رواية هدية الشيخ رضا الفصل الثاني عشر 12 بقلم أوتار حزينه
رضا
سمعت صوت ليله درت روحي
فكيت عيوني من شفتها اجت من سياره
حيدر تمشي بسرعه نسيت نفسي
والاوادم الواكفه وياي
رگضت الها
وصلت ولميتها بحظني مو مصدك هي رجعت
اليه اسمعها تشهك بصوت قوي
فجأه سكتت وجسمها باد
بين ايدي وكعت بين ايدي من ذهولي مااعرفت
شأسوي ردت اشيلها ماكدرت
اخوتها اخذوها من ايدي وركضو بيها لجوه
حيدر اجه سندني تمالكت روحي
بصعوبه مشيت بسرعه
للبيت طبيت للهول الكل يمها امها تغسل بوجهها
وامي تضرب بوجهها يبجن عليها
امها كالت
وولج يمه ليله ااكعدي وفتحي عيونج اام
رضا بنتي مدري شصاير بيها ولك عباااس اختك
ماجاي تكعد بس لااا مسويلها شي
هالجلاب
عيوني جمدت عليها هدومها مشككه ورجليها
كلها دم وايدها هم جسمي كله كام يرجف
والدنيا افترت بيه كلت
هذوله كسروني بيها
گضيت راسي صحت
ووولكم ااخ كسروني بيها
امي كعدت تضرب على رجلها جدتي كالت
لااااتحجي هيج واصبر خل البنت تكعد ونشوف
شصار بيها
نكعوها بالمي كعدت من شافتنا كامت تبجي
امها سندتها سالتها بخوف
يمه احجيلي الصار بيج ولج خما صخموج
صفنت عليها والدموع تنزل بعدين عليه
كالت بصوت رايح
محد گضني منهم
رحت الها غادي نار حجيت جاز على
سنوني
وينهم ذووله
سكتت صحت بخبال
ووولج مااتحجين ووينهم ذوله وووين
لابدين ولج كووولي انطقي خلي
ااروحن ااخذ ثاري
منهم
امي اجت وكفت بوجهي صاحت
يمه شمالك على كيفك وي البنيه
ماتشوفها شلون صايره
ايييييييي يمه كااعد اشوفنها شلون صايره
وشلون اجتي عليه واريدن اعرف ذوله باي مچان حتى اروحن اخذ حگي وحگها منهم
رديت باعصاب وانهديت بليله
ولج ماااتحجين ماتجاااوبين
ليله
افتهمت من وضع رضا وعصبيته هو عداله
سوه شي اليه
رديت گوه
رضا مااسوه شي اليه انه ماخليتهم شوف ايدي
مديتها اله مذبوحه والدم يابس علىيها وكملت
بشهكه
شوفها ذبحتها وهددتهم اكتل روحي اذا واحد
منهم گضني
احجي ويا وهو غادي نار الوجهه دم هو والعيون
هز راسه بلاااا ماحجه بس سوه هالحركه وذبحني
بيها صحت بخبال
ماااسوالي شي ليييش ماجاي تصدك
صوت صااح من بره جان حيدر
شييخ وينك تعال بسرعه هذا الجاب الشيخه
يندل مچانهم
عيوني بعيونه اتوسل بي يصدگني لجن هو
كال بصوت مخنوك
لو ميت ولااا شايفج بهل الوضع
دار وجهه ومشى من يمي طلع وعيوني علي
صحت بجنون
ماااسوالي شي والله مااخليت احد منهم يگض شعره
مني
رضا
طلعت مسودن وغادي نار هي بين عيوني
الدم برجليها وايدها وهدومها مشككه
كلت صخموها وكسروني بيها
شيخ هذا يندلهم
حيدر حجه مشيت بخطوات واسعه للمضيف طبيت كاعد والولد فوك راسه مبين علي
خايفه ومرعوب من عدنا
وكفت يمه كال
شيخ انه دخيل يمك واريدك تحميني من رعد
والله بس يگضني راح يذبحني
حيدر رد
انت بحمايه الشيخ محد يكدر يطخك بعد
حيدر حجه ويا بغضب رد
والله انه تفجاأت من شفته جاب حرمتك
وماقبلت اله لجن ضميت هالشي بگلبي وكلت الا
اهزمهم اعرفك انت منو وشتكدر تسوي
وكلت ماراح تسكت على عملته
وراح تحرك المچان الي
هو بي على راسه
