رواية الهيصم خطوط سوداء الفصل الثاني عشر 12 بقلم بنين احمد
"أيڤانا "
_ من نزلت شفت ذيب نايم بحضن بيبي دعشه وبس سمع صوتنه كام وطلع وهوه يمسح بوجه
حيل انقهرت عليه مع انو اني ما اعرف شبي بس جان ضايج
وراها كعدنه ناكل بس بيبي دعشه بس تصفن
حتى اكل ما اكلت
وأخيراً طلعت أم ذيب من غرفته هيه وبناته اجتي بناتهه صعدن الاكل على الطاوله وهنه يوكلنهه
بيبي دعشه ما عجبه الوضع كامت على حيله وكفت كبالهن
دعشه:- باعن انتن الثنين بعد حالجن من حال البنات تنضفن وتغسلن وتمسحن ولعدها عتراض دكلي اعرف شلون ارده
ميسم:- هسه يله قابل بيتمن هوه بيت ***
كلنه فزينه على بيبي دعشه من ضربتها راجدي صفنتهه شهكت هيه وأخته مصدومات
حجت أم ذيب
سميره:- ع ع لى كيف ج حج يه د د دعشه
دعشه:- انطمي انتِ مامربايه وما عرفتي تربيهن
كلنه انصدمنه من تصرف دعشه اول مره اشوفها هيج كملنه اكل وغسلنه الماعين ونضفنه البيت والحديقه والولد غسلو الكراج .
وصعدت انضف الفوك ماكو احد تأكدت هل مره ماكو احد اشتغل واغني اموتت على الاغاني مع انو اني اصلي واصوم بس والله الاغاني حلوه ويبقن بالي وخاصتاً يالبرتقاله .
كملت تنضيف الفوك وشغلت بخور صارر يجنن وريته بعد احلا صعدت للطابق الثالث تُعتبر الطلبق مال ذيب .
نضفتهه وما مديت أيدي على اي غرض من غراضه
وشغلت بيهه بخور وشغلت المكيف
وطلعت وقفلتهه ونطيت المفاتيح لدعشه اجوو كومه خطاررر أمه محمد كلهه اجت
صعدت لبست فستان احمر مخصرر تخصر على جسمي حيل مخصر صدري شوي طالع منه والفستان فوك الرگبه كعدت اخلي مكياج خليت طوخ .
رسمت عيني بالايلاينر اسود وبيجي وبنهايه عيني احمر خفيف وحطيت حُمره حمره طوخ وطوخت الشامات البوجهي .
ولبست كعب اسود وسبحت بالعطر بست نفسي بلهوه كدام الامرايه وطلعت نزلت جوه كله كامت تصلي على محمد وآل محمد .
حسيت نفسي شخصيه وكذا بس بعد واحد يجي يبوس أيدي كعدت يمهن وهنه بدن يركصن ذبن لحم سراج وليلى والبنات كلهن .
اجتني حور جرتني من أيدي تركصني ما قصرت رگصت رگص من كل گلبي طلعت الضيم كله برگص
هاي كله وبعدها لينا ما اجت فاتو ذيب وعمو حسين
اني جنت احجي ويا حور بس شلون كاعده على رجليه وهيه كاعده بلكاع اله واحد يلتفت يالله يشوفني
وحضي دار وجهه وشافني صارت عيني بعينه خزرني خزره متت بدمي بساع كمت وكفت على حيلي دخل عمو حسين للمطبخ اني
رحت وكفت يم الدرج سحبت شال ولفيته على جتافي ما احس غير انجريت من أيدي بس شنو انخلعت من مكانها
اباوع ذيب يجرني من أيدي وصعدني فوك
أيڤانا:- شبيك شبيك حوكع على وجهي شبيك
ميرد عليه صعدني بغرفته وقفل الباب من جوه
خزرته وضليت اصيح
أيڤانا:- ليش قفلت الباب افتحه ليش قفلته
اتقرب عليه ويحجي بصوت ناصي وانفاسه ضربت وجهي
ذيب - اششش اششش صوتج ما اسمعه شلابسه هااااااااا لو فايتين ولد عمي وشافوج زماله انتِ
حجيت بقله صبر .
أيڤانا:- انتَ شدخلك لا تدخل بيه .
ذيب:- مو انعل والديج وبعدين شهل حمره الخالتهه ناويه تجلطيني انتِ لووو شنو لججج شعرج ليش فاتحته .
أيڤانا:- بس اغيد اعغف انتَ شدخلك شصيغ مني حتى تتدخل بيه؟
- انا المستقبلي ......
أيڤانا:- شدتحجي وخغ من يمي تغه مسخته انتَ اخاف سكتتلك ذيج المغه تغا لأن خطاغ ما حجيت بسس هل مغه ما اسكت افضحك وما يغفلي جفن
ذيب:- انتي مره سويها .
أيڤانا:- اسويها واسوي الاقوه منها افتهمت وهسه وخغ عني .
ذيب:- تعاييييييي اذا واحد شافج بهاذا البس اكلب العرس فاتحه ونور محمد يا فوفه انعل ابوج اليوم لجج جسمج مبين .
