رواية يا بعد كل معاناتي الفصل الثاني عشر 12 بقلم زينب ماجد
علي.. مندمج وياها وشفت اهلي اباب بيتي هرعت طفيت ونزلت وكلت هلا يابه شلونج يمه وهمه يباوعون الشهد نزلت من السياره ووكفت وراي
الاب.. منو هاي
علي.. اتفضلو جوه وبعدين نحجي
الاب.. شتفضل خبصت الدنيا واني اخابرك وماكو تالي الكاك تتونس وتجيب كح.. للبيت هاي تالية تربيتي بيك تسوي بيتك دعاره وتلفي نسوان عواهر
علي.. اتلمست جيبي موبايلي ناسيه ولا اتذكرته ابد كتله يابه مو هيج السالفه دفوتو خل افهمكم فضحتوني بين الجيران دفوتوا لخاطر الله
دخلتهم ودخلت شهد وياي وبقت واكفه وراي
الاب.. لا وادخلها بحضورنا انته صدك ما تستحي
علي.. يابه مو مثل ما فاهم اني جنت ناوي اجيكم اليوم وافهمكم السالفه
الام.. يا سالفه ولك دحجي منو هاي
علي.. باعو هذي شهد حبيبتي واني ناوي اتزوجها وجنت اريد اجي علمود ابلغكم بالموضوع
الام.. شلون شلوووووون تتزوج بنت شوارع
علي.. يمه لخاطر الله الفاظج وبعدين هاي اللي تكولين عليها بنت شوارع عقدت عليها اليوم وصارت مرتي
الاب.. ولك كلب تتزوج بدون علمنه
علي.. مقرر انطيكم خبر اليوم وجنت متوقع هذي ردة فعلكم لذلك عقدت عليها لحته متجبروني اتركها مثل مجبرتوني قبل وزوجتوني ميعاد
الام.. ولك هاي تجيبها ويه ميعاد تتزوج من الشارع ولك اغم
علي.. يوووم لخاطر الله اتفهموني ولو مره بحياتكم وخلوني اني اقرر حياتي هاي زوجتيني بكيفج وجبتيلي ميعاد شستفاديت كوليلي
الام.. ولج تلعبين بعقل ابني ساقطه وهديت عليها ردت اضربها ختلت وره ضهر علي
علي.. يمه حدج اهنا لخاطر الله كتلج هاي مرتي صيحت ممنوع تتجاوزين عليها
الاب.. ولك عيوي تعلي صوتك عل امك بسبب وحده ما نعرف اصلها منين ابن الكلب
علي.. اشرت الشهد اصعدي فوك ..يابه افهمني لخاطر محمد افهموني احبها تعرف شنو احبها والله احبها
الاب..باوع ولك اختار يا اهلك يا هاي
علي.. يابه لتخليني بهيج موقف الله يخليك ما اكدر اعوفها ما الها غيري بالدنيا والله يتيمه لا اب ولا ام
الام.. هله هله انوووب نغله وبت حرام حته ما عدها اهل
علي.. يمه نغله شنو الخاطر الله اهلها ما صار 3 اشهر من ماتو واخوتها…. اجيت احجي واكولهم بالسجن وسكتت
الاب.. اي وين اخوتها
علي.. يابه اخوتها حقراء ويمشون وره نسوانهم وطردوها
الام.. لو ما كاسره ووجوهم ما طارديها
علي.. يمه لو كاسره وجوهم جان ذبحوها مو يطردوها بس كتلج حقراء
البنيه مالها غيري وما اعوفها والله واتراب اخوي
الاب.. خوش بويه تعوف اهلك علمود هاي ابقه وياها ولا انا ابوك ولا هاي امك وما اريد اشوف وجهك
علي.. يابه دخيلك لتخليني بهيج موقف يابه يابه طلع استغفر الله شسوي
صعدت لشهد لكيتها صايره وصلتين من البجي اخذتها لحضني وكتلها لتخافين ما اعوفج والله
شهد.. باوعتله وكتله لا علي عوفني ذوله اهلك لتبعهم علمود ما استاهل خليني اروح
علي.. شنو شبيج شهد عندي لبلبي وابيع واشتري.. انتي مرتي وهمه اهلي ومردهم يوافقون لو بعد سنين هذي حياتي ولازم يحترمون قراري
اتمددت وسحبتها وخليتها عله صدري وبقيت افكر دخت وهيه تبجي عله صدري واني اطبطب عله ضهرها لحد ما حسيتها ثكلت عله صدري
باوعتها نايمه خليتها عله ايدي وحضنتها ونمت..