سكت عاين عليه بخوف وكمل
شيخ حرمتك شريفه ماخلت رعد يگضها وروح امي
ذبحت ايدها من شافته تگبل عليها والنذل
عافها وانه بس شفتهم داخو من
وره الشرب هزمتها
من يمهم وجبتها
الك
هوو وينه
دلنا وطلع مچان قريب لميت قبضه ايدي
بغضب وكلت
جيبوووه بسرعه
هديت لبره طلعنا للمجان الكال علي حالف رعد
اذبحه ومااخلي طيب
وصلنا لجوله لاح النا بيت من طين الولد كال
ذاك هوو السياره موجوده بعدها يعني
بعدهم موجودين وماحسو بطلعتنا
نزلنا كلنا الولد انتشرو حوالين البيت واحد طلع
يتمايل من شافنا صاح
وووولكم االحكووو
رميته بسرعه وكع وفطس رحت اركض للبيت
ارمي بدون شعور فقدت وفصلت
عن الواقع طلقه وزت من
يم اذني وخلتها
تنسد
ايد كضتني بقوه وسحبتني لغرفه جان حيدر
الي صاح
موو هيج رضا راح يجتلوك
سحبت جتفي منه بقوه اسمع الرمي والدنيا
اشتعلت عاينت لغرفه بنهايه
الممر بابها انفتح وانسد
لاح اليه رعد
طلعت اركض حيدر يصيح ورايه مادرت
بال ضربت الباب جلاق وكع وصار بوجهي رعد
وجان قريب راد يرمي عليه گضيته
بسرعه من رگبته وخنگته
تلاوى وياي وكعتله دك بوكسات
لاحتني منه ضربه بوجهي دفعتني ليوره
كام يريدن ياخذ سلاحه ماخليته
ضربته جلاق واحد وره اللخ وانه اصيح
كواااد عااار شلون تجرأت عليه شلون ولك
ضربت اختي وابنها وخطفت حرمتي
ايد جتفتني جان حيدر رعد تمدد الدم
يفلت من حلكه وراسه عاين عليه ابتسم وكال
شيخ شلون عندك حرمه بوويه جسمها
يكطع تكطع طركاعه موش مره هاي
تخبلت بعد اكثر وريت روحي من حيدر
رحت اله گضيت راسه بقوه
ودك بالكاع خليت ايدي بعيونه وفكستهن اثنينهن
هو يدفر بي يريدن بس يوخرني بس انه فوك قوتي صارت عندي قوه بخبال
كمت من يمه ادور بالغرفه على شي اكسره بي
حيدر ماخله روحه لكيت خشبه مال
جربايه شلتها ورحت
علي وكعتله دك بيها يصيح محد يفكه
من الولد الي تجمعو يمنا نهيته من الكتل اخر
شي كعدت على صدره گضيت
ايده اليمنى وكلت
هاااي ايدك الگضيتها بيها
لويتها بقوه وكسرتها اله اسمعه يصرخ ويتوسل
ولا درت بال كضيت اللخ وهم كسرتها
كميه الغضب والانتقام الي جانت بيه
ماخلت اي رحمه بگلبي
صااح
دخليك شيخ والله مااسويت الها شي ذبحت
روحهااا وماخلتني اگضها ااسالها
هي شوفها شراح
ادكلك
كمت من يمه اترنح ارتجيت على الحايط
اسمعه يبجي ويردد
والله مااسوالينها شي روحو اسالوها
عاينت لحيدر وكلت
اخذو لهذا ااعار هو والويا وسلموهم للشرطه
ليله
من شفته هيج سوه والعيون كلها عليه
كمت من مكاني وامي وراي وام رضا وصعدت لغرفتي طبيت كبل للحمام ووكفت جوه الدوش ابجي وافرك بروحي
اريدن اوخر اثار المكان الي جنت بي
تاخرت
سمعت الباب اندك وامي تنده باسمي
بدلت وطلعت رحت لفراشي تمددت
سالتني من كعدت يمي
ليله احجيلي ااصار بيج هناك ووج يمه
طمني گلبي وكولي محد لزمج منهم
كمت من مكاني مثل المخبله
وجاوبتها ببجي
لا لا لا يمه لا محد لزمني ولا جاس
شعره مني
كمت الطم واصيح
يممه ليش محد جااي يصدك بيه كااعد
ااكول مااكضوني ولا سوالي شي ذبحت روحي
ووردت اموت حتى ماايدنس شرف
