم واني جبته الكم تربونه بمعرفتكم
سما اجته قسمه زينه وزوجت بااربيل وعافت الولد عندي
واني مااكدر على تربيته واجيت اسلمه الكم
قيصر راسا باوع عليه بمعنى تقبلين تربين ابني ماله احد غيرنا
فاطمه...هذا الطفل مسكين شنو ذنبه يروح بلرجلين
مااكدر اعاقبه على مصيبة امه
فاطمه....عوفي خاله هذا ابن قيصر ومايتربى اله بيته
روحي اني اربي
طفر عليه قيصر وحضني انتي احلى زوجه بلدنيا
صار عندي بنيه وابن قيصر حيل متعلق بيه لان اني ربته وهو عمره سبع اشهر هسه عندي ولد وبنيه
اني ماافرق بينهم ابد ثنيينهم جهالي
مو كل الناس تستحق ثقتنا وتقدرينا مهما كانت صلة قرابتهم النا لازم نخلي حدود بينه وبين الناس
ولا تنطون ثقه مطلقه من اول مره
انجرب الناس بلاول وبعدين نحكم عليهم
بدل ماتدور وتبحث علي الروايات خليها علي تليفونك وحمل تطبيقنا