شهد.. كعدت اباوع نايمه عله صدره وهوه محاوطني بثنين اديه ونايم بملابسه حته الحذاء منازعها سحبت روحي منه بهدوء
نزعت الحذاء من عنده حس وتحرك بس ما كعد دار وجه ونام غطيته وبسته براسه رحت بدلت وسبحت وطلعت
احس بطني تزقزق من الجوع ردت اطلع خاف ما يقبل فتحت تلفزيون وكعدت كلت من ينزل هوه يجيبلنا ريوك لشوي نزل كال
علي.. صباح الخير
شهد.. صباح الانوار حياتي
علي.. كعدت راسي ميت من التعب مسطور شلون راح احلها ويه اهلي
شهد.. علي
علي.. همممم باوعتلها
شهد.. ريوك
علي.. ها اي هســۣۙـۣۛـ❀ـٰٰهہ
شهد.. ردت اروح اني اجيب من المحل خفت متقبل
علي.. درتلها بغضب صيحت علمود اكسر رجلج صيحت ممنوع توصلين باب البيت هنا مكانج
شهد.. احس العبره وكفت ابلعومي خنكتني.. كتله ماشي افتهمت كوه حجيتها ورحت للمطبخ كامت دموعي تنزل حسيت بيه اجه مسحت دموعي
كال سوي جاي عله ما اجيب ريوك وصمون ما اتٲخر كتله ماشي طلع اخذت نفس وكلت لازم اتحمل وما اضعف وابجي كدامه يكفيه متحمل كلهامصايب علمودي
واجي ادلل وابجي براسه خليت الجاي علنار هادئه فتحت التلفزيون عله قران عليته بالبيت وكمت مسحت البيت هوه نضيف بس تراب مال جوه لازم اعيد عليه
كملت بسرعه دخلت للحمام كاعد اسبح سمعته فتح باب البيت صاح شهد وينج طلعت راسي من الباب هسه دا اسبح كملت
غسلت بسرعه بدلت وطلعت لكيته ماكو وعلاكة الريوك علكاونتر اخذت البيض خليته بمي سلكته ورحت مشطت شعري ورجعت طفيته
ووكفت دا اكصص زلاطه ما احس ال مد اديه حول خصري وباس كتفي وخله راسه عليه من وره وهمس
علي.. كعدت دايخ وراسي يوجعني وهيه كالتلي ردت اطلع وحدي انفجرت بيها وعفتها ورحت بس عرفت هيه ضاجت جبت الريوك واجيت صحت عليها سمعتها حاجتني بالحمام
عفتها ورحت اطلع اليه ملابس نزلت لكيت الحمام فارغ دخلت سبحت طلعت رحت لكيتها واكفه تكصص زلاطه
ابتسمت واتقربتلها ومديت اديه حول خصرها وبست كتفها وخليت راسي عليه وهمستلها زعلانه مني
شهد.. لا ابد ليش
علي.. اسف انفجرت بيج بس والله نفسيتي تعبانه
شهد.. درت نفسي وانتجيت علكاونتر وباوعتلها كتلها تمون حبيبي ليش ازعل منك وانته متحمل كل هلاذيه علمودي
علي.. شهودتي باعي لو اعرف احارب الامه كلها وما اتنازل عن شعره وحده منج لج انتي الهوا الاتنفسه والله
شهد.. فديت كلبك اني يبختي بيك حبيبي
علي.. وشغله ثانيه حياتي هنا ممنوع اطلعين لاي مكان بيئتنا تره مو مثل بيئتكم عدنا هنا المره ممنوع تطلع الا وياها رجال
انتي شنو تحتاجيه كتبيلياه اني اجيبه او نروح سوه اني وياج للسوك ونتسوك أوگيـ Ok ـٍہ حياتي
شهد.. اوك حبيبي
علي.. حب لازم تتعودين عله طبعنا هنا صح شوي صعبين بس شوي شوي تاخذين علينا مجتمعنا فاشل لو شاف مره تفتر وحدها ذب عليها الف تهمه واني اتخبل وانجن لو واحد يجيب سيرتج
شهد.. بست خده ادلل حبيبي انشالله اتعلم اخذت اديه من خصري وكتله اني من ايدك هاي لايدك هاي وبسته بحرحارة اديه
علي.. اويلي عليج اويلي لج لا عاب حلكه السماج شهد لج انتي عسل والله عسل واخذتها ابين اديه حضنتها
شهذ.. هههه خليت راسي عله صدره وهوه عاصرني حيل ابين اديه و ياخذ نفس حيل ويرجع احس اصعد ويه نفسه وانزل باوعتله كتله الله لا يحرمني منك
علي.. ولا منج اللهم امين
شهد.. ئئووووو ابعد ابعد الريوك برد والبيض صار لاستيك
علي.. فديتها لام البيت فديتها وبقيت اكوش بشعرها
شهد.. علييييي هستوني مشطت
علي.. ههههه اوك يله راح احضر وياج الصينيه جبت الصينيه وخليت كلاصين هيه خلت ماعون جبن وكيمر اني خليت الشكر وهيه البيض وزلاطه