ابويه وشرف رضا والله خلصني منهم
من هذا الولد سخر اليه
وهزمني واجيت فرحانه وعدالي راح يفرح
بشوفتي وانتو ويااا لجن لااااا شفت
الشك بعيونكم وذبحتوني
بهل الاسئله
عمه كالت
وج يمه الصار مو شويه
اااي مو شويه لجن انه شنهي ذنبي بي هاااي جزاتي عمه خفت على زينب لاتصخم
ورحت بدالها بدل ماااتاخذوني
بالحظن اسمع جلمه عفيه
يمه خلف الله عليج
خلصتيها منهم
بجيت سكتن يعاينن عليه وهم يبجن
كملت بشهكه
ااجيت فرحانه لان طلعت حامل وشوف شصار
بيه كلها تهون من شكت بيه الا رضا
ماراح يهون ابد
ووج صدك ليله انتي حامل
عمه وجهها تبدل للفرح هي وامي الي گضتني
من وجهي وحبتني وكالت
شنهي هالخبر الحلو يبعد امج
موو حلو يمه ولا فرحت بي غير جم ساعه
سكتت من اختنگت وكملت بغصه
ااخ يمه رضا ذبحني عمه شفتي شسووه شك
بيه طلع ماايعرفني ولا يعرف بنت عمه علوان
بعد امج ااسكتي رجلج زلمه دمه حامي
وشيخ والصار مو قليل انتي انخطفتي والخطفج
عنده عدواه ويا وج احنا ظل عقلنا
يودي ويجيب مو عاد هو
صحت بغضب
يممه جااان اامفروض ماايحجي ويااي هيج
وانتي شفتي حالتي
عاينت لعمه وكملت بدموع
عمه اابنج مااخاف عليه لاااا خاف على سمعته
لاحد يجيب طاريه بشينه
حگج يمه بس اسكتي واركدي انتي حامل راح
يروح منج من وره ااصار والقهر
سكتت بس شهكتي تنسمع كملت وي امي
كومي خيه خليها ترتاح
تمددت وغطيت راسي امي كالت
اني باقيه يمج اليوم ماراح اروح
مارديت طلعن من يمي وخرت الغطه وكعدت
اعاين للباب ودمعتي تنزل ماامسحها
اردد
ماذبحني غيرك يارضا لو ميته ولا شفت
هالنظرات بعيونك
ظليت كاعده ماكدرت انام مقهوره وروحي ممروده
من الصار كلها عدالها انه انكسرت
من رعد وربعه ماهمهم
غير شرفهم وخص
رضا
الي جنت عدالي راح يصدكني من اكول انه
رجعت اله وثوبي ابيض ماتدنس
لجن هو شك بيه
بذيج اللحظه جن شي مات بگلبي واشتعلت
نار اعرفها ماراح تطفى ابدا
اكثر من مرة اجوي عليه واسوي روحي نايمه
مااريدن اشوف احد ولا الي
خلك اسمع جلمه منهم
او تبرير
مااعرف شكد مر عليه وانه كاعده ودمعتي بعيوني
الباب انفتح رضا طب عاينت علي
بقهر وبگلبي عتب جبير
سد الباب واجه ليمي كمت بسرع ووكفت
درت وجهي منه كال
ليله الصار جبير
اي والشفته منك اكبر
سكت مارد عاينت اله وكملت
بصوت مخنوك
تعرف انت شسويت يارضا
سكتت وكملت بقهر ودموع
انت ذبحتني بسجين عميه انت مو دون كل
الناس ردت تصدك بيه انه رحت ورجعت مثل ماتعرفني
ماظل عقل براسي من شفت الدم تارس ثوبج
وحالج حال
هذاااا دم الشرف
انهديت بي وكملت بغضب وانه ماده ايدي
اله
شوووف ذبحت اايدي يارضا وردت اموتها
لروحي ولا اخلي احد يدنس شرفك
او شرف ابويه
كتلج ماااظل عقل براسي وج تخبلت ومااعرف
بشنو كمت افكر الف فكره مو زينه
صارت براسي وكلت هذا
راح ينتقم مني بيج
والحمد لله ،،،ربك خلصني منه لجن ما ماخلصني
من نظراتك انت والكل
خفنا عليج وحگنل بهل الشي
هزيت راسي بلااا ورديت
لاا خفت على شرفك يارضا خفت لا يجيبون
سيرتك بالشينه
ووج انتي حرمتي شرفي شلون ماتريدين