من حركت كلبي ضليت أمسلت
أيڤانا:- واني اغيدهم يشوفو انته شدخلك يااخي .
صفن شوي وباوعلي بمكر وبتسم ابتسامه جانبيه وحجه
ذيب:- ليش همه يشوفو خليني انا اشوفه والعب بنعمت الله بكيفي .
ماتحملت سطرته راجدي
أيڤانا:- بااااع لك اني اشغف من أمك واخواتك افتهمت هاذا الحجي مو ألي ينحجي أبوي عغف شلون يغبيني واحسن تغبيه وأمي كذالك وبعد لا تدخل لأن اني مو اختك ولا بت عمك وياغيت اصلاً بعد لا تشوفني خلقتك
عفته وردت اطلع قافل باب الغرفه اخذت المفاتيح جان شامرهن على الميز فتحته وطلعت رحت للغرفه تاليا نزعت ملابسي لبست دشداشه عريضه وغسلت وجهي من المكياج وبقيت بلغرفه.
بجيت هسه هوه ليش هيج يسوي وياي عكس الكل خال كوره ويا كوري لهل درجه يكرهني بجيت لحد ما بندت من البجي ونمت .
لليل فزيت على صوت ميلڤين و حور وتاليا ويكعدن بيه
ميلڤين:- كوميي تنبل ما تعول تشوفلها مكان حتى تنام بي الخاطر الله كومييييي .
حور:- ولج فوفه ولج اكعدي ليش نمتي امداج فاتتج لعبنه لعب .
تاليا:- كومي ليش مطموره .
كعدت على حيلي ما بيه حيل راسي يوجعني من كثر ما بجيت اباوعلهن مييتات ضحك ويشرن عليه ما هتميت كمت للحمام واخذت دشداشه وفتت لحمام اباوع وجهي مورم وشعري صاير گوشه
سبحت وسويت روتيني كملت وطلعت ما لكيتهن مشطت شعري ونزلت جوه لكيتهم كاعدين يسولفون وهوه كاعد وياهم
أياد:- ها بابه أيڤانا شبيج بويه .
أيڤانا:- ماكو شي بابه بس غاسي يوجعني شوي
أياد:- سلامت راسج بويه .
حور:- هيه غير طكته نومه من الخمسه العصر اليهسه
أياد:- ههههه نوم العوافي بابه .
أيڤانا:- شكغاً .
ما باوعت الوجهه زعلانه منه على السوه اخر مره حيل انقهرت منه بين الي اني شكد رخيصه بعينه
من خرب حضي ضغطت على نفسي ما اباوعله كمت اساعدهن بالمطبخ لأن الماعين هواي .
غسلت الكامنتر ورتبته وهنه يغسلن مسحت الكاع كملنه وطلعنه ما لكيت احد
صعدت فوك قبل لا احد يشوفني رحت اركض وحضي المصخم الملطم لكيت ذيب كبالي وأني بطني مبينه وصدري متروس مي لأن ذبن عليه مي عشتو يشاقن .
مشيت من يمه بدون ما احاجي كلمه وهوه يباوعلي ومبتسم شوكت يبطل هل ابتسامه نرفزه
وصلت يمه وحجه بصوت ناصي الصاله الفوك جبيره
ذيب:- زعلان مني؟
أيڤانا:- ياغيت متحاجيني
ذيب:- اويلي بويه
عفته ودخلت أبدل ابوي جان طالع بس وين محد يعرف كال عندي شغل وطلع ولي هسه ما موجود
بقيت بلغرفه ما نزلت فتحت تليفوني اكلب بي دخلت على الانستا صارت عيني
على حساب ذيب ناشر دخلت على الستوري ناشر استوريين اول استوري ناشر صورته وهوه بشغل واكف يلعب بتليفون مالته وصديقه واكف ورى
ومسوي علامه النصر وكاتب عليهه عضيدي ومسويله تاك دخلت على حساب صديقه ضفته ورجعت اباوع على الستوري الثاني جان فيديو عن شعر على الزعلان عدت الفيديو كذا مره ممصدكه الشعر عباره عن
--صُدك زعَلان منَي؟
وليش تزعل!
شگلك وانتَ مني تَخجل
اليحبك خوش واحد
عوف الحجي الزايد
الوَرد لو زاد مَاي يكوم يذَبل؟
كمت اكمزززززز يعني شنو يحبني لو لا عليمن ناشرر هاذا الستوري اجتني ضحكه هستيريهه
أيڤانا:- هههههههههههههههههههههههههههه حبيبي هههههههههههه
دخلت حور تعبانه من الشغل وضايجه رحتلها اركض لزمت أيديهاا ثنينهن وفترينه ويه تكلي وخري وخري
حور:- مالي خلكج وخرييي
أيڤانا:- ههههههههههه
حور:- اخبالات
عفته ونزلت جوه اركض شفته كاعد رحت كعدت يم بيبي دعشه كامت تباوعلي وهيه مبتسمه اختفت ابتسامتي من دخل أبوي متوتر وخايف الكل خاف على أبوي والصار نهاني دمرنه كلنه .....
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