اخذت الصينيه وتكلي يله جيب الصمون والجاي وتعال ورايه وتضحك ضحكت كتلها تٲمر عريفي واخذتلها تحيه واضحك
اخذت الجاي والصمون ورحت كعدت وياها علصينيه ناكل باوعتلها كتلها تدرين هسه المفروض صباحية عرسنه لان البارحه اتزوجنه
شهد.. بس ما اتزوجنا رسمي رسمي هيج بس حجي 😪
علي.. فتحت عيوني عله كبرهن 😳😳😳كتلها تردين
شهد.. اي لعد ليش شنو بيه جفاف 😌
علي.. 😳😳😳 احتركو اهله الما يرضيج هسه 😃غالي والطلب رخيص كومي 😍
شهد.. لا لا جذب يمعود اكعد اكعد مو هسه
علي.. خب دكومي ام كرش تلحكين علاكل مراح يطير
شهد.. ولا انته راح اطير😒
علي.. خب دكومي شنو تحرمصيني وبعدين تكوليلي ماكو كومي لا اسحلج غصب وعلي
شهد.. باوع حبيبي صح احبك بس الاكل يبقى حبي الاول ومستحيل اخونه واروح وياك اكمل ويصير خير😌
علي.. طن. 😢 ولج تحبين الاكل اكثر مني😓
كاعد احجي وياها ودك الموبايل رفعته طلع اخوي علاء كال تعال فهمنا قصتك شنو ومنو هاي البنيه ومنين كتله هسه دقايق واني يمك
باوعتلها هيج 😬 وهاي طرت منج كمت وغميتها بثنين اديه وكتلها خلي حبج الاول يفيدج
شهد.. 😐😐😐 هاي الغمه عليه ☹ باوعت للاكل كتله باوع اتحمل الاهاين والمصايب كلها علمودك وما اعوفك حبيبي واخذت لكمه وخليته بحلكي 😋
علي.. خبال اي والله خبال يلفطيره ههههه
شهد.. هم كال الفطيره😑
علي.. هههه يله حبيبي مع السلامه يمكن ارجع بليل لان من اهلي وراح اطلع للشركه ديري بالج عله نفسج ولا اطلعين وشتحتاجين خابريني بوبستها من خدها وطلعت
شهد.. مع السلامه يروحي محروس.. اباوع البيت كله نضيف شسوي انوب شبعانه نوم هفففف فتحت الفون وكعدت علنت قضيت وقتي.
لشوي خابرته 📱📱📱
شهد.. ها حبيبي
علي.. ها حياتي
شهد.. شلونك
علي.. الحمدلله تمام شكو ماكو شسويتي
شهد.. كولشي مسويت ..اهلك شسويت وياهم
علي.. شسويت وياهم ابوي بعده قافل وامي كذلك حجيت ويه اخوي الجبير وقنعته كال روح اني احجيلك وياهم
شهد.. اها.. زين بلكت يقنعهم ..انته وين
علي.. بالشركه اكمل وارجع تحتاجين شي
شهد.. حبيبي اذا تكدر تتسوك للبيت لان الثلاجه فارغه
علي.. بعيني اكمل وامر للسوك بعد عندج شي
شهد.. لا حبيبي سلامتك فدوه لكلبك
علي.. حبيبت كلبي انَـỲǑŲـْتي باي
شهد.. باااي ..دخلت للحمام سبحت ونضفت ولبست ثوب قصير سرحت شعري وخليت مكياج خفيف وانتضرته لليل يله اجه
تلكيته من باب البيت اخذت منه العلاليك مال المسواك هوه انطانياهن ورفع راسه بقه صافن ابتسمت ودخلت للمطبخ اعزل بالمسواك وهوه مكابلني
وكل شوي يجي يمي بحجة ياخذ شغله علمود يطخني اني مغلسه 😌 اول ما اتقرب كال ولج شطالعه ادري كمر ابتسمت اخذني بين اديه حضني راد يحجي ودك موبايله
علي.. كملت شغلي ورحت اتسوكت ورجعت للبيت دخلت لكيتها غير😍😍 بويه طيرت عقلي من راسي ومسويه روحها ما مهتمه😒
بقيت الف حواليها الى ان اتقربت منها اخذتها لحضني دا اتغزل بيها ودك اخوي علاء اهووووو خره بغيرتك ادري هسه وكتها كل ما حاولت ارهمها دخلت بنصنا
رفعت الخط كتله هاااا علاء شرايد
علاء.. وثول هوه هيج اليرد شرايد ماكو سلام
علي.. دحجي يا خويه اني ديني مستلك وانته جاي ادور سلام براسي
علاء.. خير شكو صاير شي
علي.. ولك خويه ادري انه عريس لو سايق ستوته دخليني اشوف حالي كل شوي مخربها
علاء.. هههههه لا يا ساقط يريد يتونس ابن المحضوضه دتعال تعال خل ابوي اليوم يتونس بيك😂
علي.. ها خير شصاير
علاء.. تعال وانته تفتهم
علي.. خب دحجي شبيك
علاء.. والله ما اعرف كال خابر اخوك خل يجي
علي.. اي مو عله اساس ما عنده رقمي ويخليك انته تخابرني ..يله يله مسافة الطريق واني يم اهلي الكاك هناك..
لمتابعة باقي الرواية زوروا قناتنا على التليجرام من هنا