اسالج عن الصار شلون ياليله وانه اعرفهم هم
شنو وشيريدون يسون بيج
سكتت تقدم عليه مد ايده رجعت ليوره وهزيت
راسي بلااا
كال
ليله لاتسوين هيج
السويته خله اثر بگلبي ونفسي ماعادت تشوفك
مثل الاول
فك عيونه وعاين بقهر
كملت من درت وجهي
بيني وبينك بس ابنك غير هالشي بعد ماكو
رضا
عاينت لبطنها بذهول سالت
انتي حامل
ردت بخنگه
اي
مشيت الها اريد احظنها من فرحتي ماقبلت
وخرت من جدامي وكفت بعيد
وكالت
كتلك ماااريدك تگضني اافهم نفسي
مااتربدك بعد
شماالج اانتي كاعد اكلج طك عرج براسي
وتخبلت من كالو اخذوج ورعد هو
الماخذج ووج اافهمي
انه زلمه نار واغار عليج وشفتني شسويت
من اخذتج لبستج بوشيه حتى محد
يشوفج شلون تريدني
ماااسالج عن شي
انه اعرفه هو جاااي حتى يسوي
ويكسرني بي
ماردت كملت بغضب
ااانه مستحيل اقبل هالجفى منج
رضااا لاتجبرني اروحن لهلي
منهي التروح ولج اذا انتي مره عتبي باب بيتي
وشوفي شلون مااكسرها الج
سكتت دارت وجهها تشهك وتبجي هديت
حالي وكملت
اانسي الصار لخاطر ابنا عايني عليه ليله
التمسي اليه العذر كولي يحبني يموت بيه وماتحمل
يشوف حالج هيج
اريد ارتاح
ردت هالكلام وراحت تمددت وغطت راسها
عاينت عليها بقهر مااعرف شلون اتصرف
وياها البيه غير زلمه على حرمته
شلون افهمها هالشي
مااعرف
عدالي وره جم يوم تنسى الصار لجن ليله
جان زعلها ثگيل وجافتني مو شهر لا اشهر تصرف
جدام الكل طبيعي لجن بغرفتنا ينزل
عليها برود وجفى مو طبيعي
تحملتها لان احبها هوايه وهم لان جانت
حامل واشوف وضعها مو تمام حتى الاكل ماجاي
تاكل مثل الاول ماكدرت افرض روحي
عليها خفت يصير بيها شي
والوم روحي
ليله
نزلت الدرج على كيفي
اخافن يصير شي مثل ذيج المره
طبيت لمطبخ
صفاء كاعدة تاكل سيف كالت
ها بطه كعدتي
مو بطه وحده كولي عشره
ههه عبالج جذب تره صدك بطنج كلش جبيره
انه ادري هاي بالرابع وهيج لو اطبن شهري
يمكن بعد مااكدر اشوفن رجلي
وكفت اجهز الريوك كامت وكالت
هاج سيوفي انه اسوي الريوك
لاااا خليني انه اسوي مااكدر اكعد احب اتحرك
من اكعد حتى رجلي يمشي بيها
الدم
مريم وزهاء اجني وكفن وياي بالريوك صفيه
سالت
زينب مااجت
لاا يمعوده علي بس اخذها بعد ماشفنها ولا اجت
غير جم مرة
هههه مصدك الاخ
ااي
رديت وكملت وي مريم وزهاء
يله صيحن خواتجن خلي،يخلن الريوك هسه ابوجن ينزل
البنات التمن يمنا وشالن الريوك ودنا للهول انه
بالمطبخ نزل واجه صبح على عمه وصفيه
راح للهول كعد انه كعدت
يم جده لان مااكدر
اكعد بالكاع
اكلت شويه واحس عيونه عليه كمت صفيه
كالت
مااكلتي شي
الحمد لله مااكدر اكل هوايه
رديت ةرحت للمطبخ طلعت لحم وخليته بمعجانه
جبيره حتى يموع كلت خلي اصعد
ارتب غرفتي بين مايكملن البنات غسل المواعين
صعدت بهدؤ رحت لغرفتي كمت ارتب بيها
وخرت البرده وفتحت الشباج عاينت للحديقه دنيا
شتا ومغيمه رجعت ليوره ايد گضتني
وحظني لصدره وشم
رگبتي بنفس طويل
همس
لاااتروحين بداعه الي بطنج
يحلف وداعه ببطني وهو اغلى منه
عيوني غوركت وكلت
رضا عوفني
مااكدر ليله تعبت من هالجفى ووج مو يوم
ولا يومين واحنا بهل الحال صارلج
جم شهر وانتي زعلانه
عليه
سحبت روحي منه مااعاين اله مشيت صاح
بغضب
ليله صبري اله حدود
وكفت وعاينت اله يخزر بيه بغضب كمل
من قرب ليمي
طوووختيها كلش وان جنت ساكت فااانه ساكت
لخاطر الي بطنج
ااي كول هامك بس الولد لان اكتشفت انه بالنسبه الك بس متعه فراش
رفع ايده عليه فزيت ورجعت ليوره وانه فاكه
عيوني صحت وگضيت بطني
خايفه منه
لااااتضربني
لم قبضه ايده خزرني بقسوه اندار اعاين اله يتنفس
بسرعه اندار عليه وكال بخنكه
هذا حدي وياج ماراح ااكضج بعد ابدا لجن
اكلج اتحملي الي راح يصير بيج
مشى من يمي وطلع ركع الباب بقوه رحت كعدت
ابجي واشهك حسيت مغص بطني
كام يروح ويجي خفت
لا يصير شي بابني
كمت شربت دوايه وتمددت بفراشي دمعتي
تنزل ماامسحها الباب اندك
طبت صفاء شافت وضعي اجت بسرعه
كالك
هاا شبيج ليش تبجين
مابيه شي
جاوبتها گوه وشهكت
شنو مابيج شي وانه كاعده اشوفج تبجين
بطني توجعني
سكتت وبعدين ردت بعتب
مو كافي زعل تره رضا اعتذر منج بدل المره
مرتين وانتي خاتون ميبسه راسج وكاعده
تعاندي وهو جار خلك من وره
الي بطنج ولو يريد
جان من زمان جارج من عطوبج
ومخليج ترضين غصب
ماعليج
صفاء مدري شبيه من يروح اشتاك اله وانطي
عذر ومن اشوفه جدامي اعتب علي
والوم بي
ووج خبله انتي ماتعرفي هو نار وشرار ويغار
عليج هوايه والاخذج يكره ويريد ياذي
بعرضه
اعرف والله ااعرف واكول حكه لجن اانه
ردت يصدگني
شهگت وگضيت بطني من وجعتني صفيه
سالت بقلق
توجعج
ااي
كامت بسرعه وراحت من يمي رجعت وي عمه
القلق بوجهها والخوف سالت
شبيج يمه صفيه ادكول بطنج توجعج
عمه كام يزيد الوجع خاف ابني هم راح يروح
مني
رديت بدموع ردت
كوومي خلي اخذج للدكتوره
كمت بدلت الوجع يروح ويجي
نزلت وي صفيه ساندتني طلعنا لبره شفت رضا
واكف يم المضيف ويعاين النا عرفت
عمه كالت اله
صعدت ليوره ووياي صفيه وعمه كعدت يم
علي طلعنا ماعاينت اله عيوني مغوركه
ومقهوره منه كلش
لان رفع ايده
عليه
وصلنا للعياده غسلت وجهي بالصحيات
طلعت لكيت صفاء جايبتلي
عصير وبطل مي اخذت المي وعفت العصير لان نفسي تلعب
نص ساعه واجاني السره طبيت للدكتورة
مالتي جانت تكعد الصبح فحصتني
وكالت
ها شنو ليله عندج تقلصات كلش قويه الدوه
جاي تاخذي بوكته
اي دكتوره
اانتي مااجيتي ذاك الشهر موو
اي
ولا سوينا سونار
لا دكتوره ماسويت ابد
تمام هسه اسوي الج واشوف الطفل ووضعه
خلت الجهاز وكامت تفحص انتبهت عكدت
حواجبها وركزت بالشاشه ابتسمت وعاينت عليه
عمه سالتها بلهفه
دكتوره شنو بيها
حجيه اريد البشاره منج
وولد يمه
عمه صاحت بفرح الدكتوره ضحكت وردت
ولدين حجيه
عمه صفنت عليها وبعدين عليه كمت من اشرت
اليه مذهوله صفيه سالت بفرح
يعني شنو توم دكتورة
اي عيني توم ولد وصحتهم مثل الورد
عمه نزلت للگاع وسجدت وهي تبجي وماتعرف
شتحجي
سالتها بدموع
دكتوره صدك بيه توم
اي ماما وهذوله شوفيهم
شوفتني صورتهم صفيه كالت
وج اي مبينين ذوله اثنين
يعني ماكو غلط
سالتها
لااا صلاوات حجمهم جبير ومبين ولد وواضحين
عمه اجت حبتها وكالت
بشارتج تجيج دكتوره ومن هاي الي بگلبج
ههه تسلمين حجيه جنت اشاقه وياج
ابدا لااا والله مادام فرحتي گلبي الا افرحج
بهديه تفرح گلبج انتي هم
شكرا عمري هاي فرحتكم اكبر هديه اليه
وهسه اريد اوصيج على ليله لان جاي اشوفها
ضعفانه كلش ووجهها اصفر اريد تاخذين هالمقويات
ودوه مال تقلصات ثاني عند الحاجه
فقط تاخذي وهسه فورا
تاخذين وحده حتى ترتاحين وتفكج
هالتقلصات
ااي هسه نجيبه الها وتشربه بالسياره
طلعنا فرحانين عمه گاضتني وخايفه عليه هي
وصفيه جابت الدوه رجعته
للدكتوره وبعدين اجت
صعدنا وي علي رجعنا للبيت اجنت
اريدن بس اوصل واشوف رده فعل رضا من
يسمع بيه توم ولد نسيت زعلي
منه وجنت متلهفه اشوف
فرحته بيهم
وصلنا ادور بعيوني علي ماكو حتى مااتصل
طبينا من المطبخ جده كاعده بي سالت
من شافتنا
ها يمه شكالت الدكتورة
عمه صلي على النبي
جده عاينت لعمه وبعدين اليه وجهها فرح
وكالت
ولد موو
عمه كامت تبجي وردت بخنكه
توم ولد ياعمه
ياالله
خطيه صاحت بفرح وكامت لحيلها اجت
عليه رحت الها حظتني وكالت
اللهم صل على محمد وال محمد ووج يمه
شنو هالخبر الحلو رديتلي روحي
من سمعت الله عوضنا
عن الراح باثنين
عيوني غوركت بجيت صفيه كالت
اش لاتبجين وامشي ارتاحي بالغرفه الجوه
لاتصعدين بعد لفوك استري علينا منا الما اجيبهم
ااي يمه الغرفه بالممر اخذيها الج تراه بيها
حمام وجبيره كلش
مريم وين ابوج
عمه سالت
ابويه اجه واخذ جنطه هدوم صغيره وكال
هو راح يروح بشغله
وين راح ماكلج
لا والله
نزلت راسي
مشيت من يمهم
صعدت لغرفتي ابدل وانزل اليه هدوم
للغرفه الجوه كلت خلي اتمدد لان وجعي بعده
بدلت تمددت بفراشي اعاين لجهازي
اريد اتصل بي لجن
زعلانه لان ابدا ماسأل عليه وره مشوار
صفيه طبت شايله صينيه غده
اجت ليمي سالت
ها شلونج هسه
الحمد لله خف الوجع
تغدي حتى تشربين بقيه الدوه
كعدت يمي سالتها بخجل
عمه خابرت رضا
اي دكت علي يطلع جهازه مغلق
ذبيت حسره كالت
هذا زعل عليج واكيد راح للكربلاء لو لبغداد
يزور ويريح باله شويه ويرجع
اي اعرف طبعه من يضوج يروح لهناك
رديت وسكتت كامت وكالت
اكلي لاتظلين جوعانه مو زين على ولدج
هزيت راسي باي طلعت من يمي
وخلتني وحدي
اليوم مر شطوله وابدا ماحصلنا رضا نمت دمعتي
بعيوني كعدت ادور علي ماكو
ذبيت حسره من گلبي وكمت وانه احس بروحي شويه احسن من اابارحه
رتبت الغرفه ونزلت على كيفي نزلت لجوه
عمه تلكتني سالت
ها يمه شلونج اليوم
الحمد لله احسن من البارحه
اامشي اكعدي كلشي لاتسوين اليوم
اليوم مشى مثل كل يوم ورضا مابين
الكل حس بيه متكدره من وره غيابه
بس محد حجه شي
للعصر صفاء ردت تروح للسوك تشتري كم حاجه لبنات رضا لان انه ماأكدر اطلع مثل الاول واشتريلهن
سالتني شاريد كتلها
جيبلي شي عريض البسه من انام كل
العندي ضيك
اي من عيني
طلعت هي وزينب الي جانت مسيره علينا بذاك اليوم وانه التهيت وي جهالها الي عافتهم يمي
رضا
كاعد بالمضيف مالتي وسمعت جدي طالب يريدن يروح يزور جدي موسى الكاظم.
كتله اروحن وياك
كال يله خلنا نتوكل
رحت للبيت خذيت كم حاجه لان جدي كال نبات كم يوم ونرجع
طلعنا بوجهنا لبغداد كلت خلني ازور بلكي يبرد گلبي لان ليله دلست بيه هوايه وقهرتني
وصلنا وطبينا زرنا وتذكرت من جينا انه وليله زرنا وشلون افترينا سووه واحنا فرحانيين
كملنا ودعيت براحه البال الي ولامه محمد
طلعنا للفندق وخذينا غرفه علمود
نرتاح بيها تمددت وانه بعالم ثاني بالي يروح ليمها ويرد
سمعت جدي نده بأسمي
رضا
ها جدي
شبيك يبعد ابوك احجي وياك وانته بغير عالم
ماكو شي جدي امور دنيا ودايخ بيها
يبعد جدك هونها وتهون وتراها
حقها تزعل عليك
تفاجأت من حجه
هيج بسم وكمل
لاتتفاجأ تراني ادري كل شي
وهاي الشيبات تشهد
تعبتني جدي
اي حگها يابعد جدك لو ما حره مازعلت هذا الزعل القوي
سكتت وهو كمل
شوف وليدي حرمتك اثبتت هي شيخه مره
شيخ لان مارضت الك تعاين الها
بنظره شك
اعرف لجن انه ماظل عقل براسي من شفت
حالها شلون صاير
اي حگك بويه وهي هم حقها واكلك سايسها يبعد
ابوك وجيبها بهدؤ لاتعصب اعرفك نار
ماتتحمل الحجايه لاتزيد
النار طفيها بعد جدك
هزيت راسي باي كمل بضحك
كووم خل نتعشه
نزلنا ورحنا اكلنا بمطعم قريب على الامام
كملنا ورحنا نتمشه ونشتري كم حاجه للبيت
شفت محل حلويات تذكرت ليله تحب الحلويات
بليل رحت اخذت الها ولاهلي
ولصفاء هم خذيت
كملنا ورجعنه لغرفتنا نريد
نريح شويه
ﺭﺟﻌﻨﺎ ﻟﻠﻌﻤﺎﺭﻩ ﻓﺎﻳﺖ ﻭﻛﺖ
ﻭﺻﻠﺖ،،،،،، ﺟﺪﻱ ﻃﺎﻟﺐ ﻟﺒﻴﺘﻪ
ﻭﺭﺩﻳﺖ ﻟﺒﻴﺘﻨﺎ
ﻭﻛﻔﺖ ﺳﻴﺎﺭﺗﻲ،،،ﻳﻢ ﺍﻟﺒﺎﺏ
ﻭﻧﺰﻟﺖ ﺳﻠﻤﺖ ﻋﻠﻰ ﺍﻟﻮﻟﺪ ﺍﻟﻮﺍﻛﻔﻴﻦ
ﺣﺮﺍﺳﻪ ﻭﻃﺒﻴﺖ ،،،ﺍﻟﺒﻴﺖ ﺟﺎﻥ ﻫﺪﺅ
ﻻﻥ ﺍﻟﻜﻞ ﻧﺎﻳﻢ،،،ﻣﺸﻴﺖ ﻟﻠﺪﺭﺝ
ﻭﺻﻌﺪﺕ ﻛﺒﻞ ﻟﻐﺮﻓﺘﻲ
ﻭﺑﮕﻠﺒﻲ ﺷﻮﻭﮒ،،،ﻟﻠﺴﺎﻛﻨﻪ ﺑﻴﻬﺎ
ﻓﺘﺤﺖ ﺍﻟﺒﺎﺏ ﻭﻃﺒﻴﺖ ﻭﻭﻛﻔﺖ ﻣﻦ
ﺍﺟﺖ ﻋﻴﻮﻧﻲ ﻋﻠﻰ ﺍﻟﻨﺎﻳﻤﻪ،،
ﺑﻔﺮﺍﺷﻬﺎ
ﺟﻤﺪﺕ ﺑﻤﭽﺎﻧﻲ ﻭﻣﺎﺣﺴﻴﺖ ﺑﺮﻭﺣﻲ
ﺷﻠﻮ ﺳﺪﻳﺖ ﺍﻟﺒﺎﺏ ﻭﺭﺍﻱ
ﻣﺸﻴﺖ ﺍﻟﻬﺎ،،،،،،ﻭﺍﻧﻪ ﺍﺭﺩﺩ
«شوف العذاب يارضا
جانت لابسه دشادشه دلع حلوه وطالعه تخبل بيها
ﺗﻤﺪﺩﺕ ﻳﻤﻬﺎ گربت وشميتها بنفس طويل
ﻇﻠﻴﺖ ﺍﻋﺎﻳﻦ ﻋﻠﻴﻬﺎ ﺑﻠﻬﻔﻪ
« ﺍﺥ ولج كافي زعل وتعالي لحظني
همست هي نايمه
« ﺭﺿﺎ ﻣﺸﺘﺎگه ﺍﻟﻚ،،
اخذتها لحظني وكلت
« ﻣﺸﺘﺎﮔﻠﺞ،،،ﻳﺮﻭﻳﺤﻪ ﺭﺿﺎ
ﻭﮔﻠﺒﻪ،،،
فتحت شافتني ابتسمت
حظنتني من رگبتي وكالت
« ﻭانه هم اشتاكيت الك وتعبني هالشوك
سكت يعاين اليه والوجه يضحك كلت
«زعلانه عليك شلون تعوفني وانه مالي خلك
« حگج لجن جنت مخنوك ومقهور منج وكلت
خلي ابعد حتى مااطلع قهر گلبي بيج
وارتحيت من بعدت عني
لااا والله هناك وافكر بيج شسويتي بيه
يبنت گلبي وليش هيج احبنج
ﺍﺑﺘﺴﻤﺖ اليه حبيتها من خدها كالت
« ﻋﻨﺪﻱ ﺧﺒﺮ ﺣﻠﻮ ﺍﻟﻚ ﺭﺍﺡ ﻳﻔﺮﺡ
گلبك
« ﺍﺣﺠﻲ،،،،،،ﺷﻨﻮﻭ ﺍﻟﺨﺒﺮ ﺍﻟﺤﻠﻮ
كعدت تعاين عليه بفرح كالت
« ﺍﻟﻴﻮﻡ ،،،،، ﺭﺣﺖ اﺧﺬﺕ
ﺳﻮﻧﺎﺭ ﻭﻃﻠﻊ،،،، ﺑﻲ ﻭﻟﺪ
گلبي فز من الفرح وصحت
« ﺻﺪﮒ،،،وج يعني العوض اجاني بدل الراح
« ﺍﻳﻲ والحمد لله لجن يعني
شنوو ليله ااحجي بيج شي هم بيهم
شي
عاينت عليه الوجهه يضحك والعيون مغوركه
ردت
« ﺍﻧﻪ ﺣﺎﻣﻞ ﺑﺘﻮﻡ ﻭﻟﺪ
ﺻﻔﻨﺖ ﺑﻌﻴﻮﻥ،،،ﻟﻴﻠﻪ ﻭﺍﻟﮕﻠﺐ مااعرف شصار بي
ﺣﺠﻴﺖ ﺑﺼﻮﺕ ﺑﺼﻌﻮﺑﻪ ﻃﻠﻊ
« ﻟﻴﻠﻪ،،،ﻻﺗﺸﺎﻗﻴﻦ ﻭﻳﺎﻱ هيج،،ﺗﺮﻩ ﮔﻠﺒﻲ
ﻣﺎﻳﺘﺤﻤﻞ،،،
« والله مو شقه طلعو بالسونار وعمه وصفيه
شافتهم
رديت بخنكه
« ﻳﻌﻨﻲ ﺭﺍﺡ ﻳﺠﻴﻨﻲ ﺷﺒﻞ
ﻭﻭﻳﺎ ﺍﺧﻮﻩ
« ﺍﻱ رضا ﺍﻟﻠﻪ ﻋﻮﺿﻨﺎ ،،،،ﺑﺪﻝ ﺍﻟﻮﺍﺣﺪ ﺍﺛﻨﻴﻴﻦ
ﻣﺎﺗﺤﻤﻠﺖ ﺍﻟﺨﺒﺮ ﻭﺣﺠﻴﺖ ﺑﺸﻚ
« ﻭﻟﺞ ﻟﻴﻠﻪ ﺍنتي متأكده،،،ﻳﻌﻨﻲ
ﺷﻔﺘﻴﻬﻢ ﺍﺛﻨﻴﻴﻦ
« ﻫﻬﻬﻪ ﺍﻱ ﻭﺍﻟﻠﻪ ﺷﺒﻴﻚ ﻣﺎمصدك كالت
اثنين وصحتهم زينه
كمت وسجدت لله سجده شكر عيوني غوركت
ودعيت هي ادكوم بالسلام وافرح بيها
وبيهم
كعدت يمها متاثر كلش وماجاي اصدك الله
عوضني عن الراح باثنين اردد
الحمد لله والشكر يارب
لمتابعة باقي الرواية زوروا قناتنا على التليجرام من هنا
